26, ఏప్రిల్ 2011, మంగళవారం

సమస్యా పూరణం - 320 (బాబాయే భార్యతోడ)

కవి మిత్రులారా,
ఈ రోజు పూరించ వలసిన సమస్య ఇది ........
బాబాయే భార్యతోడ భజనకు వెడలెన్.
ఈ సమస్యను పంపిన గోలి హనుమచ్ఛాస్త్రి గారికి ధన్యవాదాలు.

51 కామెంట్‌లు:

  1. బాబానే నమ్మడు మరి
    మాభారతి పిన్ని మగడు, మహిమ యదేమో!
    వీబూది దాల్చి నేడిటు
    బాబాయే;భార్య తోడ భజనకు వెడలెన్!

    రిప్లయితొలగించండి
  2. గోలి హనుమచ్ఛాస్త్రి గారూ బాబోయ్ మీ బాబాయ్ పూరణ చాలా బాగుంది.

    రిప్లయితొలగించండి
  3. గోలి హనుమచ్ఛాస్త్రి గారూ,
    అద్భుతంగా ఉంది మీ పూరణ. అభినందనలు.
    ఉన్న ఒక్క బాబాయిని మీరు లాక్కెళ్తే మిగతావారి కెవరు దిక్కు?

    లక్కరాజు వారూ,
    ధన్యవాదాలు.

    రిప్లయితొలగించండి
  4. లక్కరాజు గారూ! ధన్యవాదములు.
    శంకరార్యా! ధన్యవాదములు.
    కవిమిత్రులకు నాకు అందరకు 'బాబాయే ' దిక్కగుగాక.

    రిప్లయితొలగించండి
  5. ఆబగ తిని పేకాటకు
    డాబుగ వెడలగను పిన్ని టప్పున లాగెన్
    బాబు సహోదరుఁ,నాతడు
    బాబాయే,-భార్యతోడ భజనకు వెడలెన్.

    రిప్లయితొలగించండి
  6. రాబోననినేఁదెలిపితి
    బాబే నాలోకమందు; భజనకొ, గుడికో
    పోబోనిక క్షమి యించనఁ
    బాబాయే భార్యతోడ భజనకు వెడలెన్

    రిప్లయితొలగించండి
  7. బాబా గుడికిన్ రజనీ
    బాబాయే భార్య తోడ భజనకు వెడెలెన్,
    రాబోవు కాలమందున
    బాబా మార్గమె జనులకు భాగ్యము గూర్చున్!

    రిప్లయితొలగించండి
  8. అందరికీ వందనములు
    గురువు గారూ ధన్య వాదములు మీ సవరణలు అద్భుతం ! పని వత్తిడి వల్ల నేను సమస్యా పూరణంకు దూరంగా ఉన్నాను.
    సార్ నాకు తొహర అంటె ఏమిటొ చెప్పండి. ఇది నేను శ్రీ రామదాసు గారి చరిత్ర పుస్తకంలో చూసాను. రెండు పాదాలు ఉన్నవి, చివర || ఇది|| అంటూ వున్నది.

    రిప్లయితొలగించండి
  9. గురువుగారూ నాకో సందేహం. ఒక సందర్భంలో మీర్ ప ఫ లకు ప్రాస చెల్లదని చెప్పారు.
    అలా అయితే బ భ లకు ప్రాస చెల్లుతుందా.

    రిప్లయితొలగించండి
  10. బాబా తల్లియు తండ్రియు
    బాబా యే సఖుడు భక్త బంధువు జూడన్
    బాబా దివ్యత్వమ్మది
    బాబాయే భార్యతోడ భజనకు వెడలెన్

    రిప్లయితొలగించండి
  11. మిస్సన్న గారూ,
    బ, భ లకు కూడా ప్రాస చెల్లదు.
    హనుమచ్ఛాస్త్రి, మందాకిని గారలు "భార్య"ను తెచ్చిన విషయాన్ని నేను గమనించలేదు.

    రిప్లయితొలగించండి
  12. బాబాయట పే రతనికి
    బాబా కేమో యిరువురు భార్యలు; యెపుడూ
    బాబాకిక జగడములే;
    బాబా యే భార్యతోడ భజనకు వెడలెన్?

    రిప్లయితొలగించండి
  13. మార్చేశాను గురువుగారూ, మిస్సన్నగారూ ,
    తప్పును సూచించినందుకు ధన్యవాదాలు.

    రిప్లయితొలగించండి
  14. నా పూరణ ....

