1. frivolous and fallacious argument without attempting to establigh the opposite side, captious objection, idle carping, hypercriticism, perverse argument;
సందర్భం :: పుట్టినప్పుడు ఇతనికి నాలుగు చేతులు, లలాటంలో మూడవ కన్ను ఉండినవి. *రెండు కన్నులు గల శ్రీకృష్ణుని కంటే మూడు కన్నులు గల శిశుపాలుడే ఘనుడు.* ఇతనినే వివాహమాడు అని *రుక్మిణితో ఆమె అన్న రుక్మి పలికే సందర్భం.*
*శ్రీమతి జి సందిత బెంగుళూరు* *********************************** ఈ సమస్యను పంపిన గుఱ్ఱం జనార్దన రావు గారికిధన్యవాదాలు. ************************************
నా అవధాన విద్యా గురువరేణ్యులగు శ్రీ నరాల రామారెడ్డి గారి సూచన మేరకు నేటి సమస్యకు నేను చేసిన మరొక పూరణ
సందర్భం :: రుక్మి తన చెల్లెలైన రుక్మిణితో మాట్లాడుతూ ‘’అమ్మా కృష్ణుడు మంచివాడు కాడు. నీ కెట్లా నచ్చాడమ్మా? కృష్ణుని కంటే శిశుపాలుడే గొప్పవాడు. ‘’అని ఒప్పించే ప్రయత్నం చేసే సందర్భం.
గోకులచోరుడు కృష్ణుడు, నీ కిడు సవతులను, తగడు నీకున్ బతిగా, నీకెట్లు నచ్చెనమ్మా? శ్రీకృష్ణుని కంటె ఘనుడు శిశుపాలుండే.
ఆకన్నెక రుక్మిణి తో
రిప్లయితొలగించండిచేకొనమని వీరుడైన శిశుపాలుడినే
యా కఠినుడు రుక్మి పలికె
"శ్రీ కృష్ణుని కన్న ఘనుడు శిశుపాలుండే "
జనార్దన రావు గారూ,
తొలగించండిమీ పూరణ బాగున్నది. అభినందనలు.
కోకొల్ల లపహరణలను
రిప్లయితొలగించండిచేకొని చేయించుచుండి చెట్టాపట్టల్
శ్రీకరముగ గావించెడి
శ్రీకృష్ణుని కంటె ఘనుఁడు శిశుపాలుండే :)
చెట్టాపట్టలు = వివాహములు
అపహరణ = kidnap
ఉదా = రుక్మిణీ కల్యాణము, శశిరేఖా పరిణయము వగైరా వగైరా
ప్రభాకర శాస్త్రి గారూ,
తొలగించండిమీ పూరణ బాగున్నది. అభినందనలు.
దీని నేమంటారు? Negetive approch అనుకుంటాను.
🙏🙏🙏
తొలగించండివితండ వాదం:
తొలగించండి1. frivolous and fallacious argument without attempting to establigh the opposite side, captious objection, idle carping, hypercriticism, perverse argument;
...శంకర నారాయణ తెలుగు-ఇంగ్లీష్ నిఘంటువు 1953
(ఆంధ్ర భారతి)
చేకొని యనాథ బాలల
రిప్లయితొలగించండినేకాలము సాకువాని నెంతయు బ్రీతిన్
లోకంబున నిటులందురు
శ్రీకృష్ణుని కంటె ఘనుఁడు శిశుపాలుండే.
సత్యనారాయణ మూర్తి గారూ,
తొలగించండి'శిశుపాల' శబ్దానికి క్రొత్త అర్థం చెప్పిన మీ పూరణ బాగున్నది. అభినందనలు.
రిప్లయితొలగించండిఆ కనులు మూడు! నాల్గై
యా కరముల పుట్టుకగదయా!యద్భుతమౌ
యాకృతి సరిజేసిన ఆ
శ్రీకృష్ణుని కంటె ఘనుఁడు శిశుపాలుండే?
జిలేబి
జిలేబీ గారూ,
తొలగించండిమీ పూరణ బాగున్నది. అభినందనలు.
'నాల్గె' అంటే గణదోషం. "నాలుగె" అనండి. '...యద్భుతమౌ। నాకృతి...' అనండి.
