కవిమిత్రులారా,
ఈరోజు పూరించవలసిన సమస్య ఇది...
"తల్లికి మీసముల్ మొలిచెఁ దండ్రికి లే వది యేమి చిత్రమో"
లేదా...
"తల్లికి మీసములు మొలిచెఁ దండ్రికి లేవే"
ఈరోజు పూరించవలసిన సమస్య ఇది...
"తల్లికి మీసముల్ మొలిచెఁ దండ్రికి లే వది యేమి చిత్రమో"
లేదా...
"తల్లికి మీసములు మొలిచెఁ దండ్రికి లేవే"
రిప్లయితొలగించండిచల్లగ బుడతడు పుట్టెను
తల్లికి, మీసములు మొలిచెఁ దండ్రికి, లేవే
లల్లీ నీతమ్ము డితడు!
అల్లీ బిల్లీ యనంగ నాడుకొనమ్మా !
జిలేబి
జిలేబీ గారూ,
తొలగించండివిరుపుతో మీ పూరణ బాగున్నది. అభినందనలు.
'ఆడుకొనుమమ్మా' అనడం సరియైనది. అక్కడ 'ఆడుకొనంగన్' అనండి.
కల్లుకి బానిస మగడై
రిప్లయితొలగించండియిల్లు మరువ బూని సతియునిడుములకెదురై
పిల్లల బెంచగ వారల
తల్లికి మీసములు మొలిచెఁ దండ్రికి లేవే
కళ్యాణ్ గారూ,
తొలగించండికుటుంబాన్ని పోషించవలసిన తండ్రి పట్టించుకొనకుంటే తల్లి ఆ బాధ్యతను వహించి పురుషధర్మాన్ని పాటించిందన్న మీ పూరణ బాగున్నది. అభినందనలు.
'కల్లుకు' అనండి.
మంచి పూరణ
తొలగించండిమల్లేశ్వర రావు గారూ,
తొలగించండిధన్యవాదాలు!
ఉల్లము క్షోభిత మొందగ
రిప్లయితొలగించండితల్లికి మీసములు మొలిచెఁ , దండ్రికి లేవే
చెల్లని మాటలు దేనికి
కల్లలు పలుకంగ వలదు కలత పడంగా
అక్కయ్యా,
తొలగించండిసమస్యను చెల్లని మాటగా సమర్థించిన మీ పూరణ బాగున్నది. అభినందనలు.
'కలతపడంగన్' అనండి.
వల్లికి గేహ కాంతికినిబాసెను దీధితి స్త్రీ సువాదులున్
రిప్లయితొలగించండితల్లడ మందినారిచట దండ్రి యహంకృతి హెచ్చెపో యనన్
కల్లయెగాదె తండ్రి కొరగాని వినమ్రత నుల్లసిల్ల నా
తల్లికి మీసముల్ మొలిచె తండ్రికి లేవది యేమి చిత్రమో
తెల్లని దేహచ్ఛాయకు
రిప్లయితొలగించండివల్లె యన న్నాతికెన్ని వగ వాటికలో
చల్లనిచూపులకెగబడ
తల్లికి మీసములు మొలిచె దండ్రికి లేవే
పిట్టా సత్యనారాయణ గారూ,
తొలగించండిమీ రెండు పూరణలు బాగున్నవి. అభినందనలు.
'వగవాటిక'...?
క్రొవ్విడి వెంకట రాజారావు:
రిప్లయితొలగించండిఉల్లము నుల్లస బర్చగ
నల్లిన చిత్రమిదియెనని యాప్తుడు జూపన్
మెల్లగ నవ్వుచు నడిగితి
తల్లికి మీసములు మొలిచె దండ్రికి లేవే.
తల్లియె దండ్రిగ దండ్రియె
దల్లిగ మారిన నటనము దరిశించిన యా
పిల్లలు గురుతెరిగి ననున్
తల్లికి మీసములు మొలిచె దండ్రికి లేవే.
