మంద పీతాంబర్ గారూ, మంచి విరుపుతో సమస్యను పూరించారు. అభినందనలు. "కలిమిలొ గాకన్" అన్నారు. "లో"ను హ్రస్వం చేసి "లొ" అనరాదు. ఇది చాలా మంది చేసే పొరపాటే. "కలిమిని గాకన్" అంటే సరిపోఉంది.
మిస్సన్న గారూ,
ఆడిన మాటలు దప్పిన గాడిదకొడు కనుచుఁ దిట్టఁగా విని "యయ్యో! వీడా నా కొక కొడు" కని గాడిద యేడ్చెన్ గదన్న ఘనసంపన్నా! అన్న చాటుపద్యాన్ని గుర్తుకు తెచ్చే మంచి పూరణ నందించారు. బాగుంది. అభినందనలు.
జిగురు సత్యనారాయణ గారూ, అబద్ధాలతో పూరించి మెప్పించారు. ఇప్పటికే "మందాకిని" గారి అభినందనలను అందుకున్నారు. సంతోషం!
మిస్సన్న గారూ, మీ మూడవ పద్యం కూడ బాగుంది. అభినందనలు.
హరి గారూ, ఇంతకూ కత్రీనా ఖైఫ్ యోజనగంధి లాంటి సుమగంధి అంటారు? సరె! అందుకేనేమో కొత్త మల్లీశ్వరిలో వెంకటేశ్ ఆమె వెంట పడ్డాడు. ఆవిడ చిత్రాల్లో నేను చూసింది అదొక్కటే. అదీ ఇంట్లో సిడి ప్లేయర్లో. మంచి పూరణ. అభినందనలు.
అయ్యా, అజ్ఞాత గారూ, నా పేరును వక్రీకరించి మీరు రాసిన పద్యంలో ఏం చెప్ప దలచుకున్నారో అర్థం కాలేదు. దూషణ, భూషణ, తిరస్కారాలకు అతీతుణ్ణి నేను. ఇంకా నయం ... నంది అన్నారు, మరొకటి అనలేదు. సంతోషం! మీరు ఆటవెలది రాసారని అర్థం అవుతోంది. కొన్ని లోపాలున్నాయి. మొదటి పాదంలో "గీత దాట నయిడి డబ్లిన్లొ ఉందన్న" అన్నది అర్థం అయితే ఆ పాదాన్నీ సవరించే వాణ్ణి. ఇక మిగిలిన మూడు పాదాలకు నా సవరణ .... ....................................................... బ్లాగు నుడులు నమ్మి బాగు బాగు అన్న జనులు కూడ అవ్వరా బకరాలు ప్రియను జూడు మిపుడు ప్రేత మయ్యె.
గోలి హనుమచ్ఛాస్త్రి గారూ, "శంకరాభరణం" బ్లాగుకు స్వాగతం. చక్కని పూరణను పంపించారు. అభినందనలు. "మగ్గాడిదలు" మగ గాడిద లయినా గణదోషం లేదు. వ్యాఖ్యలను ఎలా పంపాలో వివరిస్తూ మీకు మెయిల్ పెట్టాను.
మిస్సన్న గారి మూడు పద్యాలు అందంగా బాగున్నాయి. మూడవ పద్యముతో గాడిదలకు జరిగిన అన్యాయాన్ని తీర్చారు. గోలి హనుమఛ్చాస్త్రి గారు ఆమ్ల దాడులు చేసే గాడిదలు గురించి ప్రస్తావించారు. బాగుంది. అజ్ఞాత గారూ, గురువు గారు ఆయన బ్లాగును మాడరేషన్ లేకుండా తెరచి ఉంచి నందులకైనా ఆయనను,బ్లాగును, గౌరవించాలి కదండీ? ఆయన ఎప్పుడూ గీత దాట లేదు. అభిప్రాయ భేదాలు ఉండ వచ్చు,కాని మనమంతా ఒకరి నొకరు గౌరవించుకోవడము మన ధర్మము. మీకు అందులకు కృతజ్ఞతలు.