వాకొనరాని విధమ్మున
రిప్లయితొలగించండిలోకమ్మున దుష్ట కృతులు లోకాహితుడై
ప్రాకటముగ జేయుటలో
శ్రీకృష్ణుని కన్న ఘనుడు శిషుపాలుండే
లోకముల లేడు లేడొకొ
శ్రీకృష్ణుని కన్న ఘనుడు, శిషుపాలుండే
లోకులకు కీడు చేయుచు
శ్రీకృష్ణుని జేత మరణ సిద్ధిని పొందెన్
విజయకుమార్ గారూ,
తొలగించండిమీ రెండు పూరణలు వివిధ్యంగా, అద్భుతంగా ఉన్నవి. అభినందనలు.
మొదటిపద్యం మెరిసింది.. రెండవది విరిసింది
తొలగించండిశ్రీ శంకరయ్య గారూ! శ్రీ మురళీ కృష్ణావధాని గారూ! ధన్యవాదములు. నమస్సులు.
తొలగించండిలోకములందున కలడే
రిప్లయితొలగించండిశ్రీ కృష్ణుని కన్న ఘనుడు, శిశుపాలుండే
యాకరివరదుని వైరిగ
వైకుంఠముచేరనెంచి వదరెను హరిపై
అన్నపరెడ్డి వారూ,
తొలగించండివిరుపుతో మీ పూరణ బాగున్నది. అభినందనలు.
(కృష్ణునికి అగ్రపూజ వద్దని ధర్మరాజును వారిస్తున్న శిశుపాలుడి సేనాపతి సుమేథుడు)
రిప్లయితొలగించండిఈకేశవు కిడకర్ఘ్యము;
నేకాలము భజనపరుల యెక్కుడు పలుకుల్
నీ కర్ణంబుల నింపకు;
శ్రీకృష్ణుని కంటె ఘనుడు శిశుపాలుండే.
బాపూజీ గారూ,
తొలగించండిమీ పూరణ బాగున్నది. అభినందనలు.
సుమేథుని గురించి క్రొత్తగా తెలుసుకున్నాను. ధన్యవాదాలు.
ప్రా కట ముగనెంచ కల డె
రిప్లయితొలగించండిశ్రీకృష్ణుని కంటె ఘనుడు ? శిశు పాలుoడే
లోకోద్దారు ని సభలో
దూకు డు దూషణ ము జేసి దురి తుం డ య్యే న్
రాజేశ్వర రావు గారూ,
తొలగించండివిరుపుతో మీ పూరణ బాగున్నది. అభినందనలు.
మైలవరపు వారి పూరణ
రిప్లయితొలగించండిశ్రీకరుడౌ కృష్ణుండన ,
సూకర సుందరుడు చైద్య సుకుమారుండౌ !
కోకిలకు కాకిఁ బోల్తురె ?
శ్రీకృష్ణుని కంటె ఘనుఁడు శిశుపాలుండే ??
మైలవరపు మురళీకృష్ణ వెంకటగిరి
మైలవరపు వారూ,
తొలగించండిసమస్య పాదాన్ని ప్రశ్నార్థకంగా మార్చిన మీ పూరణ అద్భుతంగా ఉంది. అభినందనలు.
మైలవరపు వారి పూరణతో నాది కలవడము సంతోషదాయకము! యాదృచ్ఛికము!
తొలగించండికాకోలము కోకిలనే
రిప్లయితొలగించండిషోకలరగ మించగలదె సొంపగు రవళిన్
శ్రీకరుడగు పరమేశ్వరు
శ్రీకృష్ణుని కన్న ఘనుడు శిశుపాలుండే??
సీతాదేవి గారూ,
తొలగించండిసమస్యను ప్రశ్నార్థకంగా మార్చి చెప్పిన మీ పూరణ బాగున్నది. అభినందనలు.
శిశుపాలుని స్వగతము:-
రిప్లయితొలగించండిశ్రీకరుడని పాండుతనయు
లేకృష్ణునిఁ బూజఁసేయనెంచెనిపుడు నే
నాకృష్ణుని తిట్ట నగును
శ్రీ కృష్ణుని కంటె ఘనుడు, శిశుపాలుండే
సూర్యనారాయణ గారూ,
తొలగించండిమీ పూరణ బాగున్నది. అభినందనలు.
కర్తృపదం తనయులు బహువచనం. క్రియాపదం ఎంచె ఏకవచనం. అక్కడ "సేయ నెంచ.." అనండి. చివర "శిశుపాలుం డేన్" అనండి అన్వయం కుదురుతుంది.
గురువుగారూ నిన్నటి పూరణను పరిశీలించం ప్రార్ధన!
