గురువర్యులు శ్రీ కంది శంకరయ్య గారి శంకరాభరణం సమస్యాపూరణ :: నేటి సమస్య సంఖ్య-2669 సమస్య :: *ధవుని దురూహలే సుతు నధర్మపుఁ జావుకు మూలమయ్యెడిన్.* *నా కుమారుడు అన్యాయంగా చనిపోయేందుకు నా భర్తయే కారణ మవగలడు* అని చెప్పడం నేటి సమస్యలో ఉన్న విపరీతమైన అర్థం. సందర్భం :: {గాంధారి యొక్క ఆవేదన} నేనే ఈ భూమండలాన్నంతా యేలగలను అని అహంకరిస్తూ పాండవపత్ని యైన ద్రౌపదిని తన తొడపై కూర్చుండేందుకు రమ్మని పిలిచిన కొడుకును శిక్షించకుండా సమర్థిస్తున్నవాడు, కౌరవ కుల పక్షపాతి, పుత్రవ్యామోహంతో అధర్మమార్గాన్ని అవలంబిస్తున్నవాడు అగు నా భర్త యొక్క దుష్టమైన ఊహలే నా పెద్దకొడుకైన దుర్యోధనుని అధర్మపు చావుకు కారణం కాగలవు అని గాంధారి బాధపడే సందర్భం.
బల్లూరి వారూ! మీ ఆరు పూరణలూ బాగున్నాయి. అభినందనలు. కొన్ని సందేహాలు: మొదటి పూరణలోని మూడవ పాదంలో యతిభంగం. నాలుగో పాదంలో వైదర్భి యెవరు? ఆమె రుక్మిణి యైనచో, ఆ కథకును, ఈ కథకును గల లంకె ఏమిటి? ఆరో పూరణలో గణభంగం.
సందర్భము: లక్ష్మీదేవి కూతురు శ్రీ వల్లి షణ్ముఖునికి సరిజో డని తలంచి పార్వతి వియ్య మందడానికి ఉత్సాహపడింది. లక్ష్మీదేవి వద్దకు వచ్చింది. మునుపు లక్ష్మీ నారాయణుల కుమారుడైన మన్మథుని పరమేశ్వరుడు తన మూడవకంట బూడిద గావించినాడు. అది గుర్తుకు రాగా లక్ష్మీ దేవి మనస్సు బాగా కలతపడింది. అటువంటి దశలో పార్వతీదేవి రావడం జరిగింది. వచ్చిన విషయం అడిగింది. లక్ష్మి సరేమిరా అన్నది. "మా యమ్మాయికి మిగిలేదే ముంది? ఇంత బూడిద.. లేదా రుద్రాక్షలు. అంతే కదా!" అన్నది. పార్వతి చిన్నబుచ్చుకున్నది. భర్తకు వెళ్ళి చెప్పింది. పరమేశ్వరుడు సర్ది చెప్పి ఒక రుద్రాక్ష నిచ్చి దానికి తగినంత ధనాన్ని తీసుకు రమ్మన్నాడు. లక్ష్మీదేవి తన వద్దనున్న ఆభరణాలు ధనం అన్నీ త్రాసులో వేసి తూచినా రుద్రాక్ష తూగలేదు. లక్ష్మి సిగ్గు పడింది. పార్వతి " ఇలాంటి రుద్రాక్షలు మావద్ద లెక్కలే నన్ని వున్నాయి" అన్నది. విష్ణుమూర్తి కూడ నచ్చ జెప్పగా చివరకు లక్ష్మి తన కూతురును షణ్ముఖున కీయడానికి అంగీకరించింది. ~ ~ ~ ~ ~ ~ ~ ~ ~~ ~ ~ ~ ~ ~ ~ ~ కమలాక్షు దేవేరి కమ్మ విల్తుని తల్లి తనయునిఁ దలపోసి కనలు వేళ నారు మోముల వాని కన్నింట సరిజోడు శ్రీ వల్లి యను బాల సిరి కొమరిత.. యనుచుఁ తా నాశతో నరుదెంచె దుర్గమ్మ.. యౌ నని యనదు, కా దనదు లక్ష్మి.. "కూతును నీయింటి కోడలుగా జేయ నేమి మిగులుఁ గడ కింత బూది" యనియె.. మనసు లోన"నలనాడు..పార్వతీ ధవుఁడె కారకుండు తనయు మృతికి.." ననుచు మూతి ద్రిప్పు వనితామణికి శౌరి నచ్చజెప్పె.. సిరియు మెచ్చె కడకు..
శివుని తపస్సు మాన్పుటకు శ్రీమతి గౌరిని పన్పుచుండగా నవనవలాడు చైత్రమున నందము నీయగ కామదేవునిన్ తవులుచు నీవు పొమ్మనుచు తంపులు పెట్టిన తండ్రి యైన మా ధవుని దురూహలే సుతు నధర్మపుఁ జావుకు మూల మయ్యెడిన్ :)
విషయ మెరుగ నట్టి విశ్వనాథుండపు
రిప్లయితొలగించండిడడ్డ గించె నంచు నాగ్రహించి
బాలుఁ జంప జూచి పార్వతి శోకించె
ధవుడె కారకుండు తనయు మృతికి
విరించి గారూ,
తొలగించండివినాయకుని కథా నేపథ్యంతో మీ పూరణ బాగున్నది. అభినందనలు.
రిప్లయితొలగించండిచవియె లేక చప్ప చప్పగ బతుకన
ధవుఁడె కారకుండు తనయు మృతికి!
కవియె కారకుండు కద పద్య సృజనకు
భువియె కారణమగు బొందకున్ను!
జిలేబి
జిలేబీ గారూ,
తొలగించండిమీ పూరణ బాగున్నది. అభినందనలు.