గురువు గారూ, నమస్కారములు. సభా మర్యాద గీత యింత వరకు తప్ప లేదు. కాని నాకెప్పుడూ అనుమానమే. మాడరేషను చాలా అవసరము. మీకు వీలయినప్పుడు వ్యాఖ్యలు పోస్ట్ చేయ వచ్చు. కాని వాటి పరిశీలన అవసరము.
అయ్యా కంది శంకరయ్యగారూ! మీకు, రవిగారికీ, గన్నవరపు నరసింహమూర్తిగారికీ కోపం తెప్పించినందులకు క్షంతవ్యుణ్ణి. మన బ్లాగ్లోకంలో జరుగుతున్న విషయాలు మీ దృష్టికి తీసుకురావాలన్న తాపత్రయంతో పెట్టిన కామెంటు అది. గీతాచార్య, ప్రియా అయ్యంగార్, సృజనా రామానుజన్ మొదలైన పేర్లు ఇప్పుడు బ్లాగుల్లో మారుమ్రోగుతున్నాయి. ఈ క్రింది లంకె చూడండి మీకు అర్థం అవుతుంది. http://priyadayyamgaaru.wordpress.com/2011/01/25/%e0%b0%a8%e0%b1%87%e0%b0%a8%e0%b1%8a%e0%b0%95-%e0%b0%aa%e0%b1%8d%e0%b0%b0%e0%b0%bf%e0%b0%af%e0%b0%ae%e0%b1%88%e0%b0%a8-%e0%b0%aa%e0%b0%bf%e0%b0%b6%e0%b0%be%e0%b0%9a%e0%b0%bf%e0%b0%a8%e0%b1%80/#respond
వేడెదమో చాకలి, మా కాడికి ఆ జీన్సు తేకు, కంపరమౌ! పూ బోడుల చీరలె ఇంపగు ! గాడిదలకుఁ దెలియు కుసుమ గంధపు విలువల్.
నెలలు తరబడి ఉతకకుండా చమట, ఊళ్ళో మట్టీ, మోసుకు తిరిగే అబ్బాయిల జీన్సు పాంట్లు నీ చాకలి మోటలో నెత్తుకుని రాకయ్య, 'భరించ 'లేకపోతున్నాము. దానికన్నా, పెర్ఫ్యూములు, సెంట్లు, పౌడర్లు గట్రా దట్టించిన వారివి కానీ లేదా తలలో పూలూ, కాళ్ళకు పసుపూ, పారాణి పెట్టుకునే ఆడవారి బట్టలు ఉతకడానికి తెచ్చుకో, భేషుగ్గా ఉంటుంది అని గాడిద మనోగతం అన్న మాట.
అజ్ఞాత గారూ, క్షమించండి. విషయం తెలియక అపార్థం చేసికొన్నాను. మీరిచ్చిన లింకు చూసి అసలు సంగతి తెలుసుకున్నాను. మీ పేరడీ వ్యాఖ్యలు బాగున్నాయి. నా బ్లాగులో వ్యాఖ్య పెట్టినప్పుడే ఆ లింకు ఇచ్చి ఉంటే అపార్థాలకు తావు ఉండేది కాదు కదా?
సనత్ శ్రీపతి గారూ, గాడిదల మనోగతాన్ని రెండు పద్యాల్లో చక్కగా ఆవిష్కరించారు. పూరణలు బాగున్నాయి. అభినందనలు.
రాజేశ్వరి నేదునూరి గారూ, రెండు పద్యాలూ బాగున్నాయి. అభినందనలు. మొదటి పద్యం రెండవ పాదాన్ని " వేడుకలను మించి కొసరి విడిపోఁ గోరన్" అనీ, రెండవ పద్యం రెండవ పాదంలో "పామనుచు" అని సవరిస్తే గణదోషం తొలగిపోతుంది.
