ప్రసాద రావు గారూ, మీ క్రమాలంకార పూరణ బాగున్నది. అభినందనలు. ఇంతకీ దైత్యుని చంపిన దెవరు? మూడవ పాదంలో గణదోషం. "అతివ+అపుడు" అన్నపుడు సంధి లేదు. అక్కడ "అతివ యపు డేమి చేసెను" అనండి.
గురువర్యులు శ్రీ కంది శంకరయ్య గారి శంకరాభరణం సమస్యాపూరణ :: నేటి సమస్య సంఖ్య-2638 సమస్య :: *పతి తలఁ గోసి వండినది బంధువు లెల్లఁ దినంగఁ గోరుచున్.* భర్త తలను కోసి బంధువులకు వండిపెట్టింది ఒక ఇల్లాలు అని చెప్పడం ఈ సమస్యలో ఉన్న విరుద్ధమైన అర్థం. సందర్భం :: ఇల్లాలు తన భర్తతో ఏమండీ! పెరటిలో ఉన్న మొక్కలు దండిగా కాయలు కాచినాయి. కోసి వండుతానండీ. ఉగాది పండుగకు వచ్చిన బంధువు లందఱూ తింటారండీ అని అనగా మౌనవ్రతంలో ఉన్న భర్త అలాగే చేయి అని నోటితో చెప్పలేక సంతోషంగా తల ఊపినాడు. అప్పుడు ఆ ఇల్లాలు పెరటి మొక్కలకు ఉన్న కాయలు కోసి తన యింటికి వచ్చినబంధువులు అందఱూ తినాలని రుచికరంగా వండి పెట్టింది అని విశదీకరించే సందర్భం.
అందుకే నండి కందివారు అప్పుడప్పుడు వచనాన్ని వచనకవిత్వాన్ని కూడా చదువుతూండాలి :) చూడండి, వారు రాసిన వచన కవిత నా కర్థమయ్యి , నే రాసిన ఛందో రూపం వారి కర్థమై కృతజ్ఞతలు కూడా చెప్పేసేరు వారు :)
అక్కయ్యా, మొదటి పాదంలో గణదోషం. 'వల్లిని + అతి = వతిని నతి...' అవుతుంది. యడాగమం రాదు. 'ఖగపతి' అంటే గరుత్మంతుడు లేదా గ్రద్ద. గ్రద్దను ఎవరూ తినరనుకుంటాను.
మధుసూదన్ గారూ, మీ పూరణ ప్రశస్తంగా ఉన్నది. అభినందనలు. కాని స్త్రీలు కోడి తలను కోయడం చూశాను కాని, మేక తలను కోయడం నేనెక్కడా చూడలేదు. "మేకనుఁ దెచ్చి యివ్వఁగన్। బతి తలఁ గోసి, వండినది.." అంటే ఎలా ఉంటుంది?
బైటి కమ్మరివాండ్ర గుడిసెలలో నెక్కువగా స్త్రీలే యీ పనిచేస్తారు. భర్తలు త్రాగి పడుకునేవారు. (కొందరు... స్త్రీలకే ఆ పని అప్పగించి, చూస్తూ ఉండేవాళ్ళు.) వీళ్ళు వండి, వాళ్ళను లేపి, తినబెట్టేవారు. నా చిన్నప్పుడు వరంగల్‍లో వివేకానంద కళాశాల కట్టక మునుపు ఉన్న స్థలంలో వీళ్ళుండేవాళ్ళు. నేను వాళ్ళు మేకను కోస్తుండగా స్వయంగా చూశాను. అది జ్ఞాపకానికి వచ్చి ఇలా రాశాను.
1-4-18..సమస్య *"పతి తల ఖండించి వండె* *బంధువులు దినన్"*
సందర్భము: భర్త బుఱ్ఱలో యెప్పుడూ సాహిత్యానికి చెందిన ఖండన మండనములే! సాహితీ బంధువుల నడుమ అవి సాగుతూనే వుంటాయి. భర్త తలలోని ఆ వాదములను భార్య ఖండించి, ప్రేమతో సరసమైన పదార్థాలను అంటే రుచి గల పదార్థాలను వండి పెట్టింది సాహితీ బంధువులు తినడానికై.. ~~~~~~~~~~~~~~~~~~~~~~~ పతి ఖండన మండన మతి; జత సాహితి బంధు వితతి; సతి సరస పదా ర్థ తతిని గొని, వాదములను పతి తల.. ఖండించి, వండె బంధువులు దినన్
మైలవరపు వారి పూరణ
రిప్లయితొలగించండికిరీటము గల్గియుండుటచే కూరలకు రారాజు వంకాయ....
