30-3-2024 (శనివారం)కవిమిత్రులారా,ఈరోజు పూరింపవలసిన సమస్య ఇది...“భక్తిగ వీక్షింప నామె భగభగ మండెన్”(లేదా...)“భక్తిగఁ జూచినంతటనె భగ్గున మండెను గాదె యామెయే”(బులుసు అపర్ణ గారి రాయగడ శతావధానం సమస్య)
శక్తినిసీతనుజూచుచురక్తుడునైరావణుండురాగములొలుకన్సక్తినినింపుచునాతడుభక్తిగవీక్షింపనామెభగభగమండెన్
కందంయుక్తము గాదని శివుడనసక్తతఁ జని తండ్రి నింద సతి యోర్వక తాముక్తిఁగన గుండమునఁబడిభక్తిగ వీక్షింప నామె భగభగ మండెన్ఉత్పలమాలయుక్తము గాదనన్ బిలువకుండగఁ బోవుట భర్త త్ర్యక్షుడున్సక్తత యజ్ఞశాలఁజని సంబరమెంచియుఁ దండ్రి నిందలన్ముక్తిని బొందనెంచి సతి బోరున నేడ్చుచు దూకి గుండమున్భక్తిగఁ జూచినంతటనె భగ్గున మండెను గాదె యామెయే!
యుక్తము కానట్టి నుడులవ్యక్తపరచి దక్షుడచట బన్నపరచ నాశక్తియె దేవత లెల్లరు భక్తిగ వీక్షింప, నామె భగభగ మండెన్యుక్తమె తండ్రి చేసెడు మహోన్నత యజ్ఞము గాంచుటంచు నాశక్తియె యేగినంతట ప్రజాపతి గర్వము దూలపుచ్చగాపక్త సృజించు కొంచు సతి భార్గవి యచ్చటనున్న దేవతల్ భక్తిగఁ జూచినంతటనె , భగ్గున మండెను గాదె యామెయే.
ముక్తినిగోరిగొల్లడునుమోహమువీడెనుకాళిగొల్వగాశక్తినినింపెనామెయును, షండునికంతకవిత్వమబ్బెగాభక్తినిజూచినంతనె, భగ్గనిమండెనుగాదెయామెయేసక్తినిరాక్షసుండుగనసంగరమందునమృత్యుదేవతై
భక్తులు నాదరంబునను ప్రస్తుతిజేసిన సంతసంబునన్శక్తికొలంది వారలకు చక్కనిమార్గము జూపుచున్ సదారక్తితొ బోధజేయు కొమరాలునుగాంచినొకానొకండు దుర్భక్తిగ జూచినంతటనె భగ్గునమండెను గాదె యామయే.
శక్తి గ మారియు పితనే యుక్తి గ నెదిరింప లేక ను క్రో ష ము నన్ ముక్తి ని బొంద o గ సురలు భక్తి గ వీ క్షింప నామె భగభగ మండె న్
వక్తలు దమలో తననొకభక్తిగ వీక్షింప ; నామె భగభగ మండెన్మౌక్తికము వంటి రచనలుభక్తి సలుపునటుల దాను వ్రాసితి ననుచున్భక్తి = భాగము , సేవ
శుక్తపు పలుకుల తోడ సుయుక్తుని దక్షుండు దూఱ నుమయే దూకెన్ముక్తిన్ బడయగ వహ్నినిభక్తిగ వీక్షింప నామె భగభగ మండెన్యుక్తము కాదు వద్దనుచు నుగ్రుడు తెల్పెను భార్య గౌరికిన్సూక్తుల లక్ష్యమున్ గనక చొచ్చెను పార్వతి యజ్ఞశాలకున్రక్తి విహీనుడైన సుతి రట్టడితో హవమందు దూకి సద్భక్తిగఁ జూచినంతటనె భగ్గున మండెను గాదె యామెయే
భుక్తిని కోరు లేమలు సమున్నత స్థాయిని జేరు గాని యేయుక్తము లేని మందులు నయోగ్యుల చేతల నొచ్చు నట్లునో ముక్తి పథంబునేగదగు పోకిరి వృద్ధుడు వెఱ్ఱి చేష్టలన్భక్తిగ జూచినంత భగ్గున మండెను గాదె యామెయే
కం:"భక్తుడు తలి దండ్రుల, కనురక్తి యె తన పైన లేని రాయి,యితండున్ వ్యక్తియె!"యని భర్త పితరు భక్తిగ వీక్షింప నామె భగభగ మండెన్
రక్తిగ యాగమునకుఁ జనివ్యక్తముగా తండ్రి పతిని యవమతి బరుపన్ముక్తిన్బొందఁగ కుండముఁభక్తిగ వీక్షింప నామె భగభగ మండెన్
ఉ:యుక్తమె భర్త పోవగనె యోచన జేయక భార్య యగ్నిలోముక్తికి వోలె దూకు? టది మూర్ఖత యంచు దలంప కెల్లరున్రక్తము లేని రాల వలె రక్కసులంబలె యగ్గి వెట్టుచున్భక్తిగ జూచినంతటనె భగ్గున మండెను గాదె యామె యే !(సతీసహగమనదురాచారాన్ని గూర్చి.)
