కవిమిత్రులారా,
ఈరోజు పూరించవలసిన సమస్య ఇది...
"ప్రాణములను గొనెడువాఁడు పరమాత్ముండౌ"
లేదా...
"వారక ప్రాణముల్ గొనెడువాఁడు గదా పరమాత్ముఁ డన్నచో"
ఈరోజు పూరించవలసిన సమస్య ఇది...
"ప్రాణములను గొనెడువాఁడు పరమాత్ముండౌ"
లేదా...
"వారక ప్రాణముల్ గొనెడువాఁడు గదా పరమాత్ముఁ డన్నచో"
క్రొవ్విడి వెంకట రాజారావు :
రిప్లయితొలగించండిక్షోణిని ప్రాణుల నలపుచు
శోణము జుఱ్ఱుచు నెగడెడి సోకుల నెంతన్
క్షీణము జేయగ వారివి
ప్రాణములను గోనెడివాడు పరమాత్ము0డౌ.
(సోకులు= రాక్షసులు)
క్రొవ్విడి రాజారావు గారూ,
తొలగించండిమీ పూరణ బాగున్నది. అభినందనలు.
'ప్రాణుల నలుపుచు... వారల ప్రాణములను...' అనండి.
ఈ కామెంట్‌ను రచయిత తీసివేశారు.
రిప్లయితొలగించండిఅనాధ శరణాలయాలను నడుపుతున్న పరమాత్ములు ...
తొలగించండిఏ నాధుడు లేక పసి
ప్రాణులు నకములను జూపు బ్రతుకులు బతికెన్,
దీనుల నాదుకొనుట కా
ప్రాణములను గొనెడువాఁడు పరమా త్ముండౌ
పొలిమేర మల్లేశ్వర రావు గారూ,
తొలగించండిమీ పూరణ బాగున్నది. అభినందనలు.
'పసి ప్రాణులు' అన్నపుడు 'సి' గురువు కాదు. 'లేకను పసి। ప్రాణులు నరకమును జూపు బ్రతుకులు బ్రతుకన్..' అనండి.
పసిప్రాణులు సమాసము అనుకున్నానండి .. తెలిసింది, ధన్యవాదములు
తొలగించండి
రిప్లయితొలగించండిప్రాణముల నిచ్చు వాడును,
ప్రాణములను గొనెడువాఁడు పరమాత్ముండౌ,
ప్రాణపు ప్రాణము నతడే
ప్రాణము నాదని జిలేబి పలికెద వేలా !
జిలేబి
ప్రాణముల నిచ్చు వాడును
తొలగించండిప్రాణములను గొనెడువాఁడు పరమాత్ముండౌ
బాగుందండీ...
తొలగించండిగోలి వారు
నమో నమః !
జిలేబి
జిలేబీ గారూ,
తొలగించండినిజంగా ఈనాటి మీ పూరణ అద్భుతంగా ఉంది. అభినందనలు.
అవునండి. చాలా ప్రశస్తమైన పూరణ.
తొలగించండిక్షమాపణలతో, నిన్నటి సమస్యకు పూరణ
రిప్లయితొలగించండిస్ఫూర్తిన్నిచ్చెడు కావ్యపద్మములఁదాఁబూయించి మెప్పించుచున్
ఆర్తత్రాణవిశేష భావనల భవ్యంబైన గేయంబులన్
కర్తవ్యంబుల బోధసేయు రచనల్గావించి యాసాహితీ
మార్తాండుం డుదయాద్రిఁ గ్రుంకె నదిగో మధ్యాహ్నకాలంబునన్"
మహాకవి శ్రీశ్రీ స్వర్గ ప్రస్థానం విషయం
అశ్వత్థ నారాయణ మూర్తి గారూ,
తొలగించండిమీ పూరణ బాగున్నది. అభినందనలు.
కోరిక దీర జన్మమును గూర్మి నొసంగి యనేక బంధముల్
రిప్లయితొలగించండిచేరగ జూచి సౌఖ్యముల సిద్ధిని జూపుచు జీవనాఖ్యమౌ
తీరగు నాటకంబునను దీర్చిన పాత్ర ముగించువేళలో
వారక ప్రాణముల్ గొనెడువాడు గదా పరమాత్ముడన్నచో.
