2, అక్టోబర్ 2018, మంగళవారం

సమస్య - 2806 (కలు సేవింపుఁ డని...)

కవిమిత్రులారా,
ఈరోజు పూరించవలసిన సమస్య ఇది...
"కలు సేవింపుఁడని గాంధి ఘనయశ మందెన్"
(లేదా...)

"కలు సేవించుట శిష్టకార్య మనుచున్ గాంధీ యశంబున్ గనెన్"

79 వ్యాఖ్యలు:

  1. అల గోవుల పొడిచి పొడిచి
    విలువగు పాలిమ్మనుచును పీడింపక తా
    మలయక నే పాలిడు...మే
    కలు సేవింపుఁడని గాంధి ఘనయశ మందెన్ :)

    పొడిచి = injections ఇచ్చి

    ప్రత్యుత్తరంతొలగించు
    ప్రత్యుత్తరాలు
    1. "He even had a pet goat named Nirmala who sometimes travelled with him and when she didn't, his well-wishers organised goats to supply him with fresh milk. In fact, his trip to Europe and London for the Round Table Conference in 1931 was aided by a number of generous local nannies."

      http://trivia.serendip.in/trivia/getting-gandhis-goats

      తొలగించు
    2. మేకలు..
      శాస్త్రి గారూ...భలే
      😀👌🏻👏🏻🙏🏻💐

      తొలగించు


    3. మేక పాలు త్రాగి మేధయు పడసెను
      మాట కట్టి బెట్టి మాన్యుడాయె
      సత్యమును బలుకుచు స్వాతంత్ర్యమను తర
      కలు కుడుచన నేర్పె గాంధి తాత!


      జిలేబి

      తొలగించు
    4. అలగుచు, "జనముల్! మీరీ
      పలు బంధమ్ముల భరించి వరలుచు నిక మా
      ర్పలుకక మా వంశపు తున
      కలు సేవింపుఁడ"నిగాంధి ఘనయశ మందెన్

      గాంధి = ఇందిరా గాంధి
      పలు బంధములు = Emergency excesses
      మార్పలుకక = మారు పలుకక

      తొలగించు


    5. అలగా జనులారా! రా
      హులు పల్కుల మీరు వినుడి! హుంకారంబుల్
      వలదర్రా! పీకక యీ
      కలు సేవింపుఁడని గాంధి ఘనయశ మందెన్!

      జిలేబి

      తొలగించు
    6. ప్రభాకర శాస్త్రి గారూ,
      మీ రెండు పూరణలు బాగున్నవి. అభినందనలు.
      *****
      జిలేబీ గారూ,
      శాస్త్రి గారి పూరణలకు మీ కౌంటర్ పూరణ పద్యాలు బాగున్నవి. అభినందనలు.

      తొలగించు





  2. కలుషిత జంక్ ఫుడ్స్ తినుటను
    వలదని హితమును పలుకుచు బాగును గూర్చే
    పలురకముల గింజల మొల
    కలు సేవింపుఁడని గాంధి ఘనయశ మందెన్"


    ప్రత్యుత్తరంతొలగించు
    ప్రత్యుత్తరాలు
    1. శాంతిభూషణ్ గారూ,
      మీ పూరణ బాగున్నది. అభినందనలు.
      కాని గాంధీ గారి కాలంలో జంక్‌ఫుడ్స్ ఉన్నాయా?

      తొలగించు
  3. వలదు జనులార జీవుల
    బలి,మానుము,సాత్వికమగు బలము నిడెడు నం
    బలిని గొనుచు సతతము మొల
    కలు సేవింపుడని గాంధి ఘన యశ మొందెన్

    ప్రత్యుత్తరంతొలగించు
    ప్రత్యుత్తరాలు
    1. సూర్యకుమార్ గారూ...
      బావుందండీ. తెలుగునేలను దాటి మత్స్య దేశంలో అంబలి తాగించాం నిన్న....నేడు గుజరాతీయులు కూడా.....😁👌🏻👏🏻🙏🏻💐

      తొలగించు
    2. సూర్యకుమార్ గారూ,
      మీ పూరణ బాగున్నది. అభినందనలు.

