గురువర్యులు శ్రీ కంది శంకరయ్య గారి శంకరాభరణం సమస్యాపూరణ :: నేటి సమస్య సంఖ్య-2644 సమస్య :: *రాముడు గోరె రావణుని రమ్మని సీతను దొంగిలింపగన్.* సీతను దొంగిలించేందుకు రమ్మని రాముడు రావణుని కోరినాడు అని చెప్పడం ఈ సమస్యలో ఉన్న విరుద్ధమైన అర్థం. సందర్భం :: ఒక పౌరాణికుడు రామాయణం లోని కథను చెబుతూ ఓ భక్తులారా! ‘’ శ్రీరాముడు రావణాసురుని నిందిస్తూ * ఓరీ! ఏమనుకొంటున్నావు నీవు ? నీకు మద మెక్కిందా ? *మాతృవత్ పరదారేషు* అని నీవు వినలేదా? పర భార్యను మాతృభావంతో చూడాలని నీకు తెలియదా? నీకు మతి పోయిందా? నిన్ను చంపేస్తాను , యుద్ధానికి రా * ‘’అని పిలిచాడు. ఎవరైనా సరే సీతామాతను దొంగిలిస్తే వారికి యోగక్షేమాలు నశించి మరణ శిక్ష పడుతుంది కదా ! అని విశదీకరించే సందర్భం.
‘’ఏమనుకొంటివోయి ? మద మెక్కినదా ? పర దార మాతయౌ. నీ మతి మండ, యుద్ధమున నిన్ను వధించెద ‘’ నంచు బల్కుచున్ *రాముడు గోరె రావణుని రమ్మని ; సీతను దొంగిలింపగన్* క్షేమము గల్గునా ? మరణ శిక్ష లభించు, నశించు యోగముల్. *కోట రాజశేఖర్ పడుగుపాడు నెల్లూరు.* (7-4-2018)
సీతాదేవి గారూ, మొదటి పూరణ బాగున్నది. అభినందనలు. చివరిపాదంలో గణదోషం. "వీడి + ఆమె = వీడి యామె" అవుతుంది. "వీడి యామె ద్యజియింపంగన్" అనండి. రెండవ పూరణలో అన్వయదోషం ఉంది.
డాపిట్టా సత్యనారాయణ ఒక గ్రామీణ కురు వృద్ధుని అవగాహన మేరకు అతని భయాందోళన.... క్షేమము మీకు మాధరణి క్షిప్ర గతిన్ పొలుపొంద యంత్రముల్ సామము తోడ బెంచుడని సర్వ విదేశ జనాళి బిల్వగా నోములు నోచు దేము సరి నూర్చుక బోవవె భారతావనిన్?! "రాముడు గోరె రావణుని రమ్మని సీతను దొంగిలించగన్"?!!
డా.పిట్టానుండి} ఆర్యా, ముగింపును సాధారణీకరణముగా,,అన్నట్లయింది అని చెప్పినట్లు .కోరి తెచ్చుకున్న భార మిది అనే భావం.ఇది చేయడం వల్ల అది జరిగింది, విపరీత రీతిలో. సాధారణీకరణనకు పుష్టి సమకూరిందనుకుంటాను,ఆర్యా,ధన్యవాదములు}
ఉమాదేవి గారూ, మీ రెండు పూరణలు బాగున్నవి. అభినందనలు. మొదటి పూరణ మొదటి పాదంలో గణదోషం. "కమలిగ వచ్చి..." అనండి. రెండవ పూరణ మొదటి పాదంలో గణదోషం. "కామము తోడను చుప్పనాతియున్" అనండి.
