జిలేబీ గారూ, మీ పూరణల అడకత్తెరలో ఏనాడో చిక్కుకున్నాను. బాగున్నది మీ పూరణ. అభినందనలు. మీరు ఎంచక్కా వేడి టీని తీసుకొని కూర్చున్నారు. నేనింకా కాఫీకోసం అరగంట ఎదురుచూడాలి. మా వృద్ధాశ్రమంలో ఆరుగంటలకు ఇస్తారు!
అడిగితి గోము గా సయి సయాటల నయ్యరు గారి నయ్య! తా గడగడ దేశ మెల్ల చని గామిడి యంత్రము తెచ్చి రందునన్ వడియము లెల్ల నెండినవి; వాన లవారిత రీతిగాఁ బడ న్బడబడ వేగ మైన సయి నాకు భయమ్మిక లేదు గా భళా !
గురువర్యులు శ్రీ కంది శంకరయ్య గారి శంకరాభరణం సమస్యాపూరణ :: నేటి సమస్య సంఖ్య-2642 సమస్య :: *వడియము లెల్ల నెండినవి , వానలవారిత రీతిగా బడన్.* ఆగకుండా వానలు పడుతూ ఉంటే వడియాలన్నీ ఎండినాయి అని చెప్పడం ఈ సమస్యలో ఉన్న విరుద్ధమైన అర్థం. సందర్భం :: బ్రహ్మదేవుని నుండి వరాలను పొందిన రావణాసురునికి భయపడిన దేవతలందరూ తమ అభిమానం ప్రక్కన బెట్టి అతని అడుగులకు మడుగు లొత్తడం మొదలుబెట్టినారు. వరుణుడు కావలసినంత వర్షాన్ని కురిపిస్తున్నాడు. సూర్యుడు సేవ చేసేందుకు రావణుని ఇంటికి వెళ్లినాడు. అప్పుడు వానలు కురుస్తున్నా సూర్యుని రాకతో ఇంటిలోపల పెట్టిన వడియాలన్నీ ఎండినాయి అని విశదీకరించే సందర్భం.
గురుదేవులకు నమస్సులు! ఇది నా పూరణ కాదండీ! పుట్టంరాజు సునీల్ బాబుగారిదే! వారు మా అక్కకు అల్లుడు! మిమ్మల్ని ఆశ్రమంలో కలవడానికి వచ్చినప్పుడు ఆ అబ్బాయి కూడ వచ్చారు! గుర్తుందా? వారు నాకు పంపితే పూరణ బ్లాగులో ఉంచాను! ఇదివరలో వారు కొన్ని పూరణలు చేసి యున్నారు బ్లాగులో! వారి తరఫున ధన్యవాదాలు!🙏🙏🙏
పూజ్యులు శంకరయ్య గారికి నమఃపూర్వక ధన్యవాదములు. డా. సీతా దేవి గారు నమస్సులు. ధన్యవాదములు. సంస్కృతాంధ్ర భాషల లోని మాహాత్మ్యమే యది. కమ్మటి వడియాలు తెల్లటి హంసలైనవి మధురముగా.
స్వప్న వృత్తాంతముగ మీ సీసపద్య పూరణ చాల బాగున్నది పూసపాటివారూ! మీ వల్ల ఈరోజు తురంగ పదానికి అంతగంగమనే అర్ధాన్ని తెలుసుకోగలిగాను ధన్యవాదములు! అభినందనలు!🙏🙏🙏
కృష్ణారావు గారూ, మీ మూడు పూరణలు బాగున్నవి. అభినందనలు. రెండవ పూరణలో 'కాయల్ + ఉల్లము' అన్నపుడు ద్విత్వలకారం రాదు. అది కేవలం నకారానికే పరిమితం. మూడవ పూరణలో మీమాంసను మీమాంశ అన్నారు.
సందర్భము: "మన వడియాలు యెండినవా!" యని విభీషణుడు భార్య నడిగితే ఆమె యిలా జవా బిచ్చిం దట! ప్రభువైన బావగారు ఇదిగో!.. అని వాక్యం పూర్తి చేయకముందే సూర్యుడు అతని యింటికే దిగి వచ్చాడు. వాళ్ళ వడియాలు యెండినవి. లంకా నగరంలో కుండపోతగా ఒకవైపు వర్షం. కాలువ లన్నీ నిండిపోయినవి. ఏం చేస్తాను? మన వడియా లెండుతా యనుకున్నారా! మీ తపస్సు నే నెఱుగనిదా! (మీ రంత తపస్సంపన్నులు కారు గదా!) ~~~~~~~~~~~~~~~~~~~~~~~ ఒడయడు బావగార లిది గో! యన నింటనె సూర్యుడే దిగన్ వడియము లెల్ల నెండినవి; వాన లవారిత రీతిగాఁ బడన్ గడబిడలోన నీ నగరిఁ గాల్వలు నిండిన; వేమి చేయుదున్?.. వడియము లెండునా మనవి! వాసిగ మీ తప మే నెఱుంగనే!
(1) నాడు:
రిప్లయితొలగించండిపడిగాపులతో సీతకు
వడియము లెండెను; విడువని వానలలోనన్
మడికట్టుకొనుచు వేచెను
తడిబట్టల తోడ విధిగ తల్లి పనుపునన్
(2) నేడు:
తడి తీసెడి యంత్రమ్మును
గడబడ లేకయె కొనగనె గారాబముతో
వడిగా సీతాదేవికి
వడియము లెండెను విడువని వానలలోనన్
తడి తీసెడి యంత్రము = food dehydrator
https://m.indiamart.com/impcat/food-dehydrators.html
ప్రభాకర శాస్త్రి గారూ,
తొలగించండినాడు, నేడు అంటూ మీరు రెండు విధాల చక్కని పూరణలతో శుభోదయం పలికారు. అభినందనలు.
కొస్చిను పేపరు లీకాయె గదా సార్!
తొలగించండి😊😊😊
తొలగించండిఐ ఐ టీ బుర్ర ఐ ఐ టీ బుర్ర యే ! బామ్మ ల కొచ్చునా యీ ఐడియాల్ :)
'సెహ' భేషు :)
జిలేబి
ఇక్కడ క్వొశ్చెన్ పేపర్ లీకైనా పరీక్ష రద్దు చేసి తిరిగి నిర్వహించే ప్రసక్తి లేదు. ఇచ్చిన మార్కులకు కోత లేదు.
తొలగించండిఅన్నయ్యా! నాటి పద్యంతో మన బాల్యాన్ని , అమ్మను గుర్తు చేసినందుకు ధన్యవాదాలు!
తొలగించండి🙏🙏🙏🙏
🙏🙏🙏
తొలగించండిఅయ్యయిటీ బుర్రకు సమ
తొలగించండిమయ్యెడి బుర్రెక్కడుండు మాత జిలేబీ
అయ్యహొ! ప్రభాకరుడుతా
నయ్యెగ మరి యెండునుగద నావడియములే!
