గురువర్యులు శ్రీ కంది శంకరయ్య గారి శంకరాభరణం సమస్యాపూరణ :: నేటి సమస్య సంఖ్య-2820 సమస్య :: అల్లునిఁ జంపగాఁ దలచెఁ నాహవమందున మామ కృద్ధుడై. *అల్లుని చంపాలని మామ అనుకొన్నాడు* అని చెప్పడం ఈ సమస్యలో ఉన్న విరుద్ధమైన అర్థం. సందర్భం :: “ఓ కంసుడా! నీ చెల్లెలైన దేవకీదేవికి అష్టమ గర్భంలో పుట్టబోయేవాడు నిన్ను చంపగలడు” అని అశరీరవాణి పలుకగా కంసుడు తన చెల్లెలిని చంపబోయాడు. బావయైన వసుదేవుని మాటవిని దేవకిని విడిచిపెట్టినాడు. *దేవకికి ఎనిమిదవ బిడ్డగా జన్మించిన కృష్ణుడు వ్రేపల్లెలో యశోదానందుల దగ్గఱ పెరిగి పెద్దవాడవుతూ ఉన్నాడు* అనే రహస్యాన్ని నారదుడు తెలియజెప్పగా విని ఆశ్చర్యపడిన కంసుడు క్రుద్ధుడై కృష్ణుని అంటే తన మేనల్లుని తక్షణమే (అక్రూరుని ద్వారా తన మధురా నగరానికి రప్పించి) చంపదలచినాడు అని విశదీకరించే సందర్భం.
“అల్లుడు నీకు, దేవకికి నష్టమ గర్భము నందు బుట్టినా డెల్లర పూతనాదుల వధించినవా” డని నారదుం డనన్ ఝల్లనె గుండె కంసునికి, జంపగ నెంచెను కృష్ణు నంత; మే నల్లునిఁ జంపగాఁ దలచెఁ నాహవమందున మామ కృద్ధుడై.
Sulochana (Ramayana) Sulochana(Sanskrit: सुलोचना, lit. she whose eyes are beautiful) was daughter of the king of the serpents Sheshanaga, who is mentioned in the Indian epic Ramayana. She was married to Indrajit(Meghanada), who was the eldest son of great king Ravana, who defeated Indra, hence received his title.
జిలేబి గారికి మీరు వెలిబుచ్చిన సందేహమునకు వివరణ వాల్మీకి రామాయణం లో దొరకలేదు. ఏభయి సంవత్సరాల క్రితం సతీ సులోచన అన్న సినిమా వచ్చింది దానిలో నందమూరి ఇంద్రజిత్తు మరియూ అంజలి సులోచనగా నటించారు. దానిలో శేషనాగు పుత్రిక కా తెలిపారు నాటి సినిమాలు నైతిక విలువలకు దర్పణం ఆధార రహితముగా నిర్మాణం జరిగేది కాదు కాబట్టి ఎక్లడో ఆధారము ఉన్నది నాకు లభ్యం అయితే మళ్లీ ప్రస్తావిస్తాను మన బ్లాగులో కవి శ్రేష్టులు నా (మీ) సందేహ నివృత్తి చేయగలరేమో ఎదురు చూద్దాము
కవి పండితులు శ్రీ కంది శంకరయ్య గారి సమస్య ====================== అల్లుని జంపగా దలచె నాహవ మందున మామ కృద్దుడై ====================== మిక్కిలి కోపించిన మామ యుద్ద రంగమున అల్లుడిని చంపుటకు తలచినాడని చెప్పటంలో విశేషం ఇచట సమస్యగా పరిగణించడం ====================== యుద్దమనగా ఇచట ఇంటి గొడవ లేదా కుటుంబ కలహంగా చెప్పు కొనవచ్చును ======================= సమస్యా పూరణం - 286 ===================
షోకులు మరి పెక్కులుగా చేసి- ప్రేమ బాసలను ఎన్నో కూసి రేపటికి కడుపది పెరుగునని చూసి- మనువాడెను మందు పూసి కట్నానికి తన్ని పంపు వాని- చేష్ట కాగ్రహోదగ్దుడై అల్లుని జంపగా దలచె- నాహవమందున మామ కృద్దుడై
====##$##====
పెద్దలు కుదిర్చిన వివాహమాడిన దంప తులతో పోల్చగ ప్రేమ వివాహ దంపతులలో వివాహేతర విచ్చల విడితనములు కాస్త ఎక్కు వని NSS (National Sample Survey ) వారి ఉవాచ.
కొసమెరుపు:- ==========
1. ప్రేమంటె అదేమిటో పూర్తి స్థాయిలో వివ రించ లేని మైనర్లుగా బాలరాజు,బాలమణి లు"లౌ"లో పడి "భౌభౌ" మని అరుస్తున్నారు
2. పెళ్ళి కి ముందే 70% ప్రేమను ఖర్చు చేసు కుని మిగిలిన 30% ప్రేమతో బ్రతుకులను ఈడ్చలేకపోవటం.
3. సాలె పురుగు తనకు తాను ఎప్పటికప్పుడు నోటి ద్వారా "సలైవా"ను ఉత్పత్తి చేసుకున్న ట్లుగా ఈ కాలం ప్రేమికులు తరిగిన ప్రేమను భర్తీ చేసుకునే విజ్ఞత కాని రసజ్ఞత కాని కలిగి ఉండక పోవటం, కారణం ఈ శకుంతల B.Pharm లో14 సబ్జెక్ట్ లు తప్పినదిగా ఉంటె ఆ దుష్యంతుడు B Tech లో 24 సబ్జెక్ట్ లు తప్పిన వాడిగా ఉన్నారు.
