కవిమిత్రులారా,
ఈరోజు పూరించవలసిన సమస్య ఇది...
“పాశుపతమ్ము వేసి హరి పార్థునిఁ జంపెను నిర్దయాత్ముఁడై”
లేదా
“పాశుపతము వేసి హరియె పార్థునిఁ జంపెన్”
(ఈరోజు నాకు కంటి శస్త్రచికిత్స. రెండు రోజులు బ్లాగును చూడలేనేమో? రేపటికి ‘నిషిద్ధాక్షరి’ని షెడ్యూల్ చేశాను. దయచేసి పరస్పర గుణదోషాల విమర్శ చేసికొనండి)
ఒక సరదా పూరణ !!
రిప్లయితొలగించండిఆశగ హరియను కవి గని
ధీశూన్యుడు పార్ధు నామ ధేయుడు కవితల్
ఆశువు కోరగ కవనపు
పాశుపతము వేసి హరియె పార్థునిఁ జంపెన్
మీ ‘సరదా పూరణ’ మనోరంజకంగా ఉంది. అభినందనలు.
తొలగించండి‘కవితల్+ఆశువు’ అని విసంధిగా వ్రాయరాదు. ‘కావ్యం| బాశువుగఁ గోరఁ గవనపుఁ| బాశుపతము...’ అనండి.
క్లేశము నందున పతియనె
రిప్లయితొలగించండినాశాపాశమ్ము వీడి నయముగ నుండన్
కౌశలమున నిలువనియెడ
పాశుపతము వేసి హరియె పార్ధునిఁ జంపెన్
నమస్కారములు
తొలగించండిభయమేమిలేదు నొప్పి అనేది అస్సలు ఉండదు .ధైర్యం గాఉండండి.ఆశీర్వదించి అక్క
మాస్టరుగారూ! మీకంటి 'సమస్యను' వైద్యుడు చక్కగా 'పూరించాలని' కోరుకొనుచున్నాను.
రిప్లయితొలగించండిమీ కంటి శస్త్రచికిత్స జయప్రదమవ్వాలని శుభాకాంక్షలు.
రిప్లయితొలగించండిఈ కామెంట్‌ను రచయిత తీసివేశారు.
రిప్లయితొలగించండిగురువుగారూ మీ కంటి శాస్త్ర చికిత్స ద్వారా మీరు సత్వరమే ఆరోగ్యం వంతులుగా వుండాలని కోరుకుంటున్నాను
రిప్లయితొలగించండిశస్త్ర చికిత్స ద్వారా
రిప్లయితొలగించండిఆశువు తోడన బలికెను
రిప్లయితొలగించండిపాశుపతము వేసి హరియె పార్ధుని జంపె
న్నీ శా ! వింటివె యాయది
పాశుపతము జంపెన టగ పార్ధుని నచట న్
ఆశుగు మూసి చక్రమున నాశలు రేపఁ గిరీటి యత్తరిన్,
రిప్లయితొలగించండినీ శర మెక్కుపెట్టి యిక నిల్చి దురాత్మునిఁ జంపఁ గోరినన్
పాశుపతమ్ము వేసి హరి పార్థునిఁ, జంపెను, నిర్దయాత్ముఁడై
యీశుని చేత దుష్ట వర మింపుగఁ బొందిన, సైంధవాధమున్
ఆ శక్రసూను దుష్టుని
నీ శరణాగతి రవిజుడు నింపుగ వేడన్
దాశరధి యతని గళమునఁ
బాశుపతము వేసి, హరియె పార్థునిఁ జంపెన్
[పాశుపతము = బకపుష్పము (అవిసెపువ్వు); పార్థుడు = రాజు]
పూజ్యులు శంకరయ్య గారికి వందనములు. మీ కంటి చికిత్స జయప్రదము కావాలని కోరుకుంటున్నాము.
తొలగించండిప్రణామములు గురువుగారు..మీ కంటి ఆపరేషన్ విజయవంతంగా పూర్తి చేసుకుని సత్వరమే కోలుకోవాలని కోరుకుంటున్నాను..
