14, మార్చి 2018, బుధవారం

సమస్య - 2625 (అందము చెడిపోయె...)

కవిమిత్రులారా,
ఈరోజు పూరించవలసిన సమస్య ఇది...
"అందము చెడిపోయె ననుచు నతివయె మురిసెన్"
(లేదా...)
"అందము నాశన మ్మయిన దంచుఁ గడున్ ముదమందె నాతియే"
(డా॥ జి.యం. రామశర్మ గారి 'శతావధాన వైజయంతి' గ్రంథం నుండి)

120 కామెంట్‌లు:

  1. కందము వ్రాయగ మది పద
    మందము చెడిపోయె ననుచు, నతివయె మురిసెన్
    పొందిక కుదిరిన పిమ్మట
    మందస్మిత వదన మాయె మహిళా మణికిన్

    రిప్లయితొలగించండి
  2. అందము మగవాని రిపువు...
    చందము మృగమునకు కొమ్ము జ్వాలలయందున్ ...
    మందుడు వ్యభిచారి మగని
    యందము చెడిపోయె ననుచు నతివయె మురిసెన్

    రిప్లయితొలగించండి
    రిప్లయిలు
    1. ప్రభాకర శాస్త్రి గారూ,
      మీ పూరణ బాగున్నది. అభినందనలు.
      'జ్వాలలయందున్' అన్నదానికి అన్వయం?

      తొలగించండి
    2. సార్! ఇది ఒక సామెత..అడివికి మంటలు చెలరేగినప్పుడు అన్ని జంతువులూ పారి పోతాయి. దుప్పి తప్ప. దాని కొమ్ములు చెట్ల తీగలలో ఇరుక్కొని. మామూలుగా అయితే దుప్పి తన బింబాన్ని నీటిలో చూసి మురిసిపోతుందట

      తొలగించండి
  3. (తమిళభక్తకవయిత్రి అవ్వయార్ గణపతిని ప్రార్థించి వృద్ధాప్యం కోరుకుంది)
    ఎందరొ పూరుషుల్ గనుచు నెంతయొ మోహము నందుచుండగా
    సుందరి అవ్వయారు తన సోయగమంతయు మార్చి వృద్దతన్
    బొంద ననుగ్రహింపుమని బొజ్జగణాధిపు గోరి వృద్ధయై
    యందము నాశనమ్మయినదంచు గడున్ ముదమందె నాతియే.

    రిప్లయితొలగించండి
    రిప్లయిలు
    1. బాపూజీ గారూ..
      పాదానికి తగినట్టు అర్థం మారకుండా అద్భుతంగా పూరించారు.
      🙏🏻💐

      తొలగించండి
    2. బాపూజీ గారూ! చక్కని సన్నివేశాన్ని యెంచుకున్నారండీ! అభినందనలు! 🙏🙏🙏

      తొలగించండి
    3. బాపూజీ గారూ,
      మీ పూరణ అద్భుతంగా ఉన్నది. అభినందనలు.

      తొలగించండి
  4. మైలవరపు వారి పూరణ

    పొందిక మంథరావచనముల్ వినుటన్ దగ నీసు నొందుటన్ ,
    ముందుగ పొందినట్టి వరమున్ బతిఁ గోరగ నెంచి కైకయున్
    జిందరవందరౌనటులు చేసెను దీపములార్పి గీము , నా
    క్రందిత చిత్తవృత్తి తిలకమ్మును దుడ్చియు, పూలు ద్రెంపి, దా
    నందము నాశన మ్మయిన దంచుఁ గడున్ ముదమందె నాతియే !!

    మైలవరపు మురళీకృష్ణ వెంకటగిరి

    రిప్లయితొలగించండి
    రిప్లయిలు
    1. ధన్యవాదాలండీ శ్రీ విట్టు బాబు గారికి.. శ్రీ శాస్త్రి గారికి కూడా 🙏

      తొలగించండి
    2. మైలవరపు వారి పూరణ ప్రశస్తంగా ఉన్నది. అభినందనలు.

      తొలగించండి
    3. అందరును మెచ్చుకొన దన
      యందమునకు దిష్టి తగులునని జడ పాయన్
      ముందుకు లాగి బిగించుచు
      నందము చెడిపోయెనంచు నతివయె మురిసెన్ !!

