25-3-2024 (సోమవారం)కవిమిత్రులారా,ఈరోజు పూరింపవలసిన సమస్య ఇది...“హరినిఁ బెండ్లియాడె గిరితనూజ”(లేదా...)“హరిని వివాహమాడె ధవళాచలపుత్రి సురల్ నుతింపఁగన్”(బులుసు అపర్ణ గారి రాయగడ శతావధానం సమస్య)
పరిపరి తెలిపినను పలుకుచుంటివిటుల"హరినిఁ బెండ్లియాడె గిరితనూజ"నెయ్యముంచి దాన్ని నేర్వకుండిన నాకుచెప్పి మరల జెప్ప చేతకాదు
మీ పూరణ బాగున్నది. అభినందనలు.
ఆటవెలదిఆదియోగినొంద నాశించి సేవించిభక్తితత్పరత నపర్ణయనఁగహరుఁడు మెచ్చినంత నాశీస్సులడుగుచున్హరినిఁ, బెండ్లియాడె గిరితనూజచంపకమాలసరసిజనేత్రయై వలచి శంభుని సేవ నపర్ణ నిల్వఁగన్మరుఁడు శరంబులన్ బనిచి మాడిన మీదననంగు జేయుచున్హరుఁడు కుమారసంభవపు నాశయమొప్పగ, గారవించుచున్హరిని, వివాహమాడె ధవళాచలపుత్రి సురల్ నుతింపఁగన్
మీ రెండు పూరణలు ప్రశస్తంగా ఉన్నవి. అభినందనలు.
🙏 ధన్యోస్మి గురుదేవా!🙏
పాల సంద్ర మందు ప్రభవించియా లక్ష్మిహరిని బెండ్లి యాడె :: గిరి తనూజగొప్ప తపము జేసి మెప్పును బొందియుహరుని పత్ని య గుచు హర్ష మందె
పాలసంద్రమందు ప్రభవించిన సిరితా*“హరినిఁ బెండ్లియాడె గిరితనూజ”*కఠిన తపము చేసి కంతుహరుని కోరిపెద్దలనుమతించ పెండ్లి యాడె
హరునికి దార కాదలచినద్రిజ ఘోర తపమ్ము సల్పె నామరుడును తుంటరై శివుని మైపయి కోలలనేసి బూడిదైయిరపయి కూలి జీవుడయెనీశ్వరి చేనట కామదేవు సంహరిని వివాహమాడె ధవళాచలపుత్రి సురల్ నుతింపగన్
మీ పూరణ బాగున్నది. అభినందనలు. "కాదలచి యద్రిజ.." అనండి.
నమస్కారములు, అలాగేనండి
చంద్రశేఖరుండు శ్యామకంఠుడు వాడెపాంశు చందనుడను పతిగ గోరి ఘోరతపమొనర్చి కోకనదుని మారహరినిఁ బెండ్లియాడె గిరితనూజ.పరిఖ మధించు పాళమున వార్నిధి నుండి జనించినట్టి యాతరుణి జలేంద్ర పుత్రికయె తామరకంటి యురుక్రముండె యౌవిరజుని చక్రచక్రజుని పృథ్విని ధర్మము నిల్పునట్టి శ్రీహరిని వివాహమాడె , ధవళాచలపుత్రి , సురల్ , నుతింపఁగన్.
దిరిసేన పువ్వు బోలు బహుదివ్యశరీరి మహానలమధ్యన నిల్చి యెండలో,మరువగలేక శంకరుని, మారరిపున్, బరమేశు, నంత భీకర తపమాచరించి, తుద కారణకారుడైన హాహలాహరిని వివాహమాడె ధవళాచలపుత్రి సురల్ నుతింపఁగన్.హాహలము -విషము
మీ పూరణ బాగున్నది. అభినందనలు. మొదటి, మూడవ పాదాలలో గణభంగం. సవరించండి.
