కామేశ్వర రావు గారూ, మీ విశ్లేషణకు, సూచనలకు ధన్యవాదాలు. శంకరాభరణం బ్లాగుకు కొండంత అండగా ఉంటున్నారు. సంతోషం. గతంలో పండిత నేమాని వారు అందరి పూరణలను ఓపికతో పరిశీలించి తగిన సూచనలిస్తూ ఉండేవారు. మీరు వారి లోటును తీరుస్తున్నారు. కృతజ్ఞుడను.
సుమలత గారు మీ పూరణ చాలా బాగుంది. అభినందనలు. అయితే కొన్ని చిన్న సవరణ లవసర మనిపించు చున్నవి. 1. “అర్చిష్మానర్చిత “ సమాసము సాధువు కాదు. “అర్చిష్మదర్చిత” సాధువు. “అర్చిష్మత్” త కారంత పుంలింగ పదము. లేదా “అర్చిష్మంతుడు” సాధువు. కనుక “అర్చిష్మన్నందన ముఖ్యులున్” అంటే “క్ష్మాభృత్తుల” , “భూవరుల్” లోని కించిత్పున రుక్తి దోషము కూడా తొలగును. 2. ఇష్వాసము (ధనుస్సు) నకు బదులు ఇష్మాసమని వ్రాసారు. ప్రాస తప్పింది. 3. “సంధింపగాన్” బదులు “భేదింపగన్” యనిన పూర్తి యర్థము నిచ్చును. పూజ్యగురువులు సూచించినట్లు శ్మ, ష్మ ల ప్రాస నివారణ యోగ్యము. మీరు నిరాశ జెంద వలసిన పని లేదు. గుణదోషాల వివరణ కోసమే నా యీ సమీక్ష. పరిశీలించి తగిన సవరణలు చేయ గోర్తాను.
నేగతమందు జేసితిని నీమము దప్పుచు ఘోర కృత్యముల్
రిప్లయితొలగించండిభోగము లందునన్ మునిగి బోవుచు బానిసనై ఘటించుచున్
భాగవతమ్ము మానవులఁ బాపముఁ జేయఁగఁ బ్రోత్సహించురా
వేగమె మార్పునొంది తమ వేలమువెఱ్ఱిని మార్చు కొందురే ?
---------------------------------------
యోగము సరిలే కున్నను
భాగవతము ప్రోత్సహించు బాపముఁ జేయన్
భోగము నందున దేలుచు
సాగుచు బోయెదరు గాన సంతస మందున్
అక్కయ్యా,
తొలగించండిమీ మొదటి పూరణ సంతృప్తికరంగా లేదు. సమస్యకు పరిష్కారం లేదు.
రెండవ పూరణ ఫరవాలేదు.
శుభోదయం !
రిప్లయితొలగించండిప్రోత = వస్త్రము -> శరీర మనెడి వస్త్రము ; సహించు బాపము శరీరము పాపాన్ని సహించినా ఆ భోగము వలదే !
చాగంటి జెప్పిరి గదా
భాగవతము! ప్రోత్సహించుఁ బాపముఁ జేయన్
భోగము జిలేబి వలదే !
ఆ గమ్యము నీకు పనికిరాదు సుమా ! హా !
జిలేబి
చమత్కారం బాగున్నది. కాని ‘ప్రోత సహించు’... ప్రోత్సహించు కాదు. చివరిపాదంలో యతి తప్పింది.
తొలగించండినిన్నటి సమస్య:
రిప్లయితొలగించండికాశ్మీరాధిపతుల్ పరాక్రమ మహాక్ష్మాభృత్తులచ్చోట న
ర్చిష్మానర్చిత భూవరుల్ విఫలులై చింతింప పార్థుండు నా
ఇష్మాసంబును దాల్చి సుష్మమును లావెక్కించి సంధింపగాన్
భీష్మాచార్యుఁడు పాండవుల్ వొగడఁగాఁ బెండ్లాడె పాంచాలినిన్
బాగుంది మీ పూరణ. అభినందనలు.
తొలగించండిశ,ష ప్రాస చింత్యం.
ఈ కామెంట్‌ను రచయిత తీసివేశారు.
తొలగించండికామేశ్వర రావు గారూ,
తొలగించండిమీ విశ్లేషణకు, సూచనలకు ధన్యవాదాలు.
శంకరాభరణం బ్లాగుకు కొండంత అండగా ఉంటున్నారు. సంతోషం. గతంలో పండిత నేమాని వారు అందరి పూరణలను ఓపికతో పరిశీలించి తగిన సూచనలిస్తూ ఉండేవారు. మీరు వారి లోటును తీరుస్తున్నారు. కృతజ్ఞుడను.
