ప్రభాకర శాస్త్రి గారూ, మీ పూరణ బాగున్నది. అభినందనలు. రాహులును చేరిన బలియు డెవరు? రేవత్ రెడ్డియా? అటువంటప్పుడు "..ధీరుం డనుచున్" అంటే అన్వయం బాగుంటుంది.
మైలవరపు వారూ, మీ రెండు పూరణలు అద్భుతంగా ఉన్నవి. అభినందనలు. ***** శాస్త్రి గారూ, అన్నిటికంటే ముఖ్యం మీ సంకల్పబలం, నిరంతరాభ్యాసం. మేము నిమిత్తమాత్రులం. స్వస్తి!
గురుమూర్తి ఆచారి గారూ, మీ పూరణ బాగున్నది. అభినందనలు. "క్షయథువుచే నొసగన్" అనండి. ఇది కేవలం సమస్యాపూరణ మయితే పరవాలేదు. నిజంగానే మీ సతీమణి క్షయ పీడితురాలైతే మీకు నా సానుభూతి!
ధన్యవాదాలన్నయ్యగారూ.ప్రయాణంలో వుండడంవల్ల పోస్ట్ చేసినా రాలేదు.దుబాయ్ లో నెట్వర్క్ అందడంవల్ల బ్లాగులో పోస్టయింది.వాట్సప్ లో కాలేదు.సురక్షితంగా బెంగళూరు చేరుకొన్నాను.
ఇలఁగల వల యీ దేహము;
రిప్లయితొలగించండిఫలసారంబాత్మ యౌను పరికించి గనన్.
వలలో చిక్కెను జీవుడు;
పలలమ్ముల గోరి చిలుక ఫలముల రోసెన్!
జీవుడు చిలుక, ఆత్మ ఫలము, మాంసము ఈ మాంసాత్మకమైన శరీరము. సచ్చిదానందమైన ఆత్మను వీడి, మాంసమయమైన శరీరము వెంటాడుతున్నాడు అని భావం.
అద్భుతమైన పూరణ!అభినందనలు!
తొలగించండి
తొలగించండిచాలా బావుందండి భరద్వాజ్ గారు
జిలేబి
భరద్వాజ్ గారూ,
తొలగించండిమీ పూరణ అద్భుతంగా ఉంది. అభినందనలు.
మంచి పూరణండీ.. నమోనమః... మురళీకృష్ణ
తొలగించండిసీతా దేవిగారు,
తొలగించండిజిలేబి గారు,
శంకరయ్య గారు,
మురళీకృష్ణ గారు,
ధన్యవాదములు.
పలలము నమ్మెడు వాడొక
రిప్లయితొలగించండిపలువన్నెల రామచిలుక పంచన బెంచ
న్నలవాటుసేయ నశనము
పలలమ్మును గోరి చిలుక ఫలముల రోసెన్
సీతాదేవి గారూ,
తొలగించండిమీ పూరణ బాగున్నది. అభినందనలు.
అల కాకి వచ్చి వాలెను
రిప్లయితొలగించండిపలుకుల నెలనాగ రీతి పలుకును గాదే !
పులకరమున నా రసనయె
"పలలమ్మును గోరి ; చిలుక ; ఫలముల రోసెన్"
****}{}{****
(పులకరము = జ్వరము)
జనార్దన రావు గారూ,
తొలగించండిక్రమాలంకారంలో మీ పూరణ బాగున్నది. అభినందనలు.
శంకరయ్య గారూ ! ధన్యవాదాలు !
తొలగించండిఇలలో వినుటకు వింతయె
రిప్లయితొలగించండిపలలమ్మును గోరి చిలుక ఫలముల రోసెన్
కలనైనను విని నంతనె
కలవర బడిశంస యించి కాదన వలయున్
అక్కయ్యా,
తొలగించండిమీ పూరణ బాగున్నది. అభినందనలు.
"సంశయించి" అనండి.
