22, ఏప్రిల్ 2011, శుక్రవారం

సమస్యా పూరణం - 293 (నీటిలోనఁ బుట్టె నిప్పు )

కవి మిత్రులారా,
ఈ రోజు పూరించ వలసిన సమస్య ఇది ........
నీటిలోనఁ బుట్టె నిప్పు గనుఁడు.
సమస్యను సూచించిన అందవోలు విద్యాసాగర్ గారికి ధన్యవాదాలు.

29 కామెంట్‌లు:

  1. ముంచె సంద్ర మంత భూకంపములు వచ్చి
    రేడియేష నందరే!జపాను
    సోలు చుండె నేడు శోకాగ్నిలో తాను
    నీటి లోన బుట్టె నిప్పు గనుడు!!

    రిప్లయితొలగించు
  2. పనివత్తిడిలోబడి కూడా సాహిత్య సేవకు లోబడి సమయానికి బ్లాగులోబడికి వచ్చి ప్రశ్న పత్రమునిచ్చిన మాస్టరుగారూ! మీకు ధన్యవాదములు.

    రిప్లయితొలగించు
  3. జగమునందుగనఁగ జరుగును వింతలు
    మారుఁగాలమందు మర్మ మేమొ;
    వింటి నోడ మునిగి, వెదజల్లె నూనెలు;
    నీటి లోన బుట్టె నిప్పు గనుడు!

    రిప్లయితొలగించు
  4. సోలు చుండె నేడు శోకాగ్నిలో తాను
    నీటి లోన బుట్టె నిప్పు గనుడు!!
    -----------
    గోలి హనుమచ్ఛాస్త్రి గారూ పూరణ బాగుంది. నాకెందుకో "సోలు" తీసేసి "చీదు" అనిపెట్టి చదువుతుంటే ఇంకా బాగున్నట్లు అనిపిస్తోంది.

    చీదు చుండె నేడు శోకాగ్నిలో తాను
    నీటి లోన బుట్టె నిప్పు గనుడు!!

    రిప్లయితొలగించు
  5. తిరుగుబాట్లు రేగె దేశ దేశాలందు
    స్వేచ్చ కోరు ప్రజలు చీదరించ
    కలవరమ్ము కల్గె ఘన నియంతల కట
    నీటి లోన బుట్టె నిప్పు గనుడు!!

    రిప్లయితొలగించు
  6. లక్కరాజు గారూ! ధన్యవాదములు.
    చీ వ్రాస్తే యతి సరిపోదండీ.

    రిప్లయితొలగించు
  7. మిస్సన్న గారూ మీ పూరణ బాగుంది కానీ చివరి పాదం అతికించినట్లు ఉంది. నేననుకోవటం పైపాదాల్లో "న" "ట" లతో కలపక పోవటం అని. ఛందో బధ్ధమో లేదో నాకు తెలియదు. ఎల్లా ఉందో చూడండి.
    ---------------

    తిరుగుబాట్లు రేగె నేటి దేశాలందు
    స్వేచ్చ కోరు ప్రజలు చీదరింప
    కలవరమ్ము రేపె ఘన నియంతల నట

    నీటి లోన బుట్టె నిప్పు గనుడు!!
    -------------
    కవి మిత్రులకు నేను కవిని కాను మిత్రుడిని మాత్రమే. అందుకని తప్పులుంటే క్షమిస్తారు కదూ.

    రిప్లయితొలగించు
  8. అందరికీ వందనములు !
    అందరి పూరణలూ
    అలరించు చున్నవి !
    01)
    __________________________________

    ఆకసమున కెగసె - అవినీతి నేడయ్యొ !
    జనుల దోచు వాడె - ఘనుడు నేడు !
    అన్న దీక్ష బూనె - అంతమొందింపగా !
    నీటిలోనఁ బుట్టె - నిప్పు గనుఁడు !
    __________________________________

    రిప్లయితొలగించు
  9. 02)
    __________________________________

    భాను రాక వలన - ప్రాణమే పోవును
    నీదు పతికి నిలను - నిక్క మనగ
    సూర్య గమన మాపు - సుదతి సుమతి మది
    నీటిలోనఁ బుట్టె - నిప్పు గనుఁడు !
    __________________________________