రిప్లయితొలగించండితపసి కోరినంత తన భర్త సిరియాళు
శాసనమ్మునివ్వ జంపి సుతుని
వంటజేసి వగచి పలికె నివ్విధముగ
ధవుఁడె కారకుండు తనయు మృతికి
శాంతిభూషణ్ గారూ,
తొలగించండిసిరియాళుని ప్రస్తావనతో మీ పూరణ బాగున్నది. అభినందనలు.
పార్వతి విలాపము
రిప్లయితొలగించండివలుగుఁబిండిన గణపతి నడచివచ్చె
ముద్దు మురిపాల బాలు నపూర్వుడతడు
'నాకు రక్షణ జేయు వినాయకుండు'
ధవుడె కారకుండు తనయు మృతికి
ముద్దు మురిపాల బాలుడపూర్వుడతడు అని చదువ ప్రార్ధన
తొలగించండితేటగీతి కాదండీ...
తొలగించండిప్రసాద రావు గారూ,
తొలగించండిసమస్య పాదం ఆటవెలది అయితే మీరు తేటగీతి వ్రాసారు. సవరించండి. (మీ తేటగీతిని సులభంగా ఆటవెలదిగా మార్చవచ్చు. మీకే అవకాశం ఇవ్వాలకున్నాను).
ధన్యవాదములు పవరిస్తాను
తొలగించండిపిండి బొమ్మ జేసి దండనాధు డవంచు
రిప్లయితొలగించండిప్రాణ బిక్ష పెట్టె బాల చంద్ర
తల్లి మాట వినిన తనయు డడ్డుపడగ
ధవుఁడె కారకుండు తనయు మృతికి
అక్కయ్యా,
తొలగించండివినాయకుని ప్రస్తావనతో మీ పూరణ బాగున్నది. అభినందనలు.
'బాలచంద్ర' అన్నచోట "బాలునకును" అనండి. అన్వయం బాగుంటుంది.
పిండి బొమ్మ జేసి దండనాధు డవంచు
తొలగించండిప్రాణ బిక్ష పెట్టె బాలు నకును
తల్లి మాట వినిన తనయు డడ్డుపడగ
ధవుఁడె కారకుండు తనయు మృతికి
ఆటవెలది
రిప్లయితొలగించండిఅవ్వరాహ మౌచు నవనినిఁ గాపాడి
పులకరింప జేసి పుత్రు నొసఁగి
నడతఁ దప్పి నంత 'నరకు' దు ననెడు భూ
ధవుఁడె కారకుండు తనయు మృతికి
సహదేవుడు గారూ,
తొలగించండినరకుని ప్రస్తావనతో మీ పూరణ ప్రశస్తంగా ఉన్నది. అభినందనలు.
🙏ధన్యోస్మి గురుదేవా🙏
తొలగించండిపసుపు తోడ జేయబడిన బాలు డొకడు
రిప్లయితొలగించండితలుపు వద్దనడ్డ, తాపమపుడు
తాళ లేక దునిమి, తండ్రియైన నగజ
ధవుఁడె కారకుండు తనయు మృతికి
ప్రభాకర శాస్త్రి గారూ,
తొలగించండివినాయకుని ప్రస్తావనతో మీ పూరణ బాగున్నది. అభినందనలు.
🙏🙏🙏
తొలగించండిముందు చక్కని తేటగీతి వ్రాసి చతికిల పడ్డాను నేను కూడా 😢
మైలవరపు వారి పూరణ
రిప్లయితొలగించండినీటి బుడగల శబ్దమును పొరబాటుగా ఊహించుట....
రవముల విన్న భూపతి శరమ్మున గూల్చియు శబ్దభేదిచే
శ్రవణకుమారుఁ , బిమ్మట జలమ్ములు వృద్ధులకిచ్చి తెల్పగా
వివరము , నిట్టులేడ్చిరి శపించుచు " కోసల భూ యశో రమా
ధవుని దురూహలే సుతు నధర్మపుఁ జావుకు మూలమయ్యెడిన్" !!
మైలవరపు మురళీకృష్ణ వెంకటగిరి
మైలవరపు వారూ,
తొలగించండినీటి బుడగల శబ్దాన్ని విని ఏనుగున్నదని దురూహ చేసిన దశరథుని వృత్తాంతంతో మీ పూరణ అద్భుతంగా ఉన్నది. అభినందనలు.
కోసలభూయశోధవుని -అని క్రొత్త కోణంలో పూరించారు .బాగుందండీ!
తొలగించండివద్దు వద్దటంచు వారింప , వినకుండ
తొలగించండిక్రొత్త బండి తెచ్చి కొడుకుకిచ్చె !
చచ్చిపోయె వీడు ! లచ్చమ్మ ! చూడు ! నా
ధవుడె కారకుండు తనయు మృతికి !!
మైలవరపు మురళీకృష్ణ వెంకటగిరి
రిప్లయితొలగించండిసారంగధర !
అవును కదా! దురాయినట దాటగ కోపము తోడు ద్వేషమున్
సవిధము గాన యా ధరుని సంకటముల్మొదలయ్యె మారుత
ల్లి విధిని నిర్ణయించెను బలిన్గొనుచున్తునియింపగా నటన్
ధవుని దురూహలే సుతు నధర్మపుఁ జావుకు మూల మయ్యెడిన్!
జిలేబి
జిలేబీ గారూ,
తొలగించండిసారంగధరుని ప్రస్తావనతో మీ పూరణ బాగున్నది. అభినందనలు.
కాని రాజు సారంగధరునికి మరణశిక్ష విధించలేదు. కేవలం కాలుసేతులు ఖండించే శిక్ష వేసాడు.
