10, సెప్టెంబర్ 2016, శనివారం

సమస్య - 2139 (మల్లియ తీఁగకున్ గలిగె...)

కవిమిత్రులారా,
ఈరోజు పూరించవలసిన సమస్య ఇది...

"మల్లియ తీఁగకున్ గలిగె మామిడికాయలు మేలనన్ జనుల్"
లేదా...
"మల్లియ తీఁగియకుఁ గలిగె మామిడికాయల్"

నా పూరణలు.....

తొల్లి విదూషకుం డొకఁడు త్రుళ్ళుచు చెప్పె సభాంతరమ్మునన్
"తెల్లని కాకు లెన్నొ మన దేశములోఁ గనిపించు నంతటన్,
మొల్ల రచించె భారతము, బుద్ధుఁ డనన్ మన యాంధ్రుఁడే సుమా!
మల్లియ తీఁగకున్ గలిగె మామిడికాయలు మే లనన్ జనుల్"

మల్లయ్య పెరటిలో నొక
మల్లియ చుట్టుకొనె నంటుమామిడిచెట్టున్
గొల్ల యొకఁడు చూచి యనెను
"మల్లియ తీఁగియకుఁ గలిగె మామిడికాయల్"

96 వ్యాఖ్యలు:

  1. చల్లని వెన్నెల పూవులు
    మల్లియ తీగియకు; గలిగె మామిడి కాయల్
    మల్లెల తోడుత నెండల
    నెల్లెడలన్ మధురమయి రుచించెడి ఫలముల్!





    ప్రత్యుత్తరంతొలగించు
    ప్రత్యుత్తరాలు
    1. శిష్ట్లా శర్మ గారూ,
      మీ పూరణ బాగున్నది. అభినందనలు.

      తొలగించు
  2. క్రొవ్విడి వెంకట రాజారావు:

    మెల్లగ మామిడి చెట్టును
    యల్లుకు పెరిగిన కుటజము నచటి కసురులన్
    మల్లడిగొన పిల్లలనిరి
    మల్లియ తీగియకు గలిగె మామిడికాయల్.

    ప్రత్యుత్తరంతొలగించు
    ప్రత్యుత్తరాలు
    1. క్రొవ్విడి వేంకట రాజారావు గారూ,
      మీ పూరణ బాగున్నది. అభినందనలు.
      'చెట్టును+అల్లుకు=చెట్టు నల్లుకు' అవుతుంది, యడాగమం రాదు. 'మామిడి వృక్షము। నల్లుకు..' అందామా?

      తొలగించు
  3. ఉల్లము రంజిలు రీతిగ
    మల్లియ తీగియకుఁ గలిగె మామిడి కాయల్
    కల్లలు మెండగు యుగమిది
    యెల్లెడలకు వింత వార్త యెరిగింప దగున్

    ప్రత్యుత్తరంతొలగించు


  4. జల్లను నాఘ్రా ణంబులు
    మల్లియ తీఁగియకుఁ గలిగె, మామిడికాయల్
    కొల్లలుగ విరగ కాచెను
    చల్లని ప్రకృతిని జిలేబి చక్కగ గాంచెన్


    జిలేబి

    ప్రత్యుత్తరంతొలగించు
    ప్రత్యుత్తరాలు
    1. జిలేబీ గారూ,
      మీ పూరణ బాగున్నది. అభినందనలు.
      'ఆఘ్రాణము' అక్కడ అతకడం లేనట్టుంది. 'జల్లను సుమ సౌగంధ్యము' అంటే ఎలా ఉంటుంది?

      తొలగించు
  5. పెళ్ళిభవనమును కృతకపు
    మల్లెలు మామిళ్ళతోడ మలచెడి వేళన్
    పిల్లడు తెలియక సేయగ
    మల్లియ తీఁగియకుఁ గలిగె మామిడికాయల్"

    ప్రత్యుత్తరంతొలగించు
    ప్రత్యుత్తరాలు
    1. అశ్వత్థ నారాయణ మూర్తి గారూ,
      మీ పూరణ బాగున్నది. అభినందనలు.

