భీమా పరాక్రముడెవరు? రాముడు రావణుని నెటుల రణమున్ కూల్చేన్? శ్రీమంతుడెవరిని గవిసె? భీముడు చెలరేగి జంపె భీష్ము రణమునన్ భీమా అనగా భయాంకరుడా అని శ్రీ సి వి సుబ్బన్న గారు ఒక చోట అవధానములో ప్రయోగించారు. అందరికి వందనములు.
అవును గురువుగారూ దానిని గురించే. నేను అర్జునుడు కానీ శిఖండిని కానీ తీసుకుంటే విరుపు లేకుండా ఆఖరి పాదంగా ఉంచి పూరించడానికి పరాక్రమోద్ధతిన్ అడ్డు వచ్చింది. అందువలన కృష్ణుడు అయితేనే సమంజసంగా ఉంటుంది అనిపించి అలా వ్రాసి యున్నాను. ధన్యవాదములు.
సందర్భం :: శివునికి భీముడు అనే పేరు ఉన్నది. యుద్ధరంగంలో శివుని వలె పరాక్రమం చూపే అర్జునుడు ( ఫల్గుణుడు, పార్థుడు, కిరీటి, శ్వేతవాహనుడు, భీభత్సుడు {వికృతుడు}, విజయుడు, కృష్ణుడు, సవ్యసాచి, ధనంజయుడు అనే పేర్లతో కూడా పిలువబడే వాడు ) భీష్ముని చంపినాడు అని చెప్పే సందర్భం.
ధీమహితుండు, *ఫల్గుణుడు,* ధీరుడు, *పార్థుడు,* *శ్వేతవాహనుం,* డీ మహి *కృష్ణుడున్,* *విజయు,* డెన్న *కిరీటి* యు, *సవ్యసాచి,* సు శ్రీ మహితుండు, *నర్జునుడు,* శ్రీ *వికృతుండు* *ధనంజయుండు,* నా *భీముడు యుద్ధరంగమున, భీష్ముని జంపె పరాక్రమోద్ధతిన్.*
కామేశ్వర రావు గారూ, స్వేచ్ఛామరణం వరంగా కలిగిన భీష్ముని చంపకున్నా అతని పతనానికి కారకుడు శిఖండిని అడ్డు పెట్టుకున్న అర్జునుడే కదా! అందుకని ఈనాటికి ఇలా కానివ్వండి...
ఈశ్వరప్ప గారూ, మీ రెండు పూరణలు బాగున్నవి. అభినందనలు. మొదటి పూరణ మొదటి పాదంలో గణదోషం. "కాముకుడగు.." అనండి. రెండవ పూరణలో "వీడి యర్జునుడు" అనండి. 'ఒక'ను 'ఓ' అనరాదు. 'లాగ' అనడం వ్యావహారికం.
కరణమొకండు వచ్చి యధికారము చక్కగ జేయుచుండె సం స్కరణములెన్నొ జేసె నవి కాదని యా నరసింహుపట్ల ధి క్కరణము జూపి యన్యులకు గౌరవ మీయ నతండు క్రుద్ధుడౌ కరణము నమ్ము వారలకు గల్గు సుఖమ్ములు ఖచ్చితమ్ముగన్ (ఇక్కడ నేను కరణాన్ని నమ్మేవారు అనే అర్థం లో కాక కరణం ఎవరిని నమ్ముతాడో వారికి సుఖంకలుగుతుందనే అర్థం తో పూరించాను . ఇక్కడ కరణం అంటే పి వి నరసింహా రావు గారు . ఆయన పట్ల అసమ్మతి చూపటం క్షేమం కాదని భావించినట్లు )
దామోదరు ప్రోద్బలమున
రిప్లయితొలగించండినీమము నెంచక విజయుడు నిర్వీర్యుండై,
ధీమంతుడు, రణమందున
భీముఁడు, చెలరేగి చంపె భీష్ము రణమునన్
భీముడు = భయంకరుడు
ప్రభాకర శాస్త్రి గారూ,
తొలగించండిమీ పూరణ బాగున్నది. అభినందనలు
కోమలి హిడింబ మగడే ;
రిప్లయితొలగించండిరాముడు దశకంఠు నేమి రణమున జేసెన్? ;
దామోదరు డెవని గినిసె? ;
భీముడు ; చెలరేగి చంపె ; భీష్ము రణమునన్.