    మా బావ పేరు సాయీ
    బాబా; పిలిచెదము మేము "బాబా!" యనుచున్,
    సేబాసని జనులు పొగడ
    బాబాయే భార్యతోడ భజనకు వెడలెన్.

    రిప్లయితొలగించండి
  15. చమ్రశేఖర్ గారూ,
    బాగుంది మీ పూరణ. అభినందనలు.

    మందాకిని గారూ,
    మీ రెండు పూరణలూ బగున్నాయి.
    మొదటి పూరణలో బాబాయిని, రెండవ పూరణలో బబా అనే పేరున్న వ్యక్తిని భజనకు పంపారు. బాగుంది. అభినందనలు.

    మంద పీతాంబర్ గారూ,
    మీరు రజనీ బాబాను భజనకు పంపారు. పూరణ చక్కగా ఉంది. అభినందనలు.

    సనత్ శ్రీపతి గారూ,
    పద్యం గంగాప్రవాహంలా సాగింది. మంచి పద్యం చెప్పారు. అభినందనలు.

    వరప్రసాద్ గారూ,
    ఆ పదం ఇంతకు ముందు విన్నదే. కాని స్థూలంగా అర్థం ఇది అని తెలియదు. హిందీలో "దోహా" అని ఉంది. బహుశా "తొహరా" దోహాకు రూపాంతరం కావచ్చు. మిత్రు లెవరైనా స్పందిస్తారో వేచి చూడాలి.

    రిప్లయితొలగించండి
  16. అందరికీ వందనములు
    అందరి పూరణలూ
    అలరించు చున్నవి !

    01)
    ___________________________________

    బాబా లిర్వుర పూన్చిన
    బాబా నెక్కేగినాను - బాబా గుడికే
    బాబా సందర్శింపగ !
    బాబాయే భార్యతోడ - భజనకు వెడలెన్ !
    ___________________________________

    బాబా = గుఱ్ఱము = బండి

    దంపతులైన రెండు గుఱ్ఱాలను కట్టిన బండి మీద
    బాబాను దర్శించడానికి నేను బాబా గుడికి వెళ్తే
    నాతోపాటూ నాబాబా(గుఱ్ఱం)కూడా తన భార్యతో
    భజనకు వచ్చిందని నా భావం !

    రిప్లయితొలగించండి
  17. 02)
    ___________________________________

    బాబాయే షిరిడి ! పిదప
    బాబాయే పుట్టపర్తి - వరలెను విభుడై !
    ఏ బంధం లేకెటులను
    బాబాయే భార్యతోడ - భజనకు వెడలెన్ ???
    ___________________________________

    రిప్లయితొలగించండి
  18. 03)
    ___________________________________

    బూబమ్మ నేను గలసియు
    బాబా సినిమాకు బిలువ - బాబో యంచున్
    బాబా సినిమా వద్దని
    బాబాయే భార్యతోడ - భజనకు వెడలెన్ !
    ___________________________________
    బూబమ్మ , బాబా = నా స్నేహితులు

    రిప్లయితొలగించండి
  19. 04)
    ___________________________________

    బాబూ సినిమా కొద్దుర !
    బాబా భజనలు సలిపిన - భాగ్యము గలుగున్ !
    బాబూ మాతో రమ్మని
    బాబాయే భార్యతోడ - భజనకు వెడలెన్ !
    ___________________________________

    రిప్లయితొలగించండి
  20. 05)
    ___________________________________

    టాబూ యనిన మిగుల గా
    రాబము గల చక్రపాణి - రమ్మని పిలువన్
    బాబోయ్ టాబూ వలదని
    బాబాయే భార్య తోడ - భజనకు వెడలెన్ !
    ___________________________________
    టాబూ = సినిమా నటి
    చక్రపాణి = మా తండ్రి గారి స్నేహితుడు
    బాబా = తండ్రి (అనే అర్థంలో)

    రిప్లయితొలగించండి
  21. 06)
    ___________________________________

    బాబాయే భగవంతుడు
    బాబాయే తల్లి దండ్రి - భాగ్యం బిలలో !
    బాబాయే సర్వంబని
    బాబాయే భార్య తోడ - భజనకు వెడలెన్ !
    ___________________________________

    బాబాయి అనే అర్థంలో

    రిప్లయితొలగించండి
  22. బూబమ్మ నేను గలసియు
    బాబా సినిమాకు బిలువ - బాబో యంచున్
    బాబా సినిమా వద్దని
    బాబాయే భార్యతోడ - భజనకు వెడలెన్ !
    --------
    వసంత కిశోర్ గారూ Terrific.