      తొలగించు


  4. పిలిచెను జనాళిని బలిమి
    కలిగిన దేశమిదియనుచు కదలిక తెచ్చెన్
    విలువైన స్వతంత్రపు తర
    కలు సేవింపుఁడని గాంధి ఘనయశ మందెన్!


    జిలేబి

    ప్రత్యుత్తరంతొలగించు
  5. బలిచేయక పశువుల వలె
    యిల నేలెడు ప్రభువు లంత యీప్సిత ములకై
    పలువిధ ములదుష్టుల కిను
    కలు సేవింపుఁడని గాంధి ఘనయశ మందెన్

    ప్రత్యుత్తరంతొలగించు
    ప్రత్యుత్తరాలు
    1. అక్కయ్యా,
      మీ పూరణ భావం కొంత అస్పష్టంగా ఉన్నది.
      "...వలె నిల... లంత నీప్సితములకై..." అనండి.

      తొలగించు
    2. బలిచేయక పశువుల వలె
      నిల నేలెడు ప్రభువు లంత నీప్సిత ములకై
      పలువిధ ములదుష్టుల పలు
      కలు సేవింపుఁడని గాంధి ఘనయశ మందెన్

      తొలగించు
  6. మైలవరపు వారి పూరణ

    అల సేవారతి నేర్వగా శ్రవణపుత్రాఖ్యానమున్., శాంత్యహిం...
    సల, సత్యంపు మహత్వమున్ గన హరిశ్చంద్రీయమున్ ., సుంత మే...
    నలుపుంబొంద శమంబునందుటకు గీతార్థమ్ములన్ తేనె చు...
    క్కలు సేవించుట శిష్టకార్య మనుచున్ గాంధీ యశంబున్ గనెన్ !!

    మైలవరపు మురళీకృష్ణ వెంకటగిరి

    ప్రత్యుత్తరంతొలగించు
    ప్రత్యుత్తరాలు
    1. అద్భుతము అవధానిగారూ!నమోనమః!

      తొలగించు
    2. శ్రీమతి సీతాదేవి గారికి నమోవాకములు 🙏

      మైలవరపు మురళీకృష్ణ

      తొలగించు


    3. తలకడచుచు నాటి శ్రవణు
      ని లసితమగు శాంత్యహింసనీతములన్ మీ
      రిలగాంచి హరిశ్చంద్రు న
      కలు, సేవింపుఁడని, గాంధి ఘనయశ మందెన్!


      జిలేబి

      తొలగించు
    4. మైలవరపు వారి పూరణ అద్భుతంగా ఉన్నది. అభినందనలు.

      తొలగించు
  7. కుల మత భేదము లెంచక
    యెలమిన్ సుఖ శాంతు లంది యెల్లరు మనఁగన్
    దలఁచుచు దీన జనుల పా
    కలు సేవింపుఁ డని గాంధి ఘనయశ మందెన్.

    ప్రత్యుత్తరంతొలగించు
  8. పలుమాటలేల జనులిక
    తెలవారెను లెండు విజయ దీప్తులు మనకున్
    కలుగును వదలుం డరమరి
    కలు, సేవింపుఁడని గాంధి ఘనయశ మందెన్.

    ప్రత్యుత్తరంతొలగించు
    ప్రత్యుత్తరాలు
    1. సత్యనారాయణ మూర్తి గారూ,
      మీ పూరణ బాగున్నది. అభినందనలు.

      తొలగించు
  9. చెలువ పు మనసులు కలిగియు
    నలుగు రి తో కలసి మెలసి నవ్య పథము నన్
    విలసిల్లి వీ డ వలె నలు
    కలు ; సేవింపు డని గాంధి ఘన యశ మందెన్

    ప్రత్యుత్తరంతొలగించు
    ప్రత్యుత్తరాలు
    1. రాజేశ్వర రావు గారూ,
      మీ పూరణ బాగున్నది. అభినందనలు.

      తొలగించు
  10. "కలకలలాడెడి బహుభా
    షల యువకులు యువతులు మన జననీపదముల్
    కలసి మెలసి రత్నపు మొల
    కలు సేవింపు" డని గాంధి ఘనయశ మందెన్ .

