దక్షుని చేత నా దహనాంబకుడు పరాభవము నొంది తనదు భార్య దేహ మును ముక్కలుగ జేసి ఘనత నొప్పారెడు శక్తి పీఠములకు జన్మ కార కుండాయెనుగద, నో కోమలీ! వస్త్రాప హరణము నిడెనుగా మరువ లేని బాధ ,సుజన పరాభవ మొసంగు సుఖ సంపత్తుల్ తరచి చూడ ,పాండు రాజ సుతులు శౌర్య హీను లనుచు శుష్క పలుకు లేల పలుకు చుంటివి చెల్లి? కాల నిర్ణ యమున కెదురీద సాధ్యమా యనుచు పలికె నంద సుతుడు నా ద్రౌపది నవత గాంచి
విజయము ఒకటే లక్ష్యమ పజయమసలు సైపలేని పదవీ కాంక్షా భజన గణముకు తమ యెదిరి సుజన పరాభవ మొసంగు సుఖ సంపత్తుల్
ఎన్నికల యందు విజయం సాధించడం ఒకటే లక్ష్యంగా పెట్టుకొని, అపజయం అనే ఊహను కూడా ఓర్చుకోలేని పదవీ కాంక్ష ఎక్కువగా ఉండే రాజకీయ భజన పరులకు అవతలి పక్షంలో ఉన్న మంచివారిని అవమానించే మాటలు సుఖ సంపదలు చేకూరుస్తాయి.ఎన్నికల సీజన్ మొదలైంది కాబట్టి ఈ ప్రక్రియ ఇప్పుడు బాగా కనిపిస్తోంది.
భజనలు జేసెడి వారలు
రిప్లయితొలగించండిసుజలమ్ము లపూజ జేయ శోభను గూర్చున్
సుజనుడు నిరతము భక్తిని
సుజన పరాభవ మొసంగు సుఖ సంపత్తుల్
అక్కయ్యా,
తొలగించండిపద్యం బాగున్నది. కాని సుజన పరాభవానికి అన్వయం?
స్వజనుల చేర్చి కూర్చుచును సందడి జేయుచు రచ్చబండనున్
రిప్లయితొలగించండిభజనలు చేసి నాయకుల బంధుల మిత్రుల గోత్రమెంచుచున్
గుజగుజ రాజకీయమున గుంభన రీతిని శత్రుపక్షమున్
సుజన పరాభవంబున యశోవిభవంబులు దక్కు నెప్పుడున్ :)
ప్రభాకర శాస్త్రి గారూ,
తొలగించండిమీ పూరణ బాగున్నది. అభినందనలు.
రాజకీయాలలో ఇది సహజమే! 'శత్రుపక్షపున్ సుజన...' అంటే ఇంకా బాగుంటుందేమో?
🙏
తొలగించండివిజయము సాదించు కొఱకు
రిప్లయితొలగించండిస్వజను ల మిత్రుల తలపక స్వార్థ ము తోడ న్
కుజ నులు పొంద గ సలుపె డు
సుజన పరాభవ మొసంగు సుఖ సంపత్తు ల్
రాజేశ్వర రావు గారూ,
తొలగించండిమీ పూరణ బాగున్నది. అభినందనలు.
సవరించిన పూరణ
రిప్లయితొలగించండిభజనలు జేసెడి వారలు
సుజలమ్ము లపూజ జేయ శోభను గూర్చున్
కుజనుని మోసపు బుద్ధిని
సుజన పరాభవ మొసంగు సుఖ సంపత్తుల్
అక్కయ్యా,
తొలగించండిసవరించిన మీ పూరణ బాగున్నది. అభినందనలు.
నిజనిర్ధారణ లెంచక
రిప్లయితొలగించండిప్రజలను మోసంబుజేయు పరిపాలనకై
విజయులుగాగా! మంచిగ
సుజనపరాభవ మొసంగు!సుఖసంపత్తుల్
ఈశ్వరప్ప గారూ,
తొలగించండిమీ పూరణ బాగున్నది. అభినందనలు.
మైలవరపు వారి పూరణ
రిప్లయితొలగించండిద్రౌపది....
నిజగురుపుత్రుడయ్యు ధరణీసురవంశమునన్ జనించియున్
కుజనుల చెంతజేరి కఱకుందనమొప్ప వధించె పాండవా...