      మైలవరపు మురళీకృష్ణ వెంకటగిరి

      తొలగించండి
  5. కొందఱు భైరవాశ్వములు, కొందఱు పార్థుని తేరి టెక్కెముల్,
    కొందఱు ప్రాక్కిటీశ్వరులు కొందఱు కాలుని యెక్కిరింతలున్,
    కొందఱు కృష్ణజన్మమున కూసిన వారల బోలుచుండగా
    నిందరి సంతతిన్ గలిగి యింతియె చాలిక చాలుచాలని
    న్నందము నాశన మ్మయిన దంచుఁ గడున్ ముదమందె నాతియే

    రిప్లయితొలగించండి
    రిప్లయిలు
    1. ఆహా...మీ పదవిన్యాసం అమోఘం.
      👌🏻🙏🏻💐

      తొలగించండి
    2. నాది కాదు... కవి సార్వభౌమ శ్రీనాథునిది...నాది చౌర్యమే చాలా వరకు

      తొలగించండి
    3. ప్రభాకర శాస్త్రి గారూ,
      శ్రీనాథుని చాటువును చక్కగా వినియోగించుకున్నారు. చక్కని పూరణ. అభినందనలు.
      "చాలిక చాలు చాలటం। చందము..." అనండి.

      తొలగించండి
  6. సుందరమగు పలు సామ్ముల
    నెందుకు కొని రారటంచు నేడ్చుచు పతితో
    చిందరవందర చేయుచు
    నందము చెడిపోయెననుచు నతివయె మురిసెన్

    రిప్లయితొలగించండి
  7. గురువర్యులు శ్రీ కంది శంకరయ్య గారి శంకరాభరణం
    సమస్యాపూరణ :: నేటి సమస్య సంఖ్య-2625
    సమస్య :: *అందము నాశనమ్మయిన దంచు కడున్ ముద మందె నాతియే.*
    ఒక యువతి తన అందం నాశనమైపోయిందని చాలా సంతోషపడింది అని చెప్పడం ఈ సమస్యలో ఉన్న విరుద్ధమైన అర్థం.
    సందర్భం :: బలరాముడు కృష్ణుడు ఇద్దరూ అక్రూరుని వెంట వెళ్తూ మధురానగరంలో ప్రవేశించినప్పుడు మరుగుజ్జు రూపంలో అందవిహీనగా ఉన్న కుబ్జ కనిపించింది. కంసునికి దాసి, సుగంధ లేపన విద్యలో ఆరితేరినది అగు ఆమె బలరామ కృష్ణులను చూచి, సంతోషించి వారికి తన దగ్గఱ ఉన్న లేపనాలను ఇచ్చింది. అప్పుడు శ్రీ కృష్ణుడు ఆ కుబ్జను తాకి ఆమెను అందమైన స్త్రీ గా మార్చినాడు. ఆ సమయంలో కుబ్జయొక్క సంతోషాన్ని ఆమె మాటలలోనే వివరించే సందర్భం.

    నందసుతుండు నన్ను గనినాడు, సుగంధము నందినాడు, నా
    కందము నిచ్చినాడు, ముద మందుచు నన్ స్పృశియించినాడు గో
    విందుడు, చూడు నేడు కనువిందగు ; నాదగు కుబ్జరూపమే
    *మందము ? నాశన మ్మయిన దంచు కడున్ ముద మందె నాతియే.*
    *కోట రాజశేఖర్ పడుగుపాడు నెల్లూరు.* (14-3-2018)

    రిప్లయితొలగించండి
    రిప్లయిలు
    1. ఆర్యా!
      పురాణాల్లో మీకు దొఱకని సందర్భమంటూ ఉండదేమో!!
      🙏🏻💐

      తొలగించండి
    2. సహృదయులు శ్రీ Ps Rao విట్టు బాబు గారికి హృదయపూర్వక ప్రణామాలు.

      తొలగించండి
    3. సహృదయులు
      శ్రీ గుఱ్ఱం ప్రభాకర శాస్త్రి గారికి భక్తిపూర్వక ప్రణామాలు.

      తొలగించండి
    4. కోట రాజశేఖర్ గారూ,
      మీ పూరణ అద్భుతంగా ఉన్నది. అభినందనలు.

      తొలగించండి
  8. సుందర దేహము గనుగొని
    పొందుచు స్వర్గము మదనుని పోరాటములో
    చిందర చేయ విభుడు తన
    యందము చెడిపోయె ననుచు నతివయె మురిసెన్

    రిప్లయితొలగించండి
    రిప్లయిలు
    1. మీ సరస శృంగార పూరణ సూపరు. మీ భావాన్నే కాపీ కొట్టా...
      🙏🏻💐

      తొలగించండి
    2. అన్నపరెడ్డి వారూ,
      సరసమైన మీ పూరణ మనోజ్ఞంగా ఉన్నది. అభినందనలు.

      తొలగించండి
  9. సుందరిమిగులన్వగచెను
    నందముచెడిపోయెననుచు,నతివయెమురిసె
    న్నందముగలదాననగుచు
    నందమెకదమనిషిమిగులనాకర్షింపన్

    రిప్లయితొలగించండి
    రిప్లయిలు
    1. సుబ్బారావు గారూ,
      మీ పూరణ బాగున్నది. అభినందనలు.
      "సుందరి మిగుల వగచె దన। యందము..." అనండి.