రిప్లయితొలగించండిక్లేశము లెన్ని గల్గినను కృష్ణుడు సైంధవు నెట్లు జంపెనో
రిప్లయితొలగించండిరాశులు పోసి గొల్చినను రాళ్ళకు తూగని వాడు యెవ్వడో
పాశము పట్టి లాగినను పార్థ కుమారుడు యేమి జేసెనో
పాశుపతమ్ము వేసి, హరి, పార్థునిఁ జంపెను నిర్దయాత్ముఁడై
గురువుగారూ, కంటి శస్త్ర చికిత్స విజయవంతమై మీరు త్వరలోనే సంపూర్ణ ఆరోగ్యవంతులు కావాలని ఆ సర్వేశ్వరుడిని ప్రార్థిస్తున్నాను.
ఫణిగారూ, చాలా అందంగా సమస్యని పూరించారు!! మాబాగా నచ్చింది నాకు.
తొలగించండిఈ కామెంట్‌ను రచయిత తీసివేశారు.
తొలగించండిరఘురాం గారూ ధన్యవాదములు
తొలగించండిఫణి కుమార్ గారు మీ క్రమాలంకార పూరణ ప్రశస్తముగ నున్నది. కృష్ణుడని యెవరి నుద్దేసించియన్నారో యదికూడ పూరణ లో సూచించిన బాగుంటుంది
తొలగించండికామేశ్వరరావు గారికి నమస్సులు. నేను కృష్ణుడు అని అర్జునుడి పది పేర్లలో ఒక దానిని వాడాను. ఈ సందర్భానికి అదే అర్థం వస్తోంది కదా అని ఇంక వివరించలేదు. మీ సూచనకి ధన్యవాదములు. పార్థ కుమారుడు అని బభ్రువాహనుడి గూర్చి రాసి యున్నాను.
తొలగించండిఫణికుమార్ గారు కృష్ణుడు నల్లని వాడనెడు నర్థములో నర్జునునకు వర్తింప వచ్చును. అర్జునుని దశనామాల్లో నది లేదు. అర్జునుని దశనామాలు భారతములో చెప్పిన రీతి:
తొలగించండి"అనుటయు నతండు సస్మితాననుం డగుచు, ‘నర్జునుండు, ఫల్గునుండు, పార్థుండు, కిరీటి, శ్వేతవాహనుండు, బీభత్సుండు, విజయుండు, జిష్ణుండు, సవ్యసాచి, ధనంజయుండు నను నివి పదియును నా పేళ్ళనవుడు, నుత్తరుండు పాండవమధ్యమున కిట్లనియె."
భారతములో కృష్ణులు: వ్యాస మహర్షి, కృష్ణుడు, అర్జునుడు, ద్రౌపదు (కృష్ణ) లు.
అర్జున: ఫల్గుణ: పార్థ: కిరీటీ శ్వేతవాహన: |
తొలగించండిబీభత్సుర్విజయ: కృష్ణ: సవ్యసాచీ ధనంజయ: ||
ఈ శ్లోకం పిడుగుపాటు సమయంలో చదవడం నాకు చిన్నప్పుడు పెద్దలు నేర్పి యున్నారు. తప్పు ఒప్పులు నాకు తెలియదు. తెలియజేసినందుకు ధన్యవాదములు.
ఫణికుమార్ గారు మీ తప్పేమీ లేదు. కాలాంతరములో చాలా మార్పులువస్తుంటాయి. కవిత్రయ భారతము (వ్యాస) మనకు ప్రామాణికము. మీపూరణ నిస్సందేహముగా ప్రశస్తమే.
తొలగించండికామేశ్వరరావు గారూ ధన్యవాదములు. ఈ శంకరాభరణం వేదికగా మీవంటి పెద్దల నుంచి ఎన్నో విషయాలు నేర్చుకొనే అదృష్టం నాకు దక్కింది. ధన్యుడను. గురువుగారికి మరియు మీవంటి పెద్దలందరికీ నమస్సుమాంజలి.
తొలగించండిగురువుగారి శస్త్ర చికిత్స విజవంతం కావాలని కోరుకుంటున్నాను.కళ్ళకు కొన్ని రోజులు వత్తిడి కలుగనీయ కూడదు. వరంగల్లు లో ఉన్న కవిమిత్రులు గురువుగారికి కావలసిన సహాయం చేస్తారని తలుస్తాను.
రిప్లయితొలగించండికేశవుని గొలిచె కవ్వడి
రిప్లయితొలగించండిపాశుపతము వేసి, హరియెపార్థుని జంపెన్
క్లేశముతోనిందించెడు
యాశిశు పాలుని యడచగ నావేశముతో!!!
