కవిమిత్రులారా,
ఈరోజు పూరించవలసిన సమస్య ఇది...
జనకునిఁ దిట్టె నాత్మజుఁడు చయ్యనఁ గార్చుచు మోదబాష్పముల్"
లేదా...
"జనకుని దూషించె సుతుఁడు సజల నయనుఁడై"
ఈరోజు పూరించవలసిన సమస్య ఇది...
జనకునిఁ దిట్టె నాత్మజుఁడు చయ్యనఁ గార్చుచు మోదబాష్పముల్"
లేదా...
"జనకుని దూషించె సుతుఁడు సజల నయనుఁడై"
తల్లిని చంపివేయమన్న జమదగ్నితో అతని పుత్రుడు (పరశురామౌని అన్న) అంటున్న మాటలు
రిప్లయితొలగించండి"వినవయ్య న్యాయమాయిది?
కనిపెంచినతల్లినిటుల కాఠిన్యముతో
డ నరకమనుట?" యనుచునా
జనకుని దూషించె సుతుఁడు సజల నయనుఁడై ॥
గూడ రఘురామ్ గారూ,
తొలగించండిమీ పూరణ బాగున్నది. అభినందనలు.
గూడ రఘురామ్ గారూ,
తొలగించండిమీ పూరణ బాగున్నది. అభినందనలు.
క్రొవ్విడి వెంకట రాజారావు:
రిప్లయితొలగించండిఅనయము జూదము నాడుచు
జననిని నడపక కలంచు సంగతి వినగన్
కనలుచు రయమున కాలిడి
జనకుని దూషించె సుతుడు సజల నయనుడై.
అనువుగ సేవలు జేయుచు
రిప్లయితొలగించండితనక్షేమము జూచు కొనక తనరెడు తల్లిన్
కనికరము జూప నోచని
జనకుని దూషించె సుతుఁడు సజల నయనుఁడై.
ఘనతర మాంగ్లభాషయగు గావున నేర్వు మటంచు బంప నా
రిప్లయితొలగించండిదినమున కక్ష్యలో సఖులు దెల్పిన “ఫూల”ను మాట బల్కుచున్
జనకుని దిట్టె నాత్మజుడు, చయ్యన గార్చుచు మోదబాష్పముల్
తనయుని మెచ్చె తండ్రి విని తాను నిరక్షరకుక్షి కావునన్.
హ.వేం.స.నా.మూర్తి.
మనమున మోదమో యువతి మన్నన గొన్న బ్రియంపు గెల్పు తా
రిప్లయితొలగించండిమనయము గూర్చు పెళ్ళిలును యయ్యల పూర్ణ తిరస్కరోద్ధతుల్
గనుగొని యింటనుండకని గట్టిగ శాసన మివ్వబల్కు నా
జనకుని దిట్టె నాత్మజుడు చయ్యన గార్చుచు మోద బాష్పముల్
ఆ అజ్ఞాత p.Satyanarayana..విధి లేక ఇలా తెల్పుకోవలసి వచ్చింది.నా పేరుళ తొలగించ లేదు కదా
రిప్లయితొలగించండితనతండ్రిని నపహర్తలు
రిప్లయితొలగించండికొనిపోవగ వారిజేరి కోరిన యట్టుల్
ధనమిడి తిట్టుమటన్నను
జనకుని దూషించె సుతుడు సజలనయనుడై.
హ.వేం.స.నా.మూర్తి.
తనకొక్క గొప్ప కొల్వుకు
రిప్లయితొలగించండిగనె నొక యుత్తర్వు కొడుకు గాంభీర్యమునన్
తిని త్రాగి ఖర్చులొసగని
జనకుని దూషించె సుతుడు సజల నయనుడై
మనమున ప్రేమ జూపకను మానిని చేతను సేవలందుచున్
రిప్లయితొలగించండిఘనముగ జూద మాడుచును కానని మైకము నందురేపవల్
మునుగుచు నాలుబిడ్డలకు మోమును జూపక దాట వేయునా
జనకునిఁ దిట్టె నాత్మజుఁడు చయ్యనఁ గార్చుచు మోద భాష్పముల్
కవిమిత్రులారా,
రిప్లయితొలగించండినమస్కృతులు.
రాజమండ్రి ప్రయాణంలో ఉన్నాను. నిన్నటి వలెనే పరస్పర గుణ దోష విచారణ చేసికొన వలసిందిగా మనవి.