కం॥ త్యక్తముఁ జేసిన నతఁడనురక్తిని వెంటపడి చనఁగ రమణిని యటులన్భక్తుడఁ గరుణించ మనుచుభక్తిగ వీక్షింప నామె భగభగ మండెన్ఉ॥ శక్తికి మారుపేరతివ సాహస మేలను జేయఁగావలెన్యుక్తిని వీడ స్త్రీ మనము యోధుని కైన నగోచరంబిలన్ద్యక్తముఁ జేసినన్ దెలివి తానటు పొందక ప్రేమ మైకమున్భక్తిగఁ జూచినంతటనె భగ్గున మండెను గాదె యామెయే
రక్తిగ దక్షయజ్ఞము కరాళిక గాంచగనేగి యచ్చటన్సేక్తను దూఱ జన్మదుడు సేకమెలర్చగ గుండమందునన్ముక్తముగాఁగ బంధములు మోక్షమునొందఁగ దూకి చెచ్చెరన్భక్తిగఁ జూచినంతటనె భగ్గున మండెను గాదె యామెయే
ఈ కామెంట్‌ను రచయిత తీసివేశారు.
యుక్తమె మన్నింప రుషా సక్త దురాత్మను రవంత శాంతము గనమే రిక్తగ నను నిందించెనుభక్తిగ వీక్షింప నామె భగభగ మండెన్ [వీక్షింపను + ఆమె = వీక్షింప నామె]యుక్తమె మోసగింప మది నూహ వహించుట యేరి కైన నా శక్తి గలట్టి వానిఁ గన శక్యమె యెందును భూ తలమ్మునన్ భక్తుఁడ నంచు నెంచు నని భాగ్యద లక్ష్మిని దుష్ట భావ భృద్భక్తిగఁ జూచి నంతటనె భగ్గున మండెను గాదె యామెయే
రక్తపు బంతులై కనులు ప్రాకటమైన వధూటిఁ గాంచియే,శక్తియె గోచెరించెనని సాధకుడైన వరుండు ధాటిగాసూక్తము లేవొపాడుచును శోభన రాత్రము మందిరమ్ములో భక్తిగఁ జూచినంతటనె భగ్గున మండెను గాదె యామెయే
యుక్తము కాదటంచు పతి యొప్పుగ చెప్పిన శంభు మాటలన్శక్తియు నాలకించకను సాగెన యజ్ఞము చూడగాను నాసక్తిని చూపకున్నపిత, శాంతత వీడుచు యజ్ఞ కుండమున్*“భక్తిగఁ జూచినంతటనె భగ్గున మండెను గాదె యామెయే”*
శక్తినిసీతనుజూచుచు
రిప్లయితొలగించండిరక్తుడునైరావణుండురాగములొలుకన్
సక్తినినింపుచునాతడు
భక్తిగవీక్షింపనామెభగభగమండెన్
కందం
రిప్లయితొలగించండియుక్తము గాదని శివుడన
సక్తతఁ జని తండ్రి నింద సతి యోర్వక తా
ముక్తిఁగన గుండమునఁబడి
భక్తిగ వీక్షింప నామె భగభగ మండెన్
ఉత్పలమాల
యుక్తము గాదనన్ బిలువకుండగఁ బోవుట భర్త త్ర్యక్షుడున్
సక్తత యజ్ఞశాలఁజని సంబరమెంచియుఁ దండ్రి నిందలన్
ముక్తిని బొందనెంచి సతి బోరున నేడ్చుచు దూకి గుండమున్
భక్తిగఁ జూచినంతటనె భగ్గున మండెను గాదె యామెయే!