క్షేమము గూర్చువాడిలను శ్రీకర కారుడు దానవాంగకున్ భామిని యయ్యయోనిజయె భార్యయనంచును తాను జెప్పుచున్ గామిని చేరవచ్చినను కాదని చెప్పితిరస్కరింపగా రాముడు, గోరె రావణుని రమ్మని సీతను దొంగిలింపగన్
సందర్భము: రాము డున్న చోట కామ ముండదు. ఆ విషయం కాముకురాలైన శూర్పణఖకు తెలియదు. ఆమె మనసు హరించినాడు రాముడు. రాముని భార్యయైన ధరణిజను (సీతను) అపహరించు మని ఆమె తన అన్నయైన రావణుని కోరింది. ~ ~ ~ ~ ~ ~ ~ ~ ~~ ~ ~ ~ ~ ~ ~ ~ రాముడు వెలిగెడి తావుల కామము మలుగు నని యెఱుగ కా శూర్పణఖా కామిని.. మనసు హరింపగ రాముడు.. రావణు నడిగె ధరణిజ హరింపన్
కామము గన్నుఁ గప్పఁగ వికారపు చేష్టలతోడ దండకో
రిప్లయితొలగించండిద్దామవనాంతర స్థితుని దాశరథిన్ దరిఁ జేరి భంగపా
టే మరి పొంది శూర్పణఖ యింతినిఁ గోల్పడి తల్లడిల్లఁగన్
రాముఁడు, గోరె రావణుని రమ్మని సీతను దొంగిలింపఁగన్.
అద్భుతమైన పూరణ గురువర్యా! దాశరథీ శతకాన్ని గుర్తు చేశారు! 🙏🙏🙏🙏🙏
తొలగించండినిజంగా బహు చక్కని పూరణ గురువర్యా!
తొలగించండి
రిప్లయితొలగించండిభామా జిలేబి వినవే
రాముఁడు రావణు నడిగె ధరణిజ హరింపన్,
నీమము తప్పితి వేలా ?
కామము నేత్రముల కప్ప గా కర్బురుడా !
జిలేబీ గారూ,
తొలగించండిపద్యం బాగుంది. కాని సమస్య పరిష్కరింపబడినట్లు లేదు.
'కర్బురుడా'...?
👏👏🙏🙏
రిప్లయితొలగించండి
రిప్లయితొలగించండినీమము గాదు సోదరుడ! నీకు శరణ్యమొసంగు నయ్య శ్రీ
రాముఁడు! గోరె రావణుని రమ్మని, సీతను దొంగిలింపఁగన్
కామము వీడుమా యనుచు కైకసి మూడవ పుత్రు డాతడే
సామము చెప్పుచున్! వినక చచ్చెను వింశతి బాహుడున్ సుమా !
జిలేబి
జిలేబీ గారూ,
తొలగించండిచక్కని విరుపుతో మంచి పూరణ చెప్పారు. బాగుంది. అభినందనలు.
రిప్లయితొలగించండి"నా మాటవిను! శరణ్యము
రాముఁడు" , రావణు నడిగె, "ధరణిజ హరింప
న్నీ మనసెట్లొప్పెనయా"
సామము గ విభీషుణుండు, "సరికడచితివే" !
కర్బురుడు - రాక్షసుడు ఆంధ్ర భారతి ఉవాచ :)
జిలేబి
జిలేబీ గారూ,
తొలగించండిమీ పూరణ బాగున్నది. అభినందనలు.
నా ముక్కును నరికిoచెన్
రిప్లయితొలగించండి"రాముఁడు, రావణు నడిగె ధరణిజ హరింపన్",
వామనయన శూర్పణఖ స
భా ముఖమున యెల్లరకు నభమును పొడయుచున్
పూసపాటి వారూ,
తొలగించండిమీ పూరణ బాగున్నది. అభినందనలు.
'..ముఖమున నెల్లరకు...' అనండి. 'నభమును పొడయుచున్'...?
కామిని శూర్పణఖ కనలి
రిప్లయితొలగించండిభూమిజ గూర్చియెరిగించ, మోహము జిత సు
త్రాముడు తా గన్న కలన్
” రాముఁడు రావణు నడిగె ధరణిజ హరింపన్”
అన్నపరెడ్డి వారూ,
తొలగించండిమీ పూరణ బాగున్నది. అభినందనలు.
'మోహియు' అనండి.
కామాతుర శూర్పణఖయె
రిప్లయితొలగించండితామసమతితో బరుగున దా నసురుల సం
క్షేమము మరచి మహాసం
గ్రాముడు రావణు నడిగె ధరణిజ హరింపన్.
బాపూజీ గారూ,
తొలగించండిచక్కని పూరణ. అభినందనలు.
నీమము దప్పిమోహమున నీచపు కోర్కెల నూయలూ గుచున్
రిప్లయితొలగించండిభామల పొందుగో రుటయె భాగ్యమ టంచును మైక మందునన్
క్షేమము గోరిపల్కె నట చేటగు పన్లను వీడుమంచు తా
రాముఁడు గోరె రావణుని , రమ్మని సీతను దొంగిలిం పఁగన్
అక్కయ్యా,
తొలగించండిమీ పూరణ బాగున్నది. అభినందనలు.