జనార్దన రావు గారూ,
తొలగించండిక్రమాలంకారంలో మీ పూరణ బాగున్నది. అభినందనలు.
(కురుక్షేత్రయుద్ధం మూడవరోజున దుస్స్వప్నబాధితుడైన ధృతరాష్ట్రుడు దుర్యోధనుడితో)
రిప్లయితొలగించండిఏమది పుత్రకా!మిగుల నేమరుపాటున నుంటివిట్టులన్?
నామది ఛిద్రమై యిపుడు నర్మిలి కోల్పడి కుందుచున్నదే!
వామపుకంటిలో మిగుల వడ్కులుపుట్టెను;స్వప్నమందునన్
భీముడు యుద్ధరంగమున భీష్ముని జంపె బరాక్రమోద్ధతిన్.
లు
బాపూజీ గారూ,
తొలగించండిమీ ధృతరాష్ట్ర స్వప్నవృత్తాంత పూరణ బాగున్నది. అభినందనలు.
రిప్లయితొలగించండిఆముకొను సేన ననఘా
భీముఁడు చెలరేగి చంపె; భీష్ము రణమునన్,
తా ముంచెత్తెను శరముల
తో మఘవ తనయుడయా యితోధికముగనౌ !
జిలేబి
రిప్లయితొలగించండిఆముకొనంగ సేననఘ,యా రణరంగములోన చంపెనా
భీముడు; యుద్ధరంగమున భీష్ముని జంపె బరాక్రమోద్ధతిన్
తామునుపున్ శిఖండి నిడి, తాకుచు బాణపు శయ్య బేర్చుచున్
తామరచూలి రాత యన తాతను కూల్చె కిరీటియేయటన్!
జిలేబి
జిలేబీ గారూ,
తొలగించండివిరుపుతో మీ రెండు పూరణలు బాగున్నవి. అభినందనలు.
ధీమతిని జేయ కొమరుని
రిప్లయితొలగించండిప్రేమముతో బంప నొకడు వేరొక దేశం
బామందుం డట బల్కెను
భీముఁడు, చెలరేగి చంపె భీష్ము రణమునన్
ధీమతిని జేయ కొమరుని
తొలగించండిప్రేమముతో బంప నొకడు వేరొక దేశం
బామందుం డట బల్కెను
భీముఁడు చెలరేగి చంపె భీష్ము రణమునన్.
స్వామీ భీష్ముడు స్వేచ్ఛను
రిప్లయితొలగించండిధీమతియై విడిచె గాదె తెలియగ నసువుల్
తామిట్లన దగునే? యే
భీముఁడు చెలరేగి చంపె భీష్ము రణమునన్?
వేంకట సత్యనారాయణ మూర్తి గారూ,
తొలగించండిమీ రెండు పూరణలు వైవిధ్యంగా, చక్కగా ఉన్నవి. అభినందనలు.
డా.పిట్టా
రిప్లయితొలగించండిభీముడు బెద్ద, మోది తగ భీకర జైట్లియె యర్జునుండు యా
నీమమె నోట్లరద్దు,గన నీ జీయెసుటీలను కీడుగా గొనన్
సామము(పోలిక)నందు భీష్ముడన జాటిన మోహను రీతి వాదనన్
తా, మును ఖండనమ్మున సుతారముగా వధియించె నా సభన్
భీముడు యుద్ధరంగమున భీష్ముని జంపె బరాక్రమోద్ధతిన్!(అర్జును,(జైట్లీకి)నకు అవకాశమివ్వలేదతడు విత్తమంత్రిగా జవాబుదారీ యైనప్పటికిని)
డా. పిట్టా వారూ,
తొలగించండిమీ పూరణ బాగున్నది. అభినందనలు.
