శంకరాభరణం: సమస్య - 2054 (మంచుంగొండలు మండుచున్న...)

4, జూన్ 2016, శనివారం

సమస్య - 2054 (మంచుంగొండలు మండుచున్న...)

కవిమిత్రులారా,

ఈరోజు పూరించవలసిన సమస్య ఇది...

“మంచుంగొండలు మండుచున్న వవిగో మాహేంద్రనీలద్యుతిన్”

లేదా...

“మంచుమల యింద్రనీలమై మండుచుండె”

83 కామెంట్‌లు:

తోపెల్ల బాల సుబ్రహ్మణ్య శర్మశనివారం, జూన్ 04, 2016 12:39:00 AM
పూర్ణ చంద్ర కిరణముల పూర్తిగాను
వెండి దుప్పటి పఱచుచు వెలుగులీన
మంచుమల యింద్రనీలమై మండుచుండె
చేరి కైలాస గిరినున్న శివుని గొలువ.
రిప్లయితొలగించండి
రిప్లయిలు
Sistla Sharmaశనివారం, జూన్ 04, 2016 3:18:00 AM

చెపుమ గంగా నదికి నేది జీవ ధార?
యదియు నెట్టుల భాసించు నుదయ మందు?
నేటి హిమగిరి పరిసర మెటుల నుండె?
మంచుకొండ; యింద్రనీలమై; మండుచుండె!

రిప్లయితొలగించండి
రిప్లయిలు
Zilebiశనివారం, జూన్ 04, 2016 3:57:00 AM

షురోదయం :)

భామయే కోరగ కవి కాదనగలడా :)

కొంచెం ఇష్టము కొంత కష్టమని తా కోరంగ భార్యామణీ
మంచుంగొండలు మండుచున్న వవిగో మాహేంద్రనీలద్యుతిన్
అంచున్ కావ్యపు మాటలన్ హిమ సమూహాలందు కాంతామణిన్
సంచారంబుల జూపెనా కవియె, ఆషామాషి గాదే యనన్

సావేజిత
జిలేబి
రిప్లయితొలగించండి
రిప్లయిలు
రాజేశ్వరి నేదునూరిశనివారం, జూన్ 04, 2016 4:12:00 AM
వెండి కొండను శివుడంట బండ బారె
తరుల గిరులంటి హిమములు కరుడు గట్టె
సూర్య కాంతుని దృక్కులు చురుకు మనగ
మంచుమల యింద్రనీలమై మండు చుండె
రిప్లయితొలగించండి
రిప్లయిలు
Sistla Sharmaశనివారం, జూన్ 04, 2016 4:24:00 AM
నా రెండవ పూరణము

మంచుం గప్పుక‌ జీవగంగ నిడి యా
మంచిం దివిన్ సాగుచున్
పంచుంగాదె సుశీతలాత్మ గిరు లా
ప్రాకార సుశ్రేణుల
న్నెంచంగా గలబోసి కొన్నవవిగో
యెన్నెల్లు గాన్పట్టగన్
మంచుం గొండలు మండుచున్న వవిగో
మాహేంద్రనీలద్యుతిన్!