కొంత అన్వయదోష మున్నది. 'పనులను'.. పన్లను అనరాదు.
నీమము దప్పిమోహమున నీచపు కోర్కెల నూయలూ గుచున్
తొలగించండిభామల పొందుగో రుటయె భాగ్యమ టంచును మైక మందునన్
క్షేమము గోరిపల్కె నట చేటగు కార్యము వీడుమంచు తా
రాముఁడు గోరె రావణుని , రమ్మని సీతను దొంగిలిం పఁగన్
మైలవరపు వారి పూరణ
రిప్లయితొలగించండిమారీచుడు...
తా మరణింపనిచ్ఛగొని దాశరథీషుమహాగ్ని కీలలన్
ప్రేమగ జింకరూపు గొని , బిల్చుచు లక్ష్మణునార్తి, జానకీ
భామను, తాటకాత్మజుడుపాయమునన్ , తన చోటు చేరగా
రాముఁడు , గోరె రావణుని రమ్మని సీతను దొంగిలింపఁగన్"
మైలవరపు మురళీకృష్ణ వెంకటగిరి
మైలవరపు వారి పూరణ ప్రశస్తంగా ఉన్నది. అభినందనలు.
తొలగించండిసోముని గాంచని సుకుమారి
రిప్లయితొలగించండినీమనసును దోచె నంటె నిక్కం బెట్లౌ
కామము కన్నుల గానక ?
రాముఁడు రావణు నడిగె ధరణిజ హరింపన్
అక్కయ్యా,
తొలగించండిమీ పూరణ అర్థం కాలేదు. మొదటి పాదంలో గణదోషం. "...గాంచని సుందరి" ఆనండి.
జయ విజయులకు మోక్షమది , లీలగా
రిప్లయితొలగించండిజగన్నాటకమైనది
మంధర, కైక, శూర్పణఖ,నిమిత్త
పాత్రోచిత వైనమిది
విగ్రహాకృతి ధర్మముగన్, రాక్షసుల
సంహరింపగన్
రాముడు గోరె రావణుని రమ్మని
సీతను దొంగిలింపగన్
గురువర్యులు శ్రీ కంది శంకరయ్య గారి శంకరాభరణం
రిప్లయితొలగించండిసమస్యాపూరణ :: నేటి సమస్య సంఖ్య-2644
సమస్య :: *రాముడు గోరె రావణుని రమ్మని సీతను దొంగిలింపగన్.*
సీతను దొంగిలించేందుకు రమ్మని రాముడు రావణుని కోరినాడు అని చెప్పడం ఈ సమస్యలో ఉన్న విరుద్ధమైన అర్థం.
సందర్భం :: ఒక పౌరాణికుడు రామాయణం లోని కథను చెబుతూ ఓ భక్తులారా! ‘’ శ్రీరాముడు రావణాసురుని నిందిస్తూ * ఓరీ! ఏమనుకొంటున్నావు నీవు ? నీకు మద మెక్కిందా ? *మాతృవత్ పరదారేషు* అని నీవు వినలేదా? పర భార్యను మాతృభావంతో చూడాలని నీకు తెలియదా? నీకు మతి పోయిందా? నిన్ను చంపేస్తాను , యుద్ధానికి రా * ‘’అని పిలిచాడు.
ఎవరైనా సరే సీతామాతను దొంగిలిస్తే వారికి యోగక్షేమాలు నశించి మరణ శిక్ష పడుతుంది కదా ! అని విశదీకరించే సందర్భం.
‘’ఏమనుకొంటివోయి ? మద మెక్కినదా ? పర దార మాతయౌ.
నీ మతి మండ, యుద్ధమున నిన్ను వధించెద ‘’ నంచు బల్కుచున్
*రాముడు గోరె రావణుని రమ్మని ; సీతను దొంగిలింపగన్*
క్షేమము గల్గునా ? మరణ శిక్ష లభించు, నశించు యోగముల్.