      తొలగించు
  6. చెల్లును ఊహ స్వర్ణమున శీలముగా నొక గంధ ముండుటన్
    ఉల్లము పల్లవించగ మరొక్కటి జూపుడటంచు శిష్యులన్
    తల్లడమంద జేసె నట తార్కిక బాలుడు జెప్పె నో గురూ
    మల్లియ తీగెకున్ గలిగె మామిడి కాయలు మేలనన్ జనుల్

    ప్రత్యుత్తరంతొలగించు
    ప్రత్యుత్తరాలు
    1. పిట్టా సత్యనారాయణ గారూ,
      మీ తార్కిక పూరణ బాగున్నది. అభినందనలు.
      'చెల్లును+ఊహ, ఉండుటన్+ఉల్లము' అని విసంధిగా వ్రాశారు. 'చెల్లుర యూహ... ఉండుట। న్నుల్లము...' అనండి.

      తొలగించు
  7. కల్ల యొకింత గాదు విను కర్షకు డొక్కరు డద్భుతంబుగా
    వల్లులు కొన్ని పెంచె నొక వైపు పొలాన విదేశజంబులన్
    పల్లెకు దెచ్చియౌర! తన భాగ్యమటంచును వాటిలోపలన్
    మల్లియ! తీగకున్ గలిగె మామిడికాయలు మేలనన్ జనుల్
    హ.వేం.స.నా.మూర్తి.

    ప్రత్యుత్తరంతొలగించు
    ప్రత్యుత్తరాలు
    1. హరి వేంకట సత్యనారాయణ మూర్తి గారూ,
      మీ పూరణ బాగున్నది. అభినందనలు.

      తొలగించు
  8. చెల్లియ వల్లియ మొల్లియ
    చల్లని తల్లీ యటంచు సాగు బ్రియంబుల్
    కల్లలు గావవి యూహల
    మల్లియ తీగియకు గలిగె మామిడి కాయల్

    ప్రత్యుత్తరంతొలగించు
    ప్రత్యుత్తరాలు
    1. పిట్టా వారూ,
      మీ రెండవ పూరణ బాగున్నది. అభినందనలు.

      తొలగించు
  9. నిన్నటి సమస్యకు పూరణ
    క్రోలగ నేరని పిల్లియె
    పాల కడవ తన్ని నేల పాలను జేయన్
    నీలిమ కేకలతో శా
    పాలను జూడంగ పిల్లి భయపడి ఫారెన్

    ప్రత్యుత్తరంతొలగించు
    ప్రత్యుత్తరాలు
    1. కెంబాయి తిమ్మాజీ రావు గారూ,
      మీ పూరణ బాగున్నది. అభినందనలు.

      తొలగించు
  10. మల్లికి మావికి బెండ్లవ
    నల్లుకొనెను.ప్రేమ ఫలముగా నిక కాసెన్
    సల్లాపమాడె జనములు
    మల్లియ తీగియకు గలిగె మామిడి కాయల్

    ప్రత్యుత్తరంతొలగించు
    ప్రత్యుత్తరాలు
    1. కెంబాయి తిమ్మాజీ రావు గారూ,
      మీ పూరణ బాగున్నది. అభినందనలు.

      తొలగించు
  11. మాస్టరు గారూ! చక్కని పూరణలతో మమ్మల్ని ఉత్సాహపరుస్తున్నారు.

    అల్లన జవ్వని పైటను
    మెల్లగ తా సర్దుకొనుచు మీదకురాగా
    అల్లరిగా మగడిట్లనె
    'మల్లియ తీఁగియకుఁ గలిగె మామిడికాయల్.'

    ప్రత్యుత్తరంతొలగించు
    ప్రత్యుత్తరాలు
    1. గోలి హనుమచ్ఛాస్త్రి గారూ,
      ధన్యవాదాలు!
      మనోరంజకమైన పూరణతో అలరింపజేశారు. అభినందనలు.