(వారక=ఎల్లప్పుడు) హ.వేం.స.నా.మూర్తి.
హరి వేంకట సత్యనారాయణ మూర్తి గారూ,
తొలగించండిమీ పూరణ ప్రశస్తంగా ఉంది. అభినందనలు.
ప్రాణుల కీభువి నెవ్వడు
రిప్లయితొలగించండిజాణతనపులీల జూపి జన్మలనిచ్చున్
ఖాణమునిచ్చును, వాడే
ప్రాణములను గొనెడు, వాఁడు పరమాత్ముండౌ"
అశ్వత్థ నారాయణ మూర్తి గారూ,
తొలగించండిమీ పూరణ బాగున్నది. అభినందనలు.
శోణితమును మాంసమునిడి
రిప్లయితొలగించండిరాణగ నొక యాత్మ దాన రాజిల నార్త
త్రాణుడనని బిరుదందియు
ప్రాణములను గొనెడువాడు పరమాత్ముండౌ
ఊరక యోగనిద్ర నటు యూపిరి బోసియు జీవరాశి కే
రిప్లయితొలగించండిపారగ యాటలాడుకొన బారు నిదాన నకర్మకక్రియన్
వారణ జేయ లేని గతి వాడిన బొమ్మల బాల క్రీడలన్
వారక ప్రాణముల్ గొనెడు వాడు గదా పరమాత్ముడన్నచో
పిట్టా సత్యనారాయణ గారూ,
తొలగించండిమీ రెండు పూరణలు బాగున్నవి. అభినందనలు.
'ఏపారగ నాటలాడుకొన..' అనండి.
రేణువులో చేతన, పా
రిప్లయితొలగించండిషాణములోనైనమార్పు సాధ్యమొకనికే!
వేణువుతో మధురముగా
"ప్రాణములను గొనెడువాఁడు పరమాత్ముండౌ"
నిన్నటి సమస్య:
తొలగించండిఆర్తిన్ బాసెను పద్మమెవ్వడిలలో నాత్మీయుడై వచ్చుచో?
పూర్తై పోయె దినమ్ముఁ గొంత తడవై పోయెన్ సుమా!సూర్యుడో?
గుర్తై సూర్యుడు నిల్చు నిప్పుకొలిమై ఘోషింతురే వేళలో?
మార్తాండుండుదయాద్రిఁ; గ్రుంకెనదిగో; మధ్యాహ్నకాలంబునన్"
కోరక కీడు నెవ్వరికి కూర్చెద రెవ్వరు మంచి నెప్పుడా
తొలగించండితీరుననున్న వారలకు దిక్కుగ నిల్చెడు వాడు దేవుడౌ
నేరము వృత్తిగా నెపుడు నెవ్వరి నైనను చంపు నీచులన్
వారక ప్రాణముల్ గొనెడువాఁడు గదా పరమాత్ముఁ డన్నచో
మడిపెల్లి రాజ్ కుమార్ గారూ,
తొలగించండిఈనాటి రెండు పూరణలు, క్రమాలంకారంలో నిన్నటి పూరణ అన్నీ బాగున్నవి. అభినందనలు.
ప్రాణము దైవాధీనము
రిప్లయితొలగించండినాణెముగానుంచి నరుని నడుపుటకైనన్
క్షీణింపజేసి వారల
ప్రాణములనుగొనెడువాడు పరమాత్ముండౌ
పొన్నెకంటి సూర్యనారాయణ గారూ,
తొలగించండిమీ పూరణ బాగున్నది. అభినందనలు.
వేణుధరుని శైశవమున
రిప్లయితొలగించండిప్రాణమ్ముల దీయ విషపు పాలను కుడుపన్
జాణతనముతో పూతన
ప్రాణములను గొనెడు వాడు పరమాత్ముండౌ
తిమ్మాజీరావు గారూ.. నమస్కారాలండీ.. చక్కని భావం.. మంచి శైలి.. పూరణ మనోహరంగా ఉంది.. అభినందనలు...