చతురుడు కూరగాయలను సంతకునేగియు దెచ్చి , వండగా
సతినిటు బల్కె " భామిని ! విచక్షణ వండుము , మెచ్చగావలెన్
ప్రతిజనుడున్ దినంగనె సెబాసని" , యన్న లతాంగి శాకరాట్...
పతి తలఁ గోసి వండినది బంధువు లెల్లఁ దినంగఁ గోరుచున్" !!
మైలవరపు మురళీకృష్ణ వెంకటగిరి
మైలవరపు వారూ,
తొలగించండి'శాకరాట్పతి (వంకాయ)'తో మీ పూరణ ప్రశస్తంగా ఉన్నది. అభినందనలు.
సతి యొక సంఘసేవిక , విశాలమనస్విని , జీవితమ్ములన్
తొలగించండిచితికిన వారికండ , తన సేవల చుట్టములంచునెంచు దా
పతితల ., కోసి వండినది బంధువు లెల్లఁ దినంగఁ గోరుచున్
పతి కొనినట్టి కాయలను , భర్తయు మెచ్చుచు ప్రోత్సహింపగన్ !!
మైలవరపు మురళీకృష్ణ వెంకటగిరి
రిప్లయితొలగించండిఅతిధులె దేవుళ్ళనుకొను
జతకత్తె యొకతెయు విందు జాతర దినమం
దు తెఱగుగ జేయనట అజ
పతి తల ఖండించి వండె బంధువులు దినన్!
జిలేబి
జిలేబీ గారూ,
తొలగించండిమైలవరపు వారు శాకాహారాన్ని ప్రస్తావిస్తే మీరు మాంసాహారాన్ని ప్రస్తావించారు. బాగుంది మీ పూరణ. అభినందనలు.
అతివకు చేపను తేగా
రిప్లయితొలగించండిపతి, తల ఖండించి వండె బంధువులు దినన్
నుతియించుచు భళియనుచును
మితిమీరిన లొట్ట లిడుచు మెక్కుచు వంగల్!
ప్రభాకర శాస్త్రి గారూ,
తొలగించండిజలపుష్పాలను వండించారు. మీ పూరణ బాగున్నది. అభినందనలు.
🙏🙏🙏
తొలగించండిఅతిరథు లెందరొ వచ్చిరి
రిప్లయితొలగించండియతిథులుగా రాత్రివేళ, నాతిథ్యముకై
సతికిచ్చెను కోడి నొకటి
పతి, తల ఖండించి వండె బంధువులు దినన్.
విరించి గారూ,
తొలగించండిచక్కని విరుపుతో మంచి పూరణ చెప్పారు. అభినందనలు.
'ఆతిథ్యమునకై' అనడం సాధువు. అక్కడ "ఆతిథ్య మిడన్" అనండి.
రిప్లయితొలగించండినారాయణ! నారాయణ! ఇంట్లో వంటే చేయని ఇగురాకుబోణులతో యేమేమి వంట చేయిస్తున్నారండి కందివారు
కుతకుత వేడి మీద జతగూడగ విందుకు జట్టుగానటన్
సతతము రీతి గా నతిథి సౌఖ్యము గూర్చెడు యంచయాన స
మ్మతముగ సంతసించి మజ మత్తున దేలుచు భద్ర విట్చరా
ట్పతి తలఁ గోసి వండినది బంధువు లెల్లఁ దినంగఁ గోరుచున్
నో జిలేబి :)
జిలేబీ గారూ,
తొలగించండివిట్చరాపతి (అడవిపంది)తో మీ పూరణ బాగున్నది. అభినందనలు.
రిప్లయితొలగించండికం.
సతి గోరగ దెచ్చె శశము
పతి;తల ఖండించి వండె బంధువులు దినన్
సతి యా కుందేలును; మరి
అతిథులు కడుపార దినిరి ఆహా! యనుచున్
🌿🌿🌿 ఆకుల శాంతి భూషణ్🌷🌷
☘ వనపర్తి☘
శాంతి భూషణ్ గారూ,
తొలగించండివిరుపుతో మంచి పూరణ చెప్పారు. అభినందనలు.