      తొలగించండి
  10. కుందెను మదిలో నెంతయు
    నందము చెడిపోయె ననుచు; యతివయె మురిసెన్
    కుందనపు హారము గొనుచు
    విందుకు తరలంగ నెంతొ విభవముతోడన్!

    రిప్లయితొలగించండి
    రిప్లయిలు
    1. 👌👌👌

      జిలేబి గారు మాయమైపోయారు 😌

      తొలగించండి
    2. సూపరు సీతాదేవిగారూ...
      అతిశయోక్తి అనుకోకపోతే మీకన్నా బాగా దీన్నింకెవరూ పూరించలేరు
      ఎంతయినా ఆడువారు అందురు గానీ..కాదు వారు అడించెడివారే!!
      🙏🏻💐

      తొలగించండి
    3. అన్యధా భావించవలదు. చతురోక్తి మాత్రమే!! 🤣

      ఆడుట వారికె సొత్తగు
      నాడించుట వారి కెఱుక యవనీ తలమున్!
      ఆడియు నాడక మగడిని
      యాడించుట నాడువారి యశమది గనుమా!!

      తొలగించండి
    4. జీపీయస్‌వారూ...
      నేనూ అదే చూస్తున్నా...జిలేబీవారి జిలుగులు వెలుగులు కనిపించలేదేమిటా యని...

      తొలగించండి
    5. ధన్యవాదములు విట్టుబాబుగారూ!

      “ శివ శ్శక్త్యాయుక్తో యదిభనతి శక్తః “
      యని శంకరులు చెప్పినదే గదా!
      🙏🙏🙏🙏

      తొలగించండి
    6. సీతాదేవి గారూ,
      మీ పూరణ ప్రశస్తంగా ఉన్నది. అభినందనలు.
      *****
      విట్టుబాబు గారూ,
      మీ పద్యం బాగున్నది. అభినందనలు.
      "...యవనీస్థలిపై। యాడియు... తనపతి। నాడించుట..." అనండి.

      తొలగించండి
  11. వదనమున మొటిమలు జేర వగచె నంట
    వనిత యందము చెడిపోయె ననుచు నతివ
    యెమురిసెన్ సరి యగులేపనమొకటి పతి
    పేరిమిన గొని తెచ్చిన ప్రేమనుగని.

    రిప్లయితొలగించండి
    రిప్లయిలు
    1. విరించి గారూ,
      కందపాదాన్ని తేటగీతిలో ఇమిడ్చి చేసిన మీ పూరణ బాగున్నది. అభినందనలు.
      "పేరిమిని" అనండి.

      తొలగించండి
  12. ముందుగ నేడ్చె మొటిమగని
    యందము చెడిపోయె ననుచు నతివయె, మురిసెన్
    చందురునికి మచ్చయె కను
    విందనుచును తెలుప భర్త విజ్ఞత తోడన్

    రిప్లయితొలగించండి
    రిప్లయిలు
    1. విరించి గారూ,
      సవ్యసాచు లనిపించుకున్నారు. మీ రెండవ పూరణ ప్రశస్తంగా ఉన్నది. అభినందనలు.

      తొలగించండి
  13. ఆకాశవాణి,హైదరాబాదు కేంద్రం వారి
    10-03-2018 నాటి సమస్యకు పూరణ :
    ******)(******
    సమస్య:
    "మేదిని మండనమ్ములగు మెండుగ నిండుగ ; మండటెండలే"
    పూరణ:
    ఏదని యెంచి చూడగనె యింతికి బొట్టె విభూషణమ్మగున్
    కాదన లేని సత్యమిది కమ్మని సూక్తులె యెల్ల వేళలన్
    మేదిని మండనమ్ములగు మెండుగ నిండుగ ; మండటెండలే
    వాదుకు తావు లేదుకద!వందుఱు జేయును సర్వ జనాళినిన్.

    రిప్లయితొలగించండి
  14. చందురు బోలునట్టి సతి చక్కని భూషనముల్ దరించి తా
    పందిరి మంచమందు కడు పాటన మొప్పగ చెంగలించగా
    చిందరవందరల్ సలిప చెన్నగు నాథుడు, పొంగి పల్కె నా
    యందము నాశన మ్మయిన దంచుఁ గడున్ ముదమందె నాతియే

    రిప్లయితొలగించండి
    రిప్లయిలు
    1. అన్నపరెడ్డి వారూ,
      మీ పూరణ ప్రశస్తంగా ఉన్నది. అభినందనలు.
      "భూషణముల్ ధరించి... పాటవ మొప్పగ...సలిపె..." అనండి.

