20, జులై 2019, శనివారం

సమస్య - 3081 (పరమాత్ముని సేవ...)

కవిమిత్రులారా,
ఈరోజు పూరింపవలసిన సమస్య ఇది...
"పరమాత్ముని సేవఁ జేయఁ బాపమె కల్గున్"
(లేదా...)
"పరమాత్మార్చన సేయు మానవులకుం బాపంబులే చేకుఱున్"
(ఈరోజు పూరణలు ప్రసారమయ్యే ఆకాశవాణి వారి సమస్య)

95 కామెంట్‌లు:

  1. వరమీయని రాయిని కొలువ
    సురలో కముమెచ్చ దంట శుభముల నీయన్
    మరిగిన లంచపు టాశగు
    పరమాత్ముని సేవ చేయ పాపము కలుగున్

    రిప్లయితొలగించండి
    రిప్లయిలు
    1. అక్కయ్యా,
      మీ పూరణ బాగున్నది. అభినందనలు.
      మొదటి పాదంలో గణదోషం. "వర మిడని రాయిని గొలువ" అనండి.
      సమయాభావం వల్ల నిన్న మీ పూరణ కాకుండా పేరును మాత్రమే చదివాను.

      తొలగించండి
    2. వరమిడని రాయిని గొలువ
      సురలో కముమెచ్చ దంట శుభముల నీయన్
      మరిగిన లంచపు టాశగు
      పరమాత్ముని సేవ చేయ పాపము కలుగున్
      -----------------------------
      పోనీ లెండి గణదోషం కుడాఉందిగా .అసలు ముందు అలాగేరాయాలనుకుని బుద్ధి వక్రించి ఇలా రాసాను

      తొలగించండి
  2. పరకాంతలమోజువిడక
    పరమాత్ముని సేవచేయ పాపమె గలుగున్
    పరహిత మున్ గోరగనా
    పరమాత్మే నిచ్చు పుణ్య ఫలమునుగనుమా!!

    రిప్లయితొలగించండి
    రిప్లయిలు
    1. గంగాప్రసాద్ గారూ,
      మీ పూరణ బాగున్నది. అభినందనలు.
      'పరమాత్మయె యిచ్చు...' అనండి.

      తొలగించండి
  3. సరసపు మాటల నాడుచు
    పరుల తలల చేయి బెట్ట భస్మమ్మౌటన్
    వరమును కోరుచు పడిపడి
    పరమాత్ముని సేవఁ జేయఁ బాపమె కల్గున్

    రిప్లయితొలగించండి
  4. ప్రాతః కాలపు సరదా పూరణ:

    అరెవో! కాంగ్రెసు నేతలందరును భల్ హైరాన గావించగన్
    మురిసెన్ హాయి కుమారసామి భళిగన్ పూజించి ముక్కంటినిన్...
    త్వరగా స్పీకరు త్రోసివేయగనటన్ దండంబులన్ బెట్టుచున్
    పరమాత్మార్చన సేయు మానవులకుం బాపంబులే చేకుఱున్

    రిప్లయితొలగించండి
  5. నిరతము స్వార్థము తో కడు
    దురితము లే చేయునట్టి దుష్టుడు వాడే
    పరులను వంచింపదలచి
    పరమాత్ముని సేవఁ జేయఁ బాపమె కల్గున్.

    రిప్లయితొలగించండి
    రిప్లయిలు
    1. విరించి గారూ,
      మీ పూరణ బాగున్నది. అభినందనలు.
      ఈవారం మీరు ఆకాశవాణికి పూరణను పంపనట్టుంది.

      తొలగించండి
    2. ఔనండి గురువుగారు పంపలేదు, ఈ వారం పంపగలను వచ్చే వారానికి సమస్యని సమూహంలో ప్రకటించ మనవి._/|\_

      తొలగించండి
    3. వచ్చే వారానికి ఆకాశవాణి వారి కోరికపై దత్తపది ఇచ్చాను.