      తొలగించు
    2. వంశీకృష్ణ గారూ,
      ధన్యవాదాలు! ఇటువంటి ప్రశంసలు కవిమిత్రులకు ప్రోత్సాహాన్నిస్తాయి.

      తొలగించు
    3. మాస్టరుగారూ! వంశీకృష్ణ గారూ! ధన్యవాదములు

      తొలగించు
  12. చెల్లీ !పూవులుబూచెను
    మల్లియ తీగియకుఁ, గలిగె మామిడికాయల్
    పెల్లిదముగ మన పెరటినె
    యల్లవిగో జూడుమచట నవనీరుహమున్!!!

    ప్రత్యుత్తరంతొలగించు
    ప్రత్యుత్తరాలు
    1. శైలజ గారూ,
      విరుపుతో చక్కని పూరణ చెప్పారు. అభినందనలు.

      తొలగించు
  13. మల్లెలువిరబూసెనుగద
    మల్లియతీగియకు,గలిగెమామిడికాయ
    ల్లల్లదెచూడుముకొమ్మల
    నుల్లములేసంతసిలచునోహోయనగన్

    ప్రత్యుత్తరంతొలగించు
    ప్రత్యుత్తరాలు
    1. ఈ వ్యాఖ్యను రచయిత తీసివేశారు.

      తొలగించు
    2. పోచిరాజు సుబ్బారావు గారూ,
      మీ పూరణ బాగున్నది. అభినందనలు.
      కేవలం నకారానికే తరువాతి అచ్చుతో కలిసి ద్విత్వంగా మారే అవకాశం ఉంది. ఇతర హల్లులకు లేదు. "మామిడికాయల్। పిల్లా చూడుము...' అనండి.

      తొలగించు
  14. ఎల్లరి మనములు దోచగ
    పిల్లది ధరియించె మావి పిందెల బేరు
    న్నల్లరి పిల్లండిట్లనె
    మల్లియ తీగియకుఁ గలిగె మామిడి కాయల్!!!

    ప్రత్యుత్తరంతొలగించు
    ప్రత్యుత్తరాలు
    1. శైలజ గారూ,
      మీ రెండవ పూరణ మనోజ్ఞంగా ఉంది. అభినందనలు.

      తొలగించు
    2. ధన్యవాదములు గురువుగారు...

      తొలగించు
  15. అల్లదెజూడుమాభరణి!హర్షముగల్గెనుజూడపూవులన్
    మల్లియతీగకున్ గలిగెమామిడికాయలుమేలనన్ జనుల్
    కల్లలుగాదునాపలుకుకాయలుజూడుడుచెట్టుపైనమీ
    రెల్లరుకూడమీరిపుడునెంతగబాగుగనున్నవోకదా

    ప్రత్యుత్తరంతొలగించు
    ప్రత్యుత్తరాలు
    1. సుబ్బారావు గారూ,
      బాగుంది మీ పూరణ. అభినందనలు.
      'మీ రెల్లరు కూడ మీ రిపుడు' అని మీరు ద్విరుక్తమయింది.

      తొలగించు
  16. యిల్లాలి యలుకఁ దీర్చన్
    తెల్లటి తీరైన చీరఁ దెచ్చిన, దానన్
    మెల్లన సతియనె యంచుకు
    మల్లియ తీగియకు గలిగె మామిడి కాయల్

    ప్రత్యుత్తరంతొలగించు
    ప్రత్యుత్తరాలు
    1. అశ్వత్థ నారాయణ మూర్తి గారూ,
      మీ పూరణ బాగుంది. అభినందనలు.
      పద్యాన్ని యడాగమంతో ప్రారంభించరాదు. 'ఇల్లాలు' అని ప్రారంభించవచ్చు కదా!