క్రొవ్విడి వేంకట రాజారావు గారూ,
తొలగించండిమీ రెండు పూరణలు బాగున్నవి. అభినందనలు.
'గురు తెరిగి యనన్' అనండి.
చెల్లని మాటల పతియును
రిప్లయితొలగించండిచెల్లించు కొనెడి సతియన చిలిపిగ లోకుల్
అల్లరి సేయుదు రీవిధి
తల్లికి మీసములు మొలిచెఁ దండ్రికి లేవే"
అశ్వత్థ నారాయణ మూర్తి గారూ,
తొలగించండిలోక పరిహాసంగా మీ పూరణ బాగున్నది. అభినందనలు.
తల్లి పుడమి పులకించగ
రిప్లయితొలగించండినల్లనిమేఘమ్ముతండ్రి నయముగ గురియన్
రెల్లు పొడమగా దోచెను
తల్లికి మీసములు మొలిచె తండ్రికి లేవే
కెంబాయి తిమ్మాజీ రావు గారూ,
తొలగించండిపుడమి తల్లికి రెల్లు మీసాలు... అద్భుతంగా ఉంది మీ పూరణ. అభినందనలు.
ఈ కామెంట్‌ను రచయిత తీసివేశారు.
తొలగించండిగురుదేవులకు ధన్యవాదములు
తొలగించండిగురుదేవులకు ధన్యవాదములు
తొలగించండిపిల్లడు బొమ్మలు గీసెను
రిప్లయితొలగించండితల్లియుదండ్రనుచు జూపె తన యక్కకు,నో
యల్లరివాడాయని యనె
"తల్లికి మీసములు మొలిచెఁ దండ్రికి లేవే!"
గోలి హనుమచ్ఛాస్త్రి గారూ,
తొలగించండితల్లికి మీసాలు పెట్టి పిల్లవాడు గీచిన చిత్రాన్ని గురించిన మీ పూరణ బాగున్నది. అభినందనలు.
"వందేహం గణనాయకమ్"పద్యాలను కవితా హృదయంతో ప్రకటించిన మాన్యులు శంకరయ్య గారికి హార్దిక నమస్సుమాంజలులు.
రిప్లయితొలగించండిఈ రోజు పూరణము.
మెల్లగ వచ్చిన మార్పున
తల్లికి మీసములు మొలిచె, దండ్రికి లేవే
కల్ల యిదికాదు మిత్రమ
తెల్లమగు నిట్టి విషయము తర్కింపంగన్
పొన్నెకంటి సూర్యనారాయణ గారూ,
తొలగించండిమీ పూరణ బాగున్నది. అభినందనలు.
అల్లన పుత్రుడు తేగా
రిప్లయితొలగించండిమెల్లగ మందును నెల పరిమితముగ వాడన్
నల్లగ మారెను కురులే
తల్లికి, మీసములు మొలిచె దండ్రికి, లేవే?
హనుమచ్ఛాస్త్రి గారూ,
తొలగించండికేశవర్ధిని తైలాన్ని గురించిన మీ పూరణ బాగున్నది. అభినందనలు.
అల్లాయేమీచిత్రము
రిప్లయితొలగించండితల్లికిమీసములుమొలిచెదండ్రికిలేవే
తల్లికిమీసములుండిన
దల్లులునికసాటియౌనుదండ్రులకిలలో
పోచిరాజు సుబ్బారావు గారూ,
తొలగించండిమీ పూరణ బాగున్నది. అభినందనలు.
పిల్లడి దక్షత ముదమౌ
రిప్లయితొలగించండితల్లికి, మీసములు మొలిచెఁ దండ్రికి, లేవే?
యెల్లలు సంతోషమునకు!
జిల్లా నేలెడు ప్రభుత్వ సేవకుఁడైనన్!!
గుండా వేంకట సుబ్బ సహదేవుడు గారూ,
తొలగించండివిరుపుతో మీ పూరణ చక్కగా ఉంది. అభినందనలు.