రోజంతా తిని తిరగడం తప్ప వేరే పనేదీ చెయ్యని సోమరిపోతుల కంటే కాడిని మెడ మీద వేసుకొని గాడిద బరువులు మోసే గాడిద ఎంతో గొప్పది గదా ! దానికి కుసుమ గంధం తెలియదందుమా!! ఏమంటారు సాములూ!
పగలంతా యజమానికి సేవ జేసి దొంగలొచ్చినా అరవకుండా కాపలా కుక్క తిని పడుకుంటే దానితో వాదించి లాభంలేక తానే ఓంఢ్ర పెట్టి యజమానిని లేప యత్నించి కుక్క కన్నా విశ్వాసం చూపించిన గాడిదకు కుసుమ గంధం విలువ తెలీదంటే నే నొల్లకోను , సాములూ! చిత్త గించండి!
బూడిద సౌఖ్యము దెలియును
రిప్లయితొలగించండిగాడిదలకు!! దెలియు కుసుమ గంధపు విలువల్
వాడిన వారికె!!తత్వము
కాడికి పోవగ దెలియును కలిమిలొ గాకన్ !!!
గాడిదలని హీనముగా
రిప్లయితొలగించండిపాడియె దలపంగ? నేడు పలువురు నేతల్
చూడగ ఖరనందనులే!
గాడిదలకుఁ దెలియు కుసుమ గంధపు విలువల్.
బాడుగకు బండి లాగుట
రిప్లయితొలగించండిగాడిదలకుఁ దెలియు; కుసుమ గంధపు విలువల్
చేడియల సహజ గుణములు
సూడిదలుగ నీయ దగును సుమ బాలలకున్ !!
మంద పీతాంబర్ గారూ,
రిప్లయితొలగించండిమంచి విరుపుతో సమస్యను పూరించారు. అభినందనలు.
"కలిమిలొ గాకన్" అన్నారు. "లో"ను హ్రస్వం చేసి "లొ" అనరాదు. ఇది చాలా మంది చేసే పొరపాటే. "కలిమిని గాకన్" అంటే సరిపోఉంది.
మిస్సన్న గారూ,
ఆడిన మాటలు దప్పిన
గాడిదకొడు కనుచుఁ దిట్టఁగా విని "యయ్యో!
వీడా నా కొక కొడు" కని
గాడిద యేడ్చెన్ గదన్న ఘనసంపన్నా!
అన్న చాటుపద్యాన్ని గుర్తుకు తెచ్చే మంచి పూరణ నందించారు. బాగుంది. అభినందనలు.
గురువు గారూ ధన్యవాదాలు.
రిప్లయితొలగించండిమరొక్కటి.
మేడలని మిన్నకుండరు
బీడులనుచు విడచి పోరు బీదల భూముల్
గాడిద కొడుకులు పెక్కురు
గాడిదలకుఁ దెలియు కుసుమ గంధపు విలువల్.
గన్నవరపు నరసింహ మూర్తి గారూ,
రిప్లయితొలగించండిఅదరగొట్టేసారండీ ఈ పూరణతో. మనోహరంగా ఉంది. అభినందనలు.
మిస్సన్న గారూ,
రిప్లయితొలగించండిప్రస్తుత పరిస్థితులను ప్రతిబింబిస్తున్న ఈ పూరణకూడ ఉదాత్తంగా ఉంది. అభినందనీయులు మీరు.
ఈ కామెంట్‌ను రచయిత తీసివేశారు.
రిప్లయితొలగించండిగురువుగారూ నమస్కారములు, ధన్యవాదములు. ఇప్పుడిప్పుడే జ్ఞానోదయ మవుతున్నాది!
రిప్లయితొలగించండిమిస్సన్నగారూ గురువు గారు చెప్పినట్లు గాడిదలతో నేతలను పోల్చి గాడిదలకు తీరని అన్యాయము చేస్తున్నారు !