తొలగించండిఇది చంపడం కన్నా మోసం కాదుటండీ ? అధర్మపు చావు. "తునియింపగా నటన్ ... సుతునధర్మపు చావు :)
జిలేబి
సతి వలదన్న పతి పంపె సుతుని మేధోవలస
రిప్లయితొలగించండిదేశములకు
మన తెలివిగ పరాయి సేవలు డాలర్ ఆశా
పాశములకు
జాతి వర్ణ వివక్షలకయ్యో బలిగా సుతు
డాహుతయ్యెడిన్
ధవుని దురూహలే సుతు నధర్మపు జావుకు
మూలమయ్యెడిన్
రమేశ్ గారూ,
తొలగించండిచక్కని విషయాన్ని ప్రస్తావించారు. జిలేబీ గారో, నేనో మీ భావానికి పద్యరూపాన్ని ఇస్తాం.
తొలగించండిరమేశు గారి భావనకు
కవివర! భార్య వద్దనగ కాదనుచున్ పతి యంపె పుత్రుడా!
తవిషమహో విదేశములు దస్కము బాగుగ దక్కు బోవ నీ
కు! విధి! వివక్షయా? పసను కుత్సితమా?హతుడాయె బిడ్డడే!
ధవుని దురూహలే సుతు నధర్మపుఁ జావుకు మూల మయ్యెడిన్!
జిలేబి
జిలేబీ గారూ,
తొలగించండిరమేశ్ గారి భావానికి మీ పద్యరూపం బాగున్నది. అభినందనలు.
(అర్జునుడు అభిమన్యుని మృతికి చింతిస్తూ ధర్మరాజుతో )
రిప్లయితొలగించండిఅన్న !ధర్మరాజ !ఆయాసమిక వీడు ;
నిన్ను ,భీము ,కవల నిలువరించి
యరుగకుండ లోని ,కాపిన దుష్ట సైం
ధవుడె కారకుండు తనయు మృతికి .
బాపూజీ గారూ,
తొలగించండిసైంధవుని ప్రస్తావనతో మీ పూరణ ప్రశస్తంగా ఉన్నది. అభినందనలు.
నమస్సులండీ!
తొలగించండిశ్రీ బాపూజీ గారూ!
తొలగించండిధవుని సైంధవుని అంటూ మనోహరంగా మార్చి సమస్యాపూరణ పద్యం అందించిన మీకు ప్రణామాలండీ.
ధన్యవాదాలు రాజశేఖర్ గారూ !
తొలగించండి👏👏👏
రిప్లయితొలగించండిమద్దూరి రామమూర్తి గారి పూరణ....
రిప్లయితొలగించండిదివిజ గణాధిపాత్మజుఁ బతిం గని ద్రోవది పల్కె నిట్టు లో
ప్రవిమల కీర్తిసాంద్ర! యువరా జభిమన్యుఁడు మేటి యౌచు నా
హవమునఁ బోరి కౌరవుల కాహుతి యెయ్యె దురాత్ముఁడైన సైం
ధవుని దురూహలే సుతు నధర్మపుఁ జావుకు మూల మయ్యెడిన్.
ధవుడు = మనుష్యుడు
రిప్లయితొలగించండితనయులంచు మునులు తరువుల బెంచిరి;
వృక్ష రాజములును వృద్ధి జెందె.
నేటి యవసరాలు నిన్నను మరిపింప
చెట్లు నరికివేసెనిట్లు మనిషి.
ముందు చూపు లేక మొండిగా వర్తించి
హరిత సంపదలను యాహరించె:
ప్రాణవాయువిపుడు పట్టున దొరుకదు
భావితరముకింక భవిత కొరత.
పెంచు వాడె మ్రాను తృంచిన చందంబు,
బాధనింక పెంచు భయము కల్గు.
ధవుల కారణమున తనయుల కిక్కట్లు!
ధవుడె కారణంబు తనయు మృతికి.
వామన కుమార్ గారూ,
తొలగించండిమానవునికీ చెట్టుకూ తండ్రీకొడుకుల సంబంధాన్ని ఆపాదించిన మీ పూరణ బాగున్నది. అభినందనలు.
'ముందు చూపు లేక' అన్నచోట గణదోషం. "ముందుచూపే లేక" అనండి.
సార్! ఆట వెలది గణములు సరియే అనుకుంటా...
తొలగించండి🙏🙏🙏
ఈ కామెంట్‌ను రచయిత తీసివేశారు.
రిప్లయితొలగించండిశాంతిభూషణ్ గారూ,
తొలగించండిఅభిమన్యుని ప్రస్తావనతో మీ పూరణ బాగున్నది. అభినందనలు.
'అభిమన్యు' అని డుప్రత్యయం లేకుండా ప్రయోగించారు.
రెండవ పాదంలో గణదోషం. సవరించండి.
ధవుని రాక దెలిసి తన్మయ మందుచూ
రిప్లయితొలగించండినలుగు బిండి చేత మలచె దనయు
కాపు గాసి యున్న గణపతినిదునుమ
ధవుడె కారణంబు తనయు మృతికి
కొరుప్రోలు రాధాకృష్ణ రావు
రాధాకృష్ణ రావు గారూ,
తొలగించండివినాయక జననాన్ని ప్రస్తావించిన మీ పూరణ బాగున్నది. అభినందనలు.
"తన్మయమందుచు" అనండి.
ఈ కామెంట్‌ను రచయిత తీసివేశారు.
రిప్లయితొలగించండిఅన్నపరెడ్డి వారూ,
తొలగించండికర్ణుని మరణాన్ని ప్రస్తావించిన మీ పూరణ బాగున్నది. అభినందనలు.
మొదటి పాదంలో యతి తప్పింది. "కర్ణుడు మరణింప కదనమ్మునన్ గాంచి" అందామా? "కళేబరము, తలచె' టైపాట్లు.
గురువర్యుల సవరణలకు ధన్యవాదములు.
