హనుమచ్ఛాస్త్రి గారూ, నిజమే. ఆ కళాఖండాలు ఈతరం వాళ్ళకు "బోరే!" ఎప్పుడైనా ఆ సీడీ వేసికొని చూడాలంటే ఇప్పటివాళ్ళముందు మనమూ నవ్వుల పాలౌతున్నాము. మంచి విషయాన్ని ఎన్నుకొని సమస్యను సార్థకం చేసారు. ధన్యవాదాలు.
మందాకిని గారూ, హన్నా! సమస్యను సమస్య గానే పూరించారే. భేష్! బాగుంది. మీ రెండవ పూరణ ఇంకా బాగుంది. అభినందనలు.
చంద్రశేఖర్ గారూ, అజామిళుడి ప్రస్తావనతో చక్కని పూరణ నిచ్చారు. అభినందనలు.
వెంకటప్పయ్య గారూ, బాగుంది మీ పూరణ. అభినందనలు. మూడవ పాదంలో గణదోషం ఉంది. "పోరాడజాల కేశవ!" అంటే సరి.
03) ______________________________________ నారాయణ నామమునే పారాయణ జేయ గలుగు - పరమ పదంబే ! ఘోరమురా , కలి కాలము నారాయణ యనిన వాడు - నవ్వుల పాలౌ ! ______________________________________
(భూకైలాస్ లో అక్కినేని నారదుని పాత్ర అద్భుతంగా చేశారు..అది అంశం)
రిప్లయితొలగించండినారాయణ యని అనుచును
నారదుడుగ పాత్ర వేసె నాగేశ్వర్రావ్ !
'బోరని ' యెవడే మన్నను
'నారాయణ!'యనిన వాడు నవ్వుల పాలౌ !
నారాయణ యను వాడే
రిప్లయితొలగించండినారాయణునికడఁజేరనౌనిది నిజమే!
నారాయణ! పూరింపుము-
"నారాయణ యనినవాడు నవ్వుల పాలౌ"
జేరనౌను+ఇది
స్వారాజ్యముఁ బొందును సరి
రిప్లయితొలగించండినారాయణ యనినవాఁడు, నవ్వుల పాలౌ
దారా పుత్రుల బంధన
వారాశిన్ దాటలేక భారకుడగుచున్!
మనవి: శ్రీమదాంధ్ర భాగవతము షష్ఠ స్కంధములోని అజామిళోపాఖ్యానం స్ఫూర్తి.
ఘోరమయినభక్తి,పరమ
రిప్లయితొలగించండివీరావేశమున, వినరు, విష్ణుపదమహో!
పోరాడజాలను, కేశవ!
నారాయణ యనినవాఁడు నవ్వుల పాలౌ.
నారాయణునిగఁ దననే
రిప్లయితొలగించండియారాధనజేయుమంచు యానాడొకచో
మారాజొకడున్ "నేనే
నారాయణ" యనిన,వాడు నవ్వుల పాలౌ
హనుమచ్ఛాస్త్రి గారూ,
రిప్లయితొలగించండినిజమే. ఆ కళాఖండాలు ఈతరం వాళ్ళకు "బోరే!" ఎప్పుడైనా ఆ సీడీ వేసికొని చూడాలంటే ఇప్పటివాళ్ళముందు మనమూ నవ్వుల పాలౌతున్నాము.
మంచి విషయాన్ని ఎన్నుకొని సమస్యను సార్థకం చేసారు. ధన్యవాదాలు.
మందాకిని గారూ,
హన్నా! సమస్యను సమస్య గానే పూరించారే. భేష్! బాగుంది.
మీ రెండవ పూరణ ఇంకా బాగుంది. అభినందనలు.
చంద్రశేఖర్ గారూ,
అజామిళుడి ప్రస్తావనతో చక్కని పూరణ నిచ్చారు. అభినందనలు.
వెంకటప్పయ్య గారూ,
బాగుంది మీ పూరణ. అభినందనలు.
మూడవ పాదంలో గణదోషం ఉంది. "పోరాడజాల కేశవ!" అంటే సరి.
ఏరోము నందు నుండగ
రిప్లయితొలగించండినారోమను పాట పాడ, ననుచితమెట్లౌ ?
నేరుగ నలుగురి పాటుగ
నారాయణ యనని వాడు నవ్వుల పాలౌ!
పీతాంబర్ గారూ,
రిప్లయితొలగించండిపద్యం చాలా బాగుంది. కాని మీరు సమస్యనే మార్చారు కదా. సమస్యలోని "అనిన" మీ పూరణలో "అనని" అయింది.
మాస్టరు గారూ! ధన్యవాదములు.
రిప్లయితొలగించండిగురువుగారూ! :)
రిప్లయితొలగించండిధన్యవాదాలు .
చేరెన్ వైకుంఠము సుతు
రిప్లయితొలగించండినారాయణ యనినవాఁడు; నవ్వుల పాలౌ-
లేరా రమ్మను హరినన
నారాయణు డసురు జంపె నరసింహుండై.
ఈ కామెంట్‌ను రచయిత తీసివేశారు.
రిప్లయితొలగించండిపేరేమి నీదని యడిగె
రిప్లయితొలగించండినారి యొకతి , పేరు "సత్య నారాయణ"; తా
నోరు తిరగకయె "తత్తి
న్నారాయణ" యనిన, వాఁడు నవ్వుల పాలౌ!!