గురుదేవులకు ధన్యవాదములు.
తొలగించండిబల్లిదుడగు వేషంబని
రిప్లయితొలగించండిమెల్లగ రంగులు పులుముచు మీసము మరచెన్!
అల్లన క్షవరము మరచిన
తల్లికి మీసములు మొలిచెఁ; దండ్రికి లేవే!!
టేకుమళ్ళ వేంకటప్పయ్య గారూ,
తొలగించండిరంగస్థల నటుల విషయమై మీరు చేసిన పూరణ బాగున్నది. అభినందనలు.
తల్లికిమీసముల్ మొలిచెదండ్రికిలేవదియేమిచిత్రమో
రిప్లయితొలగించండియుల్లముతల్లడిల్లెమరియూర్పులువచ్చెనుజూడగానవి
న్దల్లికిమీసముల్ మొలిచితండ్రికిలేమికిగానగాభళా
యల్లదెయెట్టులీజరుగుహాభగవంతుడ!మాకయిప్పుడున్
సుబ్బారావు గారూ,
తొలగించండిమీ పూరణ బాగున్నది. అభినందనలు.
'...యెట్టులీ'?.. యెట్టులన్ అని ఉండాలనుకుంటాను.
గు రు మూ ర్తి ఆ చా రి
రిప్లయితొలగించండి,,,,,,,,,,,,,,,,,,,,,,,,,,,,,,
తల్లియు కూతురున్ మరియు త౦డ్రియు
…………… పోవుచు ను౦డ దారిలో
అల్లరి దొ౦గ బిడ్డ మెడ య౦దలి
……………… హారము లాగ , పట్టె నా
తల్లి చటుక్కున న్నతని | తాడన జేయుచు
………………… రక్కె వ్యాఘ్రి యై |
ై
తల్లికి మీసముల్ మొలిచె త౦డ్రికి
………… లే వది యేమి చిత్రమో !
{ వ్యాఘ్రి = ఆడ పులి }
గురుమూర్తి ఆచారి గారూ,
తొలగించండిపౌరుషాన్ని ప్రదర్శించిన తల్లిని గురించిన మీ పూరణ బాగున్నది. అభినందనలు.
ఫెళ్లని జవాబు లిచ్చెను
రిప్లయితొలగించండితల్లికి-మీసములు మొలిచె- తండ్రికి లేవే
కొల్లలుగ నప్పు ? లుండుట
కిల్లైనను లేదటంచు నిది యది వదరెన్
(మూతి మీద మీసాలు రాగనే అమ్మా నాన్నలని ఎదిరించేశాడు అనే ఒక లోకోక్తి)
ధనికొండ రవిప్రసాద్ గారూ,
తొలగించండిమీ పూరణ వైవిధ్యంగా ఉంది. అభినందనలు.
పిల్లతనమ్ము దాటి యిక పెద్దగ సుద్దులు నేర్పుచుండెగా
రిప్లయితొలగించండితల్లికి ! మీసముల్ మొలిచె , తండ్రికి లే వది యేమి చిత్రమో
ఇల్లును నాస్తిపాస్తులని యెంతయు గేలి యొనర్చె బాపురే
పిల్లలు పిల్లలట్లు కనుపింపరుగా ! కలికాల మియ్యదే.
(పిల్లవానికి కాస్త మూతి మీద మీసాలు రాగానే అమ్మా నాన్నలకి వంకలు పెట్టటం నేర్చాడనే లోకోక్తి )
రవిప్రసాద్ గారూ,
తొలగించండికందంలో చెప్పిన భావాన్నే విస్తరించి వృత్తంలో చక్కగా చెప్పారు. బాగుంది పూరణ అభినందనలు.
ధన్యవాదం సర్ !
