కవిమిత్రులారా,
ఈరోజు పూరించవలసిన సమస్య ఇది....
"భరతుఁ దునిమె రాఘవుండు భామిని కొఱకై"
(లేదా...)
"భరతు వధించె రాఘవుఁడు భామినికై సదసద్వివేకియై"
(కంద పాద సమస్య పంచసహస్రావధాని జంధ్యాల సుబ్రహ్మణ్య శాస్త్రి గారు పూరించినది -
'అవధాన విద్యాసర్వస్వము' నుండి)
తరుణి శకుంతల కన్నదె
రిప్లయితొలగించండివరిని? తెలుపు రావణుండ వధియించిన దె
వ్వరత డెవరి కొరకనగన్
భరతు దునిమె రాఘవుడు భామిని కొరకై.
విరించి గారూ,
తొలగించండిక్రమాలంకారంలో మీ పూరణ బాగున్నది. అభినందనలు.
చివరి పాదంలో సమాధానాల కనుగుణంగా కామాలు పెడితే సుగమంగా ఉంటుంది.
'రావణుండ' అన్నది అన్వయించడం లేదు. "రావణాఖ్యు/ రావణ ఖలు" అనండి.
పరసతికాశఁజెంది తన వారినలక్ష్యముఁజేసి దుష్టుడై.
రిప్లయితొలగించండివరలెను రావణాసురుడు-భ్రష్టత జెందెను వానినాజిలో.
సురవర పూజితుండు కడు క్షోభ వహించి పరాక్రమించి లో.
భ,రతు వధించె రాఘవుడు భామిని కై సదసద్వివేకియై
చాలా బాగుందండి. లోభరతు! అహా ఏమి ఆలోచన!
తొలగించండిభరద్వాజ్ గారూ!ధన్యవాదాలు
తొలగించండిప్రసాద రావు గారూ,
తొలగించండిఅద్భుతమైన పూరణ. అభినందనలు.
గరూత్తమా ధన్యవాదాలు నమస్కారాలు
తొలగించండిఅరయగ శకుంతల కనెను;
రిప్లయితొలగించండితరలింపగ యమ పురికిని తారా విభునే;
మరణము గొనె రావణుడే;
"భరతుఁ ; దునిమె రాఘవుండు ; భామిని కొఱకై"
జనార్దన రావు గారూ,
తొలగించండిక్రమాలంకారంలో మీ పూరణ ప్రశస్తంగా ఉంది. అభినందనలు.
ధరణిన ధర్మము దేవత!
రిప్లయితొలగించండిసరియగు దానిని నిలుపుట; స్వధర్మంబౌ!
అరరె! తన నిర్ణయముతో
భరతుఁదునిమె రాఘవుండు భామిని కొఱకై!
వచ్చి మమ్ము మా రాజ్యాన్ని యేలుకో అన్నా, అని పిలిస్తే, ఇదే ధర్మం, అని తన తమ్ముని ఆశను ఖండించెను. అది, ధర్మము అనే ఆడుదాని కోసమే కదా!
భరద్వాజ్ గారూ,
తొలగించండిబాగుంది మీ పూరణ. అభినందనలు.
'సద్ధర్మంబౌ' అనండి. లేకుంటే గణదోషం.
అరయగ సంస్కృతమందున
రిప్లయితొలగించండివిరివిగ జ్ఞానమ్ము లేని విబుధుండనియెన్:
"కిరికిరి జేసెడి యసురస
భరతుఁ దునిమె రాఘవుండు భామిని కొఱకై"
ఈ పండితపుత్రుని సమాసము:
అసుర సభ రతుడు = రాక్షస సభ ప్రియుడు (రావణుడు) 😂
ప్రభాకర శాస్త్రి గారూ,
తొలగించండిమనోహరమైన పూరణ. అభినందనలు.
'సభ రతుడు' సాధువే అని మైలవరపు వారన్నారు.
అయ్య బాబోయ్!!!
తొలగించండి🙏🙏🙏
పరుసపు పలుకుల ములుకులు
రిప్లయితొలగించండిసరసము గాగ్రుచ్చి గ్రుచ్చి సంతస మొందన్
పరసతి నికోరె యసురుడు
భరతుఁ దునిమె రాఘవుండు భామిని కొఱకై
అక్కయ్యా,
తొలగించండిమీ ప్రయత్నం ప్రశంసనీయం.