      తొలగించండి
  6. అరయన్ స్వార్థము పెచ్చుమీరగ ననాయాసమ్ముగా సంపదల్ 
    విరివిన్ బొందగ నెంచుచున్ జనులనే పీడించు పాపాత్ములే 
    హరమౌ పాపమటంచు లోకులన గన్నార్భాటమున్ జూపుచున్
    బరమాత్మార్చన సేయు మానవులకుం బాపంబులే చేకుఱున్

    రిప్లయితొలగించండి
  7. పరులను మోసము జేయుచు
    పరధనముల దోచు కొంచు బాలసు డగుచున్
    వరలెడు దుష్టుం డిలలో
    పరమాత్ముని సేవ జేయ బాపమెె కలుగున్

    రిప్లయితొలగించండి
  8. మైలవరపు వారి పూరణ

    పరవిత్తమ్ము హరించి పున్నెముగొనన్ వారాణసిన్ జేరినన్
    పరులన్ దూరుచు సత్పురాణపఠనవ్యాసంగమున్ జేసినన్
    పరదారారతులౌచు శ్రీహరిని సంభావించినన్ దుష్టులై
    పరమాత్మార్చన సేయు మానవులకుం బాపంబులే చేకుఱున్"


    మైలవరపు మురళీకృష్ణ వెంకటగిరి

    రిప్లయితొలగించండి


  9. పరిపరి విధముల జనుల క
    సురుచు పదండిక పదండి చూచిరి చాలం
    చు రుసరుల తిరుమలలలో
    పరమాత్ముని సేవఁ జేయఁ బాపమె కల్గున్!


    జిలేబి

    రిప్లయితొలగించండి
    రిప్లయిలు
    1. జిలేబి గారూ,
      మీ పూరణ బాగున్నది. అభినందనలు.
      నిన్న ఆకాశవాణిలో చదివిన పూరణ ఇది కాదు. మొట్టమొదట చదివిన మీ పూరణ చివరిపాదం కొంత ఇబ్బంది పెట్టింది.

      తొలగించండి
    2. గురువరేణ్యులకు బంధుప్రీతి సంజనం బెవ్విధి సమంజసమో!!!

      తొలగించండి
  10. సమస్య :-
    "పరమాత్ముని సేవఁ జేయఁ బాపమె కల్గున్"

    *కందం**

    నిరతము తల్లికి దండ్రికి
    నరకము జూపుచు నిశాంతనారి పలుకులన్
    వరుసగ సమాచరించుచు
    పరమాత్ముని సేవఁ జేయఁ బాపమె కల్గున్
    ....................✍చక్రి

    నిశాంతనారి : భార్య

    రిప్లయితొలగించండి
  11. దురితపుయోచనమదినిడి
    పరమాత్మునిసేవచేయ పాపమె కలుగున్
    చరణమ్ములెశరణమ్మని
    పరమేశునిభక్తితోడభజియింపదగున్.

    రిప్లయితొలగించండి
  12. పరమునుభవహరముగలుగు
    పరమాత్మునిసేవచేయ, పాపమె కలుగున్
    పరమాత్ముని దూఱినచో;
    శరణాగతి కరివరదుని చరణయుగమ్ముల్!

    రిప్లయితొలగించండి
    రిప్లయిలు
    1. ఫణీంద్ర గారూ,
      మీ రెండు పూరణలు బాగున్నవి. అభినందనలు.

      తొలగించండి
    2. ధన్యవాదాలు గురువుగారు! గత తొమ్మిదివారములు నిరంతరాయంగా ఆకాశవాణిలో నాపద్య పూరణలు ప్రసారమవుతూ వచ్చాయి. ఈ వారం మా గురువుగారి గళంనుంచి నా పద్యం జాలువారుతుందని ఆశించాను.సమయాభావంవల్ల ఆకోరిక నెరవేరనందుకు కించిత్తు నిరాశపడ్డాను.

      తొలగించండి
  13. నిన్నటి సమస్యా పూరణ:

    తులువా! జూదమునాడి నీవు తుదకున్
    దుర్మార్గ సంచారివై
    ఖలుడై పోతివి, యింట నాభరణముల్
    కాజేయుటన్ న్యాయమే?
    కొలువున్ జేయుచు బెట్టు బాంధవుడివై,
    ఘోరమ్ము;నీ సొమ్ములున్
    జెలివో చెల్లివొ తల్లివో వదినవో
    జేజమ్మవో యత్తవో?