      తొలగించు
    2. Sir !
      ఏదైనా ఒక క్రొత్త సమస్య లభిస్తే లేదా రూపొందిస్తే ఎక్కడ పోస్ట్ చేయవలెనో తెలుప గలరు.
      సమస్య ; "మత్తేభమ్మును దోమ కూల్చ నదియే మండ్రాడె దైన్యమ్మునన్"
      నా పూరణ:
      శా. చిత్తైకాగ్రత నిల్పి చూడ నవనిన్ చిత్రమ్ము లేలేవుగా
      క్రొత్తల్ గా కనిపించు వాస్తవములే కోల్పోవ ధీ శక్తియే
      ఉత్తుంగమ్మగు దంతి కూలు మశకోపాత్తమ్మదై వ్యాధిచే
      మత్తేభమ్మును దోమ కూల్చ నదియే మండ్రాడె దైన్యమ్మునన్
      మండ్రాడు = సంతాపించు ;ఉపాత్తము = అపహరింపబడు ; ఆవరింపబడు

      తొలగించు
    3. కం. అల్లితి మామిడి చెట్టుకు
      మల్లియ తీగియను నేను మరి గతి లేకన్
      పిల్లలు గని యందరనిరి
      మల్లియ తీగియకు గలిగె మామిడి కాయల్

      తొలగించు
    4. గుఱ్ఱం జనార్దన రావు గారూ,
      మీరు సూచించవలసిన సమస్యలను నా మెయిల్‍కు పంపండి. 'క్రొత్త సమస్యలు' అని ఒక ఫైలులో సేవ్ చేసికొని బ్లాగులో ప్రకటిస్తాను.
      కొంతకాలంగా ఒకే సమస్యను వృత్తంలోను, జాత్యుపజాతుల్లోను ఇస్తున్నాను కదా! మీ పై సమస్యను కందంలో "మత్తకరిని దోమ కూల్చె మండ్రాడంగన్" లేదా ఆటవెలదిలో "మత్తకరినిఁ గూల్చె మశక మొకటి" అని కూడ ఇవ్వవచ్చు.
      మీ పూరణ బాగున్నది. అభినందనలు.

      తొలగించు
    5. నా మెయిల్ చిరునామా...
      shankarkandi@gmail.com

      తొలగించు
    6. ధన్య వాదాలు కంది శంకరయ్య గారు ! దానికే ఒక ఆటవెలది సమస్యని కూడా కూర్ర్చాను, ఇంకా పూరణ చేయ లేదు.అందుకని పోస్ట్ చేయలేదు.
      అది: "సామజమును గూల్చె దోమ యొకటి."

      తొలగించు
  17. చల్లగఁ జూచె దేవుఁడిటఁ జక్కని పాప నొసంగె మాకు నా
    పిల్లను మల్లి పేరునను బిల్చెద మంచును, బల్కె దానితో
    తల్లిరొ తెస్తి నీకు మొల త్రాడు సువర్ణమ సుమ్ము సూడుమా
    మల్లియ! తీఁగకుం గలిగె మామిడికాయలు మేలనన్ జనుల్

    [తీఁగ=మొలనూలు; మామిడిపిందెల మొలత్రాడు]


    అల్లన మామిడి చెట్టునఁ
    బెల్లున నొక మల్లె పాదు పెరుగగఁ గనుడా
    పల్లవము లందు కాయలు
    మల్లియ తీఁగియకుఁ గలిగె మామిడికాయల్

    ప్రత్యుత్తరంతొలగించు
    ప్రత్యుత్తరాలు
    1. పోచిరాజు కామేశ్వర రావు గారూ,
      మీ రెండు పూరణలు ఉత్తమంగా ఉన్నవి. అభినందనలు.

      తొలగించు
    2. పూజ్యులు శంకరయ్య గారికి వందనములు. ధన్యవాదములు.

      తొలగించు
  18. గురుదేవుల పూరణలు బహు ప్రశంసనీయము.

    ఇల్లాలు సీత వనమున
    నుల్లమ్మున రాముఁ దలఁచు నుదరిణి నెలలై
    తల్లట పడి కవలలఁ గన
    మల్లియ తీఁగియకుఁ గలిగె మామిడి కాయల్!

