10, జులై 2017, సోమవారం

సమస్య - 2407 (భాగవతమ్మును జదువుట...)

కవిమిత్రులారా,
ఈరోజు పూరించవలసిన సమస్య ఇది...
"భాగవతమ్మును జదువుట పాపము సుమ్మీ"
(లేదా...)
"భాగవతమ్మునున్ జదువఁ బాప మపారము చేకుఱున్ జుమీ"

78 కామెంట్‌లు:

  1. రోగముతో మూల్గు పతికి
    యోగము మంత్రము జపమ్ము
    యోగ్యమ్మనుచున్
    గూగులులో వేదాంతము
    భాగవతమ్మును జదువుట పాపము సుమ్మీ


    మూలుగు : శబ్దరత్నాకరము (బహుజనపల్లి సీతారామాచార్యులు) 1912
    (రూ. మూల్గు).

    రిప్లయితొలగించండి
  2. దాగిన శత్రు రీతి పెడ దారులు చూపుచు వేద భావమున్
    లాగక స్వంత లాభముల లాలస హెచ్హి కుతర్క వాదముల్
    సాగగ వ్యర్థ భావములఁ జాటుచు నాటుచు హేళనంబుగా
    భాగవతమ్ముఁ బల్కిన నపారముగా సమకూరుఁ బాపముల్!!

    రిప్లయితొలగించండి
    రిప్లయిలు
    1. దాగిన శత్రు రీతి పెడ దారులు చూపుచు వేద భావమున్
      లాగక స్వంత లాభముల లాలస హెచ్చి కుతర్క వాదముల్
      సాగగ వ్యర్థ భావములఁ జాటుచు నాటుచు హేళనంబుగా
      భాగవతమ్ముఁ బల్కిన నపారముగా సమకూరుఁ బాపముల్!!

      తొలగించండి
    2. సత్యనారాయణ గారూ,
      ముందుగా సమస్యలోని గణభంగాన్ని పరోక్షంగా తెలియజేసినందుకు ధన్యవాదాలు. సవరించాను.
      మీ పూరణ ప్రశస్తంగా ఉంది. అభినందనలు.

      తొలగించండి
  3. యోగమ్మది యోచింపగ
    భాగవతమ్మును జదువుట; పాపము జుమ్మీ
    భాగవతుల బీడించుట;
    యోగుల సేవించుట యొక యోగము జుమ్మీ!

    రిప్లయితొలగించండి
    రిప్లయిలు
    1. సీతాదేవి గారూ,
      విరుపుతో మీ పూరణ చక్కగా ఉంది. అభినందనలు.

      తొలగించండి
  4. భోగముల నొందు మార్గము
    "భాగవతమ్మును జదువుట, పాపము సుమ్మీ"
    ఆగమ శాస్త్ర పఠన,వే
    దాoగ సనిలు శౌచమందు దక్షత తోడన్

    సని = పూజ

    రిప్లయితొలగించండి
    రిప్లయిలు
    1. సూర్యకుమార్ గారూ,
      విరుపుతో మీ పూరణ బాగున్నది. అభినందనలు.
      'సనిలు'...?

      తొలగించండి
    2. సని = పూజ బహువచనము అర్ధము కాలేదు గురువు గారు సనిలు అన వచ్చునా

      తొలగించండి
    3. 'సని' అంత ప్రసిద్ధమైన పదం కాదు. కేవలం పర్యాయపద నిఘంటువు తప్ప మరే నిఘంటువు ఆ పదాన్ని పేర్కొన లేదు. 'సని'కి బహువచన రూపం 'సనులు'. అక్కడ "వే।దాంగార్చన శౌచమందు..." అనవచ్చు గదా!

      తొలగించండి
    4. ధన్యవాదములు గురువు గారు

      తొలగించండి
    5. శాస్త్రి గారు నమస్కారములు తప్పులున్న సరిచేయండి

      తొలగించండి
    6. శాస్త్రి గారూ, నిజమే.. ప్రాస దోషాన్ని గమనించలేదు. ధన్యవాదాలు.
      ******
      సూర్య కుమార్ గారూ,
      సవరించండి.

