కవిమిత్రులారా,
ఈరోజు పూరించవలసిన సమస్య ఇది...
"వడ్డీ కట్టఁగ డబ్బు లేని యతఁడే వర్షించు నైశ్వర్యముల్"
లేదా...
"వడ్డీ చెల్లింపలేఁడు వర్షించు సిరుల్"
ఈ సమస్యను పంపిన గుఱ్ఱం జనార్దన రావు గారికి ధన్యవాదాలు.
ఈరోజు పూరించవలసిన సమస్య ఇది...
"వడ్డీ కట్టఁగ డబ్బు లేని యతఁడే వర్షించు నైశ్వర్యముల్"
లేదా...
"వడ్డీ చెల్లింపలేఁడు వర్షించు సిరుల్"
ఈ సమస్యను పంపిన గుఱ్ఱం జనార్దన రావు గారికి ధన్యవాదాలు.
వడ్డీలకు వడ్డీ లనుచును
రిప్లయితొలగించండినడ్డముగా యప్పుదెచ్చి నడమంత్ర మటన్
దుడ్డేమొ నటునిటు ద్రిప్పుచు
వడ్డీ చెల్లింపలేఁడు వర్షించు సిరుల్
రాజేశ్వరీ గారు,
తొలగించండిమొదటి పాదములో రెండు లఘువులు, మూడవ పాదములో ఒక లఘువు ఎక్కువ అయ్యాయి
అక్కయ్యా,
తొలగించండిమీ పూరణ బాగుంది.
'వడ్డీకి వడ్డి యనుచును... దుడ్డును ద్రిప్పుచు నటునిటు...' అనండి.
వడ్డీ కాసుల వాడు శ్రీధరుఁడు గోపాలుండు శేషాద్రినన్
రిప్లయితొలగించండిలడ్డూలందలి తీపి పంచి ధరలో లాలింపడే భక్తులన్
విడ్డూరంబది యేమి లేదు మరి గోవిందుండు మోదంబునన్
వడ్డీ కట్టఁగ డబ్బు లేని యతఁడే వర్షించు నైశ్వర్యముల్!!
జిగురు సత్యనారాయణ గారూ,
తొలగించండిమీ పూరణ బాగుంది. అభినందనలు.
మొదటి పాదం చివర 'శేషాద్రినిన్/శేషాద్రిపై' అనండి.
రిప్లయితొలగించండిబొడ్డో డప్పును తీర్చడు,
వడ్డీ చెల్లింపలేఁడు, వర్షించు సిరుల్
గట్టి పసందగు పలుకులు,
పెట్టును యెగనామములను భేషుగ వినుమా
జిలేబి
జిలేబీ గారూ,
తొలగించండిబాగుంది మీ పూరణ.
'పెట్టును+ఎగనామము' అన్నపుడు సంధి నిత్యం, యడాగమం రాదు. 'పెట్టుర యెగనామములను...' అనండి.
శా. అడ్డేలేదని విఱ్ఱవీగు ప్రభులన్నాగర్భ శ్రీమంతులన్
రిప్లయితొలగించండిచెడ్డిన్ బొందగ నోచనట్టి జనులన్ సేవింప దీవించుగా !
వడ్డించున్ ఘనమైనయట్టి వరముల్ వందింప వెంకన్నయే
వడ్డీ కట్టగ డబ్బు లేని యతడే వర్షించు నైశ్వర్యముల్.
గుఱ్ఱం జనార్దన రావు గారూ,
తొలగించండిమీ పూరణ బాగున్నది. అభినందనలు.
వడ్డీకి వడ్డి యనుచును
రిప్లయితొలగించండినడ్డముగా యప్పుదెచ్చి నడమంత్ర మటన్
దుడ్డును నటునిటు ద్రిప్పుచు
వడ్డీ చెల్లింపలేఁడు వర్షించు సిరుల్
--------------------------------
"జిగురు వారూ ? ఇప్పుడు ????????????????"