ఇలలో వినుటకు వింతయె
తొలగించండిపలలమ్మును గోరి చిలుక ఫలముల రోసెన్
కలనైనను విని నంతనె
కలవర బడిసంశ యించి కాదన వలయున్
బలియుడు రాహులుఁ జేరెన్
రిప్లయితొలగించండితెలగాణను దెచ్చినట్టి ధీరుండుండన్
చెలియా! ఇదియెట్లన్నన్
పలలమ్మును గోరి చిలుక ఫలముల రోసెన్
తొలగించండిజీపీయెస్ వారే ? :)
జిలేబి
ప్రభాకర శాస్త్రి గారూ,
తొలగించండిమీ పూరణ బాగున్నది. అభినందనలు.
రాహులును చేరిన బలియు డెవరు? రేవత్ రెడ్డియా? అటువంటప్పుడు "..ధీరుం డనుచున్" అంటే అన్వయం బాగుంటుంది.
సార్!
తొలగించండిమొదటి పాదంలోని "బలియుడు" మీరు ఊహించిన ఘనుడే. మరి రెండవ పాదంలోని "ధీరుడు" నాకు ప్రితతముడైన మన ముఖ్యమంత్రి. ఆ ధీరుడు లేకున్న కందానికి అందముండదు కదా!
పైగా "పలలము”, "ఫలము" రెండూ వేర్వేరు కదా!
జిలేబీ గారూ:
క. చ. రా. జిందాబాద్! (దయ చేసి కలిపి చదవకండి... నాకు శ్రీ కృష్ణ జన్మస్థానం!!!)
తొలగించండి:)
జిలేబి
వర్తమానాంశ ప్రస్తావన బాగుందండీ.. అభివందనములు..... మురళీకృష్ణ
తొలగించండిబలిమిన్ బోయడు గూటన్
రిప్లయితొలగించండిమలమల మాడ్చుచు శుకమును మాంసము కడనే
నిలిపెన్ నిరంతరంబున్;
బలిలమ్మును గోరి చిలుక ఫలముల రోసెన్.
నాల్గవ పాదంలో-బలలమ్మును
రిప్లయితొలగించండిబాపూజీ గారూ,
తొలగించండిమీ పూరణ బాగున్నది. అభినందనలు.
విలువగు మోక్షమును విడచి
రిప్లయితొలగించండిమలినంబగు కాయికసుఖ మాశించుటయే
తలచగ కలియుగ ధర్మము
పలలమ్మును గోరి చిలుక ఫలముల రోసెన్!
సీతాదేవి గారూ,
తొలగించండిమీ పూరణ బాగున్నది. అభినందనలు.
సెలవిచ్చె గురువు వ్రాయఁగఁ
రిప్లయితొలగించండి"పలలమ్మును రోసి చిలుక ఫలములఁ గోరెన్"
జిలిపిగ శిష్యుఁడు వ్రాసెను
"పలలమ్మును గోరి చిలుక ఫలముల రోసెన్"
తొలగించండిఆదురహో శిష్య పరమాణువు :)
జిలేబి
ధన్యవాదాలు జిలేబీ గారూ,
తొలగించండిఆ శిష్యుడు మీ క్లాస్‍మేటే అయి ఉంటాడు! లేక జి.పి. శాస్త్రి గారి వంటి 'బ్లాగ్‍మేట్'!
తొలగించండిమొదటే నేను శిష్యుడి/రాలి పేరు జీపీయెస్సా జిలేబి యా అందా మనుకున్నా నండీ :) తర్వాత పరమానందయ్య కథ గుర్తుకొస్తేనూ ..... :)
జేకే
జిలేబి
విదూషకుడు, విదూషకి, లేని సదస్సునకు శోభేమున్నది?
తొలగించండిసార్!
"విదూషకి" అన్న క్రొత్త పదం సృష్టించాను... ఒక వీర తాడు!!!