తొలగించండికర్ణుడు రణమందు కనుమూయగను కాంచి
మృత కళేబరమును మృథపు భూమి
కుంతి తలచె మదిని కొట్లాటలోన మా
ధవుఁడె కారకుండు తనయు మృతికి
మృథము: యుద్ధము
అన్నపరెడ్డి వారూ,
తొలగించండిసవరించిన మీ పూరణ బాగున్నది. అభినందనలు.
3 వ పాదం
రిప్లయితొలగించండికాపు గాయు వాని కంఠంబు దునుమంగ
సవరణ బాగున్నది.
తొలగించండిధవుని రాక దెలిసి తన్మయ మందుచు
రిప్లయితొలగించండినలుగు బిండి చేత మలచె దనయు
కాపు గాయు వాని కంఠంబు దునుమంగ
ధవుడె కారణంబు తనయు మృతికి
కొరుప్రోలు రాధాకృష్ణ రావు
రాధాకృష్ణ రావు గారూ,
తొలగించండివినాయక జనన వృత్తాంతంతో మీ పూరణ బాగున్నది. అభినందనలు.
డా.పిట్టా సత్యనారాయణ
రిప్లయితొలగించండికవుల యూహగాదు కన్నతండ్రియె కోడ
లవును'సవిత' పొందు నంద జూసి
"భవము చాలు"ననుచు బాసెను ప్రాణాలు
ధవుడు కారకుండు తనయు మృతికి
(ఒక అభాగ్యురాలైన తల్లి కడుపు కోత,ఆవేదన)
డా. పిట్టా వారూ,
తొలగించండిమీ పూరణలోని భావం అర్థం కాలేదు. కొంత అన్వయదోష మున్నట్టున్నది.
కన్నతండ్రికి అనండి...
తొలగించండిసమస్య :-
రిప్లయితొలగించండి"ధవుఁడె కారకుండు తనయు మృతికి"
*ఆ.వె**
సకల విద్యలందు చతురుడు జానకీ
ధవుఁడె కారకుండు తనయు మృతిక
నంచు రావణుండు నక్కసు తోడను
యుద్ధమునకు వెడలె యుక్తి లేక
...................✍చక్రి
చక్రపాణి గారూ,
తొలగించండిమీ పూరణ వైవిధ్యంగా ప్రశస్తంగా ఉన్నది. అభినందనలు.
ఈ కామెంట్‌ను రచయిత తీసివేశారు.
తొలగించండిధన్యవాదములు ఆర్యా
తొలగించండిమీ ప్రశంస పొందగలిగాను
ధన్యుండను
రిప్లయితొలగించండిరమేశు గారి భావనకు
కవివర! భార్య వద్దనగ కాదనుచున్ పతి యంపె పుత్రుడా!
తవిషమహో విదేశములు దస్కము బాగుగ దక్కు బోవ నీ
కు! విధివివక్షయా? పసను కుత్సితమా?హతుడాయె బిడ్డడే!
ధవుని దురూహలే సుతు నధర్మపుఁ జావుకు మూల మయ్యెడిన్!
జిలేబి
డా.పిట్టా సత్యనారాయణ
రిప్లయితొలగించండిప్రవిమలమైన విద్దెలకు బ్రాపు నదెక్కడ ?పాప పుణ్యముల్
భవితకు నేర్పరే బుధులు పాపలు బిడ్డల బోటి బెంచుచున్
నవత విదేశ వాసమునె నమ్మిన దీ మన వేద భూమి వా
రవతల గుండ్ల మధ్య గను హాయి యదెంతటి
దౌనొ దెల్య నా
ధవుని దురూహలే సుతున ధర్మపు జావుకు మూల మయ్యెడిన్!
డా. పిట్టా వారూ,
తొలగించండిమీ రెండవ పూరణ బాగున్నది. అభినందనలు.
గురువర్యులు శ్రీ కంది శంకరయ్య గారి శంకరాభరణం
రిప్లయితొలగించండిసమస్యాపూరణ :: నేటి సమస్య సంఖ్య-2669
సమస్య :: *ధవుని దురూహలే సుతు నధర్మపుఁ జావుకు మూలమయ్యెడిన్.*
*నా కుమారుడు అన్యాయంగా చనిపోయేందుకు నా భర్తయే కారణ మవగలడు* అని చెప్పడం నేటి సమస్యలో ఉన్న విపరీతమైన అర్థం.
సందర్భం :: {గాంధారి యొక్క ఆవేదన}
నేనే ఈ భూమండలాన్నంతా యేలగలను అని అహంకరిస్తూ
పాండవపత్ని యైన ద్రౌపదిని తన తొడపై కూర్చుండేందుకు రమ్మని పిలిచిన కొడుకును శిక్షించకుండా సమర్థిస్తున్నవాడు, కౌరవ కుల పక్షపాతి, పుత్రవ్యామోహంతో అధర్మమార్గాన్ని అవలంబిస్తున్నవాడు అగు నా భర్త యొక్క దుష్టమైన ఊహలే నా పెద్దకొడుకైన దుర్యోధనుని అధర్మపు చావుకు కారణం కాగలవు అని గాంధారి బాధపడే సందర్భం.
అవగుణు డౌచు ద్రౌపదిని యంకము జేరగ బిల్చుచుండి, యీ
యవనిని నేనె యేలగలనన్న సుయోధను ప్రోత్సహించె కౌ
రవ శత పక్షపాతి ధృతరాష్ట్రు డధర్మపథావలంబి నా
*ధవుని దురూహలే సుతు నధర్మపుఁ జావుకు మూలమయ్యెడిన్.*
*కోట రాజశేఖర్ పడుగుపాడు నెల్లూరు.* (5-5-2018)
కోట రాజశేఖర్ గారూ,
తొలగించండిగాంధారీ స్వగతంగా మీ పూరణ అద్భుతంగా ఉన్నది. అభినందనలు.
