15, ఏప్రిల్ 2011, శుక్రవారం

సమస్యా పూరణం - 286 (వదినను ముద్దడిగె మఱఁది)

కవి మిత్రులారా,
ఈ రోజు పూరించ వలసిన సమస్య ఇది ........
వదినను ముద్దడిగె మఱఁది పదుగురు చూడన్.

37 కామెంట్‌లు:

  1. అందరికీ వందనములు !
    01)
    ___________________________________

    ముదమున పిల్లల కందర
    కుదయమునే చల్ది గుడుపు - కోమలి ,చేరెన్
    పదివత్స రముల కుర్రడు
    వదినను ముద్దడిగె మఱఁది - పదుగురు చూడన్ !
    ___________________________________

    రిప్లయితొలగించండి
  2. ముదమగు మఱిదిని జూడగ
    వదినకు. పసిబాలుడు మఱి . బాలుడు ఒకనా
    డొదిన కడఁ జని ముఱిపెముఁ బు
    వ దినను ముద్దడిగె మఱఁది పదుగురు చూడన్.

    రిప్లయితొలగించండి
  3. కిశోర్ గారూ! మీరు చల్ది అన్నం పెట్టారు కదా! నేను బడికి పంపిస్తాను.

    కదలను నడకను బడికన
    వదలకనే ముద్దు జేసి వాహనమున తా
    వదలిన; మూతిని ముడుచుచు
    వదినను ముద్దడిగె మఱది పదుగురు చూడన్!

    రిప్లయితొలగించండి
  4. రవి గారూ!వదినను బువ దినను ముద్ద డిగించారు.పసివాడు కదా.. బువ్వ అనలేడులే.. బాగుంది.అభినందనలు.

    రిప్లయితొలగించండి
  5. గోలి హనుమచ్ఛాస్త్రి గారూ మీరు మఱదిని బడికి పంపించటం బాగుంది.

    రిప్లయితొలగించండి
  6. రవిగారూ !
    మీ "బువ "చాలా రమ్యంగావుంది !
    శాస్త్రీజీ !
    సెన్సారు అభ్యంతరం లేని మీ ముద్దు
    కమ్మగా ఉంది !

    రిప్లయితొలగించండి
  7. 02)
    _______________________________________

    పదిలముగ తనను బెంచిన
    ముదమారగ తనను మెచ్చు - ముద్దుల గుమ్మే !
    బదులుగ తన మంచి పనికి
    వదినను ముద్దడిగె మఱఁది - పదుగురు చూడన్ !
    _______________________________________

    రిప్లయితొలగించండి
  8. సుదతిని సీమంతిని స
    న్ముదితను సుస్మితవదనను మురిపెమ్ముల దౌ
    హృద హృత్పాలిని తమ్ముని
    వదినను ముద్దడిగె మఱఁది పదుగురు చూడన్

    రిప్లయితొలగించండి
  9. గిరీజీ !
    అద్భుతం ! మీ పూరణ !
    తమ్ముడి వదినను అడిగినది ఆమె భర్తే గదా !
    మరి చివరి పాదంలో " మరది "ఎవరు ?
    మరదికి భర్త అనే అర్థం ఏమైనా ఉన్నదా ?

    రిప్లయితొలగించండి
  10. ముదముగ పుట్టిన రోజున
    పది యేడులు నిండినట్టి పార్థుని కొరకై
    పదపడి నిడ లడ్డును,కో
    వ;దినను ముద్దడిగె మఱది పదుగురు చూడన్!

    రిప్లయితొలగించండి
  11. శాస్త్రీజీ !
    మీ కోవా ముద్దకూడా
    తియ్యగా ఉన్నది !

    రిప్లయితొలగించండి
  12. రెండవ పాదం ...

    పది యేడులు నిండ,వదిన పార్థుని కొరకై

    అని వుంటే ఇంకా వివరంగా వుంటుందనుకొంటాను.

    రిప్లయితొలగించండి
  13. కొంపదీసి మార్తాండ కథలు గానీ చదివారా ఏంటి?

    రిప్లయితొలగించండి
  14. కొన్ని నెలల తఱువాత..
    "మృదుకోమలి ముద్దుల చి
    న్నది గారపుమూట బోసినవ్వుల బులిపె
    న్నిధి" యంచు పట్టి చెక్కిట
    వదినను ముద్దడిగె మఱఁది పదుగురు చూడన్

    కిశోర్ గారు, మొదటి పద్యము వదిన నుడువని నర్మగర్భితము :-)

    ఇతగాడెవడో ప్రతిసందర్భములోనూ పదుగురు చూసేటప్పుడే చుంబనాసక్తి కనబరుస్తున్నాడు...

    రిప్లయితొలగించండి
  15. సదనమున వండి సుదతియు
    ముదమున నందరికి చేతిముద్దలు వేయన్
    వదినా నాకొక ముద్దని
    వదినను ముద్దడిగె మఱఁది పదుగురు చూడన్

    రిప్లయితొలగించండి
  16. ఫణిగారూ, మీ పూరణ అత్యుత్తమం. భలే. ముద్దుగా ఇంత ముద్ద పెట్టారు.