"విదూషిక" వేరు...దాని అర్ధం "పొట్టి కాకర కాయ"
తొలగించండిఅందుకోండి కంద తాడు (తాడనం :) )
విదూషకి ! క్రొత్త పదావిష్కరణ కు జేజేలు జీపీయెస్ వారికి :)
ఓయి! విదూషకుడా ! గీ
గీ ! యెలమిగ మీ "విదూషకి" నిఘంటువులో
ఖాయమగు గాక క్రొత్తగ
మై యెఱుగుదురిక స్వభావమై స్త్రీత్వంబై :)
చీర్స్
జిలేబి
👌👌👌
తొలగించండి
రిప్లయితొలగించండిపలువిధ రెస్టా రెంట్లను
నలువిధముల చుట్టి మెక్డొనాల్డున మరిగెన్,
వలలో చిక్కెను వెస్ట్రను
పలలమ్మును గోరి చిలుక ఫలముల రోసెన్
నేటి యువత :)
జిలేబి
జిలేబీ గారూ,
తొలగించండిఅన్యదేశ్యాలను ప్రయోగించినా మీ పూరణ బాగున్నది.
డా.పిట్టా
రిప్లయితొలగించండిఅల చక్కని ముక్కిడ హరి!
పలలమ్మును గోరి చిలుక ఫలముల రోసెన్
పలు లంచము లే.సి.బి.వల!(అవినీతి నిరోధక వ్యూహము A.C.B ride)
బలమే2? యవినీతి బాయ వలసె నుపాధిన్!!(మాంసం తింటే బలమంటారు కదా,ఇది నిజమా?)
డా.పిట్టా
రిప్లయితొలగించండిజనవాణి:
వలనే.సి.బి.బడె లంచపు
పలలమ్మును గోరి చిలుక ఫలముల రోసెన్
వెలగల యుపాధి యూడన్
కలికికి సంతతికి దుఃఖ కారకుడయ్యెన్!
డా.పిట్టా
రిప్లయితొలగించండిబలమైనవి, విటమినులవి
పలలమునన్ లభ్యమన్న ప్రథ సరి యనునా
పలుగాకి మాట లసహజ
పలలమ్మును గోరి చిలుక ఫలముల రోసెన్!
డా. పిట్టా వారూ,
తొలగించండిమీ మూడు పూరణలు బాగున్నవి. అభినందనలు.
సరదాగా నేటి యువకులు కండలు గలవారిపై మోజు పెంచుకొనుట,వారిని జూచి వీరు నిత్యం మాంసం తిని ఆరోగ్యం పాడుజేసు కొన్న వారిపై
రిప్లయితొలగించండిశిలలను సున్నము జేసిన
వలలుని తలపునను నిలపి పద పదమనుచున్
వలలుని వలె దిన సాగెను
పలలమ్మును గోరి చిలుక, ఫలముల రోసెన్!
వరప్రసాద్ గారూ,
తొలగించండిమీ పూరణ బాగున్నది. అభినందనలు.
డా.పిట్టా
రిప్లయితొలగించండికలికాలమ్మిది శాస్త్ర శోధనలవే కావే వినీత శ్రుతుల్
మలి జన్మంబెటులుండునో తినుమనన్ మాబాగుగా మాంస మి
మ్ముల పుంసత్వ మొసంగు నంచనగనే మోసంబు పాలైరి యా
పలలమ్మున్ వలచెన్ శుకంబు మరచెన్ ,బండ్లన్న రోసెన్ గదా!?
డా. పిట్టా వారూ,
తొలగించండిబాగుంది మీ వృత్త పూరణం. అభినందనలు.
ఫలమును బోలు సతిని విడి
రిప్లయితొలగించండివెలయాలి గృహమును జేర వెంగలి యొకఁడా
ఖలునిఁగని ప్రజ వచించిరి
“పలలమ్మును గోరి చిలుక ఫలముల రోసెన్”
అన్నపరెడ్డి వారూ,
తొలగించండిచక్కని పూరణ. అభినందనలు.