    రిప్లయితొలగించండి
  14. నిరతము బుణ్యముగలుగును
    పరమాత్మునిసేవజేయ,పాపమెగలుగున్
    బరమాత్ముని దూషించిన
    భరణినిగలమనుజులెల్లపరమాత్ములులే

    రిప్లయితొలగించండి
  15. విరులన్ బూయగజేసి గుండియలలో
    వేదాంతవేద్యుండు శ్రీ
    హరినే విశ్వముగా దలంచి సకలం
    బర్పింప మోక్షంబెకా
    పరమాత్మార్చన సేయు మానవులకుం ;
    బాపంబులే జేకురున్
    సిరులన్ గోరుచు ఘోరకృత్యముల జే
    జేతన్ నొనర్పం భువిన్.

    రిప్లయితొలగించండి
  16. పరహితము నెఱుంగక నా
    యరిషడ్వర్గము గెలువక నతుల దురాశా
    పరులై మెలగెడు వారే
    పరమాత్ముని సేవ జేయ బాపమె కలుగున్

    రిప్లయితొలగించండి
  17. ..............🌻శంకరాభరణం🌻...............
    ..................🤷🏻‍♂సమస్య 🤷‍♀....................
    పరమాత్ముని సేవఁ జేయఁ బాపమె కల్గున్

    సందర్భము: చిన్నప్పుడు మా నాన్న ఇలా చెప్పేవాడు..
    "వర్కీజ్ వర్షిప్.. డ్యూటీ ఈజ్ గాడ్.. ఇవి విదేశీయుల మాటలే ఐనా తరింపజేసే మంత్రాలు.
    ధూప దీప నైవేద్యాలతో పూజిస్తే నారాయణుడు సంతోషిస్తాడేమో గాని తన డ్యూటీకి తాను శక్తివంచన లేకుండా న్యాయం చేకూర్చగలిగితే నరుడే కాదు నారాయణుడూ సంతోషిస్తాడు..
    నరుని మరచి నారాయణుని సేవిస్తే నరుని రూపంలో వున్న నారాయణు డెలా సంతోషిస్తాడు?"
    ~~~~~~~~~~~~~~~~~~~~~~~
    " 'వరుకీజ్ వరుషిపు' నాన్నా!

    మరి 'డివిటీ యీజు గాడు' మహి ననుకొనగా

    దరియింతువు.. దీని మరచి

    పరమాత్ముని సేవఁ జేయఁ బాపమె కల్గున్"

    ✒~డా.వెలుదండ సత్యనారాయణ
    20.7.19
    -----------------------------------------------------------

    రిప్లయితొలగించండి

  18. ఎస్వీ బీ సీ చేర్మన్ పదవి దక్కించు కున్న మా పృథ్వీ గారికి శుభాకాంక్షలతో


    పరులన్ త్రోసి పదండి ముందు కనుచున్ ప్రార్థింప చూడంగ తి
    ట్టి రసాభాసుగ పిన్న పెద్దలనకన్ టింగోడ! పెద్దోడ యం
    చు, రహిన్ చూపక వెంకటేశు కొలువంచున్ మూర్ఖులై డంబుతో
    పరమాత్మార్చన సేయు మానవులకుం బాపంబులే చేకుఱున్!


    జిలేబి

    రిప్లయితొలగించండి
    రిప్లయిలు
    1. జిలేబి గారూ,
      మీ పూరణ బాగున్నది. అభినందనలు.
      'మా పృథ్వి' అన్నారు... మీ బంధువా?

      తొలగించండి


  19. ఆకాశవాణి కి పంపించినది :)


    పరలోకములో వున్న ప్రభువా పాహిమాం :)


    అరయన్ పుణ్యము కలుగును
    పరమాత్ముని సేవఁ జేయఁ ,బాపమె కల్గున్
    సరసీ జనులను హింసిం
    ప! రహివలయు జనుల యెడల ప్రభువుని గానన్!