    ప్రత్యుత్తరంతొలగించు
  11. కులముల కన్నను విలువలు
    యిలమేలని జాతిపితగ నింపును గొనుచున్
    కలరా వ్యాపించిన పా
    కలు సేవింపుడని గాంధి ఘనయశ మందెన్

    ప్రత్యుత్తరంతొలగించు
    ప్రత్యుత్తరాలు
    1. సీతాదేవి గారూ,
      మీ పూరణ బాగున్నది. అభినందనలు.
      'విలువలు + ఇల = విలువ లిల' అవుతుంది. యడాగమం రాదు. "విలువలె యిల..." అనండి.

      తొలగించు
    2. ధన్యవాదములు గురుదేవా! సవరించెదను!

      తొలగించు


  12. మత్తేభవిక్రీడితము

    బలిమిన్ చాటెను దేశ వైభ వము శోభల్గాన స్వాతంత్ర్యమున్
    కలయై నిల్పి జనాళి మానసము చర్ఖాచక్రమున్ద్రిప్పి మా
    లల యస్పృశ్యత దేశ మెల్ల తొలగన్ లవ్వాడి వారింట నూ
    కలు సేవించుట శిష్టకార్య మనుచున్ గాంధీ యశంబున్ గనెన్!


    జిలేబి

    ప్రత్యుత్తరంతొలగించు
    ప్రత్యుత్తరాలు
    1. మహాద్భుతము!

      లవ్వాడు =
      (1) పాటుబడు
      (2) ప్రేమించు

      తొలగించు
    2. జిలేబీ గారూ,
      మీ పూరణ బాగున్నది. అభినందనలు.

      తొలగించు
  13. పలురోగాలకు మూల
    మ్మిలలో తైలమ్మనంచు నిది యెరగినవా
    రలు క్షేమమొసంగెడు పుల
    కలు సేవింపుఁడని గాంధి ఘనయశ మందెన్.

    ప్రత్యుత్తరంతొలగించు
    ప్రత్యుత్తరాలు
    1. విరించి గారూ,
      మీ పూరణ బాగున్నది. అభినందనలు.
      'తైలమ్మటంచు' అనండి.

      తొలగించు
  14. ఇలలో ధనమే మూలము
    కలి బాధలు దాటి సుఖముగా జీవింపన్
    కలుగన్ స్వేచ్ఛయు-మరి రూ
    కలు సేవింపుడని గాంధి ఘన యశ మందెన్

    ప్రత్యుత్తరంతొలగించు
    ప్రత్యుత్తరాలు
    1. ప్రసాద రావు గారూ,
      మీ పూరణ బాగున్నది. అభినందనలు.

      తొలగించు
  15. గురువర్యులు శ్రీ కంది శంకరయ్య గారి శంకరాభరణం
    సమస్యాపూరణ :: నేటి సమస్య సంఖ్య-2806
    సమస్య :: కలు సేవించుట శిష్టకార్య మనుచున్ గాంధీ యశంబున్ గొనెన్.
    కల్లు త్రాగడం మంచిపని అని చెప్పి కీర్తిని పొందినాడు అనడం ఈ సమస్యలో ఉన్న విరుద్ధమైన అర్థం.
    సందర్భం :: 1869 వ సంవత్సరం అక్టోబరు 2 వ తేదీన మోహన్ దాస్ కరంచంద్ గాంధీ గారు గుజరాత్ లోని పోర్ బందర్ లో జన్మించారు. మన భారతదేశదేశాన్ని పరిపాలిస్తూ ఉండిన ఆంగ్లేయులతో పోరాడే విషయంలో సత్యము అహింస అనే ఆయుధాలతో ముందు నిలిచినాడు. స్వాతంత్ర్య పోరాటంలో పాల్గొంటూ *పురుషులతో పాటు స్త్రీలు(అమ్మలక్కలు) కూడా భరతమాతను సేవించాలి* అని చెప్పినవాడై మనకు స్వేచ్ఛను ప్రసాదించి జాతిపితగా కీర్తిని పొందినాడు అని విశదీకరించే సందర్భం.

