ఈ మహిలోన నిక్కమిది యే సుదతీ తన రార నొప్పునా ప్రేమయె; కీడొనర్చుఁ గద ద్వేషమె; మేలొనఁగూర్చు నిచ్చలున్ నీమము తప్పకన్ విభుని నీహృదయంబున గొల్చి కోరగా కామము లేక ధర్మ విధి గాను జిలేబి విధాత రాతగా !
కోరికలు, ఇష్టాలను జయించే శక్తి లేదని తెలుసుకుని విలాసాలు, భోగాలలో మునిగిపోయి పతనమైన కపట సన్యాసులను ప్రేమిస్తే చెడు జరుగుతుంది, అలాంటి మోసగాళ్ళను ధ్వేషించడమే మంచిది
ప్రేమకు దాసులెల్లరని ప్రేమ సమస్త మటంచునెంచి యా గామహరుండు బార్వతికి గాయము నందు సగంబొసంగె శ్రీ స్వామి రమాధవుండిడెను సాధ్వికి స్థానము వక్షమందు నే *"ప్రేమయె కీడొనర్చుఁ గద ద్వేషమె మేలొనఁగూర్చు నిచ్చలున్"?*
"నారీ స్తనభర నాభీ దేశం..."
రిప్లయితొలగించండిరాముని నామమె శ్రేయము
కామము నీబోటి యతికి కంపమ్మొసగున్
భామల జూడ వికారము
ప్రేమించినఁ గీడు గల్గు ద్వేషింపు మిఁకన్ :)
భజ శ్రీరామం భజ శ్రీరామం
తొలగించండిశ్రీరామం భజ మూఢమతే!
🙏🏻🙏🏻
ఈ కామెంట్‌ను రచయిత తీసివేశారు.
రిప్లయితొలగించండిభామల విషయమె కాదుర
రిప్లయితొలగించండినీమదిలో నిలుపుకొనుమ నీమముగానే!
కామాది యారు గుణముల
*"ప్రేమించినఁ గీడు గల్గు ద్వేషింపు మిఁకన్"*
( రుక్మి తన చెల్లెలు రుక్మిణితో )
రిప్లయితొలగించండిఏమిది ? రుక్మిణీ ! వినవ
యెంతగ జెప్పిన ? నందనందనున్
నామది నున్న శాత్రవుని ;
నల్లని గొల్లని ; విస్మరింపుమా !
నీమము నేర్పరించితిని ;
నీవిక నాదగు దారి రానిచో
ప్రేమయె కీడొనర్చుగద ;
ద్వేషమె మేలొనగూర్చు నిచ్చలున్ .
రాముని నామము వీడుచు
రిప్లయితొలగించండిభామల, భాగ్యాల వెంట పరుగిడు టేలన్
కామాది షడ్వర్గముల
ప్రేమింటినఁ గీడు గల్గు ద్వేషింపు మిఁకన్.
మైలవరపు వారి పూరణ
రిప్లయితొలగించండిఏమనుకొంటివయ్య ? నిను హింసను జేయగ ప్రోత్సహించు , శ్రీ...
రామపథమ్మునందు జనరాదను , మత్తునముంచు , కామమే
కామితమంచు బోధనిడు , గావున మానవ ! దుర్గుణాళిపై
ప్రేమయె కీడొనర్చుఁ గద ద్వేషమె మేలొనఁగూర్చు నిచ్చలున్" !
మైలవరపు మురళీకృష్ణ వెంకటగిరి
నా ప్రయత్నం
రిప్లయితొలగించండికందం
కామము క్రోధము లోభము
లౌ మోహ మదాది మత్సరమ్ములుగన్ నీ
వేమాత్రము లొంగకుమా!
ప్రేమించిన కీడొనర్చుఁ ద్వేషింపు మిఁకన్
ఉత్పలమాల
కామము క్రోధమున్ మరియు గహ్వర లోభ పథాన వాటిపై
ప్రేమయె కీడొనర్చుఁ గద ద్వేషమె మేలొనఁగూర్చు, నిచ్చలున్
భూమిని రేగుచున్ తుదకు మోహ మదాదిగ మత్సరమ్ములై
సేమము గాక నిన్ను నవె చిధ్రము జేసెడు శత్రువుల్ సుమా!
రిప్లయితొలగించండిఏమాయెన్ గురువర్యా
యీ మధ్యన ఉల్ట పల్ట యీ మాదిరిగా
ప్రేమము పైన సొలయికల్?