    రిప్లయితొలగించు
  10. 03)
    __________________________________

    హరి లేని చోటు - అవని లేనే లేదు
    అందు యిందు యనగ - అనుమ వలదు !
    స్తంభ మందు జూపె - చక్రిని బాలుడు !
    నీటిలోనఁ బుట్టె - నిప్పు గనుఁడు !
    __________________________________
    అనుమ = సందేహము

    రిప్లయితొలగించు
  11. 04)
    __________________________________

    తండ్రి యంక పీఠి - తగవు నీవని తోయ
    చిన్న బోయి నట్టి - చిన్ని ధృవుడు
    ధృడముగా నిలిచెను - ధృవతారయై మింట
    నీటిలోనఁ బుట్టె - నిప్పు గనుఁడు !
    __________________________________

    రిప్లయితొలగించు
  12. 05)
    __________________________________

    పిలక బట్టి యీడ్వ - పెలుచన పెరుగగా
    సూద మొంద జేసె - నంద నవము !
    శపథ మూని చతుర - చాణక్యు డంతట !
    నీటిలోనఁ బుట్టె - నిప్పు గనుఁడు !
    __________________________________

    పెలుచన = కోపము
    సూదము = హతము

    రిప్లయితొలగించు
  13. కాళీయుని మర్థించు చిన్ని కృష్ణుడు :
    06)
    __________________________________

    తకిట తకిట తథిమి - తకిట తకిట యనుచు
    కాళి పడగ పైన - కాలు మోపి
    వింత నటన జేయు - వేణుగానము తోడ !
    నీటిలోనఁ బుట్టె - నిప్పు గనుఁడు !
    __________________________________

    రిప్లయితొలగించు
  14. నింగి లోన నిలచె నీలాల నెలరాజు
    జగతి పైన వెలసె జనని దుర్గ
    కవుల కలము లందు కలతలు చెలరేగె
    నీటి లోన బుట్టె నిప్పు గనుడు !

    రిప్లయితొలగించు
  15. రాజేశ్వరి గారూ వావ్. ఎన్నాళ్ళకి ఎన్నాళ్ళకి. మూడు పాదాలలో నింగి లో నుండి నీటిలోకి వచ్చారు. పూరణ బాగుంది.

    రిప్లయితొలగించు
  16. లక్కరాజు వారూ మీ సూచన బాగుంది.
    కానీ ఛందో నియమాలకు ఇబ్బంది కల్గుతుంది.
    ధన్యవాదాలు.

    రిప్లయితొలగించు
  17. గోలి హనుమచ్ఛాస్త్రి గారూ,
    అద్భుతంగా ఉంది మీ పూరణ. అభినందనలు, ధన్యవాదాలు.

    మందాకిని గారు,
    ప్రశస్తమైన పూరణ మీది. అభినందనలు.

    లక్కరాజు వారూ,
    క్రమం తప్పకుండా బ్లాగులోని సమస్యాపూరణలను చదువుతూ వెంటవెంటనే స్పందిస్తూ, సలహాలు, సూచనలు ఇస్తున్నందుకు ధన్యవాదాలు.
    శాస్త్రి గారి వ్యాఖ్య చూసారు కదా మీరు చెప్పినట్లు మార్చితే యతి తప్పుతుంది.
    మిస్సన్న గారి పద్యంలోను మీ సూచించిది చేస్తే యతి తప్పుతుంది.
    అన్నట్టు మీ పేరులోని "ఎస్" అంటే ఏమిటి? మీ పూర్తి పేరు చెప్పండి.

    రిప్లయితొలగించు
  18. మిస్సన్న గారూ,
    మీ పూరణ ప్రశస్తంగా ఉంది. అభినందనలు.

    వసంత్ కిశోర్ గారూ,
    మీ షడ్రుచుల పూరణలు బాగున్నాయి.
    మొదటి పూరణలో అన్న హజారే నిప్పులాంటి మనిషి అని చెప్పారు.
    రెండవ పూరణలో సుమతి మనస్సనే నీటిలో పుట్టిన అగ్నిని చక్కగా ఆవిష్కరించారు.
    మూడవ పూరణలో ప్రహ్లాదుని ప్రస్తావన బాగుంది. మొదటి పాదంలో "హరియె" అంటే గణదోషం ఉండదు.
    నాల్గవ పూరణ ధృవుని వృత్తాంతంతో అలరిస్తున్నది.
    ఐదవ పూరణలో చాణక్యుని విషయాన్ని చక్కగా చెప్పారు. కాని రెండవ పాదంలో యతి తప్పింది. "సూద మొంద జేసె" అనేది "నాశ మొంద జేసె" అయితే?
    ఆరవ పూరణలో కృష్ణుని నాట్యాన్ని మనోహరంగా వర్ణించారు.
    అభినందనలు, ధన్యవాదాలు.