స్తుతమతి మంగళ సూత్రము
రిప్లయితొలగించండిసతీకిచ్చునెవండు? దైత్యు చంపినదెటులో?
నతివపుడేమి చేసెన్?
పతి, తల ఖండించి, వండె బంధువులుఁదినన్.
ప్రసాద రావు గారూ,
తొలగించండిమీ క్రమాలంకార పూరణ బాగున్నది. అభినందనలు.
ఇంతకీ దైత్యుని చంపిన దెవరు?
మూడవ పాదంలో గణదోషం. "అతివ+అపుడు" అన్నపుడు సంధి లేదు. అక్కడ "అతివ యపు డేమి చేసెను" అనండి.
ధన్యవాదములు దైత్యుని చంపనదిఅమ్మవారు చాముండి
తొలగించండిగురువర్యులు శ్రీ కంది శంకరయ్య గారి శంకరాభరణం
రిప్లయితొలగించండిసమస్యాపూరణ :: నేటి సమస్య సంఖ్య-2638
సమస్య :: *పతి తలఁ గోసి వండినది బంధువు లెల్లఁ దినంగఁ గోరుచున్.*
భర్త తలను కోసి బంధువులకు వండిపెట్టింది ఒక ఇల్లాలు అని చెప్పడం ఈ సమస్యలో ఉన్న విరుద్ధమైన అర్థం.
సందర్భం :: ఇల్లాలు తన భర్తతో ఏమండీ! పెరటిలో ఉన్న మొక్కలు దండిగా కాయలు కాచినాయి. కోసి వండుతానండీ. ఉగాది పండుగకు వచ్చిన బంధువు లందఱూ తింటారండీ అని అనగా మౌనవ్రతంలో ఉన్న భర్త అలాగే చేయి అని నోటితో చెప్పలేక సంతోషంగా తల ఊపినాడు. అప్పుడు ఆ ఇల్లాలు పెరటి మొక్కలకు ఉన్న కాయలు కోసి తన యింటికి వచ్చినబంధువులు అందఱూ తినాలని రుచికరంగా వండి పెట్టింది అని విశదీకరించే సందర్భం.
అతివ వచించె నీ పెరటి యందలి మొక్కలు గాసె గాయలన్
పతివర! గోసి వండెదను బాగుగ నంచు నుగాది నాడు, దా
వ్రతమున మౌనదీక్ష నలరారుచు, సమ్మతి దెల్ప నూపగా
*పతి తలఁ ; గోసి వండినది బంధువుఁ లెల్లఁ దినంగఁ గోరుచున్.*
*కోట రాజశేఖర్ పడుగుపాడు నెల్లూరు.* (1-4-2018)
కోట రాజశేఖర్ గారూ,
తొలగించండిపని మౌనవ్రతంలో పెట్టి తల ఊపించారు. ప్రశస్తమైన పూరణ. అభినందనలు.
అతిథులు వచ్చిరంచుఁ గొన నంగటఁ గోడి లభింపదయ్యె న
రిప్లయితొలగించండియ్యతివకుఁ, బ్రేమతో మగఁడు పెంచిన కోడినిఁ జంపలేక తా
సతమతమయ్యె, నా పిదప సమ్మతిఁ దెల్పుచు నూపె నప్పుడా
పతి తలఁ, గోసి వండినది బంధువు లెల్లఁ దినంగఁ గోరుచున్.
కుతుకముతో శూర్పణఖయె
రిప్లయితొలగించండియతులితబాహాబలమున నవ్విపినమునన్
వెతకుచు వేటాడెడి నర
పతితల ఖండించి వండె బంధువులు దినన్ .
బాపూజీ గారూ,
తొలగించండినరమాంస భక్షణ చేసే శూర్పణఖను గురించిన మీ పూరణ చక్కగా ఉన్నది. అభినందనలు.
పతి యిచ్చెను పలలము అజ
రిప్లయితొలగించండిపతి తల ఖండించి,వండె బంధువులు దినన్
సతి పలు మసాల దినుసులు
జతజేసి పలావును బహు చతురత తోడన్
సూర్యకుమార్ గారూ,
తొలగించండిచక్కని విరుపుతో మంచి పూరణ చెప్పారు. అభినందనలు.