అక్కయ్యా,
తొలగించండిమీ సవరణ బాగుంది. అభినందనలు.
ఇది మొదట వ్రాసిన పూరణకు సంబంధించే కనుక అక్కడే క్రింద ఉన్న 'ప్రత్యుత్తరం' అన్నదానిని క్లిక్ చేసి అక్కడే వ్యాఖ్య పెట్టాలి.
కం.వడ్డాణమ్ములు బంగరు
రిప్లయితొలగించండికడ్డీ లాభరణములను కడు భక్తినిడన్
అడ్డెరుగక భక్తులు, తను
వడ్డీ చెల్లింప లేడు వర్షించు సిరుల్.
జనార్దన రావు గారూ,
తొలగించండిమీ రెండవ పూరణ బాగున్నది. అభినందనలు.
క్రొవ్విడి వెంకట రాజారావు:
రిప్లయితొలగించండిదుడ్డును గూడిన హరియే
దొడ్డగ ప్రజలన్నరయెడి దొరగా నున్నా
విడ్డూరమ్ముగ దానే
వడ్డీ చెల్లింపలేడు వర్షించు సిరుల్.
క్రొవ్విడి వెంకట రాజారావు:
రిప్లయితొలగించండిదుడ్డుల్దేవత లక్ష్మికిన్ పతియునై తుంగమ్ము పైనుండి దా
దొడ్డేయౌనగు వేంకటేశ్వరుడు పొందున్ గూడి మౌలేలుచున్
వడ్డీకాసుల వాడటంచు నను రూపానన్ విభాసిల్లినా
వడ్డీ కట్టగ డబ్బులేని యతడే వర్షించు నైశ్వర్యముల్.
గురువుగారు, మూడవ పాదంలో చివరి పాదం పొరపాటున టైపు అయింది.
తొలగించండివిభాసిల్లినా - తప్పు.
విభాసిల్లు యా - ఒప్పు
క్రొవ్విడి వేంకట రాజారావు గారూ,
తొలగించండిమీ రెండు పూరణలు బాగున్నవి. అభినందనలు.
మొదటి పూరణ చివర 'దొరగా నున్నన్' అనండి.
రెండవ పూరణలో 'దొడ్డేయౌన్' అన్న తర్వాత 'అగు' ఎందుకు? 'మౌలేలుచున్'..? 'భాసిల్లు నా..' అనండి.
సడ్డం బూనుచు భక్తిపూర్ణమతులై సద్భావసంయుక్తులై
రిప్లయితొలగించండివడ్డీకాసులవాని! వేంకటపతిన్! భాగ్యప్రదున్! శ్రీపతిన్!
గడ్డౌకాలము ద్రోచి సౌఖ్యములతో గావంగ ప్రార్థించినన్
వడ్డీకట్టగ డబ్బులేని యతడే వర్షించు నైశ్వర్యముల్.
వడ్డీ కాసులవాడయి
యడ్డంకులు తొలగద్రోచి యందరికి సదా
విడ్డూరం బనిపించును
వడ్డీ చెల్లింపలేడు వర్షించు సిరుల్.
హ.వేం.స.నా.మూర్తి.
హరి వేంకట సత్యనారాయణ మూర్తి గారూ,
తొలగించండిమీ రెండు పూరణలు ప్రశస్తంగా ఉన్నవి. అభినందనలు.
విడ్డూరమిది కుబేరుని
రిప్లయితొలగించండివడ్డీ చెల్లింప లేడు! వర్షించు సిరుల్!
దొడ్డగు వేంకటపతి యిట
వడ్డెన జేయుచు నడిగిన వరముల నొసగున్!
మన్నించండి.క్రమం ఈ విధంగా వుండాలనుకుంటాను.
తొలగించండిదొడ్డగు వేంకటపతి యిట
వడ్డెన జేయుచు నడిగిన వరముల నొసగున్!