ఈ కామెంట్‌ను రచయిత తీసివేశారు.
మీ రెండు పూరణలు ప్రశస్తంగా ఉన్నవి. అభినందనలు. ఆటవెలదిలో "సురలు వంప/పంప" అనండి. "పేరడెచె మదను" అనండి.
ధన్యవాదాలు గురూజీ 🙏సూచించిన సవరణలతో.....గిరిజ పెండ్లి కోరె పరమ శివునితోడమరుడు వచ్చెనటకు సురలు పంపవేడికంటిమంట పేరడెచె మదనుహరినిఁ బెండ్లియాడె గిరితనూజపరిణయమాడనెంచినది పర్వత పుత్రిక ఫాలనేత్రునిన్శరములువైచెమన్మథుడు శర్వుని చిత్తము చంచలించగావిరువిలుకాని పేరడచె విచ్చిన చిచ్చర కంటిచూపులేహరిని వివాహమాడె ధవళాచలపుత్రి సురల్ నుతింపఁగన్హరి = శివుడు [సూర్యరాయాంధ్ర నిఘంటువు]
పరమశివుండొకండె తన భర్తయటంచు మదిన్ దలంచి భ్రామరి తపమాచరించినది, మారుని బూడిదగా నొనర్చిశంకరుఁడు ప్రసన్నుడై మరల కంతుని గాఁచెను, తుష్టుఁ జేయుచున్హరిని, వివాహమాడె ధవళాచలపుత్రి సురల్ నుతింపఁగన్
మీ పూరణ ప్రశస్తంగా ఉన్నది. అభినందనలు.
ఆ॥ క్షీర జలధి తనయ శ్రీలక్ష్మి యనఘుఁడాహరిని బెండ్లియాడె, గిరితనూజవలచి చెంత నిలచి వరుని సమ్మతిఁ గనిహరుని బెండ్లియాడె హరుషమొదవి(కుమార సంభవము 6వ సర్గము, పాఠ్యాంశముగా వచ్చింది, పార్వతి సఖితో శివుని వద్దకు వెళ్ళి తన తండ్రిని అడిగి పెళ్ళి చేసుకొన మని సఖిద్వారా తెలియజేస్తుందండి)చం॥ సురలటు క్షీర సాగరము శోభగఁ జిల్కఁగఁ బుట్టి పద్మినేహరిని వివాహమాడె, ధవళాచల పుత్రి సురల్ నుతింపఁగన్వర సుతుఁడుద్భవించు తమ పాటులుఁ దప్పు నటంచు నింపుగన్హరుని వివాహమాడె తగు హర్షముఁ గాంచుచుఁ గోరి యాతనిన్
మీ పూరణ బాగున్నది. అభినందనలు. "లక్ష్మియే హరిని..." అనండి. (పద్మిని+ఏ అన్నపుడు సంధి లేదు, యడాగమం వస్తుంది)
ధన్యవాదములండి. ఈఇత్వ సంధి మరీ కఠినమండి.
