3, ఏప్రిల్ 2011, ఆదివారం

సమస్యా పూరణం - 275 (పిల్లలు గలిగిరి సుమతికి)

కవి మిత్రులారా,
ఈ రోజు పూరించ వలసిన సమస్య ఇది ........
పిల్లలు గలిగిరి సుమతికి పెండ్లికి ముందే.
ఈ సమస్యను పంపిన ఊకదంపుడు గారికి ధన్యవాదాలు.

15 కామెంట్‌లు:

  1. తల్లికి యొత్తిడి యింటను
    చెల్లికి లగ్నంబు నక్క సీమంతంబున్
    ఎల్లరు మురియగను కవల
    పిల్లలు గలిగిరి సుమతికి పెండ్లికి ముందే.

    రిప్లయితొలగించు
  2. చెల్లక మన సంస్కృతి విడి
    యొల్లని సహ జీవనంబె యున్నతమనుచున్
    చిల్లర తనమున తిరుగగ
    పిల్లలు గలిగిరి సుమతికి పెండ్లికి ముందే!!

    రిప్లయితొలగించు
  3. అందరికీ వందనములు !
    అందరి పూరణలూ
    అలరించు చున్నవి !

    01)
    _____________________________________

    తల్లియు తండ్రియు వదలిన
    చిల్లర వారిని కరుణను - జేర్చిన గృహమున్
    ఉల్లము కరుగగ మెల్లన !
    పిల్లలు గలిగిరి సుమతికి పెండ్లికి ముందే!
    _____________________________________

    రిప్లయితొలగించు
  4. మిస్స్సన్నగారూహించిన కవలపిల్లలు,జి యస్ యన్ గారూహించిన చిల్లరపిల్లల పూరణలు చాలా బాగున్నవి.ఉభయులకు అభినందనలు.నేనూ ట్విన్స్ వైపే...

    చెల్లికి పెళ్ళగు నీనెల
    మెల్లగ తన నెలలు నిండె, మేనక డాక్టర్,
    పిల్లలు ట్విన్సని జెప్పెను,
    పిల్లలు గలిగిరి సుమతికి పెళ్ళికి ముందే!

    రిప్లయితొలగించు
  5. కిశోర్ గారూ! పూరణ కరుణ రసాత్మకంగా వుంది.ఇంకొంచెం వివరంగా వుంటే బాగుంటుంది.అభినందనలు.

    రిప్లయితొలగించు
  6. మిస్సన్న గారూ,
    చెల్లెలి పిండ్లికి ముందే అక్కకు కవలలు కలిగారన్న మీ పూరణ చాలా బాగుంది. అభినందనలు.

    సత్యనారాయణ గారూ,
    అతిస్వేచ్ఛ వల్ల అనర్థాన్ని మీ పూరణలో చక్కగా తెలిపారు. బాగుంది. అభినందనలు.

    వసంత్ కిశోర్ గారూ,
    బాగుంది మీ పూరణ. అభినందనలు.

    హనుమచ్ఛాస్త్రి గారూ,
    మీరూ మిస్సన్న గారి బాట పట్టినా పద్యం వైవిధ్యంగా మనోహరంగా ఉంది. అభినందనలు.

    రిప్లయితొలగించు
  7. పిల్లలు లేరని వగచెడి
    తల్లులు గలరే, గనంగ ధరలో! ఎవఁడో
    పుల్లయ మోసము చేయఁగ
    పిల్లలు గలిగిరి సుమతికి పెళ్ళికి ముందే!

    రిప్లయితొలగించు
  8. శాస్త్రిగారూ !
    ధన్య వాదములు !
    అనాథ పిల్లల్ని ఇంటికి తెచ్చి సుమతి
    పెంచుకుంటున్నదని నా భావం !
    కందంలో ఇంతకన్నా సాధ్యం కాదేమో !

    మీ పూరణా
    మందాకిని గారి పూరణా
    ముచ్చటగా నున్నవి !

    రిప్లయితొలగించు
  9. కీశోర్ జీ !ధన్యవాదములు.
    మందాకిని గారూ! యెవడో పుల్లయ్య పై చెప్పిన కందం చదువుట కందంగా వుంది.అభినందనలు.

    రిప్లయితొలగించు
  10. తెల్లని కాంతి నలుదెసల
    జల్లు ఉదయభానుని గని చకితం బవగా
    ఝల్లుమనె తనువు కుంతికి
    పిల్లలు కలిగిరి సుమతికి పెండ్లికి ముందే !


    (మధ్యాహ్నం నుండి "నెట్" లేని కారణంగా ఇప్పుడు కుదిరింది.)

    రిప్లయితొలగించు
  11. అందమైన పూరణలను మరింత ఆనందంగా పూరిస్తూ , శంకరుని గళమున మనోజ్ఞంగా అలంకరిస్తూ ఆప్యాయతాను రాగాలను పంచుతున్న ప్రియమైన సోదరులకు , సోదరి మందాకినీ గారికి నూతన సంవత్సర ఖర నామ ఉగాది శుభా కాంక్షలు.

    రిప్లయితొలగించు
  12. చెల్లెలి పెండ్లికి సుమతిని
    మెల్లగ రమ్మనగ నేను మీరిన నెలలన్
    చల్లగ వచ్చెను కబురది:
    "పిల్లలు గలిగిరి సుమతికి" పెండ్లికి ముందే

    రిప్లయితొలగించు
    రిప్లయిలు
    1. ప్రభాకర శాస్త్రి గారూ,
      మీ పూరణ బాగున్నది. అభినందనలు.

      తొలగించు
  13. అల్లరి జేయుచును సుమతి
    పిల్లులు రెండింట్ని తెచ్చి పెంచగ ముదమున్
    కొల్లలు కొల్లలు పిల్లుల
    పిల్లలు గలిగిరి సుమతికి పెండ్లికి ముందే

    రిప్లయితొలగించు