తొలగించండికెంబాయి తిమ్మాజీ రావు గారూ,
తొలగించండిమీ పూరణ బాగున్నది. అభినందనలు.
రిప్లయితొలగించండిశ్రీరమణీమనోరమణసేవనమానగనిచ్చి ,నిత్య సాం. .
సారిక జీవనమ్మున విశాలయశస్కుని జేసి, విత్తమం..
దారని కోర్కె ద్రుంచియు,వదాన్యత నేర్పియు,
నంత్యమందునన్
వారక ప్రాణముల్ గొనెడివాడు గదా పరమాత్ముడన్నచో!!
మైలవరపు మురళీకృష్ణ గారూ,
తొలగించండిమీ పూరణ ప్రశస్తంగా ఉంది. అభినందనలు.
గురువుగారూ నిన్నటి పూరణ
రిప్లయితొలగించండిహర్తృప్రక్రియ జేయనెంచి హరుడాజ్ఞాపించ కాలాంతమున్
కర్తవ్యంబున నేకకాంతి వెలిగిన్ ఖద్యోత సందోహమా
వర్తన్యుగ్ర ప్రభాసమాన ప్రళయం బంత్యంబు గావించుచున్
మార్తాండుం డుదయాద్రిఁ గ్రుంకె నదిగో మధ్యాహ్నకాలంబునన్
చేరువ లేకనెవ్వరును జీవన యాత్రపు టంత్యకాలమున్
తొలగించండితీరని వ్యాధులందుబడి దేహము వీడక కృంగుచుండియే
నేరము చేసినాడనని నేడ్చిన వాని కృపా కటాక్షమున్
వారక ప్రాణముల్ గొనెడువాఁడు గదా పరమాత్ముఁ డన్నచో
ఫణికుమార్ గారూ,
తొలగించండిమీ రెండు పూరణలు బాగున్నవి. అభినందనలు.
పూజ్యులు శంకరయ్య గారికి వందనములు. నిన్న మీరిచ్చినది యత్యంత క్లిష్టతరమైన సమస్య యనడములో నసత్యము లేదు. ఈ సమస్యా పూరణార్థము కొన్ని సత్యము లుద్దేశ్యపూర్వకముగా విస్మరింపబడినవి. ప్రాచీనాజ్ఞాత కవి పుంగవు డట్లే చేసెను.
రిప్లయితొలగించండి1. శ్రీ కృష్ణుడు చక్రాయుద్ధముతో సూర్యుని గప్పి సూర్యాస్తమయమును భ్రమింప జేసినది సాయంకాలాంతిమ ఘడియలలోనే గాని మధ్యాహ్నమున గాదు కద.
2. దైత్యరాణ్మార్తాండ రావణ బ్రహ్మ లంకారాజ్యాధినేత పాలిత లంకా పట్టణమున్న త్రికూట సువేలాద్రు లున్నవి దక్షిణ దిశలో గాని తూర్పు దిశలో కాదు కద.
కామేశ్వర రావు గారూ,
తొలగించండినిజానికి ఆ సమస్య 'మార్తాండుం డపరాద్రిఁ గ్రుంకె...' అని ప్రారంభమవుతుంది. నేనే 'మార్తాండుం డుదయాద్రిఁ గ్రుంకె...' అని మార్చాను. అజ్ఞాత కవి 'అపరాద్రి'తోనే పూరణ చేశాడు. కాని నేను నిశితంగా పరిశీలించకుండానే ఆ కవి మూడు పాదాలను గ్రహించి సమస్యాపాదాన్ని జోడించాను. అందువల్ల అపార్థానికి కారణమయింది. మన్నించండి.
పూజ్యులు శంకరయ్య గారికి వందనములు. మీవివరణకు ధన్యవాదములు. అజ్ఞాత కవి పుంగవుని క్షమాపణలు కోరు కుంటున్నాను.
తొలగించండిఅయ్యో! నేను చేసిన తప్పిదానికి మీరు క్షమాపణలు కోరడమేమిటి?