డా.పిట్టా
రిప్లయితొలగించండిభీముడె యర్జునుడును సరి
భీముడె భీష్ముడును శత్రు భీకరుడవనిన్
నీమమె బలముల ఘర్షణ
భీముడు చెరేగి చంపె భీష్ము రణమునన్
(భీముడు=భయంకరుడు)
డా. పిట్టా వారూ,
తొలగించండిమీ పూరణ బాగున్నది. అభినందనలు.
క్రొవ్విడి వెంకట రాజారావు:
రిప్లయితొలగించండిభీమరమున రారాజును
భీముడు చెలరేగి జంపె; భీష్ము రణమునన్
నామమడచె బీభత్సుడు
సోమించి శిఖండి నడ్డు జూపుచు నపుడున్
భీమా పరాక్రముడెవరు?
తొలగించండిరాముడు రావణుని నెటుల రణమున్ కూల్చేన్?
శ్రీమంతుడెవరిని గవిసె?
భీముడు చెలరేగి జంపె భీష్ము రణమునన్
భీమా అనగా భయాంకరుడా అని శ్రీ సి వి సుబ్బన్న గారు ఒక చోట అవధానములో ప్రయోగించారు.
అందరికి వందనములు.
రాజారావు గారూ,
తొలగించండిమీ పూరణ బాగున్నది. అభినందనలు.
******
వెంకట నారాయణ రావు గారూ,
మీ పూరణ బాగున్నది. అభినందనలు.
లేమహి డం బి పతి యెవరు ?
రిప్లయితొలగించండిభీముడు శత్రువుల నెట్లు పీచ మడ oచేన్
దామోదరు ను తి యించె ను
భీముడు ';చెలరేగి చం పె ;భీష్ము రణ ము న న్
రాజేశ్వర రావు గారూ,
తొలగించండిమీ క్రమాలంకార పూరణ బాగున్నది. అభినందనలు.
కామునిఁ దండ్రి రుక్మిణికి కాంతుఁడు సాధుల బ్రోచువాఁడు గో
రిప్లయితొలగించండిత్రామర తాపసోత్తముల రక్షణ భారము బూనెడిం బరం
ధాముఁడు రాక్షసాధముల దస్యుడు ధాత్రిని దుర్జనాళికిం
భీముఁడు యుద్ధరంగమున భీష్మునిఁ జంపెఁ బరాక్రమోద్ధతిన్
గీతలో చెప్పాడు కదా.
ఫణికుమార్ గారూ,
తొలగించండి'చంపేది, చంపించేది నేనే. నువ్వు నిమిత్తమాత్రుడవు' అనడమా? బాగుంది మీ పూరణ. అభినందనలు.
గురువుగారూ నమస్సులు.
తొలగించండిఅవును గురువుగారూ దానిని గురించే. నేను అర్జునుడు కానీ శిఖండిని కానీ తీసుకుంటే విరుపు లేకుండా ఆఖరి పాదంగా ఉంచి పూరించడానికి పరాక్రమోద్ధతిన్ అడ్డు వచ్చింది. అందువలన కృష్ణుడు అయితేనే సమంజసంగా ఉంటుంది అనిపించి అలా వ్రాసి యున్నాను. ధన్యవాదములు.
ఫణికుమార్ గారు సమస్యా పాదములోని ప్రతి పదమును పరిశీలించి పరిష్కారమునకు మీ ప్రయత్నము నా కానందము కలుగ జేసినది. అభినందనలు.
తొలగించండిప్రేమను రమ్మని కీచకు
రిప్లయితొలగించండిభీముడు చెలరేగి చంపె ,భీష్ము రణమున
న్నేమియు జేయను జాలక
తాముగ బ్రాధేయ పడిరి ధర్మజు ననుజుల్
సుబ్బారావు గారూ,
తొలగించండివిరుపుతో మీ పూరణ బాగున్నది. అభినందనలు.
గు రు మూ ర్తి ఆ చా రి
రిప్లయితొలగించండి,,,,,,,,,,,,,,,, ,,,,,,,,,,
ఆ మఘవ సుతుని రథమున
దామోదరు డు౦డి తెలుప తగు మార్గమ్ము
న్నామోది౦చుచు , భ౦డన
బీముడు చెలరేగి చ౦పె భీష్ము రణమునన్
గురుమూర్తి గారూ,
తొలగించండిమీ పూరణ బాగున్నది. అభినందనలు.