యుక్తము కానట్టి నుడుల
రిప్లయితొలగించండివ్యక్తపరచి దక్షుడచట బన్నపరచ నా
శక్తియె దేవత లెల్లరు
భక్తిగ వీక్షింప, నామె భగభగ మండెన్
యుక్తమె తండ్రి చేసెడు మహోన్నత యజ్ఞము గాంచుటంచు నా
శక్తియె యేగినంతట ప్రజాపతి గర్వము దూలపుచ్చగా
పక్త సృజించు కొంచు సతి భార్గవి యచ్చటనున్న దేవతల్
భక్తిగఁ జూచినంతటనె , భగ్గున మండెను గాదె యామెయే.
ముక్తినిగోరిగొల్లడునుమోహమువీడెనుకాళిగొల్వగా
రిప్లయితొలగించండిశక్తినినింపెనామెయును, షండునికంతకవిత్వమబ్బెగా
భక్తినిజూచినంతనె, భగ్గనిమండెనుగాదెయామెయే
సక్తినిరాక్షసుండుగనసంగరమందునమృత్యుదేవతై
భక్తులు నాదరంబునను ప్రస్తుతి
రిప్లయితొలగించండిజేసిన సంతసంబునన్
శక్తికొలంది వారలకు చక్కని
మార్గము జూపుచున్ సదా
రక్తితొ బోధజేయు కొమరాలును
గాంచినొకానొకండు దు
ర్భక్తిగ జూచినంతటనె భగ్గున
మండెను గాదె యామయే.
శక్తి గ మారియు పితనే
రిప్లయితొలగించండియుక్తి గ నెదిరింప లేక ను క్రో ష ము నన్
ముక్తి ని బొంద o గ సురలు
భక్తి గ వీ క్షింప నామె భగభగ మండె న్
వక్తలు దమలో తననొక
రిప్లయితొలగించండిభక్తిగ వీక్షింప ; నామె భగభగ మండెన్
మౌక్తికము వంటి రచనలు
భక్తి సలుపునటుల దాను వ్రాసితి ననుచున్
భక్తి = భాగము , సేవ
శుక్తపు పలుకుల తోడ సు
రిప్లయితొలగించండియుక్తుని దక్షుండు దూఱ నుమయే దూకెన్
ముక్తిన్ బడయగ వహ్నిని
భక్తిగ వీక్షింప నామె భగభగ మండెన్
యుక్తము కాదు వద్దనుచు నుగ్రుడు తెల్పెను భార్య గౌరికిన్
సూక్తుల లక్ష్యమున్ గనక చొచ్చెను పార్వతి యజ్ఞశాలకున్
రక్తి విహీనుడైన సుతి రట్టడితో హవమందు దూకి స
ద్భక్తిగఁ జూచినంతటనె భగ్గున మండెను గాదె యామెయే
భుక్తిని కోరు లేమలు సమున్నత స్థాయిని జేరు గాని యే
రిప్లయితొలగించండియుక్తము లేని మందులు నయోగ్యుల చేతల నొచ్చు నట్లునో
ముక్తి పథంబునేగదగు పోకిరి వృద్ధుడు వెఱ్ఱి చేష్టలన్
భక్తిగ జూచినంత భగ్గున మండెను గాదె యామెయే
కం:"భక్తుడు తలి దండ్రుల, కను
రిప్లయితొలగించండిరక్తి యె తన పైన లేని రాయి,యితండున్
వ్యక్తియె!"యని భర్త పితరు
భక్తిగ వీక్షింప నామె భగభగ మండెన్
రక్తిగ యాగమునకుఁ జని
రిప్లయితొలగించండివ్యక్తముగా తండ్రి పతిని యవమతి బరుపన్
ముక్తిన్బొందఁగ కుండముఁ
భక్తిగ వీక్షింప నామె భగభగ మండెన్
ఉ:యుక్తమె భర్త పోవగనె యోచన జేయక భార్య యగ్నిలో
రిప్లయితొలగించండిముక్తికి వోలె దూకు? టది మూర్ఖత యంచు దలంప కెల్లరున్
రక్తము లేని రాల వలె రక్కసులంబలె యగ్గి వెట్టుచున్
భక్తిగ జూచినంతటనె భగ్గున మండెను గాదె యామె యే !
