15, సెప్టెంబర్ 2017, శుక్రవారం

సమస్య - 2464 (ధరలు తగ్గిన...)

కవిమిత్రులారా,
ఈరోజు పూరించవలసిన సమస్య ఇది...
"ధరలు తగ్గిన జగమెల్లఁ దల్లడిల్లె"

61 కామెంట్‌లు:

  1. నీటి వసతికి విత్తుకు పాటు బడుచు
    నెరువు కూలీలు విద్యుత్తు నేల కొరకు
    నప్పు జేయుచు పండించు గొప్ప పంట
    ధరలు తగ్గిన జగమెల్లఁ దల్లడిల్లె

    రిప్లయితొలగించండి
  2. అవధి మీరుచు నెత్తైన యలలతోడ
    అడలుకలిగించు గుండ్రని సుడులతోడ
    ఇంపుగొలిపెడి యట్లాంటి కెగసిపడగ
    ధరలు తగ్గిన జగమెల్ల దల్లడిల్లె.

    రిప్లయితొలగించండి
  3. సాగు భూమిన్ఁ జదునుజేయ సౌధములవ,
    రొయ్యలచెరువులం జేయ రొక్క ములకు
    జగతి నంత కంతకు నిట సాగు పంట
    ధరలు తగ్గిన జగమెల్లఁ దల్లడిల్లె
    (పంట ధరలు=పంటభూములు)(జగము=ప్రజలు)

    రిప్లయితొలగించండి


  4. జనులు సంతస పడుదురు జగము నందు
    ధరలు తగ్గిన; జగమెల్లఁ దల్లడిల్లె
    నౌ జిలేబియ యతివృష్టి నందు ; కష్ట
    కాలమౌ యనావృష్టి సంకటముల సుడి.

    జిలేబి

    రిప్లయితొలగించండి
  5. సంత సించగ పేదల సగటు బ్రతుకు
    ధరలు తగ్గిన , జగమెల్లఁ దల్ల డిల్లె
    దోచు కొనుచున్న సర్కారు దొరల కనగ
    మోజు పెరిగెను ధనముపై రోజు రోజు .

    రిప్లయితొలగించండి
  6. పాపచింతన పెంచుచు పలువిధాలఁ
    వేదనిందలకున్ కడు పేరు రాగఁ
    పుణ్యబోధన జేసెడి పుస్తకముల
    ధరలు తగ్గిన జగమెల్ల దద్దరిల్లె

    ఇందు కావ్యాదిపుస్తకములకు ధరలు తగ్గడమంటే వాటిలోనున్న వైశిష్ట్యమును గుర్తించలేకపోవడము అని భావన.

    రిప్లయితొలగించండి
  7. పర్వతమ్ములు మూలము వర్షములకు
    నాగరికతాభివృద్ధితో నగరములను
    విస్తరించుచు కాననవితతి యవని
    ధరలు తగ్గిన జగమెల్లఁ దల్లడిల్లె
    [అవనిధర = కొండ]

    రిప్లయితొలగించండి
    రిప్లయిలు
    1. సోమయాజులు గారూ,
      మీ పూరణ బాగున్నది. అభినందనలు.
      సమాస పూరపదంగా 'అవనిధర' అనవచ్చు. ఉదా॥ అవనిధర శిఖరము, అవనిధర పుత్రి... కాని పదంగా చెప్పినపుడు 'అవనిధరములు' అవుతుంది.

      తొలగించండి
  8. ఉష్ణ తాపంబు హెచ్చె, మహోర్మి గతుల
    జలధులుప్పొంగె ప్రకృతి యశాంతమయ్యె
    రక్షణయె లేక పక్షులు, వృక్షములు, కు
    ధరలు తగ్గిన జగమెల్ల తల్లడిల్లె

    (కుధరలు= కొండలు అనే అర్థంలో)

    రిప్లయితొలగించండి
    రిప్లయిలు
    1. విజయకుమార్ గారూ,
      మీ పూరణ బాగున్నది. అభినందనలు.
      సమాస పూర్వపదంగా 'కుధర' అనవచ్చు. ఉదా..కుధరశ్రేష్ఠము. ఇక్కడ 'కుధరములు' అంటేనే సాధువు .

