రైతులు పంట నూర్పిళ్ళు జరిగినాక, ఇంటికి తెచ్చే ముందు పొలంలోనే చిన్న పండగ (క్రొత్తలు) చేస్తారు. క్రొత్త బియ్యంతొ పసుపన్నం వండి, మాంసంతొ గ్రామ దేవతకు ముందు నైవేద్యం పెడతారు. ఆ క్రమంలోనే ఒకావిడ నైవెద్యంకోసం మాంసం, అన్నం వండి, ఏదో పని రావడంతో పొలంలోకి వెళ్ళింది. ఈలోపు మావటిగా పని చేసే మేనల్లుడు ఏనుగెక్కి అటుగా వచ్చాడు. మాంసం వాసన చూసేసరికి తినాలనే ఆశ పుట్టి, మొత్తం తినేశాడు. ఇంతలో అత్త రానేవచ్చింది. సమాధానం ఏం చెప్పాలో తెలియని అల్లుడు చివరికి పై విధంగా తిక్క సమాధానం చెప్పాడు!
హరి గారి పూరణను నేను ప్రశంసించే లోపలే గురువు గారు ప్రశంసించారు. హరిగారూ చాలా బాగుంది. రవి గారూ, మిస్సన్న గారి సాంకేతికతను మీరు పట్టేసారు. చాలా అందంగా ఉంది. మిస్సన్నగారూ దంచేసారు. ఈ అవినీతి సంద్రములో ఎవ్వరినీ నమ్మలేము.ఉన్నత పదవులకు వెళ్ళాలంటే ఎంత మంది శిరస్సుల మీంచి దాటాలో,ఎంతమంది పాదాలకు శిరస్సు వంచాలో !
గన్నవరపు నరసింహ మూర్తి గారూ, మంద పీతాంబర్ గారూ, రవి గారూ, మిస్సన్న గారూ, జిగురు సత్యనారాయణ గారూ, రాజేశ్వరి నేదునూరి గారూ, మీ మీ పూరణలను చదివాను. అందరి పద్యాలూ బాగున్నాయి. అభినందనలు. "వారాంతపు సమస్యా పూరణల" సమీక్ష తోనే పుణ్యకాలం గడచి పోయింది. ఇప్పటికే రెండు గంటలు నెట్ సెంటర్ లో గడిచి పోయింది. బహుశా ఈరోజు మా ఇంటికి నెట్ కనెక్షన్ రావచ్చు. అది వస్తే తీరిగ్గా మీ పూరణలను వ్యాఖ్యానించే సౌలభ్యం ఏర్పడుతుంది. ఇప్పటికి నన్ను మన్నించండి.
క్రొత్తల పండుగ కొరకై
రిప్లయితొలగించండిదుత్తను బెట్టిన పలలము దొంగిలి తిని; మే
నత్తకు జెప్పెను మావటి
"మత్తెక్కిన భద్రగజము మాంసముఁ దినియెన్".
పై పద్యం అర్థం కానివారికోసం వివరణ:
రిప్లయితొలగించండిరైతులు పంట నూర్పిళ్ళు జరిగినాక, ఇంటికి తెచ్చే ముందు పొలంలోనే చిన్న పండగ (క్రొత్తలు) చేస్తారు. క్రొత్త బియ్యంతొ పసుపన్నం వండి, మాంసంతొ గ్రామ దేవతకు ముందు నైవేద్యం పెడతారు. ఆ క్రమంలోనే ఒకావిడ నైవెద్యంకోసం మాంసం, అన్నం వండి, ఏదో పని రావడంతో పొలంలోకి వెళ్ళింది. ఈలోపు మావటిగా పని చేసే మేనల్లుడు ఏనుగెక్కి అటుగా వచ్చాడు. మాంసం వాసన చూసేసరికి తినాలనే ఆశ పుట్టి, మొత్తం తినేశాడు. ఇంతలో అత్త రానేవచ్చింది. సమాధానం ఏం చెప్పాలో తెలియని అల్లుడు చివరికి పై విధంగా తిక్క సమాధానం చెప్పాడు!
హరి గారూ,
రిప్లయితొలగించండిచమత్కార భరితమై అలరిస్తున్నది మీ పూరణ. అభినందనలు.
వివరణ ఇవ్వకున్నా భావం అర్థమౌతున్నది.
'ఉత్తిత్తి వాడు ' దలపగ
రిప్లయితొలగించండిఎత్తుల పైయెత్తు వేసి యెగసెను పీవీ
చిత్తయె గాంధీ కూటమి
మత్తెక్కిన భద్రగజము మాంసముఁ దినియెన్ !
పోతన ఫాంట్ లో ౘ, ౙ వ్రాయచ్చు. కానీ వాటి గుణింతాలు మాత్రం సరిగా రావట్లేదు.
రిప్లయితొలగించండిౘా , ౙి ఇలా వస్తాయి . మిత్రులెవరికైనా తెలిసి ఉండవచ్చు.
ముత్యమ్ములు గలవని,యను
రిప్లయితొలగించండినిత్యమ్మును మావటియుననియె ! దన నుడువుల్,
సత్యమ్మే నని దెలియగ
మత్తెక్కిన భద్ర గజము మాంసము దినియెన్!!!
