19, ఆగస్టు 2017, శనివారం

సమస్య - 2440 (మత్తుమందు సేవించుట...)

కవిమిత్రులారా,
ఈరోజు పూరించవలసిన సమస్య ఇది...
"మత్తుమందు సేవించుట మంచిదె కద"
ఈ సమస్యను పంపిన మిట్టపల్లి సాంబయ్య గారికి ధన్యవాదాలు.

81 కామెంట్‌లు:

  1. నిత్యపరిణతి నందెడి నిఖిలజగతి
    పరమపురుషుని లీలగా వరలుచుండు,
    ప్రగతికొరకు స్త్రీపురుషుల ప్రణయ మనెడి
    మత్తుమందుసేవించుట మంచిదె కద.

    రిప్లయితొలగించు
  2. ఎన్ని జన్మము లెత్తితి నిత్తనువును
    పొంద, ముక్తికై తపియింతు భోగమేల?
    రహితమగు నట్లఘములెల్ల రామ జోగి
    "మత్తుమందు సేవించుట మంచిదె కద"

    రిప్లయితొలగించు
    రిప్లయిలు
    1. బాలసుబ్రహ్మణ్య శర్మ గారూ,
      రామజోగి మత్తుమందుతో మీ పూరణ బాగున్నది. అభినందనలు.
      మూడవ పాదాన్ని "రక్తి నఘరహితమ్మగు రామజోగి" అంటే బాగుంటుందేమో?

      తొలగించు
  3. మధురమధురమునై మన మానసమును
    దోచు పాటలు,చల్లగా వీచుగాలి,
    మరులుఁగొల్పెడు వీని నేమరకఁగొనుడు
    మత్తుమందు సేవించుట మంఛిదెకద

    రిప్లయితొలగించు
  4. ముదము లోనను వలపుల మోసమందు
    వయసు లోనను తలపుల వయసుమీర
    శంకరాభరణ మనెడి శంకలేని
    మత్తుమందు సేవించుట మంచిదె కద!

    రిప్లయితొలగించు
    రిప్లయిలు
    1. ప్రభాకర శాస్త్రి గారూ,
      శంకరాభరణపు మత్తుమందు బాగా తలకెక్కినట్టుంది మీకు! చక్కని పూరణ. అభినందనలు.

      తొలగించు
    2. 🙏🙏🙏

      ప్రస్తుతానికి సమస్య - 1036 నడుస్తోంది:


      G P Sastry (gps1943@yahoo.com)ఆగస్టు 18, 2017 7:49 PM

      కవి పెండ్లిచూపు లందున
      రవిగానని కిటుకులొప్పి రసికత తోడన్
      సవరమ్మా? కేశమ్మా?
      "వివర మెఱుఁగ లేనివాఁడె విజ్ఞుఁడు జగతిన్!"

      తొలగించు


    3. యువతీ! జిలేబి ! సరపణు
      లువలయు ననుచున్ రుసరుస లుకలుక లేలా !
      సవరము బంగారు ధరల
      వివర మెఱుఁగ, లేనివాఁడె విజ్ఞుఁడు జగతిన్ :)

      జిలేబి

      తొలగించు
    4. డా।।జి.పి.శాస్త్రిగారికి, శ్రీ (మతి?) జిలేబిగారికీ
      👏👏👏👏👏👍👍👍👍

      తొలగించు


    5. మతిలేని వారలౌ శ్రీ
      మతులెల్లను పడతి ! సీత! మగవా రలటుల్
      నుతిజేయ తమ్ము, తనివిన్
      బతుకుల నీడ్చు సుదతులు శుభాంగీ రమణుల్ :)

      జిలేబి

      తొలగించు
    6. ప్రభాకర శాస్త్రి గారికి, జిలేబీ గారికి, సీతాదేవి గారికి అభినందనలు.