    ప్రత్యుత్తరంతొలగించు
    ప్రత్యుత్తరాలు
    1. గుండా వేంకట సుబ్బ సహదేవుడు గారూ,
      మీ పూరణ బాగున్నది. అభినందనలు.
      నా పూరణలు నచ్చినందుకు ధన్యవాదాలు.

      తొలగించు
  19. అల్లన నొండు సాహితి సభాంతరమందున గైతలల్లుచు
    నుల్లము రంజిలన్నవరసోజ్జ్వల భావవిశేషతంగవుల్
    సల్లలితాంగివర్ణనను జక్కగజేసిరి దివ్యద్రష్టలై
    "మల్లియతీగకుంగలిగె మామిడికాయలు" మేలనన్జనుల్.

    ఉల్లము రంజిల్ల కవులు
    సల్లలితాంగిన్ సుమధుర సారసనేత్రన్
    చల్లగ వర్ణించిరిటుల
    "మల్లియ తీగియకు గలిగె మామిడికాయల్".

    ప్రత్యుత్తరంతొలగించు
    ప్రత్యుత్తరాలు
    1. పొన్నెకంటి సూర్యనారాయణ రావు గారూ,
      మీ రెండు పూరణలు ప్రశస్తంగా ఉన్నవి. అభినందనలు.

      తొలగించు
  20. ఎల్లరు వేచియుండగనదే ఋతురాజు ధరిత్రి చేరెగా
    చల్లని సందెవేళ సఖు సన్నిధిఁ గోరగ పూలగుత్తులున్
    మల్లియ తీఁగకున్ గలిగె, మామిడికాయలు మేలనన్ జనుల్
    పుల్లనివావకాయకని ముప్పిరినిచ్చె రసాలవృక్షముల్ II

    ప్రత్యుత్తరంతొలగించు
  21. తొల్లి ఋతువుఁ పూగుత్తులు
    మల్లియ తీఁగియకుఁ గలిగె, మామిడికాయల్
    పుల్లనివి యూరగాయకు
    నెల్లజనుల్ సంతసిల్లనేపుగ కాచెన్ ||

    ప్రత్యుత్తరంతొలగించు
    ప్రత్యుత్తరాలు
    1. డా. మాడుగుల అనిల్ కుమార్ గారూ,
      బహుదినాలకు మాపై కరుణించి దర్శనమిచ్చారు. సంతోషం.
      ఒకే భావంతో ఉన్న మీ రెండు పూరణలు ఉత్కృష్టంగా ఉన్నాయి. అభినందనలు.

      తొలగించు
    2. ఈ వ్యాఖ్యను రచయిత తీసివేశారు.

      తొలగించు
    3. ఈ వ్యాఖ్యను రచయిత తీసివేశారు.

      తొలగించు
    4. ఈ వ్యాఖ్యను రచయిత తీసివేశారు.

      తొలగించు
    5. ఆర్య! నమస్కారములు. సమయాభావం వలన కనబడుట లేదు. నాపై మీరు చూపే అభిమానానికి ధన్యవాదములు.

      తొలగించు
    6. ఆర్య! నమస్కారములు. సమయాభావం వలన కనబడుట లేదు. నాపై మీరు చూపే అభిమానానికి ధన్యవాదములు.

      తొలగించు
  22. మల్లెలు పూచెను విరివిగ

    మల్లియ తీగియకు ; గలిగె మామిడికాయల్

    కొల్లలుగ పెరటి యందున

    పిల్లలు జూచి ముదమొంది వెడలిరి కోయన్.

    2 వ పూరణము :-

    అల్లుకొన పెరటి యందున

    మల్లియ తీవలు గుబురుగ మామిడి చెట్టున్

    ఉల్లమునన్ భ్రమ కలిగెను

    మల్లియ తీగియకు గలిగె మామిడికాయల్.

    ప్రత్యుత్తరంతొలగించు
    ప్రత్యుత్తరాలు
    1. పిన్నక నాగేశ్వర రావు గారూ,
      మీ రెండు పూరణలు బాగున్నవి. అభినందనలు.

      తొలగించు
    2. ధన్యవాదాలు జనార్ధనరావు గారూ!