    అల *యక్టోబరు రెండు* నాడు మన మోహన్ దాసు జన్మించె, మీ
    రలు సేవింపుడు భారతాంబ నని చేరన్ బిల్చుచున్, నిత్యబో
    ధలలోనన్ పురుషాళితో సమముగా ధైర్యమ్ముగా నమ్మల
    క్కలు సేవించుట శిష్టకార్య మనుచున్ గాంధీ యశంబున్ గొనెన్.
    కోట రాజశేఖర్ పడుగుపాడు నెల్లూరు. (2-10-2018)

    ప్రత్యుత్తరంతొలగించు
    ప్రత్యుత్తరాలు


    1. అల యక్టోబరు రెండున
      నిలబుట్టి పురుషులతోడు నిల్చుచు నాంగ్లే
      యులతో పోరుచు నమ్మ
      క్కలు సేవింపుఁడని, గాంధి ఘనయశ మందెన్!


      జిలేబి

      తొలగించు
    2. రాజశేఖర్ గారూ,
      మీ పూరణ అద్భుతంగా ఉన్నది. అభినందనలు.
      ******
      జిలేబీ గారూ,
      రాజశేఖర్ గారిని అనుకరించిన మీ పూరణ బాగున్నది. అభినందనలు.

      తొలగించు
  16. పలు రోగమ్ములు కల్గు ధ్వంసమగుచున్ స్వాభావికమ్మౌ గుణ
    మ్ములు సంఘమ్మున తగ్గి గౌరవము సంపూర్ణమ్ముగా జీవిత
    మ్ములు కల్లోలములౌను కాననికపై మొత్తమ్ముగానాపనీ
    కలు సేవించుట, శిష్టకార్య మనుచున్ గాంధీ యశంబున్ గనెన్"*

    ప్రత్యుత్తరంతొలగించు
    ప్రత్యుత్తరాలు


    1. అల యక్టోబరు రెండున
      నిలబుట్టి పురుషులతోడు నిల్చుచు నాంగ్లే
      యులతో పోరుచు నమ్మ
      క్కలు సేవింపుఁడని, గాంధి ఘనయశ మందెన్!


      జిలేబి

      తొలగించు
    2. సూర్యనారాయణ గారూ,
      మీ పూరణ బాగున్నది. అభినందనలు.

      తొలగించు
  17. పలుమార్లును సేవింపగ
    గలుగదు హానియు ధృడమగు కాయంబిలలో
    బలమది పెరుగు సతము మొల
    కలు సేవింపుఁడని గాంధి ఘనయశ మందెన్.

    ప్రత్యుత్తరంతొలగించు
    ప్రత్యుత్తరాలు
    1. డా. ఉమాదేవి గారూ,
      మీ పూరణ బాగున్నది. అభినందనలు.

      తొలగించు
  18. కవి పండితులు
    శ్రీ కంది శంకరయ్య గారి సమస్య
    =========================
    కలు సేవించుట శిష్ట కార్యమనుచున్
    గాంధీ యశంబును గనెన్.
    =========================
    దుష్టులను చేరి కొలుచుటయే బుద్ది
    మంతుల లక్షణమని తలచిన గాంధీ
    గొప్ప కీర్తి ప్రతిష్టలను పొందినాడని
    చెప్పటంలో అసంబద్దతె సమస్య
    =======================
    సమస్యా పూరణం- 272
    ==================

    ఈస్టిండియా పేరుగ కంపెనియది-
    వర్తకమునకిచటి కొచ్చినది
    దేశమును అది ఆక్రమించినది-
    బానిసలుగ మనలను చేసినది
    జాతి ద్రోహులు తరించిరి-
    కలు సేవించుట శిష్ట కార్యమనుచున్
    గాంధీ యశంబును గనెన్-
    తెల్లోడిని నిరసించి ఉద్యమ బాటగన్

    ====##$##====

    "చిన్ని నా బొజ్జకు శ్రీరామ రక్ష" , "నలుగురితో
    పాటు నారాయణ, ఊరితో పాటు గోవిందా "
    యని అందరి వలె తలపోయక

    బారిస్టర్ పట్టాతో లక్షలు ఆర్జించ గలిగిన
    అవకాశమున్నను జాతి విముక్తికై పోరాడిన
    మన బాపూజీ గారి జయంతికై శుభాకాంక్షలు

    (మాత్రా గణనము - అంత్య ప్రాస)
    ---- ఇట్టె రమేష్
    (శుభోదయం)

    ప్రత్యుత్తరంతొలగించు
  19. కలలోసైతముజెప్పడు
    కలుసేవింపుడనిగాంధి,ఘనయశమందెన్
    నలనాంగ్లేయులపాలన
    నిలకున్లేకుండజేసిహింసారహితోన్

    ప్రత్యుత్తరంతొలగించు
    ప్రత్యుత్తరాలు
    1. సుబ్బారావు గారూ,
      మీ పూరణ బాగున్నది. అభినందనలు.
      'అందెన్ + అల = అందె నల' అవుతుంది. అదనంగా నకారం? 'హింసారహి'?