      తొలగించు
  5. జగతి యువత నశిoచును ఎగసి దినిన
    మత్తుమందు, సేవించుట మంచిదె కద
    జగము నేలు వాని నెపుడు శాశ్వ తమగు
    ముక్తి కోరుచు జగమున ముదిమి దాక

    రిప్లయితొలగించు
    రిప్లయిలు
    1. కృష్ణ సూర్యకుమార్ గారూ,
      విరుపుతో మీ పూరణ బాగున్నది. అభినందనలు.
      'నశించును + ఎగసి' అన్నపుడు సంధి నిత్యం. విసంధిగా వ్రాయరాదు. "నశించు దా నెగసి" అనండి.

      తొలగించు
  6. వలపు దారుల పయనించి చెలువు మీర
    మదన హరుని గెలిపించి మమత పెంచి
    ప్రేమ సామ్రాజ్య మేలిన భామ కొఱకు
    మత్తు మందు సేవించుట మంచిదె కద

    రిప్లయితొలగించు
    రిప్లయిలు
    1. అక్కయ్యా,
      మీ పూరణ బాగున్నది. అభినందనలు.
      రెండవ పాదంలో గణదోషం. "హరుని గెల్పించియు" అనండి.

      తొలగించు
    2. వలపు దారుల పయనించి చెలువు మీర
      మదన హరుని గెల్పించియు మమత పెంచి
      ప్రేమ సామ్రాజ్య మేలిన భామ కొఱకు
      మత్తు మందు సేవించుట మంచిదె కద

      తొలగించు
  7. తల్లి నవమాసములు మోసి, తల్లడిల్లె
    ప్రసవ సమయాన బిడ్డడు బయట పడక;
    ఆపరేషను వైద్యపు అవసరాన
    మత్తుమందు సేవించుట మంచిదె కద

    రిప్లయితొలగించు
    రిప్లయిలు
    1. శ్రీనాథ్ గారూ,
      మీ పూరణ బాగున్నది. అభినందనలు.
      "వైద్యపు టవసరమున" అని అక్కడ టుగాగమం వస్తుంది.

      తొలగించు
    2. సరిచేసి నందుకు ధన్యవాదములు.

      తొలగించు


  8. జల్దు కొనవమ్మ పూరణ చకచకయని
    గాంచి చదువుమమ్మ యితర కవుల కైపు!
    సహృదయుల హత్తుకొను పద్య సౌరభముల
    మత్తుమందు సేవించుట మంచిదె కద !

    జిలేబి

    రిప్లయితొలగించు
    రిప్లయిలు
    1. జిలేబీ గారూ,
      పద్యసౌరభాల మత్తుమందుతో మీ పూరణ బాగున్నది. అభినందనలు.

      తొలగించు
  9. కలువచెలి వెలుగీను యేకాంతమునను
    సకియతోఁ గూడు సరసపు సమయమందు
    ననుఁగుఁగత్తియయిడు నధరామృతమను
    మత్తుమందు సేవించుట మంచిదె కద

    రిప్లయితొలగించు
  10. తేనెలొలికెడు తీయని తెనుగు భాష
    వనము నందర విరిసిన పద్య విరుల
    రసములైపారు నవ మకరంద మనెడు
    మత్తుమందు సేవించుట మంచిదె కద

    రిప్లయితొలగించు
  11. శస్త్రవైద్య కర్మలయందు మిత్రువోలె
    మానసిక రోగులకు మంచి మందుగాగ
    ముదిమి నిద్రలేమి నల్లాడు మోడులకును
    మత్తుమందు సేవించుట మంచిదికద!

    రిప్లయితొలగించు
  12. ఈ కామెంట్‌ను రచయిత తీసివేశారు.

    రిప్లయితొలగించు
    రిప్లయిలు
    1. సీతాదేవి గారూ,
      మీ రెండు పూరణలు బాగున్నవి. అభినందనలు.
      కాకుంటే రెండవ పూరణ సంతృప్తికరంగా లేదు.