      తొలగించండి
    2. ఇది చూడండి.

      ప్రజలు మురిసిరి కొండెక్కి బాధ పెట్టు
      ధరలు తగ్గిన; జగమెల్ల తల్లడిల్లె
      నాలుగేండ్లకే ద్రవ్యోల్బణమ్ము చేత
      కాల వశమున ధరలు చుక్కలను జూప

      తొలగించండి
  9. డా.పిట్టా
    పెరుగుటయె విర్గు కొరకని పెద్దలనరె
    తిరిగి ధర హెచ్చు సత్యముద్దీపనముగ
    హెచ్చు తగ్గుల జీవిత హేల గాంచి
    ధరలు తగ్గిన జగమెల్ల తల్లడిల్లె!
    ఆర్యా,
    ఆహ్వానమును అందరికి అందించినందులకు కృతజ్ఞతా పూర్వక నమస్సులు.మీ రాకకై నిరీక్షణతో ..మీ పిట్టా

    రిప్లయితొలగించండి
    రిప్లయిలు
    1. డా. పిట్టా సత్యనారాయణ గారూ,
      మీ పూరణ బాగున్నది. అభినందనలు.
      రాత్రినుండి మళ్ళీ జ్వరం వస్తున్నది. ఎల్లుండి ఉదయం కార్యక్రమానికి చేరుకోవాలంటే రేపు రాత్రే బయలుదేరాలి. చూడాలి... రేపటికి ఆరోగ్యం ఎలా ఉంటుందో? ఇప్పుడే డాక్టర్ దగ్గరికి వెళ్ళి మాత్రలు తెచ్చుకొని వేసుకున్నాను.

      తొలగించండి
  10. ప్రగతి పేరున పెంపొంద పట్టణములు
    పచ్చని పుడమి మిద్దెల పాలుగాగ
    తల్లిబోలెడు జీవనాధార పంట
    ధరలు తగ్గిన ప్రజలెల్ల తల్లడిల్లె!

    పంట ధరలు= పంట భూములు

    రిప్లయితొలగించండి
  11. గంతులేయుట నిక్కంబు సంతసాన
    ధరలు తగ్గిన జగమెల్లఁ, దల్లడిల్లె
    నీ యుగంబున నభమున కెగయు చున్న
    వానినిం గాంచి లోకమ్ము వాస్తవమ్ము.

    హ.వేం.స.నా.మూర్తి.

    రిప్లయితొలగించండి
    రిప్లయిలు
    1. సత్యనారాయణ మూర్తి గారూ,
      విరుపుతో మీ పూరణ బాగున్నది. అభినందనలు.

      తొలగించండి
  12. అప్పు సప్పులు చేసిన అన్నదాత
    ఆశపడి యె ను పంటల నమ్మి తాను
    ఉన్న దున్న ట్లు విపణిలో నున్న పంట
    ధరలు తగ్గిన జగమెల్ల దల్లదిల్లే

    రిప్లయితొలగించండి
  13. ధన్య జీవులు రైతులు తలప భువిని
    అన్న దాతలు గద జను లందరికని
    అట్టి వారికి జూడగ గిట్టుబాటు
    ధరలు తగ్గిన జగమెల్ల దల్లడిల్లె.

    రిప్లయితొలగించండి
    రిప్లయిలు
    1. జనార్దన రావు గారూ,
      మీ పూరణ బాగున్నది. అభినందనలు.
      పద్యం మధ్యలో అచ్చులు రాకుండా చూడండి.

      తొలగించండి
  14. ట్రంపు దెబ్బ విదేశము ల్గొంప ముంచె,
    సాఫ్టువేరు నిపుణల వీసాల పైన
    యాంక్ష లైటి ప్రాజెక్టుల నడ్డగించ,
    ధరలు తగ్గిన జగమెల్లఁ దల్లడిల్లె

    ఐటీ ప్రాజెక్టులు పూర్తిగా డిమాండు లేక బాగా ధరలు తగ్గి సాఫ్ట్ వేరు జనుల మనుగడ ??????