'పలలము + అజ' అన్నపుడు సంధి నిత్యం. విసంధిగా వ్రాయరాదు. 'బహు చతురత' అన్నది దుష్ట సమాసం. "పలల మ్మజ... కడు చతురత..." అనండి.
అతి ప్రేమనింటి పెరడున
రిప్లయితొలగించండిసతి బెంచిన తోటకూర చక్కగ బెరగన్
హితమని హరితము కోరగ
పతి, తల ఖండించి వండె బంధువులు దినన్!
సీతాదేవి గారూ,
తొలగించండిమీ పూరణ బాగున్నది. అభినందనలు.
క్షితి మేలు గోరి యు న సు ర
రిప్లయితొలగించండిపతి తల ఖండిoచి; వండె బంధువులు దిన న్
మితి మీరి న రుచి కర ము గ
న తి వ యె స్వయము గ ను సత్య హర్షం బె స గ న్
రాజేశ్వర రావు గారూ,
తొలగించండిమీ పూరణ బాగున్నది. అభినందనలు.
కాని సత్యభామ నరకుని తల ఖండించలేదు కదా!
చతురతతో వండగలుగు
రిప్లయితొలగించండినతివ యొకతె; కోడిపుంజు నపరాహ్ణమునన్
కుతుకము తోడను తేగా
పతి తల ఖండించి;వండె బంధువులు దినన్
జనార్దన రావు గారూ,
తొలగించండిమగడు తెచ్చిన కోడి తలను ఖండించి వండిందన్న మీ పూరణ బాగున్నది. అభినందనలు.
సతులవి నాలుగు పతి ఒకండు
రిప్లయితొలగించండికోళ్ళను పెంచె కోమలాంగి
కాకి అరిచెను చుట్టాలొత్తురు
భయపడి చూసెను తొంగి తొంగి
మగని ఆనతిగ సతులను వదులుతు
పతి తల గోసి వండినది
బంధువులెల్ల దినంగ గోరుచున్
ఆతిథ్యమున పండినది
(కవిత మాత్రమే )
(తెలుగు భాషకు ఉడతా భక్తిగ )
తొలగించండిమీ ఉడతా భక్తికి మా చిరు ప్రయత్నం :)
సతులట నల్గు రయ్యిరయ జ్ఞాని మగండట! కాకి ఒర్రుడున్!
అతిథులు రాగ నింటికి శుభాంగియు విందుకు గేస్తు మాటగన్,
వెతపడ గా మగండు, నలివేణియు జాయల పాయబెట్టుచున్,
పతి తలఁ గోసి వండినది బంధువు లెల్లఁ దినంగఁ గోరుచున్!
జిలేబి
ధన్యవాదములు - కృతజ్ఞతలు
తొలగించండిరమేశ్ గారి వచన కవిత, దానికి జిలేబీ గారి పద్యరూపం రెండూ చదివాను. కాని భావం అగమ్యంగా ఉన్నది.
తొలగించండి
తొలగించండిఅందుకే నండి కందివారు అప్పుడప్పుడు వచనాన్ని వచనకవిత్వాన్ని కూడా చదువుతూండాలి :) చూడండి, వారు రాసిన వచన కవిత నా కర్థమయ్యి , నే రాసిన ఛందో రూపం వారి కర్థమై కృతజ్ఞతలు కూడా చెప్పేసేరు వారు :)
వచన కవితలు కూడా నర్మగర్భంగా వుండును :)
ఇట్లు
గుండు జిలేబి
గురువుగారూ! నాలుగు పెట్టలూ, ఒక పుంజూ! చుట్టాలొస్తే, పెట్టల్ని వదిలేసి పుంజును తలకోసి వండి పెట్టింది. అదీ సంగతి!