రిప్లయితొలగించండి
రిప్లయిలు
A.Satyanarayana Reddyశనివారం, జూన్ 04, 2016 6:46:00 AM
యామినీపతివెలుగులో నందగించి
మంచుమల యింద్రనీలమైమండుచుండె
కాలకాలుని వాసముఁగాంచగానె
కలిగె హృదయమునందున కరము తృప్తి
రిప్లయితొలగించండి
రిప్లయిలు
Dr.Tekumalla Venkatappaiahశనివారం, జూన్ 04, 2016 7:30:00 AM
సతి వియోగము సహియింప సాధ్యమవక
దక్ష మదమును అణచగ దక్షుడాయె!
వీర భద్రుని రావించి వేగ పంప
మంచుమల యింద్ర నీలమై మండుచుండె!
రిప్లయితొలగించండి
రిప్లయిలు
Sreedhara Rao Machavoluశనివారం, జూన్ 04, 2016 7:34:00 AM
తాపమధిక మగుట చేసి తల్లి ధరణి
భీతి నొందగ నొడలు కంపించు చుండె,
మంచు మల యింద్ర నీలమై మండుచుండె!
చెట్టు చేమ తోడ యవని సేద తీర్చు!
రిప్లయితొలగించండి
రిప్లయిలు
గోలి హనుమచ్చాస్త్రి శనివారం, జూన్ 04, 2016 7:49:00 AM
పెనముపైనట్లు కొలిమిని పెట్టినట్లు
మండుటెండలు మేనుల మాడ్చుచుండె
వినుడు మనమంత యొకనెల వెడలవలెను
మంచుమల, యింద్ర! నీల! మై మండుచుండె.
రిప్లయితొలగించండి
రిప్లయిలు
డా.ఎన్.వి.ఎన్.చారి హనుమకొండ 9866610429శనివారం, జూన్ 04, 2016 7:50:00 AM
డా.ఎన్.వి.ఎన్.చారి 9866610429
1.శివుని దర్శింప విష్ణుండు చేరు కతన
మేఘ సంకాశ మైనట్టి మేని కాంతి
వెండి కొండపై ప్రసరించి వేడి నింప
మంచుమల యింద్ర నీలమై మండుచుండె
2. శివుని యావాస మేది యో చెప్పగలవె?
రాముఁ దలపైన తలఁబ్రాల రంగు మారె?
ధరల తీరేది చెప్పుమీ ధరణి పైన
మంచుమల,యింద్ర నీలమై మండు చుండె
రిప్లయితొలగించండి
రిప్లయిలు
sailajaశనివారం, జూన్ 04, 2016 8:51:00 AM
పాలసంద్రమ్మువలెనుండిపరిఢవిల్లు
మంచుమల యింద్రనీలమై మండుచుండె
మండుటెండలవేడికి మంచుగరిగి
బాతి గలిగించు జూడగ శీతనగము !!!
రిప్లయితొలగించండి
రిప్లయిలు
గోలి హనుమచ్చాస్త్రి శనివారం, జూన్ 04, 2016 8:54:00 AM

నా నిన్నటి పూరణ...
పుడమి బాధ దీర్ప పోరుకై వెడలగ
మరణమందజేయ నరకునకును
వెంట బడుచు వచ్చె నంటగా సత్యభా
మ, రణమందు తోడు మాధవునకు.
రిప్లయితొలగించండి
రిప్లయిలు
subbaraoశనివారం, జూన్ 04, 2016 9:07:00 AM
సూర్య కిరణాల కాంతికి సొగసు గలుగు
మంచుమల ,యింద్ర నీ లమై మండు చుండె
నబ్బ యేమి యుష్ణ మ ,యెండ యదిరి పోయె
నెప్పు డైనను జూచితె యింత వింత
రిప్లయితొలగించండి
రిప్లయిలు
గోలి హనుమచ్చాస్త్రి శనివారం, జూన్ 04, 2016 9:30:00 AM

మొన్నటి సమస్యకు నా పూరణ.....

ఆకాననమున గోపక
మూకాభినయమ్ము "రామమూర్తీ సీతల్"
మ్రాకునచాటుకు రమ్మను
శ్రీకృష్ణుని జూచి సీత సిగ్గిలి పాఱెన్.

రిప్లయితొలగించండి
రిప్లయిలు
తంగిరాల సుందర రఘురాంశనివారం, జూన్ 04, 2016 9:59:00 AM
కంచన్జంగను పర్వతమ్ము యదిగో కళ్లార వీక్షించుడీ
మంచున్ కప్పెనొ పిండియారు విధమున్ రంజిల్లు సూర్యోదయం
కొంచెం కొంచెముగా మయూఖ ప్రసరం కొండంత దృశ్యంబహో!
మంచుంగొండలు మండుచున్న వవిగో మాహేంద్రనీలద్యుతిన్||
రిప్లయితొలగించండి
రిప్లయిలు
Dr.Tekumalla Venkatappaiahశనివారం, జూన్ 04, 2016 10:03:00 AM
మన్మధుడు పుష్పబాణుడై మరులు రేప
శివుని పై బాణములు వేయ భవుడు యపుడు
భస్మ మొనరించె యతనిని విస్మయముగ
మంచుమల యింద్రనీలమై మండుచుండె
(శ్రీ తంగిరాల తిరుపతి శర్మ, నెల్లూరు)
రిప్లయితొలగించండి
రిప్లయిలు
Bhagavatula Krishna Raoశనివారం, జూన్ 04, 2016 10:11:00 AM
ఈ సమస్య ఆకాశవాణి విశాఖపట్నం కేంద్ర
నిర్వహణ ,కవన విజయం, సమస్యాపూరణం
కార్యక్రమంలో తే 26-1-2004 దీన
ప్రసారం చేయబడినది .అప్పటి నా పూరణ