    రిప్లయితొలగించండి
    రిప్లయిలు
    1. కృష్ణ సూర్యకుమార్ గారూ,
      మీ పూరణ బాగున్నది. అభినందనలు.
      'పైన నాంక్ష..' లనండి.

      తొలగించండి
  15. సంతసంబును నొందురు సకల జనులు
    ధరలు తగ్గిన, జగమెల్ల దల్లడిల్లె
    హారి కెనుతుఫాను నుగాంచి" హా"యనుంచు
    కూలిపోయెను భవనము ల్గొన్ని వేలు

    రిప్లయితొలగించండి
    రిప్లయిలు
    1. సుబ్బారావు గారూ,
      మీ పూరణ బాగున్నది. అభినందనలు.
      "సంతసం బందెదరు కద సకల జనులు" అంటే బాగుంటుందేమో?

      తొలగించండి
  16. తరువు లొసగెడు ఫలములు మరచి, జనము
    విరివిగ దొరుకు వికరము దొరసెడి యవ
    కరపు యెర గొసరుచు దిని సరియగు మిహి
    భరణమును దిగవిడయగ ధరణి జనుల
    ధరలు సడలగ జగతియె సురుగు నిడెను
    (ధరలు తగ్గిన జగమెల్లఁ దల్లడిల్లె)


    నేటి యువత పౌస్టిక ఆహారము తినని కారణమున మేధస్సు తగ్గి జగము తల్లడిల్లు తున్నదని భావన

    రిప్లయితొలగించండి
  17. శాస్త్ర విజ్ఞాన గరిమ లసత్ప్రభా కృ
    తాఘముల నెంచ శక్యంబె యవని భ్రూణ
    మరణముల కారణమున క్షమా గుణ జిత
    ధరలు తగ్గిన జగమెల్లఁ దల్లడిల్లె

    [క్షమా గుణ జిత ధరలు = క్షమా గుణమున జయింపఁ బడిన భూమి కల వారు, స్త్రీలు]

    రిప్లయితొలగించండి
    రిప్లయిలు

    1. SeethaDevi Gurramసెప్టెంబర్ 15, 2017 11:41 AM
      అద్భుతం ! సమాసాల విన్యాసాలతో పూరణలు చేయడము మీకే తగును పూజ్య శ్రీ కామేశ్వరరావుగారూ!🙏🙏🙏🙏

      ప్రత్యుత్తరంతొలగించు

      తొలగించండి
    2. కామేశ్వర రావు గారూ,
      'క్షమా గుణ జిత ధరలు' అద్భుతమైన ప్రయోగం. ఉత్తమంగా ఉంది మీ పూరణ. అభినందనలు.

      తొలగించండి
    3. పూజ్యులు శంకరయ్య గారికి వందనములు. ధన్యవాదములు.
      డా. సీతా దేవి గారు ధన్యవాదములు.

      తొలగించండి
  18. బానిసలుగఁ జేసికొనుచు వత్సరమ్ము
    భాషణమ్ముల సినిమాల బాట జూప
    పనులు మానుచు నభివృద్ధి వెనుక పడగ
    జనులుఁ జిక్క! జియో జాల సంతలోన
    ధరలు తగ్గిన జగమెల్లఁ దల్లడిల్లె!

    రిప్లయితొలగించండి
  19. పిన్నక నాగేశ్వరరావు.

    షేరు ధరలు పెరిగి సంతసించు నంత

    లోన దేశ విదేశాలలోని షేరు

    లొక్కసారిగా కుప్పకూలుచు బిరాన

    ధరలు తగ్గిన జగమెల్ల దల్లడిల్లె.