తొలగించండికానను జీవితమున సుం
రిప్లయితొలగించండితైనను సంతసమటంచు దైన్యత తోడన్
దానై పోఁగొనఁ గూడదు
ప్రాణములను! గొనెడు వాఁడు పరమాత్ముండౌ!
గుండా వేంకట సుబ్బ సహదేవుడు గారూ,
తొలగించండిమీ పూరణ ఉత్తమంగా ఉంది. అభినందనలు.
గురుదేవులకు ధన్యవాదములు.
తొలగించండివీణా !వింటివె యియ్యది
రిప్లయితొలగించండిప్రాణములను గొనెడు వాడు పరమాత్ము o డౌ
ప్రాణములు గొనుట మఱియును
ప్రాణముల నిచ్చునతడు పరమాత్ముo డే
పోచిరాజు సుబ్బారావు గారూ,
తొలగించండిమీ పూరణ బాగున్నది. అభినందనలు.
చివరి పాదంలో గణదోషం. 'ప్రాణమ్ముల నిచ్చునతడు...' అనండి.
నాణెముగ నాటలాడన్
రిప్లయితొలగించండిప్రాణపు బొమ్మలనుజేసి ప్రహ్లాదముగన్
త్రాణమునిడి యాట ముగియ
ప్రాణములను గొనెడువాడు పరమాత్ముండౌ!!!
శైలజ గారూ,
తొలగించండిమీ పూరణ ప్రశస్తంగా ఉన్నది. అభినందనలు.
ద్రోణీ తుల్య భవార్త
రిప్లయితొలగించండిత్రాణ పరాయణ సుగుణ విరాజిత దైవ
శ్రేణిప్రధముండు శివుడు,
ప్రాణములను గొనెడువాఁడు, పరమాత్ముండౌ
మీరిన భక్తి తోడుత నమేయ కృపారస వీక్షణున్ ఘనా
కారు రమా మనోహరు వికారము వీడి భజింపఁ గల్గు నా
ద్వారము పుణ్యమూర్తులకు భవ్యపదమ్ము పునర్భవాది తృ
డ్వారక ప్రాణముల్ గొనెడువాఁడు గదా పరమాత్ముఁ డన్నచో
పోచిరాజు కామేశ్వర రావు గారూ,
తొలగించండిమీ రెండు పూరణలు ఉత్తమంగా ఉన్నవి. అభినందనలు.
'ద్రోణీ తుల్య భవ..' అర్థం కాలేదు. వివరించండి.
ఈ కామెంట్‌ను రచయిత తీసివేశారు.
తొలగించండిపూజ్యులు శంకరయ్య గారికి వందనములు. ధన్యవాదములు.
తొలగించండిభవార్తత్రాణపరాయణ: సంసార దుఃఖితుల రక్షణాసక్తము; ద్రోణీతుల్య: నావవంటివాడు (సంసారము సాగరము వంటిది కద). ఈ యర్థములలో వ్రాసితిని. సాధువేనా తెలుప గోర్తాను.
మీ భావం ఉదాత్తంగా ఉంది. కాని అన్వయం కుదరడం లేదు.
తొలగించండిపూజ్యులు శంకరయ్య గారికి వందనములు. ధన్యవాదములు. సవరించిన పద్యమును తిలకించ గోర్తాను.
తొలగించండిప్రాణినికాయ భవార్త
త్రాణ పరాయణ సుగుణ విరాజిత దైవ
శ్రేణిప్రధముండు శివుడు,
ప్రాణములను గొనెడువాఁడు, పరమాత్ముండౌ
సవరించిన పూరణ సందిగ్ధార్థాన్ని కోల్పోయి అద్భుతంగా ఉంది. నా సూచనను మన్నించి సవరించినందుకు ధన్యవాదాలు!
తొలగించండిపూజ్యులు శంకరయ్య గారికి వందనములు. ధన్యవాదములు.