    రిప్లయితొలగించండి
  23. చిన్న సవరణతో :

    07)
    ___________________________________

    బాబా యను దొంగ , కపటి
    బాబా వేషంబు వేసి - బన్నము బరపున్ !
    ఛీ ! బాబా ! ఛీ ! యన్నను
    బాబాయే భార్య తోడ - బారుకు వెడలెన్ !
    ___________________________________
    బన్నము = మోసము
    బాబా = దొంగ సన్యాసి (అనే అర్థంలో)

    రిప్లయితొలగించండి
  24. అబ్బా మిస్సన్న గారూ ఏమి ట్రిక్ వేసారండి !

    రిప్లయితొలగించండి
  25. మిస్సన్న మహాశయా !
    చివరి పాదం
    "బాబా గొలుసిచ్చుననెడి - భావన మదిలో"
    అంటే సరిగ్గా ఉంటుంది గదా

    రిప్లయితొలగించండి
  26. బాబూ! నాస్తికు డౌ మా
    బాబాయే భార్యతోడ భజనకు వెడలెన్
    సేబాసు! కిటుకు తెలుసా?
    బాబా గొలుసిచ్చు ననెడి వాంఛను మదిలో.

    తప్పుకు చింతిస్తూ, దిద్దుకొన్నాను.

    కానీ సంతోషం ఏమిటంటే అందరూ భలే కాచుకొని కూర్చున్నారు.

    రిప్లయితొలగించండి
  27. బాబోయ్ మిస్సన్‌ గారూ !
    సేబాసౌ పద్య రచన - చిత్రం మీదే !
    మా బాగా వ్రాసేరే !!!
    బాబా మీకిచ్చు గాక - బంగర్గొల్సే !
    *****
    శంకరార్యా !
    దీనిని సర్వగురు కందం అనవచ్చా ?

    రిప్లయితొలగించండి
  28. వసంత మహోదయా సూచనకు ధన్య వాదాలు,
    లక్క రాజు వారూ ధన్యవాదాలు.
    మందాకినీ గారూ ధన్యవాదాలు.
    తప్పును సరిజేశా.

    రిప్లయితొలగించండి
  29. కిశోర మహోదయా భలే ఉంది నామీద పద్యం! సేబాసు!.

    రిప్లయితొలగించండి
  30. లేబాలను చేపట్టెన్
    పూబాల యనుచు వలపున పూర్తిగ మునిగెన్
    నేబారుకు పోయెదనను
    బాబాయే-భార్యతోడ భజనకు వెడలెన్.
    చిరుజల్లు: ఎంతవారలైన కాంత దాసులే (పెళ్ళైన క్రొత్తల్లో).

    రిప్లయితొలగించండి
  31. మిస్సన్న మహాశయా
    "వాంఛ" కన్నా" భావన" బలం గదా !?

    రిప్లయితొలగించండి
  32. ..."కానీ సంతోషం ఏమిటంటే అందరూ భలే కాచుకొని కూర్చున్నారు"-మరి, దేన్నీ మిస్సవ్వని మిస్సన్నగారే మిస్ అయితే ఇంకేమయినా వుందా, కొంపలు ముణిగిపోవూ!

    రిప్లయితొలగించండి
  33. నా కయితే "వాంఛ" నచ్చింది. గట్టిగా కావాలని అనుకోటం. "భావన" ఏముంది జస్ట్ ఊహించటం.

    రిప్లయితొలగించండి
  34. రకరకాలుగా ' బాబా(యి)ని భజనకు పంపిన ' కవి మిత్రులందరకు అభినందనలు.ఉదయం అనుమానిస్తూనే' భా' వాడాను. తప్పును తెలుసుకునే అవకాశాన్ని కల్పించిన మిస్సన్న గారికి ధన్యవాదములు.
    సవరణతో మరల .....

    బాబానే నమ్మడు మరి
    మా బాలా పిన్ని మగడు, మహిమ యదేమో!
    వీబూది దాల్చి నేడిటు
    బాబాయే;భార్య తోడ భజనకు వెడలెన్!

    రిప్లయితొలగించండి
  35. చంద్ర శేఖరుని మాటను కాదనే ధైర్యం నాకు లేదు !!!

    వసంత మహోదయా! రావు గారి భావనతో ఏకీ భావిస్తున్నాను.

    సవరించిన తర్వాత
    మందాకిని గారి పద్యం, హనుమచ్చాస్త్రి గారి పూరణ
    చాలా బావున్నాయి.

    కిశోర్ మహోదయుని పద్య పరంపర సరేసరి.