      తొలగించండి
    7. సని : ఇ, ఈ ( పుం, స్త్రీ.) కారాంత సంస్కృత పదము.
      బహుమతి, అర్చన, చతుర్థ భాగము (ఆకాశములో) నానార్థములు.
      సనికామ, సనిమత్ రూప విశేషములు.

      తొలగించండి
  5. భగవంతుని చేరగలవు
    భాగవతమ్మును నిరతము పఠనము సలుపన్;
    భోగపు పురుషుల రంకుల
    భాగవతమ్మును జదువుట పాపము సుమ్మీ!


    రిప్లయితొలగించండి
    రిప్లయిలు
    1. బాపూజీ గారూ,
      మీ పూరణ బాగున్నది. కాని మొదటి పాదాన్ని లఘువుతో ప్రారంభించారు. కందపద్యంలో పాదాద్యక్షరాల గురులఘు సామ్యాన్ని పాటించాలి. అంటే మొదటి పాదం గురువుతో మొదలైతే మిగిలిన పాదాలు గురువుతోనే మొదలు కావాలి. మొదటి పాదం లఘువుతో మొదలైతే మిగిలిన పాదాలు లఘువుతోనే మొదలు కావాలి.
      "ఆ గిరిధరు జేరగలవు" అందామా?

      తొలగించండి
  6. యాగఫలతుల్యమదియే
    భాగవతమ్మును జదువుట, పాపము సుమ్మీ
    భోగపు వాడలు దిరుగుట
    భాగవతులగించపరచి భాగ్యము గుడువన్.

    రిప్లయితొలగించండి
  7. డా.పిట్టా
    బాగునని పఠనమునన్
    వాగర్థాచారచయము భక్తియు విశ్వా
    సాగమ గౌరవ హీనుడు
    భాగవతమ్మును జదువుట పాపము సుమ్మీ
    "ఇదంతే నాతపస్కాయ నాభక్తాయ కదాచన
    నచా శుశ్రూషవే వాచ్యం నచమాం యో2భ్యసూయతి" భ.గీత,18--67.

    రిప్లయితొలగించండి
  8. డా.పిట్టా
    ఆగక పొంగు "నాస్తికత" యందును భౌతికవాద వ్యాప్తి వే
    దాంగ విశిష్టతా జడిమ దండివి యాశలు దేహ భ్రాంతినిన్
    త్రాగుడు లోని మత్తొకటె తన్మయతా తపమన్నవాడు యీ
    భాగవతమ్మునున్ జదువ బాపమపారము చేకురున్ జుమీ!

    రిప్లయితొలగించండి
    రిప్లయిలు
    1. డా. పిట్టా వారూ,
      మీ రెండు పూరణలు బాగున్నవి. అభినందనలు.
      మొదటి పూరణ మొదటి పాదంలో గణదోషం. సవరించండి.

      తొలగించండి
    2. డా.పిట్టా
      ఆర్యా, "బాగగునని"అనుకొనగా టైపాటును గమనించలేదు.ధన్యవాదాలు}

      తొలగించండి
  9. ఆగోవిందుడు శత్రువు
    భాగవతమ్మును జదువుట పాపము సుమ్మీ
    రేగెను హిరణ్యకశిపుడు
    వేగమె నాపేయు మింక వినలేననుచున్

    రిప్లయితొలగించండి
    రిప్లయిలు
    1. శ్రీరామ్ గారూ,
      మీ పూరణ బాగున్నది. అభినందనలు.
      'ఆపేయుము' సాధువు కాదు.

      తొలగించండి
  10. రాగము లాలపించగనె రాళ్ళు పగుళ్ళును పొందె ధాత్రిలోన్,
    యాగము భూమిపై జరుగ ఆపక వర్షము లిచ్చె మేఘముల్,
    భోగము లిచ్చు చుండునట భూతల వాసుల కెప్పుడైన శ్రీ
    భాగవతమ్మునున్ జదువఁ , బాపమపారము చేకుఱున్ జుమీ
    ఆగమ శాస్త్రముల్ చదువ అంతక,జాతక సూతకమ్ములన్

    రిప్లయితొలగించండి
  11. దాగిన నిజమును దెలియక
    యోగీశ్వరునందుకొనెడు యోగ్యత కరువై
    మూగగ రంధ్రాన్వేషణ
    భాగవతమ్మును జదువుట పాపము సుమ్మీ!