విడ్డూరమిది కుబేరుని
వడ్డీ చెల్లింప లేడు! వర్షించు సిరుల్
శ్రీధర రావు గారూ,
తొలగించండిక్రమం ఎలా ఉన్నా ఒప్పే! బాగుంది మీ పూరణ. అభినందనలు.
ఈ కామెంట్‌ను రచయిత తీసివేశారు.
రిప్లయితొలగించండిఅడ్డేలేక చరించుచుండురమయే అర్ధాంగియైవెల్గుచున్
తొలగించండివడ్డించున్ నెరవేర కోర్కెలిలనా పద్మావతీ భర్తయే
దుడ్డుంబొందె కుబేరమూర్తి కడ చేదోడై, ఋణగ్రస్తుడై
వడ్డీ కట్టఁగ డబ్బు లేని యతఁడే వర్షించు నైశ్వర్యముల్ ||
దొడ్డగు కుబేరమూర్తియె
దుడ్డివ్వగనప్పటంచు దొర పెండ్లాడన్
దుడ్డుకు మొగుడగు దేవుడె
వడ్డీ చెల్లింపలేఁడు వర్షించు సిరుల్ ||
డా. మాడుగుల అనిల్ కుమార్ గారూ,
తొలగించండిమీ రెండు పూరణలు ఉత్తమంగా ఉన్నవి. అభినందనలు.
'దుడ్డుకు మొగుడు' ప్రయోగం అద్భుతం!
ఆర్య! అనేక నమస్కారములు. ధన్యవాదాలు.
తొలగించండి"మొగుడు" గ్రామ్యం కదా, "దుడ్డుకు మగడు" అంటే బాగుంటుందని నా అభిప్రాయం.
తొలగించండిఆర్య! మగడు అంటే నిఘంటువులో పురుషుడు అనే ప్రాథమికార్థం కలదు. తరువాతనే భర్త అనే అర్థం వస్తుంది. అందువలన అలా స్వీకరించుట జరిగింది. ధన్యవాదాలు.
తొలగించండిఈ కామెంట్‌ను రచయిత తీసివేశారు.
తొలగించండివడ్డాణంబును దాల్చియుండు నతివన్ పాణౌకృతిన్ కోరియున్
రిప్లయితొలగించండివడ్డీకై ధనమప్పుఁదెచ్చి తరుణోపాయంబుఁ బెండ్లాడియున్
వడ్డీ కాసులవాడటంచు ధరణిన్ ప్రఖ్యాతి తా బొందెగా
వడ్డీ కట్టఁగ డబ్బు లేని యతఁడే వర్షించు నైశ్వర్యముల్
ఫణికుమార్ తాతా గారూ,
తొలగించండిమీ పూరణ ప్రశస్తంగా ఉంది. అభినందనలు.
'పాణౌకృతి' ప్రయోగం బాగుంది.
గురువుగారూ ధన్యవాదములు.
తొలగించండి
రిప్లయితొలగించండిఅడ్డిగొనలేక యప్పులు
వడ్డీ చెల్లింప లేడు, వర్షించు సిరుల్!
వడ్డాణపు పసిడింగొను
దుడ్డుం బదిలముగ దాచ తోషంబందున్!
అడ్డిగొను=నిరోధించు
శిష్ట్లా శర్మ గారూ,
తొలగించండిమీ పూరణ బాగున్నది. అభినందనలు.
వడ్డీకాసులవాడట
రిప్లయితొలగించండివడ్డించును కామితములు భక్తులకొరకై
దొడ్డగ కుబేరు ఋణమున
వడ్డీ చెల్లింప లేడు, వర్షించు సిరుల్.
గోలి హనుమచ్ఛాస్త్రి గారూ,
తొలగించండిమీ పూరణ బాగున్నది. అభినందనలు.