🙏🏻💐
🙏🙏🙏
తొలగించండి
తొలగించండిఅడడా! మరందు పోనేన్ !
వడియములెండెను విడువని వానలలోనన్
మడమడ యెండ్రణ్ణావే
కొడియాయ్ కాక్క మడియాయ్ సగోదరి యై తాన్ !
:)
జిలేబి
అరవ మామి కందము
విట్టుబాబు గారూ,
తొలగించండిప్రభాకర శాస్త్రి గారిపై మీ పద్యం బాగున్నది.
*****
జిలేబీ గారూ,
మీ అరవ పద్యం అర్థం కాలేదు.
రిప్లయితొలగించండిఅడకత్తెర వేడి సుమా
వడియము లెండెను; విడువని వాననలోనన్
గడినుడి చేసితి; నిదురన్
సడలుకొలుప వేడి టీని చక్కగ గొంటిన్ !
జిలేబి
జిలేబీ గారూ,
తొలగించండిమీ పూరణల అడకత్తెరలో ఏనాడో చిక్కుకున్నాను. బాగున్నది మీ పూరణ. అభినందనలు.
మీరు ఎంచక్కా వేడి టీని తీసుకొని కూర్చున్నారు. నేనింకా కాఫీకోసం అరగంట ఎదురుచూడాలి. మా వృద్ధాశ్రమంలో ఆరుగంటలకు ఇస్తారు!
దడియక మన ధనలక్ష్మియె
రిప్లయితొలగించండిగడియను గట్టిగ బిగించి గమ్మున గదిలో
పొడవగు హీటరు పెట్టన్
వడియములెండెను విడువని వానలలోనన్.
బాపూజీ గారూ,
తొలగించండిమీ పూరణ బాగున్నది. అభినందనలు.
గడియ కొకచినుకు చొప్పున
రిప్లయితొలగించండిదడదడ పడినంత నేల తడియా రకనే
వడివడి గద్యుమణి వెలుగ
వడియము లెండెను విడువని వానల లోనన్
అక్కయ్యా,
తొలగించండిమీ పూరణ బాగున్నది. అభినందనలు.
మూడవ పాదంలో గణదోషం. 'వడివడిగ ద్యుమణి' అన్నపుడు 'గ' లఘువే. అక్కడ "వడివడిగ ద్యుమణి వెలుగగ" అనండి.
గడియ కొకచినుకు చొప్పున
తొలగించండిదడదడ పడినంత నేల తడియా రకనే
వడివడి గద్యుమణి వెలుగగ
వడియము లెండెను విడువని వానల లోనన్
రిప్లయితొలగించండివడివడి గా పదమ్ములను పట్టిక జూచుచు నింపగానయా
గడినుడి తీరు గాంచె, సయి, గట్టిగ మారుచు నచ్చటన్ భళా
వడియము లెల్ల నెండినవి; వాన లవారిత రీతిగాఁ బడన్,
బడబడ వాటి నన్ని టిని, పట్టుగ సర్దితి చక్కగానయా !
జిలేబి
జిలేబీ గారూ,
తొలగించండివిరుపుతో మీ పూరణ బాగున్నది. అభినందనలు.
మైలవరపు వారి పూరణ
రిప్లయితొలగించండికీచకవధ...
పిడుగులు లేక గల్గె పెనువృష్టియనన్ వలలుండు బట్టి స..
వ్వడియును లేక గ్రుద్దులను వానిని గీచకుఁ జంపె , నెత్తురున్
తడియును నింకె కోపము నిదాఘగతిన్ జ్వలియింప , నస్థులన్
వడియము లెల్ల నెండినవి వానలవారిత రీతిగాఁ బడన్ !
మైలవరపు మురళీకృష్ణ వెంకటగిరి
కీచకుని అస్థులను వడియాలుగా చేసిన మైలవరపు వారి పూరణ అద్భుతంగా ఉన్నది. అభినందనలు.
తొలగించండి
తొలగించండిఆహా ! వడియాలకు, కీచకునికి లింకు లంకె యా !
అదురహో అవధాని గారు
జిలేబి
అవధానుల ఊహాసామర్ధ్యానికి అంతులేదు! అందుకోండి అభినందన మందారమాల! 💐💐💐💐🙏🙏🙏🙏
తొలగించండిధన్యవాదాలండీ జిలేబీ గారికి... సీతాదేవి గారికి... శ్రీ శాస్త్రి గారికి కూడానూ... నమోనమః 🙏
తొలగించండిమైలవరపువారూ!
తొలగించండిఅద్భుతము! అనన్యసామాన్యము!!
🙏🏻💐
ఇక్కడ కూడా చెప్పాలి మరి...
తొలగించండిఅవధానుల్లవ ధానులె
వివరమ్ము ల్లెరుకె వార్కి వింతగు విధమున్
భవులే వారిల లోమరి
దివిలో వాణికి కొమరుల ధీటగు రీతిన్
🙏🏻
విట్టుబాబు గారూ,
తొలగించండిపద్యం బాగుంది. కాని 'అవధానుల్ + అవధానులె, వివరమ్ముల్ + ఎరుకె' అన్నపుడు ద్విత్వ లకారాలు రావు. 'వార్కి' అనడం సాధువు కాదు. "అవధాను లవధానులె మరి। వివరమ్ములు వారి కెరుకె" అనండి.
ఈ కామెంట్‌ను రచయిత తీసివేశారు.
తొలగించండిఈ పద్యమును ప్రశంసించిన పెద్దలందరికీ వందనములు పేరు పేరునా 🙏🙏🙏🙏
తొలగించండిమైలవరపు మురళీ కృష్ణ
పార్వతమ్మకు వడియాలు తినాలని ఉంది.... కోరిక తీరింది ఇలా 👇
తొలగించండిమృడసతి వెండికొండపయి నెండకు బెట్టినదప్పడమ్ములున్
వడియములెల్ల ., నెండినవి , వానలవారిత రీతిగాఁ బడన్
తడి తడి కట్టెలన్ గనుచు తల్లడిలన్ , గమనించి , ప్రేమ రు...
ద్రుడు తన కంటిమంటనిడి దోరగ వేగగ జేసెనన్నియున్!!