శంకరాభరణం లో చేరి కరెక్ట్ గా రెండేళ్ళౌతోంది...నిరక్షరాస్యునిగా...
పాతవీ క్రొత్తవీ కలిపి దాదాపు రెండు వేల పూరణలూ పద్య రచనలూ పూర్తి అయి ఉండనోపు. భాగవత, భారత, రామాయణాల జోలికి పోకుండా. ఇది శంకరార్యుల విశాల దృక్పథమునకు తార్కాణం.
మొన్న నా "శంకరార్పణం" బ్లాగుకు వారి స్పందన:
"వీక్షించాను. సంతోషించాను. మీ పూరణలతో ఒక పుస్తకాన్ని ఆశించవచ్చా?"
సారూ! ఆగండి మరో సంవత్సరం...
అప్పటికి అంతా బాగుంటే "సరదా శంకరాభరణం" అని ఒక చిన్న booklet బయటకు తీస్తాను. అంకితం కంది వారికీ, జిలేబి గారికీ.
నవ్వులాట కాదు సుమా! నా మనుమరాలి పేరుతో ఇప్పటికి 5 booklets ప్రచురించి ఉన్నాను గత దశాబ్దంలో. వీటిలో 4 పుస్తకాల కాపీలను కంది వారికి సమర్పించాను. ప్రతి booklet title లో "ishani" పేరు ఉన్నది...English language...
Please send me your postal mailing address to my e-mail (given in my blog). And you will get one copy each of the 5 booklets by courier if it is in India or Air Mail if it is abroad...promise!
ఇప్పుడే ఆకాశవాణిలో సమస్యాపూరణం రికార్డు చేసి బయలుదేరాను. అస్వస్థత, గొంతు ఇన్ఫెక్షన్ కారణంగా చాలా చోట్ల తడబడ్డాను. నాకైతే అంత తృప్తికరంగా లేదు. రేపు ఉదయం విని మీరే చెప్పాలి ఎలా ఉందో..
సందర్భము: తన చెల్లెలైన దేవకికి వసుదేవునితో వైభవంగా వివాహం జరిపించినాడు.అందరూ పెళ్లి ముచ్చట్లలో మునిగి ఉన్నారు. బావమరిదితో బాటు చెల్లెలిని రథము మీద నెక్కించుకుని అత్తవారింటికి కంసుడు పంపే తీసుకు వెళుతున్న సందర్భంలో ఆకాశవాణి చల్లగా చావు ముచ్చట యిలా వినిపించింది. "ఓరీ! కంసా! నీ చెల్లెలికి పుట్టబోయే నీ మేనల్లుడే నిన్ను అంత మొందిస్తాడు." వెంటనే మితిమీరిన కోపంతో కంసుడు తన అల్లుని చంప దలంచినాడు. (ముందస్తు జాగ్రత్తగా చెల్లెలిని చంపితే సరి! అనుకుని రథం మీద నుంచి దేవకిని క్రిందకు లాగి కత్తి దూసి చంపబోయినాడు.) ~~~~~~~~~~~~~~~~~~~~~~~ ఎల్లరు పెండ్లి ముచ్చటల నింపుగ తాము మునింగి యుండగా చల్లగ చావు ముచ్చటను "సంబర మేలర! కంస! నీదు మే నల్లుడె నిన్ను జంపు" నని యభ్ర మయో వినిపించె!.. నంతనే యల్లునిఁ జంపఁగాఁ దలఁచె నాహవమందున మామ కృద్ధుఁడై
✒~డా.వెలుదండ సత్యనారాయణ 19.10.18 -----------------------------------------------------------
డా. పిట్టా సత్యనారాయణ చెల్లినయంత నూతగొని సేవల హక్కుల సాధనంబునున్ వల్లె యనంగనోపక సవాలుగ నా శబరీశు మందిరం బల్లన స్త్రీల జేర్చి క్రతువార్పగ జూచెడి యింటిశత్రువౌ అల్లుని జంపగా దలచె నావహమందున మామ, కృద్ధుడై
తనుజు డొక్కడైన తనకు లేకుండుటన్
రిప్లయితొలగించండిశత్రు పీడితుండు సాయమునకు
చేర బిలిచి వాని చేకొని సత్వాఢ్యు
నల్లుఁ జంపఁ దలఁచె నాహవమున.
సత్యనారాయణ మూర్తి గారూ,
తొలగించండివిరుపుతో మీ పూరణ బాగున్నది. అభినందనలు.
అల్లుఁ ... తరువాత కామా(,) పెడితే ఇంకా స్పష్టంగా ఉంటుంది.
చిల్లి గవ్వ కూడ చేతిలో లేకయె
రిప్లయితొలగించండితల్లి తండ్రులనట తగుల బెట్టి
యిల్లు వాకిలినిట గుల్ల జేయు చునుండ
నల్లుఁ జంపఁ దలఁచె నాహవమున
ప్రభాకర శాస్త్రి గారూ,
తొలగించండిమీ పూరణ బాగున్నది. అభినందనలు.
మైలవరపు వారి పూరణ
రిప్లయితొలగించండిచెల్లెలి పుత్రుడే , యయిన చేటొనరించును కంస ! యన్న నా
ప్రల్లదుడల్లదే గగనవాణిని నమ్మెను , గోకులమ్మునం...
దల్లరివానిగా పెరిగెనంచు కనుంగొని , కృష్ణమూర్తి మే...
నల్లునిఁ జంపఁగాఁ దలఁచె నాహవమందున మామ కృద్ధుఁడై!!
మైలవరపు మురళీకృష్ణ వెంకటగిరి
మైలవరపు వారి పూరణ ప్రశస్తంగా ఉన్నది. అభినందనలు.