    రిప్లయితొలగించండి
  36. చంద్రశేఖరా !
    మిస్సన్న గారు మిస్సును మిస్సవ్వలేదని
    ఒప్పుకుంటున్నారు !
    ఎవరా మిస్సు ? ఏమాకథ ?
    తెలుసుకోవచ్చా ?

    రిప్లయితొలగించండి
  37. అందరి బాబాయిలు ఏమో గాని, మా బాబాయి మాత్రము చాలా చిలిపి....

    బాబాయికి పర కాంతల
    ఫోబియ, గుడిలో భజనకు పోరీలంతా
    డాబుగ వచ్చునని తెలిసి
    బాబాయే భార్యతోడ భజనకు వెడలెన్!!

    రిప్లయితొలగించండి
  38. జిగురు సత్యనారాయణ గారూ బాబాయి పాపం భార్యతో భజనకి వెళ్తూన్నాదండీ చెడు ఆలోచనలన్నీ మనస్సులో పెడుతున్నారు. సౌందర్యా పోషణ అంత చెడ్డదేమీ కాదనుకొండీ.

    రిప్లయితొలగించండి
  39. మిస్సన్నగారూ, ఒప్పుకొంటే సరిపోతుంది గదా, తేలికగా తప్పించు కోవచ్చు అన్నట్లుంది.పోనీలెండి ఆ రకంగా నయినా ఒప్పు 'కోక' తప్పలేదు:-)

    వసంత మహోదయా! ఏం చెప్పమంటారూ, యెన్ని కథలని చెప్పమంటారూ! కడుపు చించుకొంటే 'మిస్' అయి ఎక్కడ పడుతుందో అని భయం (నవ్వుతూ)!

    రిప్లయితొలగించండి
  40. చంద్ర శేఖర్ గారూ! ' మిస్ ' అన్న గారు కదా! మిస్సన్న గారిని అపార్థం చేసుకుంటే యెలా! యెవరో ఒకరు మిస్సన్న గారి వైపు వకాల్తా పుచ్చు ' కోక పోతే 'యెలా! నేను మిస్సన్న గారి వైపే!

    రిప్లయితొలగించండి
  41. బాబాయి లందరు కలసి
    బూ బమ్మల బేబమ్మల తలచి భయమే వీడన్ !
    మా భాను పిన్ని మగడు
    బాబాయే భార్య తోడ భజనకు వెడలెన్ !

    రిప్లయితొలగించండి
  42. శాస్త్రిగారూ, మీ "కోక పొతే" హాస్యం పండింది. చాలా నవ్వుకొన్నాను. మిస్సన్న గారు నాకూ మిత్రులే. ఆయన హాస్యాన్ని చక్కగా ఆస్వాదిస్తారు. మిత్రులు డా.గన్నవరపు మూర్తి గారు చెప్పినట్లు, "కవిత్వంలోనైనా మందు కొట్టి, కాలు జారపోతే ఎలాగండీ!" అని. మరి అంతేకదా "ఉత్తినే తిని తొంగుంటే మడిసికీ...".

    రిప్లయితొలగించండి
  43. అందరికీ శతసహస్ర వందనాలు.
    ఈనాటి పూరణల, వ్యాఖ్యల వెల్లువ నాకు అపరిమితానందాన్ని కలిగించింది.
    పూరణలు పంపిన గోలి హనుమచ్ఛాస్త్రి, చంద్రశేఖర్, మందాకిని, మంద పీతాంబర్, సనత్ శ్రీపతి, వసంత కిశోర్, లక్కరాజు శివరామకృష్ణారావు, మిస్సన్న, జిగురు సత్యనారాయణ, రాజేశ్వరి నేదునూరి గారలకు ధన్యవాదాలు.
    అందరూ ఆహ్లాదకరమైన చర్చలో పాల్గొని "శంకరాభరణం" బ్లాగుకు వన్నె తెచ్చారు. ఎలాగూ గుణదోష చర్చ జరిగినందున నేను సమయాభావంతో విడివిడిగా పూరణలను వ్యాఖ్యానించడం లేదు.
    మరోసారి అందరికీ ధన్యవాదాలు.

    రిప్లయితొలగించండి
  44. బూబమ్మల మేలు కొరకు
    బాబా గారికి గురువిట భాగ్యపు నగరిన్
    బీబీ తోడుత రాగా
    బాబాయే భార్యతోడ భజనకు వెడలెన్

    రిప్లయితొలగించండి


  45. తోబా తోబా అంటూ
    బీబీ నీవే జిలేబి వీయని యనుచున్
    కాబూలీవాలా మా
    బాబాయే భార్యతోడ భజనకు వెడలెన్!

    జిలేబి

    రిప్లయితొలగించండి