కవి పండితులు శ్రీ కంది శంకరయ్య గారి సమస్య ======================= కాపురమున్ గ్రమించు నరకమ్మొక టున్నదె యెంచి చూడగన్ ========================= పరిశీలించి చూడగ సంసారమును మించిన నరకము మరొకటి లేదు కదా యని చెప్పటంలో విశేషమే సమస్య =========================== సమస్యా పూరణం - 285 ==================
గయ్యాళి సతుల తీరు వేరు- బూతు మాట నోట నిరతము పారు ఆమె నోటికి మొక్కు వాడ ఊరు- భర్త భయపడు చేయ పోరు సంసార కుతకుతలు సరిగమలుగా- బతుకున గాంచి పాడగన్ కాపురమున్ గ్రమించు నరకమ్మొక- టున్నదె యెంచి చూడగన్
భార్య గయ్యాళి తనమునకు విసిగి ఆమెను త్యజించి గొప్ప ఆధ్యాత్మిక వేత్తగా అవతరించాడు 11 వ శతాబ్దపు రామానుజుడు, అంత మాత్రమే కాదు 120 సంవత్సరముల సంపూర్ణ జీవితాన్ని జీవించాడు
భార్య గయ్యాళి తనము తనలోని రచయితను మేల్కొలుప గొప్ప రచయిత అయినాడు 19 వ శతాబ్దపు లియో టాల్ స్టాయ్
కొసమెరుపు:- భార్య గయ్యాళి తనము =========== కాపురమును నరకముగ చేయటమే కాదు ఇతరత్రా కొన్ని లాభములను కూడా చేకూర్చుతుందోయ్.
గురువర్యులు శ్రీ కంది శంకరయ్య గారి శంకరాభరణం సమస్యాపూరణ :: నేటి సమస్య సంఖ్య-2819 సమస్య :: కాపురమున్ గ్రమించు నరకమ్మొక టున్నదె యెంచి చూడగన్? *కాపురం కంటే నరకం మరొకటి ఉంటుందా బాగా ఆలోచిస్తే* అని అనడం ఈ సమస్యలో ఉన్న విరుద్ధమైన అర్థం. సందర్భం :: పితృవాక్యపరిపాలనకోసం నే నొక్కడినే వనవాసానికి బయలుదేఱుతాను. ఓ సీతా! నీవు యీ అయోధ్యలోనే ఉండు అని శ్రీరామచంద్రుడు పలుకగా సీతాదేవి ఓ ప్రాణనాథా! *పతిహీనా తు యా నారీ న సా శక్ష్యతి జీవితుమ్।* అని {అయోధ్యాకాండ-29 వ సర్గ-7 వ శ్లోకంలో} అన్నది. “భర్త తోడుగా ఉంటే ఆ జీవితం స్వర్గం అవుతుంది. భర్త తోడుగా లేకుంటే ఆ జీవితం నరకం అవుతుంది. బంగారు జింకను కోరుకొని నేను భర్తకు దూరమైనాను. ఇప్పుడు ఈ లంకాపురంలో ఒంటరిగా కాలం గడుపుతూ కష్టపడుతూ ఉన్నాను. ఆలోచించి చూస్తే ఇప్పటి నా జీవితం కంటే మరొక నరకం ఉంటుందా?” అని సీతమ్మ అశోకవనంలో ఉండి శోకించే సందర్భం.
కాపుర మౌను స్వర్గముగ కాంతుడు తోడుగ నున్న, నేడు నా కాపురమందు తోడనగ కష్టమె, బంగరులేడి గోరి లం కాపురమందు నొంటరిగ కాలము బుచ్చుచు నుంటి నిట్లు, నా కాపురమున్ గ్రమించు నరకమ్మొక టున్నదె యెంచి చూడగన్? కోట రాజశేఖర్ పడుగుపాడు నెల్లూరు. (16-10-2018)
సందర్భము: పురుషుని సహనానికి కాపురం ఒక పరీక్ష. ఆ పరీక్షలో నెగ్గిన వాడు దైవాన్ని చేర్చే ఒక గొప్ప గుణం లేదా అర్హత సాధించినట్టు లెక్క . అలా కాకపోయినట్లైతే జీవితం నరకమే! ~~~~~~~~~~~~~~~~~~~~~~~ "సహనమునకు పరీక్షగా సాగు కాపు రంబు.. నెగ్గిన నతడు దైవంబు జేరు ననఘ గుణము సాధించిన.. ట్లటుల గామిఁ.. గాపురము కంటె కన నరకమ్ము గలదె!
సందర్భము: పడతి పరమునకు లేదా ఆముష్మిక మునకు పైకి ఎగబ్రాకనీయదు. ఎంత సేపూ ఇహమునకే అనగా ఐహికమునకే క్రిందికి లాగుతుంది. ఇది తెలుసుకుని జాగ్రత్తగా మసలుకున్న ట్లయితే జీవితం సద్వినియోగ మౌతుంది. జాగ్రత్తగా మసలు కోవడం అంటే ఏమి టంటారా! సంసారంలో నిండా మునిగిపోయి ఇదే లోకం అనుకోకుండా గృహిణి సహకరించినా సహకరించకపోయినా తన జాగ్రత్తలో తా నుండి ఆముష్మికంలో ముందడుగు వేయాలి. సహకరిస్తుం దని ఆశించరాదు. ఆశాభంగం పొందరాదు. ఇది తెలుసుకుంటే జీవితం స్వర్గతుల్య మౌతుంది. లేకుంటే నరకమే! ~~~~~~~~~~~~~~~~~~~~~~~ పరమునకు పైకి పోనీదు పడతి యెపుడు.. నిహమునకు క్రిందకే లాగు నెల్ల వేళ.. తెలిసి మసలిన స్వర్గంబు.. తెలియదేని.. కాపురము కంటె కన నరకమ్ము గలదె!