తొలగించండివేణుధరుండాశ్రిత జన
రిప్లయితొలగించండిత్రాణుడు లక్ష్మీప్రియుండు ధర్మమ్మును తా
క్షోణిన నిలుపన్ దుష్టుల
ప్రాణములను గొనెడువాఁడు పరమాత్ముండౌ
ఆరడి పెట్టు దుర్జనులనంతము జేసి ధరీత్రియందునన్
భూరిగ ధర్మమున్నిలిపి పుణ్యపథంబు జరించి మోక్షమున్
గోరెడు సజ్జనావళుల కోర్కెల దీర్చి దురాత్ములైనచో
వారక ప్రాణముల్ గొనెడువాఁడు గదా పరమాత్ముఁ డన్నచో
విరించి గారూ,
తొలగించండిమీ రెండు పూరణలు బాగున్నవి. అభినందనలు.
'క్షోణిని' అనండి.
వారక ప్రాణముల్ గొనెడు వాడు గదా పరమాత్ము డన్నచో
రిప్లయితొలగించండినారయ మీరు చెప్పినది యక్షర సత్యము గాదె యీభువిన్
వారక ప్రాణముల్నిడుచు ప్రాణుల నెప్పుడు రక్షజేయుచున్
మీరని ప్రేమతో వరలి ,మేదిని శాంతిని గల్గ జేయునే
పోచిరాజు సుబ్బారావు గారూ,
తొలగించండిమీ పూరణ బాగున్నది. అభినందనలు.
'ప్రాణము ల్నిడుచు' అనడం సాధువు కాదు. 'ప్రాణదాత యయి' అనండి.
ధ్యానముఁజేయుచు సతతము
రిప్లయితొలగించండిధీనులకున్ సేవఁ జేయ స్థిరచిత్తముతో
వానికి ముక్తినిడుటకై
ప్రాణములను గొనెడు వాడు పరమాత్ముండే
అన్నపరెడ్డి సత్యనారాయణ రెడ్డి గారూ,
తొలగించండిమీ పూరణ బాగున్నది. అభినందనలు.
దూరక పెద్దలన్ సతము దుర్మతి, ధీనుల నుద్ధరించుచున్
రిప్లయితొలగించండితీరుగ ప్రార్థనల్ సలిపి దేవునకున్ కడుపావనంపు సం
సారము చేయుమాన్యులను స్వర్గము పంపు తలంపుతోడుతన్
వారక ప్రాణముల్ గొనెడువాడుగదా పరమాత్ముడన్నచో
అన్నపరెడ్డి వారూ,
తొలగించండిమీ రెండవ పూరణ బాగున్నది. అభినందనలు.
ప్రాణుల రక్షణ గాకను
రిప్లయితొలగించండిప్రాణుల భక్షించ గలుగ?పాపాత్ముండే|
ప్రాణము లిడుచున్ తుదకున్
ప్రాణములను గొనెడి వాడు పరమాత్ముండౌ|
2.ప్రాణము లివ్వగ బ్రహ్మే|
ప్రాణమురక్షించు హరియు|”పార్వతి పతియే
ప్రాణపు విలువలుసమసిన?
ప్రాణములను గొనెడివాడు పరమాత్ముండౌ”|
3.కారణజన్మ సార్థకత కాలముజెల్లగ జీవజాలమే
మారుచు మాయలోకమున మార్పులయందున మట్టిజేరులే|
వారక ప్రాణముల్ గొనెడి వాడుగదా పరమాత్ము డన్నచో?
చేరిన సంపదల్ చెలిమి చేరవుగా శవ మైన వేళలో|
4.ప్రేరణచేత దైవమిల పెద్దగ జేయుచు|కాలచక్రమున్
తీరిక చేతద్రిప్పగ?నతీతపు శక్తులమాయజాలపున్
కోరికలందు దోషమిడు కూరిమిరోగము కూల్చి వేయగా?
వారక ప్రాణముల్ గొనెడి వాడుగదా పరమాత్ముడన్నచో|
ఈశ్వరప్ప గారూ,
తొలగించండిమీ నాలుగు పూరణలు బాగున్నవి. అభినందనలు.