తొలగించండిశ్రీ సూరం వారికి వందనములతో.. 🙏🙏
తొలగించండిచెల్లెలి పుత్రుడే , యయిన చేటొనరించును కంస ! యన్న నా
ప్రల్లదుడల్లదే గగనవాణిని నమ్మెను , గోకులమ్మునం...
దల్లరివానిగా పెరిగెనంచు కనుంగొని , కృష్ణరూపు మే..
నల్లునిఁ జంపఁగాఁ దలఁచె నాహవమందున మామ కృద్ధుఁడై!!
మైలవరపు మురళీకృష్ణ వెంకటగిరి
L
సూచన... దయచేసి సినిమా పేరడగరాదు😊🙏
తొలగించండిఅల్లురామలింగడాచిత్రమందున
కంస పాత్రధారిగా నటింప
మధురఁ గృష్ణుడైన మా చిరంజీవియే
అల్లుఁ జంపనెంచెనాహవమున !!
మైలవరపు మురళీకృష్ణ వెంకటగిరి
తొలగించండిచిత్రము పేరు మురళీకృష్ణ
దర్శకులు - వెంకటగిరి
అధిక కట్నమునకు నాశించి వేదించి
రిప్లయితొలగించండికూఁతుఁ జంపినాఁడు క్రూరుఁ డగుచు
ననుచు క్రోధమంది యా దుష్టుఁ డైనట్టి
యల్లుఁ జంపఁ దలఁచె నాహవమున.
(ఇక్కడ ఆహవ మంటే జీవన పోరాటమే)
కల్ల బొల్లి సోది కల్పించి జెప్పుచు
రిప్లయితొలగించండివల్ల మాలి ప్రేమ నొలక బోసి
తుదకు మోస గించి దొంగవోలె పాఱు
యల్లుఁ జంపఁ దలఁచె నాహవమున
అక్కయ్యా,
తొలగించండిమీ పూరణ బాగున్నది. అభినందనలు.
వస్త్ర మూడ్చి సతి కి వంత ను గల్గిoచు
రిప్లయితొలగించండిదుస్స సేను భీము దునుమ నెంచి
శపథము నెర వేర్చ శక్తి తో శకుని మే
నల్లు జంప దలచె నాహవ మున
రాజేశ్వర రావు గారూ,
తొలగించండిమీ పూరణ బాగున్నది. అభినందనలు.
'భీము' అన్నది ప్రథమావిభక్తిలో లేదు. దుస్ససేనుని, భీముని దునుమ నెంచి... అన్న విపరీతార్థం వస్తున్నది.
రిప్లయితొలగించండికంసుడు
చెల్లి పెండ్లి చేసి సిరుల నొసంగుచు
పంపు వేళ నింగివాణి వినుచు
చెల్లెలిసుతు వలన చేటగు నని యెంచి
అల్లు జంప దలచె నాహవమున
డా. ఉమాదేవి గారూ,
తొలగించండిమీ పూరణ బాగున్నది. అభినందనలు.
చెల్లికొడుకు చేత చెల్లు జీవితమని
రిప్లయితొలగించండివిన్నువాణిమాట వినిభయమున
చిరుత వయసు లోన కరవాలమున, కంసు
డల్లుఁ జంపఁ దలఁచె నాహవమున
అన్నపరెడ్డి వారూ,
తొలగించండిమీ పూరణ బాగున్నది. అభినందనలు.
(కుమార్తె సంయుక్తను స్వయంవరంలో గొనిపోయిన పృథ్వి
రిప్లయితొలగించండిరాజును చంపదలచిన కాన్యకుబ్జరాజు జయచంద్రుడు)
మల్లెలతీవ వంటి తన
మానితపుత్రిక రాగసంయుతన్
చల్లగ వెంటబెట్టుకొని
చయ్యన తళ్కుల ఖడ్గచాలనన్
ఝల్లన వైరిగుండియలు
శౌర్యము జూపిన పృథ్విరాజునే
యల్లుని జంపగా దలచె
నాహవమందున మామ క్రుద్ధుడై .
బాపూజీ గారూ,
తొలగించండిజయచంద్రుని ప్రస్తావనతో మీ పూరణ ప్రశస్తంగా ఉన్నది. అభినందనలు.
ప్రాణ హాని వాని భయమును పెంచగ
రిప్లయితొలగించండిపరమ దుష్టు,కంసు, పతితుఁజేసె
కృష్ణు, దేవదేవు,గేలి సేయుచును,మే
నల్లుఁజంపఁదలచె నాహవమున.
ప్రసాద రావు గారూ,
తొలగించండిమీ పూరణ బాగున్నది. అభినందనలు.
ధన్యవాదములు
తొలగించండిధన్యవాదాలండీ !
రిప్లయితొలగించండినల్లనైన వాని గొల్లను రమ్మన
రిప్లయితొలగించండివల్లె యనుచు నతడు వచ్చినంత
చెల్లెలి కొడుకయిన చిన్న వాడైన మే
నల్లుఁ జంపఁ దలఁచె నాహవమున
నిన్నటి న్యస్తాక్షరి కి నా పూరణ
దశమి సంబరాల్జరుపగ ధరణి లోన
శక్తి ,ఇచ్ఛ క్రియాజ్ఞాన , సంపదల ,న
హరహరము కాన్కగా నీ యనరుగుదెంచు
రమ్య దుర్గను గొలిచి హారతుల నిడరె
కృష్ణారావు గారూ,
తొలగించండిమీ రెండు పూరణలు బాగున్నవి. అభినందనలు.
కఠిన మనముతోడకంసుడుతనదుమే
రిప్లయితొలగించండినల్లుజంపదలచెనాహవమున
ప్రాణభయమువలనభయకంపితుడగుచు
కంసుడటులజేసెకవివరేణ్య!