*కోట రాజశేఖర్ పడుగుపాడు నెల్లూరు.* (7-4-2018)
తొలగించండిచాలా బాగున్నది దీనికి మీ రికార్డడు వాయిస్ లింకు వుంటే ఇవ్వగలరు
జిలేబి
అద్భుతంగా , నాటకీయంగా హరికధ చెప్పారండీ అవధానిగారూ! అభినందనలు! 💐💐💐🙏🙏🙏
తొలగించండిశ్రీ యుతులు జిలేబి గారికి హృదయపూర్వక ధన్యవాదాలు. నా ఫోన్ నంబరు 9966236604. మీ ఫోన్ నంబరు తెలియజేస్తే ఆడియో పంపగలనండీ.
తొలగించండిశ్రీమతి సీతాదేవి గారికి హృదయపూర్వక ధన్యవాదాలు.
తొలగించండి
తొలగించండియూట్యూబు లింకు తెలియ జేయగలరు
రాజశేఖర్ గారూ,
తొలగించండిమీ పూరణ అద్భుతంగా ఉన్నది. అభినందనలు.
రిప్లయితొలగించండికం
కామిని కోరిక కాదనె
రాముడు; రావణు నడిగె ధరణిజ హరింపన్
భామయగు శూర్పనఖ;ఖలు
డా మాయావటుల జేసి యాజిన జచ్చెన్
🌿🌿🌿 ఆకుల శాంతి భూషణ్🌷🌷
☘ వనపర్తి☘
శాంతిభూషణ్ గారూ,
తొలగించండిమీ పూరణ బాగున్నది. అభినందనలు.
'మాయావి + అటుల = మాయావి యటుల' అవుతుంది. సంధి లేదు. 'ఆజిని' అనాలి. "ఆ మాయావి యటు జేసి యాజిని జచ్చెన్" అనండి.
రిప్లయితొలగించండినీమము గాదు విడుమనుచు
రాముఁడు రావణు నడిగె; ధరణిజ హరింపన్
కామము హెచ్చగ కర్బురు
డా మాటల వినక చచ్చె రణమున సుమ్మీ !
జిలేబి
జిలేబీ గారూ,
తొలగించండిమీ పూరణ బాగున్నది. అభినందనలు.
చివరి పాదంలో యతి తప్పింది. అఖండయతి అనుకున్నా ర,డ లకు యతిమైత్రి లేదు.
సామము తోడను సౌమ్యుడు
రిప్లయితొలగించండిరాముడు రావణు నడిగె, ధరణిజ హరింపన్
క్షేమము గాదని లంకకు
తామసమును వీడి నామె త్యజింపంగన్!
సామమున వినని మూర్ఖుని
తొలగించండితామస విగ్రహు కలంకు తాటక సుతుడే
హేమపు జింకగ, బాధిత
రాముడు, రావణు నడిగె ధరణిజ హరింపన్!
సీతాదేవి గారూ,
తొలగించండిమొదటి పూరణ బాగున్నది. అభినందనలు. చివరిపాదంలో గణదోషం. "వీడి + ఆమె = వీడి యామె" అవుతుంది. "వీడి యామె ద్యజియింపంగన్" అనండి.
రెండవ పూరణలో అన్వయదోషం ఉంది.
ధన్యవాదములు గురువర్యా! సవరిస్తాను!🙏🙏🙏🙏🙏
తొలగించండి(రావణునితో సీత)
రిప్లయితొలగించండి"కామముతో నో రాక్షస!
నీమము తప్పితివి; వినుము; నీ శరణంచున్
రాముని కోరుము; వదలును
రాముడు"; రావణు నడిగె ధరణిజ; హరింపన్
👌
తొలగించండిశ్రీనాథ్ గారూ,
తొలగించండిమీ పూరణ బాగున్నది. అభినందనలు.
డా.పిట్టా సత్యనారాయణ
రిప్లయితొలగించండికామితమౌ మలి వోట్లను
బాముకొనన్ గాం.గి(Cong.I){కాంగి) ఆం(యాం).ప్ర బాప(ము*అ)మనంగ
న్నేమయె భా.జ.ప.గెలిచెన్
రాముడు రావణునడిగె ధరణిజ హరింపన్
డాపిట్టా సత్యనారాయణ
రిప్లయితొలగించండిఒక గ్రామీణ కురు వృద్ధుని అవగాహన మేరకు అతని భయాందోళన....