✒~డా.వెలుదండ సత్యనారాయణ 16.10.18 -----------------------------------------------------------
రిప్లయితొలగించండిఇల్లుటాలు చేతిని కర్ర యిరగ దీయ
పడక కిరువైపులదిగుట వదులు కున్న
బ్రహ్మ చర్యము కంటె శాపమ్ము గలదె
కాపురము కంటె కన నరకమ్ము గలదె :)
జిలేబి
అదరహో!
తొలగించండిజిలేబీ గారూ,
తొలగించండిమీ పూరణ బాగున్నది. అభినందనలు.
ప్రొద్దు తిరుగుడు పూవులా పొంగు వాఱు
రిప్లయితొలగించండిబుద్ధి మార్చగ నయమంచు భూరి గాను
క్షణము మార్చెడి భామతో క్షణిక మైన
కాపురము కంటె కన నరకమ్ము గలదె ?
అక్కయ్యా,
తొలగించండిమీ పూరణ బాగున్నది. అభినందనలు.
'వలె'ను 'లా' అనడం వ్యావహారికం. అక్కడ "పువువోలె" అనండి.
మామ లత్తలు మరుదుల మధ్య నుండి
రిప్లయితొలగించండిమొగుడు మొట్టగ తిట్టగ ముద్దు మీరి
తోడి కోడండ్రు బావల తోడుగాను
కాపురము కంటె కన నరకమ్ము గలదె
ప్రభాకర శాస్త్రి గారూ,
తొలగించండిమీ పూరణ బాగున్నది. అభినందనలు.
(1)
రిప్లయితొలగించండిఅత్త మామల హింసించి, యాడుబిడ్డ
లన్న ద్వేషమ్ముఁ జూపుచు ననవరతము
బాధ పెట్టెడి గయ్యాళి భార్యతోడి
కాపురము కంటె కన నరకమ్ము గలదె
(2)
(దేవతలు, మునులు విష్ణువునకు మొరపెట్టుకొనడం...)
పాపభయమ్ము లేక మునివాటిక లెల్లను గూల్చు సాధుహిం
సాపరులైన రాక్షసుల స్వామి సదా దివిజద్విషుండునై
మా పయి క్రూరకృత్యముల మానని రావణుఁ డేలుచున్న లం
కాపురమున్ గ్రమించు నరకమ్మొక టున్నదె యెంచి చూడఁగన్.
"లంకాపురమున్ " అద్భుతము గురుదేవా! నమోనమః!
తొలగించండి
రిప్లయితొలగించండిమూపుపయిన్ రమా మణి దుముక్కని చేతిని దుడ్డు కర్రతో
సాపుగ వేసి మొట్టి తన స్థానము తెల్పుచు కీచు లాడుచున్
వేపుడు మాదరింపులన వేకువ జామున తిట్టి పోయగా
కాపురమున్ గ్రమించు నరకమ్మొక టున్నదె యెంచి చూడఁగన్!
ఇవ్వాళ డమాలే డమాలు :)
జిలేబి
జిలేబీ గారూ,
తొలగించండిమీ రెండవ పూరణ బాగున్నది. అభినందనలు.
'మాదరింపులు'...?
తొలగించండిమాదరింపు - తాళింపు ఆంధ్ర భారతి :)
డా. పిట్టా సత్యనారాయణ
రిప్లయితొలగించండిచాలు!యౌవనమున నారి సంగమంబు
కొరకు మొదలిడి వెతలలో క్రుంగిపోయి
పేరు దెచ్చుకొనుటకైన పెనుగులాట
కాపురము కంటె కన నరకమ్ము కలదె?!
డా. పిట్టా వారూ,
తొలగించండిమీ పూరణ బాగున్నది. అభినందనలు.
ఎంత చెప్పిన మాటలు సుంత వినక ,
రిప్లయితొలగించండితనదు తలిదండ్రులను గూర్చి తగవుపడుచు ,
మగువ మనసును నొప్పించు మగని తోడి
కాపురము కంటె , కన నరకమ్ము గలదె ?
బాపూజీ గారూ,
తొలగించండిమీ పూరణ ప్రశస్తంగా ఉన్నది. అభినందనలు.
సవతి పోరును దహియింప శాంతిఁగలదె!
రిప్లయితొలగించండిపరగ గయ్యాళి భార్య యింపగునె యెపుడు!
వాదులాడుట నైజమై,భగ్నమైన,
కాపురము కంటె కన నరకమ్ముఁగలదె!
ప్రసాద రావు గారూ,
తొలగించండిమీ పూరణ బాగున్నది. అభినందనలు.
ధన్యవాదములు
తొలగించండి
రిప్లయితొలగించండిభువిని యింద్రలోకమిదియె పుష్యరథము
కాపురము, కంటె! కన, నరకమ్ము గలదె,
యిల్లు విడిచి సన్నాసిగ యింకబారి
బోవ! సంసారమే యనుభోగమయ్య !
జిలేబి
జిలేబీ గారూ,
తొలగించండిమీ మూడవ పూరణ బాగున్నది. అభినందనలు.
'భువుని నింద్రలోక..' మనండి.
ఇల్లు, ఇల్లాలిని విడిచి వృద్ధాశ్రమంలో ఉన్న నా గురించి కాదు కదా ఈ పూరణ?
తొలగించండిఅయ్యబాబోయ్ కానేకాదండోయ్
జనాంతికంగా అంతే !
నెనరులు
యడాగమ నుగాగాములెప్పడు సరిపడతాయో :)
అత్త మామలు హింసింప నాడు బిడ్డ
రిప్లయితొలగించండిసూటి పో ట గు తూటాల మాట ల నగ
భర్త వారికి సతతము వంత పాడ
కాపురము కంటె కన నరక మ్ము గలదె ?
రాజేశ్వర రావు గారూ,
తొలగించండిమీ పూరణ ప్రశస్తంగా ఉన్నది. అభినందనలు.