ప్రేమించినఁ గీడు గల్గు? ద్వేషింపు మిఁకన్?
జిలేబి
క్షామంబెంతయొ వచ్చిన
రిప్లయితొలగించండిప్రేమించుటెరుగరు వారు వేతురు బాంబుల్
భామా! పాకిస్తానును
"ప్రేమించినఁ గీడు గల్గు ద్వేషింపు మిఁకన్"
రిప్లయితొలగించండినా మాతృభూమి సహనపు
ధామంబని పలికితివిగ ధరణిన్? భళి పు
ల్వామా నేర్పెను నరుడా
ప్రేమించినఁ గీడు గల్గు ద్వేషింపు మిఁకన్!
జిలేబి
సామీ! యని దరిచేరిన
రిప్లయితొలగించండిభామిని మోహమున నీదు భాగ్యమ పయినన్
దామిణిని యెరుగ కుండనె
ప్రేమించిన గీడు గల్గు ద్వేషింపు మికన్
కందం
రిప్లయితొలగించండిసామాజిక మాధ్యమముల
కామించక విద్యనేర్చి ఘనతన్ గొనుమా!
లే మా! శిష్యా! వాటిని
ప్రేమించినఁ కీడొనర్చుఁ ద్వేషింపు మిఁకన్
ఈ కామెంట్‌ను రచయిత తీసివేశారు.
రిప్లయితొలగించండిఈ కామెంట్‌ను రచయిత తీసివేశారు.
రిప్లయితొలగించండి
తొలగించండిఒప్పక పోతే మొటిక్కాయ ఒక్కటి టప్ మని వేసి ఒప్పిచేస్తే సరి :)
జిలేబి
అప్పుడు గురువు గారు కూడా ఒక్కటి వేస్తారు.
తొలగించండిరోమాంచిత కీటకమే
రిప్లయితొలగించండిప్రామాణ్యముతోడ జేరు పరవశమున ఆ
ధూమాగ్ని; చచ్చు ;నతిగా
ప్రేమించిన కీడుగల్గు--ద్వేషింపుమికన్.
రిప్లయితొలగించండిఈ మహిలోన నిక్కమిది యే సుదతీ తన రార నొప్పునా
ప్రేమయె; కీడొనర్చుఁ గద ద్వేషమె; మేలొనఁగూర్చు నిచ్చలున్
నీమము తప్పకన్ విభుని నీహృదయంబున గొల్చి కోరగా
కామము లేక ధర్మ విధి గాను జిలేబి విధాత రాతగా !
జిలేబి
కామాది యారు గుణముల
రిప్లయితొలగించండిప్రేమించి న కీడు గల్గు ద్వేషింపు మి కన్
మోము న నవ్వు ను జూపు చు
పామరుడైకీడు సేయు పాల సు ని ల లో
కామము క్రోధము లోభము
రిప్లయితొలగించండితమరిక తప్పక విడువుము తక్కిన మూడున్
సుమ! వీడుట సులు వగునట
ప్రేమించినఁ గీడు గల్గు ద్వేషింపు మిఁకన్"
రాయలసీమ ఫాక్షనిస్ట్ కూతురితో
రిప్లయితొలగించండిహేమా!విను పగతుసుతుని
ప్రేమించిన కీడొనర్చు,ద్వేషింపుమికన్
మీమాంసలికన్ వలదీ
సీమన్ బగలే విజయము క్షేమముగూర్చున్
కందము
రిప్లయితొలగించండివేమరు భక్తిని హిమగిరి
ధాముని భజియించు నట్టి తాపసవర్యా!
కామాద్యరి వర్గంబుల
ప్రేమించిన గీడుగల్గు ద్వేషించుమికన్.