రాజమండ్రిలో బ్లాగు మిత్రులు ఎవరైనా కలిసే అవకాశం ఉందా?
తన వ్యసనము విడలేదని
రిప్లయితొలగించండిజనకునిదూషించెసుతుడు;సజలనయనుడై!
తన తల్లి కడను చింతిలె
వినయమ్మున బాధ దెలిపి విహ్వలమందెన్!
తన నాథుఁడు నొరుగఁ జెలఁగి
రిప్లయితొలగించండిగొనసాగుచు సత్య రణిని గూల్చఁగ నరకున్
తన జనని చేతఁ బడుచున్
జనకుని దూషించె సుతుఁడు సజల నయనుడై!
రిప్లయితొలగించండికనెను భరతుడు మృతుండై
జనకుని; దూషించె సుతుడు జలనయనుండై
తనతల్లి కైకను; వెడలె
తనయన్ననుగాన; వెంట తరలె పురజనుల్ !
జిలేబి
జనకుని గాంచిన ముదమును,
రిప్లయితొలగించండితనజననిఁ విటపి కినంప, తాపము లొదవన్
మనసు వికలమైన తరిన్
జనకుని దూషించె సుతుడు(లవుడు/కుశుడు)సజలనయనుడై
జనకుని గాంచిన ముదమును,
రిప్లయితొలగించండితనజననిఁ విటపి కినంప, తాపము లొదవన్
మనసు వికలమైన తరిన్
జనకుని దూషించె సుతుడు(లవుడు/కుశుడు)సజలనయనుడై
అనవరతంబు నాటల మహాద్భుత నైపుణ మున్న యట్టి నీ
రిప్లయితొలగించండితనయుని కోర్కి తీర్చుమని దానట నుండగ మేనమామయే
జనకునిఁ దిట్టె, నాత్మజుఁడు చయ్యనఁ గార్చుచు మోదబాష్పముల్
మనమున సంతసించుచును మన్నన సేసెను తండ్రి నింపుగన్
వనచర సైన్యము తోడుగ
వననిధి చెంతకుఁ జని రఘు వంశజు డంతం
దను వేడగఁ బలుకని శశి
జనకుని దూషించె సుతుఁడు సజల నయనుఁడై
[సుతుడు = రాజు]
మనుజుల లోన రాక్షసుడు మంచితనమ్ముయు మానవత్వమున్
రిప్లయితొలగించండివినయము లేని వాడొకడు
విజ్ఞత వీడుచు కొట్టబోవగా
జనకుని , దిట్టె నాత్మజుడు, చయ్యన కార్చుచు మోదబాష్పముల్
తనయుని కౌగిలించుకునె తండ్రి విచారము వీడి ప్రేమతో
కనికరము లేక తాతను
రిప్లయితొలగించండిననాథగా విడిచి పెట్టి నన్నము వె
ట్టని నిర్దయ దౌర్భాగ్యపు
జనకుని దూషించె సుతుఁడు సజల నయనుఁడై
ధనపంపకమున జ్ఞాతియె
రిప్లయితొలగించండిజనకుని దూషించె, సుతుడు సజల నయనుడై
వినయము వీడక పలికెను
కనికరమును మానుటేల కయ్యమ్మేలన్
అనయము ద్రాగుట వలనన
రిప్లయితొలగించండిజనకుని దూషించె సుతుడు ,సజలన యనుడై
తన దండ్రికి వినిపించెను
దన బాధను బూర్తి గాను దపనత తోడన్
లక్ష్మణుడు దశరథుని దూషించాడని తెలుపుతూ
రిప్లయితొలగించండివనవాసమె తప్పదనుచు
జననికి వివరమ్ము దెలుపు జానకి రామున్
గనుచును బాధపడుచు తమ
జనకుని దూషించె సుతుడు సజలనయనుడై
కనికరము చూపకుండగ
రిప్లయితొలగించండిననుచితములు పలుకునట్టి యబలను సతిగా
తన కంటగట్టి యుండిన
జసకుని దూషించె సుతుడు సజలనయనుడై
హ.వేం.స.నా.మూర్తి.