రిప్లయితొలగించండివరబల గర్వితు డసురుడు
పరనారీ కాముకుండు వరియింపగనే
నిరసిత రంభా పరిరం
భ రతుని దునిమె రాఘవుండు భామిని కొరకై!
సీతాదేవి గారూ,
తొలగించండిమీ (నిన్నటి) పూరణ బాగున్నది. అభినందనలు.
ధన్యవాదములు గురుదేవా!
తొలగించండిననిన్నటి ఆకాశవాణి సమస్యాపూరణలను నమోదుచేసి పంపిన శ్రీహర్ష గారికి కృతఙ్ఞతలు! వందన శతములు!!
రిప్లయితొలగించండితాకగ బోయని బాణము
రిప్లయితొలగించండిగోకుల తిలకుండు వీడె కువలయమేడ్వన్!
శ్రీకరు చక్రమె కూల్చఁగ
శ్రీకృష్ణుని కంటె ఘనుఁడు శిశుపాలుండే!!
సహదేవుడు గారూ,
తొలగించండిమీ పూరణ బాగున్నది. అభినందనలు.
వికృతిగననె సుయోధను
రిప్లయితొలగించండిడాకృష్ణుడు నీచుడు మనయందు విరోధుం
డాకృతి దాల్చిన మందుడు
శ్రీకృష్ణుని కంటె ఘనుఁడు శిశుపాలుండే
భాస్కరమ్మ గారూ,
తొలగించండిమీ పూరణ బాగున్నది. అభినందనలు.
మొదటి పాదంలో గణదోషం. "వికృతగ ననెను సుయోధను" అనండి. (వికృతి - భగణం కాదు, 'వి' లఘువే).
కోట రాజశేఖర్ గారి పూరణ
రిప్లయితొలగించండిసందర్భం :: పుట్టినప్పుడు ఇతనికి నాలుగు చేతులు, లలాటంలో మూడవ కన్ను ఉండినవి. *రెండు కన్నులు గల శ్రీకృష్ణుని కంటే మూడు కన్నులు గల శిశుపాలుడే ఘనుడు.* ఇతనినే వివాహమాడు అని *రుక్మిణితో ఆమె అన్న రుక్మి పలికే సందర్భం.*
లోకమున, *మూడు కనులు,* వి
లోకింపగ నాల్గు చేతులు, గలిగి పుట్టెన్,
చేకొనగ *రెండు కన్నుల*
*శ్రీకృష్ణుని కంటె ఘనుడు శిశుపాలుండే.*
*కోట రాజశేఖర్ నెల్లూరు.*
రాజశేఖర్ గారూ,
తొలగించండిమీ పూరణ అద్భుతంగా ఉన్నది. అభినందనలు.
శ్రీ కంది శంకరయ్య గురువరేణ్యులకు హృదయపూర్వక ప్రణామాలు. కోట రాజశేఖర్. నెల్లూరు.
తొలగించండితేకువవీరుడులేడిల
రిప్లయితొలగించండిశ్రీకృష్ణునికంటె,ఘనుడుశిశుపాలుండే
భీకరమౌదూషణలో
శ్రీకృష్ణుడుచంపెసదరుచేదిప్రభునిన్
సుబ్బారావు గారూ,
తొలగించండిమీ పూరణ బాగున్నది. అభినందనలు.
'సదరు' అన్నది ఉర్దూ పదం. "చంపె నట్టి చేది..." అనండి.
ఈ కామెంట్‌ను రచయిత తీసివేశారు.
రిప్లయితొలగించండివీఁకం దిరుగుచు జగతిని
తొలగించండినా కంటెన్ ఘనుఁడు లేడనంగఁ జెలగినం
వే కాచఁ బొందెను వరము
శ్రీకృష్ణుని, కంటె, ఘనుఁడు శిశుపాలుండే
[కంటె = చూచితివా]
అద్భుతమైన విరుపు!! నమస్సులు!!
తొలగించండికామేశ్వర రావు గారూ,
తొలగించండిసహజంగానే మీ పూరణ వైవిధ్యంగా, ఉత్తమంగా ఉన్నది. అభినందనలు.
పూజ్యులుశంకరయ్య గారికి నమఃపూర్వక ధన్యవాదములు.
తొలగించండిడా. సీతా దేవి గారు ధన్యవాదములు, నమస్సులు.
శ్రీకృష్ణుని..నాటకం చుసిన ఇద్దరు ప్రేక్షకులు ఇలా అనుకుంటున్నారు...