త్మజులను చంటిబిడ్డలను దారుణమౌ ! కురుపక్షపాతియౌ
సుజన పరాభవంబున యశోవిభవంబులు దక్కు నెప్పుడున్ !!
మైలవరపు మురళీకృష్ణ వెంకటగిరి
మైలవరపు వారూ,
తొలగించండిమీ పూరణ ప్రశస్తంగా ఉన్నది. అభినందనలు.
భజనయె సలుపుచు ఖలులకు
రిప్లయితొలగించండినిజమును గ్రహియింప లేక నిత్యము మసలే
కుజనులె తలచెద రిట్టుల
"సుజన పరాభవ మొసంగు సుఖ సంపత్తుల్"
జనార్దన రావు గారూ,
తొలగించండిమీ పూరణ బాగున్నది. అభినందనలు.
'మసలే' అన్నది వ్యావహారికం.
రిప్లయితొలగించండిత్యజియించదగును కోరిక
ల జిలేబి వరుసగ నీవు లాభంబులకై
గజిబిజిగ కూడ గట్టిన,
సుజన పరాభవ మొసంగు, సుఖ సంపత్తుల్!
జిలేబి
జిలేబి గారూ,
తొలగించండిమీ పూరణ బాగున్నది. అభినందనలు.
ప్రజలు నమాయికులు దమను
రిప్లయితొలగించండిభజన నొనర్చె ప్రభువుల వాక్చందనమున్
నిజమని యోటును వేయన్
*"సుజన పరాభవ మొసంగు సుఖ సంపత్తుల్"*
ప్రజలకు మేలొనర్తుమని వారికి సేవలొనర్చె భాగ్యమున్
భుజబలు వీవు యోటరువు ముంగిట నుండెద కుక్కపిల్ల నై
గజిబిజిమాటలొల్కి నిజకర్కశ నీతి చరించు నేతకున్
*"సుజన పరాభవంబున యశోవిభవంబులు దక్కు నెప్పుడున్"*
శంకర్ గారూ,
తొలగించండిమీ రెండు పూరణలు బాగున్నవి. అభినందనలు.
మొదటి పూరణ రెండవ పాదంలో గణదోషం. "భజన నొనర్చెడి ప్రభువుల..." అనండి.
స్వజనుల కీర్తనలనడుమ
రిప్లయితొలగించండినిజదోషమ్ముల మరచి నిందలువేయన్
కుజనులకు బ్రీతిగూర్చగ
సుజన పరాభవమొసంగు సుఖసంపత్తుల్
సీతాదేవి గారూ,
తొలగించండిమీ పూరణ బాగున్నది. అభినందనలు.
'నిజదోషమ్ములను మరచి...' అనండి. లేకుంటే గణదోషం.
ఆర్యా, నా ఫోనునుండి మెసేజి వెళ్ళడంలేదు.టాబ్ లో తిరిగి టైపుచేయడంతో దోషాలు దొర్లుచున్నవి.క్షమించ ప్రార్ధన!
తొలగించండి
రిప్లయితొలగించండి(శ్రీకృష్ణుడు అర్జునునికి గీతోపదేశం చేయు సందర్భం....)
విజయుడ!ద్రోణ భీష్ములను వీక్షణ జేయుచు వేదనేలనో!
సుజనులు వైరి పక్షమున శోభిలు ధర్మము వీడి జేరలే!
నిజమిది! త్రుంచు వారలను! నేరము గాదయ!నమ్ము బావ!యీ
సుజన పరాభవంబున యశోవిభవంబులు దక్కు నెప్పుడున్
🌱🌱ఆకుల శాంతి భూషణ్🌱🌱
🌷వనపర్తి🌷
శాంతిభూషణ్ గారూ,
తొలగించండిమీ పూరణ బాగున్నది. అభినందనలు.
సుజన విధేయు గౌతముని శ్రోత్రియు శంకరకింకరున్ మునుల్
రిప్లయితొలగించండినిజబలగంబుతో జనియు నీడనొసంగగ నన్నపానముల్
స్వజనుల మంచువేడనిడె , సౌరి మిషన్ సుధ గోర దెచ్చియున్
*"సుజన పరాభవంబున యశోవిభవంబులు దక్కు నెప్పుడున్"*
శంకర్ గారూ,
తొలగించండిమీ పూరణ బాగున్నది. అభినందనలు.
