శంకరాభరణం: సమస్య - 2485 (కరుణను గురిపించ...)

7, అక్టోబర్ 2017, శనివారం

సమస్య - 2485 (కరుణను గురిపించ...)

కవిమిత్రులారా,

ఈరోజు పూరించవలసిన సమస్య ఇది...

"కరుణను గురిపించఁ దలఁచి కఠినుఁడ నైతిన్"

ఈ సమస్యను పంపిన గుఱ్ఱం జనార్దన రావు గారికి ధన్యవాదాలు.

31 కామెంట్‌లు:

Zilebi చెప్పారు...: వరమై వచ్చిన జీవిత
ము రణంబుగ మార కష్ట ముగను నరునిపై,
మరణంబు శరణ్యమనన్,
కరుణను గురిపించఁ దలఁచి కఠినుఁడ నైతిన్!

జిలేబి; శనివారం, అక్టోబర్ 07, 2017 12:17:00 AM
G P Sastry (gps1943@yahoo.com) చెప్పారు...: చెరసాల లోన త్రోసితి
కొరడా దెబ్బలుతికించి కోపము గంటిన్
తరియించర గోపన్నా!
కరుణను గురిపించఁ దలఁచి కఠినుఁడ నైతిన్; శనివారం, అక్టోబర్ 07, 2017 12:25:00 AM
తోపెల్ల బాల సుబ్రహ్మణ్య శర్మ చెప్పారు...: పరుగిడితి విషయము వినన్
కరుణను గురిపించఁ దలఁచి, కఠినుఁడ నైతిన్
అరచితిఁ వివసుండ నగుచు
జరిగినది స్వయంకృతమని జనులట చెప్పన్.; శనివారం, అక్టోబర్ 07, 2017 12:33:00 AM
gurram.jana@gmail.com చెప్పారు...: ధరణీ పతి యొక డనెగా
"దురాత్ముల మదమ్ము నడచి ద్రోహుల ద్రుంచన్
పుర జనులు సజ్జనులపై
"కరుణను గురిపించఁ దలఁచి కఠినుఁడ నైతిన్"; శనివారం, అక్టోబర్ 07, 2017 12:54:00 AM
డా. జంధ్యాల జయకృష్ణ బాపూజీ ఎం.ఏ., పి హెచ్.డి. చెప్పారు...: (అగస్టన్ తన భార్య మేరీతో కొడుకు జార్జి వాషింగ్టన్ సత్యసంధత మెచ్చుకుంటూ)
అరుణారుణదేహుండు;కొ
మరుడగు జార్జి నిజమాడి మనసున్ గదిపెన్;
మరియా!సుతుపై నిండగు
కరుణను గురిపించదలచి కఠీనుడనైతిన్.; శనివారం, అక్టోబర్ 07, 2017 1:02:00 AM
Madhura karanam.blogspot.com చెప్పారు...: డా.పిట్టా
శ్రీ భగవానువాచ:
మరువకు నను గను భక్తుని
సరకునుగొని లేములెల్ల సంగ్రహ పరతున్
నెర తగులమె విడనాడగ
కరుణను గురపించ దలచి కఠినుడ నైతిన్!
(భవ బంధనములువిడిపోవులాగా,నా భక్తుని సర్వసంపదలను హరిస్తాను.తగులములే ముక్తికి ఆటంకములు.ఈ రూపముగా నేను కఠినుడ నైతినిగదా!..ఇట్లు మీ భగవానుడు); శనివారం, అక్టోబర్ 07, 2017 1:15:00 AM
గుండా వేంకట సుబ్బ సహదేవుడు చెప్పారు...: నరసింహ స్వామి పలుకులుగా:

నిరతము మా సేవకుడై
దురితమ్మున వైరభక్తిఁ తూలు హిరణ్యున్
పరిమార్చి మమ్ము జేర్చెడు
కరుణను గురిపించఁ దలఁచి కఠినుఁడ నైతిన్; శనివారం, అక్టోబర్ 07, 2017 1:34:00 AM
రాజేశ్వరి నేదునూరి చెప్పారు...: వరమడిగిన దనుజుల గని
కరుణను గురిపించఁ దలఁచి కఠినుఁడ నైతిన్
పరుసముగ హింస జేసెడి
నరులే రాబందు లనగ నగుబాట నగన్; శనివారం, అక్టోబర్ 07, 2017 2:10:00 AM
BVVHBPrasadarao చెప్పారు...: What is needed is not the brutal knife of a butcher but the healing touch of a surgeon