సుబ్బారావు గారూ,
తొలగించండిమీ పూరణ బాగున్నది. అభినందనలు.
సవరణ పద్యం
రిప్లయితొలగించండివస్త్ర మూడ్చి సతి కి వంత ను గల్పిoప
నాగ్రహ మున భీముడా దురితుని
దుస్ససేను ప్రతి న తో తాను శకుని మే
నల్లు జంప దలచె నాహవ మున
రాజేశ్వర రావు గారూ,
తొలగించండిప్రశస్తమైన పూరణ. అభినందనలు.
*ఆ.వె**
రిప్లయితొలగించండిదేవకి తనయుండు దివికిజేర్చుననుచు
ప్రాణభీతి తోడ భయము జెంది
గలగరించి చూసి కంసుడే తాను మే
నల్లుఁ జంపఁ దలఁచె నాహవమున
....................✍చక్రి
చక్రపాణి గారూ,
తొలగించండిమీ పూరణ బాగున్నది. అభినందనలు.
అల్లుడల్లరంచు నాలి యన్నకొడుకు
రిప్లయితొలగించండిదనరహస్యజీవితమును తోడ
పిచ్చికుక్కజేసి వేయులోకములీల
అల్లుజంపదలిచెనాహవమున
శంకర్ జీ గారూ,
తొలగించండిమీ పూరణ బాగున్నది. అభినందనలు.
కొంత అన్వయదోష మున్నది.
గురువర్యులు శ్రీ కంది శంకరయ్య గారి శంకరాభరణం
రిప్లయితొలగించండిసమస్యాపూరణ :: నేటి సమస్య సంఖ్య-2820
సమస్య :: అల్లునిఁ జంపగాఁ దలచెఁ నాహవమందున మామ కృద్ధుడై.
*అల్లుని చంపాలని మామ అనుకొన్నాడు* అని చెప్పడం ఈ సమస్యలో ఉన్న విరుద్ధమైన అర్థం.
సందర్భం :: “ఓ కంసుడా! నీ చెల్లెలైన దేవకీదేవికి అష్టమ గర్భంలో పుట్టబోయేవాడు నిన్ను చంపగలడు” అని అశరీరవాణి పలుకగా కంసుడు తన చెల్లెలిని చంపబోయాడు. బావయైన వసుదేవుని మాటవిని దేవకిని విడిచిపెట్టినాడు.
*దేవకికి ఎనిమిదవ బిడ్డగా జన్మించిన కృష్ణుడు వ్రేపల్లెలో యశోదానందుల దగ్గఱ పెరిగి పెద్దవాడవుతూ ఉన్నాడు* అనే రహస్యాన్ని నారదుడు తెలియజెప్పగా విని ఆశ్చర్యపడిన కంసుడు క్రుద్ధుడై కృష్ణుని అంటే తన మేనల్లుని తక్షణమే (అక్రూరుని ద్వారా తన మధురా నగరానికి రప్పించి) చంపదలచినాడు అని విశదీకరించే సందర్భం.
“అల్లుడు నీకు, దేవకికి నష్టమ గర్భము నందు బుట్టినా
డెల్లర పూతనాదుల వధించినవా” డని నారదుం డనన్
ఝల్లనె గుండె కంసునికి, జంపగ నెంచెను కృష్ణు నంత; మే
నల్లునిఁ జంపగాఁ దలచెఁ నాహవమందున మామ కృద్ధుడై.
రాజశేఖర్ గారూ,
తొలగించండిమీ పూరణ మనోహరంగా ఉన్నది. అభినందనలు.
'చంపగ నెంచెను, చంపగా దలచె' అని పునర్తుకి అవుతున్నది కదా?
పత్రికలను చదువ ప్రతి నిత్యమీ వార్త
రిప్లయితొలగించండికట్టు తప్పి పోగ కన్న బిడ్డ
అన్య కులపు వాడి ఆలిగావ కసితో
నల్లుఁ జంపఁ దలఁచె నాహవమున
బాలకృష్ణ గారూ,
తొలగించండిమీ పూరణ బాగున్నది. అభినందనలు.
'కులపు వాని యాలి యైన కసితో' అనండి.
ఈ కామెంట్‌ను రచయిత తీసివేశారు.
రిప్లయితొలగించండిశేషుని అవతారము లక్షణుడు. మేఘనాధుని చేతిలో సొమ్మసిల్లి హనుమ దయతో తిరిగి బ్రతికి, శేషుని అల్లుడు ( ఇంద్రజిత్తు) ను చంప తలచెను భావన
రిప్లయితొలగించండిశేష నాగు పుట్టె శ్రీరామునికి నను
జుడుగ, లంక లోన సొమ్మ సిల్లి
హనుమ కాచ తిరిగి మనికి, నా శేషాహి
నల్లుఁ జంపఁ దలఁచె నాహవమున"
కృష్ణ సూర్యకుమార్ గారూ,
తొలగించండిమీ పూరణ బాగున్నది. అభినందనలు.
'ఇంద్రజిత్తు శేషునికి అల్లు డైన కథ' నాకు తెలియదు.
Sulochana (Ramayana) Sulochana(Sanskrit: सुलोचना, lit. she whose eyes are beautiful) was daughter of the king of the serpents Sheshanaga, who is mentioned in the Indian epic Ramayana. She was married to Indrajit(Meghanada), who was the eldest son of great king Ravana, who defeated Indra, hence received his title.
తొలగించండి
తొలగించండిఏ రామాయణములో ఈ కథ వస్తుందండి పూసపాటి వారు?
