పావని సీత నా యసుర భామిను లొంటిగ జేసి లంకలో నీ విధి క్రూర వాక్కులను నేచిరి మాటికి నేల రామునిం దేవు డటంౘు వాగెదవు తిక్కగ మానవు డేమి దేవుడౌ రావణ కుంభకర్ణులె తిరంబగు రక్షణ నిచ్చు దైవముల్.
ఈవెవరయ్య స్వామి! యిటకెట్టుల వచ్చితి వార్ధి దాటి లం... కా వరపట్టణమ్మునకు.,కావలి లంకిణి నేను.,బుద్ధిగా నీవిక పొమ్ము నిన్ను జొరనీయను., దాటను వారి యాన., మా రావణ కుంభకర్ణులె తిరంబగు రక్షణ నిచ్చు దైవముల్!!
నేటి రెండవ పద్యపూరణాయత్నం- (రామలక్ష్మణులు వచ్చు వరకే రావణునికెదురు లేదు వారే ఇక్కడ దైవం .అదీ దైవము వల్లనే.మన లాంటి ధార్మికరాక్షసులకు భయం లేదని విభీషణుడు లాంటి వారు చర్చించుకుంటున్న సందర్భము.)
తేటగీతి సీత మదిమార్చమను ప్రభు చిత్తమెంచి కావరమనంగ మేలకొ సేవకులక టంచు దాసిఁ గని పతి వచించె నిటుల రావణుఁడు కుంభకర్ణుఁడు రక్ష మనకు
ఉత్పలమాల ఆ వనమందు సీతనిడి యావిడ మార్చఁగ బూన్చె మమ్ములన్ గావర మెంతయో ననుచు గాసిలు దాసికి భర్తయిట్లనెన్ సేవకులైన వారు ప్రభుచిత్తము నెంచుటె? నీకు నాకు నా రావణ కుంభకర్ణులె తిరంబగు రక్షణ నిచ్చు దైవముల్
రిప్లయితొలగించండినడిరేయి సరదా పూరణ:
దేవుడు వేరు లేడిచట తీరిచి దిద్దగ జీవనమ్ములన్
చేవను జూపి కోతులను చెండుచు చీల్చుచు పారద్రోలుచున్
కావగ మమ్ము రాక్షసుల గారబు రీతిని లంకనందునన్
రావణ కుంభకర్ణులె తిరంబగు రక్షణ నిచ్చు దైవముల్
లంకలోని రాక్షసులకు వాళ్ళే కదా దేవుళ్ళు. బాగుంది మీ పూరణ. అభినందనలు.
తొలగించండి🙏
తొలగించండిశరణు కోరి రామునిచెంత కరిగె నా వి
రిప్లయితొలగించండిభీషణుండు దానవజాతి పేరు పరువు
మట్టిఁ గలిపి! దాశరథుల మౘ్చ మాప
"రావణుఁడు కుంభకర్ణుఁడు రక్ష మనకు"
భయము లేదని లంకను పౌరు లనిరి!
మీ పూరణ బాగున్నది. అభినందనలు.
తొలగించండి
రిప్లయితొలగించండిఆటవిడుపు సరదా పూరణ:
(జిలేబి గారికి అంకితం)
కాంగ్రెసు పార్టీ తీర్మానము:
చేవను జూపి భాజపులు చేరుచు కోర్టున దొడ్డిదారినిన్
కావలెనంచు మందిరము కట్టగ తీర్పును వేగ తెచ్చిరే
కోవెల కట్టి కొల్చెదము గొప్పగు రీతిని హస్తినమ్మునన్
రావణ కుంభకర్ణులె తిరంబగు రక్షణ నిచ్చు దైవముల్
మీ ఆటవిడుపు పూరణ బాగున్నది. అభినందనలు.