పాశుపతము =అవిసెపువ్వు
పార్థుడు = రాజు
శైలజ గారు భిన్నార్థములతో మీపూరణ సుందరముగనున్నది. "శిశుపాలునినడరిన యావేశముతో" అంటే బాగుంటుంది.చంపెను,అడచగ రెండు సమానార్థ పదములు గద.
తొలగించండిఈ కామెంట్‌ను రచయిత తీసివేశారు.
తొలగించండిధన్యవాదములు సర్..
తొలగించండికేశవుని గొలిచె కవ్వడి
పాశుపతము వేసి, హరియెపార్థుని జంపెన్
క్లేశముతోనిందించెడు
యాశిశు పాలుని నడరిన యావేశముతో!!!
ఈ కామెంట్‌ను రచయిత తీసివేశారు.
రిప్లయితొలగించండిశ్రీగురువుగారైనకందిశంకరయ్యగారికివందనములతోకంటిశస్రచికిత్సతరువాతజాగ్రత్తలతోవైద్యసలహాలుతీసికొనిఆరోగ్యభాగ్యమందుకోవాలనికోరుకుంటూమనవి
రిప్లయితొలగించండి14.6.16. ఆశగ నమ్మవిద్యగొని అందరి లాగునగొప్పగాను న
త్యాశగ పండితుండగుచు దర్పమునందున విద్యనేర్పుచున్
పాశుపతమ్ము వేసి హరి పార్థునిజంపెను నిర్ధయాత్ముడై
ఆశువుగాను బల్కె “మరియాదగువిద్య ప్రమాణమెంచకన్ {చదువును కొన్నపండితుడుతెలిపినవిషయము}
పాశుపతమ్ము బొందెనొక పార్థుడు గొప్పతపంబుజేసి-తా
రిప్లయితొలగించండినాశమొనర్ప వైరులను నవ్య విశేష పరాక్రమాన-నా
యీశుని నామమెన్న "హరి"యీప్సితమొప్పగ యుద్ధరంగమున్
పాశుపతంబువేసి హరి పార్థుని జంపెను నిర్ణయాత్ముడై.
నాశముజేయగ రిపులను
పాశుపతముబొందెను" హరి "భక్తవరుండై
ఆశయసిద్ధిని గోరుచు
పాశుపతము వేసి హరియె పార్థుని జంపెన్.
సవరణ....నిర్దయాత్ముడై కి బదులుగా నిర్ణయాత్ముడని పొరబాటున వ్రాశాను.
రిప్లయితొలగించండిపాశుపత మ్ము వేసి హరి పార్ధుని జంపె ను నిర్దయాత్ముడై
రిప్లయితొలగించండియాశువు గాదె మీపలుకు లట్లుగ నెవ్వరు నైన నుండునే
నీ శుడు జంప నేరడిల నెట్టి పరి స్థితులందు నైనను
న్బాశు పతంబుతోడ నమరి పార్ధుని గృష్ణుడు నేర్వుమా యిదిన్
రోశముతోప్రతిజ్ఞసభలోనొనరించితరణ్యవాసమున్
రిప్లయితొలగించండిగ్లేశములెన్నొదాటితిరి కృష్ణపరాభవవేదనమ్మికన్
నాశమొనర్పలెమ్మనుచునష్టుడచేతనమూర్తి గీతభా
పాశుపథమ్మువేసిహరిపార్థునిజంపెనునిర్థయాత్ముడై
కృష్ణ..అనగా ద్రౌపది
సైకాలజి ప్రకారం అచేతనమనసు అజ్ఞానమోహావిష్టము.కావున అచేతనమూర్తయిన పార్థుని గీతయనే ప్రకాశ పాశుపథమ్ముతోకూల్చాడని...ఐతగోని వేంకటేశ్వర్లు
ఐతగోని వేంకటేశ్వర్లు గారు మీ పూరణ చక్కటి భావముతో నలరారుచున్నది. ఒక చిన్న సూచన.
తొలగించండి“నష్టుడచేతనమూర్తి, పార్థుని జంపె” ననుట కంటె “పార్థుని యజ్ఞానమును జంపె నన్న యర్థములో
“నాశమొనర్ప లెమ్మనుచు నవ్వి యవిద్యను నెల్ల, గీత భా” యనిన నెట్లుండును?