ఒక వైద్యుని ఊహ

నరకముతో వ్రణ బాధను
నిరతము భరియించువాని నిర్దయ నేని
త్తరి కోసి తీసివేసెద.
కరుణనుఁగరిపించ దలచి కఠినుడనైతిన్; శనివారం, అక్టోబర్ 07, 2017 2:23:00 AM
vsnmhari చెప్పారు...: నిరతము వ్యసనంబులతో
నురుతర రుగ్మతల నంది యున్న సఖునకున్
సురుచిర సద్బోధనలం
గరుణను గురిపించఁ దలఁచి కఠినుఁడ నైతిన్.; శనివారం, అక్టోబర్ 07, 2017 4:27:00 AM
G P Sastry (gps1943@yahoo.com) చెప్పారు...: మైలవరపు వారి పూరణ:

గోవర్ధనోద్ధరణ తరుణంలో ఇంద్రుడు...

కురిపించితి సాంవర్తక
వర ఘనముల భయద వృష్టి వ్రజ జనులారా !
పరమ దయాళుని కృష్ణుని
కరుణను కురిపింప దలచి కఠినుడనైతిన్!!

మైలవరపు మురళీకృష్ణ వెంకటగిరి; శనివారం, అక్టోబర్ 07, 2017 5:59:00 AM
గుండా వేంకట సుబ్బ సహదేవుడు చెప్పారు...: ఈ కామెంట్‌ను రచయిత తీసివేశారు.; శనివారం, అక్టోబర్ 07, 2017 6:11:00 AM
Kr rajeshwar rao చెప్పారు...: శరణాగతు లాపన్నుల
నిరుపేద ల నాదు కొ న గ నిశ్చల మతితో
దురితము ల రి కట్టు ట కై
కరుణ ను గురి పింపదలచికఠిను డ నైతిన్; శనివారం, అక్టోబర్ 07, 2017 6:20:00 AM
Zilebi చెప్పారు...: అదురహో

జిలేబి; శనివారం, అక్టోబర్ 07, 2017 6:30:00 AM
మన తెలుగు చెప్పారు...: పిల్లలను పెంచే విధానంలో Tough Love చూపించే ఒక తండ్రి తనలో తాను అనుకొంటున్నాడు:
తిరముగ పిల్లల పెంచుచు
మరిమరి క్రమశిక్షణ నిడు మార్గము నందా
తరుణము వచ్చిన నటుపై
కరుణను గురిపించఁ దలఁచి కఠినుఁడ నైతిన్; శనివారం, అక్టోబర్ 07, 2017 7:03:00 AM
seethadevi gurram చెప్పారు...: అద్భుతమైన పూరణ!👌👌👌👌🙏🙏🙏; శనివారం, అక్టోబర్ 07, 2017 7:23:00 AM
seethadevi gurram చెప్పారు...: దాశరథి కరుణాపయోనిధి కదా! చక్కని పూరణ!👏👏👏👏; శనివారం, అక్టోబర్ 07, 2017 7:24:00 AM
seethadevi gurram చెప్పారు...: భారవి పట్ల తండ్రి భావన!