తొలగించండిజిలేబిగారి స్టయిలే వేరు! 👌👌👌
తొలగించండి
తొలగించండిసీతాదేవి గారిది మాది ఒకే వేవ్ లెంథ్ :) అర్థమై పోయింది వచన కవిత
జిలేబి
అతివలె చర్చ జరుపగన్
రిప్లయితొలగించండికుతుకముతో పడుపు వృత్తి గూరిచి నందున్
సుతిమెత్తగ నొక వనితయె
పతితల ఖండించి ;వండె బంధువులు దినన్
జనార్దన రావు గారూ,
తొలగించండి'పతితలు' వైవిధ్యమైన అర్థంతో మీ పూరణ ప్రశస్తంగా ఉన్నది. అభినందనలు.
"...గూరిచి యందున్" అనండి.
కొతిమెరె బాగున్నదిలే
రిప్లయితొలగించండిపతిదేవా కూరలోన బడవేతుననన్
సుతిమెత్తగ తా నూపగ
పతి తల - ఖండించి వండె బంధువులు దినన్
హనుమచ్ఛాస్త్రి గారూ,
తొలగించండిమీ పూరణ బాగున్నది. అభినందనలు.
అతిథుల వచ్చినారు సఖి!యన్నము వండవె *శాకమందు* నీ
రిప్లయితొలగించండిప్రతిభను జూపవమ్మ రుచి వాహ్ యనగా నియమమ్మిదే చెలీ!
ఘృతమది కూడదంచు పతి గేహిని తోడుత దెల్ప తా వన
స్పతి తలఁ గోసి వండినది బంధువు లెల్లఁ దినంగఁ గోరుచున్
శ్రీహర్ష గారూ,
తొలగించండివనస్పతితో మీ పూరణ వైవిధ్యంగా చక్కగా ఉన్నది. అభినందనలు.
వనస్పతి తల కోయడ మంటే అది ఉన్న కవరు పైభాగాన్ని కోయడమే కదా?
అవును గురువర్యా🙏
తొలగించండిఅతివల రోజు వేడుకల నత్యధికమ్ముగ
రిప్లయితొలగించండిజేయు కోరికన్
పతినటు సంతకంపి తన పాక ప్రవీణత జూపుకోరికన్
తతులుగ పిండివంటలు పతాకమ నందగు నాంధ్రశాకరా
ట్పతి తల గోసి వండినది బంధువులెల్ల దినంగ గోరుచున్!
పతాకము = High light
ఆంధ్ర శాకరాట్పతి = గోంగూర
సీతాదేవి గారూ,
తొలగించండిఆంధ్రశాక సమ్రాట్టు (గోంగూర)ను గురించిన మీ పూరణ బాగున్నది. అభినందనలు.
ధన్యవాదములు గురుదేవా! నమస్సులు!🙏🙏🙏🙏
తొలగించండిపతి యంత భీతినిన్ సత
రిప్లయితొలగించండిమత మయ్యెను దోచమి తన మనమున శుభదం
తి తరుణి కోడిని, చూడఁగఁ
బతి, తల ఖండించి వండె బంధువులు దినన్
అతివల యందు సుందరి మహా మతిశాలిని రాఁగ బంధువుల్
పతి నుడువంగఁ దారసపుఁ బ్రాణి నికాయ సమృద్ధపుం దటా
క తటము వేగఁ జేర నటఁ గాంచి వధూమణి మీనముల్ తటీ
పతితలఁ గోసి వండినది బంధువు లెల్లఁ దినంగఁ గోరుచున్
కామేశ్వర రావు గారూ,
తొలగించండిమీ రెండు పూరణలు ప్రశస్తంగా ఉన్నవి. అభినందనలు.
పూజ్యులు శంకరయ్య గారికి నమఃపూర్వక ధన్యవాదములు.
తొలగించండిగు రు మూ ర్తి ఆ చా రి
రిప్లయితొలగించండి,,,,,,,,,,,,,,,,,,,,,,,,,, ,,,,,,,,,,,,,,,,,
[ కొన్ని చోట్ల కొందరు శుభకార్యములలో గూడ మాంసాహారమే
విందుగా బెట్టుదురు . " శుభమా యని కూతురు పెండ్లి జరిగినది ,
రక్తపాత మేల " యని బార్య భర్తతో పల్కగా అతడు
వినలేదు . భర్త ఆఙ్ఞానుసారము ఆమె పొట్టేలు తల కోసి
వండి అందరికి వడ్డించినది ]
" సుతకు వివాహమున్ జరిపి , శుభ్రముగా పరమాన్నభక్ష్యముల్
హితజన బంధు వర్గము భుజించ శుభం బగు | కాని యార్య ! గ
ర్హిత మగు నట్టి జంతుబలి యేల యటంచు వచించు నట్టి యా
సతి వచనంబులన్ వినక , స్వామి యొసంగగ నాఙ్ఞ , మేష రా
ట్పతి - తల గోసి వండినది బందుగు లెల్ల దినంగ గోరుచున్
{ స్వామి = భర్త ; మేషరాట్పతి = బలిసిన. మగ పొట్టేలు }
గురుమూర్తి గారూ,
తొలగించండిమేషరాట్పతితో మీ పూరణ చాల బాగున్నది. అభినందనలు.