కుజనులు కుయుక్తి తోడను
రిప్లయితొలగించండివిజయము సాధింపనేమి విశ్వము నందున్
నిజముగ తాత్కిళికమే
సుజన పరాభవ మొసంగు సుఖసంపత్తుల్.
విరించి గారూ,
తొలగించండిమీ పూరణ బాగున్నది. అభినందనలు.
(సుజనుడైన చాణక్యుని లేదా విష్ణుగుప్తుని అవమానించి నందులు నాశనమైనారు ;గౌరవించి
రిప్లయితొలగించండిచంద్రగుప్తుడు మగధసామ్రాజ్యానికి చక్రవర్తి అయినాడు .)
యజనము సల్పి లోకపు హి
తార్థము నుండెడి విష్ణుగుప్తునిన్
గుజనులు నందు లందరును
గ్రొవ్వున ద్రోసిరి ;చచ్చినారుగా
సుజనపరాభవంబున ;య
శోవిభవంబులు దక్కునెప్పుడున్
విజయుడు చంద్రగుప్తునకు
విప్రునిసేవను రాజ్యమట్లుగన్ .
జంధ్యాల వారూ,
తొలగించండివిరుపుతో మీ పూరణ అద్భుతంగా ఉన్నది. అభినందనలు.
రాయబారిగా రానున్న కృష్ణుని అవమానించమని శకుని దుర్యోధనునితో అంటున్నాడు.....
రిప్లయితొలగించండినిజ శుభ గుణ యోగమునన్
భజనీయుఁడె కృష్ణుఁ డిపుడు పగవా డయ్యెన్
స్వజనులు నీ తోడుండఁగ
సుజన పరాభవ మొసంగు సుఖ సంపత్తుల్.
👏🙏
తొలగించండిప్రజలను పాలించుటకై
రిప్లయితొలగించండివిజరముగ భవన కదంబ పెంపును చేయన్
కుజరముల నరక నెగదో
సు జన పరాభవ మొసంగు సుఖ సంపత్తుల్
సీతారామయ్య గారూ,
తొలగించండిమీ పూరణ బాగున్నది. అభినందనలు.
'కదంబ పెంపు' దుష్టసమాసం.
'ఎగదోసు' అన్న ప్రయోగం వ్యావహారికం.
తొలగించండినమస్కారములు
తొలగించండిసవరించ ప్రయత్నిస్తాను
సుజన పరాభవ మనునది
రిప్లయితొలగించండిప్రజలేరికి నుండబోదు పావన చరితా!
యజరామరమగు నాత్మకు
సుజనపరాభవ మొసంగుసుఖ సంపత్తుల్ ?
సుబ్బారావు గారూ,
తొలగించండిమీ పూరణ బాగున్నది. అభినందనలు.
స్వజనుల మేలును గోరుచు
రిప్లయితొలగించండిప్రజలనుపీడించునేత పాలనజేయన్
విజయము బొందునుదప్పక
"సుజన పరాభవ మొసంగు సుఖ సంపత్తుల్!!
గంగాప్రసాద్ గారూ,
తొలగించండిమీ పూరణ బాగున్నది. అభినందనలు.
సవరణతో
రిప్లయితొలగించండిప్రజలను పాలించుటకై
విజరముగ భవన చయమును పెద్దగ జేయన్
కుజరముల నరకమను దురు
సు జన పరాభవ మొసంగు సుఖ సంపత్తుల్
సీతారామయ్య గారూ,
తొలగించండిమీ పూరణ బాగున్నది. అభినందనలు.
అజిర విలాసార్థము చి
రిప్లయితొలగించండిత్త జనిత దుష్కార్య రతము ధర్మం బగునే
సుజితంబై ఘోరాంహ
స్సు జన పరాభవ మొసంగు సుఖ సంపత్తుల్
సుజన గుణోన్నతద్యుతి సుశోభిత మూర్తుల కెల్లఁ బేర్మి భా
వజ వశ వర్తనాధమ వివాద విహారుల క్రూర చిత్తులుం
గుజనుల సజ్జనార్దిత సుఘోర సుభీషణ దుష్ట వా గియా
సు జన పరాభవంబున యశోవిభవంబులు దక్కు నెప్పుడున్
కామేశ్వర రావు గారూ,
తొలగించండిమీ రెండు పూరణలు ప్రశస్తంగా ఉన్నది. అభినందనలు.