రిప్లయితొలగించండిశ్రీకృష్ణుని నాటకమం
దా కృష్ణుని కంటెను బహుదా శిశుపాలుం
డే కళ నేర్పుగ జూపె
శ్రీకృష్ణుని కంటె ఘనుఁడు శిశుపాలుండే
తిరుక్కోవళ్ళూరు శ్రీహర్ష
అద్భుభుతమైన పూరణ
తొలగించండిశ్రీహర్ష గారూ,
తొలగించండిమీ పూరణ బాగున్నది. అభినందనలు.
"నేర్పుగ జూపెను" అనండి. లేకుంటే గణదోషం.
*స్వీకృతివిరించిది సమ*
రిప్లయితొలగించండి*స్యాకృతినిగనెన్ జనార్థనార్యుండెట్లో*
*ఆ కృతిఁ పాదంబిదియే*
*"శ్రీకృష్ణుని కంటె ఘనుఁడు శిశుపాలుండే"*
*శ్రీమతి జి సందిత బెంగుళూరు*
***********************************
ఈ సమస్యను పంపిన గుఱ్ఱం జనార్దన రావు గారికిధన్యవాదాలు.
************************************
సందిత గారూ,
తొలగించండిమీ పూరణ బాగున్నది. అభినందనలు.
ఆకృతియందున నలుపని
రిప్లయితొలగించండిశుకృతమే తక్కువనుచు సులభుడుజూడన్
వికృత బుద్ధులు మానిన
శ్రీకృష్ణని కంటె ఘనుడు శిశుపాలుండే|
ఈశ్వరప్ప గారూ,
తొలగించండిమీ పూరణ బాగున్నది. అభినందనలు.
'సుకృతమ్మే తక్కువనుచు... వికృతపు బుద్ధులు..." అనండి.
ఛీకొట్టెడుకార్యములన్
రిప్లయితొలగించండిశ్రీకృష్ణుని కంటె ఘనుడు శిశుపాలుండే
స్వీకృత దుష్కర్మ తరుమ స్వ
యంకృత నఘభర మనమున నంతము నొందెన్
శ్రీరామ్ గారూ,
తొలగించండిమీ పూరణ బాగున్నది. అభినందనలు.
మూడవ పాదంలో గణదోషం. "స్వీకృత దుష్కృతి తరుమ స్వ" అనండి.
ప్రాకటముగ లేడిలలో
రిప్లయితొలగించండిశ్రీకృష్ణుని కంటె ఘనుడు,శిశుపాలుండే
నాకంటె వీరుడెవడని
గోకుల తిలకుని వదరుచు గూలెను భువిలో
శైలజ గారూ,
తొలగించండివిరుపుతో మీ పూరణ బాగున్నది. అభినందనలు.
కోట రాజశేఖర్ గారి మరొక పూరణ
రిప్లయితొలగించండినా అవధాన విద్యా గురువరేణ్యులగు శ్రీ నరాల రామారెడ్డి గారి సూచన మేరకు నేటి సమస్యకు నేను చేసిన మరొక పూరణ
సందర్భం :: రుక్మి తన చెల్లెలైన రుక్మిణితో మాట్లాడుతూ
‘’అమ్మా కృష్ణుడు మంచివాడు కాడు. నీ కెట్లా నచ్చాడమ్మా? కృష్ణుని కంటే శిశుపాలుడే గొప్పవాడు. ‘’అని ఒప్పించే ప్రయత్నం చేసే సందర్భం.
గోకులచోరుడు కృష్ణుడు,
నీ కిడు సవతులను, తగడు నీకున్ బతిగా,
నీకెట్లు నచ్చెనమ్మా?
శ్రీకృష్ణుని కంటె ఘనుడు శిశుపాలుండే.
కోట రాజశేఖర్ నెల్లూరు.
శ్రీ ప్రభాకరశాస్త్రి గారికి హృదయపూర్వక ధన్యవాదాలు. కోట రాజశేఖర్ నెల్లూరు.
తొలగించండిరాజశేఖర్ గారూ,
తొలగించండిమనోజ్ఞమైన పూరణ. అభినందనలు.
(శంకరాభరణం సమస్యలు శ్రీమాన్ నరాల రామారెడ్డి గారి దృష్టికి వెళ్తున్నాయన్నమాట! చాలా సంతోషం!)
ఈ కామెంట్‌ను రచయిత తీసివేశారు.
