వెంకట నారాయణ రావు గారూ, మీ పూరణ బాగున్నది. అభినందనలు. "గొప్పవార। మనియు..." అనండి. మూడవ పాదంలో యతి తప్పింది. "పరమహంసఁ। దలప కపట సన్యాసుల దంభ నీచ..." అనవచ్చు.
పెంపు వహింప భాషకును బ్రీతిగ సేవలు జేయువారి నా ణెంపు విమర్శలన్ మిగుల నేర్పుగ పుక్కిట బట్టి గీతముల్ చంపకమాలలాది పలు ఛందవిరాజిత పద్య సాహితీ సంపద కొల్ల గొట్టెద ప్రశస్తముగా జనులెల్ల మెచ్చగన్
ప్రత్యుత్తరంతొలగించు
వీటూరి భాస్కరమ్మనవంబర్ 07, 2017 11:40 AM అరయ పరిశోధనలు జేసినరులువొగడ నద్భుతావిష్కరణమ్ములందుకొనుచు శాస్త్రవేత్తగ సైన్సున సాగి సృజన సంపదల కొల్లగొట్టెద జనులు మె
మోడి ఉవాచ:
రిప్లయితొలగించండివేన వేల లక్షల నోట్ల వెంటబడుచు
రద్దుజేసి శాశ్వతముగ ముద్దుగాను
చల్లగ వెనుకవేసిన నల్లనైన
సంపదలు కొల్లగొట్టెద జనులు మెచ్చ
ప్రభాకర శాస్త్రి గారూ,
తొలగించండిమోడీ గారి మాటగా మీ పూరణ బాగున్నది. అభినందనలు.
రిప్లయితొలగించండికంపనమొనర్చ జనవాళి, కంద పద్య
సొంపులనునేర్చి, కవివర సొబగు గాను
యింపగు జిలేబులందించి యిచ్చట గల
సంపదలు కొల్లగొట్టెద జనులు మెచ్చ!
జిలేబి
జిలేబీ గారూ,
తొలగించండిఅభినందనల సంపదలనా కొల్లగొట్టింది? బాగుంది మీ పూరణ. అభినందనలు.
'జనవాళి'...?
కంపన మొనర్చగ జనాళి... అని ఉండాలనుకుంటాను.
తొలగించండికవులు పండితులును గొప్ప కవిత లల్లి
రిప్లయితొలగించండివాటికి మనల జేసిరి వారసులను
విరివి కవనముల జదివి విలువ గలుగు
సంపదలు కొల్లగొట్టెద జనులు మెచ్చ.
జనార్దన రావు గారూ,
తొలగించండిమీ పూరణ బాగున్నది. అభినందనలు.
సంపదలు కొల్లగొట్టెద జనులు మెచ్చ
రిప్లయితొలగించండిఏమి మిగిలెను దోచగ భూమి పైన
తొల్లి దేవా లయమ్ములు దోచు కొనిరి
గ్రంధ రాజము లన్నిటి కాల బెట్టె
విలువ గలవజ్ర ముల్గొనె వేయి విధుల
రోసి జనులంత సొలయించి మోస పోయె
అక్కయ్యా,
తొలగించండిబాగుంది మీ పూరణ. అభినందనలు.
"జనులు మెచ్చ। రేమి మిగిలెను...కాలబెట్టి... మోసపోగ" అంటే బాగుంటుందేమో?
సంపదలు కొల్లగొట్టెద జనులు మెచ్చ
తొలగించండిరేమి మిగిలెను దోచగ భూమి పైన
తొల్లి దేవా లయమ్ములు దోచు కొనిరి
గ్రంధ రాజము లన్నిటి కాల బెట్టి
విలువ గలవజ్ర ముల్గొనె వేయి విధుల
రోసి జనులంత సొలయించి మోస పోగ
(అల్లూరి సీతారామరాజు మల్లుదొర గంటందొరలతో)
రిప్లయితొలగించండిపరమదుర్మార్గగాములై భరతదేశ
భూముల గబళించెడి యాంగ్లభూతములను
పారదరిమెద;వారల మందుగుండు
సంపదలు కొల్లగొట్టెద జనులు మెచ్చ.
బాపూజీ గారూ,
తొలగించండిచక్కని పూరణ. అభినందనలు.