(సతీసహగమనదురాచారాన్ని గూర్చి.)
కం॥ త్యక్తముఁ జేసిన నతఁడను
రిప్లయితొలగించండిరక్తిని వెంటపడి చనఁగ రమణిని యటులన్
భక్తుడఁ గరుణించ మనుచు
భక్తిగ వీక్షింప నామె భగభగ మండెన్
ఉ॥ శక్తికి మారుపేరతివ సాహస మేలను జేయఁగావలెన్
యుక్తిని వీడ స్త్రీ మనము యోధుని కైన నగోచరంబిలన్
ద్యక్తముఁ జేసినన్ దెలివి తానటు పొందక ప్రేమ మైకమున్
భక్తిగఁ జూచినంతటనె భగ్గున మండెను గాదె యామెయే
రక్తిగ దక్షయజ్ఞము కరాళిక గాంచగనేగి యచ్చటన్
రిప్లయితొలగించండిసేక్తను దూఱ జన్మదుడు సేకమెలర్చగ గుండమందునన్
ముక్తముగాఁగ బంధములు మోక్షమునొందఁగ దూకి చెచ్చెరన్
భక్తిగఁ జూచినంతటనె భగ్గున మండెను గాదె యామెయే
ఈ కామెంట్‌ను రచయిత తీసివేశారు.
రిప్లయితొలగించండిఈ కామెంట్‌ను రచయిత తీసివేశారు.
రిప్లయితొలగించండియుక్తమె మన్నింప రుషా
రిప్లయితొలగించండిసక్త దురాత్మను రవంత శాంతము గనమే
రిక్తగ నను నిందించెను
భక్తిగ వీక్షింప నామె భగభగ మండెన్
[వీక్షింపను + ఆమె = వీక్షింప నామె]
యుక్తమె మోసగింప మది నూహ వహించుట యేరి కైన నా
శక్తి గలట్టి వానిఁ గన శక్యమె యెందును భూ తలమ్మునన్
భక్తుఁడ నంచు నెంచు నని భాగ్యద లక్ష్మిని దుష్ట భావ భృ
ద్భక్తిగఁ జూచి నంతటనె భగ్గున మండెను గాదె యామెయే
రక్తపు బంతులై కనులు ప్రాకటమైన వధూటిఁ గాంచియే,
రిప్లయితొలగించండిశక్తియె గోచెరించెనని సాధకుడైన వరుండు ధాటిగా
సూక్తము లేవొపాడుచును శోభన రాత్రము మందిరమ్ములో
భక్తిగఁ జూచినంతటనె భగ్గున మండెను గాదె యామెయే
యుక్తము కాదటంచు పతి యొప్పుగ చెప్పిన శంభు మాటలన్
రిప్లయితొలగించండిశక్తియు నాలకించకను సాగెన యజ్ఞము చూడగాను నా
సక్తిని చూపకున్నపిత, శాంతత వీడుచు యజ్ఞ కుండమున్
*“భక్తిగఁ జూచినంతటనె భగ్గున మండెను గాదె యామెయే”*