23-10-2022 (ఆదివారం)కవిమిత్రులారా,ఈరోజు పూరింపవలసిన సమస్య ఇది...“వారకామినులం జేరువాఁడు బుధుఁడు”(లేదా...)“వారక వారకామినుల వద్దకుఁ జేరెడివాఁడు విజ్ఞుఁడౌ”
చిఱు నగవు మోము గలుగుచు శిరము నిమిరి సాను నయముగ వర్తిల్లి సరసఁజేరి మృదు మధురముగఁ బలుకుచు మిక్కిలి చెలు వార,కామినులం జేరువాఁడు బుధుఁడు
వ్యర్థ వెసనములోబడి వంతపడునువారకామినులం జేరువాఁడు, బుధుఁడువిడక సన్మార్గ మెన్నడు వెఱపు లేకసకల సంపద లలరఁగ సౌఖ్యమొందు.
విజ్ఞుడవని యడిగెదనో వేమనార్య యాశ్రితులనాదరించుచు ననవరతముతల్లిదండ్రుల కొలుచు నందనుని కన్న వారకామినులం జేరువాఁడు బుధుఁడు? నేరక యడ్గుచుంటినిది నీవొక విజ్ఞుడవంచు తెల్పుమా కూరిమి జూపుచున్ బరమ కూళుల నైన క్షమించుచున్ సదాపేరిమి దల్లిదండ్రులిల వేల్పులటంచను వాడి కన్న నావారక వారకామినుల వద్దకుఁ జేరెడివాఁడు విజ్ఞుఁడౌ ? (పై రెండు పద్యములు వేమనను అతని వదినగారు అడిగినట్లుగా నూహించి వ్రాసినవి)
మారడు గాక మారఁడిక మాపులు రేపులె యెన్ని వచ్చినన్ వారక వారకామినుల వద్దకుఁ జేరెడివాఁడు ,విజ్ఞుఁడౌ కారణ భూతుఁడౌచునిల గాఁగల జన్మకు నాందిఁ బల్కనౌ భూరిగ దానధర్మములు బ్రీతిని జేయుచు నుండు వాడహా
తేటగీతివేద శాస్త్రముల్ చదివిన విబుధుఁడగునుచదువు సంధ్యలు విడనాడి సంతతంబువారకామినులంజేరు వాఁడు బుధుడుకాఁడు, ముమ్మాటికిని మిండగాఁడె యగును.
ఉత్పలమాల వారక వారకామినుల వద్దకుఁజేరెడు వాఁడు విజ్ఞుడౌ నా?రహి మోహ వార్నిధి జనంబులు నవ్వగ మున్గి పోవు,సంసారము సారహీనమగు సారెకు భార్యయు తిట్టుచుండు వ్యాపారములందు నష్టములు వచ్చును కావుననాతఁడజ్ఞుఁడౌ.
కూళుడె యనువగు గృహిణి కొంపనుండవారకామినులం జేరువాఁడు ; బుధుఁడుతన సతినె కామినిగమార్చి ధన్యు డౌనుస్థితి ననుకూలముగ మార్చ సిద్ధియగును
తలిరు విలుకాని శరముల ధాటికి చెలువార కామినులం జేరువాఁడు బుధుఁడుకాదు వానికి జనకుడౌ కాంతి మతుడుతార గర్భమునకుతానె కారకుండు
కోరికలుప్పతిల్ల మది కూళతనమ్మున లజ్జవీడితావారక వారకామినుల వద్దకుఁ జేరెడివాఁడు విజ్ఞుఁడౌనేరడు, బుద్ధిహీనుడగు, నేరము కాదొకొ నీతి వీడినన్దూరము వెట్టగా నెలమి దుష్టుని రీతిగనెంచి వానినిన్
జీవితమ్మున నిండిన చీకటులనుతొలగచేయుచునుసుఖసంతోషములనునింపనెంచిహితవుతెల్ప నెమ్మితోడవారకామినులన్ చేరువాడు బుధుడు
మరొక పూరణడా బల్లూరి ఉమాదేవి వేరుమార్గము కానకవిటులొసంగుధనముపైయావతోడనుదారితప్పిసంచరించెడువారికి సన్మతినిడవారకామినులన్ జేరువాడు బుధుడు
మనుజు లందున భేదాలు మాన్పు కొఱకుసంఘ జీవన మందున సమత బెంచవారి తల వ్రాత మార్చెడు వాంఛ తోడవార కామినులo జేరు వాడు బుధుడు