జిలేబి
Valmiki ramayamamlo ani vinnanu. Okasri pochiraju vari salaha adugutanu talli
తొలగించండిజిలేబి గారికి మీరు వెలిబుచ్చిన సందేహమునకు వివరణ వాల్మీకి రామాయణం లో దొరకలేదు. ఏభయి సంవత్సరాల క్రితం సతీ సులోచన అన్న సినిమా వచ్చింది దానిలో నందమూరి ఇంద్రజిత్తు మరియూ అంజలి సులోచనగా నటించారు. దానిలో శేషనాగు పుత్రిక కా తెలిపారు నాటి సినిమాలు నైతిక విలువలకు దర్పణం ఆధార రహితముగా నిర్మాణం జరిగేది కాదు కాబట్టి ఎక్లడో ఆధారము ఉన్నది నాకు లభ్యం అయితే మళ్లీ ప్రస్తావిస్తాను మన బ్లాగులో కవి శ్రేష్టులు నా (మీ) సందేహ నివృత్తి చేయగలరేమో ఎదురు చూద్దాము
తొలగించండికవి పండితులు
రిప్లయితొలగించండిశ్రీ కంది శంకరయ్య గారి సమస్య
======================
అల్లుని జంపగా దలచె నాహవ
మందున మామ కృద్దుడై
======================
మిక్కిలి కోపించిన మామ యుద్ద
రంగమున అల్లుడిని చంపుటకు
తలచినాడని చెప్పటంలో విశేషం
ఇచట సమస్యగా పరిగణించడం
======================
యుద్దమనగా ఇచట ఇంటి గొడవ
లేదా కుటుంబ కలహంగా చెప్పు
కొనవచ్చును
=======================
సమస్యా పూరణం - 286
===================
షోకులు మరి పెక్కులుగా చేసి-
ప్రేమ బాసలను ఎన్నో కూసి
రేపటికి కడుపది పెరుగునని చూసి-
మనువాడెను మందు పూసి
కట్నానికి తన్ని పంపు వాని-
చేష్ట కాగ్రహోదగ్దుడై
అల్లుని జంపగా దలచె-
నాహవమందున మామ కృద్దుడై
====##$##====
పెద్దలు కుదిర్చిన వివాహమాడిన దంప
తులతో పోల్చగ ప్రేమ వివాహ దంపతులలో
వివాహేతర విచ్చల విడితనములు కాస్త ఎక్కు
వని NSS (National Sample Survey )
వారి ఉవాచ.
కొసమెరుపు:-
==========
1. ప్రేమంటె అదేమిటో పూర్తి స్థాయిలో వివ
రించ లేని మైనర్లుగా బాలరాజు,బాలమణి
లు"లౌ"లో పడి "భౌభౌ" మని అరుస్తున్నారు
2. పెళ్ళి కి ముందే 70% ప్రేమను ఖర్చు చేసు
కుని మిగిలిన 30% ప్రేమతో బ్రతుకులను
ఈడ్చలేకపోవటం.
3. సాలె పురుగు తనకు తాను ఎప్పటికప్పుడు
నోటి ద్వారా "సలైవా"ను ఉత్పత్తి చేసుకున్న
ట్లుగా ఈ కాలం ప్రేమికులు తరిగిన ప్రేమను
భర్తీ చేసుకునే విజ్ఞత కాని రసజ్ఞత కాని కలిగి
ఉండక పోవటం, కారణం ఈ శకుంతల
B.Pharm లో14 సబ్జెక్ట్ లు తప్పినదిగా ఉంటె
ఆ దుష్యంతుడు B Tech లో 24 సబ్జెక్ట్ లు
తప్పిన వాడిగా ఉన్నారు.
( మాత్రా గణనము - అంత్య ప్రాస )
---- ఇట్టె రమేష్
( శుభోదయం)
ఉల్లములోన భీతి పెను యుప్పెనగా హృదయమ్మునుండగా
రిప్లయితొలగించండిచెల్లిని బావగారి కడు శీఘ్రముగాచెఱసాలఁ ద్రోసియున్
కల్లలెరుంగ నట్టియొక కారణజన్ముని కృష్ణు సొంత మే
నల్లునిఁ జంపఁగాఁ దలఁచె నాహవమందున మామ కృద్ధుఁడై
మొదటిపాదం - పెనుయుప్పెనయై వణీకించు చుండగా
తొలగించండిఅన్నపరెడ్డి వారూ,
తొలగించండిమీ పూరణ బాగున్నది. అభినందనలు.
'పెను + ఉప్పెన = పెన్నుప్పెన' అవుతుంది. యడాగమం రాదు.
రిప్లయితొలగించండివిష్ణు వాత డౌత విధిని మార్చు, జనన
మొందె నంట, చెల్లి ముద్దుల కొడు
కంట తనను నడచు, కంసుడాతండు మే
నల్లుఁ జంపఁ దలఁచె నాహవమున!
జిలేబి
జిలేబీ గారూ,
తొలగించండిమీ పూరణ బాగున్నది. అభినందనలు.
పద్మవ్యూహ మందు పదిమంది గుమిగూడి
రిప్లయితొలగించండిపిల్లవాని చేరి కల్లరీతి
పార్థు లేనివేళ పడగొట్టి కృష్ణు మే
నల్లు జంపదలచె నావహమున
సీతాదేవి గారూ,
తొలగించండిమీ పూరణ బాగున్నది. అభినందనలు.
'పద్మవ్యూహ' మన్నపుడు 'ద్మ' గురువై గణదోషం. పదిమంది దలచె... అన్నపుడు కర్తృ క్రియా పదాల సమన్వయం లోపించింది.
కల్లలెరుంగనట్టి సుత కల్లరివానివరించి చేకొనన్
రిప్లయితొలగించండిబల్లిదుడైన తండ్రి సమభావముఁ గోల్పడి, బాధహెచ్చగా
నుల్లమునందునన్, కినుక యుప్పెనయై దహియించ, వెఱ్ఱియై
అల్లునిఁ జంపఁగాఁ దలఁచె నాహవమందున మామ కృద్ధుఁడై
అన్నపరెడ్డి వారూ,
తొలగించండిమీ పూరణ ప్రశస్తంగా ఉన్నది. అభినందనలు.