క్షేమము మీకు మాధరణి క్షిప్ర గతిన్ పొలుపొంద యంత్రముల్
సామము తోడ బెంచుడని సర్వ విదేశ జనాళి బిల్వగా
నోములు నోచు దేము సరి నూర్చుక బోవవె భారతావనిన్?!
"రాముడు గోరె రావణుని రమ్మని సీతను దొంగిలించగన్"?!!
డా. పిట్టా వారూ,
తొలగించండిమీ రెండు పద్యాలు బాగున్నవి. అభినందనలు.
కాని సమస్యకు పూరణ సమర్థంగా లేనట్టుంది.
డా.పిట్టానుండి}
తొలగించండిఆర్యా, ముగింపును సాధారణీకరణముగా,,అన్నట్లయింది అని చెప్పినట్లు .కోరి తెచ్చుకున్న భార మిది అనే భావం.ఇది చేయడం వల్ల అది జరిగింది, విపరీత రీతిలో. సాధారణీకరణనకు పుష్టి సమకూరిందనుకుంటాను,ఆర్యా,ధన్యవాదములు}
ఈ కామెంట్‌ను రచయిత తీసివేశారు.
రిప్లయితొలగించండి
రిప్లయితొలగించండిసోముడె రవికుల జలధికి;
నే మగువ విడుపును గోరి యెవరిని యడిగెన్?;
భామ గదిసె దశ కంఠుడు;
రాముడు; రావణు నడిగె ధరణిజ ; హరింపన్
జనార్దన రావు గారూ,
తొలగించండిమీ క్రమాలంకార పూరణ బాగున్నది. అభినందనలు.
'ఎవరిని + అడిగెన్ = ఎవరి నడిగెన్/ ఎవరిని నడిగెన్' అవుతుంది. యడాగమం రాదు.
కందం
రిప్లయితొలగించండికామాంధకార మోహమె
భామామణి లంకఁ జేర్చు వైరమని వినన్
రామాయణమ్మున న్నే
రాముఁడు రావణు నడిగె ధరణిజ హరింపన్?
సహదేవుడు గారూ,
తొలగించండిమీ పూరణ బాగున్నది. అభినందనలు.
యామినికలయందున శ్రీ
రిప్లయితొలగించండిరాముడు రావణునడిగె; ధరణిజ హరింపన్
ఏమిఫలమాశ పడితివి
గోమునఘనకీర్తినొదులు కొంటివనుటనే
సీతారామయ్య గారూ,
తొలగించండిమీ పూరణ బాగున్నది. అభినందనలు.
'హరింపన్ ఏమి' అని పద్యం మధ్యలో అచ్చులు రాకుండా చూడండి. 'వదులు'ను 'ఒదులు' అనరాదు.
భీమ పరాక్రమమె యసుర
రిప్లయితొలగించండిరాముఁడు రావణు నడిగె ధరణిజ హరింపన్
భామను వంచనమున వని
రామ శితేషుల హరించు రావణ యనినిన్
ఈ మహిఁ గాంచఁ జిత్రముగ నింతులు పంతముతోఁ జరించినన్
భూములు రాజ్య సంపదలు వోవు నరణ్య నివాస మేర్పడుం
గామ వశార్త శూర్పణఖ, కానన మందుఁ దిరస్కరింపగన్
రాముఁడు, గోరె రావణుని రమ్మని సీతను దొంగిలింపఁగన్
కామేశ్వర రావు గారూ,
తొలగించండిమీ రెండు పూరణలు ప్రశస్తంగా ఉన్నవి. అభినందనలు.
పూజ్యులు శంకరయ్య గారికి నమఃపూర్వక ధన్యవాదములు.
తొలగించండిమిత్రులందఱకు నమస్సులు!
రిప్లయితొలగించండిభామనుఁ జుప్పనాకను నృపాలుఁడు రాముఁడు భంగపెట్ట, నా
కాముకి యన్నఁజేరి, జనకాత్మజఁ దెమ్మనఁ, దాటకాత్మజుం
డా మని కేఁగి, స్వర్ణహరిణమ్మయి, తన్నుఁ గదింప రాఁగ శ్రీ
రాముఁడుఁ, గోరె రావణుని, "ర" మ్మని సీతను దొంగిలింపఁగన్!
మధుసూదన్ గారూ,
తొలగించండిమీ పూరణ ప్రశస్తంగా ఉన్నది. అభినందనలు.