అసురుడు భరతు డెలా అయ్యాడు? 'కోరె నసురుడు' అనవలె. అక్కడ యడాగమం రాదు.
అవని జాతను సీతమ్మ నపహరించి
రిప్లయితొలగించండిలంకలోనుంచి లౌల్య సల్లాపములను
పలుకు రావణు మోహ లో’భ రతు దునిమె
రాఘవుండు భామిని కొఱకై’ ఘనుండు
పరి పూతను భూజాతను
హరియించిన రావణు దురహంకారు కుమా
ర్గ రతాత్ము మోహ మద లో
భ రతు దునిమె రాఘవుడు భామిని కొఱకై
విజయకుమార్ గారూ,
తొలగించండిమీ రెండు పూరణలు ఛందోవైవిధ్యంతో ఉత్తమంగా ఉన్నవి. అభినందనలు.
సుర సేవించినవాడొక
రిప్లయితొలగించండిడురుతరముగ దూలుచుండి యున్మాదముతో
తిరుగుచు బలుకుచు నుండెను
భరతుఁ దునిమె రాఘవుండు భామిని కొఱకై.
సత్యనారాయణ మూర్తి గారూ,
తొలగించండిసురాపాన మత్తుని మాటగా మీ పూరణ బాగున్నది. అభినందనలు.
పంచసహస్రావధాని జంధ్యాల సుబ్రహ్మణ్య శాస్త్రి గారి పూరణ....
రిప్లయితొలగించండిహరిసుతునిం బరిమార్చెను
సిరిగురు నొప్పించె శమము చెడి రావణునిన్
హర పాద సేవనారం
భ రతుఁ దునిమె రాఘవుండు భామిని కొఱకై.
మైలవరపు వారి పూరణలు
రిప్లయితొలగించండి1)
పరవనితారతు, లంకా
పురపాలకు , శంకరపద పూజా విధిలో
నిరత *శ్రీ కాళ గజ* ని..
భ రతుని రాఘవుడు చంపె భామిని కొరకై !
మైలవరపు మురళీకృష్ణ వెంకటగిరి
2)
ధరణిని తండ్రి మాటకయి తా నటవీస్థలి జేరి సీతతో ,
నిరవుగ స్వీయ పాదుకలనిచ్చి యయోధ్యకు బంపి తమ్మునిన్
భరతుని , జంపె రాఘవుడు భామినికై సదసద్వివేకియై
దురితుని , కామమోహితుని దుష్టు దశాస్యుని నాజి నుగ్రుడై !!
మైలవరపు మురళీకృష్ణ వెంకటగిరి
మైలవరపు వారూ,
తొలగించండిమీ రెండు పూరణలు అద్భుతంగా ఉన్నవి. అభినందనలు.
కందం
రిప్లయితొలగించండిత్వరితముగ వైరభక్తిన్
దరియించఁగఁ దాను గోరి దానవ జన్మన్
వరమొసఁగిన సరసిజ నా
భ రతుఁ దునిమె రాఘవుండు భామిని కొఱకై
సహదేవుడు గారూ,
తొలగించండిమీ పూరణ ప్రశస్తంగా ఉంది. అభినందనలు.
ధన్యోస్మి గురుదేవా🙏🙏🙏🙏
తొలగించండిమిత్రులందఱకు నమస్సులు!
రిప్లయితొలగించండిధరణిజ హర్తనున్, సుర వితాన నియంతను, దైత్య భూపునిన్,
వరబల గర్వితున్, గిరిశ భక్తుని, నష్ట దిశేశ శత్రునిన్,
వర ముని బాధకున్, దనుజ వంశ వినాశకు, రావణాఖ్యు, దం
భ రతు వధించె రాఘవుఁడు భామినికై సదసద్వివేకియై!
మధుసూదన్ గారూ,
తొలగించండిమీ పూరణ మనోహరంగా ఉంది. అభినందనలు.
ధన్యవాదాలండీ శంకరయ్య గారూ!
తొలగించండితరు ణిని గావగ వెడలి యు
రిప్లయితొలగించండిదురము న రావణు ని గది య తోరపు ధీరుo
డ రి భీకర సమ రారo
భ ర తు దునిమె రాఘవు oడు భామిని కొరకై
రాజేశ్వర రావు గారూ,
తొలగించండిమీ పూరణ ప్రశస్తంగా ఉంది. అభినందనలు.
