4, డిసెంబర్ 2022, ఆదివారం

సమస్య - 4269

5-12-2022 (సోమవారం)
కవిమిత్రులారా,
ఈరోజు పూరింపవలసిన సమస్య ఇది...
“తాటకి పూజ్యురాలనుచుఁ దాపసులెల్లరు గొల్చి రింపుగన్”
(లేదా...)
“పూజ్యురాలు తాటకి యని మునులె యనిరి”

19 కామెంట్‌లు:


  1. ధర్మముఁ నిలుప ధరణిని దానవులను
    సంహరింపక తప్పదో సత్య వ్రతుడ
    యాడ దనుచు శంకనుమాను యాతు వులకు
    పూజ్యురాలు తాటకి యని మునులె యనిరి.

    రిప్లయితొలగించండి

  2. సాటియె లేనిమేటి గుణసంపద గల్గిన నీకు వందనం
    బేటికి సంశయించెదవొ యిజ్యను రక్షణ జేయగోరి యీ
    చోటుకు జేరినట్టి ఘన శూరుడ పుణ్యజనాళి కెల్ల యీ
    తాటకి పూజ్యురాలనుచు, దాపసులెల్లరు గొల్చిరింపుగన్
    బోటిని కాటికంపనను భూపతి పంక్తిరథాత్మజుండనే.

    రిప్లయితొలగించండి
  3. తేటగీతి
    రక్తధారలు గురిపించు ప్రబలమైన
    రక్కసిని గని యెవరంచు రాముఁడడుగ
    "బలయుతులగు మారీచ సుబాహువులకు
    పూజ్యురాలు తాటకి"యని మునులె యనిరి.

    రిప్లయితొలగించండి
    రిప్లయిలు
    1. ఉత్పలమాల
      సాటియురారు నీకెవరు సంగరమందునటంచు పల్కగా
      మాటికి మాటికిన్ వివిధ మాయలతో బెదిరించుచుండి,పో
      రాటము సేయ నాయమను రాముఁడు ద్రుంచెను రాక్షసాళికిన్
      తాటకి పూజ్యురాలనుచు దాపసులెల్లరుగొల్చిరింపుగన్.

      తొలగించండి
  4. ఉత్పలమాల
    దీటుగ రామలక్ష్మణులు దిగ్విజయమ్ముగ గావయజ్ఞమున్
    వేటుకు రామబాణహతి వీడగ ప్రాణము ధన్యురాలటం
    చాటవిఁ గ్రూర రాక్షసులు నాయమనెంచఁగ వారిపాలిటన్
    దాటకి పూజ్యురాలనుచుఁ దాపసులెల్లరు గొల్చి రింపుగన్


    తేటగీతి
    మౌనియజ్ఞము గాచిన మాన్యుడైన
    ధర్మమూర్తి రాముని బాణ ధాటికచటఁ
    గూలె, ధన్యురాలన రాక్షసాలి పాలి
    పూజ్యురాలు తాటకి యని మునులె యనిరి

    రిప్లయితొలగించండి
  5. కలికి కారణ మయ్యెను కదన మునకు
    ననుచు కొందరు పల్కగా నసు రులకు
    పూజ్యు రాలు తాటకి యని మునులె యనిరి
    నిజము గాతోచు నయ్యది నిశ్చ యముగ

    రిప్లయితొలగించండి
  6. శాపవశమున రాక్షస సత్వమొంది
    కుంభకర్ణ, రావణులగు కొమరిసుతుల
    కవ్వవై,విజయ జయుల కభవమిడిన
    పూజ్యురాలు తాటకి యని మునులె యనిరి

    రిప్లయితొలగించండి
  7. యజ్ఞ నాశన మొనరించు యక్షరాక్ష
    సినిగని యెవరీమె తెలుపుమనుచు నడిగె
    నత్తరమున నగస్త్య మహర్షి భార్య
    పూజ్యురాలు, 'తాటకి' యని మునులె యనిరి

    రిప్లయితొలగించండి
  8. యక్షవరుఁడు సుకేతున కంచితముగఁ
    దపము నొనరింప నిష్ఠఁ బెద్ద సమయమ్ము
    బ్రహ్మ యొసఁగిన ముద్దుల పట్టి యనుచుఁ
    బూజ్యురాలు తాటక యని మునులె యనిరి