ధన్యవాదములు
తొలగించండినక్సలైటు యొకడు రాత్రి నడచి పోతు
రిప్లయితొలగించండిపక్కనున్నట్టి మిత్రుతో పలికె నిటుల
"శ్రామికులఁదోచి పీడించు షావుకార్ల
సంపదలు కొల్లగొట్టెద జనులు మెచ్చ"
భరద్వాజ్ గారూ,
తొలగించండినక్సలైటు మాటగా మీ పూరణ బాగున్నది. అభినందనలు.
'నక్సలైటు+ఒకడు' అన్నపుడు సంధి నిత్యం. యడాగమం రాదు.
రిప్లయితొలగించండిఇంపగు పల్కు లెల్ల గని యిచ్చటి పద్యపు కైపు పోడిమల్
సొంపుల నేర్చి పాదముల సోగుల గాంచుచు వారి పద్ధతిన్
మంపుగొనంగ జూచి మజ మత్తిలి ముంగటి కైపదావళీ
సంపదఁ గొల్లగొట్టెదఁ బ్రశస్తముగా జనులెల్ల మెచ్చఁగన్
జిలేబి
జిలేబీ గారూ,
తొలగించండిమీ పూరణ బాగున్నది. అభినందనలు.
డా.పిట్టా
రిప్లయితొలగించండిసంపదలు కొల్లగొట్టెద జనులు మెచ్చ
నందరికి బంచి పెట్టెద ననిన మోది
నోట్ల రద్దు కష్టాల ననూహ్యగతిని
బంచె పోయెను గొంగళి పరగ దొంగ
దొరుకనే లేదు శిక్షలు దొర్లలేదు
శిక్ష బడునేమొ నతని కెలక్షనులను?
డా. పిట్టా వారూ,
తొలగించండిమీ పూరణ బాగున్నది. అభినందనలు.
'శిక్ష బడునేమొ యతని...' అనండి.
నాటి యాంగ్లేయ మనముల న్నాటుకొన్న
రిప్లయితొలగించండిభావ మొక్కటియే గదా భారతమున
నౌర! సర్వత్ర లభియించు నతులితమగు
సంపదలు, కొల్లగొట్టెద జనులు మెచ్చ
వేంకట సత్యనారాయణ మూర్తి గారూ,
తొలగించండిమీ పూరణ బాగున్నది. అభినందనలు.
డా.పిట్టా
రిప్లయితొలగించండికొంపలు గూల్చి యా ధనిక కూటమినే తగ మట్టువెట్టి వే
రంపపు కోతలన్ మనిపి, *రష్య*యె సజ్జన మార్గగామి గాన్
దంపుడు యూకయే మిగిలె దవ్వుల దేశములట్టి సంద్రపున్
ముంపుల గ్రాలరే యొకని*మోచెయి నీటిని త్రాగ* క్షేమమే?
లంపటు ద్రోహమే సరి విలక్షణ లక్ష్యము గాగ ,యిట్లనన్
*సంపద గొల్లగొట్టెద బ్రశస్తముగా జనులెల్ల మెచ్చగన్*
డా. పిట్టా వారూ,
తొలగించండిమీ పూరణ బాగున్నది. అభినందనలు.
మైలవరపు వారి పూరణలు:
రిప్లయితొలగించండిశ్రీ వేంకటేశ్వరాయ నమః
లచ్చి! నీ యండఁగొని జనుల్ స్వార్థబుద్ధిఁ
గల్గి పెడదారిఁ జనకుండఁ గాపుఁగాయ
నిలువుదోపిడీ పేరిట నేనె యడిగి
సంపదలు కొల్లగొట్టెద జనులు మెచ్చ !!
మైలవరపు మురళీకృష్ణ వెంకటగిరి
ఇంపుగ నింటిలోన లభియింపవె పాలును వెన్న ? కన్న ! యీ...
తెంపరి కార్యమేల ? యన దెల్పె యశోదకు నల్లనయ్య ! పా...
లింపగ , వారు బ్రీతియని యెంచెడు వల్వలు , పాలు , వెన్నలన్
సంపదఁ గొల్లగొట్టెదఁ బ్రశస్తముగా జనులెల్ల మెచ్చఁగన్ !
మైలవరపు మురళీకృష్ణ వెంకటగిరి
మైలవరపు వారూ,
తొలగించండిమీ రెండు పూరణలు అద్భుతంగా ఉన్నవి. అభినందనలు.
