19, ఏప్రిల్ 2018, గురువారం

సమస్య - 2655 (తారానాథుని భీతితో...)

కవిమిత్రులారా,
ఈరోజు పూరించవలసిన సమస్య ఇది...
"తారాధిపు భీతి నబ్ధి దాఁగె నణువునన్"
(లేదా...)
"తారానాథుని భీతితో నణువు మధ్యన్ దాఁగె సంద్రంబు సూ"
(బాబు దేవదాసు గారికి ధన్యవాదాలతో...)

131 వ్యాఖ్యలు:

  1. మోఱకుడున్పలికె నిటుల
    "తారాధిపు భీతి నబ్ధి దాఁగె నణువునన్",
    నారాయణిసుతుడు శివుడు,
    శ్రీరాముని సతి సతతము శివయే యంచున్,

    ప్రత్యుత్తరంతొలగించు
    ప్రత్యుత్తరాలు
    1. కృష్ణ సూర్యకుమార్ గారూ,
      మూర్ఖుని వాక్యంగా మీ పూరణ బాగున్నది. అభినందనలు.
      "మోఱకుడు పలికె నిట్టుల" అనండి.

      తొలగించు
  2. "అణోరణీయాన్ మహతో మహీయాన్"
    ...కఠోపనిషద్

    ఆరూపమె నెటుగాంచిన
    నారాటము లేని మదిని నాట్యమ్మాడెన్
    పోరాటము వీడి కనుము...
    తారాధిపు భీతి నబ్ధి దాఁగె నణువునన్

    (చేత కానిచోట చేపట్టెద వేదాంతము)

    ప్రత్యుత్తరంతొలగించు
    ప్రత్యుత్తరాలు
    1. ప్రభాకర శాస్త్రి గారూ,
      మీ పద్యం బాగున్నది. కాని సర్వాంతర్యామికి, సమస్యకు ఉన్న సంబంధం?
      "ఆరూపమె యెటు..." అనండి.

      తొలగించు
    2. సార్! మెట్ట వేదాంతులకు అణువులో సముద్రమూ, సముద్రములో అణువూ వీలుబాటుగా కనిపించును.

      🙏🙏🙏

      తొలగించు

  3. రారా సరసకు రారా
    రా రమ్మని బిల్వ రామ రామయనుచు తా
    పారాహుషారుగన్, హా !
    తారాధిపు భీతి నబ్ధి, దాఁగె నణువునన్ :)


    ఇంతకు మించి రాస్తే పన్,డిట్ సభ వాయ గొడతారు కాబట్టి నో వ్యాఖ్యానం ఫార్ దిజ్ :)


    జిలేబి

    ప్రత్యుత్తరంతొలగించు
    ప్రత్యుత్తరాలు
    1. జిలేబీ గారూ,
      పద్యం బాగుంది. కాని పిలిచిందెవరు? రామ రామ అన్నదెవరు? పై మూడు పాదాలకు సమస్యపాదానికి 'లింకు' ఏమిటి?

      తొలగించు

    2. అబ్బే వద్దులెండి :)

      కురువృద్ధుల సభ గగ్గోలై పోతుంది

      నారాయణ నారాయణ

      జిలేబి

      తొలగించు
  4. మైలవరపువారి పూరణ

    గౌరీశప్తుడు స్వీయపుత్రుడయినన్ కన్పించుచో నిందలున్
    జేరున్ నన్నని మానసమ్మున కడున్ చింతించుచున్ వార్ధి గం..
    భీరుండయ్యును భీతిఁ జెందెనకటా ! వీక్షింపగా దోచెడిన్
    తారానాథుని భీతితో నణువు మధ్యన్ దాఁగె సంద్రంబు సూ !

    మైలవరపు మురళీకృష్ణ వెంకటగిరి

    ప్రత్యుత్తరంతొలగించు
    ప్రత్యుత్తరాలు
    1. తారాధిపు జూసినచో
      మీరిన నిందలు పడునను మిక్కిలి చింతన్
      నీరును నిప్పును దాచుచు
      తారాధిపు భీతి నబ్ధి దాఁగె నణువునన్

      సరియా సార్?

      👏👏👌👌జూచినచో

      మైలవరపు మురళీకృష్ణ

      తొలగించు
    2. మైలవరపు వారి పూరణ అద్భుతంగా ఉన్నది. 'వార్ధి గంభీరుండయ్యును...' అనడంలో ఔచిత్య ముంది. వారికి అభినందనలు.
      ******
      ప్రభాకర శాస్త్రి గారూ,
      మైలవరపు వారి దారిలో మీ పూరణ ప్రశస్తంగా ఉన్నది. అభినందనలు.
      వారి సవరణను గమనించండి.
      సముద్రుడు తనలోని నీటిని, బడబాగ్నిని దాచాడన్న భావం అద్భుతంగా ఉన్నది.

      తొలగించు
    3. శ్రీరామేషుమహాగ్నికీలలకు భస్మీభూతులైరెందరో
      శూరుల్ , వారల వాలి , తాటకయు , దత్సూనుండు ,లంకేశుడున్
      జేరెన్ జచ్చి యమాలయమ్మునకు , వైచిత్ర్యమ్ముగా రామరా.....
      ట్తారానాథుని భీతితో నణువు మధ్యన్ దాఁగె సంద్రంబు సూ" !!

      మైలవరపు మురళీకృష్ణ వెంకటగిరి

      తొలగించు
    4. మైలవరపు వారి రెండవ పూరణ ప్రశస్తంగా ఉన్నది. అభినందనలు.

      తొలగించు
    5. మైలవరపు వారికెదురులేదు
      🙏🏻💐

      తొలగించు

    6. చిరుసవరణతో పునస్సమర్పణమ్...(శ్రీ శంకరయ్య గారికి నమస్సులతో)

      శ్రీరామేషుమహాగ్నికీలలకు భస్మీభూతులైరెందరో
      శూరుల్ , వారలె వాలి , తాటకయు , దత్సూనుండు ., లంకేశుడున్
      జేరెన్ జచ్చి యమాలయమ్మునకు , వైచిత్ర్యమ్ముగా రామరా.....
      ట్తారానాథుని భీతితో నణువు మధ్యన్ దాఁగె సంద్రంబు సూ" !!

