రామకృష్ణ గారూ, వహ్వా! ఆరంభంలోనే అద్భుతమైన పూరణ చదివి మహదానందం చెందాను. నిశ్చయార్థక వాక్యాన్ని ప్రశ్నార్థకంగా మార్చి మీరు చేసిన పూరణ ఔత్సాహికులకు మార్గదర్శకం. ఇంక చక్కని పూరణ నిచ్చిన మీకు అభినందనలు, ధన్యవాదాలు. ‘దిక్కని తోచి’ అనండి. అక్కడ దిక్కని అన్న తరువాత గసడదవాదేశానికి కాని, సరళాదేశానికి కాని అవకాశం లేదు.
"దిక్కని తోచి - దిక్కని అన్న తరువాత గసడదవాదేశానికి కాని, సరళాదేశానికి కాని అవకాశం లేదు. " మన్నించండి. ఇదే విషయం గతం లో మీరు రెండు సార్లు, డా.విష్ణునందన్ గారు ఒక మారు చెప్పినారు. ఇకపై మరింత జాగ్రత్తవహించి - వ్రాయటానికి ప్రయత్నిస్తాను. సత్యము నర్చకోత్తమా అనవలెనా - సత్యము యర్చకోత్తమా అనవలెనా అని చాలాసేపు ఆలోచించినాను కానీయండి ఏది సరైనదో తెలియలేదు.
అక్కయ్యా, కంటి ఆపరేషన్ కారణంగా నేనూ కొద్దిరోజులు బ్లాగును చూడలేదు. అయితే మీ లోపాన్ని గుర్తించాను. ఆరోగ్యపరమైన ఇబ్బందులేమైనా వచ్చాయేమో అనుకున్నా! అయితే అనారోగ్యం మీకు కాదు, కంప్యూటరుకు అని తెలిసి సంతోషిస్తున్నాను. మీరు కూడా ఊకదంపుడు గారి మార్గంలో సమస్యను ప్రశ్నార్థకంగా మార్చి చక్కని పూరణ నిచ్చారు. బాగుంది. నిర్దోషం! అభినందనలు.
శంకరార్యుల సవరణ బాగుంది. నా మార్గంలో - అంటే - దేశిఃఛందాల్లో గణాలమీద పదాలు వీలైనంతగా విరిగే విధానంలో అన్నమాట - సవరణ 'భూరి వితరణంబుల బొంది భోగములను' అనే వాడినేమో!
ఏదైనా సమస్యను ప్రశ్నార్థకంగా మార్చిన పూరణలు బాగున్నాయి.
కామేశ్వర రావు గారూ, మీ రెండు పూరణలు బాగున్నవి. అభినందనలు. రెండవపూరణలో కొంత అన్వయలోపం... భైరవునకు పైన మీరిచ్చిన విశేషణాలన్నీ బహువచనంలో ఉన్నాయి. నా సవరణ... రాక్షుసుఁడు భీమకాయుఁడు రౌద్రుఁ డవనిఁ గ్రూరుఁ డెంచ విష్ణ్వారాధకుల సహింప నోర్వఁ డెన్నఁడు మునులకు నుద్భటముగ భైరవుం డిచ్చు నశుభముల్ భక్తులకును.
రఘురామ్ గారూ, మీ పూరణ బాగున్నది. ‘విరాలముల్+ఒసగె’ అన్నపుడు లకార ద్విత్వం రాదు. అది కేవలం నకారానికే పరిమితం. ‘విరాళమున్+ఒసగె= విరాళము న్నొసగె’ అవుతుంది. ‘నివేదనం’ అని ముప్రత్యయం స్థానంలో అనుస్వారం ఉంచారు. ‘తో’ ప్రత్యయాన్ని హ్రస్వంగా ప్రయోగించారు. ‘వారకూ’ అనడం గ్రామ్యం. ‘వారికిన్’ అనండి.