మైలవరపు మురళీకృష్ణ వెంకటగిరి
ఇవేళ పురాణ పురుషుల చేత కుడా వడియాల తినిపించారు ఎండపెట్టించారు కొసకి వేయించడం కూడాను 😂😂🙏భలే ఉన్నాయి
తొలగించండివడియాలా మరేమన్నానా😁
...రుక్మిణి
క్రెడిట్సన్నీ శ్రీమతి సీతాదేవి గారి అకౌంట్ కే జమ... నమోనమః 🙏🙏
తొలగించండి...మైలవరపు మురళీకృష్ణ
నిడుజడి లో పెట్టెను మా
రిప్లయితొలగించండిగడసరి పడతి గదిలోన కడు ధైర్యముతో
ఫ్లడులైట్ల కాంతి యందున
వడియము లెండెను విడువని వానన లోనన్
విరించి గారూ,
తొలగించండిఫ్లడ్ లైట్లు కాంతినే కాదు, విపరీతమైన వేడినీ ఇస్తాయి. మీ పూరణ బాగున్నది. అభినందనలు.
తడిసిన బట్ట్టలు యిప్పుడు
రిప్లయితొలగించండివడివడిగా యెoడబెట్టు వాషింగు మిషన్,
వడ యంత్రరాజ మందున
"వడియము లెండెను విడువని వానలలోనన్
వడ యంత్ర రాజము = డ్రైయ్యరు
పూసపాటి వారూ,
తొలగించండిమీ పూరణ బాగున్నది. అభినందనలు.
'బట్టలు + ఇప్పుడు = బట్ట లిప్పుడు' అవుతుంది. యడాగమం రాదు. 'వడిగా + ఎండబెట్టు = వడిగా నెండబెట్టు' అవుతుంది. యడాగమం రాదు. "తడిసిన బట్టల నిప్పుడు। వడివడిగా నెండబెట్టు..." అనండి.
రిప్లయితొలగించండిఅడిగితి గోము గా సయి సయాటల నయ్యరు గారి నయ్య! తా
గడగడ దేశ మెల్ల చని గామిడి యంత్రము తెచ్చి రందునన్
వడియము లెల్ల నెండినవి; వాన లవారిత రీతిగాఁ బడ
న్బడబడ వేగ మైన సయి నాకు భయమ్మిక లేదు గా భళా !
జిలేబీ గారూ,
తొలగించండిమీ పూరణ బాగున్నది. అభినందనలు.
అయ్యహో! మీ అయ్యరుగారు. సర్వసమర్థులు!!
తొలగించండి🙏🏻
జడివాన కాలము జడుపు
రిప్లయితొలగించండితడి చిత్తడి నేలను తడబడునడుగులతో
వడిబోయి చూడ నీడను
వడియము లెండెను విడువని వానల లోనన్
Dr H Varalakshmi
Bangalore
వరలక్ష్మి గారూ,
తొలగించండిమీ పూరణ బాగున్నది. అభినందనలు.
రోలు రోకలి లేకయె పొడులు పెక్కులు రాసులై
రిప్లయితొలగించండిచేరగన్
ఆవిరి వంటలు కుతకుతమని నోరూర ఉడక
నేర్చినన్
రొట్టెలు మరి చపాతీలు యంత్రమున పురుడు
పోసుకొనగన్
వడియము లెల్ల నెండినవి వానలవారిత
రీతిగా బడన్
వడివడిగా సడి లేకయె
రిప్లయితొలగించండితడియారగ జేయునట్టి తగు యంత్రములో
పడవేయగ నద్భుతముగ
వడియము లెండెను విడువని వానల లోనన్
****)()(****
(ఆధునిక 'డ్రైయర్'యంత్రాలు వచ్చిన యీ కాలంలో యిదేమీ పెద్ద విశేషం కాదుగదా!)
జనార్దన రావు గారూ,
తొలగించండిమీ పూరణ బాగున్నది. అభినందనలు.
మిడిమిడి యెండలలోనన్
రిప్లయితొలగించండివడియము లెండెను; విడువని వానలలోనన్
వడివడి పప్పుకు దోడుగ
కుడువగ వాటిని మజాయె కోరికదీరన్
సీతాదేవి గారూ,
తొలగించండిమీ పూరణ బాగున్నది. అభినందనలు.
ధన్యవాదములు గురుదేవా! నమస్సులు!🙏🙏🙏🙏
తొలగించండిఅడిగిన వెంటనె పెట్టిన
రిప్లయితొలగించండివడియము లెండెను ; విడువని వానలలోనన్
సడిసేయుచు కఱకఱమని
కడుపారగ నివి భుజింప కడుమోదమ్మో!
సవరణ: "మోదమ్మౌ!"
తొలగించండిజనార్దన రావు గారూ,
తొలగించండిమీ పూరణ బాగున్నది. అభినందనలు.
వడివడి పరుగిడి తెచ్చితి
రిప్లయితొలగించండిమడితో పెట్టిన వడియము మడినే మరచీ,
జడివానకు తడవక మరి
వడియము లెండెను విడువని వానల లోనన్.
నేనూ నిన్న, మొన్న ఇలాగే పరుగెట్టి మా డాబాపై పెట్టిన వడియాల్ని తెచ్చాను నిజముగా నిజము నమ్మండి మరి.
శివరామకృష్ణ శాస్త్రి గారూ,
తొలగించండిస్వానుభవంతో మీరు చెప్పిన పూరణ బాగున్నది. అభినందనలు.
'మరచీ' అనడం వ్యావహారికం. అక్కడ "మడిని మరచి నే। జడివానకు..." అనండి.
అలాగే నండీ అర్ధమైనది. ధన్యవాదములు.
తొలగించండిగురువర్యులు శ్రీ కంది శంకరయ్య గారి శంకరాభరణం
రిప్లయితొలగించండిసమస్యాపూరణ :: నేటి సమస్య సంఖ్య-2642
సమస్య :: *వడియము లెల్ల నెండినవి , వానలవారిత రీతిగా బడన్.*
ఆగకుండా వానలు పడుతూ ఉంటే వడియాలన్నీ ఎండినాయి అని చెప్పడం ఈ సమస్యలో ఉన్న విరుద్ధమైన అర్థం.
సందర్భం :: బ్రహ్మదేవుని నుండి వరాలను పొందిన రావణాసురునికి భయపడిన దేవతలందరూ తమ అభిమానం ప్రక్కన బెట్టి అతని అడుగులకు మడుగు లొత్తడం మొదలుబెట్టినారు. వరుణుడు కావలసినంత వర్షాన్ని కురిపిస్తున్నాడు. సూర్యుడు సేవ చేసేందుకు రావణుని ఇంటికి వెళ్లినాడు. అప్పుడు వానలు కురుస్తున్నా సూర్యుని రాకతో ఇంటిలోపల పెట్టిన వడియాలన్నీ ఎండినాయి అని విశదీకరించే సందర్భం.