కాంచన్గంగను బోలు పర్వత శిఖిన్ కాంతారమందోక్కచో
కించిన్మాత్రము రేగి యగ్ని , గజముల్ ఘీంకారముల్ సల్పగా
పెంచెన్ చిచ్చును నాల్గుదిక్కులను , తో పించెన్న శించున్ జగ
మంచుం,గొండలు మండుచున్న వవిగో మాహేంద్రనీలద్యుతిన్

దక్షయజ్ఞము చూడగా తానె యేగి
కనలి సతి దగ్ధమై పోవగా కపర్ది
వీరభద్రుని సృష్టించి వెడలు మనగ
మంచుమల యింద్రనీలమై మండుచుండె
రిప్లయితొలగించండి
రిప్లయిలు
Unknownశనివారం, జూన్ 04, 2016 10:17:00 AM
దక్షయజ్ఞవాటిక తండ్రి తనపతిని చు
లకన జేయగ సతీ సహించకను వహ్ని
దగ్ధమై పోవ శివుని నేత్రమ్మదరగ
మంచుమల యింద్రనీలమై మండుచుండె
రిప్లయితొలగించండి
రిప్లయిలు
subbaraoశనివారం, జూన్ 04, 2016 11:34:00 AM
మంచున్గొండలు మండుచున్న వవిగో మాహేంద్ర నీ లద్యుతి
న్నంచు న్మా రవిచంద్రు పల్కె నిపుడే యార్యా !కనున్గొంటివే
మంచున్గొండ లు మండు టె క్కడన లేమా !చూచితే నీవుగా
మంచున్గొండల నె క్కుచో బదము లేమాత్రంబు గాన్పించవే
రిప్లయితొలగించండి
రిప్లయిలు
కామేశ్వర రావు పోచిరాజుశనివారం, జూన్ 04, 2016 11:38:00 AM
ముంచన్ శుద్ధ విశాలమౌ ప్రకృతినిన్ మూఢాత్ములున్ ముష్కరుల్
పంచం జేరి దురాశఁ జిక్కియు సదా భంజింప వృక్షంబులన్
కాంచన్ నిక్కము దైవ కల్పితములే కల్పాంతమున్ వేగ ర
మ్మంచుం గొండలు మండుచున్న వవిగో మాహేంద్రనీలద్యుతిన్

ఘన ఘనావృత మైన గగనముఁ దాకు
కొండ శిఖరమ్ముల మెరయ మెండు గాను
చారు శంపా లతిక లంత జ్వాల లనగ
మంచు మల యింద్రనీలమై మండుచుండె
రిప్లయితొలగించండి
రిప్లయిలు
ఫణి కుమార్ తాతాశనివారం, జూన్ 04, 2016 12:24:00 PM
సంచారంబున నేగుచుండ నిలలో చంద్రార్ధ మౌళీశుడే
వేంచేయున్ శశిశేఖరేశు జటలో విభ్రాజమానంబగున్
ఆచంద్రార్కపు బింబకాంతి పడుచున్ కైలాస శైలాగ్రమున్
మంచుంగొండలు మండుచున్న వవిగో మాహేంద్రనీలద్యుతిన్
రిప్లయితొలగించండి
రిప్లయిలు
గుండా వేంకట సుబ్బ సహదేవుడుశనివారం, జూన్ 04, 2016 12:41:00 PM
సతికి యజ్ఙగుండమ్మట చితిగ మార,
నీలకంఠుని కాయమ్ము నీలమగుచు
వీరభద్రుని సృష్టించ వేడి పొగల
మంచుమల యింద్రనీలమై మండుచుండె!
రిప్లయితొలగించండి
రిప్లయిలు
విరించిశనివారం, జూన్ 04, 2016 1:07:00 PM
రజత గిరులను జేరిన ప్రవరు డచట
గాంచె వింతల నెన్నియో కన్నులార
గగన మధ్యమమున జేరి కర్మసాక్షి
ప్రజ్వలింపగ గిరణాల ప్రాభవమున
మంచు మలయింద్ర నీలమై మండు చుండె
రిప్లయితొలగించండి
రిప్లయిలు
Unknownశనివారం, జూన్ 04, 2016 1:22:00 PM
కొంచెంబైనను జాలిలేక సతి తా కోరంగ శ్లేషమ్ము పొ
మ్మంచున్ దొబ్బిన బ్రాహ్మణ బ్రువునిపై మానమ్ము పెంపొంద భో
రంచున్ బోటి వరూధినీ విరహ కీలల్ విస్తృతం బౌచు నా
మంచుంగొండలు మండుచున్న వవిగో మాహేంద్రనీలద్యుతిన్||