"ద్రౌపదిని నంకము..." అని కదా ఉండవలసింది?
గాంధారీదేవి మనస్తత్వ చిత్రీకరణ పరంగా పరమమైన
తొలగించండిపూరణ కావించారండీ !
గురువరేణ్యా! ప్రణామాలండీ. మీ సూచనయే సరియైనది. *ద్రౌపదిని నంకము* అనియే ఉండాలి. సవరించుకొనగలనండీ. ధన్యవాదాలు.
తొలగించండిసహృదయులు
తొలగించండిశ్రీ jjk బాపూజీ గారూ! హృదయపూర్వక ప్రణామాలండీ.
డా.పిట్టానుండి}
రిప్లయితొలగించండిఆర్యా,
Tab మొరాయింపుతో అన్నిసార్లు మొదటి పూ.వచ్చినది,సారీ
సవరించిన పద్యం
రిప్లయితొలగించండినలుగుఁబిండి వాడు నాజూకువాడును
నాకు రక్షయౌ వినాయకుండు
నిలువ,బాలు నకట నిర్దయ వధియించె
ధవుడె కారకుండు తనయు మృతికి
ప్రసాద రావు గారూ,
తొలగించండిసవరించిన మీ పూరణ బాగున్నది. అభినందనలు.
ధన్యోస్మి
తొలగించండి
రిప్లయితొలగించండికొంత ఫిట్టింగ్ :)
అవును కదా! దురాయినట దాటగ కోపము తోడు ద్వేషమున్
సవిధము గాన యా ధరుని సంకటముల్మొదలయ్యె మారుత
ల్లి విధిని నిర్ణయించెను బలిన్గొనుచున్తునియింప తండ్రిరా
జవిధిగ నిశ్చయించెనయ చంపగ,లోకులు గర్హ సేతురే
"ధవుని దురూహలే సుతు నధర్మపుఁ జావుకు మూల మయ్యెడిన్"!
జిలేబి
జిలేబీ గారూ,
తొలగించండిమీ తాజా పూరణ బాగున్నది. అభినందనలు.
సవరణ పద్యము...
రిప్లయితొలగించండిఆ.వె.
( అర్జునుడు పద్మవ్యూహము గూర్చి చెబుతుంటె అన్న శ్రీకృష్ణుడు అడ్డుకున్నాడనే బాధతో...)
బాలుడగు దనయుడు గూలె పద్మవ్యూహ
మునను;మిగులగను వగచుచు
మది తలచె సుభద్ర మరిమరి ,రుక్మిణీ
ధవుడె కారకుండు తనయు మృతికి
🌿🌿🌿 ఆకుల శాంతి భూషణ్🌷🌷
☘ వనపర్తి☘
శాంతి భూషణ్ గారూ,
తొలగించండి'పద్మవ్యూహ' మన్నపుడు 'ద్మ' గురువై గణదోషం.
రెండవ పాదంలో గణదోషం. మరల సవరించండి.
నిప్పు లుమియుచున్న నిండైన యెండలో
రిప్లయితొలగించండితప్పలేదు పనికి తాను బోవ
కుప్పగూల గాను కొమరుండు కమలబాం
ధవుడె కారకుండు తనయు మృతికి!
సీతాదేవి గారూ,
తొలగించండిసూర్యతాపాన్ని ప్రస్తావించిన మీ పూరణ ప్రశస్తంగా ఉన్నది. అభినందనలు.
ధన్యోస్మి గురుదేవా! నమస్సులు! మీరు కూడ యెండలో తిరుగవద్దు! 🙏🙏🙏
తొలగించండిసింహ మట్లు పోరు చిన్నారి న భి మ న్యు
రిప్లయితొలగించండికుట్ర జేసి చంప కుములు తండ్రి
తల చె మనసు నందు తల్లడ మంది సైo
ధ వు డె కార కుండు తనయుమృతి కి
రాజేశ్వర రావు గారూ,
తొలగించండిసైంధవుని ప్రస్తావనతో మీ పూరణ బాగున్నది. అభినందనలు.
దైవ కార్య మునకు దనయుడేగి నపుడు
రిప్లయితొలగించండిభస్మమె యొనరింప భవుడు; లక్ష్మి
వార్త నెఱిగి యిట్లు వాపోయె,"పార్వతీ
ధవుడె కారణంబు తనయు మృతికి."
జనార్దన రావు గారూ,
తొలగించండిమన్మథుని ప్రస్తావనతో మీ పూరణ బాగున్నది. అభినందనలు.
*** *** *** *** ***
రిప్లయితొలగించండిఆ.వె.
( అర్జునుడు పద్మవ్యూహము గూర్చి చెబుతుంటె అన్న శ్రీకృష్ణుడు అడ్డుకున్నాడనే బాధతో...)
బాలుడగు దనయుడు గూలె పద్మవ్యూహ
మునను;ముమ్మరమ్ముగను వగచుచు
మది తలచె సుభద్ర మరిమరి ,రుక్మిణీ
ధవుడె కారకుండు తనయు మృతికి
🌿🌿🌿 ఆకుల శాంతి భూషణ్🌷🌷
☘ వనపర్తి☘
'పద్మవ్యూహ' మన్నచోట గణభంగం. సవరించండి.
తొలగించండిపూజ్యులు శంకరయ్య గారికి వందనములు. గణభంగము లేదు కదా! తేట గీతి కాదు కదా!
తొలగించండినిజమే.... నేనే పొరబడ్డాను. ధన్యవాదాలు.
తొలగించండిమిత్రులందఱకు నమస్సులు!