      తొలగించు
  20. కలుగగ స్వాతంత్ర్యము వెస
    వెలుగంగను భరతభూమి విశ్వమునందున్
    సలుపక పనుల నవకతవ
    కలు సేవింపుఁడని గాంధి ఘనయశ మందెన్

    ప్రత్యుత్తరంతొలగించు
    ప్రత్యుత్తరాలు
    1. అన్నపరెడ్డి వారూ,
      మీ పూరణ బాగున్నది. అభినందనలు.

      తొలగించు
  21. బలిమిని కలిమిని బడయుచు
    నిలపై స్వాతంత్ర్య ఫలమె యీప్సిత మవ్వ
    న్నెలమిని వలదంచును కిను
    కలు; సేవింపుడని గాంధి ఘనయశ మందెన్!

    ప్రత్యుత్తరంతొలగించు
    ప్రత్యుత్తరాలు
    1. శిష్ట్లా వారూ,
      మీ పూరణ బాగున్నది. అభినందనలు.
      '...యీప్సితమై తా। నెలమిని...' అనండి.

      తొలగించు
  22. అలజడి లేపఁగ నాంగ్లే
    యుల మన మందు మన భూమి నుండెడు వసన
    మ్ములు వస్తువులు మఱియు నూ
    కలు సేవింపుఁడని గాంధి ఘనయశ మందెన్


    కల నందైనఁ దలంప రాదు నర సంఘాతంపుఁ గార్యమ్ములన్
    వల దెన్నండు విరోధ భావ మెద భావ్యంబౌను సచ్ఛాంతమే
    చల మేలన్ సుజనాభ్ర మందున నహింసా సత్యముల్ మేటి రి
    క్కలు సేవించుట శిష్టకార్య మనుచున్ గాంధీ యశంబుం గనెన్

    ప్రత్యుత్తరంతొలగించు
    ప్రత్యుత్తరాలు
    1. కామేశ్వర రావు గారూ,
      మీ రెండు పూరణలు ప్రశస్తంగా ఉన్నవి. అభినందనలు.

      తొలగించు
    2. పూజ్యులు శంకరయ్య గారికి నమఃపూర్వక ధన్యవాదములు. మీ యారోగ్యము పూర్తిగా కుదుటపడి నట్లు భావించెదము.

      తొలగించు
  23. కలుఁ త్రావంగ నిషేధమున్, దళితసంఘాస్పృశ్యనిర్మూలమున్,

    బలు సామాజికరుగ్మతల్ దొలగగన్, స్వాతంత్ర్యముం గోరుచున్,

    జెలువొందం దగు నూలుఁ దానె వడుకన్ జెన్నొందు చేనేత కో

    కలు సేవించుట, శిష్టకార్యమనుచున్ గాంధీ యశంబున్ గనెన్.

    కంజర్ల రామాచార్య.

    ప్రత్యుత్తరంతొలగించు
    ప్రత్యుత్తరాలు
    1. రామాచార్య గారూ,
      మీ పూరణ ప్రశస్తంగా ఉన్నది. అభినందనలు.

      తొలగించు
  24. ఆటవిడుపు సరదా పూరణ:
    (జిలేబి గారికి అంకితం)

    అల గోమాతల పాలకై పొడుచుచున్ హైరాణ గావించ...కే
    విలువల్ గానివి మేలు పాలిడుచు తాపీగా విహారించెడిన్
    మిలమిల్ నల్లని తోలుతో మెరిసి మెమ్మెమ్మేల రాగాల...మే
    కలు సేవించుట శిష్టకార్య మనుచున్ గాంధీ యశంబున్ గనెన్!