ధన్యవాదాలండీ శంకరయ్య గారూ!
తొలగించండిక్రొవ్విడి వెంకట రాజారావు:
రిప్లయితొలగించండిసౌమనసమ్మున దొమ్మిని
రాముడు రావణు నడిగె; ధరణిజ హరింపన్
సామయికము కాదు గదా
యేమిషతో నామె నిటకు నెత్తితి వంచున్
రాజారావు గారూ,
తొలగించండిమీ పూరణ బాగున్నది. అభినందనలు.
రాముని శూర్పణఖ వలచె
రిప్లయితొలగించండిరామానుజు డాగ్రహింప రక్కసి యటుపై
కోమలి సీతను బాయగ
రాముడు,రావణు నడిగె దరణిజ హరింపన్
నిన్నటి సమస్యకు నా పూరణ
దుస్ససేనుడు కురుసభ దుష్టుడగుచు
ద్రౌపది వలువ లూడ్చె తత్సభ గిరీటి
ధర్మజాదులు తలవంచ మర్మ విదుడు
కృష్ణుడేగాచె సాధ్విని కృష్ణ నపుడు
కృష్ణారావు గారూ,
తొలగించండిమీ రెండు పూరణలు బాగున్నవి. అభినందనలు.
ఉత్పలమాల
రిప్లయితొలగించండికామిని చెల్లి శూర్పణఖ కానల జానకిఁ గూర్చి చెప్పుటన్
గామము మోహమై కులిశి గౌతము పత్నిని పొందు గాథయే
వేమరు గుర్తు దెచ్చి మది వేడుక జేయుచు సందడించు సు
త్రాముఁడు గోరె రావణుని రమ్మని సీతను దొంగిలింపఁగన్
సహదేవుడు గారూ,
తొలగించండిమీ పూరణ బాగున్నది. అభినందనలు.
నీమము దప్పి యొండొరుల నిక్కపుటాలును దస్కరించుచో
రిప్లయితొలగించండిక్షేమము దప్పి కష్టముల జీరుట తథ్యమటంచు బల్కి సు
త్రాముని సారథిన్ బడసి లంకను జేరుచు యుద్ధభూమికిన్
రాముఁడు గోరె రావణుని రమ్మని సీతను దొంగిలింపఁగన్
ఈ కామెంట్‌ను రచయిత తీసివేశారు.
తొలగించండిసంపత్ కుమార్ శాస్త్రి గారూ,
తొలగించండిమీ పూరణ బాగున్నది. అభినందనలు.
(2)
రిప్లయితొలగించండికామినియైన శూర్పణఖ ఖండిత నాసిక శ్రోత్ర వీక్షచేఁ
దా మతిహీన రావణుఁడు దబ్బునఁ బిల్వఁగ, వచ్చి, జానకీ
రామకుఁ బైఁడిజింకయయి, రంగుగఁ దాటక "మాతృమానసా
రాముఁడుఁ" గోరె, రావణుని "ర" మ్మని, సీతను దొంగిలింపఁగన్!
ప్రారంభానఁ జిన్న సవరణముతో...
తొలగించండి(2)
కాముకి యైన శూర్పణఖ ఖండిత నాసిక శ్రోత్ర వీక్షచేఁ
దా మతిహీన రావణుఁడు దబ్బునఁ బిల్వఁగ, వచ్చి, జానకీ
రామకుఁ బైఁడిజింకయయి, రంగుగఁ దాటక "మాతృమానసా
రాముఁడుఁ" గోరె, రావణుని "ర" మ్మని, సీతను దొంగిలింపఁగన్!
మధుసూదన్ గారూ,
తొలగించండిమీ రెండవ పూరణ అద్భుతంగా ఉన్నది. అభినందనలు.
ధన్యవాదాలండీ శంకరయ్య గారూ!
తొలగించండి
రిప్లయితొలగించండినీమము యుద్ధమందనుచు నేర్పున నంగదు దూతనంపుచున్
కామపు పాశమున్ దగిలి కౌగిలి గోరుచు మృత్యుదేవత
న్నేమరు పాటునన్ దనరు నీచుని జానకి నప్పగించగా
రాముడు గోరె రావణుని రమ్మని; సీతను దొంగలింపగన్
పామిన దోషమెంచకను వాని క్షమించగ భాసమానుడై!