గురువర్యులకు నమస్సులు. ధన్యవాదములు
తొలగించండిచెల్లెలి కాపురమ్ము మన సిచ్చిన వాని వరించినంతనే
రిప్లయితొలగించండిఎల్లలు లేనిపేర్మి నన లెంతపరీమళమిచ్చునోయటం
చెల్లలు దాటుచుండనొక చేటొనగూడని జ్యోస్యులన్నమే
నల్లుని జంపగా దలిచె నావహమందున మామకృద్ధుడై
శంకర్ జీ గారూ,
తొలగించండిమీ పూరణ బాగున్నది. అభినందనలు.
ఉల్లమునన్ స్థిరత్వమది యొక్కటి యుండని శల్యు డక్కటా!
రిప్లయితొలగించండికల్లల ప్రేమ జూపు నల కౌరవనాథుని నమ్మె స్వంత మే
నల్లుని వైరి జేసికొనె నచ్చెరు వొందగ సేన లెల్ల మే, నల్లు. ని జంపగా దలచె నాహవమందున మామ కృద్ధుడై.
ధనికొండ వారూ,
తొలగించండిమీ పూరణ బాగున్నది. అభినందనలు.
ఉత్పలమాల
రిప్లయితొలగించండిచెల్లికి తమ్మిమొగ్గరముఁ జెప్పుచు నామెయె నిద్రనుండగన్
మెల్లగ విన్నవాడు మహి మీరెడు వాడగు నంచు కృష్ణుడున్
వెళ్లుట దెల్పి తిర్గి యని వీడుట నేర్వగ లేక జేసి తా
నల్లునిఁ జంపఁగన్ దలఁచె నాహవమందున మామ కృద్ధుఁడై
సహదేవుడు గారూ,
తొలగించండిమీ పూరణ బాగున్నది. అభినందనలు.
రిప్లయితొలగించండిఅల్లన యోగమాయ పలుకంగన నాకస వీధిలోన, మే
నల్లునిఁ జంపగాఁ దలచెఁ నాహవమందున మామ కృద్ధుడై,
పిల్లల నెల్ల చంప తను వీధుల వాడల నంప, రక్కసుల్
మల్లెల మాలలన్ తురిమి మల్లిక లై చనిరమ్మ పల్లెలన్
జిలేబి
జిలేబీ గారూ,
తొలగించండిమీ పూరణ బాగున్నది. అభినందనలు.
ఆటవెలది
రిప్లయితొలగించండిఆదియోగియైన నా శంకరుఁడు మోహ
మంద జేసె నంచు నంగజుండు
నొసటి కన్ను దెరచి మసిజేయ బూనుచు
నల్లుఁ జంప దలఁచె నావహమున
సహదేవుడు గారూ,
తొలగించండిమీ పూరణ బాగున్నది. అభినందనలు.
౩.
రిప్లయితొలగించండికల్లలెరుంగనట్టి సుత కల్లరివానివరించి చేకొనన్
బల్లిదుడైన తండ్రి సమభావముఁ గోల్పడి, బాధహెచ్చగా
నుల్లమునందునన్, కినుక యుప్పెనయై దహియించ, వెఱ్ఱియై
అల్లునిఁ జంపఁగాఁ దలఁచె నాహవమందున మామ కృద్ధుఁడై
asnreddy
రిప్లయితొలగించండిపిల్లనొసంగి తా పదవి ప్రేమముతోనిడి గౌరవించగా
చెల్లికుమారు డక్రమపు చెన్నున చేయగ పెక్కుకుట్రలన్
చిల్లర చేష్టలన్ గనుచు చెడ్డమనస్కునిఁ గాంచి క్రుద్ధుడై
యల్లునిఁ జంపఁగాఁ దలఁచె నాహవమందున మామ కృద్ధుఁడై
చెడ్డమనస్కునిఁ గాంచి శీఘ్రమా
తొలగించండిఅన్నపరెడ్డి వారూ,
తొలగించండిమీ పూరణ బాగున్నది. అభినందనలు.
మిత్రుఁ డనియె నిట్లు మేటి చరిత భార
రిప్లయితొలగించండితమున నరుని రాథ తనయుఁడు పెను
చలము వూని మదినిఁ, జక్క నతఁడు కథ
లల్లుఁ, జంపఁ దలఁచె నాహవమున
కొల్లలు గాథ లివ్వసుధ గోత్ర వినాశన పూరితంబులై
కల్లన రాదు క్రూరమిల క్షత్రియ వంశపు ధర్మ మెంచగం
దల్లడ మంద లోకములు ధర్మ తనూభవు శల్యుఁ డవ్వ మే
నల్లునిఁ జంపఁగాఁ దలఁచె నాహవమందున మామ కృద్ధుఁడై
కామేశ్వర రావు గారూ,
తొలగించండిమీ రెండు పూరణలు వైవిధ్యంగా, ఉత్తమంగా ఉన్నవి. అభినందనలు.
పూజ్యులు శంకరయ్య గారికి నమఃపూర్వక ధన్యవాదములు.