    రాజేశ్వరక్కయ్యా,
    తమ్ముడి మీద కోపం వచ్చిందా? బహు కాలానికి దయ చూపారు.
    మనోహరమైన పద్యంతో "రీ్ఎంట్రీ" చేసారు. ధన్యవాదాలు.

    రిప్లయితొలగించు
  19. శంకరార్యా !
    మీ సూచనలకూ సవరణలకూ
    ధన్యవాదములు !

    రిప్లయితొలగించు
  20. అంధ రాజు సాక్షి గాంధారి పుత్రుండు
    వంద నీయు రాలి వలువ లొలువ
    ధర్మమడిగె నాడు ద్రౌపది !నామెక
    న్నీటి లోన బుట్టె నిప్పు గనుడు

    రిప్లయితొలగించు
  21. కవి పందితులతోటి ఆరునెలలు సావాసం చేస్తే ఏమన్నా అంటుతుందేమో నని చూస్తున్నాను. కుదరటల్లేదు.

    ఇంకా ఏ మిస్సన్న గారో నాలిక మీద రాస్తే కాళిదాసు లాగా అవుతానేమో అనుకున్నా. కుదరటల్లేదు.

    ఛందస్సులో నా పరిజ్ఞానం 1950s లో రేపల్లి హైస్చూల్ లో మా తెలుగు మాస్టారు బోడేపూడి వెంకట్రావు గారు ప్రేమతో ఇచ్చినది.

    "యస్" అంటే నా పేరు లో శివరామకృష్ణ.

    శంకరాభరణం తో ఆనందించ నివ్వండి నన్ను.

    రిప్లయితొలగించు
  22. పైన పండితులు తప్పుపడింది క్షమించండి.

    రిప్లయితొలగించు
  23. రావుగారూ !
    తప్పేమీ కాదు !
    సరిగానే పడింది !
    పండితు లెవ్వరూ లేరిక్కడ
    ఒక్క శంకరయ్య మాష్టారు తప్ప !
    అంతా హైస్కూలు స్థాయి తెలుగు పందితులే !
    అనుమానం ఆవంత కూడా లేదు !

    అయ్యా ! హైస్కూలు తెలుగు దాటిన వాళ్ళెవరైనా
    ఉంటే నన్ను మన్నించండి !

    రిప్లయితొలగించు
  24. లక్కరాజు వారూ! తెలుగు భాష పట్ల, తెలుగు పద్యం పట్లా మీకున్న అభిమానం, ఆసక్తి శ్లాఘనీయం.
    గురువుగారి బ్లాగులో వ్రాసే వాళ్ళందరం వసంత మహోదయులన్నట్లు
    హైస్కూలు పండిట్లమే.
    ఎవరి నాలుక మీదా యెవరూ బీజాక్షరాలు గానీ మరోటీ గానీ వ్రాయలేదు.
    ఇది కేవలం శంకరాభరణం మహత్తు.
    మన మిత్రులలో చాలామందిమి గురుకృప వలన మనకున్న స్వల్ప పరిజ్ఞానానికి మెరుగులు దిద్దుకుంటున్న వారలమే.
    మీరూ త్వరలోనే పద్యాలు వ్రాయగలిగే శక్తిని పొంద గలరనడంలో సందేహం లేదు.
    సరస్వతీ కటాక్ష సిద్ధిరస్తు.

    రిప్లయితొలగించు
  25. మంద పీతాంబర్ గారూ,
    మీ పూరణ వైవిధ్యంగా ఉంది. "కన్నీటి నుండి నిప్పు" పుట్టించారు. బాగుంది. అభినందనలు.

    రిప్లయితొలగించు
  26. లక్కరాజు వారూ,
    షిప్ట్ నొక్కితే"డ", లేకుంటే "ద". అంతే తేడా. ఓకేనా?! :-)

    రిప్లయితొలగించు