ఇడుముల బెట్టు రావణుని యిచ్ఛ మెలంగుదు రెల్ల దేవతల్,
మడుగుల నొత్తు చుందు, రభిమానము వీడుచు లంకలోపలన్,
వడి వడి నేగుదెంచె నట భానుడు రావణు గొల్వ, నింటిలో
*వడియము లెల్ల నెండినవి, వాన లవారిత రీతిగా బడన్.*
*కోట రాజశేఖర్ పడుగుపాడు నెల్లూరు.* (5-4-2018)
అద్భుతమైన పూరణ అవధానిగారూ! నమోనమః!🙏🙏🙏🙏
తొలగించండి
తొలగించండిఒకరేమో మహాభారతానికి వడియాల్స్ కు లింకు
మరొకరేమో రామాయణానికి లింకు !
ఆహా ! అవధానులన్న అవధానులే గదా !
జిలేబి
కోటావారూ! ఊహాతీతములనూహించగల సామర్థ్యమెటులబ్బినదో!? అద్భుతము.
తొలగించండి🙏🏻💐
శ్రీమతి గుఱ్ఱం సీతాదేవి గారికి హృదయపూర్వక ప్రణామాలు.
తొలగించండిసహృదయులు శ్రీయుతులు అగు జిలేబి గారికి హృదయపూర్వక ధన్యవాదాలు.
తొలగించండిశ్రీ ps Rao విట్టు బాబు గారికి హృదయపూర్వక కృతజ్ఞతలు.
తొలగించండిజిలేబీ గారూ!ఎంతయినా
తొలగించండిఅవధాను ల్లవధానులె
వివరమ్ము ల్లెరుకె వార్కి వింతగు విధమున్
భవులే వారిల లోమరి
దివిలో వాణికి కొమరుల ధీటగు రీతిన్
రాజశేఖర్ గారూ,
తొలగించండిమీ పూరణ అద్భుతంగా ఉన్నది. అభినందనలు.
*****
విట్టుబాబు గారూ,
మీ పద్యానికి సవరణలను పైన సూచించాను.
అయ్యయ్యో గురువుగారూ!
తొలగించండిఅవధా నులవధా నులెమరి
అంటే ఓ లఘువెక్కువయ్యింది. :-)
అవునండీ... "అవధాను లన వధానులె" అందాం. అవధాని, వధాని పర్యాయపదాలు.
తొలగించండికోట రాజశేఖర్ - రెండవ పూరణ
తొలగించండిపడ నదె రామమూర్తిశరవర్షము, గ్రక్కుచు నగ్ని ధారలన్,
వడియము లట్లు రాక్షసుల ప్రాణము లెండెను తాపమందుచున్,
మడిసెను రావణాసురుడు, మైథిలి రాముని జేరె, చూడగా
వడియము లెల్ల నెండినవి , వాన లవారిత రీతిగా బడన్.
*కోట రాజశేఖర్ పడుగుపాడు నెల్లూరు.*
గురువర్యులు
తొలగించండిశ్రీ కంది శంకరయ్య గారికి భక్తిపూర్వక ప్రణామాలు.
శ్రీ ps Rao విట్టు బాబు గారూ! పద్య రూప ప్రశంసల నందజేసినందులకు ధన్యవాదాలు.
తొలగించండివడలను వండి వేడిగ విభావరి యందున జంట గాతినన్
రిప్లయితొలగించండిదడదడ వాన కోయిల లుదారుల వెంబడి బారు తీయగా
గడబిడ లేక యుల్లము నకారణ మెంచక వేడి గాలికిన్
వడియము లెల్ల నెండినవి , వాన లవారిత రీతిగాఁ బడన్
అక్కయ్యా,
తొలగించండిమీ పూరణ బాగున్నది. అభినందనలు.
పుడమీసుత సూచనతో
రిప్లయితొలగించండినడుగగ పూరించ శంకరాభరణమునన్
చడిచేయగ కవులెల్లరు
"వడియము లెండెను విడువని వానలలోనన్"
తడితీసెడి యంత్రముల
తొలగించండిన్వడివడిగా వాడె గనక వాడలనందున్
గడబిడ యింకేమి గలదు
"వడియము లెండెను విడువని వానలలోనన్"
విట్టుబాబు గారూ,
తొలగించండిమీ రెండు పూరణలు బాగున్నవి. అభినందనలు.
ధన్యవాదములు గురువుగారూ!
తొలగించండి🙏🏻
డా.పిట్టాసత్యనారాయణ
రిప్లయితొలగించండికుడి యెడమన్ విపక్షములు"కూడవు మీవగు పాలనార్భటాల్
గడి వదలండి తప్పుకొని గద్దరి చేష్టలు మాని, యొప్పమీ
బుడిబుడి నమ్మబల్కుటలు బూటకముల్ గనుడ"న్న మధ్య స
వ్వడి యది లేక,బిల్లుల సవాలుగ తీరిచి దిద్దగా సభన్
వడియములెల్ల నెండినవి వానలవారిత రీతిగా బడన్!
డా. పిట్టా వారూ,
తొలగించండిమీ పూరణ చక్కగా ఉన్నది. అభినందనలు.
కందము*
రిప్లయితొలగించండిపొడిపొడి యెండన బాగా
వడియము లెండెను; విడువని వానలలోనన్
తడితడిగా నున్న స్థితిన
కడుపార కరకరమనుచు గతుకుట ముదమౌ
................✍చక్రి
చక్రి గారూ, (మీ పేరు చక్రపాణియా? చక్రిపాణియా?)
తొలగించండిమీ పూరణ బాగున్నది. అభినందనలు.
'స్థితిని' అనండి.
అవును సార్
తొలగించండిఆవుల చక్రపాణి యాదవ్
సత్రయాగం మీ పద్యం గ్రూప్ లో ఉండేవాన్ని
డా.పిట్టాసత్యనారాయణ
రిప్లయితొలగించండిఅడిగిన లంచము ,వానిని
వడి జెప్పుల గొట్టుమనిరి, వారే వహ్వా!
నడిమిని కుంటెనగాళ్ళన్
వడియములెండెను విడువని వానలలోనన్!
డా. పిట్టా వారూ,
తొలగించండిమీ పూరణ బాగున్నది. అభినందనలు.
డాపిట్టా నుండి
తొలగించండిఆర్యా, ధన్యవాదములు
రిప్లయితొలగించండిమడకను దున్నె నామగడు; మానిని బేర్చగ మండుటెండలో
వడియము లెల్ల నెండినవి; వాన లవారిత రీతిగాఁ బడన్
పడకిలు సర్దినాడు సయి పాలుషి చేరెను మోదమొందుచున్
చిడిముడి లేని జీవులకు చేవయు గూర్చును సంజ్ఞ యే గదా!
జిలేబి
జిలేబీ గారూ,
తొలగించండిమీ పూరణ బాగున్నది. అభినందనలు.
డా.ఎన్.వి.ఎన్.చారి
రిప్లయితొలగించండిగడబిడ జేయబట్టె సినుకాగక గట్టిగ గొట్ట బట్టెరా
తడితడి!ముద్దలైతయిగదయ్యగవెట్ల ?ఇగేమి జేస్తవో?