      మైలవరపు మురళీకృష్ణ వెంకటగిరి

      తొలగించు
    7. విట్టుబాబు గారికి:

      ధన్యవాదాలండీ 🙏

      ...మైలవరపు మురళీకృష్ణ

      తొలగించు
    8. ఈ పద్యమునకు సమర్థవంతమైన మరొక *పాఠాంతరము*... (శ్రీ వెలుదండ వారికి వందనములతో)


      శ్రీరామేషుమహాగ్నికీలలకు భస్మీభూతులైరెందరో
      శూరుల్ , వారల వాలి , తాటకయు , దత్సూనుండు ,లంకేశుడున్
      *జేరన్ బోయిరిలే* యమాలయము , వైచిత్ర్యమ్ముగా రామరా.....
      ట్తారానాథుని భీతితో నణువు మధ్యన్ దాఁగె సంద్రంబు సూ" !!

      మైలవరపు మురళీకృష్ణ వెంకటగిరి

      తొలగించు
    9. సూరీడు దాగె మబ్బుల
      దూరెను వాయువును గుహల దుస్థితినరెరే !
      ఆ రావణు దనుజాంబర
      తారాధిపు భీతి నబ్ధి దాఁగె నణువునన్ !!

      ( *సూరీడు*... శబ్దం తెలుగులోగిలిలో సుప్రసిద్ధం.. అయితే.. బ్రౌణ్యనిఘంటువులో మాత్రమే కన్పిస్తోంది... దానినే ప్రామాణికముగా గ్రహింప మనవి.. 🙏)

      మైలవరపు మురళీకృష్ణ వెంకటగిరి

      తొలగించు

  5. అప్పాయింట్ మెంట్ నో :)


    రారా చంద్రుడ!ఆంధ్ర దేశ ప్రభువా ! రారమ్మ! భాజ్పాయనన్
    ధారాళమ్ముగ దస్కమెల్ల దొరకున్ దారెంబడిన్నన్కొనన్
    హేరాఫేరి! తలాకు లిచ్చి వెడలెన్ హేరాలమై పోరుకున్ !
    తారానాథుని భీతితో నణువు మధ్యన్ దాఁగె సంద్రంబు సూ!

    సంద్రము - దామోదర్ దాసు :)


    జిలేబి

    ప్రత్యుత్తరంతొలగించు
    ప్రత్యుత్తరాలు
    1. 👏👏👏

      సంద్రము (పాల) = దామోదరుని శయ్యాగృహము

      తొలగించు

    2. మేమివ్వాళ నల్ల బేడ్జి పార్టీ యండి :)

      ఎ పన్ ఆర్ట్ విత్ జెకె జిలేబీయం :)


      జిలేబి

      తొలగించు
    3. జిలేబీ గారూ,
      ప్రతీకాత్మకమైన మీ తాజా పూరణ బాగున్నది. అభినందనలు.

      తొలగించు
  6. తారను మోహించె నెవరు?
    వారిద మైనాకుడేల వార్ధియె చేరెన్
    గౌరిసగమయ్యె నెవరికి
    తారాధిపు, భీతి నబ్ది దాగె, నణువునన్

    అణువు అంటే శివుడనే అర్థమిచట

    ప్రత్యుత్తరంతొలగించు
    ప్రత్యుత్తరాలు
    1. విరించి గారూ,
      క్రమాలంకారంలో మీ పూరణ బాగున్నది. అభినందనలు.
      'తారాధిపు' అన్నది ప్రథమలో లేదు. కనుక "తార యెవని మోహించెను?" అంటే బాగుంటుంది. 'వారిద'మంటే మేఘం, దేవదారు వృక్షం. ఇక్కడ దానికి అన్వయం? "వారక మైనాకు డింద్రు బారిఁ బడకఁ దాన్" అందామా?

      తొలగించు
  7. కందం

    తారన్ గూడి బుధున్ గన
    నోరాడక సుతుని క్రియకు నొచ్చిన వాడై
    భారము నిందలు వడుటను
    తారాధిపు భీతి నబ్ధి దాఁగె నణువునన్

    ప్రత్యుత్తరంతొలగించు
    ప్రత్యుత్తరాలు
    1. సహదేవుడు గారూ,
      చక్కని సమన్వయం. మంచి పూరణ. అభినందనలు.

      తొలగించు
    2. చక్కని పూరణ సహదేవుడుగారూ! అభినందనలు!!👏👏👏👏

      తొలగించు
  8. మాతృక తారయె గ్రహముపగ్రహములకు
    పాలపుంతయె అధిపతి సమస్త తారలకు
    దగ్గరైన యెండెదననుచు తలపోయగన్
    తారాధిపు భీతి నబ్ది దాగె నణువునన్

    ప్రత్యుత్తరంతొలగించు
  9. సార్:

    (బాబు దేవదాసు గారికి ధన్యవాదాలతో...)

    వారి పేరు: బాబు "దేవి" దాసు అనుకుంటా...

    ప్రత్యుత్తరంతొలగించు
    ప్రత్యుత్తరాలు
    1. వాట్సప్‍లో వారిని 'దేవదాసు గారూ' అని ఎన్నోసార్లు సంబోధించాను. వారెప్పుడు అభ్యంతరం చెప్పలేదు మరి!

      తొలగించు


    2. ఈ వాత్సాపు లో ఏదేదో జరిగిబోతా వుంది ! ఎలా తెలుసుకోవడం ?