గురుమూర్తి ఆచారి
తొలగించండిగు రు భ్యో న మః . ధ న్య వా ద ము లు గు రు దే వా !
రవీందర్ గారూ,
రిప్లయితొలగించండిరాక్షసికి చిక్కిన నరపతిని గురించిన మీ పూరణ బాగున్నది. అభినందనలు.
సుతుని చదువు కోసమ్మై
రిప్లయితొలగించండిసతితో బీజింగు పోవ సాయము చేయన్
సతికనె పొరుగావిడ యహి
పతి తల ఖండించి వండె బంధువులు దినన్
అన్నపరెడ్డి వారూ,
తొలగించండిపాములను తినే చైనీయుల గురించిన మీ పూరణ బాగున్నది. అభినందనలు.
రవీందర్ గారూ,
రిప్లయితొలగించండిమీ పూరణ బాగున్నది. అభినందనలు.
సతి పుట్టినదినమనుచును
రిప్లయితొలగించండిఅతిథులనాంతర్యమెరిగి ననురతి కొరకై
పతిగోరగ ముల్లంగీ
పతితల ఖండించి వండె బంధువులుదినన్
పతితల=వేరుతల
ఈశ్వరప్ప గారూ,
తొలగించండిమీ పూరణ బాగున్నది. అభినందనలు.
'ముల్లంగీపతి' అన్నది దుష్టసమాసం.
డా}.పిట్టా సత్యనారాయణ
రిప్లయితొలగించండిఅతివల నాధారిత స
న్మతి నెలకొన నూడిగాలు మగడే జేయన్
పతి పరువుకు గతి లేకనె
పతి తల ఖండించి వండె బంధువులు దినన్
డా. పిట్టా వారూ,
తొలగించండికొంత అస్పష్టత ఉన్నా మీ పూరణ బాగున్నది. అభినందనలు.
సతి కోర్కె దీ ర్ప తెచ్చె ను
రిప్లయితొలగించండిజత కోళ్ళ ను పల్లె నుండి సంబర పడు చు న్
కుతుకము తో నొక కోడి ని
పతి తల ఖండిoచి వండె బంధువులు దిన న్
రాజేశ్వర రావు గారూ,
తొలగించండిమీ పూరణ బాగున్నది. అభినందనలు.
డా.పిట్టా సత్యనారాయణ
రిప్లయితొలగించండిసతి "సిరియాలు"(భక్త సిరియాలు నాటికలో కొడుకు తలను గోసి వండి పెట్టమని అనడం,పదంపడి బ్రతికించడం,ఇతివృత్తం)
నాటకము శ్రద్ధగ జూచిన రాత్రి వేళ,త
త్పతి తలగోసి వండినది బంధువు లెల్ల దినంగగోరుచున్
జతనము తోడ "గిన్నిసు"న జైయని చాటగనేమొ;స్వప్నమే!
బ్రతికెను జూడ,పత్ని,తన ప్రక్కనె సన్ముని దీవెనల్ గొనె
న్నతివల యూహలందు సలహాలవి యున్నవి లేఖకాలికిన్!
డా. పిట్టా వారూ,
తొలగించండిమీ పూరణ బాగున్నది. అభినందనలు.
ఆకాశవాణి హైదరాబాదు కేంద్రంలో శనివారము 07.04.2018 నాడు ప్రసారము కాబోయే
రిప్లయితొలగించండిసమస్య:
కన్నులు లేనివాడు కనగల్గెను లోకము కన్నువిందుగన్
**** *** **** **** **** **** **** **** ***
నా పూరణ
*** *** *** *
ఉ.మా.