    రిప్లయితొలగించండి
  12. ఈగతి పరమత గురువులు
    వాగిరి తమ చుట్టునున్న భక్తులతోడన్
    జాగరత భారతమ్మును
    భాగవతమ్మును జదువుట పాపము సుమ్మీ

    రిప్లయితొలగించండి
  13. భోగులు బలుకుదు రిట్లని
    భాగవతమ్మును జదువుట పాపముసుమ్మీ
    భాగవత మెది యొ తెలియక
    వాగుదురే యిట్లువారు వసుధను సామీ !

    రిప్లయితొలగించండి
  14. యోగ మహేశుని కృష్ణుని
    భోగి యనుచు మోహి యనుచు భూర్యజ్ఞతతో
    రాగద్వేష ఖలాంధులు
    భాగవతమ్మును జదువగ పాపము సుమ్మీ

    రిప్లయితొలగించండి
  15. గురువు గారూ సవరించిన పద్యము

    భోగములనొందు మార్గము
    "భాగవతమ్మును జదువుట, పాపము సుమ్మీ"
    ఆగమ శాస్త్ర పఠనము
    మాగు వలువలను ధరించి మందిర మందున్

    రిప్లయితొలగించండి
    రిప్లయిలు
    1. సూర్యకుమార్ గారూ,
      మీ పూరణ బాగున్నది. అభినందనలు.
      మూడవ పాదంలో గణదోషం. "శాస్త్రపు పఠనము" అందామా?

      తొలగించండి
  16. దాగిన సత్యమేదియొ నిదానముగన్ గ్రహియించలేక యా
    యోగి యనంతునిన్ బడయు యోగ్యత నొందు ప్రయత్నలేమితో
    మూగగ న్యూన భావమది బుద్ధిని, గొప్పగ జూచువారికై
    భాగవతమ్మునున్ జదువఁ బాప మపారము చేకుఱున్ జుమీ!

    రిప్లయితొలగించండి
  17. భాగవతమ్మునున్జ దువపాపమపారము చేకురున్ జుమీ
    భోగుల మాటయే యదియ ,పోకిరి గా నటు పల్కుచుందురే
    భాగవతమ్మనన్నిలను బావన మైనది గాదలంతుమే
    వాగుడు కాయలే యవియ వాటిని లెక్కకు వద్దులే సుమా

    రిప్లయితొలగించండి
    రిప్లయిలు
    1. సుబ్బారావు గారూ,
      మీ పూరణ బాగున్నది. అభినందనలు.
      "లెక్కిడవద్దులే" అనండి.

      తొలగించండి
  18. జాగారము మోక్షము కని
    పోగూడని చోట్ల కేగి పొంది ఋజుల నా
    రోగాల విముక్తి కొఱకు
    భాగవతమ్మును జదువుట పాపము సుమ్మీ

    సాగుచు మధు సేవను తను
    వూగగ పలుగంతు లేసి పురవీధుల లో
    జాగార మనుచు పల్లెల
    భాగవతమ్మును జదువుట పాపము సుమ్మీ

    రిప్లయితొలగించండి
  19. బాగొనగూర్చ మానవుల పాపములన్ నశియింపజేయ తా
    బాగుగ వ్రాసినాడు కద బమ్మెర పోతన విష్ణు భక్తుడా
    భాగవతంబె నీకొసగు భక్తి బఠించిన బుణ్యమన్య మే
    భాగవతమ్మునున్ జదువఁ బాప మపారము చేకుఱున్ జుమీ

    రిప్లయితొలగించండి
  20. సాగునె యిన శశి గతులును
    సాగునె ధర జీవ కోటి చలనము దలుపన్
    భోగములఁ గించ పఱచుచు
    భాగవతమ్మును జదువుట పాపము సుమ్మీ


    ప్రోగులు ప్రోగులుం గవితలున్ మతి హీనుల భావ జాలముల్
    వేగమ ముంచు చిత్తమును వెఱ్ఱి తలంపుల నర్థ శూన్యమై
    తూగవు దుష్ట మానవుల తోరపు వ్రాతలు దల్పనెందునుం
    భాగవతమ్మునుం, జదువఁ బాప మపారము చేకుఱుం జుమీ

    రిప్లయితొలగించండి
    రిప్లయిలు
    1. కామేశ్వర రావు గారూ,
      మీ రెండు పూరణలు ప్రశస్తంగా ఉన్నవి. అభినందనలు.