కోట రాజశేఖర్ గారి పూరణ:
రిప్లయితొలగించండిసందర్భం :: మన ప్రధానమంత్రి నరేంద్ర మోదీ గారి విజయఘోష
*మన్ కీ బాత్*
ఇంపుగ *మోది* యిట్లనె:
‘’వచించిన రీతుల స్వచ్ఛ భావమున్
నింపగ బూని, స్వచ్ఛతను నిల్పితి భారత దేశమందు. ధ్యా
నింపగ బూని, విశ్వమున నిల్పితి ధ్యానము. భారతాంబ రా
ణింపగ బూని, దూరముగ నెట్టితి నల్లధనమ్ము. నంతటన్
సొంపుగ నేకరీతిగను చూపితి పన్నుల మార్గమున్. *యశ
స్సంపద కొల్లగొట్టెద, బ్రశస్తముగా జనులెల్ల మెచ్చగన్.*
కోట రాజశేఖర్ నెల్లూరు.
రాజశేఖర్ గారూ,
తొలగించండికీర్తి సంపదను కొల్లగొడతానన్న ప్రధాని మాటతో మీ పూరణ ప్రశస్తంగా ఉంది. అభినందనలు.
పెంపొనరింప హైందవము వీర శివాజి పరాక్రమంబునన్
రిప్లయితొలగించండిజంపి మహమ్మదీయ పుర సైన్యము నెల్ల మనోభిలాషతన్
సొంపుగ బల్కె సాయుధులు జూచుచు నుండగ వైరరాజ్యపుం
సంపదఁ గొల్లగొట్టెదఁ బ్రశస్తముగా జనులెల్ల మెచ్చఁగన్
ఫణికుమార్ గారూ,
తొలగించండిశివాజీ ప్రస్తావనతో మీ పూరణ ప్రశస్తంగా ఉంది. అభినందనలు.
వైర రాజ్యపు సంపద లో ను గాగమమునకు తావులేదని నా భావన. సమాసమునఁ బరుష సరళములు పరమగు నపుడే పుం పు లకు ను గాగమ మగును.
తొలగించండిగురువుగారూ నమస్సులు. ధన్యవాదములు.
తొలగించండిపూజ్యులు కామేశ్వరరావు గారికి వందనములు. వైరరాజ్య భూ సంపదఁ అంటే బాగుంటుందేమో పరిశీలించ మనవి. ధన్యవాదములు.
ఫణి కుమార్ గారు నమస్సులు. చక్కటి సవరణ.
తొలగించండిపూజ్యులు కామేశ్వరరావు గారికి నమస్సులు. ధన్యవాదములు.
తొలగించండితల్లిదండ్రికి నాప్యాయతలను పంచి
రిప్లయితొలగించండిఅన్నదమ్ముల ననురాగ యాస్తి గోరి
బంధు వర్గపు ప్రేమల భవ్య నిధుల
సంపదలు కొల్లగొట్టెద జనులు మెచ్చ
శ్రీరామ్ గారూ,
తొలగించండిమీ పూరణ బాగున్నది. అభినందనలు.
'అనురాగ యాస్తి' దుష్టసమాసం. "అనురాగ మాత్మ గోరి" అనండి.
ఘోర కృత్యము సేసిన గొప్ప వారల
రిప్లయితొలగించండిమనియు డంబము పలికిన పరమ హంస
ను దలప కపట సన్యాసి తుచ్ఛ నీచ
సంపదలు కొల్లగొట్టెద జనులు మెచ్చ.
వందనములు
రెండవ పాదములో డంబము పలుకగ
రిప్లయితొలగించండివెంకట నారాయణ రావు గారూ,
తొలగించండిమీ పూరణ బాగున్నది. అభినందనలు.
"గొప్పవార। మనియు..." అనండి. మూడవ పాదంలో యతి తప్పింది. "పరమహంసఁ। దలప కపట సన్యాసుల దంభ నీచ..." అనవచ్చు.
ప్రజల ధనము ల దో చె డు వంచకు లను
రిప్లయితొలగించండిపట్టుకొని యును శిక్షింప ప్రతిన జేసి
సంపద లు కొల్ల గొట్టే ద జనులు మెచ్చ
న నె డు అధికారి నెల్ల రు నాద రింత్రు
రాజేశ్వర రావు గారూ,
తొలగించండిమీ పూరణ బాగున్నది. అభినందనలు.