సుమలత గారు మీ పూరణ చాలా బాగుంది. అభినందనలు. అయితే కొన్ని చిన్న సవరణ లవసర మనిపించు చున్నవి.
తొలగించండి1. “అర్చిష్మానర్చిత “ సమాసము సాధువు కాదు. “అర్చిష్మదర్చిత” సాధువు. “అర్చిష్మత్” త కారంత పుంలింగ పదము. లేదా “అర్చిష్మంతుడు” సాధువు. కనుక “అర్చిష్మన్నందన ముఖ్యులున్” అంటే “క్ష్మాభృత్తుల” , “భూవరుల్” లోని కించిత్పున రుక్తి దోషము కూడా తొలగును.
2. ఇష్వాసము (ధనుస్సు) నకు బదులు ఇష్మాసమని వ్రాసారు. ప్రాస తప్పింది.
3. “సంధింపగాన్” బదులు “భేదింపగన్” యనిన పూర్తి యర్థము నిచ్చును.
పూజ్యగురువులు సూచించినట్లు శ్మ, ష్మ ల ప్రాస నివారణ యోగ్యము.
మీరు నిరాశ జెంద వలసిన పని లేదు. గుణదోషాల వివరణ కోసమే నా యీ సమీక్ష. పరిశీలించి తగిన సవరణలు చేయ గోర్తాను.
పూజ్యులు శంకరయ్య గారికి వందనములు. మీ యభిమానమునకు ధన్యుడను.
తొలగించండిKshaminchaali, nenu Maa ammayi college orientation lo gata 2 rojulugaa vunnanu, repu badulu vraastaanu
తొలగించండియోగములనువివరించును
రిప్లయితొలగించండిభాగవతము, ప్రోత్సహించు బాపము జేయన్
భోగములపైన మక్కువె
రాగమ్ముల దుడిచిబెట్టి రట్టడి దెచ్చున్!!!
మీ పూరణ బాగున్నది. అభినందనలు.
తొలగించండియోగ మెరుంగలేక నిట
రిప్లయితొలగించండియుక్తము గాని విలోమ యానముల్
భోగము తోడ గూడుకొని
పోవును మానవ జీవనమ్మునన్
రాగము ద్వేషముల్ విషయ
లాలస నొంది జరించ; నట్టి హృ
ద్భాగవతమ్ము మానవుల
బాపము చేయగ బ్రోత్సహించురా!
నా రెండవ పూరణము:
రాగ విరాగము లెంచక
భోగ మొకటె జీవితమను పోకడ లందున్
తా గన లేకను జన; నా
భాగవతము ప్రోత్సహించు బాపము జేయన్!
మీ రెండు పూరణలు బాగున్నవి. అభినందనలు.
తొలగించండి‘లేక’ అన్నది కళ. అందువల్ల ‘లేక యిట’ అనవలసి ఉంటుంది.
భాగవతోత్తముల్ జనిన భారత రీతిని నేర్పుచుండుఁదా
రిప్లయితొలగించండిభాగవతమ్ము, మానవులఁ బాపముఁ జేయఁగఁ బ్రోత్సహించురా!
అగ్నిరజంబు జూదమును వారపుఁ గాంతల తోడ సఖ్యమున్
భోగము మద్య మాంసములు భ్రష్టుల జేయు కలిప్రభావమున్
మీ పూరణ బాగున్నది. అభినందనలు.
తొలగించండిసాగఁగ రాజ్యపాలనముఁ జక్కగ నాప్తుల యాధిపత్యమున్
రిప్లయితొలగించండితూగఁగ నక్రమార్జనల తోడిన సంపద రాశిపోయుచున్
జోగఁగ గాఢనిద్రలను చుట్టపు చట్టము! వారి దోపిడీ
భాగవతమ్ము మానవుల పాపముఁ జేయఁగఁ బ్రోత్సహించురా!
మీ పూరణ బాగున్నది. అభినందనలు.
తొలగించండి‘తోడను’ అనండి.
గురుదేవులకు ధన్యవాదములు.
తొలగించండిమరో పూరణ:
ఆ గీత వలన భారత
భాగవతము ప్రోత్సహించు పాపము జేయన్!
సాగించె రణము నరుడని
వాగిరి పరమార్థము విడి పరదేశస్తుల్!
సవరించిన మొదటి పూరణ:
సాగఁగ రాజ్యపాలనముఁ జక్కగ నాప్తుల యాధిపత్యమున్
తూగఁగ నక్రమార్జనల తోడను సంపద రాశిపోయుచున్
జోగఁగ గాఢనిద్రలను చుట్టపు చట్టము! వారి దోపిడీ
భాగవతమ్ము మానవుల పాపముఁ జేయఁగఁ బ్రోత్సహించురా!