తొలగించండి🙏
తొలగించండి(శ్రీరామునితో విభీషణుడు )
రిప్లయితొలగించండికేవలబుద్దిహీనులయి
కేకల బెట్టుచు నాశ్రమంబులన్
దేవతలందరిన్ గొలుచు
దీక్షితమౌనుల హింసబెట్టుచున్
గావరధూర్తులై చెలగు
కన్నులుగానని దైత్యకోటికిన్
రావణకుంభకర్ణులె తి
రంబగు రక్షణ నిచ్చు దైవముల్ .
(దీక్షితమౌనులు -దీక్షలోనున్న మునులు ;కావరధూర్తులు -మదమెక్కిన నీచులు )
మీ పూరణ ప్రశస్తంగా ఉన్నది. అభినందనలు.
తొలగించండిద్రావిడజాతి మాది యని రాముఁడు దైవము గాఁడటంచుఁ దా
రిప్లయితొలగించండిమా విధిఁ జెప్పిరే తమిళులందునఁ గొందఱు, భారతీయమౌ
పావన సంస్కృతిన్ దెగడి పల్కుదు రిట్టులఁ గట్టి కోవెలన్
"రావణ కుంభకర్ణులె తిరంబగు రక్షణ నిచ్చు దైవముల్"
తొలగించండి👌🙏
పెరియార్ రామసామి నాయికర్
__/\__
తొలగించండిమిత్రులందఱకు నమస్సులు!
రిప్లయితొలగించండి[హనుమంతుఁడు శ్రీరామునితోఁ బలికిన సందర్భము]
"చేవయె యుండి, రామ! మతి చిక్కి కృశించిన మట్టిబుఱ్ఱలై,
దీవిని లంకనుం గల మదించిన రాక్షసజాతికంతకున్
దేవత లందఱుం గనఁగ, నీచ నికృష్టపు సేవకాళియౌ;
రావణ కుంభకర్ణులె, తిరంబగు రక్షణ నిచ్చు దైవముల్!"
కృశించిన బదులు నశించిన అని పఠించఁగలరు.
తొలగించండిమీ పూరణ ప్రశస్తంగా ఉన్నది. అభినందనలు.
తొలగించండిధన్యవాదాలండీ శంకరయ్యగారూ!
తొలగించండిపావని లంకనున్ బహుళభంగుల గాల్పుచు దైత్యకోటికిన్
రిప్లయితొలగించండిజేవను జూపుచున్ బలికె "సిద్ధము నాశన మిందు దెత్తురీ
రావణ కుంభకర్ణులె, తిరంబగు రక్షణ నిచ్చు దైవముల్
కావున రామలక్ష్మణుల కాళ్ళకు మ్రొక్క శుభంబు మీకగున్"
మీ పూరణ ప్రశస్తంగా ఉన్నది. అభినందనలు.
తొలగించండిఆ వరముల్విశేషము దశాన నుడట్లు తపమ్ముతో మహా
రిప్లయితొలగించండిదేవుని నుండిపొందియురు ధీరపరాక్రమవంతుడై ప్రజా
సేవలు సేయుచుం బ్రజల క్షేమము గాంచెను లంకవారికిన్
రావణ కుంభకర్ణులె తిరంబగు రక్షణ నిచ్చు దైవముల్.
మీ పూరణ బాగున్నది. అభినందనలు.
తొలగించండిసింహళమున వసించెడు స్త్రీ పురుషులు
రిప్లయితొలగించండితలచు చుందురు మనమున దైవము లని
రావణడు కుంభకర్ణుడు: రక్ష మనకు
ననుచు కూర్మితో కొలిచెద రనవరతము.
మీ పూరణ బాగున్నది. అభినందనలు.
తొలగించండిసీతను తనపురమునకు చేర్చె నెవరు
రిప్లయితొలగించండినారు నెలలు నిదురబోవు నసురు డెవరు
రామ నామమే మిచ్చును రమ్య గతిని
రావణుడు,కుంభకర్ణుడు, రక్ష మనకు
మీ క్రమాలంకార పూరణ బాగున్నది. అభినందనలు.