      తొలగించండి
    2. పూజ్యులు శంకరయ్య గారికి ప్రణామోత్తర ధన్యవాదములు.

      తొలగించండి
  21. భోగపిపాసులై నరులు పోకిరి చేష్టల తోడవారిలన్
    బాగరి స్త్రీల జేరుచు పాపపు కృత్యములాచరించుచున్
    భోగవిలాసజీవితము పొందగ దుడ్డును గోర నెంచుచున్
    భాగవతమ్మునున్ జదువ పాపమపారము జేకుఱున్.

    రిప్లయితొలగించండి
    రిప్లయిలు
    1. రెంండోపాదంంలో రెంండు మూడవ గణములు స్త్రీలజేరుచును

      తొలగించండి
    2. విరించి గారూ,
      మీ పూరణ బాగున్నది. అభినందనలు.

      తొలగించండి
  22. సాగును జీవితమ్మిలను సంతసమొందుచు, నిష్ఠతోడుతన్
    భాగవతమ్ముఁ బల్కిన, నపారముగా సమకూరుఁ బాపముల్
    భోగమె ముఖ్యమంచునిల ముద్దియ సంగతిలో చెలంగుచున్
    యోగుల హించపెట్టెడి యయోగ్యుల గుంపుకు నిశ్చయమ్ముగా

    రిప్లయితొలగించండి
  23. సాగెను నాస్తికులిద్దరు
    వాగగ సంభాషణమ్ము వాసిగనొక డా
    యాగము భోగమసత్యము
    భాగవతమ్మును చదువుట పాపము సుమ్మీ
    వీటూరి భాస్కరమ్మ

    రిప్లయితొలగించండి
    రిప్లయిలు
    1. భాస్కరమ్మ గారూ,
      మీ పూరణ బాగున్నది. అభినందనలు.
      "సాగిరి" అనండి.

      తొలగించండి
  24. యోగీశు మహిమ దెలియక
    రాగ ద్వేషాల దోష లాలస విడకన్
    భోగముల వీఁగు మనమున
    భాగవతమ్మును జదువగ పాపము సుమ్మీ!

    రిప్లయితొలగించండి
  25. శ్రీ గరుడుండు వాహనము చెన్నలరారగ లక్ష్మిపత్నిగన్
    తా గణుతింప శంఖమును తద్దయు చక్రము కేల దాల్చి తా
    నాగము పాన్పుగన్ తనరు నాభగవంతు నశౌచవేళలన్ భాగవతమ్మునున్ జదువ పాపమపారము చేకురున్ జుమి
    వీటూరి భాస్కరమ్మ

    రిప్లయితొలగించండి
  26. *శ్రీమతి జి సందిత బెంగుళూరు*
    🕉🕉🕉🕉🕉🕉🕉🕉🕉🕉

    *బాగోగెంచక నివ్విధి*
    *"భాగవతమ్మును జదువుట బాపము సుమ్మీ"*
    *బ్లాగునసమస్యయైనను*
    *వేగమెఖండింపకున్న పెద్దరికంబే?*
    🕉🕉🕉🕉🕉🕉🕉🕉🕉🕉

    *శ్రీమతి జి సందిత బెంగుళూరు*

    రిప్లయితొలగించండి
  27. *శ్రీమతి జి సందిత బెంగుళూరు*
    🕉🕉🕉🕉🕉🕉🕉🕉🕉🕉
    *బ్లాగొకటుండగన్ వెసులు బాటుకనుంగొనినీచుడెవ్వడో*
    *వాగఁసమస్యయంచుతలవాయఁ జివాట్లనుపెట్టినెట్టకన్*
    *వేగమెపెట్టినట్టితుళువెవ్వడొపొందునుహీనజన్మముల్*
    *భాగవతమ్మునున్ జదువ పాపమపారము జేకుఱున్*
    🕉🕉🕉🕉🕉🕉🕉🕉🕉🕉