* గు రు మూ ర్తి ఆ చా రి *
రిప్లయితొలగించండి,,,,,,,,,,,,,,,,,,,,,,,,,,,,,,,,,,,,,,,,,,
{ శైవ మతతత్వ మత్త చిత్తుని మాటలు }
......................................................
నాగధరు౦డె సర్వభువనమ్ముల నేలు
మహోన్నతు౦డు | స
ర్వాగమ వ౦దితు౦ డగు మహాశివు c గూర్చిన
గ్ర౦ధమే = సమ
స్తాగములన్ హరి౦చి , పరమార్థ మొస౦గు |
బఠి౦ప నేటి కా
భాగవతమ్ము ? మానవులc బాపము జేయగ
ప్రోత్సహి౦చురా !
{ సమస్త + ఆగములన్ = సమస్తపాపములను }
మీ పూరణ బాగున్నది. అభినందనలు.
తొలగించండిభోగ విలాస లాలసులు మూర్ఖుల పల్కులు గావె చూడ, హృ
రిప్లయితొలగించండిద్రోగము ఖండితం బగును దూరము వారవె సంకటమ్ములున్
రాగసుధారసాకలిత రామజపంబునఁ, బల్కరా దిటన్
భాగవతమ్ము మానవులఁ బాపముఁ జేయఁగఁ బ్రోత్సహించురా!
వేగమ యిచ్చును పుణ్యము
భాగవతము, ప్రోత్సహించుఁ బాపముఁ జేయన్
రేగగ వికారము మదిని
సాగెడు వికృతంపు దుష్ట సాహిత్యమిలన్
మీ రెండు విధాల పూరణలు బాగున్నవి. అభినందనలు.
తొలగించండిరాగము దానము బల్లవి
రిప్లయితొలగించండిరాగములను బాడుకొ నుము రంజిల మనసుల్
బాగుగగలదా యిట్లన
భాగవతము ప్రోత్స హించు బాపము జేయన్
మీ పూరణ బాగున్నది. అభినందనలు.
తొలగించండిరాగము తోడనువినగను
రిప్లయితొలగించండిభాగవతము ప్రోత్సహించు;బాపము జేయన్
భోగము లెల్లనశించగ
రోగము హెచ్చై పుడమిన రోయుచు జచ్చున్
మీ పూరణ బాగున్నది. అభినందనలు.
తొలగించండి‘పుడమిని’ అనండి.
భాగవతమ్ము మానవుల బాపముజేయగ బ్రోత్సహించురా
రిప్లయితొలగించండిరాగము తోడ నిట్లనగ రాదు గనెప్పుడు నోయి సోదరా !
భా గ వతమ్ము మానవుల పాప ము బోవుట కర్హమౌ గదా
భోగము లెన్నియో మనకు భూరిగ నిచ్చును సత్యమే యిదీ
మీ పూరణ బాగున్నది. అభినందనలు.
తొలగించండి‘సత్య మిద్దియే’ అనండి.
రాగము చూపించమనుచు
రిప్లయితొలగించండిభాగవతము ప్రోత్సహించు ; బాపము జేయ
న్నే గతి కూడదటంచును
జాగృతి గలిగించె లోక జన బాంధవియై.
మీ పూరణ బాగున్నది. అభినందనలు.
తొలగించండిరాగముతోవసియించుట
రిప్లయితొలగించండిభాగవతము ప్రోత్సహించు, బాపముఁజేయన్
సాగదు మానసమెపుడున్
త్యాగపుబుద్ధిఁగలిగించి ధన్యతఁగూర్చున్
మీ పూరణ బాగున్నది. అభినందనలు.
తొలగించండిఆగమ శాస్త్రముల్ చదివినా,మమతల్ విడలేని వారికిన్
రిప్లయితొలగించండిరాగము భోగ మాశగొని రంజిలు ధూర్త నృపాల కోటికిన్
యేగతి పట్టేనో తెలిసి హింసలు జేసెడి వారి దృష్టిలో
భాగవతమ్ము మానవుల బాపముజేయగ బ్రోత్సహించురా
2.రాగము,భోగము,త్యాగము
భాగవతము ప్రోత్సహించు.బాపము జేయన్
యేగతి నొందును జీవుడు
బాగుగ వివరించి యుండె భాగవతమునన్
మీ రెండు పూరణలు బాగున్నవి. అభినందనలు.