రిప్లయితొలగించండిమరుకము పై పిరియము జడ
భరతుఁ దునిమె; రాఘవుండు భామిని కొఱకై,
శరణాగతి గనని యసురు
ని రణమున దునిమె ; జిలేబిని దునిమె కందమ్ !
జిలేబి
జిలేబీ గారూ,
తొలగించండిపూరణలో ప్రథమార్ధం అర్థం కాలేదు. 'కందమ్' అని హలంతంగా ప్రయోగించరాదు.
తొలగించండికంది వారు నమో నమః
జె వర తుని వృత్తాంతం ! మరుకము జింక పై ప్రేమ (జడ భరతుని ప్రేమ జన్మ రా హి త్ యాన్ ని కోరుకున్నవాడిని దునిమె )
జీవుడు చనిపోయే సమయంలో దేని గురించి ఆలోచిస్తే, ఆత్మ తిరిగి ఆ రూపం తీసుకుంటుందంటారు. జన్మరాహిత్యం కోరిన భరతుడు చివరి దశలో ఆ లేడిపిల్లను చేరదీసి, దాని ధ్యాసలో పడి మరణించడం వల్ల మరుజన్మలో ఆయన లేడిగా పుట్టవలసి వచ్చింది. కథ కొనసాగుతోంది యిలా మన అందరిదీ , జిలేబి ని ప్రస్తుతానికి కందం :)
జిలేబి
తొలగించండి*జడభరతుని వృత్తాంతం
దురమున రామలక్ష్మణులు దోర్బల వీరులు విక్రమించి దు
రిప్లయితొలగించండిశ్చరితుని సైన్యమెల్లరను జంపుచు నుండగ రావణానుజుం
డరి జన భంజకుండు గని రావణు బంపున నేగుదెంచ జం
భ రతు వధించె రాఘవుఁడు భామినికై సదసద్వివేకియై
ఫణికుమార్ గారూ,
తొలగించండితిండిపోతును 'జంభరతు'డన్న మీ పూరణ బాగున్నది. అభినందనలు.
గురువుగారూ నమస్సులు. ధన్యవాదములు.
తొలగించండివరముల బొంది కైక తన భర్తను గోరెను స్వార్థ బుద్ధితో
రిప్లయితొలగించండితరుణము నంది పుచ్చుకుని దారుణ రీతిని ఱేని జేయగన్
"భరతు ; వధించె రాఘవుఁడు భామినికై సదసద్వివేకియై"
దురితుని,రావణాసురుని, దుష్టుని,క్రూరుని లాఘవమ్ముగన్.
జనార్దన రావు గారూ,
తొలగించండివిరుపుతో మీ పూరణ ప్రశస్తంగా ఉంది. అభినందనలు.
ధన్యవాదాలార్యా !!!
తొలగించండికోట రాజశేఖర్ గారి పూరణ
రిప్లయితొలగించండిసందర్భం :: వర బల గర్వితుడై , కామ క్రోధ లోభ మోహ మద మాత్సర్యములనే అరిషడ్వర్గములకు లోనై , సీతాదేవిని అపహరించిన *రావణుని , శ్రీరాముడు వధించిన సందర్భం.*
ధరణిని వానరుల్ నరులు దప్ప, మరొక్కరు చంపకుండ , దా
వరముల గాంచినాడు , *చెరపట్టెను సీతను రావణుం* డదే
మరణము గాగ, క్రోధ మద మత్సర శీలుని, కామ మోహ లో
*భ రతు , వధించె రాఘవుడు , భామినికై సదసద్వివేకియై.*
*కోట రాజశేఖర్ నెల్లూరు.*
రాజశేఖర్ గారూ,
తొలగించండిమీ పూరణ అద్భుతంగా ఉన్నది. అభినందనలు.
శ్రీ కంది శంకరయ్య గురువరేణ్యులకు హృదయపూర్వక ప్రణామాలు. కోట రాజశేఖర్ , నెల్లూరు.
తొలగించండి(మహర్షి శాపోపహతులైన జయవిజయులలో రావణుడైన జయుని శ్రీరాముడు సంహరించటం)
రిప్లయితొలగించండినిరతము హరిశుభచరణము
మరువని రావణుడగు జయు,మహితోద్దామున్,
మరణాసక్తున్,మోక్షా
భరతు దునిమె రాఘవుండు భామిని కొరకై.
