14, నవంబర్ 2010, ఆదివారం

సమస్యా పూరణం - 150

కవి మిత్రులారా,
ఈ రోజు పూరించ వలసిన సమస్య ఇది .....
రాగ తాళ దారిద్ర్యమ్ము రక్తి కట్టె.

9 కామెంట్‌లు:

  1. సువర్ణ కుసుమమైన శాస్త్రీయ సంగీతము
    శ్రుతులు మారి గతులు తప్పగా
    నేటి ఈ మరమనుష్యుల మధ్య
    రాగ తాళ దారిద్ర్యమ్ము రక్తి కట్టె.

    రిప్లయితొలగించండి
  2. 'పశ్చిమపు గాలి' ధాటికి భరత ధాత్రి
    నృత్య రీతులు కళ దప్పె నేడు, ప్రబలి
    రాగ తాళ దారిద్ర్యమ్ము, రక్తి కట్టెను
    నాడు శాస్త్రోక్త రీతిని నాట్య మలరి.

    రిప్లయితొలగించండి
  3. పద్యం వ్రాశాను కాని నాకే యేదో తేడాగా అనిపిస్తోంది. నాట్యము కన్నా సంగీతానికి అన్వయిస్తూ చెపితే బాగుండేదేమో.

    రిప్లయితొలగించండి
  4. చిత్రసీమ మంచికి రాయ చెల్లు చీటి
    సిగ్గు శరములవిడచి అశ్లీలముగను
    భాషరానిభామయొకతె బరితెగింప
    రాగ తాళ దారిద్ర్యమ్ము రక్తి కట్టె.

    రిప్లయితొలగించండి
  5. భాష నెంగిలి చేష్టల భ్రష్ట పరచి
    భావ లేమియె తమకెంతొ భద్ర మంచు
    తీరు తెన్నులు గానక తిరుగు వారి
    రాగ తాళ దారిద్ర్యమ్ము రక్తి కట్టె
    దాని తలకు రోకలిజుట్టు దండు మెచ్చె,
    వారి లోకమ్ము వారిది, వద్దు మనకు !

    రిప్లయితొలగించండి
  6. చంద్రశేఖర్ గారూ మీ పూరణ చాలా బాగుంది.

    రిప్లయితొలగించండి
  7. అందరి పద్యాలు పైపైన చూసాను. బాగున్నాయి. అభినందనలు.
    చెప్పాను కదా! అబ్బాయి పెళ్ళి పనుల్లో ఉండి సమయాభావం వల్ల మీ పద్యాలను విడివిడిగా వ్యాఖ్యానించలేనని. క్షమిస్తారు కదా!

    రిప్లయితొలగించండి
  8. శిశువు పశువులు రంజిలె శిఖులు నాడె
    మేఘరంజన రాగము మూగ మెచ్చె
    గాన సుధలను గ్రోలెనొ గార్దభమ్ము
    రాగ తాళ దారిద్ర్యమ్ము రక్తి కట్టె

    రిప్లయితొలగించండి
  9. పాడ,పదముల పరుగుల పట్టు రాక,
    ఆడ, తడబడి గడిబిడి అడుగు లేయ,
    మత్తు గుమ్ముగా మనిషిని చిత్తు జేయ,
    రాగ తాళ దారిద్ర్యమ్ము రక్తి కట్టె!

    రిప్లయితొలగించండి