రిప్లయితొలగించండినా “శ్రీమదాంధ్ర సుందర కాండ చత్వారింశ సర్గమున నేటి పద్యములలో నొకటి.
తొలగించండిక్షోభ పఱచెడు నా తీవ్ర శోక రయము
చంప నెంచు దైత్యుల బెదరింపు లెల్లఁ
జేరి రాముని వినిపింపు వీర వేగ
హ్లాద యానమ్ము నీకగు నాంజనేయ
మూలము:
ఇమం చ తీవ్రం మమ శోకవేగం
రక్షోభిరేభిః పరిభర్త్సనం చ.
బ్రూయాస్తు రామస్య గతస్సమీపమ్
శివశ్చ తేధ్వాస్తు హరిప్రవీర৷৷5.40.24৷৷
__/\__
తొలగించండి
రిప్లయితొలగించండికేకిని దాల్చుచు తిరిగెడు
శ్రీకృష్ణుని కంటె ఘనుఁడు శిశుపాలుండే?
యాకొంటి ననుచు వెన్నను
చేకొన్న హరియు మురారె శ్రేష్ఠుండిలలో.
లోకంబున లేడెవ్వడు
శ్రీకృష్ణుని కంటె ఘనుఁడు, శిశుపాలుండే
లోకంబున పుట్టెను మూ
డౌ కన్నుల తోడజచ్చె నాహరి చేతన్
భీకర రూపున జూడగ
శ్రీకృష్ణుని కంటె ఘనుఁడు శిశుపాలుండే
లోకంబునందు రోతగు
యాకారంబున జనించిహరిచే జచ్చెన్.
గోకుల వాసిని మరువుము
నీకిల తగినట్టి పతిని నెంచితి నెపుడో
నూకొట్టుము నా మాటకు
శ్రీకృష్ణుని కంటె ఘనుఁడు శిశుపాలుండే.
డా. ఉమాదేవి గారూ,
తొలగించండిమీ పూరణలన్నీ బాగున్నవి. అభినందనలు.
లోకమ్మున లేరెవ్వరు
రిప్లయితొలగించండిశ్రీకృష్ణుని కంటె ఘనుఁడు, శిశుపాలుండే
భీకర కోపోధ్రికుడై
శ్రీకరు నిందించి చచ్చెశ్రీ చక్రముచే
లక్ష్మినారాయణ గారూ,
తొలగించండివిరుపుతో మీ పూరణ బాగున్నది. అభినందనలు.
గోకులమున పెరిగిన యా
రిప్లయితొలగించండిశ్రీకృష్ణుని కంటె ఘనుడు శిశుపాలుండే
నీకు తగిన వరుడనుచును
వాకొనె రుక్మిణిని జూచి భ్రాత మృదువుగా
తిమ్మాజీ రావు గారూ,
తొలగించండిమీ పూరణ బాగున్నది. అభినందనలు.
చౌకాయెను కల్లనుచును
రిప్లయితొలగించండినేకముగా ముంతలు పది యే ద్రావితివా?
మైకము క్రమ్మెనె? నెవ్విధి
శ్రీకృష్ణుని కంటె ఘనుడు శిశుపాలుండే ?
డా.పిట్టా
రిప్లయితొలగించండిఅరయగ బుణ్యవంతులకు నౌను పరీక్షలు బెక్కు, ధర్మమున్
సరగున నెన్న వే శ్రమల సల్పగజాలిన మర్మ మెన్నరే
నిరతము కౄర కర్ముడయి నేర్పున చావుకు ముందు *రామ*నన్(రామ్+అనన్)
పరమ పదమ్ము లభ్యమగు బాపులకే సులభమ్ముగా భువిన్.....పూర్వ సమస్య.
పర నారీ ద్రవ్యముకై
బరితెగి నొక ధనిక వృద్ధ భర్తగ మారన్
కర,చరణపుటలుపెరుగని
పరమ పదము1 లభ్యమగును పాపాత్ములకే!(ఉన్నత, సుఖప్రద పదవి),,
డా.పిట్టా
రిప్లయితొలగించండి*నీ కృపయా!శిశు పాలక!
వే కృతులన్ జేతువీవు వీరిని బెంచన్
యాకృతులే నకనక లిక
శ్రీ కృష్ణు(కేవలం వెన్న దొంగిలించి పెట్టువాని)ని కంటె ఘనుడు శిశుపాలుండే!
(సంపూర్ణ శిశు రక్షణ కేంద్రపు నిర్వహణాధికారిని సంబోధిస్తూ)