పాల సంద్ర మందు లీలగఁ బ్రభవించి పరవశమ్ము సెంది పద్మ నేత్రువింటి వమ్మ! తమ్మి కంటి లక్ష్మీ దేవి హరినిఁ బెండ్లియాడె గిరితనూజ! మరు మరణమ్ముఁ గాంచి వెత మానిని పార్వతి నిశ్చయాత్మయై గురుతర భక్తి నిష్ఠను సుఘోర తపమ్ము నొనర్చి యద్రినిన్ హరుని వరించి క్షీర విమలాంబుధి సంజనితంపు శ్రీ సుధా హరిని వివాహమాడె ధవ ళాచల పుత్రి సురల్ నుతింపఁగన్ [శ్రీ సుధా హరిని = విష మనెడు నమృతమును హరించిన వానిని]
ఆ.వె:తన ప్రతాపముననె దక్కును హరుడంచునహము బూని నంత నంగజుండువాని యహమునెల్ల బాపనా కామసం హరినిఁ బెండ్లియాడె గిరితనూజ”
హరు నఖిలాండకోటి గురు నక్షరు నుత్తరు నాగహారు నీశ్వరుని హిరణ్యరేతసుని చంద్రకళాధరునా జటాధరున్ వరునిగ నెంచి గొల్చి గనె భర్తగ నద్రిజ గాని నెవ్విధిన్హరిని వివాహమాడె ధవళాచలపుత్రి సురల్ నుతింపఁగన్
పాలకడలి పట్టి పరిణయమాడెనుహరినిఁ, బెండ్లియాడె గిరితనూజహరుని పాపహరుని హాలహలధరునిశివము గూర్చ సకల జీవములకు
పిన్నక నాగేశ్వరరావు.హనుమకొండ. పాల కడలి యందు ప్రభవమొందిన లక్ష్మిహరినిఁ బెండ్లియాడె; గిరితనూజతాను ఘోరమైన తపము చేసి శివునిపెండ్లియాడ సురలు విరులు ౙల్లె.
శమనరిపుని భూరి చంద్రార్థమౌళినిస్మరుని మదమడచిన యురగ ధరునిఆదిబిక్షుని నిటలాక్షుని కిల్బిషహరినిఁ బెండ్లియాడె గిరితనూజ
పరిపరి తెలిపినను పలుకుచుంటివిటుల
రిప్లయితొలగించండి"హరినిఁ బెండ్లియాడె గిరితనూజ"
నెయ్యముంచి దాన్ని నేర్వకుండిన నాకు
చెప్పి మరల జెప్ప చేతకాదు
మీ పూరణ బాగున్నది. అభినందనలు.
తొలగించండిఆటవెలది
రిప్లయితొలగించండిఆదియోగినొంద నాశించి సేవించి
భక్తితత్పరత నపర్ణయనఁగ
హరుఁడు మెచ్చినంత నాశీస్సులడుగుచున్
హరినిఁ, బెండ్లియాడె గిరితనూజ
చంపకమాల
సరసిజనేత్రయై వలచి శంభుని సేవ నపర్ణ నిల్వఁగన్
మరుఁడు శరంబులన్ బనిచి మాడిన మీదననంగు జేయుచున్
హరుఁడు కుమారసంభవపు నాశయమొప్పగ, గారవించుచున్
హరిని, వివాహమాడె ధవళాచలపుత్రి సురల్ నుతింపఁగన్
మీ రెండు పూరణలు ప్రశస్తంగా ఉన్నవి. అభినందనలు.
తొలగించండి🙏 ధన్యోస్మి గురుదేవా!🙏
తొలగించండిపాల సంద్ర మందు ప్రభవించియా లక్ష్మి
రిప్లయితొలగించండిహరిని బెండ్లి యాడె :: గిరి తనూజ
గొప్ప తపము జేసి మెప్పును బొందియు
హరుని పత్ని య గుచు హర్ష మందె
మీ పూరణ బాగున్నది. అభినందనలు.
తొలగించండిపాలసంద్రమందు ప్రభవించిన సిరితా
రిప్లయితొలగించండి*“హరినిఁ బెండ్లియాడె గిరితనూజ”*
కఠిన తపము చేసి కంతుహరుని కోరి
పెద్దలనుమతించ పెండ్లి యాడె
మీ పూరణ బాగున్నది. అభినందనలు.
తొలగించండిహరునికి దార కాదలచినద్రిజ ఘోర తపమ్ము సల్పె నా
రిప్లయితొలగించండిమరుడును తుంటరై శివుని మైపయి కోలలనేసి బూడిదై
యిరపయి కూలి జీవుడయెనీశ్వరి చేనట కామదేవు సం
హరిని వివాహమాడె ధవళాచలపుత్రి సురల్ నుతింపగన్
మీ పూరణ బాగున్నది. అభినందనలు.