అందరికీ వందనములు !
రిప్లయితొలగించండిఅందరి పూరణలూ
అలరించు చున్నవి !
_____________________________________
మా ఊళ్ళో ఎప్పుడూ సారా తాగే నారాయణను
అందరూ "సారాయణ "అని పిలుస్తారు !
పొరపాటుగా ఎవరైనా "నారాయణా" అంటే
విన్న జనం విరగబడి నవ్వుతారు !
01)
_____________________________________
జారుడు భీరుడు చోరుడు
సారా ద్రాగుచు దిరిగెడు - సన్నపు వాడే
సారాయణంద్రు వానిని !
నారాయణ యనిన వాడు - నవ్వుల పాలౌ !
_____________________________________
సన్నపు వాడు = అల్పుడు
హరి ఎక్కడ ?
రిప్లయితొలగించండిశ్రీ హరి ఎక్కడ ?
నారాయణు డెక్కడ ?
అంటూ ద్వేషంతో రగిలే
హిరణ్య కశిపుని వధ :
02)
_____________________________________
ఓరీ ! డింభక చూపెద
వా , రాడున శ్రీహరి ? యన - భక్తుడు జూపన్ !
క్రూరముగ మడిసె; "హరి -హరి
నారాయణ " యనిన వాడు ! - నవ్వుల పాలౌ !
_____________________________________
రాడు = స్తంభము
03)
రిప్లయితొలగించండి______________________________________
నారాయణ నామమునే
పారాయణ జేయ గలుగు - పరమ పదంబే !
ఘోరమురా , కలి కాలము
నారాయణ యనిన వాడు - నవ్వుల పాలౌ !
______________________________________
గురువుగారు మీ వ్యాఖ్య చుసిన తర్వాతగాని నా పొరపాటును గమనించనేలేదు .మన్నించండి.
రిప్లయితొలగించండిహిరణ్య కశిపుడు నారదునితో ఇలా అంటున్నాడు.
నారాయణ పారాయణ
నారద నీనోట తగదు ! నా నామమ్మే
నోరారగ పలుక తగును ,
నారాయణ యనినవాఁడు నవ్వుల పాలౌ.
కవి మిత్రుల పూరణలతో నారాయణ నామము పారాయణ జరుగుచున్నది.
రిప్లయితొలగించండిఅందరకూ అభినందనలు.
సత్యనారాయణ గారూ!నోరు తిరగని వారి తో జాగ్రత్త.
నా పూరణ .......
రిప్లయితొలగించండి"ధీరతఁ గమ్యూనిస్టై
పోరాడెడివాఁడు భక్తిఁ బూజించు సదా
శ్రీరాముని సీపీయై
నారాయణ" యనిన వాడు నవ్వుల పాలౌ.
ఈ పూరణకు "క్లూ" చెప్పిన కోడీహళ్ళి మురళీ మోహన్ గారికి ధన్యవాదాలు.
మిస్సన్న గారూ,
రిప్లయితొలగించండిమా పూరణ చాలా బాగుంది. "నార - పీచు" కథను గుర్తుకు తెచ్చారు. అభినందనలు.
సత్యనారాయణ గారూ,
నోరు తిరగని వాడు నవ్వులపాలైన విధానాన్ని చక్కగ పూరణలో చెప్పారు. అభినందనలు.
వసంత్ కిశోర్ గారూ,
మీ మూడు పూరణలూ బాగున్నాయి. ముఖ్యంగా మీ "సారాయణ" పద్యం అలరించింది. అభినందనలు.
పీతాంబర్ గారూ,
మీ రెండవ పూరణ బాగుంది. అభినందనలు.
మాస్టరు గారూ! విలక్షణ పూరణ నందించారు.అభినందనలు.
రిప్లయితొలగించండిశంకరార్యా !
రిప్లయితొలగించండిధన్యవాదములు !
సి పి ఐ నారాయణ మీద పూరణ
చాలా బావుంది !
ఈ రాష్ట్రమందు సినిమా
రిప్లయితొలగించండివారందరిలోఁ బొడవగు వ్యక్తినిఁ దెలుపన్
నేరక ఠక్కున నెమ్మెస్
నారాయణ యనినవాఁడు నవ్వులపాలౌన్
నోరూరగ "గీతాంజలి"
రిప్లయితొలగించండితీరుగ "జనగణమన"యును దీటుగ "గోరా",
"చారూ" రచయిత "ఆర్. కే.
నారాయణ" యనినవాఁడు నవ్వుల పాలౌ
ప్రభాకర శాస్త్రి గారూ,
తొలగించండిమీ పూరణ బాగున్నది. అభినందనలు.
జోరుగ నాస్తికమొల్లుచు
రిప్లయితొలగించండిపోరుచు మతములను రోజు ప్రొద్దున రాత్రిన్
తీరా చావెదురవగనె
నారాయణ యనినవాఁడు నవ్వుల పాలౌ
రిప్లయితొలగించండిపేరును గాంచు జిలేబీ
"నారాయణ" యనినవాఁడు; నవ్వుల పాలౌ
"నారా" యనయనిన సుమా
హేరాళముగనెలుగెత్తు యిందీవరుడిన్
జిలేబి