బాపూజీ గారూ,
తొలగించండిమీ పూరణ ప్రశస్తంగా ఉన్నది. అభినందనలు.
అరవిందాసన వల్లభ
రిప్లయితొలగించండివర కుల సంజాత యశుఁడు వజ్రధర వరా
మర ముని నికాయ సంక్షో
భ రతుఁ దునిమె రాఘవుండు భామిని కొఱకై
పరమ పతివ్రతా సతినిఁ బార్థివ వీర కుమార పత్నినిన్
వర రవి వంశ రామ సతిఁ బావని మాయ హరించఁ క్రుద్ధుఁడై
వర బల గర్వితుండును క్షపాచరుఁ డా దశకంఠు ఘోర దం
భ రతు వధించె రాఘవుఁడు భామినికై సదసద్వివేకియై
[దంభ రతుఁడు = కపటము నందు నాసక్తి కలవాఁడు]
కామేశ్వర రావు గారూ,
తొలగించండిమీ రెండు పూరణలు ఉత్తమంగా ఉన్నవి. అభినందనలు.
పూజ్యులుశంకరయ్య గారికి నమఃపూర్వక ధన్యవాదములు.
తొలగించండి
రిప్లయితొలగించండిమరుకపు రూపమందు సయి మాయల జేయ నతండు, సీత తా
మరకనులున్ చమక్కుమన, మత్తును గొల్పి, మరింత భీతిగా
పరుగిడె తాటకేయుడట ! బాణము చువ్వన, విప్రలంభ, డం
భ రతు వధించె, రాఘవుఁడు భామినికై సదసద్వివేకియై!
జిలేబి
జిలేబీ గారూ,
తొలగించండిమీ పూరణ బాగున్నది. అభినందనలు.
గు రు మూ ర్తి ఆ చా రి
రిప్లయితొలగించండి,,,,,,,,,,,,,,,,, ,,,,,,,,,,
ధరణిజ c దస్కరి౦చిన కతమ్మున ,
. . గ్రోధితు డైన రాము డ
ప్పరమ పరాక్రమ స్థిరుడు - భాస్కర వ౦శ
. . పయోధి చ౦ద్రుడే
తురమున బ౦క్తి క౦ధరుని ద్రు౦చె | నిర౦తర
. . కామినీ ప్రలో
భ రతు వధి౦చె రాఘవుడు భామినికై -
. . సద సద్వవేకియై
గురుమూర్తి ఆచారి గారూ,
తొలగించండిమీ పూరణ అద్భుతంగా ఉన్నది. అభినందనలు.
ధరిణిజ జానకిన్ గొని ముదమ్మున లంకకునేగినట్టి యా
రిప్లయితొలగించండిదురిత చరిత్రు రావణుని దోర్బలభూషితు శంభు భక్తునిన్
పరుష వివాద భాషితుని పద్మదళేక్షుని యందు ద్వేషసం
భ రతు వధించె, రాఘవుఁడు భామినికై సదసద్వివేకియై!
భాస్కరమ్మ గారూ,
తొలగించండిమీ పూరణ బాగున్నది. అభినందనలు.
'సంభరితుడు' ఉంది కాని 'సంభరతుడు'?
అరయగ మునిరూపమ్మున
రిప్లయితొలగించండినరుదెంచి విదేహపుత్రినక్కట గొని తా
నరిగిన దనుజుని యఘ సం
భ రతుఁ దునిమె రాఘవుండు భామిని కొఱకై
భాస్కరమ్మ గారూ,
తొలగించండిమీ పూరణ బాగున్నది. అభినందనలు.
ఇక్కడ కూడా 'సంభరతుడు'...?
దురితమనస్కుడై కలిమి తొయ్యలి సీతను దొంగిలించగా,
రిప్లయితొలగించండికరమగు నాగ్రహమ్ము మదికల్గగ, రావణు మానినీ ప్రలో
భ రతు, వధించె రాఘవుఁడు భామినికై సదసద్వివేకియై
సురవర మౌని వర్యతతి సొక్కుచు చల్ల సుమమ్ములుర్విపై
సత్యనారాయణ రెడ్డి గారూ,
తొలగించండిమీ పూరణ బాగున్నది. అభినందనలు.