రిప్లయితొలగించండి[పద్మవ్యూహమునఁ గౌరవులొనర్చిన ఘాతుకము కన్న సైంధవుఁ డొనర్చిన ఘాతుకము వలననే తన సుతుఁ డభిమన్యుఁ డధర్మపుం జావునకు గుఱియయ్యెనని యర్జునుఁడు వచించిన సందర్భము]
"ఎవరినిఁ జేరనీక నట హింస్రుఁడు సైంధవుఁ డడ్డ బాలుఁడే
చివరకుఁ దమ్మిమొగ్గరముఁ జేరియు యుద్ధమొనర్చి యప్డు కౌ
రవ గురు వృద్ధ బాంధవ దురాగత యుక్తినిఁ జిక్కెఁ! జూడ, సైం
ధవుని దురూహలే సుతు నధర్మపుఁ జావుకు మూల మయ్యెడిన్!"
మధుసూదన్ గారూ,
తొలగించండిసైంధవుని ప్రస్తావనతో మీ పూరణ అద్భుతంగా ఉన్నది. అభినందనలు.
ధన్యవాదాలండీ శంకరయ్య గారూ!
తొలగించండినలుగు పిండి తోడ నటరాజ సుతుఁజేసి
రిప్లయితొలగించండితనకు రక్ష యుంచ వాని నంత
శివుడు రాగ యడ్దు జెప్పగా ఖండించె
ధవుడె కారకుండు తనయు మృతికి
సుబ్బారావు గారూ,
తొలగించండిమీ పూరణ బాగున్నది. అభినందనలు.
'శివుడు వచ్చి యడ్డు జెప్పగా' అనండి.
ఆ.వె.
రిప్లయితొలగించండిభార్య యేడ్చె గుండె పగిలి, ప్రాణేశుడు
కోట్ల కారు కొనుచు కొడుకు కిడగ
నతి వడిగ నడుపుచు యసువుల బాసెను
ధవుడె కారకుండు తనయు మృతికి
మల్లేశ్వర్ గారూ,
తొలగించండిమీ పూరణ ప్రశస్తంగా ఉంది. అభినందనలు.
ఆకాశవాణి వారి సమస్య తెవలుపగలరు
రిప్లయితొలగించండిఆకాశవాణి వారి సమస్య....
తొలగించండి"సరములు దీసి ముద్దిడెను సంతస మందగ నద్ది తానుయున్"
'తానుయున్' అన్న ప్రయోగం దోషం.
తొలగించండిజిలేబి యమ్మి అంగట్లో కల :)
వరుస జిలేబులన్ పొలతి వాకిట బేర్చుచు గ్రాహకుల్ కొనం
గ రయము గాను కాసులట ఘల్లన సర్దుచు గల్ల పెట్టి లో
న, రజతముల్ కలల్గనుచు నాంత్రము జేయగ లచ్చియమ్మయే
సరములు దీసి ముద్దిడెను సంతస మందగ నద్ది తానుయున్!
జిలేబి
"సంతస మందగ నద్ది తాఁ దమిన్" అంటే బాగుంటుంది.
తొలగించండికలదె భయము నాకు గండర గండఁ డే
రిప్లయితొలగించండిననుచుఁ దిరుగఁ దా నిఁక నిరతమ్ము
మండు టెండ లెల్ల నుండగఁ బద్మబాం
ధవుఁడె కారకుండు తనయు మృతికి
యుధిష్ఠిరుని సంతాపము:
అవని వెలుంగు యోధుల మహారధి యీ యభిమన్యుఁడే సహ
స్ర వర వరాంగ తుల్య ఘన సత్త్వ వరాన్విత భీముఁ డున్నచో
బవరము నందునన్ ఖదిర పౌత్రుఁడు గూలునె వ్యూహ మందు సైం
ధవుని దురూహలే సుతు నధర్మపుఁ జావుకు మూల మయ్యెడిన్
కామేశ్వర రావు గారూ,
తొలగించండిపద్మబాంధవునితో మొదటి పూరణ, సైంధవునితో రెండవ పూరణ అద్భుతంగా ఉన్నవి. అభినందనలు.
పూజ్యులు శంకరయ్యగారికి సప్రణామ ధన్యవాదములు.
తొలగించండితల్లి దండ్రిమమత తరుగని దైనను
రిప్లయితొలగించండిసత్యమందుహింస సాగనీక
భామ దునిమె నరకబాధలుమాన్ప!మా
ధవుడె కారకుండు తనయ మృతికి
ఈశ్వరప్ప గారూ,
తొలగించండిమాధవునితో మీ పూరణ బాగున్నది. అభినందనలు.
ఆ॥వె॥
రిప్లయితొలగించండిజరఠులాలుమగలు శ్రవణుని జనకులు
ధవుడె కారకుండు తనయుమృతికి
యంచు శాపమొసగిరా దశరథునికి
సంతుశోకమందు చచ్చుననుచు
సీతారామయ్య గారూ,
తొలగించండిమీ పూరణ బాగున్నది. అభినందనలు.
"శ్రవణు జనకులు భూ।ధవుడె కారకుండు...." అంటె బాగుంటుందేమో?
ధన్యవాదములు శంకరయ్యగారూ 🙏🏽
తొలగించండిమంచి జేయ నెంచు మారుని భస్మమ్ము
రిప్లయితొలగించండిజేయు పరమశివుని చేత గనుచు
తమ్మి యింటి గరిత తలపోసె శాంకరీ
ధవుడె కారకుండు తనయు మృతికి!!!
శైలజ గారూ,
తొలగించండిశాంకరీధవునితో మీ పూరణ బాగున్నది. అభినందనలు.
1984 తల్లి ఆవేదన:
రిప్లయితొలగించండిఎవరు వధించిరోగద! మరెవ్వరు శిక్ష భరించిరోయిటన్!
