11-10-2022 (మంగళవారం)కవిమిత్రులారా,ఈరోజు పూరింపవలసిన సమస్య ఇది...“దేవుఁడు లేఁడనుచు నమ్మి నిత్యముఁ గొలుతున్”(లేదా...)“దేవుఁడు లేఁడు లేఁడని మదిన్ నెఱనమ్ముచుఁ గొల్తు నిచ్చలున్”
పావని నిత్యము కొలిచెడు పావన చరితుండు రామ భద్రుడొకడె నా దైవమని వాని కన్నన్దేవుడు లేడనుచు నమ్మి నిత్యము కొలుతున్.
కందంకావఁగ బిల్వఁగఁ గరి దీనావనుడై గాచె హరి నిరాయుధ గమనుండా వరదు సాటి దగెడున్దేవుఁడు లేఁడనుచు నమ్మి నిత్యముఁ గొలుతున్ఉత్పలమాలకావ గజేంద్రునిన్ శరణు గైకొని వేగ నిరాయుధుండు దీనావనుఁడంచనన్ గదిలి నమ్మిన రీతిగ బ్రోచినాడనన్సేవలొనర్చి మాధవుని చిన్మయ రూపుని వాని మించెడున్దేవుఁడు లేఁడు లేఁడని మదిన్ నెఱనమ్ముచుఁ గొల్తు నిచ్చలున్
కందం భావింప గురువె బ్రహ్మయు శ్రీవిష్ణువు నీశ్వరుండు చిన్మయుఁడతఁడే కావున సద్గురు కంటెన్దేవుఁడు లేఁడనుచు నమ్మి నిత్యముఁగొలుతున్.
ఉ.జీవుడు కార్యసాధనకు జెల్లుగ సేవల నందజేయుటన్*దేవుఁడు లేఁడు లేఁడని మదిన్ నెఱనమ్ముచుఁ గొల్తు నిచ్చలున్*గావగ గోరు, నాస్తికుడు కాలుని జేరుట రూఢమే తుదన్త్రోవరి భక్తుడే సురల స్తోత్రముచే పురుషార్థ లభ్యమౌ.
పావనమౌ శివ రూపముభావము నందునను నిల్ప వాంఛలు దీర్చున్గావగ వానికి సాటిగదేవుడు లేడ నుచు నమ్మి నిత్యము గొలుతున్
కావగరమ్ము వేగ జలకంటక మొక్కటి పట్టెనంచు దంతావళమార్తిగన్ బిలువ తక్షణమే యట కేగుదెంచి రాజీవముఁ బ్రోచినట్టి పురుజిత్తు ముకుందుని మించి నట్టి యే దేవుఁడు లేఁడు లేఁడని మదిన్ నెఱనమ్ముచుఁ గొల్తు నిచ్చలున్.
ఉత్పలమాల భావనఁజేతుసద్గురువెబ్రహ్మయు,విష్ణు,మహేశుఁడంచు,సంభావనఁజేతు నాయెదుట వర్తిలు దైవమె యంచు మూర్ఖతా భావము బాపి జ్ఞానమును పంచు మహాత్ముని కంటెనిమ్మహిన్దేవుఁడు లేఁడు లేఁడని మదిన్ నెఱనమ్ముచు గొల్తు నిచ్చలున్.
నీవు చరాచరప్రచయ నేతవు శంకర! భక్తపాల! రాజీవదళాక్ష! ఫాలశశిశేఖర! సంతత సజ్జనావలింబ్రోవవె యెల్లవేళలను, ముక్కనుదేవర! నీకు సాటి... యేదేవుఁడు లేఁడు లేఁడని మదిన్ నెఱనమ్ముచుఁ గొల్తు నిచ్చలున్.