తొలగించండిఆటవిడుపు సరదా పూరణ:
రిప్లయితొలగించండి(జిలేబి గారికి అంకితం)
గొల్లున కాంగ్రెసున్ విడిచి గోలగ టీడిని జేరుచున్ భళా
మెల్లగ మెల్లగా తనను మ్రింగుచు జీర్ణము జేసుకొంచుచున్
చల్లగ చల్లగా విధుడు చాపకు క్రిందున నీరునింపగా
నల్లునిఁ జంపఁగాఁ దలఁచె నాహవమందున మామ కృద్ధుఁడై :)
తొలగించండితలచిన వారే చచ్చుట కృష్ణుని కాలం నుండే అలవాటు కామోసు :)
శంకరాభరణం లో చేరి కరెక్ట్ గా రెండేళ్ళౌతోంది...నిరక్షరాస్యునిగా...
తొలగించండిపాతవీ క్రొత్తవీ కలిపి దాదాపు రెండు వేల పూరణలూ పద్య రచనలూ పూర్తి అయి ఉండనోపు. భాగవత, భారత, రామాయణాల జోలికి పోకుండా. ఇది శంకరార్యుల విశాల దృక్పథమునకు తార్కాణం.
మొన్న నా "శంకరార్పణం" బ్లాగుకు వారి స్పందన:
"వీక్షించాను. సంతోషించాను. మీ పూరణలతో ఒక పుస్తకాన్ని ఆశించవచ్చా?"
సారూ! ఆగండి మరో సంవత్సరం...
అప్పటికి అంతా బాగుంటే "సరదా శంకరాభరణం" అని ఒక చిన్న booklet బయటకు తీస్తాను. అంకితం కంది వారికీ, జిలేబి గారికీ.
శుభం భూయాత్!
ప్రభాకర శాస్త్రి గారూ,
తొలగించండిమీ సరదా పూరణ బాగున్నది. అభినందనలు.
Booklet తీయాలన్న మీ ఆలోచన స్వాగతింప దగినది. సంతోషం!
తొలగించండిమీ పుస్తక విమోచన కార్యక్రమానికి జిలేబివారికి ఆహ్వానపత్రిక పంపుడీ తప్పక వచ్చెదము :)
జిలేబి
మీరే కదా ఆవిష్కరణ చేయబోయే వారు :)
తొలగించండినవ్వులాట కాదు సుమా! నా మనుమరాలి పేరుతో ఇప్పటికి 5 booklets ప్రచురించి ఉన్నాను గత దశాబ్దంలో. వీటిలో 4 పుస్తకాల కాపీలను కంది వారికి సమర్పించాను. ప్రతి booklet title లో "ishani" పేరు ఉన్నది...English language...
తొలగించండిInteresting! అండి.
Pl publish as PDFs and post link
జిలేబి
No way....
తొలగించండిPlease send me your postal mailing address to my e-mail (given in my blog). And you will get one copy each of the 5 booklets by courier if it is in India or Air Mail if it is abroad...promise!
http://gpsastry.blogspot.com/2012/12/boquet-for-booklet.html
Three "stories' from these booklets appeared in the "Now & Again" column of The Statesman, Calcutta (then they got fed up ;)
తొలగించండిఇప్పుడే ఆకాశవాణిలో సమస్యాపూరణం రికార్డు చేసి బయలుదేరాను. అస్వస్థత, గొంతు ఇన్ఫెక్షన్ కారణంగా చాలా చోట్ల తడబడ్డాను. నాకైతే అంత తృప్తికరంగా లేదు. రేపు ఉదయం విని మీరే చెప్పాలి ఎలా ఉందో..
రిప్లయితొలగించండి
తొలగించండివాయ్స్ అడ్జస్ట్ మాడించేస్తారట :)
ఇప్పుడే బ్రేకింగు న్యూసు :)
జిలేబి
అవని బుట్టు నిన్ను నంతమొందించెడు
రిప్లయితొలగించండివాడనుచును గగన వాణి పలుక
నాగ్రహించి కంసు డంధుడయి తన మే
నల్లుఁ జంపఁ దలఁచె నాహవమున.
విరించి గారూ,
తొలగించండిమీ పూరణ బాగున్నది. అభినందనలు.
..............🌻శంకరాభరణం🌻...............
రిప్లయితొలగించండి..................🤷🏻♂సమస్య🤷♀....................
అల్లునిఁ జంపఁగాఁ దలఁచె
నాహవమందున మామ కృద్ధుఁడై
సందర్భము: తన చెల్లెలైన దేవకికి వసుదేవునితో వైభవంగా వివాహం జరిపించినాడు.అందరూ పెళ్లి ముచ్చట్లలో మునిగి ఉన్నారు.
బావమరిదితో బాటు చెల్లెలిని రథము మీద నెక్కించుకుని అత్తవారింటికి కంసుడు పంపే తీసుకు వెళుతున్న సందర్భంలో ఆకాశవాణి చల్లగా చావు ముచ్చట యిలా వినిపించింది.
"ఓరీ! కంసా! నీ చెల్లెలికి పుట్టబోయే నీ మేనల్లుడే నిన్ను అంత మొందిస్తాడు."
వెంటనే మితిమీరిన కోపంతో కంసుడు తన అల్లుని చంప దలంచినాడు.
(ముందస్తు జాగ్రత్తగా చెల్లెలిని చంపితే సరి! అనుకుని రథం మీద నుంచి దేవకిని క్రిందకు లాగి కత్తి దూసి చంపబోయినాడు.)
~~~~~~~~~~~~~~~~~~~~~~~
ఎల్లరు పెండ్లి ముచ్చటల
నింపుగ తాము మునింగి యుండగా
చల్లగ చావు ముచ్చటను
"సంబర మేలర! కంస! నీదు మే
నల్లుడె నిన్ను జంపు" నని
యభ్ర మయో వినిపించె!.. నంతనే
యల్లునిఁ జంపఁగాఁ దలఁచె
నాహవమందున మామ కృద్ధుఁడై
✒~డా.వెలుదండ సత్యనారాయణ
19.10.18
-----------------------------------------------------------
డా. వెలుదండ వారూ,
తొలగించండిమీ పూరణ బాగున్నది. అభినందనలు.