    ప్రత్యుత్తరంతొలగించు
    ప్రత్యుత్తరాలు
    1. ప్రభాకర శాస్త్రి గారూ,
      మీ పూరణ బాగున్నది. అభినందనలు.

      తొలగించు
  25. చంపారన్ లో గాంధీజీ కుష్టురోగులను చూసి బాధపడి వారికి సేవచేసిన సందరోభాన్ని యూహించి......

    విలయమ్మాడ దరిద్రమే జనులనే పీడించె రోగమ్ములే
    యల నిర్భాగ్యుల జేరుచున్ తగు సహాయమ్మంద జేయంగ ప
    ల్లెలలోనంగల కుష్టురోగులను జాలిన్ జూపుచున్, జేరి పా
    కలు సేవించుట శిష్టకార్యమనుచున్ గాంధీ యశంబున్ గనెన్.

    ప్రత్యుత్తరంతొలగించు
  26. మత్తేభవిక్రీడితము
    తలపున్ జేయక క్షీరసేవనము పథ్యంబంచ నారోగ్యమే
    కలతన్ రేపగ వైద్యుడొక్కడు తగన్ ఖండించి సూచించగన్
    దెలిసెన్ శ్రేయము గూర్చ జీర్ణమున ప్రత్యేకంపు పాలిచ్చు మే
    కలు, సేవించుట శిష్టకార్య మనుచున్ గాంధీ యశంబున్ గనెన్

    ప్రత్యుత్తరంతొలగించు
    ప్రత్యుత్తరాలు
    1. సహదేవుడు గారూ,
      మీ పూరణ బాగున్నది. అభినందనలు.
      'పథ్యం బంచు' టైపాటనుకుంటాను.

      తొలగించు
    2. గురుదేవులకు ధన్యవాదములు.

      పథ్యంబంచు+అనారోగ్యమే = పథ్యంబంచ నారోగ్యమే

      తొలగించు
  27. కందం
    విలువలు దెలియుడటంచున్
    ప్రలోభముల్ వీడి మీరు భారతమాతన్
    యిల వాడి దండి లవణపుఁ
    గలు, సేవింపుఁడని గాంధి ఘనయశ మందెన్

    ప్రత్యుత్తరంతొలగించు
    ప్రత్యుత్తరాలు
    1. సహదేవుడు గారూ,
      మీ పూరణ బాగున్నది. అభినందనలు.
      'మాతన్ + ఇల = మాత నిల' అవుతుంది. యడాగమం రాదు.

      తొలగించు
    2. గురుదేవులకు ధన్యవాదములు సవరించిన పూరణ పరిశీలించ ప్రార్థన

      విలువలు దెలియుడటంచున్
      ప్రలోభముల్ వీడి మీరు భారతమాతన్
      భళి వాడి దండి లవణపుఁ
      గలు, సేవింపుఁడని గాంధి ఘనయశ మందెన్

      తొలగించు
    3. సవరించిన మీ పూరణ బాగున్నది. అభినందనలు.

      తొలగించు
  28. Android phone key board లో అరసున్నా టైప్ చేయటం ఎలా ?
    ఎవరన్నా తెలియజేయగలరు.

    ప్రత్యుత్తరంతొలగించు
  29. కలిమి కలదనుచు నీల్గక
    కుల మత భేదముల చేరుకొన నీయక యా
    కలి దీరని పేదల పా
    కలు సేవింపుడని గాంధి ఘన యశ మందెన్!

    ప్రత్యుత్తరంతొలగించు
  30. ..............🌻శంకరాభరణం🌻...............
    ..................🤷🏻‍♂సమస్య🤷‍♀....................
    కలు సేవింపుఁడని గాంధి
    ఘనయశ మందెన్

    సందర్భము: సులభము
    ~~~~~~~~~~~~~~~~~~~~~~~
    "కలవారలకైనను పే
    దలకైనను మనవి యొకటె..
    దయతో వినుడీ!
    ఇలలో చెడిపోదలచిన
    కలు సేవింపుఁ" డని గాంధి
    ఘన యశ మందెన్

    ✒~డా.వెలుదండ సత్యనారాయణ
    2.10.18
    -----------------------------------------------------------

    ప్రత్యుత్తరంతొలగించు