తరుణులలోనొకభామిని
రిప్లయితొలగించండివిరివిగసేవించికల్లువివశతకలదై
యరకొరమాటలనిట్లనె
భరతుదునిమెరాఘవుండుభామినికొరకై
సుబ్బారావు గారూ,
తొలగించండిమీ పూరణ బాగున్నది. అభినందనలు.
గురువు గారికి నమస్సులు.
రిప్లయితొలగించండిపరసతి దశకంఠునికిన్
వరమని తలచిన నసరుడు వ్యాఘ్రం బయ్యెన్
శరణు వేడని మోహాం
భరతుని దునిమె రాఘవుండు భామిని కొఱకై.
మొహాం బదులుగా నారంభ చదువ మనవి.
తొలగించండిమోహంభరథుని అనే పదం నిఘంటువు లో కానీ పెద్ద కవులు ప్రయోగంచ లేదని అవధాన మిత్రుడొకరు తెలిపినారు.
వెంకట నారాయణ రావు గారూ,
తొలగించండిపూరణలో మీ భావం అర్థం కాలేదు. అసరుడు.. టైపాటు అనుకుంటాను. "శరణము వేడని" అనండి. లేకుంటే గణదోషం.
ధరణికి రాజుగ జేసెను
రిప్లయితొలగించండిభరతుఁ, దునిమె రాఘవుండు భామిని కొరకై
వరగర్వముచే చెలగుచు
ధరణిజ నంకించునట్టి దశకంఠునిలన్!!!
శైలజ గారూ,
తొలగించండివిరుపుతో మీ పూరణ బాగున్నది. అభినందనలు.
స్థిరమని నమ్మక కోర్కెలు
రిప్లయితొలగించండిభరతు దునిమె”|”రాఘవుండు భామిని కొరకై
వరగర్వుండగురావణు
పరిమార్చగ లంక జేరిపంతమునిలిపెన్”|
2.వరమని రామపాదుకలు పట్టముగట్టియు|”నాశదోషముల్
భరతు వధించె|”రాఘవుడు భామినికై సదసద్వివేకియై
తరుగని రాక్ష సత్వమున ధర్మముజిట్లగ|రక్ష ణార్థమై
మరణము బంచె రావణునిమత్సరమంతయురూపుమాపగా”|
ఈశ్వరప్ప గారూ,
తొలగించండిమీ రెండు పూరణలు బాగున్నవి. అభినందనలు.
రిప్లయితొలగించండికరమభినందించెనుతా
భరతుఁ, దునిమె రాఘవుండు భామిని కొఱకై"*
వరమందిన యసురవరుని
మరలెనయోధ్యా నగరుకు మహిజా యుతుడై.
ధరపాదుకలెవరికొసగె?
వరగర్వితుడైన యసురవరునా విభుడే
మరకటములసాయముచే
భరతుఁ దునిమె రాఘవుండు భామిని కొఱకై.
డా. ఉమాదేవి గారూ,
తొలగించండిమీ రెండు పూరణలు బాగున్నవి. అభినందనలు.
రిప్లయితొలగించండిఏమండోయ్ జీపీయెస్ వారు
ఆకాశవాణి సమస్య లేదా ఇవ్వాళ?
జిలేబి
పాలకు తైలమట్లు నిలువన్ వెలుగొందు ప్రజాళి గుండియల్
తొలగించండిజిలేబీ గారు:
తొలగించండినేను రేడియో టీవీలను "వినను కనను మూర్కొనను"... శ్రీహర్ష గారు వ్హాట్సప్ లోనుంచిన విషయములను తస్కరించి ఇట ప్రచురించుచుంటిని.
🙏🙏🙏
మాకోసం వినచ్చు కదా ?
తొలగించండి
తొలగించండిశ్రీహర్ష గారికి జీపీయెస్ గారికి నెనరులతో
బాలకుమార! చక్కగను భారము దీరగ మేలు గానగన్,
వేలకు వేలు వచ్చు మన వెల్లువ గాంచు తలంపు లన్నిటిన్
మూలములోన ద్రుంచగను ముమ్మడి యోగము లెల్ల జేయగన్,
పాలకు తైలమట్లు నిలువన్, వెలుగొందు ప్రజాళి గుండియల్
జిలేబి
రాజేశ్వరి గారు:
తొలగించండిమీ పద్యం, మీ పేరు, ఈ రోజు శ్రీహర్ష గారు పెట్టిన ఆడియో క్లిప్ లో వినిన గుర్తు. నాకు చెముడు కదా!!!