      తొలగించు
    3. మీ వాట్సప్ నెంబరును నాకు (అంతగా ప్రచ్ఛనంగా ఉండాలనుకుంటే నా మెయిలుకు) పంపితే మిమ్మల్ని శంకరాభరణం సమూహంలో చేరుస్తాను. అప్పుడు మీరు వాట్సప్ సమూహంలో పూరణలను, చర్చలను చూడవచ్చు, పాల్గొనవచ్చు. (కాని జిలేబీ చంద్రుని చూచి భయపడి కవితాసముద్రులు ఏ పరమాణువులో దాక్కుంటారో అన్న భయం ఉంది).

      తొలగించు
    4. అక్షర సత్యం గురుదేవా! ఆవిడ ప్రచ్ఛన్నంగా ఉండడమే మేలు!👌👌👌😊😊😊

      తొలగించు

    5. ఔరా ! సీతాదేవి గారు కూడా ఎగస్పార్టీ లో జాయినయి పోయారే ! హతవిధీ !


      జిలేబి

      తొలగించు
    6. జిలేబీగగారూ

      Most welcome to WhatsApp Sankarabharanam!!!

      తొలగించు
    7. జిలేబిగారూ! నేనెప్పుడూ మీ పార్టీనే! మీరు బ్లాగుకే హైలైటు!! కాని ఆ వాట్సప్ లో అందరూ దిగ్దంతులైన పండితులు! మన గురువుగారి వలె లిబరల్ కాదు! నాకు పద్యం పోస్టు చెయ్యాలంటే వణుకు వస్తున్నది! కనుకనే వద్దన్నాను! మనం సరదాగా యేమయినా వ్రాసుకోవడానికి బ్లాగు ఉండనే ఉందికదా! మన మంచి గురువుగారున్నారు కదా సమీక్షించడానికి!
      అదీ మాటరు!
      చీర్స్
      సీతాదేవి

      తొలగించు

    8. ఓహో ! లోగుట్టు యిదన్న మాట ! వద్దులెండి :)

      పండితమ్మన్యులతో పోటీ నావల్ల కాదు

      బ్లాగుకే అంకితమై పోతా :)

      సరదా శారదా విభావరి అంతే

      జిలేబి

      తొలగించు
    9. వాటుసప్పు లోన వాదముల్ సల్పగా
      లెస్సగా జనియె జిలేబి యతివ
      సీత గారి మాట చిత్రమై తోచగా
      నాకు యెందుకనియె నమ్మదగున?

      🤣🙏🏻

      తొలగించు
    10. జిలేబీ గారూ:

      సీతా దేవి గారు మిమ్ములను అనవసరంగా భయపెడుతున్నారు. నాలాటి మూర్ఖుడనే ఏడాదినుంచీ తట్టుకొని ఆనందించుచున్నాను. ఉదాహరణకు (జంబముతో) నేటి సమస్యనిచ్చిన బాబు దేవిదాసు గారు బ్రహ్మ ముహుర్తములో ఏ moood లోనో ఇలా అన్నారు:

      ఆర్యా !బ్ర శ్రీ. ప్రభాకర శాస్త్రి గారికి ప్రణామాలు

      👍

      తొలగించు


    11. అరెయార్ బ్రదర్ శ్రీ .... అన్నారా :)


      జిలేబి

      తొలగించు
    12. శంకరయ్య సారు బ్లాగులోకన్నా ఐదు రెట్లు సమయం వ్హాట్సప్ లో గడుపుతారు :)

      తొలగించు
  10. తారాధిపుడన వాలియు ,
    తారాధిపుడన గురువును , దానగు శశియున్ ,
    వీరలు మువ్వుర మరి యే
    తారాధిపు భీతి నబ్ధి దాగె నణువునన్ ??

    ప్రత్యుత్తరంతొలగించు
    ప్రత్యుత్తరాలు
    1. బాపూజీ గారూ,
      వాలి, బృహస్పతి, చంద్రులను ప్రస్తావించి ఏ తారాధిపుడని ప్రశ్నించిన మీ పూరణ ప్రశస్తంగా ఉన్నది. అభినందనలు.

      తొలగించు
    2. చక్కని పూరణండీ! అభినందనలు!🙏🙏🙏

      తొలగించు
    3. ధన్యవాదాలు సీతాదేవి గారూ!

      తొలగించు
  11. గురువర్యులు శ్రీ కంది శంకరయ్య గారి శంకరాభరణం
    సమస్యాపూరణ :: నేటి సమస్య సంఖ్య-2655
    సమస్య :: *తారానాథుని భీతితో నణువు మధ్యన్ దాగె సంద్రంబు సూ.*
    తారానాథుడైన చంద్రుని వలన భయమును పొందిన సముద్రుడు ఒక అణువు మధ్య దాగినాడు అని చెప్పడం ఈ సమస్యలో ఉన్న విరుద్ధమైన అంశం.
    సందర్భం :: తన ప్రాణనాథుడైన శ్రీ రాముడు తాను ప్రక్కన లేనప్పుడు అశ్వమేధయాగాన్ని ఎలా చేయగలుగుతున్నాడు? అని సందేహపడిన సీతమ్మను దగ్గఱకు పిలుస్తూ వాల్మీకి మహర్షి ‘’ఓ సీతా! ఇటు రా. నీ నాథుడగు శ్రీ రాముడు అందఱికీ నాథుడు. ధర్మస్వరూపుడు. నీ విగ్రహాన్ని బంగారంతో చేయించి ప్రక్కన పెట్టుకొని అశ్వమేధయాగం చేస్తున్నాడమ్మా నీ నాథుడు. ఆయన మహిమ చెబుతాను విను. నీ నాథునికి భయపడి గొప్పగా ఉండే సముద్రుడు చాలా చిన్నదైన మానవ రూపాన్ని పొంది శరణు వేడినాడు అని విశదీకరించే సందర్భం.