పాడెకు ప్రాణము వచ్చును
రిప్లయితొలగించండిగాడిదలకుఁ దెలియు కుసుమ గంధపు విలువల్
త్రాడే పాముగ మారును
ఆడేటి అబద్ధములకు హద్దులు గలవే!!
నరసింహ మూర్తి గారూ! ఔనుస్మీ! గాడిదలకు అన్యాయం చేశాను కదా!
రిప్లయితొలగించండిమీ పూరణ మాత్రం సుమసౌరభాలను గుబాళిస్తోంది.
సత్యనారాయణగారూ!
రిప్లయితొలగించండిభలే పద్యం చెప్పేసి అబద్ధాలని తేల్చేశారుగా!
నరసింహ మూర్తి గారూ గాడిదలకు నేను చేసిన అన్యాయాన్ని సరిదిద్దుకొనే ప్రయత్నం చేశాను.
రిప్లయితొలగించండిగాడిద శీతల దేవత
కీడే లేనట్టి తేరు, యిలలో దానిన్
కూడదు నేతకు పోల్చగ
గాడిదలకుఁ దెలియు కుసుమ గంధపు విలువల్.
చూడగ మనసున దోచును
రిప్లయితొలగించండిగాడిదలకుఁ దెలియు కుసుమ గంధపు విలువల్;
గోడకు వేసిన పోస్టరు
వీడదు కత్రినది యైన బిరబిర దినగన్!
నంది ఏంకరయ్య says:
రిప్లయితొలగించండిJanuary 26, 2011 at 2:11 am
గీత దాటని అయిడి డబ్లిన్లో ఉందన్న
బ్లాగు మాటలు నమ్మి బాగు బాగు
అన్నజనులు కూడ బకరాలు అవ్వగా
ప్రియను చూడుమిపుడు దయ్యమయ్యె
పూరణలు గాడిదల మీదే అయినా, అన్నీ కుసుమ గంధ పరిమళాలని చల్లుతున్నాయి.
రిప్లయితొలగించండి- మంత్రిప్రగడ వేంకట బాలసుబ్రహ్మణ్యం
గోలి హనుమచ్ఛాస్త్రి గారి పూరణ .....
రిప్లయితొలగించండిమొదటిసారి మీకు పూరణ పంపుచున్నాను. ఆమోదమైనచో స్వీకరించగలరు. పంపేవిధానం ఇదేనా తెలుపగలరు.
ఈడును జూడకనే పూ
బోడుల,బాలికలపైన పొగరుతొ యాసిడ్
దాడులు జేసెడి యేమ
గ్గాడిదలకు దెలియు కుసుమ గంధపు విలువల్?
గోలి హనుమచ్ఛాస్త్రి
గుంటూరు
జిగురు సత్యనారాయణ గారూ,
రిప్లయితొలగించండిఅబద్ధాలతో పూరించి మెప్పించారు. ఇప్పటికే "మందాకిని" గారి అభినందనలను అందుకున్నారు. సంతోషం!
మిస్సన్న గారూ,
మీ మూడవ పద్యం కూడ బాగుంది. అభినందనలు.
హరి గారూ,
ఇంతకూ కత్రీనా ఖైఫ్ యోజనగంధి లాంటి సుమగంధి అంటారు? సరె! అందుకేనేమో కొత్త మల్లీశ్వరిలో వెంకటేశ్ ఆమె వెంట పడ్డాడు. ఆవిడ చిత్రాల్లో నేను చూసింది అదొక్కటే. అదీ ఇంట్లో సిడి ప్లేయర్లో.
మంచి పూరణ. అభినందనలు.
కిషొర్ మహోదయుల పద్య ప్రవాహం ఇంకా ప్రారంభం కాలేదేమో!