    *శ్రీమతి జి సందిత బెంగుళూరు*

    రిప్లయితొలగించండి
  28. భగవంంతునిభాగవతంంపైైన ఇలాంంటి వెకిలి సమస్యనిచ్చినవాడు అనుమతింంచిన వారు భాగవతమును చదివినప్పటికి పాపమును పొంందుగాక!
    అని గురువుగారుశపింంచినంంత పని చేశారన్నమాఠ!

    రిప్లయితొలగించండి
  29. యోగంబగు జనులకిలను
    భాగవతమ్మును జదువుట, పాపము సుమ్మీ
    ఆగమములనిందించిన
    సాగునె మనజీవనమ్ము సంతోషముగన్!!!

    రిప్లయితొలగించండి
  30. నా గారాబు సహోదరు
    నా గరుడధ్వజుండు జంపి యహితుండాయెన్
    భాగవత మతనికథయట
    భాగవతమ్మును జదువుట పాపము సుమ్మీ

    రిప్లయితొలగించండి
  31. భోగమదియె దినము విడక
    భాగవతమ్మును చదువుట! పాపము సుమ్మీ
    యాగడముల, హింసల చెల
    రేగు కథల జనుల గూల్చు రీతులు జూడన్!

    రిప్లయితొలగించండి
  32. జాగృతులై నిశాచరుల సంగము చేరియు నన్ని వేళలన్
    త్రాగిన మైకమందు చపలంబున జిష్ణుని నిందజేయుచున్
    వేగిర పాటునం దగు వివేచన లేకయు వక్రదృష్టినన్
    భాగవతమ్మునున్ జదువఁ బాప మపారము చేకుఱున్ జుమీ

    రిప్లయితొలగించండి


  33. రాగము కలుగును మనసుకు
    భాగవతము చదువుట,పాపము సుమ్మీ
    భాగవతుల దిట్ట గలుగు
    రోగములని యండ్రుబుధులు రుషతో నెపుడున్.

    రిప్లయితొలగించండి
  34. శ్రీమతి జి సందిత బెంగుళూరు

    ఈరోజు పూరించవలసిన సమస్య ఇది...

    *"చెడుపనియె సుమ్ము మద్యనిషేధ మిడుట"*

    కష్టతరమైనప్రభుతకునష్టమైన
    పేదకాపురములపాలిపీడయగుట
    బుద్ధిమంతులుమెచ్చగన్ పూనుచు తల
    *"చెడుపనియె సుమ్ము మద్యనిషేధ మిడుట"*

    (లేదా...)

    గుడులసమీపమందునెలకొల్పదుకాణముకల్లునమ్మగన్
    బడులసమీపమందునెలకొల్పదుకాణముబీడిలమ్మగన్
    గుడిసెలమధ్యలోననెలకొల్పగలాటరికొట్టు లట్టుఁ"మె
    చ్చెడు పనియౌను మద్యము నిషేధ మొనర్చుట" -మెచ్చ రంగనల్"

    రిప్లయితొలగించండి
  35. రోగము తీవ్రమై మగడు రొప్పుచు రోజుచు మూల్గుచుండగా
    యోగపు ప్రౌఢిమల్ జపపు యోగ్యత మెచ్చుచు సుద్దులిచ్చుచున్
    గూగులు దేవుచున్నెగసి గొప్పగ నొప్పుచు పోతనార్యుదౌ
    భాగవతమ్మునున్ జదువఁ బాప మపారము చేకుఱున్ జుమీ

    రిప్లయితొలగించండి
  36. వాగుచు వ్యర్థ పండితులు భక్తియు రక్తియు లేనివారలై
    భాగవతార్థమున్ విడిచి వ్యాకరణమ్మును నమ్మువారలై
    బాగుగ దోషముల్ వెదకు భండన భీములు పోతనార్యుదౌ
    భాగవతమ్మునున్ జదువఁ బాప మపారము చేకుఱున్ జుమీ!

    రిప్లయితొలగించండి