    శ్రీ రామున్ వలె నుండు రాజు లిల నేరీ? యేక పత్నీ వ్రతుం,
    డా రాజాగ్రణి, యశ్వమేధమును జేయన్ స్వర్ణ సీతన్ గొనెన్,
    ధీరుం, డందఱి నాథు, డాతని విభూతిన్ దెల్పెదన్ నీకు సీ
    *తా ! రా నాథుని భీతితో నణువు మధ్యన్ దాగె సంద్రంబు సూ.*
    *కోట రాజశేఖర్ పడుగుపాడు నెల్లూరు.* (19-4-2018)

    ప్రత్యుత్తరంతొలగించు
    ప్రత్యుత్తరాలు
    1. రాజశేఖర్ గారూ,
      అద్భుతమైన విరుపుతో ఉత్తమమైన పూరణ చెప్పారు. అభినందనలు.
      (నేను ఎదురు చూస్తున్నది ఈ విరుపు కొరకే!)

      తొలగించు
    2. అమోఘమైన పూరణ! 👏👏👏🙏🙏🙏

      తొలగించు
    3. ఆహాఁ! అద్భుతమైన విఱుపు రాజశేఖరులవారూ!
      మీరే ఈనాటి క్లాసు ఫస్టు!!
      👌🏻👏🏻🙏🏻💐🌹🙏🏻

      తొలగించు
    4. నాపై అభిమానంతో ఈ రోజు నా పద్యాన్ని గొప్పగా ప్రశంసించిన పెద్దలు శ్రీ ప్రభాకర శాస్త్రి గారికి, పండిత వంశీయులు శ్రీ jjk బాపూజీ గారికి, గురువరేణ్యులు శ్రీ కంది శంకరయ్య గారికి, ఆత్మీయులు శ్రీమతి గుఱ్ఱం సీతాదేవి గారికి, కవి పండితులు శ్రీ ps rao విట్టుబాబు గారికి హృదయపూర్వక ప్రణామాలు. కృతజ్ఞతలు. భవదీయుడు కోట రాజశేఖర్.

      తొలగించు
  12. తారా నాథుడు పుట్టెను
    వారాశి ని యనుచు నుండ వా కొన దగు నే
    వేరు గ జేసి యు నెప్పుడు
    తారా ధిపు భీతి న బ్ధి దాగె న ణువు న న్ ?

    ప్రత్యుత్తరంతొలగించు
    ప్రత్యుత్తరాలు
    1. రాజేశ్వర రావు గారూ,
      సమస్యను ప్రశ్నార్థకంగా మార్చిన మీ పూరణ బాగున్నది. అభినందనలు.
      "వారాశిని ననుచు..." అనండి.

      తొలగించు
  13. ఏరా! మతి బోయినదా?
    తేరగ దొరికెనని కల్లు తెగ తాగుచు నీ
    తీరుగ పలికెదవే? యే
    "తారాధిపు భీతి నబ్ధి దాఁగె నణువునన్?"

    ప్రత్యుత్తరంతొలగించు
    ప్రత్యుత్తరాలు
    1. జనార్దన రావు గారూ,
      మీ పూరణ బాగుంది. అభినందనలు.
      క్లిష్ట సమస్యల పూరణకు శకారునో, త్రాగుబోతునో, పిచ్చివానినో, మొద్దబ్బాయినో ఆశ్రయించడం ఒక పద్ధతి.

      తొలగించు

    2. ఈ తాగుబోతెవరండీ ?


      జిలేబి

      తొలగించు
  14. క్షీరంబున జూచి హరియె
    తారాధిపు, భీతి నబ్ధిదాగె నణువునన్
    జారాసంధుని మార్కొని,
    గౌరీశాపంబున బడె కల్లపు నిందల్

    అణువునన్ = అతి సూక్ష్మకాలమున
    ప్రాసకోసం జారాసంధుడు

    ప్రత్యుత్తరంతొలగించు
    ప్రత్యుత్తరాలు
    1. సవరించిన పూరణ:

      క్షీరంబున జూచి హరియె
      తారాధిపు, భీతి నబ్ధిదాగె నణువునన్
      పోరి జరాసంధునితో,
      గౌరీశాపంబున బడె కల్లపు నిందల్

      అణువునన్ = అతి సూక్ష్మకాలమున

      తొలగించు
    2. సీతాదేవి గారూ,
      మీ పూరణ ప్రశస్తంగా ఉన్నది. అభినందనలు.

      తొలగించు
    3. ధన్యోస్మి గురుదేవా! నమస్సులు!🙏🙏🙏

      తొలగించు
    4. బ్రహ్మాండం సీతదేవిగారూ!
      👌🏻👏🏻💐

      తొలగించు
  15. తారను గూడిన చంద్రుడు
    కోరికలకు బానిసయ్యె కొరవడ జ్ఞానం
    బారయ సేమం బనుచును
    తారాధిపు భీతి నబ్ధి దాఁగె నణువునన్

    నిన్నటి సమస్యకు నా పూరణ

    గంభీర రూప మౌనులు
    శంభోయని బిలచు చుంద్రు శంకరునియనన్
    డింభకుడొక్కడు బలికెను
    రంభను గూడి సుతను గనె రాజర్షి వెసన్

    తే17 / 4 /2018దీ నాటి దత్తపదికి పూరణ

    చూచెవిదురుడు హస్తినన్ చోద్యమనగ
    కడిగి మనసార గని వేడుకన్నుతించ
    నేలనోరుచ్యమయి చక్రియేగె వెంట
    ముక్కుతునుమూల్గుతునుగాక ముదము మీర

    ప్రత్యుత్తరంతొలగించు
    ప్రత్యుత్తరాలు
    1. భాగవతుల వారూ,
      మీ మూడు పూరణలు బాగున్నవి. అభినందనలు.
      మొదటి పూరణలో సమస్యాసమన్వయం లోపించినట్లుంది.
      రెండవ పూరణలో "శంకరుని ననన్" అనండి.

      తొలగించు
  16. మిత్రులందఱకు నమస్సులు!