పరిణయంబు పేరున
రిప్లయితొలగించండిభార్య అను సంపద గెలిచి
వైభవంబును కానుకనిచ్చిన
వడ్డీకాసులవాడివి కదయ్యా వెంకయ్యా !!
మీకందరికీ వచ్చినంత తెలుగు నాకు రాదు
తోచింది వ్రాశా...తప్పులు ఉంటె దయచేసి మన్నించండి
పరిణయంబు పేరున సతి అను సంపద గెలిచి
రిప్లయితొలగించండివడ్డీ కట్టఁగ డబ్బు లేని యతఁడే వర్షించు నైశ్వర్యముల్
భక్తుల మనంబు నెరిగి
ఔరా నేటికి దశావతారంబులనెత్తితివి
Panangipalli గారూ,
తొలగించండిమీకు పూరణలు చేయాలన్న ఉత్సాహం కలిగినందుకు సంతోషం! కాని ఈ బ్లాగు కేవలం ఛందోబద్ధమైన పద్యాలకే వేదిక. ముందు ఛందస్సు నేర్చుకోండి. ఆ తర్వాత మీ పదాలు ఎలా ఉన్నా సవరించి, సూచనలు ఇవ్వడానికి నేనున్నాను, మిత్రులున్నారు. స్వస్తి!
దుడ్డిచ్చిన వారలకున్
రిప్లయితొలగించండివడ్డీ చెల్లించ లేడు,వర్షించు సిరుల్
బిడ్డలు, పెళ్లామడిగిన!
విడ్డూరము దొడ్డవారి విలువలుఁ గన్నన్
సహదేవుడు గారూ,
తొలగించండిఅప్పు చేసి పప్పుకూడు తినే దొడ్డవారిని గురించిన మీ పూరణ బాగున్నది. అభినందనలు.
గొడ్డూ గోదయు లేని సేద్యమునకై గుప్పించగా ద్రవ్యమున్
రిప్లయితొలగించండివిడ్డూరంబది యేమి పంటలరయన్ వీలుండు నంచెంచినన్
గడ్డీ గాదమె రైతు రాజును యదో గాపాడె మాఫీ లహో!
వడ్డీ కట్టగ డబ్బు లేని యతడే వర్షించు నైశ్వర్యముల్P.Satyanarayna
దొడ్డపరిశ్రమ కధిపతి
విడ్డూరపు యప్పు జేసి వెలిగిన "మాల్యా"
జడ్డు తనంబున వినిమయ
వడ్ఢీ చెల్లింప లేడు వర్షించు సిరుల్p.Satyanarayana
పిట్టా సత్యనారాయణ గారూ,
తొలగించండిమీ రెండు పూరణలు బాగున్నవి. అభినందనలు.
మొదటి పూరణలో 'గొడ్డూ గోద, గడ్డీ గాదము'లు వ్యావహారికాలు. వ్యాకరణ రీత్యా 'గొడ్డును గోదయు, గడ్డియు గాదము' అవుతాయి. మూడవ పాదంలో 'యదో' అర్థం కాలేదు.
రెండవ పూరణలో 'విడ్డూరము+అప్పు' అన్నపుడు పుంప్వాదేశ, టుగాగమాలు వచ్చి 'విడ్డూరపు టప్పు' అవుతుంది. 'వినిమయ వడ్డీ' అనడం దుష్టసమాసం.
గడ్డు దినములందు నతడు
రిప్లయితొలగించండివడ్డీ చెల్లించ లేడు. వర్షించు సిరుల్
గుడ్డిని దున్నుచు బ్రతికిన
నడ్డి విరిగినట్టి రైతు నలుగురు తినగన్
కెంబాయి తిమ్మాజీ రావు గారూ,
తొలగించండిమీ పూరణ బాగున్నది. అభినందనలు.