      తొలగించండి
  15. సుందరియేడ్వసాగెనటజోరుగవచ్చినశీతలంబుచే
    నందమునాశనమ్మయినదంచు,గడున్ముదమందెనాతియే
    యందముదానుగాదనకుసంభవమౌటకునెంతయోమది
    న్నందమె కాదెయింతులకునాహ్లదమొందగ జేయునీనిలన్

    రిప్లయితొలగించండి
    రిప్లయిలు
    1. సుబ్బారావు గారూ,
      మీ పూరణ బాగున్నది. అభినందనలు.
      'ఆహ్లద' మనడం సాధువు కాదు. పదాల మధ్య ఎడం ఉంచండి.

      తొలగించండి
  16. అందరు మెచ్చగా నతివ యందము గొప్పని పొంగిపోయెతా
    సుందరమైన కోమలిని చూడగ నొక్కెడ వళ్ళుమండగా
    పొందుగ స్నేహమున్ నెరపి బోలెడు నాసివి మందులీయగా
    అందము నాశనమ్మయిన దంచుఁ గడున్ ముదమందె నాతియే
    (అందంగా ఉన్న ఇంకో స్త్రీకి నాసిరకపు మందులనిచ్చి యామె అందము చెడిపోవగా సంతసించెను అన్న భావంతో)

    రిప్లయితొలగించండి
    రిప్లయిలు
    1. వెంకటప్పయ్య గారూ,
      మీ పూరణ బాగున్నది. అభినందనలు.
      'వళ్ళు' అనడం గ్రామ్యం.

      తొలగించండి
  17. సుందర వదన లు కొందరు
    పందెము లో గెలువ నెంచి పాల్గొన నందు న్
    తొందర పడు పక్కా వి డ
    అందము చెడి పోయె ననుచు న తి వ యె మురిసె న్

    రిప్లయితొలగించండి
  18. సుందర రూపమే మిగుల శోభను గూర్చును వాస్తవమ్ముగన్
    కొందఱు సుంద రాంగులకు కొంపలు ముంచును పైని యందమే !
    సుందరియౌ నొకావిడయె సొంపఱి,తృప్తిగ నుల్లసిల్లెగా !
    "అందము నాశన మ్మయిన దంచుఁ గడున్ ముదమందె నాతియే"
    ****)()(****
    (సొంపఱు = అందము చెడిపోవు)

    రిప్లయితొలగించండి
  19. *14-3-18*
    ...........సమస్య
    అందము చెడిపోయె ననుచు
    నతివయె మురిసెన్

    సందర్భము:
    ఆంజనేయుడు లంకలోని యశోకవనంలో సీతను దర్శించినాడు. అశాంతిగా వున్న సీత మనసు చాలావరకు శాంతిని పొందింది.
    పావని యింక వన విధ్వంసానికి శ్రీ కారం చుట్టినాడు.
    ఇదం విధ్వంసయిష్యామి
    శుష్కం వన మి వానలః
    సుం.కాం.స.41శ్లో.11
    (ఎండిన వనాన్ని అగ్ని దహించినట్టు కాల్చివేస్తాను.)
    శింశుపావృక్షం కింద ఆసీనురాలైన సీత పరిసరా లన్నీ సురక్షితాలుగా వుంచినాడు.
    చారు పల్లవ పుష్పాఢ్యం
    యం సీతా స్వయమాస్థితా
    ప్రవృద్ధః శింశుపా వృక్షః
    స చ తేనాభిరక్షితః
    సుం.కాం. స.42-19 శ్లో.
    అతని చేతిలో తక్కిన అశోక వన మంతా అందం చెడిపోవడం మొదలయింది. సీత సంతోషించింది.
    ~~~~~~~~~~~~~~~
    సుందరు డగు పావని దగు

    చందము నూహించి సీత శాంతినిఁ జెందెన్..

    ముందరనె యశోకవనపు

    టందము చెడిపోయె ననుచు

    నతివయె మురిసెన్.

    -------------------------
    ..........సమస్య
    అందము నాశన మ్మయిన దంచుఁ గడున్
    ముద మందె నాతియున్

    సందర్భము: ఆంజనేయుడు లంకలోని యశోకవనంలో సీతను దర్శించాడు. వన విధ్వంసానికి శ్రీ కారం చుట్టినాడు.
    మరిన్ని వివరాలకు నా "సుందరు డగు..." అనే పద్య సందర్భాన్ని పరిశీలించవచ్చు.
    ~~~~~~~~~~~~~~~~
    సుందరుడైన పావని వి
    శుద్ధ మనస్కను జానకిన్ గనెన్
    సుందరి; "నింక విక్రమము
    చూపెదఁ, దోటను బాడు చేయగా
    గందరగోళ మౌను, సమ
    కట్టెద" నంచుఁ దలంచె; తోటదౌ
    నందము నాశన మ్మయిన
    దంచుఁ గడున్ ముద మందె నాతియే..