      తొలగించు
    2. శస్త్రవైద్య కర్మలయందు సఖునివోలె
      మానసిక రోగులకు మంచి మందుగాగ
      ముదిమి నిద్రలేమిని వేగు మోడులకును
      మత్తుమందు సేవించుట మంచిదికద!

      శ్రీ భట్టారం రాధాకృష్ణయ్యగారి సవరణలతో
      వారికి ధన్యవాదాలతో!🙏🙏🙏🙏

      తొలగించు
    3. సవరించిన మీ పూరణ బాగున్నది. అభినందనలు.

      తొలగించు
    4. గురువుగారికి ధన్యవాదములు!🙏🙏🙏

      తొలగించు
  13. గురుభ్యోనమః
    చదువు సoధ్యలున్న జనులు చవట లైరి
    శాస్త్ర జ్ఞానము కoటెను సామెతలను
    తలచు వెoగళప్పకున్ ధర్మ సిoధు
    మత్తు మoదుసేవిoచుట మoచిదెకద
    పూరణ నoదు దోషము తెల్పుడు.

    రిప్లయితొలగించు
    రిప్లయిలు
    1. వెంకట నారాయణ రావు గారూ,
      మీ పూరణ బాగున్నది. అభినందనలు.
      'శాస్త్ర జ్ఞానము' అన్నపుడు 'స్త్ర' గురువై గణదోషం. అక్కడ "శాస్త్ర విజ్ఞానమున కంటె సామెతలను" అనండి.

      తొలగించు
  14. మతము మత్తుమందని యొక మార్క్సు పలికె
    మతము లోక సమ్మతమై సుకృతమొసంగ
    నట్టి విశ్వ హితమ్ముగ నలరు మతపు
    మత్తు మందు సేవించుట మంచిదె కద

    రిప్లయితొలగించు
  15. మంచి య ల వా టు కాదది యెంచి చూ డ
    మత్తు మందు సేవించుట ;మంచి దె క ద
    భాత్రు భావా న మె ల గు చూ భరత జాతి
    క ల సి మె ల సి యు నుండు ట ఘ న ము గాగ

    రిప్లయితొలగించు
  16. మాదకపు ద్రవ్య ములవాడు మానవుండు
    మత్తులోనుండ వలదన మాన దలచి
    తప్పు దెలిసి వైద్యుని గోరి తగను వీడ
    మత్తు, మందు సేవించుట మంచిదె కద.

    రిప్లయితొలగించు
  17. క్రొవ్విడి వెంకట రాజారావు:

    దేహ స్వాస్థ్యము నంతయు తేర్చు చుండు
    మత్తుమందు; సేవించుట మంచిదె కద
    కాయమునకు ససిని గూర్చి కాయునట్టి
    యౌషధమ్మునెపుడు వైద్యు నొడుగు మేర

    రిప్లయితొలగించు
    రిప్లయిలు
    1. రాజారావు గారూ,
      మీ పూరణ బాగున్నది. అభినందనలు.
      'దేహ స్వాస్థ్యము' అన్నపుడు 'హ' గురువై గణదోషం.

      తొలగించు
  18. మోక్ష గామిగ ప్రతిమకు మోకరిల్లి
    భారతము భాగవతమును పఠన జేసి
    చక్రి యవతార మహిమల స్మరణ యనెడి
    మత్తుమందు సేవించుట మంచిదె కద

    నిన్నటి సమస్యకు నా పూరణ

    1 ఒరులకు దెలిపెడి దొకటియు
    కరమది తనదగు స్వలాభ కార్యార్థంబై
    జరిపెడి దొకటియు గలిగిన
    గురువుల పదసేవఁ జేయఁ గూడదు శిష్యా
    2 వరమని దలచుచు జేయుము
    గురువుల పదసేవఁ ; జేయఁ గూడదు శిష్యా
    కఱవయి జ్ఞానము భోధన
    బిరుదులకే ప్రాకులాడు భీలుల కెపుడున్

    రిప్లయితొలగించు
  19. క్రొవ్విడి వెంకట రాజారావు:

    వైద్యులాచరించెడి శస్త్రవైద్యమందు
    వ్యాధిపీడితులకునెల్ల వంతలేక
    పరిమితమ్ముగనిడు నిరపాయమైన
    మత్తుమందు సేవించుట మంచిదెకద!