    జిలేబి

    రిప్లయితొలగించండి
    రిప్లయిలు
    1. జిలేబి గారూ,
      మీ పూరణ బాగున్నది. అభినందనలు.
      ఇంతకూ ఈ 'బొంగులూరు' ఎక్కడిది? హైదరాబాదు సమీపంలో ఒకటి ఉందని గూగుల్ మ్యాపు చెప్పింది.

      తొలగించండి

    2. అప్పుతచ్చు !


      మీ వరద శతకపు సమావేశము లో కలిసిన వూరు


      జిలేబి

      తొలగించండి
  20. క్రొవ్విడి వెంకట రాజారావు:

    పరమపదమ్మె లభించును
    పరమాత్ముని సేవజేయ; బాపమె గల్గున్
    మురువున ఘనునిగ నెగడుచు
    నిరతము దేవుని పదరుచు నేగెడు నపుడున్.

    రిప్లయితొలగించండి
  21. పరమ శివునిఁ గొల్చిన నిక
    హరమౌ పాపము లటంచు నను నిత్యము తా
    దురితముల నొనర్చుచు నా
    పరమాత్ముని సేవఁ జేయఁ బాపమె కల్గున్

    రిప్లయితొలగించండి
  22. పరులటు బాధల నుండగ
    త్వరపడి తగు సాయమిడుట దలపక నెపుడున్
    పరమున కక్కర యనుచును
    పరమాత్ముని సేవఁ జేయఁ బాపమె కల్గున్

    రిప్లయితొలగించండి
  23. వరములు గలిగిన రాక్షస
    పరివారము వంటిబుద్ది బహు మతియనుచున్
    తరచుగ మనసునలేకే
    పరమాత్మునిసేవజేయ బాపముకల్గున్

    రిప్లయితొలగించండి
  24. కరముననొక సంచీతో
    తిరిగి పరుల పూలు కోసి తెచ్చి మనుజులా
    విరులను పూజకు వాడుచు
    *"పరమాత్ముని సేవఁ జేయఁ బాపమె కల్గున్"*

    రిప్లయితొలగించండి
  25. పరులను కడు పీడించుచు
    సిరులను ఖలులంతదెచ్చి చింతలె దొలుగన్
    హరికే వాటాల నొసగి
    పరమాత్ముని సేవ జేయ పాపమె కల్గున్

    రిప్లయితొలగించండి

  26. తిరుగుచు నప మార్గంబున
    పరమాత్ముని సేవ చేయ పాపము గలుగున్
    అరమరికలు లేక కొలువ
    హరియే యొసగును వరములు హర్షము తోడన్."
    :
    మరొక పూరణ

    పరులను పీడించుచనన
    వరతము దురితములు చేయు వారల కిలలో
    పరగతి దొరకక తుదకా
    పరమాత్ముని సేవసేయ పాపమె కలుగున్

    రిప్లయితొలగించండి
    రిప్లయిలు
    1. మీ రెండు పూరణలు బాగున్నవి. అభినందనలు.
      'పీడించుచు ననవరతము...' టైపాటు అనుకుంటాను.

      తొలగించండి
  27. క్రొవ్విడి వెంకట రాజారావు:

    ఒరవున్ జూపని తీరుతో నడరి తానొక్కండుగా చాగుచున్
    వెరపే లేని ప్రవృత్తినిన్ మధురమౌ బెల్లింపు వావాదులన్
    వరుసం జేయుచు తోడివారికిట కీడ్పాటాచరించేటిదౌ
    పరమాత్మార్చన సేయు మానవులకుం బాపంబులే చేకురున్.