మైలవరపు వారి పూరణ
రిప్లయితొలగించండిఏ పని చెప్పినన్ విని హసింతురు చిన్న సమస్య యంచు , మీ..
రాపరు నీటిపంపు , మరి యార్పరు దీపములంచు నీల్గు , మీ..
పాపల యల్లరేమి యని బల్కెదరిద్ధర నద్దెయింటిలో
కాపురమున్ గ్రమించు నరక మ్మొక టున్నదె యెంచి చూడఁగన్ !
మైలవరపు మురళీకృష్ణ వెంకటగిరి
అద్దెకొంప అగచాట్లను గురించిన మైలవరపు వారి పూరణ ప్రశస్తంగా ఉన్నది. అభినందనలు.
తొలగించండిపూవు దొరికిన ప్రియమైన పొలతికిచ్చు .,
తొలగించండినిచ్చకములకునెంచి మా యిల్లుఁజేరు !
మరొక భామను మరిగిన మగనితోడ
కాపురము కంటె గన నరకమ్ము గలదె ?!
మైలవరపు మురళీకృష్ణ వెంకటగిరి
భార్య జీతమక్కరలేని బానిసయని
రిప్లయితొలగించండితలచు నీచుడు జూదరి త్రాగుబోతు
మానవత్వమె కరువైన మగని తోడ
కాపురము కంటె కన నరకమ్ము గలదె.
విరించి గారూ,
తొలగించండిచక్కని పూరణ. అభినందనలు.
పక్షవాతము గల భర్త,పతిని వదలి
రిప్లయితొలగించండివచ్చిన తనయ,త్రాగెడి వడువు,విధవ
తోడు కోడలు, సిరిలేమి,కూడు కొన్న
కాపురము కంటె కన నరకమ్ము కలదె
కృష్ణ సూర్యకుమార్ గారూ,
తొలగించండిమీ పూరణ బాగున్నది. అభినందనలు.
భార్య బిడ్డలంచు మురిసి భ్రమల దేలి
రిప్లయితొలగించండిపదవి యశము ధనమ్ముల బ్రాకులాడి
మిథ్యయంచు నెరిగియు యవిద్య మున్గు
కాపురము కన్న గన నరకమ్ము గలదె!
సీతాదేవి గారూ,
తొలగించండిమీ పూరణ బాగున్నది. అభినందనలు.
డా.పిట్టా సత్యనారాయణ
రిప్లయితొలగించండిచూపుకు గోచి రక్షణకు చొప్పడినట్టిది ;యీతి బాధలన్
మోపెడు మోయకున్న నొక మ్రుచ్చు యనన్నవహేళనాయె,నే
నోపితినయ్య కష్టముల నూరిననన్ మగరాయడంద్రు నా
దాపున బేరు రాదుగద దగ్గర నైనది మృత్యు వాత యీ
కాపురమున్ గ్రమించు నరకమ్మొకటున్నదె యెంచి చూడగన్?
డా. పిట్టా వారూ,
తొలగించండిమీ పూరణ బాగున్నది. అభినందనలు.
రిప్లయితొలగించండిప్రొద్దు దిరుగుడు మనసున్న ముద్దు గుమ్మ
భర్త నెటులైన హింసించి పరవ సించ
పక్క పైనను ముళ్ళుంచ చక్క నైన
కాపురము కంటె కన నరకమ్ము గలదె
అక్కయ్యా,
తొలగించండిమీ పూరణ బాగున్నది. అభినందనలు.
కూర్చు స్వర్గమ్ము భువిలోన కొంత తడవు
రిప్లయితొలగించండితదుపరి వరుస కష్టముల్ దాపురించు
నెంచి చూడ మానవునకు నిల్లటంపు
కాపురము కంటె కన నరకమ్ము గలదె
అన్నపరెడ్డి వారూ,
తొలగించండిమీ పూరణ వైవిధ్యంగా, చక్కగా ఉన్నది. అభినందనలు.
రిప్లయితొలగించండితోపుడు బండి జీవితము తోడుగ జోడుగ లాగుచున్ భళా
రాపగలున్ జిలేబి యగు రాణి సయాటల ద్రేలి పోవుచున్
కాపురమున్ గ్రమించు; నరకమ్మొక టున్నదె యెంచి చూడఁగన్,
నీపయనమ్ము లో జనుల నేమపు మాటల నమ్మి క్రొత్తడిన్
రాపుచు నమ్మి వచ్చిన వరానన కన్నుల నీరు గార్చుటే !
జిలేబి
జిలేబీ గారూ,
తొలగించండిమీ పూరణ బాగున్నది. అభినందనలు.
'రేపగలు'ను 'రాపగలు' అన్నారు. 'దేలిపోవు'ను 'ద్రేలిపోవు' అన్నారు. 'క్రొత్తడి'...?
తొలగించండిమొదటి రెండు అప్పుతచ్చులు
క్రొత్తడి - భార్య - ఆంధ్ర భారతి ఉవాచ
రేపగలు గ మార్చుతే యతి వద్ద పదము మార్చాలి
తొలగించండిఒక తండ్రి తన కుమారుడు అమెరికా లోచదువు కుంటాను అని చెప్పి నపుడు దూరపు కొండలు నునుపు అమెరికా పురము ప్రస్తుతం నరక ప్రాయము అని హిత బోధ చెయు సందర్భము
రిప్లయితొలగించండిచతికిల బడెను గానేడు సాఫ్ట్ వేరు
కొలువు,వీసాలు పొందుట సులువు కాదు,
ట్రంపు దెబ్బకు వచ్చెను ముంపు, నమెరి
కా,పురము కంటె కన నరకమ్ము కలదె
కృష్ణ సూర్య కుమార్ గారూ
తొలగించండిమీ పూరణ బాగున్నది అభినందనలు.