    రిప్లయితొలగించండి
    రిప్లయిలు
    1. డా. వెలుదండ వారూ,
      మీ రెండు పూరణలు ప్రశస్తంగా ఉన్నవి. అభినందనలు.

      తొలగించండి
  20. రిప్లయిలు


    1. కందం

      సుందరి యనుష్క నటనయె
      పందెమ్మని 'భాగమతి' గ వ్రణ వదనముతో 
      పొందెడు పేరునకున్ దగ
      నందము చెడిపోయె ననుచు నతివయె మురిసెన్!

      తొలగించండి
    2. సహదేవుడు గారూ,
      మీ పూరణ బాగున్నది. అభినందనలు.

      తొలగించండి
  21. రిప్లయిలు
    1. అందఱుఁ దనకుం దానన
      తందాన యన వలయు నను దనకు సవతి యీ
      సుందరి గర్వము, ఘోరపు
      టందము, చెడిపోయె ననుచు నతివయె మురిసెన్

      [అందము = విధము; గర్వము ఘోరపుటందము = ఘోరపు టందపు గర్వము]

      అందఱుఁ జేరి యొక్క యెడ నంగన లప్పుడు హాస్య కేళిలోఁ
      బందెము లాడు చుండఁగ నపారపుఁ బూనికి వే చెలంగ నా
      చందము వాదు లాటలు ప్రశాంతము వీగఁగ నట్టి పోరులో
      నందము నాశన మ్మయిన దంచుఁ గడున్ ముదమందె నాతియే

      [అందము = అలంకారము]

      తొలగించండి
    2. కామేశ్వర రావు గారూ,
      మీ రెండు పూరణలు ప్రశస్తంగా ఉన్నవి. అభినందనలు.

      తొలగించండి
    3. పూజ్యులు శంకరయ్య గారికి నమః పూర్వక ధన్యవాదములు.

      తొలగించండి
  22. వెలుదండ వారికి కృతజ్ఞతలతో
    సుందరుడా వాయుసుతుం
    డందమ్మగు లంకగాల్చి యంజలి నిడగన్
    మందస్మిత యగుచు పగతు
    నందము చెడిపోయెననుచు యతివయె మురిసెన్!

    రిప్లయితొలగించండి
  23. ముందుగ సీత జాడగని మోదమునందిన వాయుపుత్రుడే
    సుందరమౌ వనమ్ముఁగల క్షోజములన్ పెకిలించుచున్నటన్
    జిందులు వేసి దానవుని చిక్కులు బెంచుచు లంకగాల్చగ
    న్నందము నాశనమ్మయినదంచు గడున్ ముదమందెనాతియే.

    రిప్లయితొలగించండి
    రిప్లయిలు
    1. విరించి గారూ,
      మీ పూరణ బాగున్నది. అభినందనలు.
      "క్షోణిజముల్ పెకలించి యచ్చటన్... లంగ గాల్చగా। నందము..." అనండి.

      తొలగించండి
  24. అందవిహీనుడైన తననందరు హేళనచేయుచుండగా
    కుందుచు నుండు భర్తకును కోమలి ధైర్యము చెప్పుచుండునీ
    చందము కాలమేగనొక జామున నామ్లము పోసిరామెపై
    నందము నాశన మ్మయిన దంచుఁ గడున్ ముదమందె నాతియే

    రిప్లయితొలగించండి
  25. సుందరియగు సవతిని గని
    కుందుచు నుండంగ సొగసు కోల్పడెతను యా
    చందము గని ప్రత్యర్థికి
    నందము చెడిపోయెననుచు యతివయె మురిసెన్!

    రిప్లయితొలగించండి
    రిప్లయిలు
    1. భాస్కరమ్మ గారూ,
      మీ రెండు పూరణలు బాగున్నవి. అభినందనలు.
      రెండవ పూరణలో 'తను' అనడం సాధువు కాదు. "కోల్పడె దా నా। చందము..." ఆనండి.

      తొలగించండి
  26. గు రు మూ ర్తి ఆ చా రి
    ,,,,,,,,,,,,,,,,,,,,,,,,,,,,, ,,,,,,,,,,,,,,,,,,

    ముందు జనించె నీరసము ; ముద్దియ పుట్టె గదా , యనంతరం

    బందురు | శౌరి భీష్మసుత కంబుజ మివ్వగ గోపరూపయై ,

    చిందులు వేసి నల్లనగు చీర ధరించి నిరస్త భూషయై ,

    చిందర మోముతోడ నిక జేరెను కోప గృహంబు నందు | దా

    నందము నాశనం బయిన దంచు గడున్ ముద మందె || నాతియే

    మందుని జేసివేయు నిజ మానస వల్లభునిన్ , క్షణాన | గో

    విందుడు పాద తాడనము బ్రీతి దలిర్పగ స్వీకరింపడే ?