యిడువక జెప్ప నంగనె ,మరెట్లనొ హీటరు కింద బెట్టి తే
వడియములెల్ల నెండినవి వాన లవారితరీతిగా బడన్
డా. ఎన్వీయెన్ చారి గారూ,
తొలగించండిగ్రామీణ భాషలో చక్కని పూరణ చెప్పారు. అభినందనలు.
గురువు గారికి నమస్సులు.
రిప్లయితొలగించండివడివడిగ గ్రీష్మ నందున
వడియము లెండెను, విడువని వానల లోలన్
తడవక గొడుగున్ తెరువగ
కడిగిన ముత్యము వలె కళ కనబడును సుమతీ.
కనబడు గా చదువ ప్రార్థన.
తొలగించండివెంకట నారాయణ రావు గారూ,
తొలగించండిమీ పూరణ బాగున్నది. అభినందనలు.
"గ్రీష్మమందున" అనండి. అలాగే "కనబడు సుమతీ" అనండి. లేకుంటే గణదోషం.
నిడిమట్టంతయు కూడగ
రిప్లయితొలగించండిజడివానకురువమొదలిడె జవముగనే చా
వడి నడినుంచిన మానెడు
వడియములెండెను విడువనివానలలోనన్
సీతారామయ్య గారూ,
తొలగించండిమీ పూరణ బాగున్నది. అభినందనలు.
ధన్యవాదములు🙏🏽
తొలగించండి
రిప్లయితొలగించండిగోలీ వారింకా రాలె ! యేమి వచ్చునో :)
జిలేబి
రిప్లయితొలగించండిసందర్భము - చెల్లెలు సీతాదేవి కొరకు అన్నయ్య ప్రభాకరుడు వానొచ్చినా గొడుగు బట్టి వడియాలన నెండునట్లు చేసెను ; దీనికి స్పిరిట్ విట్టుబాబు గారి పద్యము
అడడా! మరందు పోనేన్ !
వడియములెండెను విడువని వానలలోనన్
మడమడ యెండ్రణ్ణావే
కొడియాయ్ కాక్క మడియాయ్ సగోదరి యై తాన్ !
:)
జిలేబి
అహో! జిలేబి అరవపు పద్యమ్!😄😄😄
తొలగించండి
తొలగించండికొంత సవరించి రైమింగ్ కొరకు
అడడా! మరందు పోనేన్ !
వడియములెండెను విడువని వానలలోనన్
మడమడ యెండ్రణ్ణావే
కొడయాయ్ కాక్క అడియేన్ సగోదరి యై తాన్ !
జిలేబి
జిలేబీయవర్గళే!
తొలగించండిఎనక్కు పురింజిపోచ్చి ఉంగళోడ గవిదై!
ఇంకా తమిళ్ లో రాస్తే గురువుగారు దండించడమే తరువాయి :)
మీ ముందుమాటలో నాకూ భాగమిచ్చినందులకు ధన్యవాదములు
🙏🏻
రిప్లయితొలగించండికం
జడివాన జోరుగ బయట
పడతియె గృహమున తెలివిగ వడియాలుంచెన్
పొడిచేయు యంత్రమందున
వడియము లెండెను విడువని వానలలోనన్
🌿🌿🌿 ఆకుల శాంతి భూషణ్🌷🌷
☘ వనపర్తి☘
శాంతిభూషణ్ గారూ,
తొలగించండిమీ పూరణ బాగున్నది. అభినందనలు.
కడు గొని పడతు లు పెట్టిన
రిప్లయితొలగించండివడి యము లెండె ను ;విడు వని వానల లోన న్
తడిసి రి రైతులు పొ ల మున
ఎడతె గ క ను కష్ట పడి రి యి చ్చార తు లై
రాజేశ్వర రావు గారూ,
తొలగించండిమీ పూరణ బాగున్నది. అభినందనలు.
బిడియమ్ముల వడియమ్ములు
రిప్లయితొలగించండిసడిసేయక వెట్టుచుండ, చటుకున పతియే
గడివెట్టుచు సతి గలువగ
వడియము లెండెను విడువని వానలలోనన్.
గోలివారు యమగోల జేసేశారు! సీనియర్ ఎన్టీయార్!🙏🙏🙏
తొలగించండిహనుమచ్ఛాస్త్రి గారూ,
తొలగించండికామాగ్నితో వడియా లెండబెట్టారు. బాగుంది మీ పూరణ. అభినందనలు.
మాటల్లేవ్!!
తొలగించండి🙏🏻💐
గురువర్యులకు,విట్టుగారికి సీతాదేవి గారికి జిలేబి గారికి ధన్యవాదములు.
తొలగించండివడివడి పరుగుల చదువుల
రిప్లయితొలగించండిబడిలో గురువుల చరపుల బారిని శిష్యుల్
గడిపిన బాల్యం బెటులన?
వడియము లెండినవి విడువని వానలలోనన్!
పుట్టంరాజు సునీల్ బాబు!
సీతాదేవి గారూ,
తొలగించండిమీ పూరణ బాగున్నది. అభినందనలు.
'పుట్టంరాజు సునీల్ బాబు'...?
గురుదేవులకు నమస్సులు! ఇది నా పూరణ కాదండీ! పుట్టంరాజు సునీల్ బాబుగారిదే! వారు మా అక్కకు అల్లుడు! మిమ్మల్ని ఆశ్రమంలో కలవడానికి వచ్చినప్పుడు ఆ అబ్బాయి కూడ వచ్చారు! గుర్తుందా?
తొలగించండివారు నాకు పంపితే పూరణ బ్లాగులో ఉంచాను! ఇదివరలో వారు కొన్ని పూరణలు చేసి యున్నారు బ్లాగులో!
వారి తరఫున ధన్యవాదాలు!🙏🙏🙏
వడగాలికి కడు రయమున
రిప్లయితొలగించండివడియము లెండెను, విడువని వానలలోనన్
విడిది గృహమ్మున ముచ్చట
పడి వేయించ ప్రియ సఖియ పడిపడి తింటిన్
(పడిపడి అనే వ్యావహారకము వాడాను)
అన్నపరెడ్డి వారూ,
తొలగించండిమీ పూరణ బాగున్నది. అభినందనలు.
మడిగను బామ్మ పెట్టగనె మబ్బులు పట్టెనటంచు బల్కుచున్
రిప్లయితొలగించండిబుడుతలు గేలిసేయనొకపుత్రుడు యంత్రము వేసినంతటన్
తడి పిసరంత లేక విశదమ్ముగ చూడ్కికి వింతగొల్పుచున్
వడియములెల్ల నెండినవి వాన లవారితరీతిగా బడన్
కడు తీష్ణమైన ఎండకు
రిప్లయితొలగించండితడియన్నది లేక హర్షదాయక మగుచున్
వడగండ్లు ఘల్లుఘల్లున
వడియము లెండెను, విడువని వానలలోనన్
భాస్కరమ్మ గారూ,
తొలగించండిమీ రెండు పూరణలు బాగున్నవి. అభినందనలు.