మిత్రులను కలసి చాలా కాలమైనది
రిప్లయితొలగించండిమధుమేహమును నియంత్రించుకొని
రెండు కళ్ళకూ శస్త్రచికిత్స చేయించుకొని
ఇతరత్రా అనారోగ్యముల నుండి కూడా
చాలా వరకూ కోలుకొన్నాను
అందరికీ వందనములు
అందరి పూరణలూ అలరించు చున్నవి
అలరించ నున్నవి
అశోక వనమున సీతామాత దుఃఖముతో :
01)
____________________________________
కాపురుషుండు,రావణుని - కావలి వారల మధ్య దీనయై
కాపుర మున్నయట్టి తన - కానన వాసము దల్చి బాధతో
శోకము యుప్పతిల్లగ య - శోక వనంబున దల్చె నిట్లు; లం
కాపురమున్ గ్రమించు నర - క మ్మొక టున్నదె యెంచి చూడఁగన్
కాపటికున్ వధించి నను - గావగ రాముడు వచ్చు నెన్నడో ?
____________________________________
కాఁపురము = నివాసము
వసంత కిశోర్ గారూ,
తొలగించండిబ్లాగులో మీ పునర్దర్శనం సంతోషకరం. మీ ఆరోగ్య విషయాలు తెలిసి సంతోషించాను.
మీ పూరణ ప్రశస్తంగా ఉన్నది. అభినందనలు.
తొలగించండికొన్ని సూచనలు వాట్సప్ సమూహంలో చేసాను చూడండి.
వసంత కిషోర్ గారూ!మీ ఆరోగ్యం బాగవడం' మీరు మళ్ళీ పూరణలు చేయడం మూదావహం! నమస్సులు!
తొలగించండిముదావహం!
తొలగించండివసంత కిషోర్ గారు మీ పునరాగమనము సంతోష దాయక మైనది. ఆరోగ్యము కుదుట పడినందులకు విచారోపశమము కలిగినది.
తొలగించండిశంకరార్యా ! ధన్యవాదములు !
తొలగించండిసీతాదేవిగారూ ! ధన్యవాదములు !
కామేశ్వరరావుగారూ ! ధన్యవాదములు !
ఈ కామెంట్‌ను రచయిత తీసివేశారు.
తొలగించండిప్రాసను గుర్తు చేసిన మిత్రులు శేషఫణిశర్మగారికి
తొలగించండిధన్యవాదములతో
అశోక వనమున సీతామాత దుఃఖముతో :
01అ)
____________________________________
కాపురుషుండు,రావణుని - కావలి వారల మధ్య దీనయై
కాపుర మున్నయట్టి తరి, - కామము హెచ్చిన రాక్షసాధమున్
చూపులె కాల్చుచుండగ, న - శోక వనంబున సీత దల్చె; లం
కాపురమున్ గ్రమించు నర - క మ్మొక టున్నదె యెంచి చూడఁగన్
కాపటికున్ వధించి నను - గావగ రాముడు వచ్చు నెన్నడో ?
____________________________________
కాఁపురము = నివాసము
రిప్లయితొలగించండిసవరించినది - క్రొత్తడి -భార్య ఆంధ్ర భారతి ఉవాచ
తోపుడు బండి జీవితము తోడుగ జోడుగ లాగుచున్ భళా
రేపగలున్ జిలేబి యగు రేవతి సన్నిధి తేలి పోవుచున్
కాపురమున్ గ్రమించు; నరకమ్మొక టున్నదె యెంచి చూడఁగన్,
నీపయనమ్ము లో జనుల నేమపు మాటల నమ్మి క్రొత్తడిన్
రాపుచు నమ్మి వచ్చిన వరానన కన్నుల నీరు గార్చుటే
జిలేబి
👌
తొలగించండికవి పండితులు
రిప్లయితొలగించండిశ్రీ కంది శంకరయ్య గారి సమస్య
=======================
కాపురమున్ గ్రమించు నరకమ్మొక
టున్నదె యెంచి చూడగన్
=========================
పరిశీలించి చూడగ సంసారమును
మించిన నరకము మరొకటి లేదు
కదా యని చెప్పటంలో విశేషమే సమస్య
===========================
సమస్యా పూరణం - 285
==================
గయ్యాళి సతుల తీరు వేరు-
బూతు మాట నోట నిరతము పారు
ఆమె నోటికి మొక్కు వాడ ఊరు-
భర్త భయపడు చేయ పోరు
సంసార కుతకుతలు సరిగమలుగా-
బతుకున గాంచి పాడగన్
కాపురమున్ గ్రమించు నరకమ్మొక-
టున్నదె యెంచి చూడగన్
====##$##====
భార్య నోటి దురుసుకు, గయ్యాళి తనానికి
భయపడి సోక్రటీసు (క్రీ. పూ. 470-399)గొప్ప
తాత్త్వికుడుగా అవతరించాడు
భార్య గయ్యాళి తనమునకు విసిగి ఆమెను
త్యజించి గొప్ప ఆధ్యాత్మిక వేత్తగా అవతరించాడు
11 వ శతాబ్దపు రామానుజుడు, అంత మాత్రమే
కాదు 120 సంవత్సరముల సంపూర్ణ జీవితాన్ని
జీవించాడు
భార్య గయ్యాళి తనము తనలోని రచయితను
మేల్కొలుప గొప్ప రచయిత అయినాడు 19 వ
శతాబ్దపు లియో టాల్ స్టాయ్
కొసమెరుపు:- భార్య గయ్యాళి తనము
=========== కాపురమును నరకముగ
చేయటమే కాదు ఇతరత్రా కొన్ని లాభములను
కూడా చేకూర్చుతుందోయ్.
( మాత్రా గణనము - అంత్య ప్రాస )
---- ఇట్టె రమేష్
(శుభోదయం)
తొలగించండిరమేశా వారు
రామానుజలవారి గురించి మీ మాట మరీ జిలేబీయముగా వుంది :) ఆధారమేమి ?