    { ఈరసము = అసూయ }

    రిప్లయితొలగించండి
    రిప్లయిలు
    1. గురుమూర్తి ఆచారి గారూ,
      మీ పూరణ ప్రశస్తంగా ఉన్నది. అభినందనలు.

      తొలగించండి
    2. గురుమూర్తి ఆచారి
      ,,,,,,,,,,,,,,,,,,,,,

      ధ న్య వా ద ము లు గు రు దే వా !

      అం‌ త యు మీ ఆ శీ ర్వా ద బ ల మే ! మీ ప్రో త్సా హ మే !

      తొలగించండి
  27. కొందరి కీర్ష్యాద్వేషము
    లందున సంతోష మబ్బు! నదియొక జబ్బే
    నిందలచే సుమ హృదయా
    నందము చెడిపోయె ననుచు నతివయె మురిసెన్ !

    రిప్లయితొలగించండి
  28. సుందర రూపుడైన పతి శూర్పణఖన్ గని సంచలించునో
    వందితు డాతనిన్ వనిత వంచన చేత వశీకరించునో
    కుందిన జానకమ్మగని కోయగ నాసిక
    లక్ష్మణుండటన్
    యందము నాశనమ్మయినదంచు గడున్ ముదమందె నాతియే!

    రిప్లయితొలగించండి
    రిప్లయిలు
    1. రామాయణంలో ఉందోలేదో! నా కల్పన!
      🙏🙏🙏🙏

      తొలగించండి
    2. సీతాదేవి గారూ,
      మీ పూరణ చక్కగా ఉన్నది. అభినందనలు.
      "లక్ష్మణుండె యా। యందము..." అనండి.

      తొలగించండి
    3. ధన్యవాదములు గురుదేవా! నమస్సులు!🙏🙏🙏🙏🙏

      తొలగించండి
    4. సుందర రూపుడైన పతి శూర్పణఖన్ గని సంచలించునో
      వందితు డాతనిన్ వనిత వంచన చేత వశీకరించునో
      కుందగ జానకమ్మ గని కోయగ నాసిక
      లక్ష్మణుండె యా
      యందము నాశనమ్మయినదంచు గడున్ ముదమందె నాతియే!

      తొలగించండి
  29. అందమునే చెఱుప దలచి
    యందని దని మూర్ఖు డొకడె యామ్లము బోయన్
    క్రుందెను తన పయిననె బడి
    "అందము చెడిపోయె ననుచు నతివయె మురిసెన్" 

    రిప్లయితొలగించండి
  30. గు రు మూ ర్తి ఆ చా రి
    ,,,,,,,,,,,,,,,,,,,,,,,,,,,, ,,,,,,,,,,,,,,,,,,,


    ప్రియుడు కౌగిలింపగనె ‌, " నా అందము చెదరి పోయిం " దని

    ప్రేయసి విచారించింది . అంతలోనె అతని మధుర మైన కౌగిలి లో

    స్వర్గము కనిపించగా మురిసిపోయినది .

    అందము చెడిపోయినదని వగచిన అతివయె ప్రియుని కవుగిలి లోని

    స్వర్గము చవి చూచి మురిసినది .


    మ ధ్యా క్క ర ‌‌‌
    ---------------------


    మందముగా పౌడ రద్ది , మల్లియల్ సిగలోన దురిమి ,

    యందముగా నుండు చెలిని హత్తు కొన - వగచె , " నాదు

    నందము చెడిపోయె " ననుచు || అతివయె మురిసెన్ = మధురపు

    సందిట నామె బ్రియుండు స్వర్గము జూపించ గానె

    రిప్లయితొలగించండి
    రిప్లయిలు
    1. గురుమూర్తి గారూ,
      మీ మధ్యాక్కరా పూరణ బాగున్నది. అభినందనలు.

      తొలగించండి
    2. గురుమూర్తి ఆచారి
      ,,,,,,,,,,,,,,,,,,,,,,,


      ధ న్య వా ద ము లు •••••• గు రు వ ర్యా !

      తొలగించండి
  31. ఉత్పలమాల
    అందరుఁ జూచుచుండ నడయాడుచు వెల్గి మనోహరమ్ముగ
    న్నైందరొ కన్యకామణులు నింపుగ వేదిక పైన నిల్వగన్
    సుందరి పీఠమందె నొక శోభన! యన్యుల మోము వాడుచు
    న్నందము నాశనమ్మయిన దంచు గడున్ ముదమందె నాతియే!