వడ కడుహెచ్చ ప్రీతి సతిపట్టుగ చేసిన సగ్గు బియ్యపున్
రిప్లయితొలగించండివడియము లెల్ల నెండినవి, వాన లవారిత రీతిగాఁ బడన్
కడుముదమందజేయగ స్వకాంత గ్రహించి గృహేశు కోరికన్
వడివడి వేపి తైలమున భర్తకుఁబెట్టెను భోజనమ్మునన్
అన్నపరెడ్డి వారూ,
తొలగించండిమీ పూరణ బాగున్నది. అభినందనలు.
కోట రాజశేఖర్ - రెండవ పూరణ
రిప్లయితొలగించండిపడ నదె రామమూర్తిశరవర్షము, గ్రక్కుచు నగ్ని ధారలన్,
వడియము లట్లు రాక్షసుల ప్రాణము లెండెను తాపమందుచున్,
మడిసెను రావణాసురుడు, మైథిలి రాముని జేరె, చూడగా
వడియము లెల్ల నెండినవి , వాన లవారిత రీతిగా బడన్.
*కోట రాజశేఖర్ పడుగుపాడు నెల్లూరు.*
రాజశేఖర్ గారూ,
తొలగించండిరామశరవర్షంలో రాక్షసప్రాణాలు ఎండినవన్న మీ పూరణ ప్రశస్తంగా ఉన్నది. అభినందనలు.
శ్రీ గురుభ్యో నమః
తొలగించండివడి వేడిగఁ దినవలయును
రిప్లయితొలగించండివడియము లెండెను విడువని వానలలోనం
దడిసి పరుండు ముదమ్ముగఁ
బడ నేల కలవర మిట్లు పశు గత భీతిన్
పుడమిని నున్న సస్యములు పుష్పము లెల్ల స తోయజమ్ములుం
దడిసి నశించె నత్యధిక దారుణ వృష్టి విఘాత ధాటికిం
దడఁబడి తిండి లేక యటఁ దామర సాకర మందు నిల్చి యా
వడి యము లెల్ల నెండినవి వాన లవారిత రీతిగాఁ బడన్
[ఆవడి =ఉపద్రవము; యములు = హంసలు]
అద్భుతమైన విరుపు పూజ్యులు కామేశ్వరరావు గారూ! నమశ్శతములు!🙏🙏🙏🙏🙏
తొలగించండికామేశ్వర రావు గారూ,
తొలగించండిమీ రెండు పూరణలు అద్భుతంగా ఉన్నవి. ముఖ్యంగా రెండవ పూరణలోని విరుపు అనన్యసామాన్యం. అభినందనలు.
పూజ్యులు శంకరయ్య గారికి నమఃపూర్వక ధన్యవాదములు.
తొలగించండిడా. సీతా దేవి గారు నమస్సులు. ధన్యవాదములు. సంస్కృతాంధ్ర భాషల లోని మాహాత్మ్యమే యది. కమ్మటి వడియాలు తెల్లటి హంసలైనవి మధురముగా.
విద్వజ్జనులు పరిష్కరించలేని సమస్యయేమున్నది?! 🙏🙏🙏🙏
తొలగించండిdear sir very good and very good content
రిప్లయితొలగించండిTollywood Cinema News
మిడసర కాలమయ్యెగ సమీకరణమ్ములు మారె నేటికిన్
రిప్లయితొలగించండిగొడుగులు గూర్చి పంటలకు గొప్పగ జేయ నవీన సేద్యమున్
వడిగొని యెండతోడుగ యపార ప్రవాహక శక్తిగూర్చగన్
మడుగుల నీటితో కరవు మాన్పగ బూనగ నాయకుండహో
యడుగిడ చంద్రమండలము హద్దులులేకయె శాస్త్రప్రజ్ఞకున్
వడియము లెల్ల నెండినవి వానలవారిత రీతిగా బడన్!
సీతాదేవి గారూ,
తొలగించండిమీ పూరణ బాగున్నది. అభినందనలు.
"తోడుగ నపార..." అనండి.
కడివెడు దఃఖమునందున
రిప్లయితొలగించండిగడుపుచు కులకాంత లెంచుకాపురము వలెన్
నడుపగ విద్యుత్ యంత్రము
వడియములెండెను విడువని వానల లోనన్
ఈశ్వరప్ప గారూ,
తొలగించండిమీ పూరణ బాగున్నది. అభినందనలు.
"విద్యుద్యంత్రము" అనండి.
కందం
రిప్లయితొలగించండితడబడ శిఖండి కనఁబడ
కడు వీరుడు భీష్ముడెండ కవ్వడి వృష్టిన్
తొడుగుల! కౌరవు లెండన్! !
వడియము లెండెను విడువని వానలలోనన్!
సహదేవుడు గారూ,
తొలగించండిమీ పూరణ బాగున్నది. అభినందనలు.
పడతుల కిష్టమైనవని భాస్కరుడుంచిన వేడిచేతనే
రిప్లయితొలగించండివడియము లెల్ల నెండినవి!వానలవారిత రీతిగాబడన్
గొడుగులుబట్టినట్లు తగుకూరలుభోజన మందువేడిగా
వడియము లుంచగా?"పడతివాల్జడ కుంచినమల్లెలౌనుగా!
ఈశ్వరప్ప గారూ,
తొలగించండిమీ పూరణ బాగున్నది. అభినందనలు.
రిప్లయితొలగించండిగు రు మూ ర్తి ఆ చా రి
,,,,,,,,,,,,,,,,,,,,,,,,,,,, ,,,,,,,,,,,,,,,,
[ వానలో వడియాలు ఎండినటుల పగటి పూట కలగని ,
పగటికల నిజమౌ నని వడియాలు వానలో నెండబెట్టిన
ఒక మూర్ఖపు కోడలికి , గయ్యాళి అత్తకు ,
మధ్య సంభాషణ ]
---- -----------------------------------------------------------------------
వడియము లెండ బెట్టితివి వర్షము వచ్చును , తెమ్ము , కోడలా !
..................................................................................................
జడియకు మత్త ! వానకును జక్కగ నెండును లెమ్ము , నా‌నకన్
....................................................................................................
బడితను వెట్టి వెన్నుపయి బాదెద , చెప్పిన మాట దాటినన్
వడియము లెట్టు లెండు జడివానకు ? వాగకు తిక్క తిక్కగా
.......................................................................................