నీమమున ధర్మరక్షణ
రిప్లయితొలగించండిదామోదరు పక్షముఁ గలదని మర్మమ్మున్
దామిడ భీభత్సుఁడు రణ
భీముఁడు చెలరేగి చంపె భీష్ము రణమునన్
సహదేవుడు గారూ,
తొలగించండిమీ పూరణ బాగున్నది. అభినందనలు.
కోట రాజశేఖర్ గారి పూరణ:
రిప్లయితొలగించండిసందర్భం :: శివునికి భీముడు అనే పేరు ఉన్నది. యుద్ధరంగంలో శివుని వలె పరాక్రమం చూపే అర్జునుడు ( ఫల్గుణుడు, పార్థుడు, కిరీటి, శ్వేతవాహనుడు, భీభత్సుడు {వికృతుడు}, విజయుడు, కృష్ణుడు, సవ్యసాచి, ధనంజయుడు అనే పేర్లతో కూడా పిలువబడే వాడు ) భీష్ముని చంపినాడు అని చెప్పే సందర్భం.
ధీమహితుండు, *ఫల్గుణుడు,* ధీరుడు, *పార్థుడు,* *శ్వేతవాహనుం,*
డీ మహి *కృష్ణుడున్,* *విజయు,* డెన్న *కిరీటి* యు, *సవ్యసాచి,* సు
శ్రీ మహితుండు, *నర్జునుడు,* శ్రీ *వికృతుండు* *ధనంజయుండు,* నా
*భీముడు యుద్ధరంగమున, భీష్ముని జంపె పరాక్రమోద్ధతిన్.*
*కోట రాజశేఖర్ నెల్లూరు.*
రాజశేఖర్ గారూ,
తొలగించండిఅర్జునుని నామాల పట్టికను పేర్చి చేసిన మీ పూరణ ప్రశస్తంగా ఉంది. అభినందనలు.
మైలవరపు వారి పూరణ:
రిప్లయితొలగించండిరాముండు సమరభీముడు ,
కాముక నిజవృత్తి భీష్ము , గర్వితు లంకా..
భూమిపతిఁ జంపెననగా,
భీముఁడు చెలరేగి చంపె భీష్ము రణమునన్
భీష్ముడు... భయంకరుడు
...మైలవరపు మురళీకృష్ణ వెంకటగిరి
మైలవరపు వారూ,
తొలగించండిభారత సమస్యకు రామాయణ పూరణం. అద్భుతంగా ఉంది. అభినందనలు.
భామినియంబ భీష్మునెడ పన్నుగ కోపమునొంది బల్కె తా
రిప్లయితొలగించండినా మహనీయు జంపుటకు నర్జునుసాయమునొంది యుద్ధపున్
భూమి శిఖండిగా నిలువ పొల్పుగ పార్థుడు సంగరాన తా
భీముడు యుద్ధమందునను భీష్ముని జంపె బరాక్రమోద్ధతిన్
ఆ మహితుడౌ సమీరుడు
రిప్లయితొలగించండిభామకు వరమిచ్చినంత బరగెను సుతుడై
జామున ఫల్గుణుడయ్యెడ
భీముడు,చెలరేగి జంపె భీష్ము రణమునన్
భాస్కరమ్మ గారూ,
తొలగించండిమీ రెండు పూరణలు బాగున్నవి. అభినందనలు.
సంజయుడు ధృతరాష్ట్రునితో..
రిప్లయితొలగించండిఓ మహరాజ! పాండవుల యోగము మిక్కుట మాయెఁ జూడగన్
సోముని యస్త్రమున్ గొనిన శూరుని ముందట షండుడుండగన్
దా మిడ నస్త్రశస్త్రముల, ధాటిగ పార్థుఁడు ,సవ్యసాచి యా
భీముఁడు యుద్ధరంగమున భీష్మునిఁ జంపెఁ బరాక్రమోద్ధతిన్
సహదేవుడు గారూ,
తొలగించండిమీ పూరణ బాగున్నది. అభినందనలు.