తొలగించండిఆడియో లింకెక్కడండి జీపీయెస్ వారు ?
ఆహా! శ్రీహర్ష గారు విని రికార్డు చేసి శంకరాభరణం వ్హాట్సప్ సమూహములో నుంచితిరి. బ్లాగులో ఆడియోలు, విడియోలూ, ఫోటోలూ రావనుకుంటాను. మరొక్క సారి శ్రద్ధగా విని ఐదు నిముషాలలో చెబుతాను..
తొలగించండిఅబ్భ! నా చెవిటి చెవ్వుతో వినిన, నాకు తెలిసిన పేర్లు:
తొలగించండిచంద్రమౌళి సూర్యనారాయణ గారు, గుండా వేంకట సుబ్బసహదేవుడు గారు, సీతా దేవి గారు, మాచవోలు శ్రీధర్ గారు, నేదునూరి రాజేశ్వరి గారు, (చాలా ఇంటి పేర్లతో) ప్రసాద రావు గారు, శ్రీహర్ష గారు... నిశ్చితముగా... చాలా పేర్లు మిస్ అయి ఉండవచ్చు. క్షమాపణలు!
పోచిరాజు సుబ్బా రావు గారు కూడా!
తొలగించండివరముగ గోరె నయోధ్యకె
రిప్లయితొలగించండివరినా కైకయె విభునిగ? బలిగొనె లంకే
శ్వరుని రఘురాముడెందుకు?
*భరతుఁ! దునిమె రాఘవుండు భామిని కొఱకై*
తిరుక్కోవళ్ళూరు శ్రీహర్ష
శ్రీహర్ష గారూ,
తొలగించండిమీ పూరణ బాగున్నది. అభినందనలు.
ఈ కామెంట్‌ను రచయిత తీసివేశారు.
రిప్లయితొలగించండిదురితులు ద్వారపాలకులు దోషముఁ జేసిరటంచు మౌనియే
రిప్లయితొలగించండికొరకొర జూచి శాపమిడ క్రుంగుచు మాధవు నార్తివేడుచున్
ద్వరితము వైరభక్తి హరి పంచన జేరఁగ గోరు పద్మనా
భ రతు వధించె రాఘవుఁడు భామినికై సదసద్వివేకియై
సహదేవుడు గారూ,
తొలగించండిమనోహరమైన పూరణ. అభినందనలు.
ధన్యోస్మి గురుదేవా. కొద్దిపాటి సవరణతో
తొలగించండిదురితులు ద్వారపాలకులు దోషముఁ జేయఁగ మౌనిపుంగవుల్
కొరకొర జూచి శాపమిడ క్రుంగుచు మాధవు నార్తివేడుచున్
ద్వరితము వైరభక్తి హరి పంచన జేరఁగ గోరు పద్మనా
భ రతు వధించె రాఘవుఁడు భామినికై సదసద్వివేకియై
డా.పిట్టా
రిప్లయితొలగించండినిరతిని బాటింపక రతి
కరమర లేనట్టి వదిన కాముకు,తమ్మున్
కరకర గోసె హుటాహుటి(వార్త,రామాయణ పాత్రలు కావు)
భరతు దునిమె రాఘవుండు భామిని కొరకై!(విపరీత పరిస్థితిని సాధారణీకరణ జేస్తూ సామ్యము జూపే యత్నము,ముక్కు పై వ్రేలు వేసికొని)
డా}.పిట్టా
రిప్లయితొలగించండివరములు బెక్కు గూర్చుకొని వైష్ణవ దూషకుడౌట రావణుం
డరమర లేక సీత గొన నాయువు నిండెను పూజలేమయెన్?
శరము వరమ్ములొక్కటియ చంపును వాటము దప్ప, నాడు లో
భరతు వధించె రాఘవుడు భామినికై సదసద్వివేకియై!
చరణపు పావకోళ్ళనిడి చక్కగ నింటికి తాను పంపుచున్
రిప్లయితొలగించండిభరతు;...వధించె రాఘవుఁడు భామినికై సదసద్వివేకియై
పరచుచు సేతు లంకకును వానరు లొల్లగ రావణాసురున్
మరచుచు తాను విష్ణువని మైమరపించు పురాణమందునన్