ఒక వీర జవాను పలుకులు :
రిప్లయితొలగించండిఉగ్రవాదము పేరిట నుద్యమించి
జనుల హననముజేయుట జన్నమనుచు
జెలగు ముష్కరమూకల చేతి శస్త్ర
సంపదలు కొల్లగొట్టెద జనులుమెచ్చ
శల్యుని ఆలోచన :
రిప్లయితొలగించండిదుష్టసహవాసము వలన ధూర్తుడయ్యె
భాను పుత్రుడయ్యు ధరణి భారమయ్యె
కరకు మాటలచేతను కర్ణుసత్వ
సంపదలు కొల్లగొట్టెద జనులుమెచ్చ
సీతాదేవి గారూ,
తొలగించండిమీ రెండు పూరణలు చక్కగా ఉన్నవి. అభినందనలు.
ధన్యవాదములు గురుదేవా !
తొలగించండి
రిప్లయితొలగించండిసంపదఁ గొల్లగొట్టెదఁ బ్రశస్తముగా జనులెల్ల మెచ్చఁగన్
నింపెద నూత్న రీతిగన నీ యమరావతి! మాన్యతన్ గనన్
పంపెద మిమ్ము సింహపురి పట్నము మీరహహోయనన్ భళీ
యింపగు నాప్రణాలికలు యిమ్ముగ యాంధ్రులకౌ జిలేబులై!
జిలేబి
జిలేబీ గారూ,
తొలగించండిమీ పూరణ బాగున్నది. అభినందనలు.
'...యిమ్ముగ నాంధ్రులకౌ' అనండి.
గుర్తు తెలియని యొక దుండగుం డట తిరు
రిప్లయితొలగించండిగాడె నాత్రముగను రాత్రి వాఁడు సూడ
సంపదలు కొల్ల, గొట్టెద జనులు మెచ్చ
వానిఁ బట్టి కక్కించెద నేను వేగ
చంపిరి దేశ పౌరులను శౌర్య విహీనులు క్రూరులై విదే
శంపు టయోగ్య సైనికులు శాత్రవ సింహము హిందు దేశపుం
బంపున నేగి సత్వరము పన్నుగ గర్వము నెల్లఁ, గాచుచున్
సంపదఁ, గొల్లగొట్టెదఁ బ్రశస్తముగా జనులెల్ల మెచ్చఁగన్
కామేశ్వర రావు గారూ,
తొలగించండిమీ రెండు పూరణలు ఉత్తమంగా ఉన్నవి. అభినందనలు.
పూజ్యులుశంకరయ్య గారికి నమఃపూర్వక ధన్యవాదములు.
తొలగించండిపెంపు వహింప భాషకును బ్రీతిగ సేవలు జేయువారి నా
రిప్లయితొలగించండిణెంపు విమర్శలన్ మిగుల నేర్పుగ పుక్కిట బట్టి గీతముల్
చంపకమాలలాది పలు ఛందవిరాజిత పద్య సాహితీ
సంపద కొల్ల గొట్టెద ప్రశస్తముగా జనులెల్ల మెచ్చగన్
ప్రత్యుత్తరంతొలగించు
వీటూరి భాస్కరమ్మనవంబర్ 07, 2017 11:40 AM
అరయ పరిశోధనలు జేసినరులువొగడ
నద్భుతావిష్కరణమ్ములందుకొనుచు
శాస్త్రవేత్తగ సైన్సున సాగి సృజన
సంపదల కొల్లగొట్టెద జనులు మె
భాస్కరమ్మ గారూ,
తొలగించండిమీ రెండు పూరణలు బాగున్నవి. అభినందనలు.
రెండవ పూరణ రెండవ పాదంలో గణదోషం. "..నద్భుతావిష్కరణముల నందుకొనుచు" అనండి.
వచ్చే ఎన్నికలలో నన్ను గెలిపించిన నే అవినీతిని పార ద్రోలుదునని
రిప్లయితొలగించండికొందరు ప్రతిపక్ల్ష నేతల మనో భావన
దేశమందు తరిగెనీతి దేవుని గుడి
దోచు దొంగలు కొందరు దుర్గతులను
దోచు చుండునింకొందరు దుష్ట యసుర
సంపదలు కొల్లగొట్టెద జనులు మెచ్చ"
కృష్ణ సూర్యకుమార్ గారూ,
తొలగించండిమీ పూరణ బాగున్నది. అభినందనలు.
'దుష్ట+అసుర = దుష్టాసుర' అవుతుంది. అక్కడ "దుష్ట దనుజ.." అనండి.