తొలగించండినా సవరణలను వాట్సప్ లో చూడండి.
పావని సీత నా యసుర భామిను లొంటిగ జేసి లంకలో
రిప్లయితొలగించండినీ విధి క్రూర వాక్కులను నేచిరి మాటికి నేల రామునిం
దేవు డటంౘు వాగెదవు తిక్కగ మానవు డేమి దేవుడౌ
రావణ కుంభకర్ణులె తిరంబగు రక్షణ నిచ్చు దైవముల్.
మీ పూరణ ప్రశస్తంగా ఉన్నది. అభినందనలు.
తొలగించండిధన్యవాదాలు గురువు గారు.
తొలగించండి
రిప్లయితొలగించండిసీత నపహరించెనెవరు? చింత పడక
నారు నెలలు నిదురపోయినట్టి వాడి
తమ్ము డెవడోయి? రామయతండ్రి సూవె?
రావణుఁడు; కుంభకర్ణుఁడు; రక్ష మనకు.
జిలేబి
సహజమైన రజస్తమోసత్వ తత్వ
తొలగించండిరీతుల జెడుజేయు మొదటి రెంటి బోలు
రావణుఁడు కుంభకర్ణుఁడు ; రక్ష మనకు
సత్వగుణ శీలుడగు విభీషనుని వలన
మీ రెండు పూరణలు బాగున్నవి. అభినందనలు.
తొలగించండిఆరు నెలలు నిదురపోయినట్టివాడు కుంభకర్ణుడు. మరి వాని తమ్ముడు ?
రిప్లయితొలగించండిమైలవరపు వారి పూరణ
ఈవెవరయ్య స్వామి! యిటకెట్టుల వచ్చితి వార్ధి దాటి లం...
కా వరపట్టణమ్మునకు.,కావలి లంకిణి నేను.,బుద్ధిగా
నీవిక పొమ్ము నిన్ను జొరనీయను., దాటను వారి యాన., మా
రావణ కుంభకర్ణులె తిరంబగు రక్షణ నిచ్చు దైవముల్!!
మైలవరపు మురళీకృష్ణ వెంకటగిరి
మైలవరపు వారి పూరణ ప్రశస్తంగా ఉన్నది. అభినందనలు.
తొలగించండిశాప మొసగంగ సనకులు కోప మొంది
రిప్లయితొలగించండిప్రార్థ నలుజేయ పాదాలు పట్టి వేడ
వైర భక్తిని కొలచిన ధీర వరులు
రావణుఁడు కుంభకర్ణుఁడు, రక్ష మనకు.
మీ పూరణ బాగున్నది. అభినందనలు.
తొలగించండిత్రిజట మాటల నాలించి తీవ్రమైన
రిప్లయితొలగించండియాగ్రహమ్మున నొకకాంత యనియె నిటుల
దనుజురాలవు నీవిట్లు తగదు పలుక
రావణుఁడు కుంభకర్ణుఁడు రక్ష మనకు
మీ పూరణ బాగున్నది. అభినందనలు.
తొలగించండిమరొక పూరణ
రిప్లయితొలగించండిదేవివి కమ్ము రావణుకుతీరుగ సౌఖ్యము లబ్బు నీకిటన్
దేవుని మెప్పు పొందెగను ధీరత తోడను విశ్వ మందు తా
చేవను జూపి తెచ్చెనిను శీఘ్రము గానిట కంచె రుంగుమా
రావణ కుంభకర్ణులె తిరంబగు రక్షణ నిచ్చు దైవముల్"
మీ పూరణ బాగున్నది. అభినందనలు.