చేరుటకు నుండుఁ గనఁ బెక్కు కారణములు పాడు చింత లేల నెదల భామ లందు మే నలర వచించిరి యిట్లు నేను గన్న వా రకామినులం జేరు వాఁడు బుధుఁడుకా రిల వారు నైజమునఁ గామిను లెన్నఁగ శుద్ధ బుద్ధినిన్ దారుణ మైన వేళలను దామర సాక్షులు దారిఁ దప్పఁగాఁ గోరుచు నుద్ధరింపఁ దగఁ గూరిమి మీఱఁగ మంద భాగ్యలన్ వారక వారకామినుల వద్దకుఁ జేరెడి వాఁడు విజ్ఞుఁడౌ
బుద్ధిలేనివారు భువిని మూర్ఖు లౌచు"వారకామినులన్ జేరు, వాడు బుధుడు"ఇంటగృహకాంతతోనుండు నెళ్ళవేళసంతసమ్ముగ సంసార సాగరమున
తేటగీతిఆ త్రిమూర్తుల కామినులందజేయవిద్యనైశ్వర్యమున్ శక్తి వేడ్కగానుతల్లులంచును నర్చింపఁ దైన్యతఁ జెలువార కామినులం జేరువాఁడు బుధుఁడుఉత్పలమాలమేరలు లేని యాకలికు మేదిని యెట్టి యుపాధి లేదనన్భారమునైన నా బ్రతుకు వారలు నెంచిరటంచు ఖిన్నులైవారలఁ బ్రోవ గౌరవ యుపాధికి మార్గము సూపు దీక్షతోవారక వారకామినుల వద్దకుఁ జేరెడివాఁడు విజ్ఞుఁడౌ
దారుణ కృత్యమంచునిది దంపతులెందరొ దూరమైరిలన్మారుము సంఘమందుకడు మాన్యత నొందుము మీరలంచు, మీతీరును మార్చు కొండనుచు తెల్పుచు వారల వాడలందునన్“వారక, వారకామినుల వద్దకుఁ జేరెడివాఁడు విజ్ఞుఁడౌ”
చేరి వచించుచున్ గరము చెన్నగు మాటల చిన్నపిల్లలన్దూరముచేసి పెద్దలకు దోష మనస్కులు సాని వాడలన్చేరిచి యమ్మివేయగను, చేయ విముక్తి పవిత్ర చిత్తులైవారక వారకామినుల వద్దకుఁ జేరెడివాఁడు విజ్ఞుఁడౌ
కామెంట్ను పోస్ట్ చేయండి
17 కామెంట్లు:
చిఱు నగవు మోము గలుగుచు శిరము నిమిరి
సాను నయముగ వర్తిల్లి సరసఁజేరి
మృదు మధురముగఁ బలుకుచు మిక్కిలి చెలు
వార,కామినులం జేరువాఁడు బుధుఁడు
వ్యర్థ వెసనములోబడి వంతపడును
వారకామినులం జేరువాఁడు, బుధుఁడు
విడక సన్మార్గ మెన్నడు వెఱపు లేక
సకల సంపద లలరఁగ సౌఖ్యమొందు.
విజ్ఞుడవని యడిగెదనో వేమనార్య
యాశ్రితులనాదరించుచు ననవరతము
తల్లిదండ్రుల కొలుచు నందనుని కన్న
వారకామినులం జేరువాఁడు బుధుఁడు?
నేరక యడ్గుచుంటినిది నీవొక విజ్ఞుడవంచు తెల్పుమా
కూరిమి జూపుచున్ బరమ కూళుల నైన క్షమించుచున్ సదా
పేరిమి దల్లిదండ్రులిల వేల్పులటంచను వాడి కన్న నా
వారక వారకామినుల వద్దకుఁ జేరెడివాఁడు విజ్ఞుఁడౌ ?
(పై రెండు పద్యములు వేమనను అతని వదినగారు అడిగినట్లుగా నూహించి వ్రాసినవి)
మారడు గాక మారఁడిక మాపులు రేపులె యెన్ని వచ్చినన్
వారక వారకామినుల వద్దకుఁ జేరెడివాఁడు ,విజ్ఞుఁడౌ
కారణ భూతుఁడౌచునిల గాఁగల జన్మకు నాందిఁ బల్కనౌ
భూరిగ దానధర్మములు బ్రీతిని జేయుచు నుండు వాడహా
తేటగీతి
వేద శాస్త్రముల్ చదివిన విబుధుఁడగును
చదువు సంధ్యలు విడనాడి సంతతంబు
వారకామినులంజేరు వాఁడు బుధుడు
కాఁడు, ముమ్మాటికిని మిండగాఁడె యగును.