    [మందాదేవి తన భర్తయైన శనైశ్చరుని బంధవిముక్తునిం జేయుమని రావణునిఁ గోరుచుఁ బలికిన సందర్భము]

    సంక్షిప్త వివరణము:
    "ఓరీ పాపాగ్ని కాంతారమునఁ గొట్టుమిట్టాడుచున్న రావణా! నీవు నా భర్తయగు శనైశ్చరుని నిటులఁ గారాగారమున నుంపఁ దగునా? శీఘ్రమే యతనిని బంధవిముక్తునిం జేయుము! మునుపు శివుఁడే, ’శనైశ్చరుండు తన నేమియుఁ జేయఁజాలఁ’ డని బీరములు వలుకఁగా, శని నతనిం గొన్ని క్షణములపాటు పీడింతుననెను. శివుఁ డాతని నుండి తప్పించుకొనుటకు నొక దుర్గమారణ్యమందలి యొక మడువునఁ గొన్ని క్షణములపాటు దాఁగి, తదుపరి వెలికివచ్చి, "శనైశ్చరా! నీవు నన్నేమియుం జేయఁజాలకపోతివికదా!" యనఁగా, "నో శివా! నీవు నీ కైలాసమును వీడి, యీ దుర్గమాటవీమధ్యమందలి మడువున దాఁగియుండుట నా మహత్త్వము కాక మఱేమి?" యనఁగా, నా శివుఁడు నిజము గ్రహించి, నా నాథున "కీశ్వర" ప్రత్యయము మానాఁడే ప్రసాదించెను. నా నాథుని ప్రభావమునుండి శివుఁడే తప్పించుకొనలేకపోయెను. ఇంక నీ వెంత? కావున, నీవు శనీశ్వరుని కోపాగ్నికి గుఱియైనచో, నీ పదితలలు ఖండితములు కాఁగలవు! నా నాథునియందలి భయమున సముద్రమంతటి మహోన్నతుఁడైన శివుఁడే, యణువంతటి మడువున దాఁగినాఁడో కనుము!" అని మందాదేవి పలికినదని నా పూరణము!

    "కారాగారమునందునుంపఁ దగునా? ఖండింపఁజేయుందలల్!
    పోరా రాక్షస బంధనాల విడరా! మున్ శంకరుండే వెసన్
    బీరమ్ముల్ వచియించి డాఁగె మడువం! దీవెంత? పాపాగ్ని కాం
    తారా! నాథుని భీతితో నణువు మధ్యన్ దాఁగె సంద్రంబు సూ!"

    ప్రత్యుత్తరంతొలగించు
    ప్రత్యుత్తరాలు

    1. వామ్మో ! ఎక్కడికెక్కడికి లింకు పెట్టేరండి మధుసూదన్ గారు ! అద్భుతమండి !


      జిలేబి

      తొలగించు
    2. అద్భుతమైన పూరణార్యా! నాకూ ఇదే భావన స్ఫురించినా మీ వంటి కవిత్వ పటుత్వ లేమిని వ్రాయలేక పోతిని! 🙏🙏🙏🙏

      తొలగించు
    3. ఆర్యా! చిరు సందేహము! పాపాగ్ని కాంతారము సరియేనా! అగ్ని అడవిని దహించునుగదా! అన్యధా భావించక నా సందేహెును తీర్చనలస్నదిగా మనవి!🙏🙏🙏🙏

      తొలగించు
    4. ధన్యవాదాలండీ జిలేబీగారూ! శనైశ్చరుని కథ నాకుఁ దెలిసియున్నదియే! దానిని నీ పూరణమున కుపయోగించుకొంటిని!

      తొలగించు
    5. ధన్యవాదాలండీ సీతాదేవిగారూ! మీరును వ్రాయఁగలరండీ! హనుమంతుని బల మతనికే తెలియదు గదా! మీరును నంతియే!

      తొలగించు
    6. సరియైనదే! పాపము చేసినవాఁడు రావణుఁడు! అందుకే వానిని పాపమనే అగ్నికిఁ గాంతారమైనవాఁడా! అని సంబోధించితిని!

      తొలగించు
    7. మధుసూదన్ గారూ,
      మీ పూరణ అద్భుతంగా ఉన్నది. అభినందనలు.

      తొలగించు
    8. ధన్యవాదాలండీ శంకరయ్య గారూ!

      తొలగించు
    9. ఈ వ్యాఖ్యను రచయిత తీసివేశారు.

      తొలగించు
    10. అద్భుతమండీ మధుసూదనార్యా!
      నాకునూ శివ శనైశ్చర సంవాదం తోచినది గాని ఏవిధముగా రాయాలో అనే ఆలోచనలోనే తెల్లారింది. కానీ....రావణునితో లింకుపెట్టారు చూడండీ...మీవంటి అవధానులకే సాధ్యం.
      నమోన్నమః!
      🙏🏻💐🌹

      తొలగించు
    11. ధన్యవాదాలు మధురకవి గారూ! ‘పాపాగ్ని కీలలకు తగలబడిపోయే కాంతారము వంటివాడని ‘ చక్కగా అర్ధమైనదండీ! వివరణకు మరొక్కమారు ధన్యవాదములు!🙏🙏🙏🙏🙏

      తొలగించు
    12. ధన్యవాదములండీ విట్టుబాబుగారూ! నేను అవధానిని కాను. మామూలు పద్యకవిని మాత్రమేనండీ!

      తొలగించు
    13. చాలా సంతోషమండీ సీతాదేవి గారూ! మీ సందేహము సమంజసమే! నేను సంక్షిప్త వివరణలో సూటిగా నా సంబోధనను వివరిస్తే సరిపోయేది. పునర్వివరణమవసరముండకపోయెడిది!