“ పాశుపతమ్ము” నకు బదులు పొరపాటున కాబోలు “పాశుపథమ్ము” గా వ్రాసినారు. రోసము (రోషము) ను రోశము గా వ్రాసినారు.
ఈ కామెంట్‌ను రచయిత తీసివేశారు.
రిప్లయితొలగించండిమిత్రులందఱకు నమస్సులు!
రిప్లయితొలగించండి[రాముని మిషగాఁ గొని, లంకకు రాజైన రావణుని, యముఁడే కాళపాశ మనెడి పాశుపతమును వేసి, నిర్దయుఁడై, ప్రాణముం గొనెనని చమత్కారము]
నాశము లేదటంచుఁ గరుణం దగఁ జూపక కాశ్యపేయులన్
గ్లేశములందుఁ ద్రోసి, సురనేతనుఁ బాఱఁగఁ ద్రోలినట్టి లం
కేశునిఁ గూల్ప, "రాముఁ డను నిహ్నవమున్" గొని, "కాళపాశ మన్
బాశుపతమ్ము" వేసి, హరి, పార్థునిఁ జంపెను, నిర్దయాత్ముఁడై!
(కాశ్యపేయులు=దేవతలు, నిహ్నవము=వ్యాజము, హరి=యముఁడు, పార్థుఁడు=రాజు [లంకేశుఁడైన రావణుఁడు])
ఈ కామెంట్‌ను రచయిత తీసివేశారు.
తొలగించండిమధుసూదన్ గారు మీ పూరణ మిక్కిలి రమ్యముగా నున్నది. విశేషముగా మూడవ పాదములో మీరు వాడిన యతి నన్నాకర్షించింది.
తొలగించండిత్రివేణీ సంగమములా యఖండ యతి, యనుస్వారయతి, న-ఙ లయతి. కలసిన మేలువడి.
తొలగించండికవీంద్రులకు నమస్సులు
తొలగించండిసుకవి మిత్రులు కామేశ్వర రావు గారూ...నమస్సులు!
తొలగించండిమీ అభిమానానికి కృతజ్ఞుడను! మీ సూక్ష్మపరిశీలనకు జోహారులు!
సుకవులు శిష్ట్లావారూ...నమస్సులు!
ధన్యవాదములు!
కవీంద్రులకు నమస్సులు
తొలగించండి_/\_
తొలగించండికంటి వైద్యమునకు బోవు కంది శంక
రిప్లయితొలగించండిరయ్య గారికి శుభములు రయముగాను
జరుగు గావుత ! శంకరు గరుణ వలన
తధ్య మీయది ,నామాట తప్పు కాదు
ఈ కామెంట్‌ను రచయిత తీసివేశారు.
రిప్లయితొలగించండి
రిప్లయితొలగించండి[3:44pm, 14/06/2016] విరించి VIRINCHI: మంత్రితో విభీషణుడు తన స్వప్న వృత్తాంతముగా తెలిపినట్టుగా నూహించి
క్లేశము తప్పదేమొ మనకింకను, స్వప్నము గంటినేను యా
క్రోసుల దవ్వునుండిటకు రోయక జేరిన వానరేంద్రుడే
నాశము జేసె రాక్షసుల నా కలయందున నాలకింపుమా
పాశుపతమ్ము వేసి హరి పార్థుని జంపెను నిర్దయాత్ముడై
క్లేశము తప్పదనుచును వి
భీషణుడు పలికెను కదన భీముడు మనలన్
నాశన మొనర్చ హరియను
పాశుపతము వేసి హరియె పార్థుని జంపెన్
హరి= హనుమంతుడు
రెండవ పద్యములో చివరి పాదమున శ్రీరాముడు
పార్థుడు = రాజు, రావణుడు
ఆశ రహించు వేళలు మ
రిప్లయితొలగించండిహార్ణవమౌ మధురోహ హేలలన్
క్లేశము సంతరించగ స్వ
కీయమునో బరకీయమౌచునో
నాశ దహించు వేళల ని
రాశ్రయమున్గన నిట్లు గన్పడున్
"పాశుపతమ్ము వేసి హరి
పార్థుని జంపెను నిర్దయాత్ముడై!"