రిప్లయితొలగించండి
రిప్లయిలు
డా.బల్లూరి ఉమాదేవి.శనివారం, జూన్ 04, 2016 1:24:00 PM
ప్రవరుడెచటికేగ దలచె పట్టుబట్టి
నక్షతలెటుల భాసించె నవనిసుతకు
యినుడు మధ్యాహ్న వేళల యెట్టు లుండు
మంచుమల,యింద్ర నీలమై మండుచుండు.

పరమశివుడెట వసియించు వసుధయందు
రతనములయందు మేటియౌ రత్నమెద్ది
యెట్ట లుండును సూర్యుడు యెండ వేళ
మంచుమల,యింద్రనీలమై మండుచుండు.
రిప్లయితొలగించండి
రిప్లయిలు
పిన్నక నాగేశ్వరరావు.శనివారం, జూన్ 04, 2016 2:23:00 PM
ఈ కామెంట్‌ను రచయిత తీసివేశారు.
రిప్లయితొలగించండి
రిప్లయిలు
పిన్నక నాగేశ్వరరావు.శనివారం, జూన్ 04, 2016 2:25:00 PM

హిమముతో కప్పబడె పర్వతములు; వెనుక

నస్తమిస్తున్న సూర్యుని యరుణకాంతి

నీలి యాకస మావెన్క నలదియున్న

చిత్రమును గాంచి కవులిట్లు చిత్తగించె

"మంచుమల యింద్రనీలమై మండుచుండె"
రిప్లయితొలగించండి
రిప్లయిలు
Unknownశనివారం, జూన్ 04, 2016 3:22:00 PM
. శివునితపమునుమాన్పి పార్వతిని గలుపుట కొరకైమన్మధుని ప్రయత్నముమంచుకొండలలోజరుప?గుర్తించిన శివుడుకంటిమంటతో గాల్చుసన్నివేశము
పంచన్ ప్రాయపు రాయభారమును సొంపారంగ పుష్ప ద్వాజున్
డంచల్ గాంచెడి సాంభ మూర్తి కడనా డంబంబు?నూహించకే
కొంచంబైనను లెక్కజేయకను నాక్రోశాన గాల్చెన్ ?గనన్
మంచున్ గొండలు మండుచున్న వవిగో మాహేంద్రనీలద్యుతిన్.
2.మంచు బడచుండచీకటి నంచు నుండ
ఎర్రచందన దుంగలు కర్రలన్ని
గొట్టిదొంగలు భయపెట్ట”చుట్టుగాల్చ?
మంచుమల యింద్ర నీలమై మండుచుండె.
రిప్లయితొలగించండి
రిప్లయిలు
A.Satyanarayana Reddyశనివారం, జూన్ 04, 2016 3:38:00 PM
కాంచెన్ పార్వతి నిష్టతోడ తపమున్ గావించు కాలాంతకున్
పంచన్ జేరి కరమ్ము మక్కువడరన్ ప్రార్థించె సంప్రీతితో
పంచాస్యున్ కదిలించగన్ మదను పూభాణమ్ము క్రోధాగ్నిలో
కాంచెన్ ముక్తి రతీ ప్రియుండు కడు వే, కంజాక్షి శోకింపగన్
మంచు కొండలు మండుచున్న వవిగో మాహేంద్ర నీలద్యుతిన్
(ఏదోవిధిగా కిట్టించాను).
రిప్లయితొలగించండి
రిప్లయిలు
P.suryanarayana raoశనివారం, జూన్ 04, 2016 4:14:00 PM
పారమార్థిక తత్త్వంంబు తీరుగనగ
యోగిపుంంగవు లేగెడా యుచితభూమి
"మంంచుమల" యింంద్రనీలమైై మంండుచుంండె
భాను మధ్యాహ్న కాలంంపు మేనువోలె!
"""""""""""""""""""""""""""
పంంచన్ సౌౌఖ్యము పంంచబాణుడపుడున్ భద్రంంబు తాజూడక
న్నుంంచెన్సాయకమొక్కటిన్హృృదిని శంంభో!యంంచుబ్రార్థింంచినన్
మింంచన్రాగము'నిప్పుకంంటగనె భూతేశుంండు తానగ్నియైై
మంంచుంంగొంండలు మంండుచున్నవవిగో మాహేంంద్రనీలద్యుతిన్ .
రిప్లయితొలగించండి
రిప్లయిలు
Unknownశనివారం, జూన్ 04, 2016 6:52:00 PM
ఎచట తపసుల్ తపసింత్రు నెప్పు డైన?
పుష్యమీవారలరతనమెయ్యది పుడమి లోన?
మహిని రావణ కాష్టంపు మాట యేమి?
మంచుమల, యింద్ర నీలమై మండు చుండె