అల్లదె దేవకీసుతుడుయాదవశ్రేష్ఠునిజన్మవార్తయున్
రిప్లయితొలగించండినుల్లమునున్ గకావికలనొంచగగంసుడుక్రోధమొందుచున్
చెల్లెలుబాధనున్గనకచెప్పుడుమాటలువిన్నవాడునై
నల్లునిజంపగా దలఁచె నాహవమందున మామ కృద్ధుఁడై
సుబ్బారావు గారూ,
తొలగించండిమీ పూరణ బాగున్నది. అభినందనలు.
'జన్మవార్తయే। యుల్లమునున్...' అనండి.
హడల గొట్టినట్టి యలనాటి యశరీర
రిప్లయితొలగించండివాణి తోడు మౌని వాక్కుల గొని
కంసు డాగ్ర హించి కరుణ దలచక మే
నల్లు జంప దలచెనాహవమున!
గురువర్యులకు నమస్సులు, నా నిన్నటి పూరణను కూడా పరిశీలింప ప్రార్థన.
దశ విధములుగ దుర్గమ్మ తల్లిని గన
శరదృతువు లోన విజయ దశమి వరకును
హవన సహిత పూజ లొనర్చి హారతు లిడ
రహిని కల్గించవె దసరా లహరహమ్ము!
శ్రీధర రావు గారూ,
తొలగించండిమీ రెండు పూరణలు ప్రశస్తంగా ఉన్నవి. అభినందనలు.
గురువర్యులకు నమః పూర్వక ధన్యవాదములు.
తొలగించండిఈ కామెంట్‌ను రచయిత తీసివేశారు.
రిప్లయితొలగించండితల్లి, తమ్ముడు, సతి, ధరణిజనువదల
రిప్లయితొలగించండిమనుచు జెప్పుచున్న, మానుకొనక
బంతిమోములదొర పాలసముద్రపు
నల్లు జంప దలచె నాహవమున!!!
చెల్లి సుతుని వలన చెల్లునాయువనుచు
గగనవాణి దెలుప కలత బడుచు
కనికరమ్ము లేని కంసరాజు తన మే
నల్లు జంప దలచె నాహవమున!!!
శైలజ గారూ,
తొలగించండిమీ రెండు పూరణలు చక్కగా ఉన్నవి. అభినందనలు.
అల్లన పెర్గుచుండె నొక యల్లరి బాలుడు నిన్ను జంపగన్
రిప్లయితొలగించండికల్లయె గాదటంచు గద కందట పల్కెను యోగమాయయై
ఝల్లనె గుండె కంసునకు జాలిని వీడి దలంచె నయ్యె మే
నల్లునిఁ జంపఁగాఁ దలఁచె నాహవ మందున మామ కృద్ధుడై.
విరించి గారూ,
తొలగించండిమీ పూరణ బాగున్నది. అభినందనలు.
'గద కందట' ...?
మామనిదురయందు మైమరపుకల
రిప్లయితొలగించండిఅధికకట్నమివ్వ?నల్లుడలుగ?
మమతమాని మగడుమనుగడమరువగ
అల్లు జంపదలచె నాహవమున
ఈశ్వరప్ప గారూ,
తొలగించండిమీ పూరణ బాగున్నది. అభినందనలు.
మొదటి పాదం చివర గణదోషం. "మైమరపుం గల" అందామా?
అల్లరి కృష్ణుడే తనదు నాయువు తీసెడి వాడటంచు తా
రిప్లయితొలగించండినుల్లము నందు నెంచుచును నొప్పుగ పంపెనక్రూరుని ,నెమ్మితోడ వ్రే
పల్లెకు నేగికృష్ణ బలభద్రుల తోడనురమ్మని,రాగ కంసుడా
యల్లుని జంపగా దలచె నాహవమందున మామ క్రుద్ధుడై.
డా. ఉమాదేవి గారూ,
తొలగించండిమీ పూరణ బాగున్నది. అభినందనలు.
రెండవ, మూడవ పాదలలో గణదోషం. సవరించండి.
కవిమిత్రులకు నమస్కృతులు.
రిప్లయితొలగించండిఈనాటి సమస్య వృత్తపాదంలో 'క్రుద్ధుఁడు' అనడానికి బదులు 'కృద్ధుఁడు' అన్నాను. గుండు మధుసూదన్ గారు చెప్పేదాక గమనించలేదు. మన్నించండి.
నల్లనివాడు యింద్రజిత నామము వాడు ననంతు బుత్రికన్
రిప్లయితొలగించండిదొల్లియు బెండ్లియాడెనట దోషమెరుంగక మామ లక్ష్మణున్
విల్లును బట్టి గూల్చ కపి వీరుడు రక్షణ సేయ లేచి దాఁ
నల్లునిఁ జంపఁగాఁ దలఁచె నాహవమందున మామ క్రుద్ధుఁడై
డా. పిట్టా సత్యనారాయణ
రిప్లయితొలగించండితల్లిదండ్రులాజ్ఞ దప్పి తత్తనయకు
కల్లబొల్లియాశ గలుగజేసి
ఇల్లు బీకి పంది రేయు యెస్టీ వరు
నల్లు జంప దలచె నావహమున
డా. పిట్టా సత్యనారాయణ
రిప్లయితొలగించండిచెల్లినయంత నూతగొని సేవల హక్కుల సాధనంబునున్
వల్లె యనంగనోపక సవాలుగ నా శబరీశు మందిరం
బల్లన స్త్రీల జేర్చి క్రతువార్పగ జూచెడి యింటిశత్రువౌ
అల్లుని జంపగా దలచె నావహమందున మామ, కృద్ధుడై