ప ల ల ము ల నమ్ము చోటికి
రిప్లయితొలగించండిపలు మారు లు వచ్చి చేరి ప ల ల ము రుచి కి న్
అలవాటై న ట్టీ దగు చు
ప ల లమ్ములగోరి చిలుక ఫలము ల రో సె న్
రాజేశ్వర రావు గారూ,
తొలగించండిమీ పూరణ బాగున్నది. అభినందనలు.
'రుచికి। న్నలవాటై (లేదా) పలలము దినగా। నలవాటై..." అనండి.
పిలిచెను తన సారంగుని
రిప్లయితొలగించండిపులకలతో మదనబాధ పొంగులువారన్
కులకాంత వెర్రి తలపుల
ఫలలమ్మునుఁగోరి చిలుక ఫలముల రోసేన్
పలలమ్మువు......
తొలగించండిప్రసాద రావు గారూ,
తొలగించండిమీ పూరణ బాగున్నది. అభినందనలు.
'పలలమ్మువు'...?
ఆర్యా!అదిపలలమ్మును పలలమ్మువు కాదు టైపో మన్నించండి
తొలగించండిధన్యవాదాలు
తొలగించండిక్రొవ్విడి వెంకట రాజారావు:
రిప్లయితొలగించండికలిలమునమ్మెడి వాడట
చిలుకను పెంచుచు సతతము శిక్షణమిడుచున్
పొల తినుటజేసి నంతట
పలలమ్మును గోరి చిలుక ఫలముల రోసెన్
రాజారావు గారూ,
తొలగించండిమీ పూరణ బాగున్నది. అభినందనలు.
మిత్రులందఱకు నమస్సులు!
రిప్లయితొలగించండిఇలలో గృధ్ర మొకటి తప
మలయక సేసియునుఁ బొందె హరియగు వరమున్;
ఫలమొంది, నైజ ముడుగక,
పలలమ్మునుఁ గోరి చిలుక ఫలముల రోసెన్!
చాల బాగుంది మధుసూదన్ గారూ!
తొలగించండి“వెనుకటి గుణమేల మాను?”
మధుసూదన్ గారూ,
తొలగించండిమీ పూరణ బాగున్నది. అభినందనలు.
తెలిసిన తెలుఁగును వలదని
రిప్లయితొలగించండితెలియని పరభాష నెఱుఁగ తృళ్ళుదురకటా!
కలియుగ ధర్మము చిత్రము.
పలలమ్ములఁ గోరి చిలుక ఫలముల రోసెన్.
చింతా వారూ,
తొలగించండిఎన్నాళ్ళకెన్నాళ్ళకు నా బ్లాగును పావనం చేశారు! సంతోషం!
చక్కని పోలికతో ప్రశస్తమైన పూరణ చెప్పారు. అభినందనలు.
కలియొక్క మహిమ జూడరె
రిప్లయితొలగించండివిలువలు వీడుచును ద్విజులు పిశితముఁ దినుచున్
హలయును త్రాగుట నేర్చిరి
పలలమ్మును గోరి చిలుక ఫలముల రోసెన్
ఫణికుమార్ గారూ,
తొలగించండిమీ పూరణ చాలా బాగున్నది. అభినందనలు.
గురువుగారూ నమస్సులు. ధన్యవాదములు.
తొలగించండిమైలవరపు వారి పూరణలు:
రిప్లయితొలగించండి1)
అర్జునుడు శ్రీకృష్ణునితో...
బలవంతులు యదువీరులు
గల పక్షము గోరె నిన్నుఁ గాదని , రారా..
జిల ., కృష్ణ ! మేలు గాదే !
పలలమ్మును గోరి చిలుక ఫలముల రోసెన్ !!
మైలవరపు మురళీకృష్ణ వెంకటగిరి
***********
2)
లలిత మధురములగు తెలుగు
పలుకుల గాదనుచు నాంగ్లభాషను నేర్వన్ !
కలికాలము గాకేమిది ?