ఠీవిగ మా సంసారపునావను కష్టపడకుండ నడుపుట జూడన్కావగ భర్తను మించినదేవుఁడు లేఁడనుచు నమ్మి తేటగ గొలుతున్
జీవాత్మకుపరమాత్మవునీవేగదమమ్ముగాచి నిర్వృతినిడగన్కైవల్యంబిడకుండందేవుఁడు లేఁడనుచు నమ్మి నిత్యముఁ గొలుతున్
జీవన యాత్రను గడపగఁబావనుఁ డా రామభద్రుఁ బరిరక్షణలోఁగావఁగ రాముని మించినదేవుఁడు లేఁడనుచు నమ్మి నిత్యముఁ గొలుతున్
జీవన యాత్రనుం గడుప శ్రీకరుఁ డొక్కఁడె తప్ప వేరుగా దేవుఁడు లేఁడు లేఁడని మదిన్ నెఱనమ్ముచుఁ గొల్తు నిచ్చలున్ బావనుఁ డాతడే భువిని బార్వతి నాథుగఁ దిష్థ వేసె నా గ్రావము మీద కాలునిగ ,గోపతి,ధూర్జటి నామకంబు తో
జీవన నౌకను నడిపెడుదేవుడు పరమేశుడంచు తిరముగ మదిలోభావించి హరుని కంటెన్దేవుడు లేఁడనుచు నమ్మి నిత్యముఁ గొలుతున్
భావనయందు సమున్నతిజీవనమందున నణకువ జీవులపట్లన్సేవాభావము కన్నన్దేవుఁడు లేఁడనుచు నమ్మి నిత్యముఁ గొలుతున్
జీవులపట్ల నెమ్మియును జీవనమందున సత్య నిష్ఠయున్భావనలో సమున్నతియు పాయక పేదల సేవ సల్పుటల్దేవుని యర్చనంబునకు దీటగు, నింతకుమించి వేరుగాదేవుఁడు లేఁడు లేఁడని మదిన్ నెఱనమ్ముచుఁ గొల్తు నిచ్చలున్
ఈ విశ్వమ్మున మఱి యేతావునను వెదకిన నంద తాఁ గనిపించున్ భావింపఁగ దూరమునన్దేవుఁడు లేఁడనుచు నమ్మి నిత్యముఁ గొలుతున్పావన మానసమ్మునను వంచన నేరక సుంత యేనియున్ జీవన యాత్ర నివ్వసుధఁ జెన్నుగఁ జేయుచు ధర్మ బద్ధుఁడై వావిరి గొల్వ డెందమున భక్తినిఁ గావని నిర్దయుండునౌ దేవుఁడు లేఁడు లేఁడని మదిన్ నెఱ నమ్ముచుఁ గొల్తు నిచ్చలున్
మరొక పూరణకావుమటంచువేడగనె కావగవచ్చెను శంఖచక్రముల్నేవియుదాల్చకుండగను నేనిక గావగనెంచుచున్మదిన్జీవుల బ్రోవగాదలచు శ్రీహరి కన్నను పుణ్యశీలుడౌ*"దేవుఁడు లేఁడు లేఁడని మదిన్ నెఱనమ్ముచుఁ గొల్తు నిచ్చలున్”*
దేవుని నమ్మి నామదిని తేపకు తేపకుప్రస్తుతించినన్నావెతలన్ హరించుమని నాపయి జాలినిచూపుమంచు నేబావురుమంచునేడ్చినను బ్రామిడి మానసుడేలబ్రోవడోదేవుడు లేడు లేడని మదిన్ నెరనమ్ముచుగొల్తు నిచ్చలున్
జీవునిగానన్ని యమరశ్రీవాణి కృపను జదివితి,చేరితి కొలువున్పావన మూర్తిని మించిన“దేవుఁడు లేఁడనుచు నమ్మి నిత్యముఁ గొలుతున్”
జీవనమందు బొందితిని శ్రీకర సౌఖ్యములన్ని మీదయన్కావగ దీనునిన్ కరుణ కర్తగ శంకర దేవరా ! ననున్నావగ దాటవేసితివి నాప్రభు నమ్ముదు మిమ్ముమించి యే“దేవుఁడు లేఁడు లేఁడని మదిన్ నెఱనమ్ముచుఁ గొల్తు నిచ్చలున్
కామెంట్ను పోస్ట్ చేయండి
26 కామెంట్లు:
పావని నిత్యము కొలిచెడు
పావన చరితుండు రామ భద్రుడొకడె నా
దైవమని వాని కన్న
న్దేవుడు లేడనుచు నమ్మి నిత్యము కొలుతున్.