    చేటొన గూర్ప నిట్లన విచిత్రము మార్పకుమీ చరిత్రమున్
    వీటఁ జెలంగు పిల్లలకుఁ బ్రీతినిఁ జెప్పుమ సత్య మెప్పుడుం
    బాటవ మొప్ప చెప్పుమ యబద్ధము నాడక యే యుగమ్మునం
    దాటక పూజ్యురా లనుచుఁ దాపసు లెల్లరు గొల్చి రింపుగన్

    రిప్లయితొలగించండి
  9. గాటఁపు దీక్షతోమునుల గాసిలజేయుచు యజ్ఞయాగముల్
    తాటకి యడ్డగించునెడ తద్దయు శౌర్యగుణమ్ముతోడ ఘో
    రాటవియందు దాశరధి యాపెకు ముక్తిపథమ్ము జూపనా
    తాటకి పూజ్యురాలనుచుఁ దాపసులెల్లరు గొల్చి రింపుగన్

    రిప్లయితొలగించండి
  10. అసురసంహారమొనరింప యవనియందు
    హరియె శ్రీరామచంద్రుడై యవతరించె
    నట్టి రాముని చేతిలో నంతమొందె
    పూజ్యురాలు తాటకి యని మునులె యనిరి

    రిప్లయితొలగించండి
  11. వేటకు వచ్చిపైబడిన భీకర సింహము రీతి దూకగా
    చేటునెరుంగలేక, కడు శీఘ్రముగా, గని సంహరింపగా
    నాటిరయమ్ము బాణముల నాతిని, రాముని చేత జచ్చె నా
    తాటకి పూజ్యురాలనుచుఁ దాపసులెల్లరు గొల్చి రింపుగన్

    రిప్లయితొలగించండి
  12. పూజ్యురాలు తాటకి యని మునులె యనిరి
    యట్లు బలుకని మునులకు హాని కలుగు
    బ్రదుక నీయరు వారిని రాక్ష సులుసు
    నిర్దయులగుటచేఁ దప్పనిసరి యదియ

    రిప్లయితొలగించండి
  13. తాటకి పూజ్యురాలనుచుఁ దాపసులెల్లరు గొల్చి రింపుగన్
    దాటకి కీ విధంబుగను దండముఁబెట్టుచు జీవనంబునున్
    దేటపడంగ జేయుటకు దీనపు జీవిత మొందుచుండిరే
    తాటను దీయుమా సరగు తామస శ్రేష్ఠుడ! కోసలాధిపా!

    రిప్లయితొలగించండి
  14. ఉత్పలమాల
    చేటును గూర్చె ఋత్విజులు చేసెడి యాజికి రక్కసీడులున్
    దీటుగ గూల్చు శీఘ్రముగ తీవ్ర శరమ్ముల తోడ రాఘవా,
    తోటి నిశావిహారులకు, దుష్ట సుబాహు దళాల వారికిన్
    తాటకి పూజ్యురాలనుచు, తాపసు లెల్లరు గొల్చిరింపుగన్.

    ప్రబల వేంకట సుబ్రహ్మణ్య శాస్త్రి
    ఉండవల్లి సెంటరు.

    రిప్లయితొలగించండి
  15. ఉ.

    దీటుగ రాక్షసుల్ తపము దేవతలన్ గెలవంగఁ జేయుడిన్
    కోటలు దేశముల్ విడిచి కోరికగా నమరత్వమున్ భువిన్
    పోటున దైత్యతాపసులు పోడిమి నొందిన మాంసభక్షకుల్
    *తాటకి పూజ్యురాలనుచుఁ దాపసులెల్లరు గొల్చి రింపుగన్*.

    రిప్లయితొలగించండి
  16. మాటుననుండియాగమునమాయలచేయుచునట్టహాసమున్
    చీటికిమాటికిన్ మునుల చిత్తము లాగగ చంపెవీడకన్
    తాటకి పూజ్యురాలనుచు దాపసులెల్లరుగొల్చిరింపుగన్
    సాటియులేనివీరుడనిజానకిరామునినెల్లవారలున్

    రిప్లయితొలగించండి