తీరని బాధలెక్కుడయి తృప్తి నెఱుంగని జీవినై ధరన్
రిప్లయితొలగించండితారణ మార్గమున్ గనక దైవమె దిక్కని దోచి చిత్తమున్
జేరితి నిప్పుడీగుడికిఁ జెప్పుము సత్యము నర్చకోత్తమా
భైరవుఁ డిచ్చుచుండున శుభంబులు నమ్మిన భక్తకోటికిన్?
రామకృష్ణ గారూ,
తొలగించండివహ్వా! ఆరంభంలోనే అద్భుతమైన పూరణ చదివి మహదానందం చెందాను. నిశ్చయార్థక వాక్యాన్ని ప్రశ్నార్థకంగా మార్చి మీరు చేసిన పూరణ ఔత్సాహికులకు మార్గదర్శకం. ఇంక చక్కని పూరణ నిచ్చిన మీకు అభినందనలు, ధన్యవాదాలు.
‘దిక్కని తోచి’ అనండి. అక్కడ దిక్కని అన్న తరువాత గసడదవాదేశానికి కాని, సరళాదేశానికి కాని అవకాశం లేదు.
గురువు గారూ,
తొలగించండిఅనేక ధన్యవాదములు.
"దిక్కని తోచి - దిక్కని అన్న తరువాత గసడదవాదేశానికి కాని, సరళాదేశానికి కాని అవకాశం లేదు. "
మన్నించండి.
ఇదే విషయం గతం లో మీరు రెండు సార్లు, డా.విష్ణునందన్ గారు ఒక మారు చెప్పినారు. ఇకపై మరింత జాగ్రత్తవహించి - వ్రాయటానికి ప్రయత్నిస్తాను.
సత్యము నర్చకోత్తమా అనవలెనా - సత్యము యర్చకోత్తమా అనవలెనా అని చాలాసేపు ఆలోచించినాను కానీయండి ఏది సరైనదో తెలియలేదు.
భవదీయుడు
చేరగ కాశిపట్ట ణము చేతన మొందుచు భక్తి మీరగన్
రిప్లయితొలగించండిభారపు జీవనం బునను పాపము లెన్నియొ సంచితం బుగన్
నీరము నందునన్ గలిపి నేరుగ నీశుని మ్రొక్కినం తనే
భైరవుఁ డిచ్చుచుండు న ? శుభంబులు నమ్మిన భక్త కోటికిన్
-----------------------------------------
క్షమించాలి
10ది,15ను , రోజులుగా నాకంప్యుటర్ పనిచెయ్యటల్లేదు .మన శంకరాభరణమునకు దూరమై పోయాను అన్నబాధతో ఈరోజు ఎలాగో కుస్తీ పట్టాను .నావి+ కంప్యూటరువి ఎన్ని తప్పులు ఉన్నాయో ? గురువులకు శ్రమ కలిగించి నందులకు క్షంతవ్యు రాలను .
అక్కయ్యా,
తొలగించండికంటి ఆపరేషన్ కారణంగా నేనూ కొద్దిరోజులు బ్లాగును చూడలేదు. అయితే మీ లోపాన్ని గుర్తించాను. ఆరోగ్యపరమైన ఇబ్బందులేమైనా వచ్చాయేమో అనుకున్నా! అయితే అనారోగ్యం మీకు కాదు, కంప్యూటరుకు అని తెలిసి సంతోషిస్తున్నాను.
మీరు కూడా ఊకదంపుడు గారి మార్గంలో సమస్యను ప్రశ్నార్థకంగా మార్చి చక్కని పూరణ నిచ్చారు. బాగుంది. నిర్దోషం! అభినందనలు.
dhanya vaadamulu
తొలగించండిపరుల మెప్పును బొందగ భక్తి జూపి
రిప్లయితొలగించండిభూరి విరాళము లంది భోగ మందు
మునిగి తేలెడు మోసపు మునుల కంట
భైరవుం డిచ్చున ? శుభముల్ భక్తు లకును
అక్కయ్యా,
తొలగించండిమీ రెండవ పూరణకూడా బాగుంది. అభినందనలు.