'మహరాజ' అనడం సాధువు కాదు. "ఓ మనుజేంద్ర" అనండి.
గురుదేవులకు ధన్యవాదములు. సవరించిన పూరణ :
తొలగించండిఓ మనుజేంద్ర! పాండవుల యోగము మిక్కుట మాయెఁ జూడగన్
సోముని యస్త్రమున్ గొనిన శూరుని ముందట షండుడుండగన్
దా మిడ నస్త్రశస్త్రముల, ధాటిగ పార్థుఁడు ,సవ్యసాచి యా
భీముఁడు యుద్ధరంగమున భీష్మునిఁ జంపెఁ బరాక్రమోద్ధతిన్
కాముఁడు దుష్టుఁడు కీచకు
రిప్లయితొలగించండిభీముఁడు చెలరేగి చంపె, భీష్ము రణమునన్
లేమ కతమ్ము శిఖండియ
నీమము గలవానిఁ జేసె నేలం గూలన్
వామపు టేక చక్ర పుర వాసుల క్షేమము నెంచి కుంతియే
భీమునిఁ బంప బండి పయి విస్తృత భోజన రాశి తోడుగన్
భీమపు టాకృతిం బరమ భీకరుఁ డా బక దైత్యు కోసమే
భీముఁడు యుద్ధరంగమున భీష్మునిఁ జంపెఁ బరాక్రమోద్ధతిన్
[భీష్ముఁడు = భయంకరుఁడు]
కామేశ్వర రావు గారూ,
తొలగించండిమీ రెండు పూరణలు ఉత్తమంగా ఉన్నవి. అభినందనలు.
పూజ్యులుశంకరయ్య గారికి నమఃపూర్వక ధన్యవాదములు.
తొలగించండిపూజ్యులు కామేశ్వరరావు గారికి వందనములు. భీష్ముడు అంటే భయంకరుడు అని తెలుసుకున్నాను. ధన్యవాదములు.
తొలగించండిసోమపతి పుత్రు రథమున,
రిప్లయితొలగించండికోమల మెయితో శిఖండి కోరి నిలువగన్
తామిన్నకుండ, ననిలో
భీముఁడు, చెలరేగి చంపె భీష్ము రణమునన్
అన్నపరెడ్డి వారూ,
తొలగించండిమీ పూరణ బాగున్నది. అభినందనలు.
'కోమల మెయి' దుష్ట సమాసం. "కోమల తనువై" అనండి.
దేవ నదీ తనయుఁడు భీష్ముని నెవ్వరు నని జంపలేదు. అంపశయ్యన నుండి స్వచ్ఛందముగా మరణించెను.
రిప్లయితొలగించండికామేశ్వర రావు గారూ,
తొలగించండిస్వేచ్ఛామరణం వరంగా కలిగిన భీష్ముని చంపకున్నా అతని పతనానికి కారకుడు శిఖండిని అడ్డు పెట్టుకున్న అర్జునుడే కదా! అందుకని ఈనాటికి ఇలా కానివ్వండి...
"మ యై వైతే నిహతాః పూర్వ మేవ
తొలగించండినిమిత్తమాత్రం భవ సవ్యసాచిన్
ద్రోణం చ భీష్మం చ జయద్రథం చ
కర్ణం తథాన్యా నపి యోధవీరాన్"
నీమము దెల్పి ధర్మజుడు నీవిక కూల్చుము తాత నాన్న తా
రిప్లయితొలగించండినేమని చెప్పువాడ బలహీనుడు పేడి శిఖండి నంత సు
త్రాముని సూను డర్జునుడు దాపుగ జేగొని చూచుచుండగా
భీముఁడు యుద్ధరంగమున భీష్మునిఁ జంపెఁ బరాక్రమోద్ధతిన్.
మిస్సన్న గారూ,
తొలగించండిమీ పూరణ ప్రశస్తంగా ఉన్నది. అభినందనలు.