తొలగించండి
రిప్లయితొలగించండితావును వీడి సేవకులె ధాత్రిని బుట్టిరి లంకనేలుచున్
చావును కోరి తెచ్చుకొని చచ్చిరి శ్రేష్ఠుని చేతిలో సుమా
రావణ కుంభకర్ణులె; తిరంబగు రక్షణ నిచ్చు దైవముల్
పావను డాసనాతనియె! భారము వారిదె మానవా సదా
జిలేబి
మీ పూరణ బాగున్నది. అభినందనలు.
తొలగించండిపరుల కాంతలనాశించు పతితు డెవడు?
రిప్లయితొలగించండినిరతము నిదురించు చవట నేమనండ్రు?
యెల్ల దేవులఁ బూజింప నేమి ఫలము?
తెల్పుమికనీకు తెలిసిన తెలుగు బాల.
*రావణుఁడు, కుంభకర్ణుఁడు, రక్ష మనకు*
మీ పూరణ బాగున్నది. అభినందనలు.
తొలగించండి"చవట నేమనందు । రెల్ల దేవుల..." అనండి.
🙏 సరిజేతును.
తొలగించండిసేతువును కట్టి దాటెను కోతిమూక
రిప్లయితొలగించండిఏమి జరుగునో యికమీద యెరుగబోము
ప్రాణ హానంచు భయమును రాదు మనకు
రావణుఁడు కుంభకర్ణుఁడు రక్ష మనకు
మీ పూరణ బాగున్నది. అభినందనలు.
తొలగించండి'హాని+అంచు' అన్నపుడు సంధి లేదు. "ప్రాణహాని యనుచు భయము రాదు..." అనండి.
లంకనేలెడుదుష్టుల రాక్షసులగు
రిప్లయితొలగించండిరావణుఁడు కుంభకర్ణుఁడు; రక్ష మనకు
రామ నామమే,బల్కెవీరాంజనేయ
రామ శరమైనదియునువారలను జంప
మీ పూరణ బాగున్నది. అభినందనలు.
తొలగించండిదైత్య గణములు గుమి గూడి తలచెనిట్లు
రిప్లయితొలగించండివారధిని దాటి కపిసేన వఛ్చి చేరె
రావణుడు కుంభకర్ణుడు రక్ష మనకు
తోడు నీడ గ మన కిప్డు దురము నందు
మీ పూరణ బాగున్నది. అభినందనలు.
తొలగించండిఈ కామెంట్‌ను రచయిత తీసివేశారు.
రిప్లయితొలగించండిమహోదయా! నమస్సులతో,
రిప్లయితొలగించండిశుభోదయం.
నేటి పద్యపూరణ యత్నం-
రాక్షసులు మదోన్మత్తులై రాణుకెక్కె
వీరలనుజూసి మనమంత వెరువ వలదు
వినుము రాముడే శరణము ఘనము! నెట్లు
రావణుడు కుంభకర్ణుడు రక్ష మనకు?
నేటి రెండవ పద్యపూరణాయత్నం-
(రామలక్ష్మణులు వచ్చు వరకే రావణునికెదురు లేదు వారే ఇక్కడ దైవం .అదీ దైవము వల్లనే.మన లాంటి ధార్మికరాక్షసులకు భయం లేదని విభీషణుడు లాంటి వారు చర్చించుకుంటున్న సందర్భము.)
రావణ బ్రహ్మగా భువన రాజీవుడయ్యెను సాటి లేదిలన్
దైవము గాచగన్! వినుము దైత్యవరేణ్యుల కేల భీతియున్
ధీవరరామలక్ష్మణుల తేజము లంకకు సోక నంతకున్
రావణ కుంభకర్ణులె తిరంబగు రక్షణ నిచ్చు దైవముల్
-🌹-
మీ రెండు పూరణలు బాగున్నవి. అభినందనలు.
తొలగించండిధన్యవాదములు ఆర్యా!