నవనవలాడు యౌవనము నందున తల్లి నశించ నిందిరా
శవమును దూరదర్శన మసాలగ జూపిననాటి సోనియా
ధవుని దురూహలే సుతు నధర్మపుఁ జావుకు మూల మయ్యెడిన్!
ప్రభాకర శాస్త్రి గారూ,
తొలగించండిమీ పూరణ బాగున్నది. అభినందనలు.
భవునిది యాఙ్ఞలేనిదిల బామరునైనను జీమకుట్టదే
రిప్లయితొలగించండియవనికిబూర్తిగా దనదు నగ్రసుతుండె విభుండె యంచుభూ
ధవుని దురూహలేసుతునధర్మపుజావుకు మూలమయ్యెడి
న్నవగత మయ్యెగా ప్రభు నహమ్ము ను డంభముమత్సరంబులుల్
సుబ్బారావు గారూ,
తొలగించండిమీ పూరణ బాగున్నది. అభినందనలు.
వారువమును పట్టి బంధించు మణిపుర
రిప్లయితొలగించండిధవుఁడె కారకుండు తనయు మృతికి
సత్య మనెను కుంతి! సంజీవని మణిచే
బ్రతుకు నిచ్చె బభ్రువాహనుండు ౹౹
రఘురామ్ గారూ,
తొలగించండిమీ పూరణ బాగున్నది. అభినందనలు.
రిప్లయితొలగించండివిదుర బోధ:
ప్రవిమల సచ్చరిత్రు లగు పాండవులం బరిమార్ఛి దుర్మతిన్
బవరము లేకయే సుతుని పట్టము గట్టు తలంపు వీడు కౌ
రవపతి! వారి కేడుగడ ప్రాకటమే గద చూడవేల మా
ధవుని? దురూహలే సుతున ధర్మపుజావుకు మూలమయ్యెడిన్.
మిస్సన్న గారూ,
తొలగించండివిలక్షణమైన విరుపుతో ఉత్తమమైన పూరణ చెప్పారు. అభినందనలు.
నమస్సులండీ.
తొలగించండి
రిప్లయితొలగించండి1.సమర రంగమందు సవ్యసాచి సుతుని
చంప వ్యూహమల్లి శత్రువులట
చేరుచు నభిమన్యు గూల్చెడి వేళ సైం
ధవుఁడె కారకుండు తనయు మృతికి.
2.నలుగు తోడ చేసి నట్టి బాలగణేశు
డడ్డు పడెనటంచు నద్రిజేశు
డతని సంహరింప నగజ దలచె మది
ధవుఁడె కారకుండు తనయు మృతికి.
3.వరము బడసినట్టి నరకుని దునుమంగ
సత్య తోడ వచ్చె సమరమునకు
పుత్ర శోకమంది పుడమితా తలచె మా
ధవుఁడె కారకుండు తనయు మృతికి.
4.శివుని పెండ్లి చేయ శీఘ్రముగా నేగి
వాడి తూపు లేసి భస్మ మయ్యె
వార్త నెరిగి తలచె వైదర్భి “‘నయ్యుమా
ధవుఁడె కారకుండు తనయు మృతికి".
సుభద్ర మదిలో
5.జవమున పాండు పౌత్రునట జంప గనెంచు చునొజ్జ వ్యూహమున్
బవరము నందు ముందుగను పన్నికిరీటియు లేని వేళలన్
దివమున జచ్చె నన్వినుచు దీనముగావిలపించి తల్లి సైం
ధవుని దురూహలే సుతు నధర్మపుఁ జావుకు మూల మయ్యెడిన్"
6.కువలయమందు దైత్యుడట కోరుచు దుష్ట బుద్ధితో
డ వనము నందు నొంటిగ జడల్ దల దాల్చుచు సీత నాయశో
కవనములోన దాచగని గాసిలి దైత్యు నిభార్య దల్చె తా
ధవుని దురూహలే సుతు నధర్మపుఁ జావుకు మూల మయ్యెడిన్.
ఉమాదేవి గారూ,
తొలగించండిమీ ఆరు పూరణలు ప్రశస్తంగా ఉన్నవి. అభినందనలు.
చివరి పూరణ మొదటి పాదంలో గణదోషం. సవరించండి.
బల్లూరి వారూ!
తొలగించండిమీ ఆరు పూరణలూ బాగున్నాయి. అభినందనలు.
కొన్ని సందేహాలు:
మొదటి పూరణలోని మూడవ పాదంలో యతిభంగం.
నాలుగో పాదంలో వైదర్భి యెవరు? ఆమె రుక్మిణి యైనచో, ఆ కథకును, ఈ కథకును గల లంకె ఏమిటి?
ఆరో పూరణలో గణభంగం.
బవరము నందు శీఘ్రముగ పద్మముపన్నగురుండు, చూచి పాం
రిప్లయితొలగించండిడవులు కిరీటి గానక చటాలున పోరును చేయకుంట పా
ర్థివుడు కతమ్మెరింగి వెస తీర్చగ పార్థు కుమారు పంచె భూ
ధవుని దురూహలే సుతు నధర్మపుఁ జావుకు మూల మయ్యెడిన్
అన్నపరెడ్డి వారూ,
తొలగించండిమీ పూరణ బాగున్నది. అభినందనలు.
దివిజ గణాధిపాత్మజుని ధీరుని గాంచుచు జెప్పె భీముడే
రిప్లయితొలగించండియువిధ సుభద్ర పుత్రుడు మహోజ్వల రుద్ర సమానుడౌచు నా
హవమున శత్రువుల్ కుటిల యత్నము జేయగ గూలెగాదె సైం
ధవుని దురూహలే సుతునధర్మపు జావుకు మూలమయ్యెడిన్
విరించి గారూ,
తొలగించండిమీ పూరణ బాగున్నది. అభినందనలు.