అడ్డాల వారి యింటను
రిప్లయితొలగించండిబిడ్డడు గాబు ట్టినట్టి వీరయ పంతుల్
లడ్డులన మ్మిన ధనమున
వడ్డీ చెల్లింప లేడు వర్షించుసిరుల్
సుబ్బారావు గారూ,
తొలగించండిమీ పూరణ బాగుంది. అభినందనలు.
దుడ్డునుకొని ధనదునికడ
రిప్లయితొలగించండిగడ్డుపరిస్థితిని దాటి కలియుగమందున్
వడ్డించుచు కడి జనులకు
వడ్డీ చెల్లింపలేడు వర్షించు సిరుల్
కడిః భోజనము
సత్యనారాయణ రెడ్డి గారూ,
తొలగించండిమీ పూరణ బాగున్నది. అభినందనలు.
ఈ కామెంట్‌ను రచయిత తీసివేశారు.
రిప్లయితొలగించండివిడ్డూరంబుగ నప్పుఁ దేగలడు వైవిధ్యంపు మార్గంబుల
తొలగించండిన్నడ్డంబైనను నెల్ల లోకము లుపాయశ్రేణి గట్టెక్కుచున్
దొడ్డౌ సంస్థలఁ బెక్కు లేర్పరచి తా దోశ్శక్తిఁ జూపించెడిన్
వడ్డీ కట్టఁగ డబ్బు లేని యతఁడే వర్షించు నైశ్వర్యముల్
దుడ్డులు లేని నరుండిక
వడ్డీ చెల్లింపలేఁడు, వర్షించు సిరుల్
దొడ్డయి యెగఁ గొట్టంగ
న్నడ్డంబుగ నప్పుఁ గుజను లందరి వోలెన్
కామేశ్వర రావు గారూ,
తొలగించండిమీ రెండు పూరణలు వైవిధ్యంగా ఉండి అలరింపజేశాయి. అభినందనలు.
పూజ్యులు శంకరయ్య గారికి వందనములు. ధన్యవాదములు.
తొలగించండిదుడ్డున్ బొంది కుబేరు నొద్ద కడు సంతోషమ్మునన్ పెండ్లియై
రిప్లయితొలగించండివడ్డీలన్ సరిచేయనెంచి భువిలో భక్తాళి చెల్లించగా
లడ్డుల్ బంచుచు సంతతమ్ముగుడిలో లాభమ్ములన్ పెంచమిన్
వడ్డీ కట్టఁగ డబ్బు లేని యతఁడే వర్షించు నైశ్వర్యముల్
అన్నపరెడ్డి వారూ,
తొలగించండిగుడి లాభాలు పెంచని దైవాన్ని గురించిన మీ పూరణ బాగున్నది. అభినందనలు.
రిప్లయితొలగించండిగు రు మూ ర్తి ఆ చా రి
,,,,,,,,,,,,,,,,,,,,,,,,,,,,,
స్తు తి ని ౦ ద
అడ్డా దిడ్డపు దారులన్ నడచి ,
………… సప్తాద్ర్యావళిన్ బ్రాకుచున్
వడ్డీ కాసుల వాని జేరు కొన
…………… లాభ౦బేమి లే | దే గతిన్
వడ్డీ కట్టగ డబ్బులేని యతడే వర్షి౦చు
………… నైశ్వర్యముల్ ? ?
లడ్డూ ముక్కను , ముద్ద బోన మిడి ,
…………… పోరా య౦చు గె౦టి౦చు | బల్
విడ్డూర౦బుగ నా ధనాధిపుని (న్)
………… " ఐ . పీ ." పెట్టి వ౦చి౦చె గా ! !
గురుమూర్తి ఆచారి గారూ,
తొలగించండిదేవుని చేతనే ఐ.పి పెట్టించే ఉపాయం ఆ ఏడుకొండలవానికి చేరుగాక! మీ పూరణ చమత్కార భరితమై అలరించింది. అభినందనలు.