రిప్లయితొలగించండిఅయ్యా, అజ్ఞాత గారూ,
రిప్లయితొలగించండినా పేరును వక్రీకరించి మీరు రాసిన పద్యంలో ఏం చెప్ప దలచుకున్నారో అర్థం కాలేదు. దూషణ, భూషణ, తిరస్కారాలకు అతీతుణ్ణి నేను. ఇంకా నయం ... నంది అన్నారు, మరొకటి అనలేదు. సంతోషం!
మీరు ఆటవెలది రాసారని అర్థం అవుతోంది. కొన్ని లోపాలున్నాయి. మొదటి పాదంలో "గీత దాట నయిడి డబ్లిన్లొ ఉందన్న" అన్నది అర్థం అయితే ఆ పాదాన్నీ సవరించే వాణ్ణి. ఇక మిగిలిన మూడు పాదాలకు నా సవరణ ....
.......................................................
బ్లాగు నుడులు నమ్మి బాగు బాగు
అన్న జనులు కూడ అవ్వరా బకరాలు
ప్రియను జూడు మిపుడు ప్రేత మయ్యె.
గోలి హనుమచ్ఛాస్త్రి గారూ,
రిప్లయితొలగించండి"శంకరాభరణం" బ్లాగుకు స్వాగతం. చక్కని పూరణను పంపించారు. అభినందనలు.
"మగ్గాడిదలు" మగ గాడిద లయినా గణదోషం లేదు.
వ్యాఖ్యలను ఎలా పంపాలో వివరిస్తూ మీకు మెయిల్ పెట్టాను.
వీడని మాత్సర్యమునన్
రిప్లయితొలగించండిపాడిగ పద్యముల నేర్పు పండితవరుపై
గాడిని తప్పి వదరు యే
గాడిదలకుఁ దెలియు కుసుమ గంధపు విలువల్?
మిస్సన్న గారి మూడు పద్యాలు అందంగా బాగున్నాయి. మూడవ పద్యముతో గాడిదలకు జరిగిన అన్యాయాన్ని తీర్చారు. గోలి హనుమఛ్చాస్త్రి గారు ఆమ్ల దాడులు చేసే గాడిదలు గురించి ప్రస్తావించారు. బాగుంది.
రిప్లయితొలగించండిఅజ్ఞాత గారూ, గురువు గారు ఆయన బ్లాగును మాడరేషన్ లేకుండా తెరచి ఉంచి నందులకైనా ఆయనను,బ్లాగును, గౌరవించాలి కదండీ? ఆయన ఎప్పుడూ గీత దాట లేదు. అభిప్రాయ భేదాలు ఉండ వచ్చు,కాని మనమంతా ఒకరి నొకరు గౌరవించుకోవడము మన ధర్మము. మీకు అందులకు కృతజ్ఞతలు.
గురువు గారూ, నమస్కారములు. సభా మర్యాద గీత యింత వరకు తప్ప లేదు. కాని నాకెప్పుడూ అనుమానమే. మాడరేషను చాలా అవసరము. మీకు వీలయినప్పుడు వ్యాఖ్యలు పోస్ట్ చేయ వచ్చు. కాని వాటి పరిశీలన అవసరము.
రిప్లయితొలగించండివృధాన్యర్థ భంగము గావించెడు వారలెవ్వరొ యెరుంగన్ శక్యమే యేరికిన్? - భర్తృహరి.
రిప్లయితొలగించండిఅయ్యా కంది శంకరయ్యగారూ! మీకు, రవిగారికీ, గన్నవరపు నరసింహమూర్తిగారికీ కోపం తెప్పించినందులకు క్షంతవ్యుణ్ణి. మన బ్లాగ్లోకంలో జరుగుతున్న విషయాలు మీ దృష్టికి తీసుకురావాలన్న తాపత్రయంతో పెట్టిన కామెంటు అది. గీతాచార్య, ప్రియా అయ్యంగార్, సృజనా రామానుజన్ మొదలైన పేర్లు ఇప్పుడు బ్లాగుల్లో మారుమ్రోగుతున్నాయి. ఈ క్రింది లంకె చూడండి మీకు అర్థం అవుతుంది.