      తొలగించు
  17. జిలేబీ గారి స్ఫూర్తితో:

    ధీరత్వమ్మును జూపుచున్ కసరుచున్ దిల్లీకి పోవంగ నా
    క్రూరాత్ముండగు మోది రోసి భళిగా క్రుంగించి పోపొమ్మనన్
    ఘోరావేశము తోడ తూలు మునియా కోపిష్ఠి దూర్వాసు వోల్
    తారానాథుని భీతితో నణువు మధ్యన్ దాఁగె సంద్రంబు సూ

    ప్రత్యుత్తరంతొలగించు
    ప్రత్యుత్తరాలు

    1. అదురహో ! మోడీ యాడు లండను బస్సులపైన తిరుగాడుతోంది దాని పైన ఓ పద్యం రాయండి జీపీయెస్ వారు :)


      జిలేబి

      తొలగించు
    2. ప్రభాకర శాస్త్రి గారూ, మీ పూరణ బాగున్నది. అభినందనలు. "దుర్వాసుడై" అనండి.

      ...కంది శంకరయ్య

      తొలగించు
  18. గురువు గారూ..
    నేను హైదరాబాదులోనున్నాను. మిమ్ములను దర్శింపగోరుచున్నాను. మీ నివాసమెక్కడో తెలియజేయగలరని ప్రార్ధన
    🙏🏻

    ప్రత్యుత్తరంతొలగించు
    ప్రత్యుత్తరాలు
    1. మీ మెయిల్‍కు నా చిరునామా, ఎలా రావాలో వివరాలిచ్చాను.
      దానికంటే మీరు నన్ను ఎప్పుడు, ఎక్కడికి వచ్చి కలవాలో చెప్పండి. వచ్చి కలుస్తాను. నాకూ కాస్త ఆటవిడుపుగా ఉంటుంది. కొన్ని రోజులుగా ఎక్కడికి వెళ్ళలేదు కదా!

      తొలగించు
  19. మారుని బారినిఁ దాఁ బడ
    నేరక తాప మొక యింత నిరయంబగు నం
    చా రమణీమణి మదినిం
    దారాధిపు భీతి నబ్ధి దాఁగె నణువునన్

    [అబ్ధిన్; సముద్రమునందు; అణువు = స్వల్పము]


    కారే భీత మనస్కు లెల్లరు భువిం గాంచంగ ఛాయాసుతున్
    ధారాపాతము గంగఁ దాల్చియు శనిం దప్పించు యత్నంబుతో
    నౌరా శంభుఁడు దాగె సాల బిలమం దత్యంత దుఃఖంబుగం
    దారానాథుని భీతితో నణువు మధ్యన్ దాఁగె సంద్రంబు సూ

    ప్రత్యుత్తరంతొలగించు
    ప్రత్యుత్తరాలు
    1. కామేశ్వర రావు గారూ,
      మీ రెండు పూరణలు ప్రశస్తంగా ఉన్నవి. అభినందనలు.

      తొలగించు
    2. పూజ్యులు శంకరయ్య గారికి నమఃపూర్వక ధన్యవాదములు.

      తొలగించు


  20. వీరావేశము జూపగా నెలతుకల్ వెక్కెక్కి రోదింతురే?
    దారిన్బోయెడు కుక్కలెన్ని మొరుగన్త్రాసంబగున్నద్రికిన్?
    తారానాథుని భీతితో నణువు మధ్యన్ దాఁగె సంద్రంబు?సూ
    డ్రా!రామక్కను! పూలిడన్ వలదొరేయ్! డ్రామా కతల్చెప్పకోయ్ :)

    జిలేబి

    ప్రత్యుత్తరంతొలగించు
    ప్రత్యుత్తరాలు
    1. జిలేబీ గారూ,
      వీరావేశంతో మీరు చెప్పిన పూరణకు అభినందనల పుష్పాలు!

      తొలగించు
  21. కోదండరాముని కొలువవే మనసా...

    సురవైరాంబుధి గతిచెడ
    ధరణీపతినవతరించె ధరసుతపతిగన్
    అరె ! శౌర్యార్కధనుర్హం
    తారాధిపు భీతి నబ్ధి దాఁగె నణువునన్

    ప్రత్యుత్తరంతొలగించు
    ప్రత్యుత్తరాలు
    1. అన్ని పాదములూ సమస్యా పాదమువలె గురువుతో నారంభము కావలె కదా!

      తొలగించు
    2. ..అవున్సార్ గమనించలేదు....

      తొలగించు
    3. వెంకటేశ్ ప్రసాద్ గారూ,
      పాదాలను గురువులతో ప్రారంభిస్తూ మరో ప్రయత్నం చేయండి.

      తొలగించు
    4. వీరులమనియసురాంబుధి
      ఘోరముగభువిన చరింప, గురుకుల బాలా!
      శూరార్కవంశరిపుహం
      తారాధిపు భీతి నబ్ధి దాఁగె నణువునన్

      తొలగించు
  22. సార్, విశ్వనాథ వారి కల్పవృక్షం- అయోధ్యకాండ PDF ఎంత వెదికినా లభించలేదు.. దొరకబుచ్చుకున్నవారెవరైనా link షేర్ చేయ ప్రార్ధన...

    విశ్వనాథ వారు తమ కల్పవృక్షం మీద వ్యాఖ్యానం వ్రాశారని విన్నాను. అందుబాటులో ఉన్న వారు PDF link షేర్ చేయ ప్రార్ధన...

    **ఈ విన్నపము చేయటానికే entry ticket గా సమస్య పూరించారు...🙏🙏**

    ప్రత్యుత్తరంతొలగించు
    ప్రత్యుత్తరాలు


    1. మీరు వెతుకుతున్నదిదేనా ?


      https://archive.org/details/srimadramayanaka015385mbp


      जिलॅबी

      తొలగించు
    2. జిలేబిగారూ,
      ఆ link యుధ్ధకాండము. ఇదివరకే ఉంది. ఎంత వెతికినా ఒక్క అయోధ్యకాండము మాత్రమే దొరకలేదు. TTD ebooks నందు సైతం వెదికినా అయోధ్యా రాముడే దొరకలేదు.
      శ్రమనుకోకుండా గాలించినందుకు ధన్యవాదాలు. ప్రాప్తం ఉన్నప్పుడే రాముడు వస్తాడులెండి. అంతదాకా ప్రయత్నం మానకుంటే సరి.......