    రిప్లయితొలగించండి
  17. వసంత్ కిశోర్ గారూ,
    మీ మొదటి పూరణలో "చల్దిముద్ద" అడగడం బాగుంది. మంచి పూరణ.
    రెండవ పూరణలో తల్లిలా పెంచిన వదినను ముద్దడగడం బాగుంది. అభినందనలు.
    *
    రవి గారూ,
    మీ "బువముద్ద" పూరణ అద్భుతంగా ఉంది. అభినందనలు.
    "ఒకనా డొదిన కడ" అన్నప్పుడు "ఒదిన" సాధురూపం కాదు కదా! దానిని "ఒకనా, డుదయమున జని" అంటే ఎలా ఉంటుంది?
    *
    హనుమచ్ఛాస్త్రి గారూ,
    మీ రెండు పూరణలూ బ్రహ్మాండంగా ఉన్నాయి. "కోవ - దినను" మంచి విరుపు. అభినందనలు.
    *
    గిరి గారూ,
    మీ రెండు పూరణలూ బాగున్నాయి. అభినందనలు.
    *
    ఫణిప్రసన్న కుమార్ గారూ,
    మనోజ్ఞంగా ఉంది మీ పూరణ. అభినందనలు.
    *
    లక్కరాజు వారూ, అజ్ఞాత గారూ, రాఘవ గారూ,
    ధన్యవాదాలు.

    రిప్లయితొలగించండి
  18. మొదటిది పుట్టిన రోజో
    వదినా! నా పిల్లవాడు వచ్చెను నీకై
    "పెద తల్లి ప్రేమ మిన్న"ని,
    వదినను ముద్దడిగె మఱఁది పదుగురు చూడన్.

    రిప్లయితొలగించండి
  19. మిస్సన్న గారూ మంచి ట్విస్ట్ ఇచ్చారు.

    రిప్లయితొలగించండి
  20. శంకరార్యా! ధన్యవాదములు.
    మిస్సన్న గారూ! పిల్లవాని కోసం మఱది చేత ముద్దు అడిగించిన విధం .. భేష్.. అభినందనలు.
    గిరి గారూ! ఫణి గారూ! మంచి పూరణలు ... అభినందనలు.

    రిప్లయితొలగించండి
  21. మదనుడు సందడి చేసెనొ,
    మదిరా పానమున యన్న మరిచెనొ తనువున్
    పదములు, పెదవులు తడబడ
    వదినను ముద్దడిగె!!! మఱఁది పదుగురు చూడన్

    రిప్లయితొలగించండి
  22. శంకరార్యా, నా పద్యం మీ సవరణతో -

    ముదమగు మఱిదిని జూడగ
    వదినకు. పసిబాలుడు మఱి . పసిగొని ఒకనా
    డుదయమునఁ జని ముఱిపెముఁ బు
    వ దినను ముద్దడిగె మఱఁది పదుగురు చూడన్.

    ఈ రోజు మేన్ ఆఫ్ ద మాచ్ ఫణిగారే.

    రిప్లయితొలగించండి
  23. వదలక గడుసాడపడచు
    వదినను ముద్దడిగె, మఱఁది పదుగురు చూడన్
    పదములకును ప్రణమిల్లెను,
    ముదిత వివాహ దినమందు మోదము తోడన్!!

    రిప్లయితొలగించండి
  24. జిగురు సత్యనారాయణ గారూ మఱఁది ని పదుగురు తో కలిపేసారు. చూడటానికి బాగుంది.

    రిప్లయితొలగించండి
  25. మిస్సన్న గారూ,
    తన కొడుక్కు ముద్దివ్వ మని మరిది వదినను అడిగిన మీ పూరణ మనోజ్ఞంగా ఉంది. అభినందనలు.

    పీతాంబర్ గారూ,
    మరిది చూస్తుండగా అన్నయ్యే వదినను ముద్దడిగిన మీ పూరణ చాలా బాగుంది. అభినందనలు.

    రవి గారూ,
    నా సవరణ మీకు నచ్చినందుకు సంతోషం.
    "ఫణి" గారి పూరణ విషయంలో నా అభిప్రాయం అదే.

    సత్యనారాయణ గారూ,
    ఆడపడుచుతో ముద్దు అడిగించి మీరే గడుసుతనం చూపించారు. చాలా బాగుంది. అభినందనలు.

    లక్కరాజు వారూ,
    చాలా సంతోషం. మీ రిలాగే కవిమిత్రుల పూరణలను మెచ్చుకుంటె వారి ఉత్సాహం ద్విగుణీకృత మౌతుంది. కవిత్వానికి కావలసింది మెచ్చుకోలు, ప్రోత్సాహమే కదా. ధన్యవాదాలు.

    రిప్లయితొలగించండి
  26. నా పూరణ ....

    పద మంటి వీడుకొనియెన్
    వదినను, ముద్దడిగె మఱఁది పదుగురు చూడన్
    మది మెచ్చు నన్న కూఁతురు
    నుదయమ్మున నూరి కేఁగ నుండిన వేళన్.

    రిప్లయితొలగించండి
  27. రవిగారూ, శంకరార్యా!
    ధన్యవాదాలు. అందరి పూరణలూ అద్భుతంగా ఉన్నాయి. నా పద్యానికి రవిగారి పద్యమే కద స్ఫూర్తి!

    రిప్లయితొలగించండి
  28. శంకరార్యా! అన్నకూతురిని,వదినను వూరికి పంపుతున్న మరది పరంగా పూరించిన విధము చాలా బాగుంది.

    రిప్లయితొలగించండి
  29. పదుగురిలో సిగ్గు పడెడి
    ముదితను జూపించి తనదు ముద్దుల గుమ్మన్,
    "ఇదిగో! నీ చెల్లాయి" కి
    వదినను ముద్దడిగె మఱఁది పదుగురు చూడన్

    రిప్లయితొలగించండి
  30. వదినమ పంచగ చేతిని
    కదలుచు దద్యోజనమును గారాబముగా
    కుదురుగ నోటిని తెరచుచు
    వదినను ముద్దడిగె మఱఁది పదుగురు చూడన్

    రిప్లయితొలగించండి