    రిప్లయితొలగించు

  20. పిన్నక నాగేశ్వరరావు.

    క్షణమె యానందమిడు విచక్షణను
    చంపు
    నాస్తి,యారోగ్యముల నాశన మొనరించు

    మత్తు మందు; సేవించుట మంచిదె గద

    పోషక ద్రవ పదార్థముల్ పుష్కలముగ.

    రిప్లయితొలగించు
    రిప్లయిలు
    1. నాగేశ్వర రావు గారూ,
      మీ పూరణ బాగున్నది. అభినందనలు.
      'నాస్తి'కి అన్వయం?

      తొలగించు
  21. మత్తు మందు సేవించుట మంచిదె కద
    మంచి దెన్నటికినిగాదు మత్తు మందు
    హేయమైనది సేవన మార్య ! నిజము
    దాని జోలికి బోయిన దారితప్పు

    రిప్లయితొలగించు
  22. చిత్తమందున దిగులేల స్నేహితుండ

    సత్తువనిడ సరసకేళి సలుపు నపుడు

    నిత్తునోమందునానందమిడెడియా గ

    మత్తుమందు సేవించుట మంచిదె కద

    రిప్లయితొలగించు
    రిప్లయిలు
    1. సూర్యనారాయణ గారూ,
      బహుకాల దర్శనం... సంతోషం!
      మీ పూరణ బాగున్నది. అభినందనలు.

      తొలగించు
    2. మిత్రమా - తేటగీతి లోప్రాసనుకూడా పాటించిన మీ ప్రజ్ఞ అమోఘం. అభినందనలు.

      తొలగించు
    3. వెంకట రెడ్డి గారూ,
      మీరు చెప్పేదాక ఆ విశేషాన్ని నేను గమనించలేదు. ధన్యవాదాలు.

      తొలగించు


    4. అవునండోయ్ ! ఈశ్వరప్ప గారు కూడాను‌!

      జిలేబి

      తొలగించు
  23. క్లిష్టమైనట్టి రోగమ్ము కీడొనర్చు
    నంచు శస్త్రచికిత్సకు నానతీయ
    వ్యాధిపీడితు రక్షించు వ్యాపకమున
    మత్తుమందు సేవించుట మంచిదె కద
    వీటూరి భాస్కరమ్మ

    రిప్లయితొలగించు
    రిప్లయిలు
    1. భాస్కరమ్మ గారూ,
      మీ పూరణ బాగున్నది. అభినందనలు.
      (శ్యామల గారూ, భాస్కరమ్మ గారి పేర ఒక జీమెయిల్ ఖాతా ప్రారంభించి దానినుండి పూరణలను పంపిస్తూ ఉండండి. నేను తికమక పడడం, మీరు ప్రతిసారి పద్యం క్రింద 'వీటూరి భాస్కరమ్మ' అని టైపు చేయడం తప్పుతుంది.

      తొలగించు
  24. రోగములు రామి మదినెంచి వేగ మంచి
    మందు నెన్నుకొని సుఖము నొంద, ముందు
    చూపు గల వాని వీనినిఁ జూడు మప్ర
    మత్తు, మందు సేవించుట మంచిదె కద

    రిప్లయితొలగించు
  25. రామ నామ మంత్రంబను రక్షనిడెడి
    మత్తుమందు సేవించుట మంచిదికద
    చిత్తమందు చిన్మాత్రము చింత జేయ
    వాడు వందనీయుడు ఘన వంశకరుడు

    రిప్లయితొలగించు
  26. మత్తు గమ్మత్తు గాజేరి చిత్త మందు
    హత్తుకొను వెలయాలి మోహమ్మునందు
    విత్త రోగాలు దేహాన విధులుద్రుంచ?
    “మత్తు మందు సేవించుట మంచిదె కద
    యనెడిమంచి మిత్రుడుశత్రు వనుట తప్ప”?