ప్రజలపొలములు కాజేసి వంచనమున
రిప్లయితొలగించండినీతి బాహ్యపు పనులతో నేతలిపుడు
కూడబెట్టిరి కోటానుకోట్లు, వారి
సంపదలు కొల్లగొట్టెద జనులు మెచ్చ
అన్నపరెడ్డి వారూ,
తొలగించండిమీ పూరణ బాగున్నది. అభినందనలు.
సంపదగొల్లగొట్టెదజనులుమెచ్చ
రిప్లయితొలగించండికొల్లగొట్టుట సరికాదు కొల్లగొట్ట
జనులుమెచ్చుట యనునదిసరియకాదు
రక్షజేయుటమనకుశ్రీరామరక్ష
సుబ్బారావు గారూ,
తొలగించండిమీ పూరణ బాగున్నది. అభినందనలు.
ఉః సంపదగూర్చి రైతులకు, చక్కని శీతల మందిరమ్ములన్
రిప్లయితొలగించండిసొంపొనరింతునంచు కడు సోదిని జెప్పి పొలమ్ముగుంజి నే
డంపిరి కూలివారిగను, హర్తలు దొంగిలి నట్టిదౌ ప్రజా
సంపదఁ గొల్లగొట్టెదఁ బ్రశస్తముగా జనులెల్ల మెచ్చఁగన్
కంపునొసంగునీప్రభుత కాంచుపరాజయమున్ దృఢమ్ముగా
అన్నపరెడ్డి వారూ,
తొలగించండిమీ పూరణ బాగున్నది. అభినందనలు
స్థానిక కలెక్టరనియె విశాఖ పురిని
రిప్లయితొలగించండియక్రమముగా ప్రభుత్వపు యవనిని గొని
తమదిగా విక్రయించుచు దాచినట్టు
సంపదలు కొల్లగొట్టెద జనులు మెచ్చ
కృష్ణారావు గారూ,
తొలగించండిమీ పూరణ బాగున్నది. అభినందనలు
"పురిని। నక్రమముగా ప్రభుత్వపు టవనిని.. దాచినట్టి" అనండి.
తరుగని నిధియౌగద|శమంతక మణులగు
రిప్లయితొలగించండిరాజ కీయంబు|నాయకుల్ వ్రాతలన్ని
సంపదలుకొల్లగొట్టెద జనులుమెచ్చ
మాటమూటలె “జనులకు కోటినిధులు”
2.ఎంపిక లైన నాయకు లొకింతయుబంచిన సొమ్మువిత్తగా?
నింపును నిత్య సౌఖ్యములు| నిందలు వందలువచ్చి జేరినా?
సంపద లూరుచుండు గద|సర్వులు బంచెడి లంచ వంచనాల్
సంపద కొల్లగొట్టెద బ్రశస్తముగా జనులెల్ల మెచ్చగన్|
ఈశ్వరప్ప గారూ,
తొలగించండిమీ రెండు పూరణలు బాగున్నవి. అభినందనలు.
'లంచ వంచనాల్' అనడం దోషమే.
క్రొవ్విడి వెంకట రాజారావు:
రిప్లయితొలగించండితీరు తెన్నులు లేకుండ తిరము కాని
పవిది గమనమెంచుచు నుండి వచరుడౌచు
నేగు శిష్యునాతని మార్చి నీచ భావ
సంపదలు కొల్లగొట్టెద జనులు మెచ్చ
రాజారావు గారూ,
తొలగించండిమీ పూరణ బాగున్నది. అభినందనలు
సంపదగొల్లగొట్టెబ్రశస్తముగాజనులెల్లమెచ్చగ
రిప్లయితొలగించండిన్నింపుగలేదుగావినగనీయదిచెప్పుమ!నీవయిప్పుడున్
సంపదగొల్లగొట్టునెడసంతులుమెచ్చరునిక్కమేసుమా
పెంపునుగానకేజనులుమెచ్చుటవారలబుధ్ధిహీనతే
సుబ్బారావు గారూ,
తొలగించండిమీ పూరణ బాగున్నది. అభినందనలు
"స్వార్ధపరులెల్లరు విదేశ బ్యాంకు ల౦దు
రిప్లయితొలగించండిపన్ను లెగ వైచి దాచిన వక్ర ధనము,
సంపదల గొల్ల గొట్టెద జనులు మెచ్చ"
యనుచుఘోషించు భాషణమ్మున ప్రధాని
తిమ్మాజీ రావు గారూ,
తొలగించండిమీ పూరణ బాగున్నది. అభినందనలు
'మెచ్చ। ననుచు...' అనండి.