జిలేబి
యతిగా మారుటకు ముందు అతను సంసారియే
తొలగించండిచరిత్ర చెబుతున్నది నేను కాదు
👌
తొలగించండిధన్యవాదములు - కృతజ్ఞతలు
తొలగించండి
తొలగించండిసంసారి యే. ఆవిడ గయ్యాళి అని యే చరిత్రలో వున్నది ? యతి అయ్యేడు కాబట్టి ఆవిడ భార్య గయ్యాళి అయిపోయిందా ? :)
జిలేబి
కొండ వలెనుండ పెద్దల యండదండ
రిప్లయితొలగించండిసాగి పోవు కాపురమది చక్క గాను
పెద్దలను కాదనుచు వీడి, పెట్టు వేఱు
కాపురము కంటె కన నరకమ్ము గలదె
జనార్దన రావు గారూ
తొలగించండిమీ పూరణ బాగున్నది. అభినందనలు .
రిప్లయితొలగించండిఆలు మగలు గూడి సతత మాదరమ్ము
తోడ నున్న నదియు స్వర్గ తుల్యమగును
గృహిణి మనసెరుగని యట్టి గేస్తుడున్న
కాపురము కంటె , కన నరకమ్ము గలదె ?
డా ఉమాదేవి గారూ,
తొలగించండిమీ పూరణ బాగున్నది. అభినందనలు.
ద్వారకాపుర మను నొక యూరి యందు
రిప్లయితొలగించండికాపురమ్ముంటి నీటికే కరవు పట్టె
నీతియును లేదు, కలహాల నిప్పు, ద్వార
కాపురము కంటె కడు నరకమ్ము కలదె! (సమస్య తేలికదే కనుక భిన్నార్థం లో ప్రయత్నించాను. )
ద్వారకాపుర మను నొక యూరి యందు
రిప్లయితొలగించండికాపురమ్ముంటి నీటికే కరవు పట్టె
నీతియును లేదు, కలహాల నిప్పు, ద్వార
కాపురము కంటె కడు నరకమ్ము కలదె! (సమస్య తేలికదే కనుక భిన్నార్థం లో ప్రయత్నించాను. )
ధనికొండ వారూ,
తొలగించండిమీ పూరణ వైవిధ్యంగా ప్రశస్తంగా ఉన్నది అభినందనలు
Sorry sir !I posted twice as it didn't appear to me and couldn't .
రిప్లయితొలగించండిఈ కామెంట్‌ను రచయిత తీసివేశారు.
రిప్లయితొలగించండిఈ కామెంట్‌ను రచయిత తీసివేశారు.
తొలగించండిఈ కామెంట్‌ను రచయిత తీసివేశారు.
తొలగించండిమా పురుషోత్త ముండిటుల మాయను జేయుట భావ్యమా,భువిన్
తొలగించండిశ్రీపతి పాణి పీడనము చేసెను వేరొక దారతోడ, నో
తాపసి నిక్కమా తెలుపు, ధర్మము గాదుగ, తాళి గట్టెనా?
పాపము గాదె, నేనతని భార్యను,నాకిది శాపమా? నికన్
తాపము నోర్వబోను, జగధారికి వేరొక భార్య నుండగా
కాపురమున్ గ్రమించు నరకమ్మొ కటున్నదె యెంచి చూడఁగన్"
కృష్ణ సూర్య కుమార్ గారూ,
తొలగించండిమీ పూరణ బాగున్నది. అభినందనలు.
శాంత గుణమది లేకున్న సౌఖ్యమేది?
రిప్లయితొలగించండియాలు మగలిద్దరును గూడి యట్టులుండ
నలత గలిగించు నట్టులైన కలహాల
కాపురము కంటె కన నరకమ్ము గలదె?
జనార్దన రావు గారూ,
తొలగించండిమీ పూరణ బాగున్నది అభినందనలు
సిరుల కొలువు కుబేరుని చిత్ర పురము;
రిప్లయితొలగించండిజనులు తహ తహ లాడెయచ్చట వసించ
నిధులు యున్న నేమి? హరిలేని నగరి యల
కా, పురము కంటె కన నరకమ్ము గలదె
బాలకృష్ణ గారూ,
తొలగించండిమీ పూరణ బాగున్నది. అభినందనలు
రెండవ పాదంలో గణదోషం. సవరించండి.
అత్త మామల నెల్లపుడెత్తి పొడిచి
రిప్లయితొలగించండిమెత్తనగు భర్త నొంగోలు గిత్త యనుచు
పవలు రాతిరి తగు వాడు పడతి తొడ
కాపురము కంటె కన నరకమ్ము గలదె !
కృష్ణారావు గారూ
తొలగించండిమీ పూరణ బాగున్నది. అభినందనలు.
ఖలులు చోరులు వంచనా కలితు లరులు
రిప్లయితొలగించండిననిశ మవినీతి జరియించు జనుల సత్య
వాదులు నధర్మమార్గులు పర్వి యున్న
కాపురము కంటె కన నరకమ్ము గలదె.
కాపురము - చెడ్డ పురమని అభిప్రాయము.
చాల బాగున్నదండీ!అభినందనలు!
తొలగించండిమూర్తి గారూ,
తొలగించండిమీ పూరణ ప్రశస్తంగా ఉన్నది. అభినందనలు
నిత్యమదియిది కొనమను నెలత తోడ
రిప్లయితొలగించండికాపురము కంటె కన నరకమ్ము గలదె
యనుచు పతి మనసుకు తోచునప్పుడపుడు
దానిని సహించ గలవాడె ధన్యుడిలను
సీతారామయ్య గారూ
తొలగించండిమీ పూరణ బాగున్నది. అభినందనలు
గు రు మూ ర్తి ఆ చా రి
రిప్లయితొలగించండి,,,,,,,,,,,,,,,,,,,,,,,,, ,,,,,,,,,,,,,,,
నిన్నటి పూరణ స్వీకరించ మనవి
"""""""""""""""""""""""
శివదర్శనార్ధము మాధవుడు కైలాసమునకు వచ్చు
సందర్భమున స్వాగతించు ప్రమథులు =
. . . . . . . . . . . . .. . . . . . .. . . . . . . ...