పలలమ్మును గోరి చిలుక పండును రోసెన్ !!
మైలవరపు మురళీకృష్ణ వెంకటగిరి
అయ్యా! మైలవరపు మహాశయా!
తొలగించండిరిటైరయిన తరువాత ఈ పలలమును గోరు చిలుక (భవదీయుడు) 2700 బ్లాగులనూ, 7 చేపుస్తకములనూ (booklets) ప్రచురించినది....అన్నీ ఆంగ్లములోనే. ఇటీవలే కొరకరాని ఫలములును ఆస్వాదించుచున్నది...కందివారి వాత్సల్యముతో, మీ అభిమానముతో...
🙏🙏🙏
మైలవరపు వారూ,
తొలగించండిమీ రెండు పూరణలు అద్భుతంగా ఉన్నవి. అభినందనలు.
*****
శాస్త్రి గారూ,
అన్నిటికంటే ముఖ్యం మీ సంకల్పబలం, నిరంతరాభ్యాసం. మేము నిమిత్తమాత్రులం. స్వస్తి!
ఫలములు క్రిమిసంహారక
రిప్లయితొలగించండివిలయమ్మున జిక్కి రుచికివెగటుగ మారన్
కలత వడి నీచు నయమని
పలలమ్మును గోరి చిలుకఫలముల రోసెన్
భాస్కరమ్మ గారూ,
తొలగించండిమీ పూరణ బాగున్నది. అభినందనలు.
విలువలను ద్రోసిరాజని
రిప్లయితొలగించండిఖలులను గెలిపించు కొనుట !కలికాలమహో!
కలనైనను ననుకుంటిమె?
పలలమ్మును గోరి చిలుక ఫలముల రోసెన్.
***)()(***
అలనాటి విలువ లేవీ?
విలవల కాలము గతించి వేసట కలిగెన్
ఖలులే యేలిక లగుటను
పలలమ్మును గోరి చిలుక ఫలముల రోసెన్.
*********
జనార్దన రావు గారూ,
తొలగించండిమీ రెండు పూరణలు బాగున్నవి. అభినందనలు.
అలసి సొలసి వెఱచుచు భూ
రిప్లయితొలగించండివలయమ్మునఁ దిరిగి తిరిగి పర్వతపున్దా
పుల నరసి మెఱయ కనుపా
పలలమ్మును, గోరి చిలుక ఫలముల రోసెన్
[కనుపాపలు+అలమ్ము = కనుపాపలలమ్ము; అలము = శాక విశేషము, పిందె, పచ్చి కాయ; రోసెన్ = వెదకెను]
కామేశ్వర రావు గారూ,
తొలగించండివిలక్షణమైన విరుపుతో పలలాన్ని అలముగా మార్చి చేసిన మీ పూరణ అద్భుతమూ, ఔత్సాహిక కవులకు మార్గదర్శకమూ. అభినందనలు.
పూజ్యులుశంకరయ్య గారికి నమఃపూర్వక ధన్యవాదములు.
తొలగించండిక్రొవ్విడి వెంకట రాజారావు:
రిప్లయితొలగించండికలియుగము ముదురు చుండెను
యిలలో ప్రాణులు యిలువడి నెడలుచు వెఱగా
మెలగుచు నుండుట కనగా
పలలమ్మును గోరి చిలుక ఫలములు రోసెన్
రాజారావు గారూ,
తొలగించండిమీ పూరణ బాగున్నది. అభినందనలు.
'ముదురుచుండెను+ఇలలో, ప్రాణులు+ఇలు' అన్నపుడు యడాగమం రాదు. "చుండె। న్నిలలో ప్రాణులు నిలు విడి..." అందామా?