ఈ నాటి శంకరా భరణము సమస్య
రిప్లయితొలగించండిసుజన పరాభవ మొసంగు సుఖ సంపత్తుల్
ఇచ్చిన పాదము కందము నా పూరణము సీసములో
దక్షుని చేత నా దహనాంబకుడు పరాభవము నొంది తనదు భార్య దేహ
మును ముక్కలుగ జేసి ఘనత నొప్పారెడు శక్తి పీఠములకు జన్మ కార
కుండాయెనుగద, నో కోమలీ! వస్త్రాప హరణము నిడెనుగా మరువ లేని
బాధ ,సుజన పరాభవ మొసంగు సుఖ సంపత్తుల్ తరచి చూడ ,పాండు రాజ
సుతులు శౌర్య హీను లనుచు శుష్క పలుకు
లేల పలుకు చుంటివి చెల్లి? కాల నిర్ణ
యమున కెదురీద సాధ్యమా యనుచు పలికె
నంద సుతుడు నా ద్రౌపది నవత గాంచి
పూసపాటి వారూ,
తొలగించండిమీ పూరణ బాగున్నది. అభినందనలు.
పంచగుళికలు 3
రిప్లయితొలగించండి11)తే: వోటు కొరకు తిరుగు చుండు యింటి చుట్టు,
కోటి ప్రశ్నల తోడ మీ కుశల మడుగు
గెలిచిన పిదప మిమ్ములన్ తలచ బోడు
తెలుసుకొని వోటు వేయుము తెలుగు బిడ్డ
12)తే: ఎన్నికలపుడు లెఖ్ఖ లేనన్ని మార్లు
మురికి వాడలు మొత్తము తిరుగు చుండు
ముగిసి నంతన్ మురికి వాడ వెగటు కలుగు
తెలుసుకొని వోటు వేయుము తెలుగు బిడ్డ
13) తే: ఎన్నికల తరుణాన ఏ చిన్ని పాప
కనుల ముందు కనబడినన్ కన్న బిడ్డ
వోలె ముద్దాడు ,పిదప నా గాలి పడదు,
తెలుసుకొని వోటు వేయుము తెలుగు బిడ్డ
14)తే: ఇరుకు గదులేల ,యిత్తుగా నిల్లు మీకు
ననుచు పలుకు నమ్మకముగ నాస జూపి
పిదప నివ్వబోడెప్పుడు పిసరు భూమి
తెలుసుకొని వోటు వేయుము తెలుగు బిడ్డ
15) తే: ఆవులకు ననవరతము సేవ చేయు,
గోవు లాంటి వ్యక్తి యనుచు కోరి గెలుపు
నీయ, గోముఖ వ్య్ఘ్రాఘ్రమై నిన్ను చంపు
తెలుసుకొని వోటు వేయుము తెలుగు బిడ్డ
11లో 'తిరుగుచుండు నింటిచుట్టు'
తొలగించండినిజ దోషములను మరచుచు
రిప్లయితొలగించండికుజనుల నెమకుచు తదుపరి కూర్మిని జతగా
ధ్వజమెత్తగ తన భవితకు
సుజన పరాభవ మొసంగు సుఖ సంపత్తుల్
నిన్నటి సమస్యకు నాపూరణ
జ్ఞాన బిక్ష నిడెడు సద్గురు నెమకుచు
సకల జీవుల నిల సాకు ననుచు
భక్తి తత్పరతను పరమాత్మ జేర , సా
ధనముఁ గోరువాఁడె ధన్యజీవి
కృష్ణారావు గారూ,
తొలగించండిమీ రెండు పూరణలు బాగున్నవి. అభినందనలు.
గిజగిజ లాడుచుండుచును గీడను భావననొందెనే సుమా
రిప్లయితొలగించండిసుజనపరాభవంబున ,యశోవిభవంబులు దక్కునెప్పుడున్
స్వజనమనంగవారలు సభాస్ధలి మెప్పును నొందుచోదగన్
సుజనమనంబులెప్పుడును శుధ్ధిగనుండును గీడుజేయవే
సుబ్బారావు గారూ,
తొలగించండిమీ పూరణ బాగున్నది. అభినందనలు.