    రిప్లయితొలగించండి
  20. కరవు లేకను పంటలు విరివిగున్న?
    తరుణ మాశచె స్వార్థుల కరుణ మాన
    ధరలు తగ్గిన?జగమెల్ల దల్లడిల్లె
    దాచి ధాన్యంబులమ్మిన తరుణమవ్వ?
    2.పరమశివుడు గంగనంప?పార్వతమ్మ దీవెనల్
    కరువుమాన్ప? స్వార్థపరుల కామితంబె గాల్చగా?
    వరల లేక లక్ష్మి రాక పంటలుండి రైతుకున్
    ధరలుతగ్గిన జగమెల్ల దల్లడిల్లుటందుకే|
    3.

    రిప్లయితొలగించండి
    రిప్లయిలు
    1. ఈశ్వరప్ప గారూ,
      మీ రెండు పూరణలు బాగున్నవి. అభినందనలు.
      "ఆశచే' అనండి. రెండవ పూరణలో సమస్య చివరలో కొంత మార్చారు.

      తొలగించండి
  21. షేరుమార్కెట్ల దందాలు చేయువారు
    కుంభకోణమ్ములను జేసి కోట్ల కొలది
    ధనము దోచగ మార్కెట్టు మునిగి షేర్ల
    ధరలు తగ్గిన జగమెల్లఁ దల్లడిల్లె

    రిప్లయితొలగించండి
  22. ఆరుగాలము కష్టించి అధిక శ్రమన
    పంట లెన్నియొ పండించ పాటుపడుచు
    గేలికాబడి రాబడి గిట్టుబాటు
    ధరలు తగ్గిన జగమెల్లదల్లడిల్లె

    రిప్లయితొలగించండి
  23. జాతి కుల మత భేదముల్ పోతరములు
    ధనమదమ్మును హెచ్చసహనము లేక
    మనుజు లందున మంచికి మానవతకు
    ధరలు తగ్గిన జగమెల్ల తల్లడిల్లె

    రిప్లయితొలగించండి
  24. క్రొవ్విడి వెంకట రాజారావు:

    పేదవారల కెల్లను వేడుకగును
    ధరలు తగ్గిన; జగమెల్ల తల్లడిల్లె
    నేడిల దినదినమ్మున నేలగలియు
    కాసుల విలువ నెంచుచు కక్కసమున








    రిప్లయితొలగించండి
  25. గురువుగారికి నమస్సులు.
    చిన్న ప్రయోగము.

    "ర"క్షణము లేదు మంచియున్ "ర"హిని గనదు
    "రా"మరాజ్యము దొలఁగెను "ర"ంజన చెడె
    "రై"తునశియించె లేదు నీ"ర"ము గనఁ వసు
    ధఁ "ర"లు తగ్గిన జగమెల్లఁ దల్లడిల్లె

    రిప్లయితొలగించండి
  26. ప్రజలు సుఖియింత్రు జీయెస్టి ,పన్ను,లధిక
    ధరలు తగ్గిన ; జగమెల్లఁ దల్లడిల్లె
    రాకకీయము లీనాడు రాటు దేరి
    స్వార్ధ పరులకు కీలక స్థాన మవగ

    నిన్నటి సమస్యకు నా పూరణ

    హరిహరు లవతారము గొని
    పరదేశములన్ జనించి బహురూపు లవన్
    భారతావని గల దేవులు
    హరియే మహ్మదు కుదురుగ హరుఁ డేసు గదా

    రిప్లయితొలగించండి
    రిప్లయిలు
    1. కృష్ణారావు గారూ,
      మీ రెండు పూరణలు బాగున్నవి. అభినందనలు.
      'రాజకీయము'... టైపాటుతో 'రాకకీయము' అయింది.

      తొలగించండి
  27. కష్టపడిపనులను జేసి కరముతృప్తి
    కూడబెట్టిన సొమ్ముతో కొన్నయింటి
    ధరలు తగ్గిన జగమెల్లఁ దల్లడిల్లె
    అమెరికాదెబ్బ రయమున నంటెననుచు

    రిప్లయితొలగించండి

  28. అవని పంట పండించిన హాలికుండు
    వేదనమ్ముతో సతతమ్ము వెక్కుచుండె
    ధరలు తగ్గిన,జగమెల్ల తల్లడిల్లె
    నన్నదాతల బాధల నాలకించి.

    రిప్లయితొలగించండి