భూమి రధమెక్కి యసురుని
రిప్లయితొలగించండిభీముడు చెలరేగి చంపె, భీష్ము రణమునన్
నీమము దప్పక షండుని
మోమును గాంచగ దన శరములు వర్జించెన్
భీముడు = శివుడు త్రిపుర సంహారము
పూసపాటి వారూ,
తొలగించండిమీ పూరణ బాగున్నది. అభినందనలు.
భీముడుయుధ్ధరంగమునభీష్మునిజంపెబరాక్రమోధ్ధతిన్
రిప్లయితొలగించండిభీముడుచంపనేరడుగభీష్మునినెన్నటికిన్రణంబునన్
భీముడుతాతగాబిలుచుభీష్మునిబ్రేమనునెల్లవేళల
న్నామహనీయుడేయరయనాతనిజంపుటకోర్వనేర్చునే?
సుబ్బారావు గారూ,
తొలగించండిమీ పూరణ బాగున్నది. అభినందనలు.
క్రమాలంకారము
రిప్లయితొలగించండికాముకుండగు కీచకునే?
ఆ మరణమునకు శిఖండి,నర్జును డూహల్
సామూహికమవ్వగనే?
1.భీముడు చలరేగి చంపె|2.భీష్మ రణమునన్.
2.”కోమలి ద్రోపదిన్ గనియు గోర్కెలు కీచకుడుంచ?జంపెగా
భీముడు”|”యుద్దరంగమున భీష్ముని జంపె బరాక్ర మోద్దతిన్
నీమము వీడి నర్జనుడు నేర్పు శిఖండిని ముందు నుంచగా
ఓ మునిలాగభీష్ముడట నోర్పునువీడ?బాణ మేయగా”|
ఈశ్వరప్ప గారూ,
తొలగించండిమీ రెండు పూరణలు బాగున్నవి. అభినందనలు.
మొదటి పూరణ మొదటి పాదంలో గణదోషం. "కాముకుడగు.." అనండి.
రెండవ పూరణలో "వీడి యర్జునుడు" అనండి. 'ఒక'ను 'ఓ' అనరాదు. 'లాగ' అనడం వ్యావహారికం.
భీమరమున రారాజున్
రిప్లయితొలగించండిభీముడు చెలరేగి జంపె, భీష్ము రణమునన్
భామ శిఖండిని బెట్టుకు
నీమము విడి ఫల్గునుండు నేలను గూల్చెన్!!!
సామీరి యెవరు జెపుమా?
భీముడు కౌరవులనెటుల పేరడగించెన్?
హేమాంగుడెవరిని కసరె?
భీముడు, చెలరేగి చంపె, భీష్ము రణమునన్!!!
శైలజ గారూ,
తొలగించండిమీ రెండు పూరణలు వైవిధ్యంగా చక్కగా ఉన్నవి. అభినందనలు.
''భీముం''డర్జునుడై సం
రిప్లయితొలగించండిగ్రామము లో భీష్మ పాత్ర ''కవి భీష్ము''ని దై
గ్రామము లో నాటక మయె ;
భీముఁడు చెలరేగి చంపె భీష్ము రణమునన్"
నీమముగల వ్యాకరణము
నేమాత్రము సడలనీక నిడగ సమస్య
ల్నో ముదుసలి మతి చెడియనె
భీముఁడు చెలరేగి చంపె భీష్ము రణమునన్
కృష్ణారావు గారూ,
తొలగించండిమీ రెండు పూరణలు బాగున్నవి. అభినందనలు.
"సమస్య ల్నో..' అనడం సాధువు కాదు.
"సమస్య। న్నా ముదుసలి..." అనవచ్చు.
తొలగించండియామునివలె దుశ్శాసను
రిప్లయితొలగించండిభీముడు చెలరేగిచంపె, భీష్ము రణమునన్
కామిత పరలోకగముని
సామము తోడబడవైచె చక్రధరుండే!
(ఇచ్చా మరణము గలవానిని )
ప్రొద్దున నుండి కంప్యూటర్ మొరాయించి ఆలస్యం అయింది !
రిప్లయితొలగించండిఎట్టకేలకు అమ్మయ్య పంపగలిగాను !