ఆకుల శివరాజలింగం వనపర్తి
కామాద్యరి వర్గంబుల
ప్రేమించిన గీడుగల్గు ద్వేషించుమికన్
కామము మోహము జయించ
రిప్లయితొలగించండిలేమని వాంఛా విలాస లోలురు, పతితుల్
గా మారినట్టి యతులన్
ప్రేమించిన గీడు గల్గు ధ్వేషింపు మికన్
కోరికలు, ఇష్టాలను జయించే శక్తి లేదని తెలుసుకుని విలాసాలు, భోగాలలో మునిగిపోయి పతనమైన కపట సన్యాసులను ప్రేమిస్తే చెడు జరుగుతుంది, అలాంటి మోసగాళ్ళను ధ్వేషించడమే మంచిది
కామముక్రోధముమదముల
రిప్లయితొలగించండిబ్రేమించినగీడుగల్గు ద్వేషింపుమికన్
సేమముగలుగును జగతికె
యేమాత్రమువలదుశంక యీవిషయమునన్
ఆ మంచు కొండ వెనుకను
రిప్లయితొలగించండిఏమంచు నిలిచె నమేయ చీనీ సేనల్
ఏ మంచి జూప వలదు
ప్రేమించినఁ గీడు గల్గు ద్వేషింపు మిఁకన్
ప్రేమించు టెఱుంగక తా
రిప్లయితొలగించండికామమునకు లొంగి నిజము గానని ఘనుడా
కాముకుడీ రీతి వదరె,
"ప్రేమించిన గీడు గల్గు ద్వేషింపు మికన్"!
కామమున చొక్కు వానిని ప్రేమించినఁ గీడు గల్గు, ద్వేషింపు మికన్ కామాంధులను పుడమిపై క్షేమమ్ముగను వసియింప క్లేశము విడుచున్
రిప్లయితొలగించండిభామామణులు గలరు నీ
రిప్లయితొలగించండివేమాఱిచి వారి వీడి యిమ్మెయి నకటా
కామమున వారకాంతలఁ
బ్రేమించినఁ గీడు గల్గు ద్వేషింపు మిఁకన్
నీమము తోడ జీవనము నిత్యము సజ్జన వాంఛనీయమే
కామము దక్కు బానిసవు కాకుము వింటిమి కాదె వేద వా
క్స్తోమము వీడి ద్వేషమును దూర్ణముఁ జక్కఁగ నాశ్రయించినం
బ్రేమయె, కీడొనర్చుఁ గద ద్వేషమె, మేలొనఁగూర్చు నిచ్చలున్
ఆటవిడుపు సరదా పూరణ:
రిప్లయితొలగించండి(జిలేబి గారికి అంకితం)
నామము రూపమున్ విడక నర్తన మాడుచునుంటివే సదా!
రోమము రోమమందు గొని రొప్పుచు రోజుచు చింతజేతువే!
ఓ మమతా! వినమ్మనను! ఓటమి తథ్యము! మోడిపైన నీ
ప్రేమయె కీడొనర్చుఁ గద ద్వేషమె మేలొనఁగూర్చు నిచ్చలున్
కోమలి కొంటెచూపులకు గుందిన డెందము నందు గూడుతో
రిప్లయితొలగించండిపామరపండితాదులును పాడయి పోయిన చిన్నెలెన్నియో
సేమముకాదుజారిణుల చెంతవసించిన పాముపుట్టయై
*"ప్రేమయె కీడొనర్చుఁ గద ద్వేషమె మేలొనఁగూర్చు నిచ్చలున్"*
ప్రేమకు దాసులెల్లరని ప్రేమ సమస్త మటంచునెంచి యా
రిప్లయితొలగించండిగామహరుండు బార్వతికి గాయము నందు సగంబొసంగె శ్రీ
స్వామి రమాధవుండిడెను సాధ్వికి స్థానము వక్షమందు నే
*"ప్రేమయె కీడొనర్చుఁ గద ద్వేషమె మేలొనఁగూర్చు నిచ్చలున్"?*
ఏమహితాత్ముజూచినను నింకమరొక్కరిజూడనొల్లమో
రిప్లయితొలగించండియేమహితాత్మయోగరతి నింకమనోభ్రమలారిపోవునో
యామహిమాన్వితాభ్యసనమాత్మహితంబన మర్చి ,మిథ్యయౌ
*"ప్రేమయె కీడొనర్చుఁ గద ద్వేషమె మేలొనఁగూర్చు నిచ్చలున్"*
రాముడుభక్తవత్సలుడురామునిగొల్వుముదానవాధిపుల్
రిప్లయితొలగించండిరామునిచేనశించిరట రామునికైనతి దైవమెక్కడా
రామునికంటె,రామునికి ప్రాణము హన్మడు రామునందుధర్మమా
రామునిరామరామయని రామను రాముకొసంగు లేనిచో
*"ప్రేమయె కీడొనర్చుఁ గద ద్వేషమె మేలొనఁగూర్చు నిచ్చలున్"*
(మండోదరి రావణునికి హితముపదేశిస్తూ---–)
ఏమార్గమిడు సదాగతి
రిప్లయితొలగించండినామార్గమెమార్గమంద్రు నయమున మీరా
రాముని విరోధి నడతను
*"ప్రేమించినఁ గీడు గల్గు ద్వేషింపు మిఁకన్"*
కామాద్యరివర్గంబుల
రిప్లయితొలగించండి*"ప్రేమించినఁ గీడు గల్గు; ద్వేషింపు మిఁకన్"*
స్వాములదుర్వ్యసనపరుల
నేమానిసివీడునతడె నిజవర్తనుడౌ
కామమె లేనివేళ భువిఁ గార్యము లేవియు సాగవయ్యె నా
రిప్లయితొలగించండికామము హద్దుమీరినను కల్పము నందునరుండు హీనుడౌ
కామమదాదిగా గలవికారము లారిటి పట్లచూపెడా
ప్రేమయె కీడొనర్చుఁగద ద్వేషమె మేలొనగూర్చు నిచ్చలున్.