రెండవపాదంలో గణదోషం ‘భూరిగ విరాళముల నంది భోగములను/ భూరి దానమ్ము లందుచు భోగములను’ అనండి.
శంకరార్యుల సవరణ బాగుంది. నా మార్గంలో - అంటే - దేశిఃఛందాల్లో గణాలమీద పదాలు వీలైనంతగా విరిగే విధానంలో అన్నమాట - సవరణ 'భూరి వితరణంబుల బొంది భోగములను' అనే వాడినేమో!
తొలగించండిఏదైనా సమస్యను ప్రశ్నార్థకంగా మార్చిన పూరణలు బాగున్నాయి.
శ్యామల రావు గారూ,
తొలగించండిధన్యవాదాలు.
రిప్లయితొలగించండికోరిన వరము లిచ్చును కొంచమైన
యోచనను జేయకను సరియో యని తలు
వక, జిలేబి వినుము నీదు వసది యనుచు
భైరవుం డిచ్చు నశుభముల్ భక్తులకును !
జిలేబి
జిలేబీ గారూ,
తొలగించండికొంత అన్వయలోపం, సందిగ్ధత ఉన్నాయి.
‘వసది’...? ‘నీదు వాగు డనుచు’ అంటే ఎలా ఉంటుంది?
చేరగ కాశికా పురము శ్రీకర దర్శన ధన్యభాగ్యమున్
రిప్లయితొలగించండిధారుణి ధాతయే పగిది దారుణ కర్మఫలంబునిచ్చునో
దారిని జూపునెవ్వరికి దక్షుని మామయు కష్టకాలమున్
భైరవుఁ డిచ్చుచుండు, నశుభంబులు, నమ్మిన భక్తకోటికిన్
ఫణికుమార్ గారూ,
తొలగించండిపూరణ బాగున్నది. కాని కొంత అన్వయక్లేశం ఉన్నట్టుంది.
చిత్తమందున భక్తిని విత్తలేక
రిప్లయితొలగించండిసత్తు గనలేము గాదె ప్రపత్తిలేక
తప్పుజేయుచు నీశుని మెప్పుగోర
భైరవుండిచ్చున? శుభముల్ భక్తులకును!
శర్మ గారూ,
తొలగించండిప్రశ్నార్థకమైన మీ పూరణ బాగున్నది. అభినందనలు.
భైర వుండి చ్చునశు భము ల్భ క్తులకును
రిప్లయితొలగించండిననుట నాయమె మీకిది యార్య !చెపుమ
భైర వుండి చ్చుశుభములు వరదు డగుట
భక్త కోటిని రక్షించి రక్తి తోడ
సుబ్బారావు గారూ,
తొలగించండిమీ పూరణ బాగున్నది. అభినందనలు.
బండకాడి అంజయ్య గౌడ్ గారి పూరణ....
రిప్లయితొలగించండిసారెకు మోసగించుచును సంపదలెన్నియొ కూడబెట్టి తా
నేరుగ కాశికిన్ చనియు నేమము తోడుత పూజచేయు సం
స్కారము మెచ్చబోక మన సంపదలన్నియు నాశమవ్వగా
భైరవు డిచ్చుచుండు నశుభంబులు నమ్మిన భక్తకోటికిన్
అంజయ్య గారూ,
తొలగించండిమీ పూరణ బాగున్నది. అభినందనలు.
'నాశమవ్వగా' అన్నది ఒప్పదండీ. నాశమైచనన్ అంటే బాగుంటుంది, రాబోయే పాదానికి చక్కగా అతుకుతుంది కూడా.
తొలగించండిశ్యామల రావు గారూ,
తొలగించండిమీ సూచన బాగున్నది. ధన్యవాదాలు.