చెలికా డొకడు విదేశపు
రిప్లయితొలగించండిచిలుకలు పలలము తినునని చెప్పగ నంతన్
బలిమిని కోరుచు నిప్పుడు
"పలలమ్మును గోరి చిలుక ఫలముల రోసెన్"
( కొన్ని రకముల చిలుకలు పురుగుల్ని మరియు చిన్న జంతువుల్ని తింటాయి. గూగుల్ సమాచారం)
బాలసుబ్రహ్మణ్య శర్మ గారూ,
తొలగించండిమీ పూరణ బాగున్నది. అభినందనలు.
కుచేలుని భార్య కృష్ణుని వద్దకు వెళ్ళమని ఆంగ్లములో చెప్పు భావన (సరదాకు మాత్రమే)
రిప్లయితొలగించండి(క) నిషిద్ధము సుమా
తేటగీతి
మోరు చిల్ద్రను టూఅజ్జు ,వేరు వుయ్యి
బేరు, నోమనీ , నో పుడ్డు, ప్లీజు గోటు
ప్రెండు పాలెస్సు , డోంట్ఫీలు ,ప్లీజు టెల్లు
అవరు పొజిషను,బ్రింగ్మనీ, హాప్లి అవరు
ఫ్యామిలీ విల్లు ఎంజాయి, బ్యాడు డేసు
విల్లు లాస్టు, ఒపినియను టెల్లు ప్లీజు
గురుదేవ నిన్నటి మరీ యొక పూరణ సరదాకు మాత్రమె సుమా క నిషిద్ధము
తొలగించండికృష్ణ సూర్యకుమార్ గారూ,
తొలగించండిసరదాగా మీరు వ్రాసిన ఆంగ్ల పూరణ బాగున్నది. అభినందనలు.
చెలియగు గోర పలలమున్
రిప్లయితొలగించండిపొలుపుగ ప్రతిదినము దినుట పొరుగునె గనుచున్
జ్వలనము గలుగగ మదిలో
పలలమ్మున్ గోరి చిలుక ఫలముల రోసెన్!!!
(పొరుగింటి పుల్లకూర రుచి -భావములో)
శైలజ గారూ,
తొలగించండిమీ పూరణ బాగున్నది. అభినందనలు.
'చెలియగు' అన్నప్పుడు '..యగు'కు అన్వయం? అక్కడ "చెలియయె" అని ఉండాలనుకుంటాను.
ఇలపైన దొరుకు ఫలములు
రిప్లయితొలగించండికలుషితమై జబ్బునిడును, గడుబలమునిడున్
తిల గురుములు మహిలో, యని
పలలమ్మును గోరి చిలుక ఫలముల రోసెన్
పురుగు మందులవాడకము వలన పండ్లు మంచివి కాదని ( పలలము = నువ్వులపిండి)
కోరెను చిలుక యని భావన
కృష్ణ సూర్యకుమార్ గారూ,
తొలగించండిఅర్థాంతరంతో మీ పూరణ చక్కగా ఉంది. అభినందనలు.
వెల జూడ భ్రమసి నేతల
రిప్లయితొలగించండివలలో పడినంత 'ఓటు ' పణమున కమ్మన్
బలి పశువై జనె నోటరు!
పలలమ్మును గోరి చిలుక ఫలముల రోసెన్!
శ్రీధర రావు గారూ,
తొలగించండిమీ పూరణ బాగున్నది. అభినందనలు.
కం.
రిప్లయితొలగించండివలపుల పంచును ద్రోవది
గెలిచిన రాజౌదవంచుఁ గృష్ణుడు పలుకన్
దలఁచె సుయోధనుఁ గర్ణుడు!
పలలమ్మును గోరి చిలుక ఫలముల రోసెన్.
సహదేవుడు గారూ,
తొలగించండిమీ పూరణ బాగున్నది. అభినందనలు.
"రాజౌదువంచు'.. టైపాటు!
గురుదేవులకు ధన్యవాదములు. సవరించిన పూరణ
తొలగించండికం.
వలపుల పంచును ద్రోవది
గెలిచిన రాజౌదువంచుఁ గృష్ణుడు పలుకన్
దలఁచె సుయోధనుఁ గర్ణుడు!