కందం
కావఁగ బిల్వఁగఁ గరి దీ
నావనుడై గాచె హరి నిరాయుధ గమనుం
డా వరదు సాటి దగెడున్
దేవుఁడు లేఁడనుచు నమ్మి నిత్యముఁ గొలుతున్
ఉత్పలమాల
కావ గజేంద్రునిన్ శరణు గైకొని వేగ నిరాయుధుండు దీ
నావనుఁడంచనన్ గదిలి నమ్మిన రీతిగ బ్రోచినాడనన్
సేవలొనర్చి మాధవుని చిన్మయ రూపుని వాని మించెడున్
దేవుఁడు లేఁడు లేఁడని మదిన్ నెఱనమ్ముచుఁ గొల్తు నిచ్చలున్
కందం
భావింప గురువె బ్రహ్మయు
శ్రీవిష్ణువు నీశ్వరుండు చిన్మయుఁడతఁడే
కావున సద్గురు కంటెన్
దేవుఁడు లేఁడనుచు నమ్మి నిత్యముఁగొలుతున్.
ఉ.
జీవుడు కార్యసాధనకు జెల్లుగ సేవల నందజేయుటన్
*దేవుఁడు లేఁడు లేఁడని మదిన్ నెఱనమ్ముచుఁ గొల్తు నిచ్చలున్*
గావగ గోరు, నాస్తికుడు కాలుని జేరుట రూఢమే తుదన్
త్రోవరి భక్తుడే సురల స్తోత్రముచే పురుషార్థ లభ్యమౌ.
పావనమౌ శివ రూపము
భావము నందునను నిల్ప వాంఛలు దీర్చున్
గావగ వానికి సాటిగ
దేవుడు లేడ నుచు నమ్మి నిత్యము గొలుతున్
కావగరమ్ము వేగ జలకంటక మొక్కటి పట్టెనంచు దం
తావళమార్తిగన్ బిలువ తక్షణమే యట కేగుదెంచి రా
జీవముఁ బ్రోచినట్టి పురుజిత్తు ముకుందుని మించి నట్టి యే
దేవుఁడు లేఁడు లేఁడని మదిన్ నెఱనమ్ముచుఁ గొల్తు నిచ్చలున్.
ఉత్పలమాల
భావనఁజేతుసద్గురువెబ్రహ్మయు,విష్ణు,మహేశుఁడంచు,సం
భావనఁజేతు నాయెదుట వర్తిలు దైవమె యంచు మూర్ఖతా
భావము బాపి జ్ఞానమును పంచు మహాత్ముని కంటెనిమ్మహిన్
దేవుఁడు లేఁడు లేఁడని మదిన్ నెఱనమ్ముచు గొల్తు నిచ్చలున్.
నీవు చరాచరప్రచయ నేతవు శంకర! భక్తపాల! రా
జీవదళాక్ష! ఫాలశశిశేఖర! సంతత సజ్జనావలిం
బ్రోవవె యెల్లవేళలను, ముక్కనుదేవర! నీకు సాటి... యే
దేవుఁడు లేఁడు లేఁడని మదిన్ నెఱనమ్ముచుఁ గొల్తు నిచ్చలున్.