కన్నులు నెత్తి కెక్కినవొ!కావర మెక్కువ గల్గియున్నడో!
కన్నెల నేడిపించుచును కల్లును త్రాగుచు తూలునెప్పుడున్!
తిన్నగ నుండకన్నతడు తిక్కగ వాగుచు బొంకెనిట్లగన్!
" కన్నులు లేనివాడు కనగల్గెను లోకము కన్నువిందుగన్"
-ఆకుల శాంతి భూషణ్
వనపర్తి
శాంతి భూషణ్ గారూ,
తొలగించండిబాగుంది మీ పూరణ.
"కావర మెక్కుడు గల్గి యెప్పుడున్... తూలుచుండు దా। తిన్నగ నుండబోడికను తిక్కగ... బొంకె నిట్టులన్" అనండి.
మతిలేని మందార వల్లిని
రిప్లయితొలగించండియతిప్రీతిగ జూడ నెంచి యాదర మొప్ప
న్నతిధులు వచ్చిరి వడి ఖగ
పతితల ఖండించి వండె బంధువులు దినన్
అక్కయ్యా,
తొలగించండిమొదటి పాదంలో గణదోషం. 'వల్లిని + అతి = వతిని నతి...' అవుతుంది. యడాగమం రాదు. 'ఖగపతి' అంటే గరుత్మంతుడు లేదా గ్రద్ద. గ్రద్దను ఎవరూ తినరనుకుంటాను.
మతిలేని నాగ వల్లిని
తొలగించండినతిప్రీతిగ జూడ నెంచి యాదర మొప్ప
న్నతిధులు వచ్చిరి వడి మృగ
పతి తల ఖండించి వండె బంధువులు దినన్
మిత్రులందఱకు నమస్సులు!
రిప్లయితొలగించండిసతినిఁ గనంగ బందుగులు చక్కఁగ నింటికి వచ్చియుండఁగా,
మతికిని సంతసమ్మగుడు, మానిని, "భోజన మారగించి, మా
కతిముదమందఁజేయుఁ" డని, గాటపు మేఁకనుఁ దెచ్చి, కాంచఁగాఁ
బతి, తలఁ గోసి వండినది, బంధువు లెల్లఁ దినంగఁ గోరుచున్!
మధుసూదన్ గారూ,
తొలగించండిమీ పూరణ ప్రశస్తంగా ఉన్నది. అభినందనలు.
కాని స్త్రీలు కోడి తలను కోయడం చూశాను కాని, మేక తలను కోయడం నేనెక్కడా చూడలేదు. "మేకనుఁ దెచ్చి యివ్వఁగన్। బతి తలఁ గోసి, వండినది.." అంటే ఎలా ఉంటుంది?
బైటి కమ్మరివాండ్ర గుడిసెలలో నెక్కువగా స్త్రీలే యీ పనిచేస్తారు. భర్తలు త్రాగి పడుకునేవారు. (కొందరు... స్త్రీలకే ఆ పని అప్పగించి, చూస్తూ ఉండేవాళ్ళు.) వీళ్ళు వండి, వాళ్ళను లేపి, తినబెట్టేవారు. నా చిన్నప్పుడు వరంగల్‍లో వివేకానంద కళాశాల కట్టక మునుపు ఉన్న స్థలంలో వీళ్ళుండేవాళ్ళు. నేను వాళ్ళు మేకను కోస్తుండగా స్వయంగా చూశాను. అది జ్ఞాపకానికి వచ్చి ఇలా రాశాను.
తొలగించండిమీ సూచన బాగున్నది. ధన్యవాదములు.
మేకతలకాయలను కాపి యిచ్చువ్వారు కమ్మర స్త్రీలే! అయినా... మరోలా కూడా రాయవచ్చు...
తొలగించండిసతినిఁ గనంగ బందుగులు చక్కఁగ నింటికి వచ్చియుండఁగా,
మతికిని సంతసమ్మగుడు, మానిని, "భోజన మారగించి, మా
కతిముదమందఁజేయుఁ" డని, కాంక్షను మేషశిరమ్ముఁ దెచ్చి యీన్
బతి, తలఁ గోసి వండినది, బంధువు లెల్లఁ దినంగఁ గోరుచున్!