పలలమ్మును గోరి చిలుక ఫలముల రోసెన్.
పలలపురుచినిన్మరిగిన
రిప్లయితొలగించండిచిలుకయదాఫలమునిరసించుటగనగన్
బలలపురుచిబాగుండుట
పలలమ్మునుగోరిచిలుకఫలములరోసెన్
సుబ్బారావు గారూ,
తొలగించండిమీ పూరణ బాగున్నది. అభినందనలు.
రెండవ పాదంలో గణదోషం. "ఫలముల నిరసించుట..." అనండి.
తెలివిగ శాస్త్రజ్ఞుండొక
రిప్లయితొలగించండిచిలుకను సృష్టించె|వింత జేకూర్చెడిదై
నిలిచెను సంకర జాతిగ
పలలమ్మును గోరి చిలుక ఫలముల రోసెన్|
ఈశ్వరప్ప గారూ,
తొలగించండిమీ పూరణ బాగున్నది. అభినందనలు.
గు రు మూ ర్తి ఆ చా రి
రిప్లయితొలగించండి,,,,,,,,,,,,,,,,,, ,,,,,,,,,,
[ నా భార్యను ముద్దుగా " చిలుక " య౦దురు . ఆమెకు క్షయవ్యాధి సోకి దేహము
కృశి౦చగా , వైద్యుని సలహానుసారము ,
ధాన్యపదార్థముల తగ్గ౦చి మా౦స పదార్థములనే ఎక్కువగ కోరుకున్నది ]
" చిలుక " యని య౦ద్రు నా ము
ద్దులసతిని|కృశి౦చెను క్షయథువుచే | యొసగన్
్
సలహా వైద్యు౦ , డ౦తట
పలలమ్మునుగోరి " చిలుక " ఫలముల రోసెన్
ి
{ సలహా = హి౦దీ పదప్రయోగము చేసి న౦దుకు
క్షమి౦చాలి ; క్షయథువు = క్షయ రోగము
ే
ఫలము = ధాన్య పదార్థము }
గురుమూర్తి ఆచారి గారూ,
తొలగించండిమీ పూరణ బాగున్నది. అభినందనలు.
"క్షయథువుచే నొసగన్" అనండి.
ఇది కేవలం సమస్యాపూరణ మయితే పరవాలేదు. నిజంగానే మీ సతీమణి క్షయ పీడితురాలైతే మీకు నా సానుభూతి!
గురువు గారికి నమస్సులు
రిప్లయితొలగించండిచిలుకుల కొల్కిన మగనిన్
చెలిమిప్రవిమల పలుకులట చెప్పగ నిలనన్
కలికాలమునయువకులే
పలలమ్మును గోరి చిలుక ఫలమ్ములు రోసెన్
వెంకట నారాయణ రావు గారూ,
తొలగించండిమీ పూరణ బాగున్నది. అభినందనలు.
రిప్లయితొలగించండిఇలలో సింగము తిరుగును
పలలమ్మును గోరి ,చిలుక ఫలముల రోసెన్
ఫలముల వంటి పలుకులను
గలగలనాడచు సతతము సంబర పడుచున్.
ఉమాదేవి గారూ,
తొలగించండివిరుపుతో మీ పూరణ బాగున్నది. అభినందనలు.
వాట్సప్ సమూహంలో మీ పూరణ కనిపించడం లేదు ఎందుకో?
తొలగించండికంది వారు
వాట్సప్ లో వచ్చే పూరణలన్ని
వెబ్ లో లేక పోవటం వల్ల కాల గతిలో కలిసి పోతున్నాయేమో ?
వాటిని కూడా వెబ్ లో ఈ బ్లాగులో గాని వేరైన బ్లాగు లో కాని చేరిస్తే రాబోయే తరానికి ఉపయోగంగా వుంటుందేమో ?
జిలేబి
ఆ బాధతోనే మైలవరపు అవధాని గారి పూరణలను బ్లాగులో శాయశక్తులా నేను జోడిస్తున్నాను.