వరపుత్రుని జనులందరు
పరిపరి విధముల పొగడగ పరితోషమునన్
కరమాయుక్షీణమనుచు
కరుణను కురిపించ దలచి కఠినుడనైతిన్!; శనివారం, అక్టోబర్ 07, 2017 7:32:00 AM
subbarao చెప్పారు...: పరువముగలయొకయాడుది
యురముననాఛ్ఛాదనంబునోపమివలనన్
సరగున కినుక వహించుట
కరుణనుజూపించదలచికఠినుడనైతిన్; శనివారం, అక్టోబర్ 07, 2017 9:01:00 AM
subbarao చెప్పారు...: ఈ కామెంట్‌ను రచయిత తీసివేశారు.; శనివారం, అక్టోబర్ 07, 2017 9:26:00 AM
subbarao చెప్పారు...: ఈ కామెంట్‌ను రచయిత తీసివేశారు.; శనివారం, అక్టోబర్ 07, 2017 9:31:00 AM
కామేశ్వర రావు పోచిరాజు చెప్పారు...: గురు శిష్య బంధము మఱచి
తరుణాదిత్య నిభు భీష్ముఁ దలపడి భృశమున్
శరణాగతాంబ పయి తమిఁ
గరుణను గురిపించఁ దలఁచి కఠినుఁడ నైతిన్; శనివారం, అక్టోబర్ 07, 2017 11:27:00 AM
ఫణి కుమార్ తాతా చెప్పారు...: ధరణిని సత్యము నిలిపెడి
చరితార్థుడవీవు నీకు సత్వరమున శ్రీ
కరమగును హరిశ్చంద్రా!
కరుణను గురిపించఁ దలఁచి కఠినుఁడ నైతిన్; శనివారం, అక్టోబర్ 07, 2017 11:35:00 AM
pks kumar చెప్పారు...: భరతావనిలో జనులకు
కరుణను గురిపించఁ దలఁచి కఠినుఁడ నైతిన్
చిరు సమయము దప్పదు వెత,
సరుకుల ధరలు దిగుచుండ సంతస మొచ్చున్

నవంబరు నెల లో నోట్ల రద్దు చేసిన తర్వాత మోడీ మనోగతము; శనివారం, అక్టోబర్ 07, 2017 12:53:00 PM
Unknown చెప్పారు...: చురచుర మంటల మధ్యన
పరుగెత్తగ లేనిపాము”పరిరక్షించే
తరుణాన కాటువేయుట
కరుణను గురుపించ దలచి కఠినుడనైతిన్|
2.విరివిగ విద్యను నేర్పియు
నిరుపేదకు బిడ్డ నొసగ?నిందలచేతన్
తిరుగుచు ధూషించల్లుని
కరుణను గురిపించ దలచి కఠినుడ నైతిన్|; శనివారం, అక్టోబర్ 07, 2017 2:25:00 PM
seethadevi gurram చెప్పారు...: పూసపాటి వారూ పద్యం బావుంది!
"ధరలు దిగివచ్చుచుండ ధన్యుడనైతిన్"
అంటే యెలా ఉంటుంది?; శనివారం, అక్టోబర్ 07, 2017 3:09:00 PM
pks kumar చెప్పారు...: సీతా దేవి గారు ధన్యవాదములు నాల్గవ పాదములో మీరు సూచించిన వాక్యము గణ భంగము జరిగినది గదా పరిశీలించండి; శనివారం, అక్టోబర్ 07, 2017 4:35:00 PM
seethadevi gurram చెప్పారు...: అవునండీ, సారీ! ధరలవి యని గాని, ధరలే యనిగాని యనవచ్చు ననుకుంటా!😊😊; శనివారం, అక్టోబర్ 07, 2017 4:41:00 PM
A.Satyanarayana Reddy చెప్పారు...: పరకాంతలననునిత్యము
పరాభవించుచు వసించు పాషండుండౌ
దురితాత్మునిపై కడుని
ష్కరుణను గురిపించఁ దలఁచి కఠినుఁడ నైతిన్; శనివారం, అక్టోబర్ 07, 2017 5:22:00 PM
డా.బల్లూరి ఉమాదేవి. చెప్పారు...: దురితము లొనర్చు ఛాత్రుని

సరిదిద్దగ నెంచి సతము సన్మార్గములన్

మరలించిహితము దెల్పుచు

కరుణను గురిపించఁ దలఁచి కఠినుఁడ నైతిన్; ఆదివారం, అక్టోబర్ 08, 2017 12:22:00 AM
subbarao చెప్పారు...: పరువముగలయొకయాడుది
యురమునుదాబాదుచుండనోపకయపుడున్
సరగునదండనజేయుట
కరుణనుజూపించదలచికఠినుడనైతిన్; ఆదివారం, అక్టోబర్ 08, 2017 12:21:00 PM

కామెంట్‌ను పోస్ట్ చేయండి