    రిప్లయితొలగించు
  27. బాల్యమందున తలిదండ్రి,భార్యయవ్వ
    నంబున,కౌమార దశలందు నమ్మిసంతు,
    వృద్దు లవ్వ?పుత్రుండును”విశ్వ మందు
    మత్తుమందు”|సేవించుట మంచిదె కద”| {వారిని=తలిదంద్రిని,భర్తను,సంతు,పుత్రుడు}

    రిప్లయితొలగించు
  28. గురువుగారు దోషములు సవరిoచినoదులకు ధన్యవాదము లు.

    రిప్లయితొలగించు
  29. పాపముల బారద్రోలెడి ప్రభువు విమల
    రఘుకులోన్నతుడైన శ్రీరామ రసపు
    మత్తు మందు సేవించుట మంచిదె కద
    సకల శుభముల నొనగూర్చు సామి యతడు

    రిప్లయితొలగించు
  30. ఈ కామెంట్‌ను రచయిత తీసివేశారు.

    రిప్లయితొలగించు
  31. ధనమదమ్మును రూపయౌవనము,బలము,
    పారుపత్తెము గల్గిన పదవొసంగు
    కైపు కన్నను రాముని ప్రాపు జేర్చు
    మత్తు మందు సేవించుట మంచిది కద

    రిప్లయితొలగించు
  32. త్రాగుడలవాటు లేకున్న తప్పదనఁగ
    విందు మర్యాద పాటించ విజ్ఞతనుచు
    పెక్కు నీళ్లతో లోటాకు చుక్కవైచి
    మత్తుమందు సేవించుట మంచిదె కద!

    రిప్లయితొలగించు
  33. వలలునితో సైరంధ్రి :

    మదిర నొసఁగి కీచకునకు మరులు గొలిపి
    ప్రభువ! నర్తనశాలకు రమ్మనంటి
    చావఁ బోవుచు మీ చేత శత్రువతఁడు
    మత్తుమందు సేవించుట మంచిదె కద!

    రిప్లయితొలగించు
  34. తత్తరంబు చెందంగక తా ను వైద్య
    ముత్తమా వైద్యులంజేరి ముదమునకద
    మత్తుమందు సేవించుట మంచిదె కద
    తత్తరం పాటు వీడిన తాను జేరు

    రిప్లయితొలగించు
  35. వాస్తవంగా నొకానొక మిత్రుడు నాతో అన్నమాట:

    మహిని నూరేళ్లు బ్రతుకుచు మనుమలు ముని
    మనుమలు ముసలోడాయని సణగు మునుపె
    బకెటు తన్నంగ ముదమున బాధ మఱువ
    మత్తుమందు సేవించుట మంచిదె కద!

    రిప్లయితొలగించు

  36. సత్వరముగ నాశమొనర్చు సరుకిది యని

    యెంచకుండగ సేవింప నిన్ను గూల్చు

    మత్తుమందు,సేవించుట మంచిదెకద

    సాత్త్వికమగు నాహారము చయ్యనగను.


    రామ నామమె పావన మీమహినని

    రామదాసు తా చెరలోన రహితోడ

    పరవశంబున తలచెను భక్తి యనెడి

    మత్తుమందు సేవించుట మంచిదె కద.

    మదికి నాహ్లాదము నొసగుమహితమైన
    తెనుగు పద్యములనునట్టి తీయనైన
    మత్తుమందు సేవించుట మంచిదెకద
    కాన సేవించెద సతము ఘనము గాను.

    రిప్లయితొలగించు