రిప్లయితొలగించండిhttp://priyadayyamgaaru.wordpress.com/2011/01/25/%e0%b0%a8%e0%b1%87%e0%b0%a8%e0%b1%8a%e0%b0%95-%e0%b0%aa%e0%b1%8d%e0%b0%b0%e0%b0%bf%e0%b0%af%e0%b0%ae%e0%b1%88%e0%b0%a8-%e0%b0%aa%e0%b0%bf%e0%b0%b6%e0%b0%be%e0%b0%9a%e0%b0%bf%e0%b0%a8%e0%b1%80/#respond
సమయము సందర్భము లేకను వృధాన్యర్థ భంగము గావించెడు వారలెవ్వరొ యెరుంగన్ శక్యమే యేరికిన్?
రిప్లయితొలగించండివేడెదమో చాకలి, మా
రిప్లయితొలగించండికాడికి ఆ జీన్సు తేకు, కంపరమౌ! పూ
బోడుల చీరలె ఇంపగు !
గాడిదలకుఁ దెలియు కుసుమ గంధపు విలువల్.
నెలలు తరబడి ఉతకకుండా చమట, ఊళ్ళో మట్టీ, మోసుకు తిరిగే అబ్బాయిల జీన్సు పాంట్లు నీ చాకలి మోటలో నెత్తుకుని రాకయ్య, 'భరించ 'లేకపోతున్నాము. దానికన్నా, పెర్ఫ్యూములు, సెంట్లు, పౌడర్లు గట్రా దట్టించిన వారివి కానీ లేదా తలలో పూలూ, కాళ్ళకు పసుపూ, పారాణి పెట్టుకునే ఆడవారి బట్టలు ఉతకడానికి తెచ్చుకో, భేషుగ్గా ఉంటుంది అని గాడిద మనోగతం అన్న మాట.
వేడెదమో చాకలి, పూ
బోడుల వస్త్రములు దెమ్ము, పుణ్యంబౌ! మా
కాడికి తేకోయ్ జీన్సులు !
గాడిదలకుఁ దెలియు కుసుమ గంధపు విలువల్.
ఏడడుగులు నడచి తుదకు
రిప్లయితొలగించండివేడుకలు మించి కొసరుచు విడాకులు కోరన్ !
బీడుల దిరిగెడి కంచర
గాడిదలకుఁ దెలియు కుసుమ గంధపు విలువల్ !
---------------------------------------
మేడల కులికెడి వారలు
త్రాడును పామని బ్రమసి దడుసు కొనంగన్ !
నీడల జాడకు భయపడు
గాడిదలకుఁ దెలియు కుసుమ గంధపు విలువల్ !
గోలి హనుమచ్ఛాస్త్రి
రిప్లయితొలగించండినా పూరణను మెచ్చుకొని నన్ను ప్రొత్సహించిన వారికి ధన్యవాదములు.
అజ్ఞాత గారూ,
రిప్లయితొలగించండిక్షమించండి. విషయం తెలియక అపార్థం చేసికొన్నాను. మీరిచ్చిన లింకు చూసి అసలు సంగతి తెలుసుకున్నాను. మీ పేరడీ వ్యాఖ్యలు బాగున్నాయి. నా బ్లాగులో వ్యాఖ్య పెట్టినప్పుడే ఆ లింకు ఇచ్చి ఉంటే అపార్థాలకు తావు ఉండేది కాదు కదా?
సనత్ శ్రీపతి గారూ,
రిప్లయితొలగించండిగాడిదల మనోగతాన్ని రెండు పద్యాల్లో చక్కగా ఆవిష్కరించారు. పూరణలు బాగున్నాయి. అభినందనలు.
రాజేశ్వరి నేదునూరి గారూ,
రెండు పద్యాలూ బాగున్నాయి. అభినందనలు.