ఊరక మానవాళినిల నూపిరి తీసెడి యుగ్రవాదులన్
రిప్లయితొలగించండిదారుణ మానభంగములు ధాత్రి నొనర్చెడి పిచ్చి మూకలన్
తీరక నర్థ కాంక్ష కడతేర్చెడి క్రూరుల దుర్జనావళిన్
వారక ప్రాణముల్ గొనెడువాఁడు గదా పరమాత్ముఁ డన్నచో
గండూరి లక్ష్మినారాయణ గారూ,
తొలగించండిమీ పూరణ బాగున్నది. అభినందనలు.
వేణువు రాగము లూదిన
రిప్లయితొలగించండివీణియ తా సరిగమలను పీయుష మిడినా
తానయి యొప్పుచు జీవుల
ప్రాణములను గొనెడి వాడు పరమాత్ముండౌ!
శిష్ట్లా శర్మ గారూ,
తొలగించండిమీ పూరణ బాగున్నది. అభినందనలు.
పీయూషమును పీయుష మన్నారు. అక్కడ 'పీయూష మిడన్' అనా సరిపోతుందనుకుంటాను.
గురువు గారికి నమస్సులు. కొద్దిపాటి మార్పుతో సవరించిన పద్యం:
తొలగించండివేణువు నాదము లూదగ
వీణియపై రాగము ప్రభవించుచు సాగన్
తానయి యొప్పుచు జీవుల
ప్రాణములను గొనెడి వాడు పరమాత్ముండౌ!
వేణురవము గోపికలను
రిప్లయితొలగించండిస్థాణువులను చేసెను మది స్థాయిని కోల్పో
యెను కాయము కంపించగ
ప్రాణము లను గొనెడు వాడు పరమాత్ముండే
నేటి సమస్యాపూరణం
రిప్లయితొలగించండివేణురవము గోపికలను
స్థాణువులనుచేసెను మది స్థాయిని తప్పెన్
అణువణువునయార్తినిలిపి
ప్రాణములనుగొనెడువాడు పరమాత్ముండే
మీ పద్యములు రెండింటిలో మూడవ పాదములో ప్రాస?
తొలగించండిచేపూరి శ్రీరామారావు గారూ,
తొలగించండిసవరించిన మీ పూరణ బాగున్నది. అభినందనలు.
'అణువణువున నార్తి...' అనండి.
ధ్యానము తో విధిని గొలిచి
రిప్లయితొలగించండిరేణువు రేణువున నతని రీతుల బొగడ
న్నూనగ ముక్తి నొసంగగ
ప్రాణములను గొనెడువాఁడు పరమాత్ముండౌ
భాగవతుల కృష్ణారావు గారూ,
తొలగించండిమీ పూరణ బాగున్నది. అభినందనలు.
వేణూమాధవుడిలలో
రిప్లయితొలగించండిజాణుండై పాడగ నడుగులు జల్లన మగువల్
ప్రాణము లొడ్డుచు వత్తురు
ప్రాణములను గొనెడివాడు పరమాత్ముడౌ.
డా. బల్లూరి ఉమాదేవి గారూ,
తొలగించండిమీ పూరణ బాగున్నది. అభినందనలు.
'వేణుమాధవు'ని 'వేణూమాధవు' డనారు. రెండవ పాదంలో గణదోషం. 'వేణుధరుం డీభువిలో। జాణగ పాడగ..' అనండి.
కం. జాణ తనము తోడన్నీ
రిప్లయితొలగించండిక్షోణిన్ చెలరేగి జనుల క్షోభకు కతమౌ
జాణల, దుష్ట నియంతల
ప్రాణములను గొనెడు వాడు పరమాత్ముండౌ.
గుఱ్ఱం జనార్దన్ గారూ,
తొలగించండిమీ పూరణ బాగున్నది. అభినందనలు.
ధన్యవాదాలు శంకరయ్య గారూ !
రిప్లయితొలగించండికారుచు ముద్దుముచ్చటలు గారము నొప్పుచు గోలజేయుచున్
రిప్లయితొలగించండికోరుచు జోలపాటలను కొండొకచో చిచితట్టు గోకుటన్
పోరుచు రాత్రియున్ పవలు ప్రొద్దున సాయము నాడమంచుచున్
వారక ప్రాణముల్ గొనెడువాఁడు గదా పరమాత్ముఁ డన్నచో!