తొలగించండి"కాదలచి యద్రిజ.." అనండి.
నమస్కారములు, అలాగేనండి
తొలగించండిచంద్రశేఖరుండు శ్యామకంఠుడు వాడె
రిప్లయితొలగించండిపాంశు చందనుడను పతిగ గోరి
ఘోరతపమొనర్చి కోకనదుని మార
హరినిఁ బెండ్లియాడె గిరితనూజ.
పరిఖ మధించు పాళమున వార్నిధి నుండి జనించినట్టి యా
తరుణి జలేంద్ర పుత్రికయె తామరకంటి యురుక్రముండె యౌ
విరజుని చక్రచక్రజుని పృథ్విని ధర్మము నిల్పునట్టి శ్రీ
హరిని వివాహమాడె , ధవళాచలపుత్రి , సురల్ , నుతింపఁగన్.
మీ రెండు పూరణలు ప్రశస్తంగా ఉన్నవి. అభినందనలు.
తొలగించండిదిరిసేన పువ్వు బోలు బహుదివ్యశరీరి మహానలమధ్యన నిల్చి యెండలో,
రిప్లయితొలగించండిమరువగలేక శంకరుని, మారరిపున్, బరమేశు, నంత భీ
కర తపమాచరించి, తుద కారణకారుడైన హాహలా
హరిని వివాహమాడె ధవళాచలపుత్రి సురల్ నుతింపఁగన్.
హాహలము -విషము
మీ పూరణ బాగున్నది. అభినందనలు.
తొలగించండిమొదటి, మూడవ పాదాలలో గణభంగం. సవరించండి.
ఈ కామెంట్‌ను రచయిత తీసివేశారు.
రిప్లయితొలగించండిమీ రెండు పూరణలు ప్రశస్తంగా ఉన్నవి. అభినందనలు.
తొలగించండిఆటవెలదిలో "సురలు వంప/పంప" అనండి. "పేరడెచె మదను" అనండి.
ధన్యవాదాలు గురూజీ 🙏
తొలగించండిసూచించిన సవరణలతో.....
గిరిజ పెండ్లి కోరె పరమ శివునితోడ
మరుడు వచ్చెనటకు సురలు పంప
వేడికంటిమంట పేరడెచె మదను
హరినిఁ బెండ్లియాడె గిరితనూజ
పరిణయమాడనెంచినది పర్వత పుత్రిక ఫాలనేత్రునిన్
శరములువైచెమన్మథుడు శర్వుని చిత్తము చంచలించగా
విరువిలుకాని పేరడచె విచ్చిన చిచ్చర కంటిచూపులే
హరిని వివాహమాడె ధవళాచలపుత్రి సురల్ నుతింపఁగన్
హరి = శివుడు [సూర్యరాయాంధ్ర నిఘంటువు]
పరమశివుండొకండె తన భర్తయటంచు మదిన్ దలంచి భ్రా
రిప్లయితొలగించండిమరి తపమాచరించినది, మారుని బూడిదగా నొనర్చిశం
కరుఁడు ప్రసన్నుడై మరల కంతుని గాఁచెను, తుష్టుఁ జేయుచున్
హరిని, వివాహమాడె ధవళాచలపుత్రి సురల్ నుతింపఁగన్
మీ పూరణ ప్రశస్తంగా ఉన్నది. అభినందనలు.