తొలగించండిరావణ బ్రహ్మగా భువన రాజితుడయ్యెను సాటి లేదిలన్
దైవము గాచగన్! వినుము దైత్యవరేణ్యుల కేల భీతియున్
ధీవరరామలక్ష్మణుల తేజము లంకకు సోక నంతకున్
రావణ కుంభకర్ణులె తిరంబగు రక్షణ నిచ్చు దైవముల్
రాజసము,తామసంబులు రాజ్యమేల
రిప్లయితొలగించండిబంది జీవుడు,యాగుణంబులె మనగల
రావణుడు,కుంభకర్ణుడు;రక్షమనకు
సత్వగుణ రామునాశ్రయ సాధనంబు.
మీ పూరణ బాగున్నది. అభినందనలు.
తొలగించండిరెండవ పాదంలో యతి తప్పింది. సవరించండి.
చేవ గల్గిన రాముడు చేరులంక
రిప్లయితొలగించండిసమరమందున తప్పక యముని చేరు
రావణుఁడు, కుంభకర్ణుఁడు, రక్ష మనకు
దశరథ సుతుండు సతతమీ ధరణి పైన
మీ పూరణ బాగున్నది. అభినందనలు.
తొలగించండికావలి యేది దేశమున కావితనమ్ముకు ద్వేషమెంతయో
రిప్లయితొలగించండిలావుకొనంగ సాధువులఁ రాక్షసులై పరిమార్చు హంతకుల్
రావణ కుంభకర్ణులె! తిరంబగు రక్షణ నిచ్చు దైవముల్
లేవని చింత యేల? చెలరేగవలెన్ హృదిలోని శక్తియే౹౹
మీ పూరణ బాగున్నది. అభినందనలు.
తొలగించండిక్రొవ్విడి వెంకట రాజారావు:
రిప్లయితొలగించండిరామ లక్ష్మణు లిర్వురు రణము నందు
నాగ్రహమున దనుజసేన నణచు నపుడు
మనము నందు వారెల్లరు మానసించె
రావణుడు కుంభకర్ణుడు రక్ష మనకు
మీ పూరణ బాగున్నది. అభినందనలు.
తొలగించండితేటగీతి
రిప్లయితొలగించండిసీత మదిమార్చమను ప్రభు చిత్తమెంచి
కావరమనంగ మేలకొ సేవకులక
టంచు దాసిఁ గని పతి వచించె నిటుల
రావణుఁడు కుంభకర్ణుఁడు రక్ష మనకు
ఉత్పలమాల
ఆ వనమందు సీతనిడి యావిడ మార్చఁగ బూన్చె మమ్ములన్
గావర మెంతయో ననుచు గాసిలు దాసికి భర్తయిట్లనెన్
సేవకులైన వారు ప్రభుచిత్తము నెంచుటె? నీకు నాకు నా
రావణ కుంభకర్ణులె తిరంబగు రక్షణ నిచ్చు దైవముల్
మీ రెండు పూరణలు బాగున్నవి. అభినందనలు.
తొలగించండిహా విధి నేమనందుమిల నాసుర భావము పెచ్చరిల్లెగా
రిప్లయితొలగించండివావియు జాలియున్ మరచి బాలికలన్ చెరబట్టు కీచకుల్
భావన జేతురట్టి కులపాంసకులే విపరీత ధోరణిన్
రావణ కుంభకర్ణులె తిరంబగు రక్షణ నిచ్చు దైవముల్
మీ పూరణ బాగున్నది. అభినందనలు.
తొలగించండిచేవగలట్టి నీమగడు చేరును లంకకు దాటి సంద్రమున్
రిప్లయితొలగించండితావక రక్షణన్ సలుపు తప్పక, నీకిక చింత యేలనే
పావనుడైన రాఘవుడు భండనసల్పిన పాశిఁ జేరు నా
రావణ కుంభకర్ణులె, తిరంబగు రక్షణ నిచ్చు దైవముల్
మీ పూరణ బాగున్నది. అభినందనలు.