తొలగించండికల్లయ సుమ్మి మానినులు గాతరు లన్న చరిత్ర లందునన్
రిప్లయితొలగించండివెల్లువ లయ్య గాధ లిల వీర వరేణ్య లతాంగు లెన్నగం
బిల్లి యనంగఁ దాఁ దగదు పెక్కులు ధైర్యము సాహసమ్ములుం
దల్లికి, మీసముల్ మొలిచెఁ దండ్రికి లే వది యేమి చిత్రమో
వెల్లువగ కేశ సంపద
తల్లికి, మీసములు మొలిచెఁ దండ్రికి, లేవే
పిల్లకు రెండును వింతగ
మెల్లగ రావచ్చు నేమొ మీద శిరమునన్
పోచిరాజు కామేశ్వర రావు గారూ,
తొలగించండిమీ రెండు పూరణలు బాగున్నవి. ముఖ్యంగా రెండవది అత్యుత్తమంగా ఉంది. అభినందనలు.
పూజ్యులు శంకరయ్య గారికి వందనములు. ధన్యవాదములు.
తొలగించండిvery nice.
తొలగించండికల్లయుగాదు సత్యమిది కంఠముబల్కు మగాడిరీతిగా|
రిప్లయితొలగించండితల్లికి మీసముల్ మొలిచె|తండ్రికి లేవది యేమిచిత్రమో?
పిల్లికిజూడగా గలవు పిల్లల తండ్రికి లేకపోవుటా?
అల్లరి మేనకోడలన ?అంతరమందున వేదనేగదా? {కొన్నిలోపాలతోఅలాజరుగుటతక్కువఐనాతప్పుగాదు}
2.పిల్లలు నాటకమునుగని
తల్లికి మీసములు మొలచె|తండ్రికి లేవే?
మెల్లగ అన్నను నడుగగ?
చెల్లీ వేషముల యందు చెల్లు నదంతే.
ఈశ్వరప్ప గారూ,
తొలగించండిమీ రెండు పూరణలు బాగున్నవి. అభినందనలు.
పెల్లున మాటలు సడలగ
రిప్లయితొలగించండితల్లికి, మీసములుమొలిసె తండ్రికి, లే వే
యెల్లలు నాకంచు తలచి
యెల్లెడలను తిరుగుచుండె హేలగ ధృతితో
అన్నపరెడ్డి సత్యనారాయణ రెడ్డి గారూ,
తొలగించండిమీ పూరణ బాగున్నది. అభినందనలు.
'మొలిచె..'
చెల్లగు జడ కురుచ బడియె
రిప్లయితొలగించండితల్లికి! మీసములు మొలిచె తండ్రికి! లేవే
ఎల్లలు క్రొత్త దనమునకు!
పిల్లల కూడి నడచుటయె పెద్దఱికమగున్!
(ఆ తరం తల్లులకు జడలుండేవి, తండ్రులకు మీసాలుండేవి కావు - అదే కుటుంబంలోని ఈ తరం తల్లులకు పొట్టి జుట్లు, తండ్రులకు మీసాలు వచ్చేశాయి. క్రొత్త దనం తెచ్చే మార్పులను పిల్లల వలెనే పెద్దలు కూడా ఆమోదించాలి, అదే పెద్దఱిక మవుతుంది).
శ్రీధర రావు గారూ,
తొలగించండిమీ పూరణ బాగున్నది. అభినందనలు.
అల్లరి పనులను జేసెడి
రిప్లయితొలగించండిలల్లియె నొక బొమ్మవేసి రష్మికి జూపన్
గొల్లుమని నవ్వి యిట్లనె
తల్లికి మీసములు మొలిచె తండ్రికి లేవే?
వ్యాపారి మాటలు...
నల్లని కేశములమరెను
తల్లికి, మీసములుమొలిచె తండ్రికి, లేవే
వెల్లువగ కురులు బాబుకు
చల్లని తైలంబొసగెద చౌకగ గొనుడీ!!!