సీతాదేవి గారూ,
తొలగించండిమీ పూరణ బాగున్నది. అభినందనలు.
ధన్యవాదములు గురుదేవా! నమస్సులు!🙏🙏🙏🙏🙏
తొలగించండిఉత్పలమాల
రిప్లయితొలగించండివేమరు పత్ని, సోదరులు విజ్ఞత కాదన సీతనుంచగన్
సామున వంశనాశమను సత్యము నంగదు ద్వార జెప్పుచున్
రాముఁడు గోరె రావణుని రమ్మని, సీతను దొంగిలింపఁగన్
సేమమె ?నప్పగించగను, చెల్లఁగ నంపుచు రాయభారమున్
సహదేవుడు గారూ,
తొలగించండిమీ పూరణ బాగున్నది. అభినందనలు.
గు రు మూ ర్తి ఆ చా రి
రిప్లయితొలగించండి,,,,,,,,,,,,,,,,,,,,,,,,,,, ,,,,,,,,,,,,,,,,,
క్ర మా లం కా ర పూ ర ణ ము
భూమిజ c జెట్టపట్ట ధనువున్ దునియించిన వీరు డెవ్వడో ?
కామపిశాచి - శూర్పణఖ , క్ష్మాసుత c దెమ్మని కోరె నెవ్వరిన్ ?
ఈ మనె బిక్ష , రావణు డ దేటికి , లక్ష్మణ రేఖ దాటుచున్ ?
రాముడు | గోరె రావణుని | రమ్మని , సీతను దొంగిలింపగా |
గు రు మూ ర్తి ఆ చా రి
రిప్లయితొలగించండి,,,,,,,,,,,,,,,,,,,,,,,,,,, ,,,,,,,,,,,,,,,,,
కామించె శూర్పెణఖ యా
రాముని | ముకుజెవులగోసె లక్ష్మణు | డపు డా
కామిని , మిగుల కుములగన్
రాముడు , రావణు నడిగె ధరణిజ హరింపన్
శూ ర్ప ణ ఖ. గా స్వీ క రిం చ మ న వి
తొలగించండిగురుమూర్తి ఆచారి గారూ,
తొలగించండిమీ రెండు పూరణలు ప్రశస్తంగా ఉన్నవి. అభినందనలు.
భామిని శూర్పణఖయె తా
రిప్లయితొలగించండికాముని మించిన సొగసరిఁ గామించగ నా
కామినిఁ గాదనె సద్గుణ
రాముడు, రావణునడిగె ధరణిజ హరింపన్
విరించి గారూ,
తొలగించండిమీ పూరణ బాగున్నది. అభినందనలు.
ఆమృగము కొఱకు నేగగ
రిప్లయితొలగించండిరాముడు ; రావణు నడిగె ధరణిజ "హరింపన్
క్షేమమె నీకితరులదగు
భామను;తగదు తగదిదియె, భావ్యమె?"యనుచున్.
జనార్దన రావు గారూ,
తొలగించండిమీ పూరణ బాగున్నది. అభినందనలు.
డా.బల్లూరి ఉమాదేవి
రిప్లయితొలగించండికోమలి గావచ్చి రక్కసి
కామపు చూపులనుచూచి కాంక్షను తెలుపన్
భామను నిరాకరింపగ
రాముఁడు రావణు నడిగె ధరణిజ హరింపన్.
కామము దీర్పుమంచునట కామిని రూపము తోడను చుప్పనాతియున్
సోముని రూపుతో మెరయ చూచుచు కాంక్షను దెల్ప కాదనన్
రాముఁడు ,గోరె రావణుని రమ్మని సీతను దొంగిలింపఁగన్
కామము తోడ వచ్చెనతగాడట బిక్షకు రూపుతోడతాన్.
ఉమాదేవి గారూ,
తొలగించండిమీ రెండు పూరణలు బాగున్నవి. అభినందనలు.
మొదటి పూరణ మొదటి పాదంలో గణదోషం. "కమలిగ వచ్చి..." అనండి.
రెండవ పూరణ మొదటి పాదంలో గణదోషం. "కామము తోడను చుప్పనాతియున్" అనండి.