గు రు మూ ర్తి ఆ చా రి
రిప్లయితొలగించండి,,,,,,,,,,,,,,,,,,,,,,,,,,,,
" అనుదిన మిటు ద్రాగి , యి౦టి
…………… కరుదె౦చి , అమ్మను తిట్టి
యనుచిత౦బుగ , కొట్ట నేల
…………… నయ్య నీ " వని నిష్ఠురముగ
జనకుని దూషి౦చె సుతుడు ||
………………… సజలనయను డైన త౦డ్రి
మునిగి - పశ్చాత్తాప స౦ద్ర
……….. మున " మారెద " నని హామి నిడె
ి
కం.కనగా లేని వికర్ణుడు
రిప్లయితొలగించండితన వారలు మదము తోడ ద్రౌపది నట్లున్
వెనుకాడక వేధించుట
జనకుని దూషించె సుతుడు సజల నయనుడై.
అనయము మద్యము త్రాగుచు
రిప్లయితొలగించండిధనమును వ్యర్థమును చేసి ధరలో తిరుగన్
జననియు నేడ్వగ గనియా
జనకుని దూషించె సుతుడు సజలనయనుడై.
కవిమిత్రులకు నమస్కృతులు. రాజమండ్రిలో అవధానం జరిగే మహిళా సంస్కృత కళాశాల చేరుకున్నాను. అవధానం సాయంత్రం నాలుగు గంటలకు ప్రారంభమవుతుంది.
రిప్లయితొలగించండిగురువు గారూ మీ సాహాిత్యాభిలాష సాహితీ సేవలు మహాద్భుతం
తొలగించండిఅవధాన కార్యక్రమము దిగ్విజయంగా జరగాలని అభినందనలతో దీవించి అక్క
తొలగించండిగురువుగారికి వందనములు....
తొలగించండిఅవధానము దిగ్విజయముగా జరగాలని అభిలషిస్తున్నాను
అవధాన విశేషాలను తెలియపరచాల్సిందిగా ప్రార్థన.
దినమును రాత్రి శ్రమించుచు
రిప్లయితొలగించండితనయుని కనురతిని బంచు దనుజుడె యనుచున్
మనమున కూరిమి తోడుత
జనకుని దూషించె సుతుడు సజల నయనుడై!
తనయుడు వలచిన యువతిని
మనమున నొల్లక మఱియొక మానిని తోడన్
మనువు తలబెట్ట జననిని,
జనకుని దూషించె సుతుడు సజల నయనుడై!
(రెండవ పద్యంలోని మూడవ పాదంలో 'జననిని ' సరిపోయిందా కాదంటే 'వగచుచు ' అంటాను. దయచేసి సందేహ నివృత్తి చేయ గోరుతాను. ధన్యవాదములు.)
వినక బుధుల మాటలు చను
రిప్లయితొలగించండిజనకుని దూషించె సుతుడు, సుజల నయనుడై
ఘనుడగు తన పెదనాన్నను
మనసార స్తుతించె నతడు మాన్యుండంచున్
జనకుడు మద్యపు మక్కువ
రిప్లయితొలగించండిజననిని హింసించ నామె జడియుచు నేడ్వన్
జననిని యోదార్చుచు తన
జనకుని దూషించె సుతుడు సజల నయనుడై.
మొదటి పాదం సవరణ :--
తొలగించండిజనకుడు మద్యపు మత్తున.....
అని చదువుకు ప్రార్ధన.
అనయము తల్లి దూఱుచును హద్దులు మీరి వసించ, క్రుద్ధుడై
రిప్లయితొలగించండిజనకునిఁ దిట్టె నాత్మజుడు, చయ్యనగార్చుచు మోద భాష్పముల్
తనకు సహాయ మిచ్చిన ప్రదాత స్తుతించె, కరమ్ము తుష్టితో
ఘనుడగువాని యాదరణ కమ్మని జీతముసంతరించగన్
జీతముః జీవితము
హిరణ్యకశిపుఁడు ప్రహ్లాదుని ఎదుట విష్ణుమూర్తిని పరిహసించడము ..........
రిప్లయితొలగించండికనఁబడనట్టి వానినిఁ జగంబునఁ గొల్వఁగ నేమి సత్ఫలం
బనిమిష నాథుఁడెట్టి పరమాత్ముఁడు భీరుఁడటంచునా జగ
ద్జనకునిఁ దిట్టె, నాత్మజుఁడు చయ్యనఁ గార్చుచు మోదబాష్పముల్
గొనకొని నామకీర్తనల గొల్చిన గన్పడునంచు దెల్పెనే.