తొలగించండి👌👌👌
చిలుకల కొలికిస్టమ్మని
రిప్లయితొలగించండివలపున ఇచ్చెను మగండు పలలపు విందున్
ఫలములు జప్పగ తోచగ
పలలమ్మును గోరి చిలుక ఫలముల రోసెన్
ఫణీంద్రరావు కొనకళ్ళ
ఫణీంద్ర రావు గారూ,
తొలగించండిమీ పూరణ బాగున్నది. అభినందనలు.
'కొలి కిష్టమ్మని'...టైపాటు. "వలపున నిచ్చెను" అనండి. పద్యం మధ్యలో అచ్చులు రాకుండా చూడండి.
*నెలకార్తీకమనుచుప*
రిప్లయితొలగించండి*త్నులుపవసించుచుగృహములనోమగనిష్టన్*
*ఖలులనసమస్యనిచ్చిరి*
*పలలమ్మును గోరి ! చిలుక ఫలముల రోసెన్!*
*శ్రీమతి సందిత బెంగుళూరు*
సందిత గారూ,
తొలగించండిమీ పూరణ బాగున్నది. అభినందనలు.
'నిష్ఠన్' అనండి.
విలువలు వీడిన జీవన
రిప్లయితొలగించండిముల బెనగెడి కష్టములిక ముంగిట నిలువన్
తలపోసినార లిట్టుల
"పలలమ్మును గోరి చిలుక ఫలముల రోసెన్!"
శిష్ట్లా శర్మ గారూ,
తొలగించండిమీ పూరణ బాగున్నది. అభినందనలు.
కొలిచెడి దైవము తల్లిని
రిప్లయితొలగించండిపిలిచెద రటమమ్మీ నిజేసి వెంగము లాడన్
తలచిన గుండెకు బరువై
పలలమ్మును గోరి చిలుక ఫలముల రోసెన్
అక్కయ్యా,
తొలగించండిమీ పూరణ బాగున్నది. అభినందనలు.
రెండవ పాదంలో గణదోషం. "పిలిచెదరట మమ్మి జేసి..." అనండి.
కొలిచెడి దైవము తల్లిని
తొలగించండిపిలిచెద రటమమ్మి జేసి వెంగము లాడన్
త్తలచిన గుండెకు బరువై
పలలమ్మును గోరి చిలుక ఫలముల రోసెన్
వాట్సప్ సముదాయ సమస్యా పూరణ లో నన్ను కూడ సభ్యునిగా చేర్చు కోవలెనని ప్రార్థన. నా వాట్స్ ప్ నంబర్
రిప్లయితొలగించండి7981824948.
నమస్కారాలు
ధన్యవాదాలన్నయ్యగారూ.ప్రయాణంలో వుండడంవల్ల పోస్ట్ చేసినా రాలేదు.దుబాయ్ లో నెట్వర్క్ అందడంవల్ల బ్లాగులో పోస్టయింది.వాట్సప్ లో కాలేదు.సురక్షితంగా బెంగళూరు చేరుకొన్నాను.
రిప్లయితొలగించండిచిలుకల కొలికి యొకతె తన
రిప్లయితొలగించండిచెలిమరి పలలము,ఫలముల జేకొనమన;నా
గుల చవితిన చోద్యముగా
పలలమ్మును గోరి చిలుక ఫలముల రోసెన్.
*******()()()******
చెలిమరి = సఖి ; పలలము = నూవు పిండి.
డా.పిట్టా
రిప్లయితొలగించండికలికాలమ్మిది శాస్త్ర శోధనలవే కావే వినీత శ్రుతుల్
మలి జన్మంబెటులుండునో తినుమనన్ మాబాగుగా మాంస మి
మ్ముల పుంసత్వ మొసంగు నంచనగనే మోసంబు పాలైరి యా
పలలమ్మున్ వలచెన్ శుకంబు మరచెన్ ,బండ్లన్న రోసెన్ గదా!?