    రిప్లయితొలగించండి
    రిప్లయిలు
    1. సహదేవుడు గారూ,
      మీ పూరణ బాగున్నది. అభినందనలు.
      "మనోహరమ్ముగా। నెందరొ... వాడగా। నందము..." అనండి.

      తొలగించండి
    2. గురుదేవులకు ధన్యవాదములు. సవరించిన పూరణ :
      ఉత్పలమాల
      అందరుఁ జూచుచుండ నడయాడుచు వెల్గి మనోహరమ్ముగా
      నెందరొ కన్యకామణులు నింపుగ వేదిక పైన నిల్వగన్
      సుందరి పీఠమందె నొక శోభన! యన్యుల మోము వాడగా
      నందము నాశనమ్మయిన దంచు గడున్ ముదమందె నాతియే!

      తొలగించండి
  32. అందము గల్గినట్టిపరునాలినిఁ గాంచిన నొక్కకాంతకున్
    డెందము దల్లడిల్లి వికటించుచు నీర్ష్య నసూయనొంద త
    త్సుందరి సోయగమ్ములవి తొల్గెను "యాసిడు"దాడి కట్లుగా
    అందము నాశనమ్మయిన దంచుఁ గడున్ ముదమొందె నాతియే

    రిప్లయితొలగించండి
    రిప్లయిలు
    1. రామాచార్య గారూ,
      మీ పూరణ బాగున్నది. అభినందనలు.
      'ఈర్ష్య, అసూయ' రెండూ ఒకటే కదా? "తొల్గగ నాసిడు దాడి..." అనండి.

      తొలగించండి
    2. శంకరయ్యగారికి నమస్సులు
      ఈర్ష్య అసూయ అర్ధాలు ఒకటి కావు
      "అక్షాంతి రీర్ష్యా సూయా దోషారోపో గుణేష్వపి"
      అని అమరకోశం
      ఈర్ష్య ఈసు ఓర్చలేని గుణం,
      అసూయ సుగుణములందు దోషారోపణం.
      అని భావార్థం.

      తొలగించండి
  33. క్రొవ్విడి వెంకట రాజారావు:

    చందుగ మెఱిసెడి నెచ్చెలి
    బిందము పాలై క్షతములు పీడించు వడిన్
    చందము చెడగా నప్పుడు
    యందము చెడిపోయె ననుచు నతివయె మురిసెన్

    రిప్లయితొలగించండి
    రిప్లయిలు
    1. రాజారావు గారూ,
      మీ పూరణ బాగున్నది. అభినందనలు.
      'అప్పుడు + అందము = అప్పు డందము' అవుతుంది. యడాగమం రాదు. "చెడగా నప్పుడె। యందము..." అనండి.

      తొలగించండి
  34. తనకన్నా ప్రక్క యింటి సుందరి అందముగా వుందన్న అసూయతో విషమ్ము (ACID) జల్లినదనే భావనతో........


    సందియమేల నాతికి ప్రశస్తముగా యొక నాతి శత్రువై
    చిందులు త్రొక్కి నాశనము చేయును గాదె విచిత్ర రీతులన్
    సుందరి నన్ను మించెనని చూపులకోక విషమ్ము జిమ్మి యా
    యందము నాశన మ్మయిన దంచుఁ గడున్ ముదమందె నాతియే

    రిప్లయితొలగించండి
    రిప్లయిలు
    1. సంపత్ కుమార్ శాస్త్రి గారూ,
      మీ పూరణ బాగున్నది. అభినందనలు.
      "ప్రశస్తముగా నొక.." అనండి.

      తొలగించండి
  35. ఎందుల కింత పొంగు పరమేశుని సత్కృప తోటికోడ లీ
    యందము చిందు బిడ్డడిని హాయిగ గన్నదనా యన న్నుహూ
    సుందరి నంచు దాని కతి సోకులు బిడ్దకు పాల నిచ్చె దా
    నందము నాశన మ్మయిన దంచుఁ గడున్ ముదమందె నాతియే.

    రిప్లయితొలగించండి
  36. శ్రీయుతులు ఎ.సత్యనారాయణరెడ్డి గారికి కృతజ్ఞతలతో
    డెందములో యానందపు
    విందయ్యెను మదనకేళిఁ విభుడను గూడన్
    చందమ్ముగ శృంగారముఁ
    "నందము చెడిపోయె ననుచు నతివయె మురిసెన్"

    రిప్లయితొలగించండి
    రిప్లయిలు
    1. విట్టుబాబు గారూ,
      మీ పూరణ బాగున్నది. అభినందనలు.
      "డెందములో నానందపు.." అనండి.
      పద్యంలో మీరు ప్రయోగించిన రెండు అరసున్నాలు దోషాలే. వాటిని ప్రయోగించకండి.