తొలగించండిఆ॥ క్షీర జలధి తనయ శ్రీలక్ష్మి యనఘుఁడా
రిప్లయితొలగించండిహరిని బెండ్లియాడె, గిరితనూజ
వలచి చెంత నిలచి వరుని సమ్మతిఁ గని
హరుని బెండ్లియాడె హరుషమొదవి
(కుమార సంభవము 6వ సర్గము, పాఠ్యాంశముగా వచ్చింది, పార్వతి సఖితో శివుని వద్దకు వెళ్ళి తన తండ్రిని అడిగి పెళ్ళి చేసుకొన మని సఖిద్వారా తెలియజేస్తుందండి)
చం॥ సురలటు క్షీర సాగరము శోభగఁ జిల్కఁగఁ బుట్టి పద్మినే
హరిని వివాహమాడె, ధవళాచల పుత్రి సురల్ నుతింపఁగన్
వర సుతుఁడుద్భవించు తమ పాటులుఁ దప్పు నటంచు నింపుగన్
హరుని వివాహమాడె తగు హర్షముఁ గాంచుచుఁ గోరి యాతనిన్
మీ పూరణ బాగున్నది. అభినందనలు.
తొలగించండి"లక్ష్మియే హరిని..." అనండి. (పద్మిని+ఏ అన్నపుడు సంధి లేదు, యడాగమం వస్తుంది)
ధన్యవాదములండి. ఈఇత్వ సంధి మరీ కఠినమండి.
తొలగించండిపాల సంద్ర మందు లీలగఁ బ్రభవించి
రిప్లయితొలగించండిపరవశమ్ము సెంది పద్మ నేత్రు
వింటి వమ్మ! తమ్మి కంటి లక్ష్మీ దేవి
హరినిఁ బెండ్లియాడె గిరితనూజ!
మరు మరణమ్ముఁ గాంచి వెత మానిని పార్వతి నిశ్చయాత్మయై
గురుతర భక్తి నిష్ఠను సుఘోర తపమ్ము నొనర్చి యద్రినిన్
హరుని వరించి క్షీర విమలాంబుధి సంజనితంపు శ్రీ సుధా
హరిని వివాహమాడె ధవ ళాచల పుత్రి సురల్ నుతింపఁగన్
[శ్రీ సుధా హరిని = విష మనెడు నమృతమును హరించిన వానిని]
మీ రెండు పూరణలు ప్రశస్తంగా ఉన్నవి. అభినందనలు.
తొలగించండిఆ.వె:తన ప్రతాపముననె దక్కును హరుడంచు
రిప్లయితొలగించండినహము బూని నంత నంగజుండు
వాని యహమునెల్ల బాపనా కామసం
హరినిఁ బెండ్లియాడె గిరితనూజ”
మీ పూరణ బాగున్నది. అభినందనలు.
తొలగించండిహరు నఖిలాండకోటి గురు నక్షరు నుత్తరు నాగహారు నీ
రిప్లయితొలగించండిశ్వరుని హిరణ్యరేతసుని చంద్రకళాధరునా జటాధరున్
వరునిగ నెంచి గొల్చి గనె భర్తగ నద్రిజ గాని నెవ్విధిన్
హరిని వివాహమాడె ధవళాచలపుత్రి సురల్ నుతింపఁగన్
మీ పూరణ బాగున్నది. అభినందనలు.
తొలగించండిపాలకడలి పట్టి పరిణయమాడెను
రిప్లయితొలగించండిహరినిఁ, బెండ్లియాడె గిరితనూజ
హరుని పాపహరుని హాలహలధరుని
శివము గూర్చ సకల జీవములకు
మీ పూరణ బాగున్నది. అభినందనలు.
తొలగించండి
రిప్లయితొలగించండిపిన్నక నాగేశ్వరరావు.
హనుమకొండ.
పాల కడలి యందు ప్రభవమొందిన లక్ష్మి
హరినిఁ బెండ్లియాడె; గిరితనూజ
తాను ఘోరమైన తపము చేసి శివుని
పెండ్లియాడ సురలు విరులు ౙల్లె.
మీ పూరణ బాగున్నది. అభినందనలు.
తొలగించండిశమనరిపుని భూరి చంద్రార్థమౌళిని
రిప్లయితొలగించండిస్మరుని మదమడచిన యురగ ధరుని
ఆదిబిక్షుని నిటలాక్షుని కిల్బిష
హరినిఁ బెండ్లియాడె గిరితనూజ