భారము గాగనాబ్రదుకు భార్యను బిల్లలు జూడకుండు రీ
రిప్లయితొలగించండిధారుణి నెట్లుగా మనుచు దారణ జేయుదు జీవనంబు నున్
వారము వారము న్భజన బాగుగ జేయుచు నుండగానిక న్
భైరవు డిచ్చు చుండు నశుభంబులు నమ్మిన భక్త కోటికిన్ ?
సుబ్బారావు గారూ,
తొలగించండిమీ పూరణ బాగున్నది. అభినందనలు.
కోరిన కోరకున్న జతగూర్చును నెవ్వడు కర్మబంధముల్?
రిప్లయితొలగించండిఘోరవికార కార్యములకున్ ఫలితంబులజూడ నెట్టివో?
సారమతింబరాత్పరుడు సత్కృప నెవ్వరికండనుండునో?
భైరవుడిచ్చుచుండు;నశుభంబులు;నమ్మిన భక్తకోటికిన్.
ఇలను కర్మానుభవముల నెవడొసంగు?
దుష్టకార్యాలకేమేమి స్పష్టమగును?
హృదయమేరికి నిరతంబు సదయమగును?
భైరవుండిచ్చు;నశుభముల్;భక్తులకును.
పొన్నెకంటి వారూ,
తొలగించండిక్రమాలంకారంలో మీ రెండు పూరణలు బాగున్నవి. అభినందనలు.
కృతజ్ఞతలండి.
తొలగించండిమాన్యులు శంకరయ్య గారికి... మీరనుమతినిస్తే ధూళిపూడి శతవసంతోత్సవ అనుభవాలను ఖండకావ్యములో పెడదామనుకుంటున్నాను.దోషాలను పరిష్కరించగోరెదను.
తొలగించండితప్పకుండా నా మెయిల్ చిరునామాకు పంపించండి. పరిశీలిస్తాను.
తొలగించండిshankarkandi@gmail.com
కృతజ్ఞతలు.
తొలగించండినీతి నియమములను మదినెంచ మనుచు
రిప్లయితొలగించండిపరుల హింసకు గురిచేసి పాప మంద,
చిత్రముగ, శివ పూజలు చేసి నంత
భైరవుండిచ్చున శుభముల్! భక్తులకును!
శ్రీధర రావు గారూ,
తొలగించండిమీ పూరణ బాగున్నది. అభినందనలు.
ఈ కామెంట్‌ను రచయిత తీసివేశారు.
రిప్లయితొలగించండిక్షీరసముద్ర సంభవము కీలనికాశ హలాహలమ్మునున్
తొలగించండినీరము భంగి కంఠమున నేర్పునఁ బెట్టి భయార్త దీనుల
న్నారితిఁ దీర్చి గాచిన దయామయు నివ్విధిఁ జెప్ప నొప్పునే
భైరవుఁ డిచ్చుచుండు నశుభంబులు నమ్మిన భక్తకోటికిన్
[భైరవుడు = శివుడు]
రాక్షసులు భీమ కాయులు రౌద్రు లవనిఁ
గ్రూరు లెంచ విష్ణ్వారాధకుల సహింప
నోర్వ రెన్నడు మునులకు నుద్భటముగ
భైరవుం డిచ్చు నశుభముల్ భక్తులకును
[భైరవుడు = భయంకరుడు]
కామేశ్వర రావు గారూ,
తొలగించండిమీ రెండు పూరణలు బాగున్నవి. అభినందనలు.
రెండవపూరణలో కొంత అన్వయలోపం... భైరవునకు పైన మీరిచ్చిన విశేషణాలన్నీ బహువచనంలో ఉన్నాయి. నా సవరణ...
రాక్షుసుఁడు భీమకాయుఁడు రౌద్రుఁ డవనిఁ
గ్రూరుఁ డెంచ విష్ణ్వారాధకుల సహింప
నోర్వఁ డెన్నఁడు మునులకు నుద్భటముగ
భైరవుం డిచ్చు నశుభముల్ భక్తులకును.