      తొలగించండి
  37. ..సమస్య
    అందము నాశన మ్మయిన దంచుఁ గడున్
    ముద మందె నాతియున్

    సందర్భము: విరాటరాజు కొలువులో ఒక యేడాది అజ్ఞాత వాసం చేసే ముందు ధర్మరాజు నీ వెలాంటి కొలువు చేస్తా వని అర్జునుణ్ణి అడిగాడు. అత డిలా చెప్పాడు
    " నే నొకసారి దేవలోకం వెళితే ఊర్వశి నన్ను కామించింది.నేను తిరస్కరించాను. ఆమె నపుంసకుడివి కమ్మని శపించింది. దేవేంద్రుడు "అజ్ఞాత వాసంలో ఆ శాపా" న్ననుభవించు. అన్నాడు. నేను పేడి రూపంలో విరాటుని కొలువులో ప్రవేశిస్తాను. అంతఃపురంలో ఆడపిల్లలకు నాట్యం నేర్పుతాను. ఇంతకుముందు ద్రౌపది వద్ద నాట్యాచార్యునిగా వున్నా నని చెబుతాను."
    ఈ (అజ్ఞాత వాస) సమయంలో నీవు అలా వుండిపోవడమే మంచి దన్నది భార్య ద్రౌపది. (ఎవరూ గుర్తు పట్టలే రని ఉద్దేశ్యం)
    ~~~~~~~~~~~~~~~~~~~~~~~
    అందము చిందు వా డయిన
    యర్జును గాంచెను; మోహ మందె నా
    సుందరి యైన యూర్వశియు;
    చొక్కడు; "పేడివి గమ్ము పొ" మ్మనెన్
    సుందరి; "మంచి ద ట్లగుట
    సు మ్మిపు" డన్నది భార్య; వానిదౌ
    నందము నాశన మ్మయిన
    దంచుఁ గడున్ ముద మందె నాతియే

    🖋~డా.వెలుదండ సత్యనారాయణ

    రిప్లయితొలగించండి
    రిప్లయిలు
    1. డా. వెలుదండ వారూ,
      మీ పూరణ బాగున్నది. అభినందనలు.

      తొలగించండి
    2. వాని దైనట్టి యను భావమున “వానిదౌ యందము” సాధు వనుకుంటాను.
      ఇక్కడ “వానిదౌను- అందము” కాదు కదా!
      రావించిన యీయపరాధము భార. ఆది. 5. 21.
      నీ చెప్పిన యన్నియు భార. స్త్రీ. 1. 161.

      తొలగించండి
  38. రవీందర్ గారూ,
    మీ పూరణ బాగున్నది. అభినందనలు.

    రిప్లయితొలగించండి


  39. సుందరమగు వదనంబున

    నందవిహీనమునుచేయ నలతయు కలుగన్

    ఛందములేనట్టి సతి యా

    అందము చెడిపోయె ననుచు నతివయె మురిసెన్"*

    రిప్లయితొలగించండి


  40. కుబ్జ తనమదిలో
    పొందితి నేముదమును,గో
    విందుని కరుణయు కలిగెను వేదన తొలగెన్
    ఛందంబేమాత్రము లే
    నందము చెడిపోయె ననుచు నతివయె మురిసెన్.

    రిప్లయితొలగించండి

  41. ............సమస్య
    అందము చెడిపోయె ననుచు
    నతివయె మురిసెన్

    సందర్భము: ఈ మధ్య ఆడవాళ్ళకు జడ వేసుకోకుండా జుట్టు పూర్తిగా విరబోసుకోవడం బాగా అలవాటైపోయింది. అదేదో ఆధునికత అనుకోవడం బలిసిపోయింది. సంప్రదాయం అంటే అసలే పట్టదు.
    ~~~~~~~~~~~~~~~~~~~~~~~
    అంద మిది యంచు కేశము

    లం దగ విరబోసికొని విలాసము చూపన్

    ముందు నిలుచు కూతును గని

    యందము చెడిపోయె ననుచు
    నతివయె మురిసెన్

    🖋~డా.వెలుదండ సత్యనారాయణ

    రిప్లయితొలగించండి
  42. అందపు ప్రాణనాథునహ హాయిగ పొందుచు పొంగిపొర్లగా
    పొందును నాతనిన్ బడయ పోకిరి కన్నెలు కన్నుగీటగా
    ముందుగ జుత్తులూడుచును ముందర పండ్లనురాల భర్తదౌ
    యందము నాశనమ్మయిన దంచుఁ గడున్ ముదమందె నాతియే

    రిప్లయితొలగించండి