( పెండ్లి చూపులకు వచ్చిన వారు భోజనం చేయమని చెప్పగా దానికి భర్త సరేనని తలవూపగా దానిని ఖండించి భార్య వంటచేసిందట .....)
రిప్లయితొలగించండిగతికిన యతకదనంచు
న్నతిథులు సంశయము తెలిపి రాశ్చర్యముగా
నతివిన యమ్మన నూపెను
పతితల, ఖండించి వండె బంధువులు దినన్
అతిథులు వచ్చిజేరిరపరాహ్నము వేళను భోజనానికం
రిప్లయితొలగించండిచతివయె గోరినంత వడి నంగడిలో కొని తెచ్చి చెప్పెనే
యతి రుచి గాను వండమని యాలికి నిచ్చెను కోడినొక్కటిన్
బతి, తలఁ గోసి వండినది బంధువు లెల్లఁ దినంగ గోరుచున్.
విరించి గారూ,
తొలగించండిమీ రెండు పూరణలు బాగున్నవి. అభినందనలు.
మొదటి పూరణలో "కతికిన నతక దని యనుచు। నతిథులు..." అనండి. ఇక్కడ సతి ఖండించింది సంశయాన్నన్న మాట!
కందం
రిప్లయితొలగించండిసుతరామూ నూపడనుచుఁ
బతి తలఁ, ఖండించి వండె బంధువులు దినన్
కుతుకమ్మున గ్రుడ్లు నుడుక
సతియె! కులాంతర వివాహ సరళి యదేమో?
చంపకమాల
మతములు వేరు వేరు నభిమానమె యొక్కటి జేసె నిద్దరిన్
కుతుకము మీర మాంసమును కోమలి కైకొన నూపఁడంచు నా
పతి తలఁ, గోసి వండినది బంధువు లెల్లఁ దినంగఁ గోరుచు
న్నతివయె పీతలన్నతని కత్తిరసాలను జేసి పెట్టుచున్ !
సహదేవుడు గారూ,
తొలగించండిమీ రెండు పూరణలు బాగున్నవి. అభినందనలు.
1-4-18..సమస్య
రిప్లయితొలగించండి*"పతి తల ఖండించి వండె*
*బంధువులు దినన్"*
సందర్భము: భర్త బుఱ్ఱలో యెప్పుడూ సాహిత్యానికి చెందిన ఖండన మండనములే! సాహితీ బంధువుల నడుమ అవి సాగుతూనే వుంటాయి.
భర్త తలలోని ఆ వాదములను భార్య ఖండించి, ప్రేమతో సరసమైన పదార్థాలను అంటే రుచి గల పదార్థాలను వండి పెట్టింది సాహితీ బంధువులు తినడానికై..
~~~~~~~~~~~~~~~~~~~~~~~
పతి ఖండన మండన మతి;
జత సాహితి బంధు వితతి;
సతి సరస పదా
ర్థ తతిని గొని, వాదములను
పతి తల.. ఖండించి, వండె
బంధువులు దినన్
..........సమస్య
పతి తలఁ గోసి వండినది
బంధువు లెల్లఁ దినంగఁ గోరుచున్
సందర్భము: చిరుతొండ నంబి
జంగమార్చనం.. సులభం.
~~~~~~~~~~~~~~~~~~~~~~~
సతతము జంగమార్చనమె
సద్గతి యన్ చిరుతొండనంబి తా
నతిథుల కాది దంపతుల
కా సిరియాలుని వండిపెట్ట ని
శ్చిత మతి యయ్యె, బంధువులు
శ్రీ శివ భక్తు లటంచు నమ్మె, తా
సతి కిది చెప్పె, నాయమయు
సంతస మందె, యనుజ్ఞ నీయగా
పతి... తలఁ గోసి వండినది
బంధువు లెల్లఁ దినంగఁ గోరుచున్
~డా వెలుదండ సత్యనారాయణ
1-4-18
అతులిత మాధురీ గళము హాయిగ తీయగ గార్దభమ్ముదై...
రిప్లయితొలగించండిసతతము భర్త వీనులను చక్కగ కోయుచు మేయుచుండు నా
యతివ ముఖారి రాగమున హైరన జేయుచు తున్క తున్క గా
పతి తలఁ గోసి;...వండినది బంధువు లెల్లఁ దినంగఁ గోరుచున్