ఈ కామెంట్‌ను రచయిత తీసివేశారు.
తొలగించండిపూజ్యులు శంకరయ్య గార్కి వందనములు. మీసవరణకు మిక్కిలి ధన్యవాదములు. పూర్వార్థమున రాక్షసుల సామాన్య స్వభావాన్ని ప్రస్తావించితిని. ఓర్వరని యా వాక్యము పూర్తి చేశాను గదా యనుకొన్నాను. నాకుకూడా యాయనుమానము వచ్చినది.
తొలగించండికారణ మాశచేత తమకాంక్షల కై తగుపాప కార్యముల్
రిప్లయితొలగించండితీరిక చేత జేయగల దీక్షనుబూని తపస్సు జేయగా
బైరవుడిచ్చు చుండు నశుభంబులు నమ్మిన భక్త కోటికిన్
బేరములాడు భక్తులకు భీతిని బంచును నీతిమాలినన్
2.మంచి మనసున్న భక్తునికుంచు సుఖము
నెంచి పాపాలుజేసెడి వంచకులకు
బైరవుండిచ్చునశుభముల్ భక్తులకును
దైవ శక్తిని వంచించ?తరుగుబలము|
ఈశ్వరప్ప గారూ,
తొలగించండిమీ రెండు పూరణలు బాగున్నవి. అభినందనలు.
కోరిన జాలు భక్త జన కోర్కెల దీర్చెడు వేల్పులెవ్వరీ
రిప్లయితొలగించండిధారుణి యందునన్నని సదాతల పోయుచు నుందురే యిలన్
శ్రీరఘు రామడా? యనఘ శ్రీహరియా? విధిరాణివాణియా?
భైరవుడిచ్చుచుండున? శుభంబులు నమ్మిన భక్తకోటికిన్
ఎవడెవండిల భక్తుల యీప్సితముల
దీర్చి బ్రోచెడు వేలుపో తెలుపు మంటి
రాముడా? పద్మ నాభుడా? బ్రహ్మ యౌన
భైరవుండిచ్చున? శుభముల్ భక్తులకును.
ఆంజనేయ శర్మ గారూ,
తొలగించండిమీ రెండు పూరణలు బాగున్నవి. అభినందనలు.
ఈ కామెంట్‌ను రచయిత తీసివేశారు.
రిప్లయితొలగించండిభారము హెచ్చె పాపముల, బంగరు వెండి యుపాయనంబులున్
రిప్లయితొలగించండిభూరి విరాళముల్లొసగె భూతులనాథునికే నివేదనం
బేరముగాదె దేవునితొ, వెక్కసమీ స్థితి యిట్టివారకూ
భైరవుడిచ్చుచుండున శుభంబులు? నమ్మిన భక్తకోటికిన్॥
రఘురామ్ గారూ,
తొలగించండిమీ పూరణ బాగున్నది.
‘విరాలముల్+ఒసగె’ అన్నపుడు లకార ద్విత్వం రాదు. అది కేవలం నకారానికే పరిమితం. ‘విరాళమున్+ఒసగె= విరాళము న్నొసగె’ అవుతుంది. ‘నివేదనం’ అని ముప్రత్యయం స్థానంలో అనుస్వారం ఉంచారు. ‘తో’ ప్రత్యయాన్ని హ్రస్వంగా ప్రయోగించారు. ‘వారకూ’ అనడం గ్రామ్యం. ‘వారికిన్’ అనండి.
నీతినియమమ్ము వీడిన పాతకులకు
రిప్లయితొలగించండిభైరవుండిచ్చు నశుభముల్, భక్తులకును
చిత్తశుద్ధిని గలిగి బూజించి సతము
శరణు వేడిన కరుణించి వరములిడును!!!
శైలజ గారూ,
తొలగించండివిరుపుతో మీ పూరణ బాగున్నది. అభినందనలు.