      ధన్యవాదాలు శంకరయ్య గారూ!

      తొలగించు
  23. చెల్లును నేడు నన్నియును చెప్పనసాధ్యము శూన్యమిప్పుడున్!
    కల్లగు టన్నదేదియును కానము కాదు సమస్య యేదియున్!
    ఉల్లము పొంగ మర్రులవి యుండగ జూతుము కుండుల లోన నట్టులే
    మల్లియ! తీఁగకుం గలిగె మామిడికాయలు మేలనన్ జనుల్!
    ...
    అల్లము బెల్లము మాదిరి
    బెల్లము వెల్లుల్లి వోలె వెగటై పోయెన్!
    కల్లలు సత్యము లయ్యెను
    మల్లియ తీఁగియకుఁ గలిగె మామిడి కాయల్!

    ప్రత్యుత్తరంతొలగించు
    ప్రత్యుత్తరాలు
    1. క్రోలగ వేగిర పడుచున్
      కాలగ నోరంత నపుడు గంతుల్ వేయన్!
      మూల శునకము తన కలా
      పాలను జూడంగ పిల్లి భయపడి పారెన్!!
      ....
      క్రోలన్ గన్నుల మూసి లోన మురిసెన్ కోరంగ నెన్నాళ్ళకో
      లీలన్ పొందితినంచు నోరునిడఁ గాలెన్ దానితో పిల్లి యా
      పాలన్ ముట్టక మొత్తుకున్న పరికింపన్ కుక్క గంతుల్ కలా
      పాలన్, జూచిన పిల్లి పారె భయసంభ్రాంతుల్ మదిన్ గ్రమ్మగన్!

      తొలగించు
    2. మడిపల్లి రాజ్‍కుమార్ గారూ,
      మీ నాలుగు పూరణలు బాగున్నవి. అభినందనలు.

      తొలగించు
  24. తల్లియుఁ దండ్రియుఁ గోల్పొయి
    పల్లవ యేడేళ్ళ లేత వయసున పాపం
    చెల్లని భారము లెత్తెన్
    మల్లియ తీగియకుఁ గలిగె మామిడి కాయల్

    ప్రత్యుత్తరంతొలగించు
    ప్రత్యుత్తరాలు
    1. నితీశ్ చంద్ర గారూ,
      శంకరాభరణం బ్లాగు మీకు స్వాగతం పలుకుతున్నది.
      మీ పూరణ బాగున్నది.
      'కోల్పోయి' అనవలసింది ల్పొ అని హ్రస్వంగా వ్రాశారు. అక్కడ 'తల్లినిఁ దండ్రినిఁ గోల్పడి' అనండి. 'పాపం' అని వ్యావహారికాన్ని ప్రయోగించారు. 'వయసున నయ్యో' అనండి.

      తొలగించు
    2. ధన్యవాదాలు. 'వయసున నయ్యో' బాగా సరిపోయింది. 'కోల్పొయి' ని సరిదిద్దుతాను.

      తొలగించు
  25. వెల్లి విరిసిన సుగంధము
    మల్లియ తీగియకు గలిగె! మామిడి కాయల్
    పుల్లటి ఘుమ ఘుమ రుచులన్
    పల్లెలు పట్టణములనక ప్రజ నూరించెన్!

    ప్రత్యుత్తరంతొలగించు
  26. తెల్లని మల్లెల గంధము
    మల్లియ తీగియకు గలిగె! మామిడి కాయల్
    పుల్లటి ఘుమ ఘుమ రుచులన్
    పల్లెలు పట్టణములనక ప్రజ నూరించెన్!

    ప్రత్యుత్తరంతొలగించు
    ప్రత్యుత్తరాలు
    1. చక్కని విరుపు ! బాగున్నది.

      తొలగించు
    2. శ్రీధర రావు గారూ,
      మీ పూరణ బాగున్నది. అభినందనలు.