అమల చరిత్రు డచ్యుతుడు నంబుజనాభుడు శౌరి శ్రీధవుం
డమర గణాభివంద్యుడు హిమాద్రికి రాగ , హరిన్ స్తుతించుచున్
ప్రమథులు విష్ణుభక్తిని దిరంబుగ దాలిచి రూర్ద్వపుండ్రముల్ |
సుమశరవైరి భాషిలెను లోగొనుచున్ మృదుభాషితమ్ములన్ |
( లోగొనుచు = లోపలికి తీసుకొని పోయి సత్కరించు )
~~~~~~~~~~~~~~~~~~~~~~~~~~~~~~~~~~~~~~
గురుమూర్తి గారూ,
తొలగించండిమీ పూరణ ప్రశస్తంగా ఉన్నది. అభినందనలు
క్రూరురాలైనభార్యతోగోరిచేయు
రిప్లయితొలగించండికాపురముకంటెకననరకమ్ముగలదె
సతముదలపించురణరంగమతిభయంక
రముగశాపనార్ధాలమయముగగాదె
సుబ్బారావు గారూ,
తొలగించండిమీ పూరణ బాగున్నది అభినందనలు.
దేవిక
రిప్లయితొలగించండి----
సంకుచితము, స్వార్థమ్మును సంచయమ్ము
సేయుచు, నిరంతరమ్మును చెరుపు గూర్చి
వలనుగొను అరిషడ్వర్గ మగ్న దేహ
కాపురము కంటె కన నరకమ్ము గలదె !
సంకలిత తుష్ఠి యనియెడు సంతతమగు
సంపద గల వారలకెల్ల సంతసమెట
కాపురము కంటె ; కన నరకమ్ము గలదె
వేరుగను తృప్తి లేని జీవేచ్ఛ లున్న !
దేవిక గారూ
తొలగించండిమీ రెండు పూరణలు బాగున్నవి అభినందనలు.
మొదటి పూరణ మూడవ పాదంలో యతి తప్పింది సవరించండి.
దేవిక
తొలగించండి-----
సంకుచితము, స్వార్థమ్మును సంచయమ్ము
సేయుచు, నిరంతరమ్మును చెరుపు గూర్చి
వలనుగొను అరిషడ్వర్గ వలయిత మెయి
కాపురము కంటె కన నరకమ్ము గలదె!
మనఁ గలమె మన మిటఁ దెల్పుమ యిది గాక
రిప్లయితొలగించండియొండు నగర ముండదె జను లుండ గలరె
యచట దుర్గంధ పూరిత మౌర పుత్ర
కా! పురము కంటె కన నరకమ్ము గలదె
[కంటె = చూచితివా?]
వే పయనించ నింపయిన వీధులు సత్పథ రాజ పర్వముల్
ప్రా పిడ బంధు వర్గమును వైద్యుని సన్నిహితమ్ము నెమ్మినిం
దీపి జలంపు నూతులును దేవ నిభ ద్విజు లుండ కున్నచోఁ
గాపురముం గ్రమించు నరక మ్మొక టున్నదె యెంచి చూడఁగన్
[కాపురము = చెడ్డ పట్టణము]
కామేశ్వరరావు గారూ,
తొలగించండిమీ రెండు పూరణలు ప్రశస్తంగా ఉన్నవి అభినందనలు.
పూజ్యులు శంకరయ్య గారికి నమఃపూర్వక ధన్యవాదములు.
తొలగించండిఆటవిడుపు సరదా పూరణ:
రిప్లయితొలగించండి(జిలేబి గారికి అంకితం)
ఊపిరి పీల్చగా నలవి యొప్పని వీధుల మూకలందునన్
రూపులు దాచుకొంచుచును రోడ్డున సాగెడి చూపులందునన్
దాపు హుసేను సాగరపు దారుణ గంధపు ఖైర్తబాదులో
కాపురమున్ గ్రమించు నరక మ్మొక టున్నదె యెంచి చూడఁగన్
ప్రభాకర శాస్త్రి గారూ,
తొలగించండిమీ పూరణ బాగున్నది. అభినందనలు.
చెఱపు కలిగించు కథనాలు చిత్తమందు
రిప్లయితొలగించండిద్వేష భావమ్ము లెగ ద్రోయ ప్రేమ విడిన
యమ్మకును, నాలికి నడుమ నవియు నరుని
కాపురము కంటె కన నరకమ్ము గలదె!
శ్రీధర రావు గారూ
తొలగించండిమీ పూరణ బాగున్నది. అభినందనలు.
ఓపిక లేని చంచల యదొక్కతు, నిశ్చలపత్ని యొక్కతౌ,
రిప్లయితొలగించండినేపని లేని పుత్రు డొకడేర్చు జనమ్ముల నంగహీనుడై,
వ్యాపకమట్లు సంసృజనమందు మరొండు సుతుండు, శౌరి! నీ
కాపురమున్ గ్రమించు నరకమ్మొకటున్నదె! యెంచి చూడగన్.
కంజర్ల రామాచార్య.
రామాచార్య గారూ
తొలగించండిమీ పూరణ ప్రశస్తంగా ఉన్నది. అభినందనలు
ఆపదవేళలన్గననినాప్తగణంబులుగల్గుయూరునన్
రిప్లయితొలగించండిగాపురమున్ గ్రమించు నరక మ్మొక టున్నదె యెంచి చూడఁగన్
నేపురమందుబంధువులుహెచ్చుగనుందురొ యట్టియూరనే
కాపురముండమేలగునుగాదిదసత్యముధర్మనందనా!