అత్తెరగున మృతి నొందెను
రిప్లయితొలగించండిమత్తెక్కిన భద్రగజము; మాంసముఁ దినియెన్
కత్తులఁ బోలు నఖమ్ముల
సత్తువఁ ఛిన్నంబు జేసి శార్దూలమ్మున్.
చిత్తును చేయగ వైరుల
రిప్లయితొలగించండియెత్తున్ కనరాక కేంద్రమెంపిక చేసెన్
తొత్తగు గవర్నరును కదె
మత్తెక్కిన భద్రగజము మాంసముఁ దినియెన్.
హరి గారి పూరణను నేను ప్రశంసించే లోపలే గురువు గారు ప్రశంసించారు. హరిగారూ చాలా బాగుంది. రవి గారూ, మిస్సన్న గారి సాంకేతికతను మీరు పట్టేసారు. చాలా అందంగా ఉంది. మిస్సన్నగారూ దంచేసారు. ఈ అవినీతి సంద్రములో ఎవ్వరినీ నమ్మలేము.ఉన్నత పదవులకు వెళ్ళాలంటే ఎంత మంది శిరస్సుల మీంచి దాటాలో,ఎంతమంది పాదాలకు శిరస్సు వంచాలో !
రిప్లయితొలగించండిమూర్తి గారూ ధన్యవాదాలు.
రిప్లయితొలగించండిసత్తువఁ గలిగిన సూమో,
రిప్లయితొలగించండిచిత్తగు నెవరైన, వాడు చేవకు గజమే,
బిత్తర పాటునఁ జూచితి
మత్తెక్కిన భద్రగజము మాంసముఁ దినియెన్.
చిత్తుగ త్రాగిన దనుజులు
రిప్లయితొలగించండిమత్తుగ మైమరచి పడిరి మరు భూములపై !
కుత్తుకలు వ్రేటు పడినచొ
మత్తెక్కిన భధ్రగజము మాంసముఁ దినియెన్ !
తత్తర పాటును జెందక
రిప్లయితొలగించండిసత్తా గల సింహ మొక్క చప్పున దూకెన్
యెత్తైన కుంభ తలమున
మత్తెక్కిన భధ్రగజము మాంసముఁ దినియెన్.
చిత్తము మంత్రుల కెప్పుడు ,
రిప్లయితొలగించండివిత్తము నందే తిరుగును వివరణ లేలా !
ఉత్తమ ఐరా వతములె ?
మత్తెక్కిన భద్ర గజము మాంసము దినియెన్!
గన్నవరపు నరసింహ మూర్తి గారూ,
రిప్లయితొలగించండిమంద పీతాంబర్ గారూ,
రవి గారూ,
మిస్సన్న గారూ,
జిగురు సత్యనారాయణ గారూ,
రాజేశ్వరి నేదునూరి గారూ,
మీ మీ పూరణలను చదివాను. అందరి పద్యాలూ బాగున్నాయి. అభినందనలు. "వారాంతపు సమస్యా పూరణల" సమీక్ష తోనే పుణ్యకాలం గడచి పోయింది. ఇప్పటికే రెండు గంటలు నెట్ సెంటర్ లో గడిచి పోయింది. బహుశా ఈరోజు మా ఇంటికి నెట్ కనెక్షన్ రావచ్చు. అది వస్తే తీరిగ్గా మీ పూరణలను వ్యాఖ్యానించే సౌలభ్యం ఏర్పడుతుంది. ఇప్పటికి నన్ను మన్నించండి.
అందరికీ వందనములు.
రిప్లయితొలగించండిఅందరి పూరణలూ
అలరించు చున్నవి.
01)
___________________________________
01)
వృత్తా కారము దిరుగుచు
మొత్తుచు మోదుచు గరమున - ముక్కోపమునన్
చిత్తము చోక్షము దప్పిన
మత్తెక్కిన భద్ర గజము - మాంసము దినియెన్
____________________________________
02)
రిప్లయితొలగించండి______________________________________
చిత్తము వచ్చిన రీతిని
క్రొత్తగ బన్నులు విధించి - ఘోరము జనులన్
నెత్తిన నొత్తెడు నృపుడే
మత్తెక్కిన భద్ర గజము ! - మాంసము దినియెన్ !
______________________________________
(నృపుడు = 5 నెలల్లో 6 సార్లు పెట్రోలు ధర పెంచిన ప్రభుత్వం)
______________________________________
వసంత్ కిశోర్ గారూ,
రిప్లయితొలగించండి"లాస్ట్ బట్ నాట్ లీస్ట్" అన్నట్టున్నాయి మీ పూరణలు. ఆలస్యంగా అందినా అలరించాయి. అభినందనలు.
మత్తేభము శార్దూలము
రిప్లయితొలగించండిసత్తువలో పోలియుండు సవరణ జేయన్
క్రొత్త కవికి మత్తెక్కగ:
"మత్తెక్కిన భద్రగజము మాంసముఁ దినియెన్"
చిత్తుగ నోట్లను పంచగ
రిప్లయితొలగించండిక్రొత్తది సింహమ్ము వోట్లు కోరుచు నడవిన్
చెత్తగ మద్యము గ్రోలుచు
మత్తెక్కిన భద్రగజము మాంసముఁ దినియెన్