      తొలగించు
    3. సుకవి మిత్రులు జనార్దన రావు గారికి మరియు గురువర్యులకు ధన్యవాదములు

      తొలగించు
  27. గు రు మూ ర్తి ఆ చా రి
    ,,,,,,,,,,,,,,,,,,,,,,,,,,,,

    { గు రు వు గా రు మ న్ని౦ చా లి !

    ని న్న టి నా ప ద్య ము లో వి వ ర ణ :-

    చ వు తి = చౌ తి : శబ్దార్థచ౦ద్రిక }

    ::::::::::::::::::::::::::::::::::::::::::::::::::::::::::::

    " మల్లిక " తాల్చె తా రవిక మల్లియ తీగ

    ………………… జగేలు మ౦చనన్ |

    తెల్లని యో ణి వేసినది తేజిలు మామిడి

    ………... కాయ ల౦చు తో |

    నెల్లరు నామె దుస్తు గమని౦చుచు , నచ్చెరు

    …….... వ౦ది | రా హ హా !

    మల్లియ తీగకున్ గలిగె - మామిడి కాయలు

    ……… మేలనన్ జనుల్ ! ! !









    …………………

    ప్రత్యుత్తరంతొలగించు
    ప్రత్యుత్తరాలు
    1. గురుమూర్తి ఆచారి గారు!
      మంచి ఊహ. చక్కని పూరణ.😊

      తొలగించు
    2. గురుమూర్తి ఆచారి గారూ,
      మీ పూరణ బాగున్నది. అభినందనలు.

      తొలగించు
  28. అల్లనమేదినీ వలయమంతయు వర్షసమాశ్రయంబు గాన్
    నల్లని సాంద్ర మేఘములు నవ్యరసాలఫలంబులై గనన్
    తెల్లని వెల్గులన్ మెరుపు తీగెలు మల్లెల మాలలే యనన్
    మల్లియతీగకున్ గలిగె మామిడికాయలు మేలనన్ జనుల్

    ప్రత్యుత్తరంతొలగించు
    ప్రత్యుత్తరాలు
    1. అశ్వత్థ నారాయణ మూర్తి గారూ,
      అద్భుతమైన ఊహ... చక్కని పూరణ. అభినందనలు.

      తొలగించు
    2. గురువుగారూ కృతజ్ఞతలు

      తొలగించు
  29. ఉల్లముసంతసిల్లగను యూహల శిల్పము నిల్పె కల్పనల్
    కల్లయుగాక సత్యమిది కాంచును కంటికి చూపు మార్పునన్
    మల్లియ తీగకున్ గలిగె మామిడి కాయలు మేలనన్ జనుల్
    చెల్లెడి రీతి కుడ్యమున చెక్కెను శిల్పియెజక్కణార్యుడై.
    2.కళ్ళాపి జల్లి ముంగిట
    ఇల్లాలిడు ముగ్గులందు నేర్పున్ గనగా?
    ఎల్లరు మెచ్చెడి రీతిగ
    మల్లియ తీగియకుగలిగె మామిడికాయల్|


    ప్రత్యుత్తరంతొలగించు
    ప్రత్యుత్తరాలు
    1. కె. ఈశ్వరప్ప గారూ,
      మీ రెండు పూరణలు బాగున్నవి. అభినందనలు.

      తొలగించు
  30. తెల్లని హంసలెల్ల నలు దిక్కులనుండిల జేరినట్లుగా
    పల్లియలోని తోటన సువాసన లీనెడు స్వచ్ఛమల్లియల్
    మల్లియ తీఁగకున్ గలిగె మామిడికాయలు మేలనన్ జనుల్
    యెల్లలలోన నాటిరి మహీశులు మామిడి మొక్కలన్ భువిన్

    తెల్లని మల్లియ లెన్నియొ
    మల్లియ తీఁగియకుఁ గలిగె మామిడికాయల్
    వెల్లువలై ఫలియింపన్
    ఉల్లము లను దోచె దోట నూహింపుమురా

    ప్రత్యుత్తరంతొలగించు
    ప్రత్యుత్తరాలు
    1. విరించి గారూ,
      మీ రెండు పూరణలు బాగున్నవి. అభినందనలు.
      జనుల్+ఉల్లము అన్నపుడు యడాగమం రాదు.