సుబ్బారావు గారూ
తొలగించండిమీ పూరణ బాగున్నది అభినందనలు
గు రు మూ ర్తి ఆ చా రి
రిప్లయితొలగించండి,,,,,,,,,,,,,,,,,,,,,,,,,, ,,,,,,,,,,,,,,,
అత్తవారింట నడుగిడు నట్టి క్షణమె
నిండు సంసారమును జేసి ఖండములుగ
...........................................................
మగని మెడవిర్చి కీలుబొమ్మగ నొనర్చి ,
యత్తమామలను పురుగు లట్టు లరసి
.......................................................
ఆర్జనమ్మును మించిన వ్యయము జేసి
......................................................
బెడిదముల నాడి బెదరించు పెండ్ల మున్న
కాపురము కంటె నిక నరకమ్ము గలదె ? ?
*************************************************
*************************************************
అగ్నిసాక్షిగ కళ్యాణ మాడి నట్టి
దారను పనికత్తె విధాన దలచు వెధవ
........................................................
వలపుకత్తె తోడ గులికి - వచ్చి , భార్య
నెట్టి కారణమే లేక కొట్టు వెధవ
..............................................................
ఎప్పుడు సతిశీలమును శంకించు వెధవ
...............................................................
పెండ్లము సుకము నెంచక , పీకె వరకు
ద్రాగి పంది వలె దొరలి దోగు వెధవ
...................................................
తాళి కట్టగ నా దరిద్రమగు నట్టి
కాపురము కంటె నిక నరకమ్ము కలదె ? ?
~~~~~~~~~~~~~~~~~~~~~~~~~~~~~~~~
గురుమూర్తి గారూ
తొలగించండిమీ రెండు పూరణలు ప్రశస్తంగా ఉన్నవి అభినందనలు.
ఈ కామెంట్‌ను రచయిత తీసివేశారు.
రిప్లయితొలగించండిరూపము గాంచి మానస స్వరూపము కాంచక, కొంటి హస్తమున్
రిప్లయితొలగించండిదీపము పెట్టకుండ కడు దీక్షగ చూచుచు సీరియళ్ళు తా
దాపుకు రాదు మన్మథుని తాపము తీర్చగ రాత్రివేళలన్
కోపముతోడ తిండికిని కొందలపెట్టుచు నుండె నట్టిదౌ
కాపురమున్ గ్రమించు నరకమ్మొక టున్నదె యెంచి చూడఁగన్
అన్నపరెడ్డి వారూ,
తొలగించండిమీ పూరణ బాగున్నది. అభినందనలు.
దేవిక
రిప్లయితొలగించండి-----
కలుషముల బాపు స్వర్గంబు గలదె యిలను
పాప హారిణియై గంగ పరగు కాశి
కా పురము కంటె ; కన నరకమ్ము గలదె
వేరుగ కలుషితము సేయ వెగ్గలముగ!
దేవిక గారూ,
తొలగించండివైవిధ్యమైన విరుపుతో మీ పూరణ అద్భుతంగా ఉన్నది. అభినందనలు.
దేవిక
తొలగించండి----
ధన్యవాదాలు గురుదేవా! నమస్సులు.
కట్నకాన్కల విషయము ఖచ్చితముగ
రిప్లయితొలగించండిఅత్తమామల సాధింపుఅధికమవగ
వేదనాభరితముగను వేగలతల
కాపురము కంటెకననరకమ్ముగలదె
కొరుప్రోలు రాధాకృష్ణారావు
రాధాకృష్ణారావు గారూ,
తొలగించండిమీ పూరణ బాగున్నది. అభినందనలు.
కోపముతో నిరంతరము కొట్టుకుచచ్చెడి దంపతుల్ మన
రిప్లయితొలగించండిస్తాపము తోడ కృంగుచును దైన్యముగా బ్రతుకీడ్చు వృద్ధులున్
వ్యాపకమై మొబైలులను పట్టుకు కూర్చొను పిల్లలున్న యా
కాపురమున్ గ్రమించు నరక మ్మొక టున్నదె యెంచి చూడఁగన్
సూర్యనారాయణ గారూ,
తొలగించండిమీ పూరణ ప్రశస్తంగా ఉన్నది. అభినందనలు.
(అలకాపురమనే గ్రామము,..కుబేరరాజధానికాదు...)
రిప్లయితొలగించండికాలు మోపిన గుంతలే నేల యంత
ఎత్తుపల్లములుండు నీవృత్తు నందు
యిరుకు దారులె భయపెట్టు నరులను, అల
కాపురము కంటె కన నరకమ్ము గలదె!!!
నీవృత్తు =గ్రామము
శైలజ గారూ,
తొలగించండిమీ పూరణ బాగున్నది. అభినందనలు.
'వృత్తునందు । నిరుకు...' అనండి.
ఈ కామెంట్‌ను రచయిత తీసివేశారు.
రిప్లయితొలగించండిఅప్పులన్ జేసిరైతన్న కందినట్టి
రిప్లయితొలగించండిపంటనమ్మ దళారులు వెంటబడుచు
ధరలుదగ్గించ?యూహలాంతర్యమందు
కాపురము కంటె కన నరకమ్ముగలదె?
ఈశ్వరప్ప గారూ,
తొలగించండిమీ పూరణ బాగున్నది. అభినందనలు.
ఏపని జేయబూనడు సహింపడు చెంతకు జేరినన్ సదా
రిప్లయితొలగించండికోపము జూపుచుండు చెలికోరిక తీర్చగ లేని మూర్ఖుడే
నాపతి, యత్తమామలును నన్నొక బానిస వోలె జూడ నీ
కాపుర మున్ గ్రమించు నరకమ్మొకటున్నదె యంచి చూడగన్
విరించి గారూ,
తొలగించండిమీ పూరణ బాగున్నది. అభినందనలు.