తొలగించండి*త్రిజట తన స్వప్న వృత్తాంతము తెలుపగా విని ఒక రాక్షసకాంత పలికిన మాటలుగా నూహించి*
రిప్లయితొలగించండికావగ వచ్చు రాఘవుడు కార్ముక మెత్తి వధించి రావణున్
బ్రోవగ వచ్చు నిన్ననుచు పొంకణముల్ వచియింతువేలనే
నీవొక దానవాంగనవు నీకును నాకును రాక్షసాళికిన్
రావణ కుంభకర్ణులె తిరంబగు రక్షణ నిచ్చు దైవముల్
మీ పూరణ బాగున్నది. అభినందనలు.
తొలగించండిక్రూరుడై యెల్ల జీవుల కూల్చు నొకడు
రిప్లయితొలగించండితిని పరుండెడి తామస దిత్యు డొకడు
దైవమును ధిక్కరించిన దనుజు లెటుల
రావణుఁడు కుంభకర్ణుఁడు రక్ష మనకు?
మీ పూరణ బాగున్నది. అభినందనలు.
తొలగించండిస్వంతయన్నదమ్ములువిశ్వవసునిసుతులు
రిప్లయితొలగించండిరావణుడుకుంభకర్ణుడు,రక్షమనకు
నేకపత్నీవ్రతుడురాముడేకదికను
బరగనాదర్శదంపతులరయవారు
మీ పూరణ బాగున్నది. అభినందనలు.
తొలగించండియుద్ధమందునమడిసిరియోధులైన
రిప్లయితొలగించండిరావణుఁడు కుంభకర్ణుఁడు, రక్ష మనకు
నింక శ్రీరామచంద్రుడు శంకవీడి
శరణుగోరినతప్పక కరుణజూపు!
మీ పూరణ బాగున్నది. అభినందనలు.
తొలగించండిభయము సెందక పోరుఁడు పాఱ నేల
రిప్లయితొలగించండిరామ లక్ష్మణ కోదండ రక్షిత ప్ర
చండ భల్లూక మర్కట భండనమున
రావణుఁడు కుంభకర్ణుఁడు రక్ష మనకు
వే వడి రాజి రామునకు వీరులు వీరలు బ్రహ్మవంశ స
ద్భావ వరౌఘ దర్పిత సుబాహు పరాక్రమ విక్రమార్జితుల్
పావన లంకఁ గాచెడు నపార రుషాత్ములు దైత్యకోటికిన్
రావణ కుంభకర్ణులె తిరంబగు రక్షణ నిచ్చు దైవముల్
మీ రెండు పూరణలు అద్భుతంగా ఉన్నవి. అభినందనలు.
తొలగించండిపూజ్యులు శంకరయ్య గారికి నమః పూర్వక ధన్యవాదములు.
తొలగించండియుద్ధభూమిలో రాక్షససేనల మనోభావన
రిప్లయితొలగించండిఆవల యుద్ధరంగమున నండగనుండగ కోతిమూకలే
చేవనుజూపుచున్ గదలి చేగొనసీతను ధర్మమార్గమున్
వావిరి యస్త్రశస్త్రముల భండనభీముడు రాముధాటికిన్
రావణ కుంభకర్ణులె తిరంబగు రక్షణనిచ్చు దైవముల్!
మీ పూరణ బాగున్నది. అభినందనలు.
తొలగించండిచేవనుజూపగానరుగుశ్రీహనుమంతునిజూచిరాక్షసుల్
రిప్లయితొలగించండిరావణకుంభకర్ణులెతిరంబగురక్షణనిచ్చుదైవముల్
బోవకువారిజోలికినిబూతమనస్కుడ!యాంజనేయుడా
నీవయెప్రాణదాతవికనీకిదెదండముస్వీకరించుమా
మీ పూరణ బాగున్నది. అభినందనలు.