ప్రేమగిడ పారిజాతము
రిప్లయితొలగించండికామితమున సత్యభామ కల్మషమదితో
ధీమా యాశల యందే
ప్రేమించిన గీడుగల్గు ద్వేషింపుమికన్
కామముమీరియుండునెడ కామికుమధ్యననుండునట్టియా
రిప్లయితొలగించండిప్రేమయెకీడొనర్చుగద,ద్వేషమెమేలొనగూర్చునిచ్చలున్
బ్రేమలుదూరమైనపుడువేరుగగాపురముండుటౌకతన్
గాముకులొక్కరైమరలకాపురమొండుగజేయుచుందురే
ఏమిర బాలక యేమిది
రిప్లయితొలగించండియామాధవుని పొగడుటయు నాపుము పుత్రా
సేమము కాదాతండరి
ప్రేమించినఁ గీడు గల్గు ద్వేషింపు మిఁకన్"*
రెండవపూరణ
కం:సామము తోడను పల్కుచు
కామము తీర్చుకొన నెంచు కామాందునిలన్
వేమరు దైవంబనుచును
ప్రేమించినఁ గీడు గల్గు ద్వేషింపు మిఁకన్"*
మూడవపూరణ
క్షేమము కాదిది వినుమా
ప్రేమయనెడి పేరుతోడ విషమును చిమ్మున్
కామాంధుని గుడ్డిగనిటు
ప్రేమించినఁ గీడు గల్గు ద్వేషింపు మిఁకన్"*
మరొక పూరణ
ప్రేమను పంచుచు బ్రతికిన
సేమము తోబాటు ముదము చేకూరు నిలన్
కామాదియారు గుణముల
ప్రేమించినఁ గీడు గల్గు ద్వేషింపు మిఁకన్.
ఏమాత్రముసచ్చీలత
రిప్లయితొలగించండిలేమలపైగౌరవమ్ము లేని కుజనులన్..
లేమా! వినుమిక గోరకు
*"ప్రేమించినఁ గీడు గల్గు ద్వేషింపు మిఁకన్"*!!
కామము మోహమున్ మదము క్రౌర్యము లోభము మత్సరంబులున్
రిప్లయితొలగించండిక్షేమముఁ గూర్చలే విలను కీర్తిఁ గలంచును నేరికైననున్,
పామరు నందు ప్రాజ్ఞుడగు పండితు నందున తత్ప్రవృత్తమౌ
ప్రేమయె కీడొనర్చు గద ద్వేషము మేలొనరించు నిచ్చలున్.
కంజర్ల రామాచార్య
కోరుట్ల.
..............🌻శంకరాభరణం🌻...............
రిప్లయితొలగించండి..................🤷🏻♂సమస్య 🤷♀....................
ప్రేమించినఁ గీడు గల్గు ద్వేషింపు మిఁకన్
సందర్భము: కార్లను బైకులను ప్రేమించవచ్చు. కాని అమితమైన వేగాన్ని ప్రేమిస్తే వచ్చేది ప్రాణాపాయమే!.
~~~~~~~~~~~~~~~~~~~~~~~
ఈ మహిఁ గార్లను బైకుల
మేమే మొనగాళ్ళ మనుచు మించి నడుపగా
నే మగునొ! యమితవేగముఁ
బ్రేమించినఁ గీడు గల్గు ద్వేషింపు మిఁకన్
✒~డా.వెలుదండ సత్యనారాయణ
6.3.19
-----------------------------------------------------------