శైలజ గారూ,
తొలగించండిమీ రెండు పూరణలు బాగున్నవి. ముఖ్యంగా రెండవది ప్రశస్తంగా ఉంది. అభినందనలు.
'లల్లియె యొక...' అనండి.
చల్లని మానసమది, మా
రిప్లయితొలగించండితల్లికి, మీ సములు, మొలిచె తండ్రికిలే, వే
రొల్లక నుల్లము నందున
నెల్లలు లేకా మమతల నేమందునిలన్!
మొలచు=అంకురించు
శిష్ట్లా శర్మ గారూ,
తొలగించండిమీ పూరణ బాగున్నది. అభినందనలు.
గురువు గారికి నమస్సులు....."చల్లని మనసున్నది మా/తల్లికి...."అంటాను.
తొలగించండిబాగుంది...
తొలగించండిపిల్లలు లేక మ్రొక్కులని, పేరుగడించిన తీర్ధయాత్రలన్
రిప్లయితొలగించండితల్లిని జేయ నేగుచునె, దర్శనమొందగ వైద్యు, డామెకున్
చల్లగ దెల్పె పూరుషుని చక్కని లక్షణమున్నదంచు, చిం
తల్లికి మీసముల్ మొలిచెఁ దండ్రికి లే వది యేమి చిత్రమో
నిన్నటి దత్తపదికి నా పూరణ
తనరె మన కధలు సదా నవగాధలే,
రామదాసు రగిలె రాముఁపైన
వింటివా నరకము నంటె నసురుడని
వినర భక్తి గదుర వింత కథను !
భాగవతుల కృష్ణారావు గారూ,
తొలగించండిమీ రెండు పూరణలు బాగున్నవి. అభినందనలు.
ఈనాటి పూరణలో 'చిన్న+తల్లి' చింతల్లి కాదు.
పల్లెను పడ్చువాడు పడు పాట్లను జూచిన వారు జెప్పగా
రిప్లయితొలగించండినుల్లము నందు యోచనలు నుబ్బె కుమారుని పెండ్లి చేయ నా
తల్లికి, మీసముల్ మొలిచెఁ , దండ్రికి లే వది యేమి చిత్రమో
పిల్లల మంచి చెడ్డలను బ్రేమగ చూచును తల్లియే కదా
గండూరి లక్ష్మినారాయణ గారూ,
తొలగించండిమీ పూరణ బాగున్నది. అభినందనలు.
మల్లయది పేడిమూతియె
రిప్లయితొలగించండియల్లతనికి పైడితల్లి యనుఁగు కొమరుఁడౌ
నెల్లరు 'తల్లీ!' యందురు,
తల్లికి మీసములు మొలిచెఁ దండ్రికి లేవే!
మల్లయ యన్న రైతు జనమాన్యుఁడు సౌమ్యుఁడు పేడిమూతితో
రిప్లయితొలగించండినెల్లపు డుండువాఁ డతని కాత్మజుఁ డొక్కఁడు పైడితల్లి పే
రెల్లరు వానిఁ దల్లి యని యెంతయొ ముద్దుగఁ బిల్చుచుందు రా
తల్లికి మీసముల్ మొలిచెఁ దండ్రికి లే వది యేమి చిత్రమో!
అద్భుతం గురువుగారూ.
తొలగించండిధన్యవాదాలు మిస్సన్న గారూ!
తొలగించండిచాల బాగున్నాయి గురువు గారు!
తొలగించండిసుమలత గారూ,
తొలగించండిధన్యవాదాలు.
బల్లికి,నల్లికి లేనివి
రిప్లయితొలగించండిపిల్లికి మీసములు మొలిచె|తండ్రికిలేవే?
పిల్లికి వేటాడుటకై
మెల్లన వాసనలు బంచ?మెక్కుటకొరకై|
2.చెల్లును కృష్ణరాయలకు చిక్కని చక్కనిమీసముల్ సుమా|
చెల్లున నల్లనయ్య కవి?చేడియ ముద్దులకడ్డమంచు.యే
తల్లికి మీసముల్ మొలిచె?తండ్రికి లేవది యేమి చిత్రమో?