'అడ్డదిడ్డము'ను 'అడ్డాదిడ్డము' అన్నారు.
వరాహ పురాణము:
రిప్లయితొలగించండివేంకటేశాత్పరో దేవో నాస్తన్యః శరణం భువి|
వేంకటేశ సమో దేవో నాస్తి నాస్తి మహీతలే||
స్వామి పుష్కరిణీ తీర్థ సమం నాస్తి న చాస్తి హి|
ద్రవ్యార్జనపరో నిత్యం భవిష్యతి కలౌ యుగే||
అనుగ్రహాయ లోకానాం కామైః పూర్ణో౽పి సర్వదా|
‘ఇదం ద్రవ్యం త్వయా తావత్ దాతవ్యం మమ సమ్ప్రతి||
తవాభీష్టమహం దాస్యే దాస్య’ ఇత్యేవ చ బ్రువన్|
ఇతి సర్వజనైః సార్థం క్రీడమాణో భవిష్యతి||
కామేశ్వర రావు గారూ,
తొలగించండి"ఇదం ద్రవ్యం త్వయా తావత్ దాతవ్యం మమ సమ్ప్రతి"
శతాధిక వందనాలు!
పూజ్యులు శంకరయ్య గారికి శతసహస్ర వందనములు.
తొలగించండిక0॥
రిప్లయితొలగించండిలడ్డూవలెపరధనమును
అడ్డ0గాతినగలాడు,అడిగినయెడలన్
గుడ్డిగవితరణచేయును
వడ్డీచెల్లి0చలేడు,వర్షి0చుసిరుల్
గుడ్లూరి వెంకన్న గారూ,
తొలగించండి'శంకరాభరణం' బ్లాగు మీకు స్వాగతం పలుకుతున్నది.
మీ పూరణ బాగున్నది. అభినందనలు.
'తినగలాడు+అడిగిన' అన్నపుడు సంధి నిత్యం, విసంధిగా వ్రాయరాదు. 'తినగల నరు డడిగిన యెడలన్' అనండి.
గడ్డౌ కాలము లక్ష్మి వీడి హరినే క్ష్మా లోకముంజేరగా
రిప్లయితొలగించండిబొడ్డుంబద్మము దాల్చియున్నయతడే భూమీశ్వరుండై యొగిన్
దుడ్డందివ్వ కుబేరుడప్పుగ గృహస్థుండై రమానాథుడై
వడ్డీ కట్టఁగ డబ్బు లేని యతఁడే వర్షించు నైశ్వర్యముల్ ||
గడ్డుపరిస్థితి కడలికి
బిడ్డన్ మనువాడుటకు కుబేరుండిచ్చెన్
దుడ్డున్ వేంకటపతికని
వడ్డీ చెల్లింపలేఁడు వర్షించు సిరుల్ ||
మాడుగుల వారూ,
తొలగించండిమీ తాజా పూరణలు అద్భుతంగా ఉన్నవి. అభినందనలు. (ఎంతైనా అవధాని అనిపించుకున్నారు!)
ఆర్య! మీ ఆశీర్వాదబలం ధన్యో౭స్మి.
తొలగించండిబొడ్డుంబద్మము , దుడ్డందివ్వ కుబేరుడప్పుగ మనోహరమైన పదములతో మహదానందము కల్గించినారు. ధన్యవాదములు. అభినందనలు.
తొలగించండిఆర్య! పోచిరాజు కామేశ్వరరావు గారూ! నమఃపూర్వక ధన్యవాదములు.