తొలగించండి‘కోటికిన్+ఏగతి, జేయన్+ఏగతి’ అన్నపుడు యడాగమం రాదు. ‘కోటి కే|యేగతి..., జేయ|న్నేగతి...’ అనండి.
అలాగే ‘చదివినన్’ అనండి.
తొలగించండిభాగవతమ్ము దైవమును భక్తిగ గొల్చు-కథా శ్రవంతిగా
రిప్లయితొలగించండిత్యాగము భోగమున్ దెలుపుతత్వము గూర్చెనుపోతనార్యుడే|
సాగెడి నీతి చంద్రికలు సాగకజేయక మానుకున్నచో?
భాగవతమ్ము మానవుల బాపము జేయగ ప్రోత్సహించురా|
2.ఆగని యాశ దోషములనంతర మందున జేరిపోవగా
భాగవతమ్ము మానవుల బాపము జేయగ ప్రోత్స హించు|రా
జా|గమనించు నీచగుణ సంపద లెప్పుడు నిల్వబోవులే
యోగమటంచు నెంచకము యుక్తముగాదిది మిత్రమాయనెన్.
3.వేగమె గోడకు బంతిని
త్రాగిన వాడట్లుగొట్ట తగులునుగాదా?
భోగము నమ్మిన వాడికి
భాగవతము ప్రోత్సహించు బాపము జేయన్.
4.ఆగని భగవద్ భక్తిని
భాగవతము ప్రోత్స హించు|బాపముజేయన్
త్రాగుడు,జూదం,వ్యసనము
లాగక నిన్నంటి నపుడు ?నధమత్వంబే|
మీ నాలుగు పూరణలు బాగున్నవి. అభినందనలు.
తొలగించండికొన్ని టైపు దోషాలు, జూదం అన్న వ్యావహారికమూ ఉన్నాయి. ‘యోగమటంచు నెంచుటయు యుక్తము’ అంటే బాగుంటుందేమో?
భోగపు వాడలందిరుగు భోగిని సైతము మార్చగల్గునీ
రిప్లయితొలగించండిభాగవతమ్ము, మానవుల బాపము జేయగ ప్రోత్సహించురా
వేగము మీరినట్టి నవ విజ్ఞుల కాంక్షలు, సత్పథమ్ముకై
భాగవతమ్ము జ్ఞాన పరి పక్వత నిచ్చెడి గ్రంథరాజమౌ
భోగిని మార్చును యోగిగ
భాగవతము, ప్రోత్సహించు బాపము జేయన్
భోగపు వాడలు సుమ్మీ
జాగర్యముతో మెలగుము జగతిన నార్యా
మీ రెండు పూరణలు బాగున్నవి. అభినందనలు.
తొలగించండి‘జగతిని’ అనండి.
యాగముమానవాభ్యుదయ యత్నసరాగము,శాంతిశోధనా
రిప్లయితొలగించండియోగము,రాగమోహనపయోనిధినీదగనిల్చుకావ్యమీ
భాగవతమ్ము, మానవుల బాపముజేయగప్రోత్సహించురా
త్రీగమరాక్షసాంశలను దీయుచు నిచ్చును మోక్షసాధనన్
మీ పూరణ బాగున్నది. వృత్తరచనా నైపుణ్యం చేజిక్కింది. సంతోషం. అభినందనలు.
తొలగించండిరాగము నెఱుగుచు బ్రతుకగ
రిప్లయితొలగించండిభాగవతము ప్రోత్సహించు! బాపము జేయన్
ఏ గాధలైన కావవు!
వేగమె మదిని మలినముల వీడంగ వలెన్!
మీ పూరణ బాగున్నది. అభినందనలు.
తొలగించండి‘జేయ| న్నేగాథలైన...’ అనండి.
మిత్రులందఱకు నమస్సులు!
రిప్లయితొలగించండి[దుర్మార్గ వర్తనుఁడైన కుమారుఁడు గుణనిధినిఁ, దండ్రి యజ్ఞదత్తుఁడు తూలనాడు సందర్భము]
"భోగ విమోహివై చెలఁగి, మూర్ఖుఁడవై, నయమున్ ద్యజించి, వే
శ్యా గమనుండవై, ధనము వ్యర్థముగా నశియింపఁ జేసి, మద్యమున్
ద్రాగి, యమాయకుల్ గుముల, ఱవ్వ యొనర్చుచు నుండునట్టి నీ
భాగవతమ్ము, మానవులఁ బాపముఁ జేయఁగఁ బ్రోత్సహించురా!”
‘భాగవతం’ యొక్క లౌకిక వ్యంగ్యార్థంతో చక్కని పూరణ అందించారు. అభినందనలు.