రిప్లయితొలగించండిఉత్తమగురువు చెంగట నుత్సుకతను
బూని నేర్చుచు విద్యను పుడమి యందు
ననవరతము నేనట నుండి యాచదువను
సంపదలు కొల్లగొట్టెద జనులు మెచ్చ.
డా. ఉమాదేవి గారూ,
తొలగించండిమీ పూరణ బాగున్నది. అభినందనలు
ఇంపుగ నిన్ను నన్ను నిటు లేకము చేసిరి పెద్దలందరున్
రిప్లయితొలగించండిసొంపగు పెండ్లి వేదికను సుందరి! నా కర మంది రాగదే
కెంపుల మోవి పైన చిలికించుచు వెన్నెల నీదు హార్దమౌ
సంపదఁ గొల్లగొట్టెదఁ బ్రశస్తముగా జనులెల్ల మెచ్చఁగన్.
మిస్సన్న గారూ,
తొలగించండిఅద్భుతమైన పూరణ. అభినందనలు.
సొంపగురీతిగన్ జనుల సొమ్మును గోరక వత్సరమ్ము గ
రిప్లయితొలగించండిన్నింపుగ నేర్పి నేడు కొను మిప్పుడు మా చరవాణి పైకము
న్నంపుదు మూడువత్సరము లావల సేవలు నంద బల్కుచున్
సంపదఁ గొల్లగొట్టెదఁ బ్రశస్తముగా జనులెల్ల మెచ్చఁగన్
సహదేవుడు గారూ,
తొలగించండిమీ పూరణ బాగున్నది. అభినందనలు.
(ఆ జియో ఫోన్ నేనూ తీసుకున్నాను. అందులో రేడియో వినడం తప్ప ఇప్పటిదాకా మరేవిధంగా వినియోగించుకొలేదు!)
గురుదేవులకు ధన్యవాదములు
తొలగించండినా “శ్రీమదాంధ్ర సుందర కాండ” అష్టత్రింశ సర్గమున నేటి పద్యములలో నొకటి.
రిప్లయితొలగించండికంటి నిను భాగ్య వశమునఁ
గంటఁ దడి నిడ సమయమ్ము కా దిది సుమ్మీ
తొంటి వెతల కంతము తెలి
గంటి కనియెద వచిరమ్ము కమనీయముగన్
మూలము:
కథఞ్చిద్భవతీ దృష్టా న కాలః పరిదేవితుమ్.
ఇమం ముహూర్తం దుఃఖానాం ద్రక్ష్యస్యన్తమనిన్దితే ৷৷5.38.51৷৷
__/\__
తొలగించండిపూజ్యులు శంకరయ్య గారికి వందనములు.
తొలగించండిజనులు చరవాణి చెరలోన తనరు నటుల
రిప్లయితొలగించండివత్సరమ్ము నుచితముగ పంచి నేడు
సిరిని తిరిగిత్తు ననిజెప్పి సెల్లులమ్మి
సంపదలు కొల్లగొట్టెద జనులు మెచ్చ
సహదేవుడు గారూ,
తొలగించండిమీ పూరణ బాగున్నది. అభినందనలు
గురుదేవులకు ధన్యవాదములు
తొలగించండి"చింపెద పాత నోటులను చిందర వందర జేయబూనితిన్
రిప్లయితొలగించండిగంపలతోడ నీ పగడి కాసుల రాసి వసూలు జేసి నిన్
పంపెద జైలుకున్ వడిగ, పన్నుగ నల్లని రంగుదైన నీ
సంపదఁ గొల్లగొట్టెదఁ బ్రశస్తముగా జనులెల్ల మెచ్చఁగన్"
...నరేంద్ర మోడి
పంపితి నిన్ను నింటికిని పన్నుగ గెల్వగ మూడు రాష్ట్రముల్
రిప్లయితొలగించండినింపితి వీవు సంచులను నీరవ మోడివి రాళ్ళతోడ నీ
సంపదఁ గొల్లగొట్టెదఁ బ్రశస్తముగా జనులెల్ల మెచ్చఁగన్...
డింపుల బుగ్గలోడినిర టెంపరు మీరెను పెక్కు "భంగు"లన్!