యామినికలగంటిని శ్రీ
రిప్లయితొలగించండిరాముడు రావణునడిగె; ధరణిజ హరింపన్
ఏమిఫలమాశ పడితివి
గోమునఘనకీర్తినొదులు కొంటివనుటనే
సీతారామయ్య గారూ,
తొలగించండిసవరించిన పూరణ బాగున్నది.
"కీర్తి వదులుకొంటి..." అనండి.
🙏🏽 ధన్యవాదములు
తొలగించండిక్షేమము గూర్చువాడిలను శ్రీకర కారుడు దానవాంగకున్
రిప్లయితొలగించండిభామిని యయ్యయోనిజయె భార్యయనంచును తాను జెప్పుచున్
గామిని చేరవచ్చినను కాదని చెప్పితిరస్కరింపగా
రాముడు, గోరె రావణుని రమ్మని సీతను దొంగిలింపగన్
విరించి గారూ,
తొలగించండిమీ పూరణ బాగున్నది. అభినందనలు.
'శ్రీశుభకారుడు' అంటే బాగుంటుంది. 'దానవాంగకున్'...? "భార్య యటంచును" అనండి.
ధన్యవాదాలు అన్నయ్యగారూ.మొదటి పాదం సవరణలో "కమలిగ"
రిప్లయితొలగించండిపాదాది హ్రస్వమౌతుంది గదండి.మిగిలినపాదాలు దీర్ఘాక్షరాలున్నాయి
రిప్లయితొలగించండికం.
ధూమము నిండెను రావణ
ధామము నెగురుచు నొనర్చె దగ్ధము లంకన్
ఆ మారుతినే పంపగ
రాముడు, రావణునడిగె ధరణిజ హరింపన్ ..
ఈ కామెంట్‌ను రచయిత తీసివేశారు.
రిప్లయితొలగించండి
రిప్లయితొలగించండినీమము గాదు విడుమనుచు
రాముఁడు రావణు నడిగె; ధరణిజ హరింపన్
కామము హెచ్చగ కర్బురు
డా మాటల వినక చచ్చె ఢంకా మోతన్
జిలేబి
రిప్లయితొలగించండి.. .. .. సమస్య
*"రాముఁడు రావణు నడిగె ధరణిజ*
*హరింపన్"*
సందర్భము: సులభము
శ్రీ కంది వారి భావంతో కందం
~ ~ ~ ~ ~ ~ ~ ~ ~~ ~ ~ ~ ~ ~ ~ ~
రాముని గోరితి; తీరదు
కామ మనుచు చుప్పనాతి
కనలెను మదిలో...
భామ నెడసి శోకింపగ
రాముఁడు... రావణు నడిగె
ధరణిజ హరింపన్
2 వ పూరణము:--
సందర్భము: సులభము
~ ~ ~ ~ ~ ~ ~ ~ ~~ ~ ~ ~ ~ ~ ~ ~
"కాముడవు నీవె రా! " యనె
తామసి.. రాము "డవు" ననడె!
దానికి ముదిరెన్..
"తామసివి నీవు పో!" యనె
రాముఁడు.. రావణు నడిగె
ధరణిజ హరింపన్
3 వ పూరణము:--
సందర్భము: రాము డున్న చోట కామ ముండదు. ఆ విషయం కాముకురాలైన శూర్పణఖకు తెలియదు.
ఆమె మనసు హరించినాడు రాముడు. రాముని భార్యయైన ధరణిజను (సీతను) అపహరించు మని ఆమె తన అన్నయైన రావణుని కోరింది.
~ ~ ~ ~ ~ ~ ~ ~ ~~ ~ ~ ~ ~ ~ ~ ~
రాముడు వెలిగెడి తావుల
కామము మలుగు నని యెఱుగ
కా శూర్పణఖా
కామిని.. మనసు హరింపగ
రాముడు.. రావణు నడిగె
ధరణిజ హరింపన్
🖋~డా.వెలుదండ సత్యనారాయణ
రాముఁడు గోరె రావణుని రమ్మని సీతను దొంగిలింపఁగన్
రిప్లయితొలగించండినీమము తోడ జేయుటకు నిర్భయ రీతిని ధర్మయుద్ధమున్
తోముచు వందలాదులగు దుండగ దంష్ట్రలు వేపపుల్లతో
గోముగ వానరోత్తముల గోలను గ్రోలను కమ్మకమ్మగా