వినయ విహీనుడై యిల వివేకము లేక ను దూరు చుండెడు
రిప్లయితొలగించండిన్జ నకుని దిట్టె నాత్మజుడు, చయ్యన గార్చుచు మోద బా ష్పము
ల్ననయము దేవదేవుడు ,మహాత్ముడు శంకరుగొల్చు నెప్పుడు
న్ననుదిన మారవీంద్రుడు మమైక పు దృష్టి ని రాజితంబుగన్
రామచంద్రుని వనవాస వార్త విన్న భరతుఁడు ఆవేశముతో పల్కినట్లుగా........ ( వాల్మీకి రామాయణములో ఉందో లేదో తెలియదు )........
రిప్లయితొలగించండితనయన్న రామచంద్రుని
వనములపాల్జేయ ధర్మవర్తనమగునే
కనికరము సుంతలేదని
జనకుని దూషించె సుతుఁడు సజల నయనుఁడై
సంపత్ కుమార్ శాస్త్రి గారు భరతునికి రామచంద్రుని వనవాసము గురించి తెలిసినప్పుడు దశరథు డిహ లోకములో లేడు కద.
తొలగించండిశ్రీకామేశ్వరరావుగారికి వందనములు. ఎక్కడో విన్నట్లుగా ఉంటే ఆవిధంగా వ్రాసినాను. మీ సూచనమేరకు నా పద్యపూరణను ఉపసంహరిస్తున్నాను
తొలగించండిశ్రీకామేశ్వరరావుగారికి వందనములు. ఎక్కడో విన్నట్లుగా ఉంటే ఆవిధంగా వ్రాసినాను. మీ సూచనమేరకు నా పద్యపూరణను ఉపసంహరిస్తున్నాను
తొలగించండిసంపత్ కుమార్ శాస్త్రి గారు నమస్సులు. పరవాలేదు. మరియొక పూరణ చేయండి. మీ పూరణలు మనోహరముగా ఉంటాయి.
తొలగించండికనుగొన లేకఁ దండ్రియని గాథయు నాతని దంచు పిన్నలై,
రిప్లయితొలగించండియనలము నందు సీత జను యంశము జెప్పుచు గాన గంగలో
మునిగి, కనిష్ఠుడా లవుడు,ముఖ్యుడు కావ్యకథా గ్రగణ్యుడౌ
జనకునిఁ దిట్టె నాత్మజుఁడు చయ్యనఁ గార్చుచు మోదబాష్పముల్
తనయావదాస్తి సానికె
రిప్లయితొలగించండియొనగూర్చిన విటుని ఋజకు నున్మత్తతకున్
జనని మనోవేదన గని
జనకుని దూషించె సుతుఁడు సజల నయనుఁడై
అనవరతము మద్యంబే
రిప్లయితొలగించండిమనుగడగా నెంచినట్టి మౌన వ్రతునిన్
క్షణమాలోచించుమనియు
జనకుని దూషించె సుతుడు సజల నయనుడై|
2.ధనమె ప్రధాన మైనదని దానవతత్వము నమ్మియున్నచో
మనుగడ మానవత్వమును మంటను జేర్చుటె|”మంచిబెంచు టౌ
దినసరి జీవితాశయమె|దివ్యమటంచును దెల్ప బూనియే
జనకుని దిట్టె “నాత్మజుడు చయ్యన గార్చుచు మోద భాష్పముల్.
ఈ కామెంట్‌ను రచయిత తీసివేశారు.
రిప్లయితొలగించండిసవరణ:- మొదటి పాదంలో....
రిప్లయితొలగించండిజనకుడు మద్యపు మత్తున...అని
చదువ ప్రార్ధన.
తనమేనమామ యెత్తుక
రిప్లయితొలగించండివినునట్టుగ తండ్రినేమొ వేడ్కను వెధవా
యనమన ముద్దుగ నట్టులె
జనకుని దూషించె సుతుఁడు సజల నయనుఁడై.
వనరెను భరతుడు దలచుచు
రిప్లయితొలగించండిజనకుని, దూషించె సుతుడు సజలనయనుడై
జననిని, యన్నగు రాముని
వనముల పాల్జేసినట్టి పాతకి యనుచున్!!!
తినగను తిండి లేదిటను త్రిప్పలు బెట్టుచు క్షుత్తు మండెనే
రిప్లయితొలగించండికనగను జాబు లేదిటను గంటలు గంటలు రోయ పేపరున్
పనియును పాట లేకనె గభాలున నెందుకు నన్ను కంటివన్
జనకునిఁ దిట్టె నాత్మజుఁడు చయ్యనఁ గార్చుచు మోదబాష్పముల్
"Amitabh Bachan to his father"
https://m.youtube.com/watch?v=NJU4nPI2u50