ఉత్పలమాల
వారక వారకామినుల వద్దకుఁజేరెడు వాఁడు విజ్ఞుడౌ
నా?రహి మోహ వార్నిధి జనంబులు నవ్వగ మున్గి పోవు,సం
సారము సారహీనమగు సారెకు భార్యయు తిట్టుచుండు వ్యా
పారములందు నష్టములు వచ్చును కావుననాతఁడజ్ఞుఁడౌ.
కూళుడె యనువగు గృహిణి కొంపనుండ
వారకామినులం జేరువాఁడు ;
బుధుఁడు
తన సతినె కామినిగమార్చి ధన్యు డౌను
స్థితి ననుకూలముగ మార్చ సిద్ధియగును
తలిరు విలుకాని శరముల ధాటికి చెలు
వార కామినులం జేరువాఁడు బుధుఁడు
కాదు వానికి జనకుడౌ కాంతి మతుడు
తార గర్భమునకుతానె కారకుండు
కోరికలుప్పతిల్ల మది కూళతనమ్మున లజ్జవీడితా
వారక వారకామినుల వద్దకుఁ జేరెడివాఁడు విజ్ఞుఁడౌ
నేరడు, బుద్ధిహీనుడగు, నేరము కాదొకొ నీతి వీడినన్
దూరము వెట్టగా నెలమి దుష్టుని రీతిగనెంచి వానినిన్
జీవితమ్మున నిండిన చీకటులను
తొలగచేయుచునుసుఖసంతోషములను
నింపనెంచిహితవుతెల్ప నెమ్మితోడ
వారకామినులన్ చేరువాడు బుధుడు
మరొక పూరణ
డా బల్లూరి ఉమాదేవి
వేరుమార్గము కానకవిటులొసంగు
ధనముపైయావతోడనుదారితప్పి
సంచరించెడువారికి సన్మతినిడ
వారకామినులన్ జేరువాడు బుధుడు
మనుజు లందున భేదాలు మాన్పు కొఱకు
సంఘ జీవన మందున సమత బెంచ
వారి తల వ్రాత మార్చెడు వాంఛ తోడ
వార కామినులo జేరు వాడు బుధుడు
చేరుటకు నుండుఁ గనఁ బెక్కు కారణములు
పాడు చింత లేల నెదల భామ లందు
మే నలర వచించిరి యిట్లు నేను గన్న
వా రకామినులం జేరు వాఁడు బుధుఁడు
కా రిల వారు నైజమునఁ గామిను లెన్నఁగ శుద్ధ బుద్ధినిన్
దారుణ మైన వేళలను దామర సాక్షులు దారిఁ దప్పఁగాఁ
గోరుచు నుద్ధరింపఁ దగఁ గూరిమి మీఱఁగ మంద భాగ్యలన్
వారక వారకామినుల వద్దకుఁ జేరెడి వాఁడు విజ్ఞుఁడౌ
బుద్ధిలేనివారు భువిని మూర్ఖు లౌచు
"వారకామినులన్ జేరు, వాడు బుధుడు"
ఇంటగృహకాంతతోనుండు నెళ్ళవేళ
సంతసమ్ముగ సంసార సాగరమున
తేటగీతి
ఆ త్రిమూర్తుల కామినులందజేయ
విద్యనైశ్వర్యమున్ శక్తి వేడ్కగాను
తల్లులంచును నర్చింపఁ దైన్యతఁ జెలు
వార కామినులం జేరువాఁడు బుధుఁడు
ఉత్పలమాల
మేరలు లేని యాకలికు మేదిని యెట్టి యుపాధి లేదనన్
భారమునైన నా బ్రతుకు వారలు నెంచిరటంచు ఖిన్నులై
వారలఁ బ్రోవ గౌరవ యుపాధికి మార్గము సూపు దీక్షతో
వారక వారకామినుల వద్దకుఁ జేరెడివాఁడు విజ్ఞుఁడౌ
దారుణ కృత్యమంచునిది దంపతులెందరొ దూరమైరిలన్
మారుము సంఘమందుకడు మాన్యత నొందుము మీరలంచు, మీ
తీరును మార్చు కొండనుచు తెల్పుచు వారల వాడలందునన్
“వారక, వారకామినుల వద్దకుఁ జేరెడివాఁడు విజ్ఞుఁడౌ”
చేరి వచించుచున్ గరము చెన్నగు మాటల చిన్నపిల్లలన్
దూరముచేసి పెద్దలకు దోష మనస్కులు సాని వాడలన్
చేరిచి యమ్మివేయగను, చేయ విముక్తి పవిత్ర చిత్తులై
వారక వారకామినుల వద్దకుఁ జేరెడివాఁడు విజ్ఞుఁడౌ
కామెంట్ను పోస్ట్ చేయండి