ఈ కామెంట్‌ను రచయిత తీసివేశారు.
రిప్లయితొలగించండిఆటవిడుపు సరదా పూరణ:
రిప్లయితొలగించండి(జిలేబి గారికి అంకితం)
"భుజముల నెత్తి సోదరిని మొత్తెద శత్రుని నెత్తిమీదనున్
ద్విజుడను వారణాసికడ దీవన కోరుచు విశ్వనాథునిన్
భజనలు జేసి రొప్పెదను:... భారత మాతకు సేవజేయుటన్
సుజన పరాభవంబున యశోవిభవంబులు దక్కు నెప్పుడున్"
ప్రభాకర శాస్త్రి గారూ,
తొలగించండిమీ పూరణ బాగున్నది. అభినందనలు.
కుజనుడు స్వాభిమానమున గూర్చును చేటును సజ్జనాళికిన్
రిప్లయితొలగించండిద్విజులను,గోవులంగనల,దీనుల,నార్తుల వంతబెట్టుటే
నిజగుణమవ్వగా దనదు నీచపుజేష్టల నెంచుచుండిటుల్
సుజన పరాభవంబున యశోవిభవంబులు దక్కునెప్పుడున్
సీతాదేవి గారూ,
తొలగించండిమీ పూరణ బాగున్నది. అభినందనలు.
సుజనులు పెండ్లి చేసికొని సూనుల బొంది విముక్తి జెంద పూ
రిప్లయితొలగించండిర్వజన ఋణమ్ము నుండి భవ బంధము లంచు విరక్తి భావ్యమే
నిజమిది ముక్తి లభ్య మగు నీకు కుటుంబ నియుక్త కర్మలన్
సుజనపరా! భవంబున యశోవిభవంబులు దక్కు నెప్పుడున్.
మిస్సన్న గారూ,
తొలగించండిఅద్భుతమైన విరుపుతో చక్కని పూరణ. అభినందనలు.
ధన్యవాదాలు గురువు గారూ.
తొలగించండివిజయము నొందగ బరిలో
రిప్లయితొలగించండినిజముగ బంధువులు హితులు నిలువరు మనమున్
రుజువయె భువి, యరిపక్షపు
సుజన పరాభవ మొసంగు సుఖసంపత్తుల్!!!
శైలజ గారూ,
తొలగించండిమీ పూరణ బాగున్నది. అభినందనలు.
నిజమని నమ్మబోకుమిది, నిన్నొక మూర్ఖుని గాను చూతురీ
రిప్లయితొలగించండిప్రజలని చెప్పుచుంటి విను పాపపు మాటలనాడు వారలీ
కుజనులు సద్గుణాత్ములను కుచ్ఛితు లోర్వక చెప్పిరిట్టులన్
సుజన పరాభవంబున యశో విభవంబులు దక్కు నెప్పుడున్?
విరించి గారూ,
తొలగించండిమీ పూరణ బాగున్నది. అభినందనలు.
ఈ కామెంట్‌ను రచయిత తీసివేశారు.
రిప్లయితొలగించండిగజిబిజిగను గనబడినన్
రిప్లయితొలగించండినిజమును గనవచ్చు బుధులు నేర్పునఁ జెప్పన్
విజయము నీయగఁ జేసెడి
"సుజన పరాభవ మొసంగు సుఖ సంపత్తుల్"
విట్టుబాబు గారూ,
తొలగించండిమీ పూరణ బాగున్నది. అభినందనలు.
ఈ కామెంట్‌ను రచయిత తీసివేశారు.
రిప్లయితొలగించండిఅజసుతు నడుగగ ధర్మజు
రిప్లయితొలగించండికుజనుడు శిశుపాలు డెట్లు గృష్ణుని జేరెన్?
నిజకథ నారదుc దెలిపెను
సుజన పరాభవ మొసంగు సుఖ సంపత్తుల్.
అజసుతుడు - నారదుడు
యజ్ఞేశ్ గారూ,
తొలగించండిమీ పూరణ బాగున్నది. అభినందనలు.
'అజసుతుని ధర్మజు డడుగ' అనండి. ప్రథమలో 'ధర్మజు' అని డు ప్రత్యయం లేకుండా వ్రాసారు. అలాగే 'నారదుడు తెలిపె' అనండి.