మొదటి పద్యం రెండవ పాదాన్ని " వేడుకలను మించి కొసరి విడిపోఁ గోరన్" అనీ, రెండవ పద్యం రెండవ పాదంలో "పామనుచు" అని సవరిస్తే గణదోషం తొలగిపోతుంది.
ఈ కామెంట్‌ను రచయిత తీసివేశారు.
రిప్లయితొలగించండినెట్ లేక లేటయ్యింది.
రిప్లయితొలగించండిఏమీ అనుకోకండి అయ్యలూ!
_________________________________
కుసుమ గంధపు విలువలే గాదు
కరుణా గారవములు గూడా
గాలిగాడికి తెలుసునని
తెలుసు కోండి సాములూ!
_________________________________
వసుదేవుడు కాళ్ళట్టీసు కుంటే
సమయం సందర్భం గ్రహించి
అరవకుండా
ఇంగితాన్ని ప్రదర్శించిన గాడిదకు
కుసుమ గంధపు విలువ
తెలీదని అనుకోగలమా, సాములూ!
01)
_________________________________
నాడు పరమాత్ము , గావను;
వేడిన వసుదేవుని మొఱ - విని ; చెరసాలన్
పాడుట మానెను గాదా !
గాడిదలకు దెలియు ; కుసుమ - గంధపు విలువల్!
__________________________________
పాడుట = ఓండ్ర పెట్టుట
__________________________________
రోజంతా తిని తిరగడం తప్ప
వేరే పనేదీ చెయ్యని
సోమరిపోతుల కంటే
కాడిని మెడ మీద వేసుకొని
గాడిద బరువులు మోసే గాడిద
ఎంతో గొప్పది గదా !
దానికి కుసుమ గంధం
తెలియదందుమా!!
ఏమంటారు సాములూ!
02)
___________________________________
కాడిని మోసెడు గాడిద
జూడకయా , హీనముగను ! - సోమరి పోతుల్ !
గాడిదల కన్న మిన్నయె ???
గాడిదలకు దెలియు ; కుసుమ - గంధపు విలువల్!
____________________________________
పగలంతా యజమానికి సేవ జేసి
దొంగలొచ్చినా అరవకుండా
కాపలా కుక్క తిని పడుకుంటే
దానితో వాదించి లాభంలేక
తానే ఓంఢ్ర పెట్టి యజమానిని
లేప యత్నించి
కుక్క కన్నా విశ్వాసం చూపించిన
గాడిదకు కుసుమ గంధం విలువ తెలీదంటే
నే నొల్లకోను , సాములూ! చిత్త గించండి!
03)
____________________________________
ఊడిగము జేసి , చాకలి
వాడిల్లు గాచు శునకపు - వాదన చేదై
గాఢ నిదుర మేలుకొలుపు
గాడిదలకు దెలియు ; కుసుమ - గంధపు విలువల్!
____________________________________
ఆడెడి పాడెడి వారలు
రిప్లయితొలగించండివేడుచు పూజ్యసభ లోన విచ్చేయంగన్
వేడిన నోరెత్త రెటుల
గాడిదలకుఁ దెలియు కుసుమ గంధపు విలువల్?
వాడల వోట్లకు తిరుగుచు
రిప్లయితొలగించండిగూడుల కంపుల నెరుగుచు గుఫ్ఫన ముక్కున్
ఓడగ పరిపరి కాంగ్రెసు
గాడిదలకుఁ దెలియు కుసుమ గంధపు విలువల్
పీడకలలుగను వాడికి
రిప్లయితొలగించండిమూఢాలున్నట్టి నాడు ముడిపెట్టంగన్!!
జాడను జెప్పక తిరిగెడి
గాడిదలకుఁ దెలియు కుసుమ గంధపు విలువల్!!
కం.
రిప్లయితొలగించండిఆడియు దప్పని గోవులు
వీడవు ధర్మమ్మునెపుడు విజ్ఞత గలుగన్ !
చూడంగను నే విధమున
గాడిదలకుఁ దెలియు కుసుమ గంధపు విలువల్!!