తొలగించండిదుడ్డల్ గోరి కుబేరునే యడగ సంతోషమ్ముతో నాతడే
రిప్లయితొలగించండివడ్డీకిచ్చెను పెండ్లికంచు కథలన్ భక్తావళే జెప్పగన్
విడ్డూరమ్మన నేలరా? హరియె విశ్వమ్ము తాబ్రోవగా
వడ్డీకాసులవాడనంచును జగత్ప్రఖ్యాతుడౌ శ్రీహరే
వడ్డీ కట్టఁగ డబ్బు లేని యతఁడే వర్షించు నైశ్వర్యముల్
విడ్డూరమ్మన నేటికి
వడ్డీదీర్చెదననుచును బాకీ పడెనా
వడ్డీ కాసుల వాడే
వడ్డీ చెల్లింపలేఁడు వర్షించు సిరుల్
క్షమించాలి టైపాటు .....దుడ్డున్ అని వుండాలి....
తొలగించండివిరించి గారూ,
తొలగించండిమీ రెండు పూరణలు బాగున్నవి. అభినందనలు.
'భక్తావళీ' అని దీర్ఘాంతం చేయరాదు. అక్కడ 'భక్తాళి జెప్పంగనే' అనండి. అలాగే 'వడ్డీకాసులవా డటంచు' అనండి.
పడ్డాడెన్నియొ కష్టనష్టములు సంపాదించలేదింతయున్
రిప్లయితొలగించండివడ్డీ డబ్బులనే కుబేరు డొసగన్భాగ్యంబుగానెంచియున్
దుడ్డున్ గైకొని వేంకటేశు డిల సంతోషాన పెండ్లాడి|తా
వడ్డీ కట్టగ డబ్బు లేని యతడే వర్షించు నైశ్వర్యముల్
2.గుడ్డిగ నమ్మి కబోదిగ
వడ్డీ చెల్లింప లేడు|”వర్షించు సిరుల్
నడ్డాగా వేశ్యకుతను
చెడ్డగ కష్టించి డబ్బు సింగారి కిడున్”|
ఈశ్వరప్ప గారూ,
తొలగించండిమీ రెండు పూరణలు బాగున్నవి. అభినందనలు.
'పడ్డాడు' అనడం వ్యావహారికం.
వడ్డీ కట్టుట కాదు ముఖ్యము రఘూ బ్యాంకిచ్చు సాహాయ్యమే
రిప్లయితొలగించండిగడ్డౌ కాలము దాటి తేరుకొని చక్కంజేయ వ్యాపారమున్
దొడ్డై పల్వుర బాసటై నిలుచు సద్బుద్ధీతనిన్ నమ్ముమా
వడ్డీ కట్టగ డబ్బు లేని యతడే వర్షించు నైశ్వర్యముల్
మిస్సన్న గారూ,
తొలగించండిమీ పూరణ బాగున్నది. అభినందనలు.
'సద్బుద్ధి+ఈతనిన్' అన్నపుడు సంధి లేదు, యడాగమం వస్తుంది.
ధన్యవాదాలు గురువుగారూ. మీ సూచన ననుసరించి యిలా సవరిస్తున్నాను.
తొలగించండివడ్డీ కట్టుట కాదు ముఖ్యము రఘూ బ్యాంకిచ్చు సాహాయ్యమే
గడ్డౌ కాలము దాటి తేరుకొని చక్కంజేయ వ్యాపారమున్
దొడ్డై పల్వుర బాసటై నిలుచు సద్బుద్ధిన్ కటా నమ్మవే
వడ్డీ కట్టగ డబ్బు లేని యతడే వర్షించు నైశ్వర్యముల్
గుడ్డా గూడుకు దూర మైన జనులున్ గుప్తార్థ నిర్మాతలున్
రిప్లయితొలగించండివడ్డీ బేరము చేయు వారలును సౌభాగ్యంబు నాశించియున్
విడ్డూరంబిది పోవుచుందురు గదా వెంకన్నదౌ కొండకున్
వడ్డీ కట్టఁగ డబ్బు లేని యతఁడే ! వర్షించు నైశ్వర్యముల్
గండూరి లక్ష్మినారాయణ గారూ,
తొలగించండిమీ పూరణ బాగుంది. అభినందనలు.