అల్లన కృష్ణు డెంచె నట ఆశనిరాశల మూల మౌ ననిన్.
ఈశ్వరప్ప గారూ,
రిప్లయితొలగించండిమీ మొదటి పూరణలో తల్లిని పిల్లిని చేశారు. దానివల్ల యతి తప్పింది.
రెండవ పూరణలో భావం సందిగ్ధంగా ఉంది.
కల్లలు కాదు బావ తన కన్నుల జూచె నుగాండ లోన నే
రిప్లయితొలగించండిపిల్లయు తండ్రినిం దనకు పెద్దగ నెంచదు కన్నవారిలో
తల్లియె సర్వశక్తి మయి తండ్రికి మాన్యత నాస్తి చూడగా
తల్లికి మీసముల్ మొలిచెఁ దండ్రికి లే వది యేమి చిత్రమో!
(క్షమించాలి. కేవలం పూరణ కోసం మాత్రమే ఈ ఆరోపణ)
మిస్సన్న గారూ,
తొలగించండిమీ పూరణ బాగుంది. అభినందనలు.
ఐనా 'ఉగాండా' దాకా ఎందుకు వెళ్ళినట్టు?
హహహ గురువుగారూ మనవాళ్ళని అనే ధైర్యం లేదు.
తొలగించండినల్లని కేశములు గలవు
రిప్లయితొలగించండితల్లికి; మీసములు మొలిచె దండ్రికి; లేవే
పిల్లల కని సందియ పడ
మెల్లగ నవి వచ్చుననుచు మెలతయు పలికెన్.
పిన్నక నాగేశ్వర రావు గారూ,
తొలగించండివిరుపుతో మీ పూరణ బాగున్నది. అభినందనలు.
పల్లెన జీవనమ్ము పెను భారము తెల్పగ శక్యమే నిలన్
రిప్లయితొలగించండితెల్లని మల్లెలన్ ముడువ తీరిక యన్నది చిక్కబోవదా
తల్లికి, మీసముల్ మొలుచు తండ్రికి లేవది యెంతచిత్రమో
అల్లన గాంచినన్ క్షవరపంగడు లుండవు క్రోసు దవ్వునన్
ఢిల్లికి రాజైన కొడుకె
తల్లికి, మీసములు మొలిచె దండ్రికి, లేవే
యెల్లలిక,గర్వముపెరిగె
ముల్లెలు సాధించనెంచి మురిపము పెరిగెన్
విరించి గారూ,
తొలగించండిమీ రెండు పూరణలు బాగున్నవి. అభినందనలు.
ఆర్యా
రిప్లయితొలగించండివగల రాణి అంటే అందాల రాణి ఐనప్పుడు వగ వాటిక beauty parlour
Beauty parlours లోకి వెళ్ళి నందువల్ల ఆ అపచారం దాపురించింది.కెమికల్సు కారణం.
రిప్లయితొలగించండివగ అంటే దుఃఖం. విలాసం, శృంగార చేష్ట అనే అర్థాలు కూడా ఉన్నాయి. వగలాడి అంటే విలాసవతి లేక మాయలాడి. కాని అందగత్తె అని కాదు. మీరన్నట్టు ఒప్పుకున్నా అక్కడ వగల వాటిక అనవలసి ఉంటుంది.
తొలగించండిమెల్లగ కాంగ్రెసున్ విరిచి మేలు ప్రధానిగ నెన్నికౌచునున్
రిప్లయితొలగించండిచల్లగ పాకినిన్ విరిచి చక్కగ రెండగు ముక్కలౌచునున్
గొల్లున జైలునన్ విసిరి గొప్పగ నేతల;...నిందిరమ్మయౌ
తల్లికి మీసముల్ మొలిచెఁ దండ్రికి లే వది యేమి చిత్రమో!