పుష్యమి వారు జాతకరీత్య యింద్రనీలముధరించాలి
రిప్లయితొలగించండి
రిప్లయిలు
Unknownశనివారం, జూన్ 04, 2016 9:15:00 PM
చిరంజీవి కామేశ్వరరావు ,శ్రీయుతులు గురువు గారికి, నేను వరూధినిదృక్పథమునుంచి బ్రాహ్మణ బ్రువుడని వ్రాసినాను.అయిననూ మీసూచన మేరకు పద్యమును సవరించుచున్నాను
కొంచెంబైనను జాలిలేక సతి తా కోరంగ శ్లేషమ్ము, పొ
మ్మంచున్ దొబ్బిన బ్బ్రాహ్మణోత్తమునిపై మానమ్ము పెంపొంద భో
రంచున్ బోటి వరూధినీ విరహ కీలల్ విస్తృతం బైన నా
మంచుంగొండలు మండుచున్న వవిగో మాహేంద్రనీలద్యుతిన్
రిప్లయితొలగించండి
రిప్లయిలు
తోపెల్ల బాల సుబ్రహ్మణ్య శర్మశనివారం, జూన్ 04, 2016 10:12:00 PM
కాంచన్ శీతనగాంతరావృత పృథక్కాంతార మధ్యంబునన్
పంచారించిన జీర్ణవృక్ష కషణోత్పన్నాగ్ని వ్యాపింపగన్
మంచుంగొండలు మండుచున్న వవిగో మాహేంద్రనీలద్యు తిన్.
సంచారింప నసాధ్యమయ్యె ద్విజముల్ స్వస్థానమున్ జేరగన్
రిప్లయితొలగించండి
రిప్లయిలు
Syamalaశనివారం, జూన్ 04, 2016 10:19:00 PM
హిమగిరిని దర్శించు ప్రవరుడు బడలికతొ
ప్రేమలోని ప్రకృతిని కాంచి సంతసముగ
ఆకసము చూడగాను తాపమున వేగ
మంచుమల ఇంద్రనీలమై మండుచుండె

రిప్లయితొలగించండి
రిప్లయిలు
Syamalaశనివారం, జూన్ 04, 2016 10:23:00 PM
హిమగిరిని దర్శించు ప్రవరుడు బడలికతొ
ప్రేమలోని ప్రకృతిని కాంచి సంతసముగ
ఆకసము చూడగాను తాపమున వేగ
మంచుమల ఇంద్రనీలమై మండుచుండె

రిప్లయితొలగించండి
రిప్లయిలు
G P Sastry (gps1943@yahoo.com)ఆదివారం, అక్టోబర్ 07, 2018 10:24:00 AM
పాత కాలం అమ్మలక్కల కబుర్లు:

సంచుల్ నిండుగ బ్లౌసు పావడలతో సారీలు కుక్కించుచున్
కొంచెమ్ రోజులు పుట్టినింటికని నే కోడూరు పొయ్ రావగా
దంచే టెండలలో హిటాచి ఫ్రిజి మూతన్ దీసి చూడంగ హా
మంచుంగొండలు మండుచున్న వవిగో మాహేంద్రనీలద్యుతిన్!
రిప్లయితొలగించండి
రిప్లయిలు

కామెంట్‌ను జోడించండి