      తొలగించు
  31. ఉల్లము సంతసిల్లగ గడుత్తమ జాతికి చెందు చెట్టులన్
    మెల్లగ నాటి పెంచితిని మిక్కిలి సౌరభ మిచ్చుపూవులున్
    మల్లియ తీఁగకున్ గలిగె, మామిడికాయలు మేలనన్ జనుల్

    చల్లిరి శంస పుష్పములు సౌష్టవ కాయలు గాంచి చెట్టుకున్

    ప్రత్యుత్తరంతొలగించు
    ప్రత్యుత్తరాలు
    1. గండూరి లక్ష్మినారాయణ గారూ,
      మీ పూరణ బాగున్నది. అభినందనలు.
      కడు+ఉత్తమ=కడు నుత్తమ... అవుతుంది. 'ఉల్లము పొంగి సంతసిల నుత్తమ...' అందామా?

      తొలగించు
  32. పల్లియ లోనను మావికి
    యల్లుకొనెను మల్లెతీగ లత్యధికముగా
    పిల్లడు కాయలఁగని యనె
    మల్లియ తీగియకుఁగలిగె మామిడి కాయల్

    ప్రత్యుత్తరంతొలగించు
    ప్రత్యుత్తరాలు
    1. అన్నపరెడ్డి సత్యనారాయణ గారూ,
      మీ పూరణ బాగున్నది. అభినందనలు.
      'మావికి। నల్లుకొనెను...' అనండి.

      తొలగించు
  33. కల్లలు గావుగా కలియుగంబున ! నెద్దియు గాదనంగ , నో
    తల్లి యవంగ వచ్చు గద తానుగ గర్భము దాల్చబోక; తా
    నల్లిన మామిడిన్ గలియ నచ్చెరు వొందగ నీ శతాబ్దిలో
    మల్లియ తీఁగకున్ గలిగె మామిడికాయలు మేలనన్ జనుల్

    ప్రత్యుత్తరంతొలగించు
    ప్రత్యుత్తరాలు
    1. భాగవతుల కృష్ణారావు గారూ,
      మీ పూరణ బాగున్నది. అభినందనలు.

      తొలగించు
  34. అస్త్రవిద్యా ప్రదర్శన నాఁడు..............

    సల్లలితాంగి బొందెనిదె చారు పరాక్రమ ధైర్యశాలి, రా
    జిల్లుచుఁ యుద్ధవిద్యలఁ సుశిక్షితుఁడాయెను రామ సేవలో
    నల్లదె గాంచు, కర్ణుని యటంచు బ్రజల్ వచియించు రీతియే
    మల్లియ తీఁగకున్ గలిగె మామిడికాయలు మేలనన్ జనుల్

    రామ = పరశురాముఁడు

    ప్రత్యుత్తరంతొలగించు
  35. అల్లన పూదోటలనా
    మల్లియె పెనవేసియల్ల మాయురె మరి మా
    మిళ్ళకు దోచెను మదికిన్
    మల్లియ తీఁగియకుఁ గలిగె మామిడికాయల్

    ప్రత్యుత్తరంతొలగించు
    ప్రత్యుత్తరాలు
    1. సంపత్ కుమార్ శాస్త్రి గారూ,
      మీ రెండు పూరణలు బాగున్నవి. అభినందనలు.
      మొదటి పూరణలో 'రామ సేవలో'...?

      తొలగించు

  36. తెల్లని పూవులు పూచెను
    మల్లియతీగియకు;గలిగె మామిడికాయల్
    పుల్లని రుచితోతరువున
    నుల్లము రంజిల్లసాగె నొకచో కనగా.

    ప్రత్యుత్తరంతొలగించు
    ప్రత్యుత్తరాలు
    1. డా. బల్లూరి ఉమాదేవి గారూ,
      మీ పూరణ బాగున్నది. అభినందనలు.

      తొలగించు