    రిప్లయితొలగించండి
  28. సెల్ఫ్ సెటైర్:

    అరకొఱ నెఱిగియు నెఱుఁగక
    బరబర పద్యముల వ్రాసి బాధించుచు నే
    ర్పరులను తగునని విట్ఠూ!
    *"పరమాత్ముని సేవఁ జేయఁ బాపమె కల్గున్"*
    😃🙏🏻

    రిప్లయితొలగించండి
  29. పరులన్ బాధలు పెట్టుచున్ మిగుల గర్వంబూని దుర్భావులై
    పర లోకమ్మున దివ్య భోగముల సంప్రాప్తించు నానందముల్
    పరమార్ధమ్మని నమ్మి కీర్తనల సంభావించుచున్ స్వార్ధమౌ
    పరమాత్మార్చన సేయు మానవులకుం బాపంబులే చేకుఱున్

    రిప్లయితొలగించండి
    రిప్లయిలు
    1. మీ పూరణ బాగున్నది. అభినందనలు.
      'సార్థులై పరమాత్మార్చన...' అంటే బాగుంటుందేమో?

      తొలగించండి
  30. కరముల నుజోడ గించుచు
    పరమును కాంక్షించి దేవభాష పదములన్
    పొరపాట్లతోడ చదువుచు
    పరమాత్ముని సేవఁ జేయఁ బాపమె కల్గున్

    రిప్లయితొలగించండి
  31. అధర్మకర్మ జేసి ధర్మకర్మకాండ జేస్తే పాపమే వస్తుంది గా...

    మ||

    పరులన్ దూషణజేయుచుండి విషసర్పాలోచనల్ జేయుచున్
    పరకాంతాగతరక్తియన్ మనసునవ్యక్తంబుగన్ నిల్పుచున్
    నరరూపంబులు దాల్చి మస్తకమునన్యాయాప్తులౌ జీవులై
    పరమాత్మార్చన జేయు మానవులకుం బాపంబులే చేకురున్
    Rohit 🙏🏻🙏🏻🙏🏻🙏🏻🙏🏻

    రిప్లయితొలగించండి
  32. అరుదె సుర సంచయమ్ములు
    ధర న్దురవగాహము సుర తత్వ గ్రాహం
    బరయ వచించెద వీ వే
    పరమాత్ముని సేవఁ జేయఁ బాపమె కల్గున్


    నర లోకమ్మునఁ బుట్ట రక్షకుఁ డగున్ నారాయణుండే చుమీ
    పరమేష్ఠ్యన్వయ భూత రావణుని దుర్వాజ్యాత్ము వీక్షించమే
    సుర విద్వేషి హిరణ్య భుక్తిఁ గనమే చోద్యంబె దూరంబగుం
    బర మాత్మార్చన సేయు మానవులకుం బాపంబులే చేకుఱున్

    [పరము + ఆత్మార్చన = పరమాత్మార్చన; ఆత్మార్చన = ఆత్మస్తుతి]

    రిప్లయితొలగించండి
  33. ఆటవిడుపు సరదా పూరణ:
    (జిలేబి గారికి అంకితం)

    సరియౌ రీతిని పాట పాడుచునుభల్ శ్లాఘమ్ములన్ జేయుచున్
    దరువుల్ గొట్టుచు నాట్యమాడగనువే దానంబులన్ జేసెడిన్
    బరువౌ నేతల కోరకే వరములన్ బ్రహ్మాండమౌ తీరునన్
    పరమాత్మార్చన సేయు మానవులకుం బాపంబులే చేకుఱున్

    రిప్లయితొలగించండి
  34. పొరిగింటివారు విరివిగ
    పురహరిఁ గొల్తురని తాము పోటీ పడుచున్
    బరనాశమ్మును గోరుచు
    పరమాత్ముని సేవఁ జేయఁ బాపమె కల్గున్

    రిప్లయితొలగించండి


  35. అందరి పూరణలూ అలరించు చున్నవి !

    వచ్చేవారమునకు ఆకాశవాణి వారి సమస్య యేమిటి ? తెలియ చేయగలరు


    జిలేబి

    రిప్లయితొలగించండి
  36. కర మానందముగూర్చ గన్నులకు,గైంకర్యమ్ముగా నీయ నా
    పరమాత్మాంఘ్రుల కింట బెంచుకొన పుష్పాలిచ్చు పల్మొక్కలం
    బరమార్థమ్మని దొంగిలించి విరులం బాపంబుగా నెంచకం
    బరమాత్మార్చనసేయ మానవులకుం బాపంబులే చేకుఱున్.