గడచిన నాడు , నేను కలగంటి బవల్ | గల లోన , వట్టిగా
వడియము లెల్ల నెండినవి వాన లవారిత రీతిగా బడన్ |
కడు నిజమౌ గదా పగలు గాంచిన స్వప్న విశేష మెప్పుడున్ |
....................................................................................
పడసెను నాదు కొడ్కు నిను భార్యగ ; ఛీ యవివేకురాల ! నా
కడపను దాటి పోవె యిక ; గాళ్ళను విర్చెద నింట నిల్చినన్
........................................................................................
గురుమూర్తి ఆచారిగారూ! మహత్తరమైన అత్తాకోడళ్ళ వివాదం!! 👌👌👌🙏🙏🙏
తొలగించండిగురుమూర్తి ఆచారి గారూ,
తొలగించండిఅత్త కోడళ్ళ సంవాద రూపమైన మీ పూరణ చక్కగా ఉన్నది. అభినందనలు.
గురుమూర్తి ఆచారి
తొలగించండి..............
గురువర్యు లగు శ్రీ కంది శంకరయ్య గారికి మరియు
సత్కవయిత్రి యగు శ్రీ మతి సీతా దేవిగారికి ధన్యవాదములు , నమస్సులు
బడబాగ్ని వంటి యెండన
రిప్లయితొలగించండివడియము లెండెను విడువని వానన లోనన్
తడవగ కడురో దించెను
పడతియె తనదు శ్రమయంత వ్యర్థమ్మవగన్.
విరించి గారూ,
తొలగించండిమీ పూరణ బాగున్నది. అభినందనలు.
తడబడి యా మడేలు వడి తల్లిని జానకి దూలనాడగా
రిప్లయితొలగించండినొడబడి రామచంద్రుడట నొప్పగ మిక్కిలి రాజ్యభారమున్
విడువగ కానలోన మది వీడనిశోకమునన్ గృశింపగా
సడలగ ధైర్యమంతయు విచారము గ్రమ్మగ సీత యాశలన్
వడియము లెల్ల నెండినవి వానలవారిత రీతిగా బడన్!
సీతాదేవి గారూ,
తొలగించండిమీ పూరణ బాగున్నది. అభినందనలు.
ధన్యవాదములు గురుదేవా! నమస్సులు!🙏🙏🙏🙏
తొలగించండివడగాలుల వేసవిలో
రిప్లయితొలగించండివడియము లెండెను, విడువని వానలలోన
న్నిడునవి కరకరమను రుచి
వడివడిగా వేఁపి తినగ పలుకును కైతల్!
శిష్ట్లా శర్మ గారూ,
తొలగించండిమీ పూరణ బాగున్నది. అభినందనలు.
చంపకమాల
రిప్లయితొలగించండితడిసెనయోధ్య పంక్తిరథు దైన్యపుటశ్రువు వర్షధారలై
యడవులకేగు రాముడన నార్తిగ దేశము శోకసంద్రమై
దుడుచుచు రామపట్టమును దుగ్ధపు మందర, కైక గుండెలన్
వడియము లెల్ల నెండినవి వాన లవారిత రీతిగాఁ బడన్
సహదేవుడు గారూ,
తొలగించండిచాల చక్కగా ఉన్నది మీ పూరణ. అభినందనలు.
🙏ధన్యోస్మి గురుదేవా🙏
తొలగించండి
రిప్లయితొలగించండికం
పొడి పొడి యెండల నుంచిన
వడియము లెండెను, విడువని వానలలోనన్
కడు వాంఛలె పతికి గలుగ
పడతియె బజ్జీలొనర్చ వడి బుజియించెన్
🌿🌿🌿 ఆకుల శాంతి భూషణ్🌷🌷
☘ వనపర్తి☘
భుజియించెన్..గా చదవండి
తొలగించండిశాంతిభూషణ్ గారూ,
తొలగించండిమీ పూరణ బాగున్నది. అభినందనలు.
రిప్లయితొలగించండిసీసం
పడుకుల న్వండెను బాగరి యొక్కతె ఘనమైన భక్త్రితో కాస్యపేయు
లెల్లరు పొగడగ, తల్లిఐ, తన వలువలను విడచి జేసె వడ్డనమ్ము
తోయజ లోచన ద్యోసత్తులు పొగడన్, మడితోడ బెట్టిన మధుర మైన
వడియము లెండెను విడువని వానల లోనన్, తురంగము లోన నేను
పతికి పూజలు చేయుచు భక్తి కలిగి
నత్త మామల సేవలన్ చిత్త శుద్ది
కల్గి చేసిన ఫలమని కలవరించె
నీరజాక్షి నొక్క దినమున్ నిదురయందు
పూసపాటి వారూ,
తొలగించండికందపాదాన్ని సీసపాదంలో చక్కగా ఇమిడ్చారు. పూరణ బాగున్నది.
"కలిగి యత్తమామల... నీరజాక్షియె యొకనాడు నిదురయందు..." అనండి.
స్వప్న వృత్తాంతముగ మీ సీసపద్య పూరణ చాల బాగున్నది పూసపాటివారూ! మీ వల్ల ఈరోజు తురంగ పదానికి అంతగంగమనే అర్ధాన్ని తెలుసుకోగలిగాను ధన్యవాదములు! అభినందనలు!🙏🙏🙏
తొలగించండిధన్యవాదాలు
తొలగించండిరవీందర్ గారూ,
రిప్లయితొలగించండిమీ పూరణ బాగున్నది. అభినందనలు.
రవీందర్ గారూ,
రిప్లయితొలగించండిమీ పూరణ బాగున్నది. అభినందనలు.
పడతిని వీడి వృత్తిపయి భారముగా పరదేశమందునన్
రిప్లయితొలగించండిగడిపెడు వాడి చెంతకొక కామిని జేరెను కోర్కెమీరగన్
బిడియము వీడుచున్నతని ప్రేమను పొందు నెపమ్ము తోడుగన్
వడియము లెల్ల నెండినవి వానలవారిత రితిగా బడన్
విరించి గారూ,
తొలగించండిమీ పూరణ బాగున్నది. అభినందనలు.
వడిగా వేసవిలో నిడ
రిప్లయితొలగించండివడియము లెండెను ,విడువని వానలలోనన్
తడియగ నారుబయటగల
వడియములనుగాంచి నాతి వగచెను మదిలో.
ఉమాదేవి గారూ,
తొలగించండిమీ పూరణ బాగున్నది. అభినందనలు.