      తొలగించు
    3. మీకు ఒక్క అయోధ్యాకండ మాత్రమే దొరకలేదు. నాకు కేవలం యుద్ధకాండ మాత్రమే దొరికింది.

      తొలగించు
    4. సార్ తక్కిన links క్రింద ఇచ్చాను. (అయోధ్యాకాండము తప్ప)

      తొలగించు
  23. ఏరాతిరైన పతికొఱ
    కారాటపడుసతి,మగడుహాలనుకుడువన్
    దూరెతలుపుచాటు కహో
    తారాధిపుభీతి నబ్దిదాగె నణువునన్

    ప్రత్యుత్తరంతొలగించు
    ప్రత్యుత్తరాలు
    1. సీతారామయ్య గారూ,
      మీ పూరణ బాగున్నది. అభినందనలు.

      తొలగించు
  24. పురాణ గాధలకు సంబంధించి కాక ఈసారి లౌకికమైన ప్రస్తుతాంశంతో..

    తారాసీమ నభసమున
    ఘోరాగడములకెదురుగఁ గోమలులెట్లోఁ
    బోరాటము చేయగనా
    తారాధిపుభీతినబ్ధిదాఁగె నణువునన్

    -- శ్రీకాంత్ గడ్డిపాటి.

    ప్రత్యుత్తరంతొలగించు
    ప్రత్యుత్తరాలు
    1. శ్రీకాంత్ గారూ,
      మీ పూరణ బాగున్నది. అభినందనలు.

      తొలగించు
  25. క్రొవ్విడి వెంకట రాజారావు:

    తార వరించిన దెవరిని?
    పేరువుల రిపువు సవితకు బీతుకుడుచుచున్
    పారెనెటకు మైనాకుడు?
    తారాధిపు; భీతినబ్ధి దాగె నణువునన్
    (పేరువులు= పర్వతములు; సవిత= ఇంద్రుడు)

    ప్రత్యుత్తరంతొలగించు
    ప్రత్యుత్తరాలు
    1. రాజారావు గారూ,
      మీ క్రమాలంకార పూరణ బాగున్నది. అభినందనలు.

      తొలగించు
  26. కారడవుల దాగెనుబులి
    తారాధిపుభీతి,నబ్ధిదాగెనణువున
    న్నౌరా దుర్యోధనుడే
    పారుచువడి భీతినొంది వలలుని వలనన్

    ప్రత్యుత్తరంతొలగించు
    ప్రత్యుత్తరాలు
    1. సుబ్బారావు గారూ,
      మీ పూరణ బాగున్నది. అభినందనలు.
      వాలి భయంతో పులు దాగిందా?

      తొలగించు

  27. గౌరీశా జూడుమయా
    వీరాధులు శనియు జూడ విచలితురౌరే
    తీరని బాధలు తప్పగ
    తారాధిపు భీతి నబ్ధి దాగె నణువునన్

    Dr Varalakshmi
    Bangalore

    ప్రత్యుత్తరంతొలగించు
    ప్రత్యుత్తరాలు
    1. వరలక్ష్మి గారూ,
      మీ పూరణ బాగున్నది. అభినందనలు.
      'వీరాదులు' అనండి.

      తొలగించు

  28. ..సమస్య
    తారానాథుని భీతితో నణువు మధ్యన్
    దాఁగె సంద్రంబు సూ..

    సందర్భము: సుగ్రీవుడు సుగుణాలలో పారావారం (సముద్రం) వంటివాడే వాలితో పోలిస్తే!... ఐతే బల పరాక్రమంలో తప్ప..
    అటువంటి సుగ్రీవుడు హనుమంతుడు తోడు రాగా అణువుతో పోల్చదగిన ఒకానొక కొండనెక్కి కూర్చున్నాడు తారా నాథుని (వలని) భయంచేత.. (అనగా వాలి భయంచేత అని కవి భావం)
    అప్పుడు విరుద్ధార్థం తొలగిపోయి అణువు నడుమ సముద్రం దాగిన ట్లయింది.
    (సుగ్రీవుడు ఋష్యమూక పర్వతా న్నెక్కి కూర్చున్నాడు. ఆ కొండమీదకు వాలి రాలేడు. వస్తే తల పగిలి మరణిస్తా డని మహర్షి శాపం వుంది.)
    ~ ~ ~ ~ ~ ~ ~ ~ ~~ ~ ~ ~ ~ ~ ~ ~
    పారావారనిభుండు సద్గుణ తతిన్
    భావింప సుగ్రీవు డన్
    సారాచారుడె వాలికన్న బల మన్
    సంపత్తిలో దప్ప... తాన్
    జేరెన్ బావని తోడురా నణు వటుల్
    జెన్నొందు కుత్కీలమున్
    తారానాథుని భీతితో... నణువు మ
    ధ్యన్ దాఁగె సంద్రంబు సూ

    కుత్కీలము... కొండ; తారా నాథుడు... వాలి;

    🖋~డా.వెలుదండ సత్యనారాయణ

    ప్రత్యుత్తరంతొలగించు
    ప్రత్యుత్తరాలు
    1. డా. వెలుదండ వారూ,
      మీ పూరణ ప్రశస్తంగా ఉన్నది. అభినందనలు.

      తొలగించు
  29. ఏరా రమ్మన నీ చతుర్థి నిశ రాలే నందు వేలా వెసన్?
    ఘోరాణ్వాయుధ మందు స్ఫోటకపు శక్తుల్ దాగు నెచ్చోటరా?
    చోరుం డే మొనరించె నల్కిడి వినన్? స్రోతస్సు లెప్పట్టు నౌ?
    తారానాథుని భీతితో, నణువు మధ్యన్, దాఁగె, సంద్రంబు సూ.