మధుసూదన్ గారు. మీ భావనాపటిమ అనితరసాధ్యము. హార్దికాభినందనలు.నిఘంటువు మొత్తం కంఠోపాఠం చేసినట్లున్నారు.
రిప్లయితొలగించండిమధుసూదన్ గారు. మీ భావనాపటిమ అనితరసాధ్యము. హార్దికాభినందనలు.నిఘంటువు మొత్తం కంఠోపాఠం చేసినట్లున్నారు.
రిప్లయితొలగించండిసుకవి మిత్రులు పొన్నెకంటి సూర్యనారాయణ రావు గారికి...నమస్సులు!
తొలగించండిధన్యవాదములు!
నిఘంటువు కంఠోపాఠము కావలెనన్న చాలా ధారణ మవసరము. నాకంతటి ధారణ లేదు. ఒక్క నిహ్నవ మనే పదాన్ని ప్రయోగించడానికి కొంత ఆలోచించాను. మిగతావి సులభములే.
మీ అభిమాన పూర్వక అభినందనలకు కృతజ్ఞుడను!
ఈ కామెంట్‌ను రచయిత తీసివేశారు.
రిప్లయితొలగించండిఈ కామెంట్‌ను రచయిత తీసివేశారు.
రిప్లయితొలగించండినా రెండవ పూరణము:
రిప్లయితొలగించండి[గయునిఁ గాఁచుటకై నడుముకట్టిన యర్జునుని పాశుపతాస్త్రమునుఁ గోపముచే శ్రీకృష్ణుఁ డపహరించి, దయమాలి, యా పాశుపతము తోడనే పార్థుని సంహరించినట్లు...కర్ణుఁడు... స్వప్నమందుఁ గాంచె...నని కల్పనము]
శైశవ చేష్ట నూను గయుఁ జంపఁగఁ బూనెను కృష్ణుఁ! డర్జునుం
డాశ నిడెన్ గయుం దడవ! నప్పుడు కృష్ణుఁడు నాగ్రహించి, వే
పాశుపతమ్ము మ్రుచ్చిలె! స్వబాంధవుఁ డంచునుఁ జూడఁ డయ్యొ! త
త్పాశుపతమ్ము వేసి, హరి, పార్థునిఁ జంపెను నిర్దయాత్ముఁడై!!
మీ రెండు పూరణలూ అసామాన్యము.
తొలగించండి_/\_ _/\_ _/\_
మీ రెండు పూరణలూ అసామాన్యము.
తొలగించండి_/\_ _/\_ _/\_
సుకవి మిత్రులు సహదేవుఁడు గారూ...నమస్సులు...ధన్యవాదములు!
తొలగించండినాశము చేసితి వేమిర?
రిప్లయితొలగించండి'పాశుపతము వేసి నరుడు పరులన్ జంపెన్'
దోషముగ వ్రాసినావట?
బాశుపతము వేసి హరియె పార్థునిఁ జంపెన్!
ఆశగబబ్రువాహనుడు యర్జున పుత్రుడు నశ్వమేధమున్
రిప్లయితొలగించండిదేశములన్ని దాటి తన దేశము వచ్చిన యశ్వమంట నా
వేశముతోడ యుద్ధమని వెంటనె రాగను నాగబాణమౌ
పాశుపతమ్ము వేసి హరి! పార్థుని జంపెను నిర్దయాత్ముడై.
కామేశ్వరరావు గారు ధన్యవాదములు.నాభావమది.అది అభ్యంతరకరమైతే ..సవరించుకోవడానికి..ఇబ్బంది.యేమీలేదు
రిప్లయితొలగించండిఐతగోని వేంకటేశ్శర్లు
హనుమచ్చాస్త్రిగారు మీపూరణ అద్భుతం
రిప్లయితొలగించండివెంకటేశ్వర్లుగారూ! ధన్యవాదములు.
తొలగించండిఆశల బాపెడిన్ గుబులు హైరణ జేయుచు తల్లడించగా
రిప్లయితొలగించండికేశవ! నేనిటన్ రణము ఖిన్నుచు క్రుంగుచు చేయలేనన
న్నాశువు గీతనున్ నుడివి యర్జుని క్లైబ్యము చంపెగానిటుల్:👇
పాశుపతమ్ము వేసి హరి పార్థునిఁ జంపెను నిర్దయాత్ముఁడై...