'గుడ్డా గూడును' అన్నదాన్ని 'గుడ్డయు గూడును' అనాలి.
వడ్డీల తోడ గొనుతా
రిప్లయితొలగించండివిడ్డూరంబయ్యె నిదియు విశ్వము నందున్
కడ్డాయముగా గైకొను
వడ్డీ చెల్లింప లేడు వర్షించు సిరుల్.
2.దుడ్డును గైకొనె శ్రీహరి
వడ్డీకా ధనదు చెంత వాలాయముగా
వడ్డీతో ముడుపులుగొని
వడ్డీ చెల్లింపలేడు వర్షించు సిరుల్.
డా. బల్లూరి ఉమాదేవి గారూ,
తొలగించండిమీ రెండు పూరణలు బాగున్నవి. అభినందనలు.
అందరి పూరణలు బహు చక్కగా ఉన్నాయి. అభినందనలు,ధన్యవాదాలు, శుభాకాంక్షలు !
రిప్లయితొలగించండివిడ్డూరంబుగ దోచుచుండు నిదె! తా బెండ్లాడ బూనంగటన్
రిప్లయితొలగించండివడ్డీ తోడుత దీర్చు మాడ్కి ధనమున్ పౌలస్త్యు చెంతన్ గొనన్
వడ్డీ కాసుల వేంకటేశుడనగన్ ప్రఖ్యాతి నార్జించియున్
వడ్డీ కట్టగ డబ్బు లేని యతడే వర్షించు నైశ్వర్యముల్!
శ్రీధర రావు గారూ,
తొలగించండిమీ పూరణ బాగున్నది. అభినందనలు.
'పూనంగ+అటన్=పూనంగ నటన్' అవుతుంది.
దొడ్డ మనసున ఋణముఁగొని
రిప్లయితొలగించండివడ్డీనే గట్ట లేక బరగెడు వాడే
వడ్డించు మనకు సిరులట !
వడ్డీ చెల్లింపలేఁడు వర్షించు సిరుల్
భాగవతుల కృష్ణారావు గారూ,
తొలగించండిమీ పూరణ బాగున్నది. అభినందనలు.
దుడ్డును గైకొని బెండ్లికి
రిప్లయితొలగించండివడ్డీనే గట్టుచుండె వాలాయముగన్
విడ్డూరంబుగ సిరిదొర
వడ్డీ చెల్లింపలేడు వర్షించు సిరుల్!!!
శైలజ గారూ,
తొలగించండిమీ పూరణ బాగున్నది. అభినందనలు.
edited as you say
రిప్లయితొలగించండిగుడ్డన్ గూడును నోచుకోని జనులున్ గుప్తార్థ నిర్మాతలున్
వడ్డీ బేరము చేయు వారలును సౌభాగ్యంబు నాశించియున్
విడ్డూరంబిది పోవుచుందురు గదా వెంకన్నదౌ కొండకున్
వడ్డీ కట్టఁగ డబ్బు లేని యతఁడే ! వర్షించు నైశ్వర్యముల్
లక్ష్మినారాయణ గారూ,
తొలగించండిసంతోషం!
గుడ్డితనమనుచు భిక్షగ
రిప్లయితొలగించండిదుడ్డును యడుగగ నొకనికి దూకొనె కోట్లున్
బిడ్డలు చేసిన యప్పుకు
వడ్డిీ చెల్లింపలేడు వర్షించు సిరుల్.
(ఇటీవల ఒక భిక్షకుని వద్ద కోట్ల రూపాయలు
రిప్లయితొలగించండిఉన్నాయనే వార్తనుచదివిన సందర్భముగా)
పిన్నక నాగేశ్వర రావు గారూ,
తొలగించండిమీ పూరణ బాగున్నది. అభినందనలు.
'దుడ్డును+అడుగగ' అన్నపుడు యడాగమం రాదు. 'దుడ్డు నడుగగా నొకనికి...' అనండి.