తొలగించండిరణమునందున రాక్షసుల్ గణనజేసి
రిప్లయితొలగించండిరావణుడు కుంభకర్ణుడు రక్షమనకు
లంకజనులకు శంకేల బింకమందు
నిలువుడంచును దెలిపిరి నేతలంత.
మీ పూరణ బాగున్నది. అభినందనలు.
తొలగించండిసుందరకాండ లో సందర్బంగా...
రిప్లయితొలగించండిఉ:
భూవరు లెవ్వరేని జన పూజితులై నలరారు రాజ్యమున్
కావగ వచ్చు వారలనె గానక మాటలు నింద మోపుచున్
భావన సేయగన్ దగదు భారమటంచన లంక ఱేడులన్
రావణ కుంభకర్ణులె తిరంబగు రక్షణ నిచ్చు దైవముల్
వై. చంద్రశేఖర్
మీ పూరణ బాగున్నది. అభినందనలు.
తొలగించండిధన్యవాదములు
తొలగించండిరామచంద్రుడు రాలేడు లంకవరకు
రిప్లయితొలగించండిమనసు మార్చుకొనిన నీకు మంచిదగును
రావణుఁడు కుంభకర్ణుఁడు రక్ష మనకు
ననుచు నొకకాంత బలికెను ననునయముగ!!!
మీ పూరణ బాగున్నది. అభినందనలు.
తొలగించండిరమణి సీతను మ్రుచ్చిలు రాజు యెవడు?
రిప్లయితొలగించండినారు మాసముల్ నిదురించు నసురుడెవరు?
రామనామము జపియింప నేమి గలుగు?
రావణుఁడు, కుంభకర్ణుఁడు, రక్షమనకు!!!
మీ పూరణ బాగున్నది. అభినందనలు.
తొలగించండి"రా జెవండు" అనండి.
సహజమైన రజస్తమోసత్వ తత్వ
రిప్లయితొలగించండిరీతుల జెడుజేయు మొదటి రెంటి బోలు
రావణుఁడు కుంభకర్ణుఁడు ; రక్ష మనకు
సత్వగుణ శీలుడగు విభీషనుని వలన
మీ పూరణ బాగున్నది. అభినందనలు.
తొలగించండిఅందరికీ నమస్సులు🙏
రిప్లయితొలగించండిలంకారాజ్యము లోనివారి మాటలు...
తే"
సేతు నిర్మించె లంకను సేయ క్షయము
కొరివి పెట్టిన యట్టి వానరుని ప్రభువు
చెరను మగ్గునట్టి యబల సీత విభుడ
ట, శతృ దుర్భేద్య కోటనుండ భయమేల
*రావణుడు కుంభకర్ణుడు రక్ష మనకు*
వాణిశ్రీ నైనాల, హైదరాబాద్
రిప్లయితొలగించండికందోత్పల
హనుమా ! తిరుగుమికన్! ప్రబ
లిన రావణ కుంభకర్ణులె తిరంబగు ర
క్షణ నిచ్చు దైవముల్ మా
కనుచున్ లంకిణి పలికెను కంద జిలేబీ
జిలేబి
ఈ కామెంట్‌ను రచయిత తీసివేశారు.
తొలగించండిఅందరికీ నమస్సులు 🙏
రిప్లయితొలగించండి(అశోకవనంలో సీతమ్మతో రాక్షసి పలుకులవలె)..
*ఉ మా*
దేవుడు రాముడే యనుచు తేలును కాదన నెవ్వరే యిలన్
రావణు డుండగా నసుర రాజ్యము నందున వేరుగా ననన్
నీవిల నెన్నియున్ పలుకు నిక్కము మాకిది నొప్పుటే సదా
*"రావణ కుంభకర్ణులె తిరంబగు రక్షణ నిచ్చు దైవముల్"*
*కళ్యాణ్ చక్రవర్తి, ముంబాయి*
🙏😊🙏