    రిప్లయితొలగించండి
  37. వరగర్వితులైనయసుర
    వరులును ప్రతియుగమునందు వ్రాలిరి తుదకున్
    నిరంతరము పాపపు చింతన
    పరమాత్ముని సేవఁ జేయఁ బాపమె కల్గున్

    రిప్లయితొలగించండి
    రిప్లయిలు
    1. మీ పూరణ బాగున్నది. అభినందనలు.
      మూడవ పాదం మొదటి గణం జగణమయింది. "నిరతమ్ము పాప చింతన" అనండి.

      తొలగించండి
  38. మరో మూడు పూరణలు

    నర జన్మకు ఫలమొదవును
    పరమాత్ముని సేవసేయ, పాపమె కలుగున్
    పరవనితల కాంక్షించుచు
    దురిత ము లొనరించ తుదకు దుఃఖమె మిగులున్.

    నిరతము చెడు భావనతో
    పరదారల వాంఛ చేయు పాతకునకిలన్
    దొరకదు శాంతియు పైగా
    పరమాత్ముని సేవసేయ, పాపమె కలుగున్.

    హరితా మెచ్చును సతతము
    పరమాత్ముని సేవసేయ, పాపమె కలుగున్.
    పరపతిని నుపయోగించుచు
    పరులను హింసించుచుండ వసుమతి యందున్


    రిప్లయితొలగించండి
    రిప్లయిలు
    1. మీ మూడు పూరణలు బాగున్నవి. అభినందనలు.
      'పైగా' అన్నది వ్యావహారికం.

      తొలగించండి
  39. వచ్చే వారానికి ఆకాశవాణి వారి దత్తపది.....
    తట్ట - గుట్ట - చుట్ట - పుట్ట
    పై పదాలను ప్రయోగిస్తూ 'స్వచ్ఛ భారత్' లక్ష్యాల గురించి
    మీకు నచ్చిన ఛందస్సులో పద్యం వ్రాసి
    గురువారం సాయంత్రం లోగా క్రింది చిరునామాకు మెయిల్ చేయండి.
    padyamairhyd@gmail.com

    రిప్లయితొలగించండి
    రిప్లయిలు


    1. నెనరుల్స్ ! పంపించితిమి :)



      జిలేబి

      తొలగించండి
    2. కొందరికి 'గుట్ట'... 'బుట్ట'లా వినిపించిందట!

      తొలగించండి
    3. ఈవారం మొట్టమొదట మీ పూరణ చదువుతానన్న మాటను నిలుపుకున్నాను.

      తొలగించండి


    4. బుట్ట అంటేనే ఇంకొంత సొబగేమో నండి ! తట్టా బుట్టా తబేలాలతో దేశాన్ని‌ ఓ‌ ఝాడూ లాగించేయొచ్చు :) గుట్ట తో‌బాటు బుట్టకూడా‌ రాసేసుకుంటే ఛందం ఒప్పదా యేమిటి ;)



      జిలేబి

      తొలగించండి

    5. ధన్యవాదములు ! ంంంం రె

      మీ అభిమానమే మాకు శ్రీరామ రక్ష !



      జిలేబి

      తొలగించండి
  40. నేడు ప్రసారమైన కందం

    వరమనఁగ జయవిజయులున్
    పరులై ముజ్జన్మలందుఁ బ్రభువును చేరన్
    భరపడి నంతట నొగి హరిఁ
    బరమాత్ముని సేవఁ జేయఁ బాపమె కలుగున్

    మత్తేభవిక్రీడితము
    వరమే మీకని శ్రీనివాసుడు వినన్ ప్రత్యేక హోదాయనె
    న్నెరనమ్మంగఁ బ్రధానిగా వెలసి మన్నించంగ వెన్కాడుచున్
    కరసేవన్ రఘు రామ మందిరమునే గట్టింతునన్బల్కుచున్
    పరమాత్మార్చన సేయు మానవులకుం బాపంబులే చేకుఱున్

    రిప్లయితొలగించండి