కోమలి యంబ యత్యధిక కోపముతోడఁ బ్రతిజ్ఞఁజేసె సు
రిప్లయితొలగించండిత్రాముని సూను నండగొని తా మడియించెద భీష్మునంచు నా
రామ ముఖమ్ముకన్గొనుచు మ్రాన్పడ, పార్థుడు దోర్బలమ్మునన్
భీముడు యుద్ధరంగమున, భీష్ముని జంపె బరాక్రమోద్ధతిన్
మైలవరపువారి ప్రత్యేక పూరణ
రిప్లయితొలగించండి*ప్రత్యేక సమస్యాపూరణం*
*భీముఁడు యుద్ధరంగమున భీష్మునిఁ జంపెఁ బరాక్రమోద్ధతిన్*!
రామ ! యిదేమి ! ప్రొద్దుటనె వ్రాయుట యెట్టులొ ! భావమెట్టులో !
యేమని పూర్తిజేయగలమిట్టి సమస్యను ? భీష్ముడేడనో ?
భీముడదేడనో ? యనుచు వింతగ జూచుచునున్నయంతలో ,
తాము *ప్రభాకరుల్* తొలుత ధైర్యము జేయగ , *రాజశేఖరుల్*
ప్రేమ రచించిరంతనె, *విరించి జనార్దనులున్* రచింప , నే..
నే మరి *వెన్కనైతినని* యెట్టులొ పూరణజేయ మెచ్చు మీ
ప్రేమకు *వందనమ్ములు* , కవీశ్వరులార ! భవత్ప్రశంసతో
నా మది పొంగిపొర్లెను ! వినమ్రత మ్రొక్కెద *కంది వారికిన్* !
శ్రీమధుపూర్ణ వారిజవిశేష చలద్భ్రమరోపమాన భా..
వామృత పద్యశోభలు వెలార్చిన వారికి *పేరుపేరునన్* !!
మైలవరపు మురళీకృష్ణ వెంకటగిరి
కాముకుడౌ సింహ బలుని
రిప్లయితొలగించండిభీముడు చెలరేగి చంపె! భీష్ము రణమున
న్నేమార్చ శిఖండినిగొని
సామీప్యముగా నిలిపిరి చతురిమ తోడన్!
గురువర్యులకు నమస్సులు.
రిప్లయితొలగించండినిన్నటి సమస్యకు నా పూరణను పరిశీలించ ప్రార్థన.
ధన్యవాదములు.
తలచె నాతడిటుల చిన్న తనము నందె,
" చక్కగా నెదుగుచు నంత చదువులోని
మర్మముల కాచి వడబోసి మహిని ఙ్ఞాన
సంపదలు కొల్ల గొట్టెద జనులు మెచ్చ!"
కరణమొకండు వచ్చి యధికారము చక్కగ జేయుచుండె సం
రిప్లయితొలగించండిస్కరణములెన్నొ జేసె నవి కాదని యా నరసింహుపట్ల ధి
క్కరణము జూపి యన్యులకు గౌరవ మీయ నతండు క్రుద్ధుడౌ
కరణము నమ్ము వారలకు గల్గు సుఖమ్ములు ఖచ్చితమ్ముగన్
(ఇక్కడ నేను కరణాన్ని నమ్మేవారు అనే అర్థం లో కాక కరణం ఎవరిని నమ్ముతాడో వారికి సుఖంకలుగుతుందనే అర్థం తో పూరించాను . ఇక్కడ కరణం అంటే పి వి నరసింహా రావు గారు . ఆయన పట్ల అసమ్మతి చూపటం క్షేమం కాదని భావించినట్లు )
ఆమెవి చీరలన్నొలువ యత్నము చేసిన శూరుజంపెగా
రిప్లయితొలగించండిభీముఁడు యుద్ధరంగమున;...భీష్మునిఁ జంపెఁ బరాక్రమోద్ధతిన్
గోముగ పేడినిన్ నిలిపి గొల్లున నేడ్చుచు సవ్యసాచియే...
చీమలు చంపవే ఫణిని చెన్నుగ గూడుచు వేనవేలుగా!