    ప్రత్యుత్తరంతొలగించు
  30. సమస్య : -
    "తారాధిపు భీతి నబ్ధి దాఁగె నణువునన్"

    కందము*

    గౌరీపుత్రుడు దిరగగ
    జారెడు బొజ్జ గని నవ్వి సయ్యాటాడన్
    పార్వతి శపించ,చువ్వన
    తారాధిపు; భీతి నబ్ధి దాఁగె నణువునన్"

    ప్రత్యుత్తరంతొలగించు
  31. శ్రీకృష్ణ పరమాత్మ ద్రౌపది తో :

    శార్దూలవిక్రీడితము
    పారావార సముండు దుర్గుణ తతిన్ భావింప రారాజహో! 
    పోరాటంపు పరాభవంబు గన వైముఖ్యంబునన్ దాను కా
    సారమ్మందున నుండె మృత్యు భయ జంజాటమ్మునన్ భీము కాం
    తా! రా నాథుని భీతితో నణువు మధ్యన్ దాఁగె సంద్రంబు సూ!

    ప్రత్యుత్తరంతొలగించు
  32. సార్,

    విశ్వనాథ వారి కల్పవృక్షము 6 కాండములు. ఇతఃపూర్వం చెప్పినట్లు అయోధ్యా కాండము link దొరకలేదు. మన 'శంకరాభరణం' లో సాహితీమిత్రుల ఉపయోగార్ధం links క్రింద ఇవ్వబడ్డాయి....

    బాలకాండ https://archive.org/details/SrimadRamayanaKalpavrushamuBalakandamuVol1

    అయోధ్య కాండము :-- లభించలేదు...

    అరణ్యకాండము http://ebooks.tirumala.org/Product/?ID=1115

    కిష్కింధకాండము https://archive.org/details/in.ernet.dli.2015.391262

    సుందరకాండము http://ebooks.tirumala.org/Product/?ID=1117

    యుధ్ధకాండము. http://ebooks.tirumala.org/Product/?ID=1118

    పై గ్రంధములన్నీ public domain లో ఉన్నాయి.. ఆయా website నిబంధనలనుసరించి download చేసుకొని చదువవచ్చను. కేవలం పఠనాభిలాష తోనే ఈ links ఇవ్వబడ్డాయి తప్ప ఇతరత్రా ఉద్దేశ్యాలతో కాదు..

    అయోధ్యా కాండము దొరికితే మన 'శంకరాభరణం' లో upload చేయ ప్రార్ధన....

    ........ విశ్వనాధుని అభిమానులందరికీ మరియు శ్రీరామ భక్తులందరికీ ఉపయుక్తమౌతుందని ఆశిస్తూ....

    .... ఒక అయోధ్యారామాన్వేషి...........

    ప్రత్యుత్తరంతొలగించు
    ప్రత్యుత్తరాలు


    1. మీరిచ్చిన పై లింకుల్లో బాలకాండ కూడా సరిలేదండి ; పీడీయెఫ్ లేదా లంకెలో

      చూడవలె

      జిలేబి

      తొలగించు
    2. Djvu format ను PDF లోకి convert చేయవచ్చునట. ముందు djvu format ను download చేసి, djvu2pdf.com లో upload చేస్తే PDF రూపేణా చదువుకోవచ్చు.

      (లేదా)
      మీదగ్గరున్నది smart phone అయితే djvu file ని ebook reader app ద్వారా అయినా చదువవచ్చుననే మార్గాంతరం..

      (లేదా)
      Direct గా online లో చదువవచ్చచదు

      తొలగించు


    3. బాలకాండ https://archive.org/details/SrimadRamayanaKalpavrushamuBalakandamuVol1

      Show all files
      Down load the tiff file(about 17.6 mb)
      use tiff2pdf dot com website
      upload the tiff file and click convert to pdf
      download that pdf
      Read to enjoy పిడిఎఫ్ ఫైల్ బాలకాండ


      చీర్స్
      జిలేబి

      తొలగించు
  33. గారెల్ బూరెలు భూరిగా దినుచు భుక్తాయాసమున్ పొందెడిన్
    గౌరీపుత్రుని గాంచి నవ్వెనని యా కాత్యాయనీ కోపమున్
    రేరాజున్ శపియింపగా నెఱగి పాఱెన్ ధాత్రినే వీడుచున్
    తారానాథుని భీతితో నణువు మధ్యన్ దాగె సంద్రంబు సూ

    ప్రత్యుత్తరంతొలగించు
  34. తారావర్త్మము మోయునెట్లణువులున్ దామేవిధిన్ జెప్పిరో
    తారానాథుని భీతితో నణువు మధ్యన్ దాగె సంద్రంబు సూ
    పారావారము నందు బుట్టెనుగదా బాలేందుడే బిడ్డడై
    యౌరా! యెంతటి చిత్రకల్పనమొ యూహాతీతమే గాదుటే

    ప్రత్యుత్తరంతొలగించు
  35. డా.పిట్టాసత్యనారాయణ
    తీరా మోదీ శశియే
    వారాశియెెెె తెలుగునేల వణకె నదెటులో
    చేరెన్ బహుజనపణువున్
    తారాధిపు భీతినబ్ది దాగె నణువునన్

    ప్రత్యుత్తరంతొలగించు
  36. డా.పిట్టాసత్యనారాయణ
    పారావారమె సృష్టియౌ విపులతన్, పారంగతుల్ శోధకుల్
    తీరా తన్నవలీలగా గెలువ బందీ దప్పుకోన్ లీలగా
    ఘోరాద్ఘోర బిలంబునా యణువునన్ గూరెన్, విచారింపగా
    కారా శోధకులెల్లరున్ శశి వలెన్ కారుణ్య సంధాయకుల్?
    తారానాథుని భీతితో నణువు మధ్యన్ దాగె సంద్రంబు సూ
    డారాదీయరె నణ్వుదాగిన రహస్యాండండ పిండంబులన్?!

    ప్రత్యుత్తరంతొలగించు