తొలగించండిరోగము నేడిదంతటయు రోతను రేపగ విస్తరించెనే
రిప్లయితొలగించండిభోగపు మాయనందుబడి బుద్ధి నశించగ మాదకమ్ములన్
చేగొని గడ్డి పీల్చి మధుసేవనతో పతనమ్మె పద్మనా
భా! గవతమ్ము మానవుల బాపము జేయగ బ్రోత్సహించురా!
గవతం = గడ్డి =~మాదకద్రవ్యం
తొలగించండిఅద్భుతమైన విరుపుతో మంచి పూరణ నందించారు. అభినందనలు.
తొలగించండిత్రాగియు వాగెనొకండు “ధర్మము నిలుపంగ నెపుడు
రిప్లయితొలగించండిభాగవతము ప్రోత్సహించు”|బాపము జేయన్ దలచిన?
“ఆగక నానంద మిడెడి యాశల నుయ్యాల లూపు
రాగల కష్టాలు బెంచు రక్షణ నినువీడిపోవు”.|
బాగుంది మీ పూరణ. అభినందనలు.
తొలగించండిత్యాగియు యోగియై పరమతత్త్వ వివేక విచారశీలియై
రిప్లయితొలగించండినాగలిదున్ను" పోతన "జనార్దను భూరి కృపావలంబనన్
బాగుగ వ్రాసె, భక్తిరసబంధుర మార్దవ సత్ఫలాలతో
భాగవతమ్ము! "మానవులబాపముజేయగ బ్రోత్సహించురా?"
భాగవతనామ చింతనె
వేగంబుగ జ్ఞానమిచ్చు వేదము పగిదిన్
రాగంబుద్రుంచు-నిక నే
భాగవతము బ్రోత్సహించు బాపముజేయన్?
మొదటి పూరణలో సమస్య సమర్థంగా పరిష్కరింపబడలేదు.
తొలగించండిరెండవ పూరణ బాగున్నది. అభినందనలు.
భోగముసుమ్మ తెల్గులకు పోతన వ్రాసిన కావ్యరాజమౌ
రిప్లయితొలగించండిభాగవతమ్ము, మానవులఁబాపముంజేయఁగఁబ్రోత్సహించురా?
సాగదు దుష్ప్రచారమిక సాధుజనమ్ములు నమ్మరెవ్వరున్
రాగముతోపఠించుచు సరాగము పొందుడు జీవితమ్ములో
మీ పూరణ బాగున్నది. అభినందనలు.
తొలగించండిభోగములొంది మత్తిలుచు భూరి సుఖమ్మని దల్చి నిత్యమున్
రిప్లయితొలగించండితూగుచు మద్యపానమున దుర్వ్యసనమ్ములలోన మున్గుచున్
సాగుచు , నాస్తికాళినొక షడ్గుణుడాడె సభాముఖమ్ముగా
భాగవతమ్ము మానవులఁ బాపముఁ జేయఁగఁ బ్రోత్సహించురా!
యోగీశ్వరుని కధాంశమె
భాగవతము;ప్రోత్సహించుఁ బాపముఁ జేయ
న్నీగమ్యం బైహిక మగుచున్
తూగగ ధనకాంక్ష నీకు తోడైనంతన్.
మీ రెండు పూరణలు బాగున్నవి. అభినందనలు.
తొలగించండిరెండవ పూరణ మూడవపాదంలో గణదోషం. ‘...న్నీగమ్యం బైహిక మయి’ అనండి.
ఈ కామెంట్‌ను రచయిత తీసివేశారు.
రిప్లయితొలగించండిదయచేసి సవరణ పద్యమును పరిశీలింప గోరెదను.
రిప్లయితొలగించండి"""'''''''''''"""""""""""""""""""
త్యాగియు,యోగియై పరమ తత్త్వవివేక విచారశీలియై
నాగలిదున్ను"పోతన" జనార్దను భూరికృపన్ రచించెనా
భాగవతమ్ము-మానవులబాపముజేయగ బ్రోత్సహించురా
సాగిలి మ్రొక్కగాదగిన సన్ముని వందిత కావ్యమెప్పుడున్?.
బాగుగ పోపుభక్తులకు బ్యాగులు బ్యాగుల రూకలందగా
రిప్లయితొలగించండివేగమె క్రైస్తవమ్మునిట బీరును త్రాగుచు వృద్ధిజేయుటన్
వాగరె వాడవాడలను బైబులు వక్తలు మైకులో నిటుల్:👇
“భాగవతమ్ము మానవులఁ బాపముఁ జేయఁగఁ బ్రోత్సహించురా!”