భైరవుండిచ్చునశుభములు భక్తులకును
రిప్లయితొలగించండియనెడి మాట సరియు కాదు నాభవుండు..
భక్త వత్సలుడు సతము భయమునుడిపి
భోగభాగ్యముల నొసగి బ్రోచు చుండు .
నిన్నటి పద్యమోసారి చూడండి
రిప్లయితొలగించండియుద్ధము నందున పార్థుడు
బద్దలు గొట్టెను రిపులను బాణంబులచే
సద్దును చేయుచు నవియును
మద్దెలలె మ్రోగె గగన మధ్యము నందున్
ఉమాదేవి గారూ,
తొలగించండిమీ రెండు పూరణలు బాగున్నవి. అభినందనలు.
‘భక్తులకును+అనెడి’ అన్నపుడు యడాగమం రాదు.
భారము వేసి వేడినను వైభవ భాగ్యము నీతి వర్తనన్
రిప్లయితొలగించండిభైరవుఁ డిచ్చుచుండు, నశుభంబులు నమ్మిన భక్తకోటికిన్
దూరము జేయు, పాపములు దుష్కృత కార్యమొనర్చు వారలన్
ధారుణి యందు హింసకుల తప్పక ద్రుంచు త్రి శూలధారలన్.
లక్ష్మినారాయణ గారూ,
తొలగించండివిరుపుతో మీ పూరణ బాగున్నది. అభినందనలు.
కారణమేదొమానసముగాంచకవేదన జెందుచుండగా
రిప్లయితొలగించండిప్రేరణపొందినీశ్వరుని ప్రీతిగ పూజలు చేయబూనుచున్
కోరితిపాదపద్మముల కూరిమివేగమెమేలుచేయగా భైరవుడిచ్చుచుండున, శుభంబులు నమ్మిన భక్తకోటికిన్
శ్రీరాం గారూ,
తొలగించండిమీ పూరణ బాగున్నది. అభినందనలు.
‘ప్రేరణ పొంది యీశ్వరుని...’ అనండి.
భూసారపు నర్సయ్య గారి పూరణ...
రిప్లయితొలగించండికర్మ వలననే జీవులు గలుగుచుంద్రు
కాలగమనమ్మునందునఁ గలియుచున్న
కాని కాల మెప్పుడు కర్త కాదు, కాల
భైరవుం డిచ్చున శుభముల్ భక్తులకును?
నర్సన్నా,
తొలగించండిమీ పూరణ బాగుంది. అభినందనలు.
చిత్తుగా త్రాగి కలిగిన మత్తుతోడ
రిప్లయితొలగించండిదైవ దూషణ చేసిన కావరమున,
భైరవుండిచ్చు నశుభముల్, భక్తులకును
ముక్తి నిడుసదా సత్పథ ముఁబయనించ
అన్నపరెడ్డి వారూ,
తొలగించండిమీ పూరణ బాగున్నది. అభినందనలు.
ఓ భక్తుని అనుమానం:
రిప్లయితొలగించండిచేరి శివాలయమ్మునకు శ్రీధరుఁ, బార్వతి, వారి సంతతిన్
భారములెన్నొ దీర్చుమని భక్తి ప్రపత్తుల సేవఁజేసి, యే
మాఱుచు కాలభైరవుని మాత్రము మ్రొక్కక పాపినైతినే
భైరవుడిచ్చు చుండున శుభమ్ములు నిత్యము భక్తకోటికిన్?
పోరగ లోక్ సభన్ మురిసి బొత్తిగ ఢిల్లిని క్షౌరమాయెనా?
రిప్లయితొలగించండిచేరుము రాజ్ సభందునను చెన్నుగ వేడుచు దొడ్డిదారినిన్
కోరగ కోర్కెలన్ తెలియ గోరుచు భక్తిని నప్పుడప్పుడున్
భైరవుఁ డిచ్చుచుండు నశుభంబులు నమ్మిన భక్తకోటికిన్