దోపుగ రావణుండు తన తోపుకు నామెను తెచ్చియుం చగన్
రిప్లయితొలగించండికాపుగ లంకిణింపనుప కాంచుచు రామతలంపులం మదిం
చోపుచు రాక్షసాధముల జూచినసీత తలంచెనిట్లు, లం
కాపురరమున్ గ్రమించు నరకమ్మొక టున్నదె యెంచి చూడగన్
సీతారామయ్య గారూ,
తొలగించండిమీ పూరణ బాగున్నది. అభినందనలు.
'లంకిణిం బనుప... తలంపులన్ మదిం। జోపుచు...' అనండి.
ధన్యవాదములు🙏🏽
తొలగించండిగురువర్యులు శ్రీ కంది శంకరయ్య గారి శంకరాభరణం
రిప్లయితొలగించండిసమస్యాపూరణ :: నేటి సమస్య సంఖ్య-2819
సమస్య :: కాపురమున్ గ్రమించు నరకమ్మొక టున్నదె యెంచి చూడగన్?
*కాపురం కంటే నరకం మరొకటి ఉంటుందా బాగా ఆలోచిస్తే* అని అనడం ఈ సమస్యలో ఉన్న విరుద్ధమైన అర్థం.
సందర్భం :: పితృవాక్యపరిపాలనకోసం నే నొక్కడినే వనవాసానికి బయలుదేఱుతాను. ఓ సీతా! నీవు యీ అయోధ్యలోనే ఉండు అని శ్రీరామచంద్రుడు పలుకగా
సీతాదేవి ఓ ప్రాణనాథా! *పతిహీనా తు యా నారీ న సా శక్ష్యతి జీవితుమ్।* అని {అయోధ్యాకాండ-29 వ సర్గ-7 వ శ్లోకంలో} అన్నది.
“భర్త తోడుగా ఉంటే ఆ జీవితం స్వర్గం అవుతుంది. భర్త తోడుగా లేకుంటే ఆ జీవితం నరకం అవుతుంది. బంగారు జింకను కోరుకొని నేను భర్తకు దూరమైనాను. ఇప్పుడు ఈ లంకాపురంలో ఒంటరిగా కాలం గడుపుతూ కష్టపడుతూ ఉన్నాను. ఆలోచించి చూస్తే ఇప్పటి నా జీవితం కంటే మరొక నరకం ఉంటుందా?” అని సీతమ్మ అశోకవనంలో ఉండి శోకించే సందర్భం.
కాపుర మౌను స్వర్గముగ కాంతుడు తోడుగ నున్న, నేడు నా
కాపురమందు తోడనగ కష్టమె, బంగరులేడి గోరి లం
కాపురమందు నొంటరిగ కాలము బుచ్చుచు నుంటి నిట్లు, నా
కాపురమున్ గ్రమించు నరకమ్మొక టున్నదె యెంచి చూడగన్?
కోట రాజశేఖర్ పడుగుపాడు నెల్లూరు. (16-10-2018)
రాజేశేఖర్ గారూ,
తొలగించండిమీ పూరణ ప్రశస్తంగా ఉన్నది. అభినందనలు.
శ్రీపతి చెంత చేరి సరసీరుహనేత్రుని వక్షమందునన్
రిప్లయితొలగించండిపాపి భృగుండు మోపగను పాదము, లక్ష్మి తలంచె నిట్టులన్
శాపము గాదె నాకు గన శాంతము జూపిన విష్ణుమూర్తితో
కాపురమున్ గ్రమించు నరక మ్మొక టున్నదె యెంచి చూడగన్
..............🌻శంకరాభరణం🌻...............
రిప్లయితొలగించండి..................🤷🏻♂సమస్య🤷♀....................
కాపురము కంటె కన నరకమ్ము గలదె
సందర్భము: పురుషుని సహనానికి కాపురం ఒక పరీక్ష. ఆ పరీక్షలో నెగ్గిన వాడు దైవాన్ని చేర్చే ఒక గొప్ప గుణం లేదా అర్హత సాధించినట్టు లెక్క .
అలా కాకపోయినట్లైతే జీవితం నరకమే!
~~~~~~~~~~~~~~~~~~~~~~~
"సహనమునకు పరీక్షగా సాగు కాపు
రంబు.. నెగ్గిన నతడు దైవంబు జేరు
ననఘ గుణము సాధించిన..
ట్లటుల గామిఁ..
గాపురము కంటె కన నరకమ్ము గలదె!
✒~డా.వెలుదండ సత్యనారాయణ
16.10.18
-----------------------------------------------------------
..............🌻శంకరాభరణం🌻...............
..................🤷🏻♂సమస్య🤷♀....................
కాపురము కంటె కన నరకమ్ము గలదె
సందర్భము: పడతి పరమునకు లేదా ఆముష్మిక మునకు పైకి ఎగబ్రాకనీయదు. ఎంత సేపూ ఇహమునకే అనగా ఐహికమునకే క్రిందికి లాగుతుంది.
ఇది తెలుసుకుని జాగ్రత్తగా మసలుకున్న
ట్లయితే జీవితం సద్వినియోగ మౌతుంది. జాగ్రత్తగా మసలు కోవడం అంటే ఏమి టంటారా! సంసారంలో నిండా మునిగిపోయి ఇదే లోకం అనుకోకుండా గృహిణి సహకరించినా సహకరించకపోయినా తన జాగ్రత్తలో తా నుండి ఆముష్మికంలో ముందడుగు వేయాలి. సహకరిస్తుం దని ఆశించరాదు. ఆశాభంగం పొందరాదు.
ఇది తెలుసుకుంటే జీవితం స్వర్గతుల్య మౌతుంది. లేకుంటే నరకమే!
~~~~~~~~~~~~~~~~~~~~~~~
పరమునకు పైకి పోనీదు పడతి యెపుడు..
నిహమునకు క్రిందకే లాగు నెల్ల వేళ..
తెలిసి మసలిన స్వర్గంబు.. తెలియదేని..
కాపురము కంటె కన నరకమ్ము గలదె!
✒~డా.వెలుదండ సత్యనారాయణ
16.10.18
-----------------------------------------------------------