వడగళ్లాగగ నెండకు
రిప్లయితొలగించండివడియము లెండెను ; విడువని వానలలోనన్
పొడి వస్త్రము లేక పడతి
తడి చీర ధరించి వేచి తన మగని కిడెన్
నిన్నటి సమస్యకు నా పూరణ
తెల్లని పూవులు విరివిగ
మల్లియ తీవియకుఁ గాసె; మామిడికాయ
ల్లుల్లము రంజిల్లగ కో
కొల్లల్లుగా తోటలందు కులుకుచు నిలువన్
తే 3/4/2018 దీ నాటి సమస్యకు నా పూరణ
గొడ్దు దానవు నీవని గొడవ జేయ
మగడు, నెలదప్పె నని, దువ్వె మగువ మీస
మానులెవరిట ననుచు మీమాంశ లేక
మగని మీసము, లానంద మందజేయ
కృష్ణారావు గారూ,
తొలగించండిమీ మూడు పూరణలు బాగున్నవి. అభినందనలు.
రెండవ పూరణలో 'కాయల్ + ఉల్లము' అన్నపుడు ద్విత్వలకారం రాదు. అది కేవలం నకారానికే పరిమితం.
మూడవ పూరణలో మీమాంసను మీమాంశ అన్నారు.
మిత్రులందఱకు నమస్సులు!
రిప్లయితొలగించండి[మిక్కిలి జాగరూకత గల యొక యిల్లాలి స్వగతము]
"వడివడిగాను బందుగులు వచ్చుచునుండఁగ, వారికై హడా
విడిగను పిష్టపూరములఁ బ్రీతినిఁ జేయఁగ, నెండవేఁడిమిన్
వడియము లెల్ల నెండినవి! వాన లవారిత రీతిగాఁ బడన్,
దడిసెడి వేమొ నేఁడు! కని, దబ్బున నిన్ననె తీసి, దాచితిన్!
వడియము లట్లె యున్నఁ, దడుపం జను వర్షము! నేఁడు వచ్చియున్
దడిపెనె? జాగ్రతల్ గలుగు దారయె యుండిన యిల్లె స్వర్గమౌ!"
మధుసూదన్ గారూ,
తొలగించండిమీ పూరణ అద్భుతంగా ఉన్నది. అభినందనలు.
ధన్యవాదాలండీ శంకరయ్య గారూ!
తొలగించండిగుడిసెల నివసించెడి మన
రిప్లయితొలగించండిబడుగుల నిజజీవనంబు వడి యము లనఁగన్
వడి వడి కడగండ్లు గురియ
వడియము లెండెను విడువని వానల లోనన్
కొరుప్రోలు రాధాకృష్ణారావు
రాధాకృష్ణారావు గారూ,
తొలగించండిచక్కని పూరణ. అభినందనలు.
రిప్లయితొలగించండి............సమస్య
*"వడియము లెల్ల నెండినవి*
*వాన లవారిత రీతిగాఁ బడన్"*
*అతిథి దేవోభవ*
సందర్భము: " "అతిథుల కింత కూ డెవరైనా పెడుతా, రిందులో పెద్ద గొ ప్పేమి" టంటుంది అత్తమ్మ. ఇవాళ అప్పడాలు వడియాలు బాగా యెండినవి. అతిథులు హాయిగా భోజనాలు చేస్తారు.
ఇక వానలు రోజులతరబడి కురిసినా చింత లేదు. చుట్టాల భోజనాలు సాగుతూనే వుంటాయి."
అనుకుంటూ వున్నది ఒక కోడలు.
~~~~~~~~~~~~~~~~~~~~~~~
"కుడువగ వచ్చు వారలకు
కూ డొకటే యెవరైన పెట్టరే!
నుడువగ నేమి గొప్పయొ!" య
నున్ గద యత్తమ.. నేడె యప్పడాల్
వడియము లెల్ల నెండినవి..
వాన లవారిత రీతిగాఁ బడన్
గడువని చింత లే దిక సు
ఖంబున సాగవె బంధు భోజనాల్!..
🖋~డా.వెలుదండ సత్యనారాయణ
రిప్లయితొలగించండి............సమస్య
*"వడియము లెల్ల నెండినవి*
*వాన లవారిత రీతిగాఁ బడన్"*
*తోడి కోడలు సణుగుడు*
సందర్భము: "మన వడియాలు యెండినవా!" యని విభీషణుడు భార్య నడిగితే ఆమె యిలా జవా బిచ్చిం దట!
ప్రభువైన బావగారు ఇదిగో!.. అని వాక్యం పూర్తి చేయకముందే సూర్యుడు అతని యింటికే దిగి వచ్చాడు. వాళ్ళ వడియాలు యెండినవి. లంకా నగరంలో కుండపోతగా ఒకవైపు వర్షం. కాలువ లన్నీ నిండిపోయినవి.
ఏం చేస్తాను? మన వడియా లెండుతా యనుకున్నారా! మీ తపస్సు నే నెఱుగనిదా! (మీ రంత తపస్సంపన్నులు కారు గదా!)
~~~~~~~~~~~~~~~~~~~~~~~
ఒడయడు బావగార లిది
గో! యన నింటనె సూర్యుడే దిగన్
వడియము లెల్ల నెండినవి;
వాన లవారిత రీతిగాఁ బడన్
గడబిడలోన నీ నగరిఁ
గాల్వలు నిండిన; వేమి చేయుదున్?..
వడియము లెండునా మనవి!
వాసిగ మీ తప మే నెఱుంగనే!
🖋~డా.వెలుదండ సత్యనారాయణ
రిప్లయితొలగించండి.. .. సమస్య
వడియము లెండెను విడువని వానలలోనన్
సందర్భము: యోగులు కష్టాలలో మునిగి తేలుతూ వున్నా ముక్తి పొందుతూనే వుంటారు. దాన్నే ఉపమానాలలో ఇమిడ్చి ఉపమానాలుగానే చెప్పా లనుకుంటే ఇలా చెప్పవచ్చు.
~ ~ ~ ~ ~ ~ ~ ~ ~~ ~ ~ ~ ~ ~ ~ ~
వడియాలు యోగు లనదగు;
జడివానలు కష్టము లగు;
సరి యెండె ననన్
గడియించిరి మోక్షము నని;...
వడియము లెండెను విడువని
వానలలోనన్
🖋~డా.వెలుదండ సత్యనారాయణ
5.4.18
డా. వెలుదండ వారూ,
రిప్లయితొలగించండిమీ పూరణలన్నీ ఉత్తమంగా ఉన్నవి. అభినందనలు.
ముఖ్యంగా చివరి పూరణ ఆధ్యాత్మిక భావంతో అద్భుతంగా ఉన్నది.
భడభడ నెండ కాయగహ భాస్కరు డెక్కగ నెత్తిమీద భల్
రిప్లయితొలగించండివడియము లెల్ల నెండినవి;..వాన లవారిత రీతిగాఁ బడన్
ముడుచుకు కుంపటావలను ముచ్చట లాడుచు ముద్దుమీరగా
వడియములమ్మ వేచినవి వంకర టింకరవన్నికొర్కుమా!