ఠీవిగ మా సంసారపు
నావను కష్టపడకుండ నడుపుట జూడన్
కావగ భర్తను మించిన
దేవుఁడు లేఁడనుచు నమ్మి తేటగ గొలుతున్
జీవాత్మకుపరమాత్మవు
నీవేగదమమ్ముగాచి నిర్వృతినిడగన్
కైవల్యంబిడకుండం
దేవుఁడు లేఁడనుచు నమ్మి నిత్యముఁ గొలుతున్
జీవన యాత్రను గడపగఁ
బావనుఁ డా రామభద్రుఁ బరిరక్షణలోఁ
గావఁగ రాముని మించిన
దేవుఁడు లేఁడనుచు నమ్మి నిత్యముఁ గొలుతున్
జీవన యాత్రనుం గడుప శ్రీకరుఁ డొక్కఁడె తప్ప వేరుగా
దేవుఁడు లేఁడు లేఁడని మదిన్ నెఱనమ్ముచుఁ గొల్తు నిచ్చలున్
బావనుఁ డాతడే భువిని బార్వతి నాథుగఁ దిష్థ వేసె నా
గ్రావము మీద కాలునిగ ,గోపతి,ధూర్జటి నామకంబు తో
జీవన నౌకను నడిపెడు
దేవుడు పరమేశుడంచు తిరముగ మదిలో
భావించి హరుని కంటె
న్దేవుడు లేఁడనుచు నమ్మి నిత్యముఁ గొలుతున్
భావనయందు సమున్నతి
జీవనమందున నణకువ జీవులపట్లన్
సేవాభావము కన్న
న్దేవుఁడు లేఁడనుచు నమ్మి నిత్యముఁ గొలుతున్
జీవులపట్ల నెమ్మియును జీవనమందున సత్య నిష్ఠయున్
భావనలో సమున్నతియు పాయక పేదల సేవ సల్పుటల్
దేవుని యర్చనంబునకు దీటగు, నింతకుమించి వేరుగా
దేవుఁడు లేఁడు లేఁడని మదిన్ నెఱనమ్ముచుఁ గొల్తు నిచ్చలున్
ఈ విశ్వమ్మున మఱి యే
తావునను వెదకిన నంద తాఁ గనిపించున్
భావింపఁగ దూరమునన్
దేవుఁడు లేఁడనుచు నమ్మి నిత్యముఁ గొలుతున్
పావన మానసమ్మునను వంచన నేరక సుంత యేనియున్
జీవన యాత్ర నివ్వసుధఁ జెన్నుగఁ జేయుచు ధర్మ బద్ధుఁడై
వావిరి గొల్వ డెందమున భక్తినిఁ గావని నిర్దయుండునౌ
దేవుఁడు లేఁడు లేఁడని మదిన్ నెఱ నమ్ముచుఁ గొల్తు నిచ్చలున్
మరొక పూరణ
కావుమటంచువేడగనె కావగవచ్చెను శంఖచక్రముల్
నేవియుదాల్చకుండగను నేనిక గావగనెంచుచున్మదిన్
జీవుల బ్రోవగాదలచు శ్రీహరి కన్నను పుణ్యశీలుడౌ
*"దేవుఁడు లేఁడు లేఁడని మదిన్ నెఱనమ్ముచుఁ గొల్తు నిచ్చలున్”*
దేవుని నమ్మి నామదిని తేపకు తేపకు
ప్రస్తుతించినన్
నావెతలన్ హరించుమని నాపయి జాలిని
చూపుమంచు నే
బావురుమంచునేడ్చినను బ్రామిడి మానసు
డేలబ్రోవడో
దేవుడు లేడు లేడని మదిన్ నెరనమ్ముచు
గొల్తు నిచ్చలున్
జీవునిగానన్ని యమర
శ్రీవాణి కృపను జదివితి,చేరితి కొలువున్
పావన మూర్తిని మించిన
“దేవుఁడు లేఁడనుచు నమ్మి నిత్యముఁ గొలుతున్”
జీవనమందు బొందితిని శ్రీకర సౌఖ్యములన్ని మీదయన్
కావగ దీనునిన్ కరుణ కర్తగ శంకర దేవరా ! ననున్
నావగ దాటవేసితివి నాప్రభు నమ్ముదు మిమ్ముమించి యే
“దేవుఁడు లేఁడు లేఁడని మదిన్ నెఱనమ్ముచుఁ గొల్తు నిచ్చలున్
కామెంట్ను పోస్ట్ చేయండి