అజసుతుని ధర్మజు డడుగ
తొలగించండికుజనుడు శిశుపాలు డెట్లు గృష్ణుని జేరెన్?
నిజకథ నారదుడు దెలిపె
సుజన పరాభవ మొసంగు సుఖ సంపత్తుల్.
గురువు గారికి ధాన్యవాదములతో!
🙏🙏
విజయము ఒకటే లక్ష్యమ
రిప్లయితొలగించండిపజయమసలు సైపలేని పదవీ కాంక్షా
భజన గణముకు తమ యెదిరి
సుజన పరాభవ మొసంగు సుఖ సంపత్తుల్
ఎన్నికల యందు విజయం సాధించడం ఒకటే లక్ష్యంగా పెట్టుకొని, అపజయం అనే ఊహను కూడా ఓర్చుకోలేని పదవీ కాంక్ష ఎక్కువగా ఉండే రాజకీయ భజన పరులకు అవతలి పక్షంలో ఉన్న మంచివారిని అవమానించే మాటలు సుఖ సంపదలు చేకూరుస్తాయి.ఎన్నికల సీజన్ మొదలైంది కాబట్టి ఈ ప్రక్రియ ఇప్పుడు బాగా కనిపిస్తోంది.
కృష్ణారెడ్డి గారూ,
తొలగించండిమీ పూరణ బాగున్నది. అభినందనలు.
'విజయ మ్మొకటే...' అనండి. గణముకు అనరాదు గణమునకు అనాలి. "భజన గణమ్మునకు నెదిరి" అనండి.
వ్రజవరు వెక్కిరించి శిశుపాలుడు చక్రహతుండు గాడె, యా
రిప్లయితొలగించండియజనము నందు దక్షుడు పురారిని హేళన జేయఁ గూలడే?
గజముఖుఁ గేలి సేసి శశి క్రచ్చర శాపము నొంద లేదొ! యే
సుజన పరాభవంబున యశోవిభవంబులు దక్కు నెప్పుడున్?.
కంజర్ల రామాచార్య
కోరుట్ల.
రామాచార్య గారూ,
తొలగించండిఅద్భుతమైన పూరణ. అభినందనలు.
రామాచార్యగారు మంచి పూరణ,🙏
తొలగించండిasnreddy
రిప్లయితొలగించండిభజనల చేసి కపటియై
ప్రజలను వంచించి మంచి పదవులు గొనుచున్
నిజమును దాచు కుటిలునకు
సుజన పరాభవ మొసంగు సుఖ సంపత్తుల్
అన్నపరెడ్డి వారూ,
తొలగించండిచక్కని పూరణ. అభినందనలు.
Asn reddy గారు! సరిగ్గా అమరిన పూరణ మీది..🙏
తొలగించండిఈ కామెంట్‌ను రచయిత తీసివేశారు.
తొలగించండిక్రొవ్విడి వెంకట రాజారావు:
రిప్లయితొలగించండివృజినము లొనర్చి చెలగు ద
నుజ కులము నణచగ జేయు నూకుల యందున్
విజితి నిలుప యరి నాళిని
సుజన పరాభవ మొసంగు సుఖ సంపత్తుల్.
రాజారావు గారూ,
తొలగించండిమీ పూరణ బాగున్నది. అభినందనలు.
'నిలుప నరి...' అని ఉండాలనుకుంటాను.
గురువు గారికి నమస్కారములు. మీ సూచన శిరోధార్యము.
తొలగించండిఈ కామెంట్‌ను రచయిత తీసివేశారు.
రిప్లయితొలగించండినిజసుత పంచకాంతకుడు నేరముజేసిన ద్రౌణిపాఱుడా
రిప్లయితొలగించండిసుజనుడుగాడువీడు గురు సూతియటంచువధించకున్నచో
ప్రజలకుమూడు గృష్ణయని పావనిబల్క వధించపాపమౌ
*"సుజన పరాభవంబున యశోవిభవంబులు దక్కు నెప్పుడున్"*
సవరణలతో
రిప్లయితొలగించండి===========
ప్రజ కొందరు సోమరులై
*సుజన పరాభవ మొసంగు సుఖ సంపత్తుల్*
విజయమనిఁ దలచి గోపం
బు జనింపగ మాటలెంచ బూనును భ్రమతో