చంపకమాల
రిప్లయితొలగించండిప్రవణుఁడటంచు పుత్రుని ప్రవాసము నంపఁగ పీఠమెక్కి ప్రే
మ వివశ మంది కోమలికి మాటనొసంగి వివాహమెంచగన్
బవరముఁ జేసినట్లు పిత కాదన, రోదనఁ దల్లి లోననెన్
"ధవుని దురూహలే సుతు నధర్మపుఁ జావుకు మూల మయ్యెడిన్ "
ఒక తల్లి ఆవేదన:
రిప్లయితొలగించండిఆటవెలది
పదునెనిమిది నిండె బాలుడెట్లని వాన్కి
కారు నీయఁ గొని హుషారు మీరి
రింగు రోడ్డు మీద రెచ్చి పోవంగ నా
ధవుఁడె కారకుండు తనయు మృతికి.
✍️ *గుండా వేంకట సుబ్బ సహదేవుడు*
సహదేవుడు గారూ,
తొలగించండిమీ రెండు పూరణలు బాగున్నవి. అభినందనలు.
🙏ధన్యోస్మి గురుదేవా🙏
తొలగించండిభవానీ ప్రసాద్ గారి భావానికి నా పద్యరూపం....
రిప్లయితొలగించండిభూమి తల్లి వృక్షములకు సూర్యుఁడు దండ్రి
సూర్యతాపమంది చొక్కి చచ్చు
తరువుల గతిఁ గాంచి ధరణి తలఁచె నిట్లు
ధవుఁడె కారకుండు తనయు మృతికి.
అందరికీ నమస్కారం. ఇక్కడ ఇది నా తొలి ప్రయత్నం. తప్పులుంటే మన్నించగలరు.
రిప్లయితొలగించండికాపునుంచి బాల గణపతిని బయట
తానమాడ వెడలె తల్లి గౌరి
అడ్డగించబోవ నాగ్రహించె తండ్రి
ధవుఁడె కారకుండు తనయు మృతికి!
మహేశ్ కుమార్ గారూ,
తొలగించండితొలిప్రయత్నమైనా మీ పూరణ సలక్షణంగా, నిర్దోషంగా, చక్కగా ఉన్నది. అభినందనలు.
అందరికీ నమస్కారం. ఇక్కడ ఇది నా తొలి ప్రయత్నం. తప్పులుంటే మన్నించగలరు.
రిప్లయితొలగించండికాపునుంచి బాల గణపతిని బయట
తానమాడ వెడలె తల్లి గౌరి
అడ్డగించబోవ నాగ్రహించె తండ్రి
ధవుఁడె కారకుండు తనయు మృతికి!
నమస్కారం. నా చరవాణి లో మిత్రుని ఈమెయిలు నిక్షీప్తమవడంతో ఆయన పేరుతో పద్యం ఇక్కడ ప్రచురితమైనది. అసౌకర్యానికి క్షంతవ్యుడను
తొలగించండి*5.5.18*
రిప్లయితొలగించండి..............🌻శంకరాభరణం🌻...............
.. . 🤷🏻♂సమస్య
*"ధవుఁడె కారకుండు తనయు మృతికి"*
సందర్భము: లక్ష్మీదేవి కూతురు శ్రీ వల్లి షణ్ముఖునికి సరిజో డని తలంచి పార్వతి వియ్య మందడానికి ఉత్సాహపడింది. లక్ష్మీదేవి వద్దకు వచ్చింది. మునుపు లక్ష్మీ నారాయణుల కుమారుడైన మన్మథుని పరమేశ్వరుడు తన మూడవకంట బూడిద గావించినాడు. అది గుర్తుకు రాగా లక్ష్మీ దేవి మనస్సు బాగా కలతపడింది. అటువంటి దశలో పార్వతీదేవి రావడం జరిగింది. వచ్చిన విషయం అడిగింది. లక్ష్మి సరేమిరా అన్నది. "మా యమ్మాయికి మిగిలేదే ముంది? ఇంత బూడిద.. లేదా రుద్రాక్షలు. అంతే కదా!" అన్నది.
పార్వతి చిన్నబుచ్చుకున్నది. భర్తకు వెళ్ళి చెప్పింది. పరమేశ్వరుడు సర్ది చెప్పి ఒక రుద్రాక్ష నిచ్చి దానికి తగినంత ధనాన్ని తీసుకు రమ్మన్నాడు. లక్ష్మీదేవి తన వద్దనున్న ఆభరణాలు ధనం అన్నీ త్రాసులో వేసి తూచినా రుద్రాక్ష తూగలేదు. లక్ష్మి సిగ్గు పడింది. పార్వతి " ఇలాంటి రుద్రాక్షలు మావద్ద లెక్కలే నన్ని వున్నాయి" అన్నది. విష్ణుమూర్తి కూడ నచ్చ జెప్పగా చివరకు లక్ష్మి తన కూతురును షణ్ముఖున కీయడానికి అంగీకరించింది.
~ ~ ~ ~ ~ ~ ~ ~ ~~ ~ ~ ~ ~ ~ ~ ~
కమలాక్షు దేవేరి కమ్మ విల్తుని తల్లి
తనయునిఁ దలపోసి కనలు వేళ
నారు మోముల వాని కన్నింట సరిజోడు
శ్రీ వల్లి యను బాల సిరి కొమరిత..
యనుచుఁ తా నాశతో నరుదెంచె దుర్గమ్మ..
యౌ నని యనదు, కా దనదు లక్ష్మి..
"కూతును నీయింటి కోడలుగా జేయ
నేమి మిగులుఁ గడ కింత బూది"
యనియె.. మనసు లోన"నలనాడు..పార్వతీ
ధవుఁడె కారకుండు తనయు మృతికి.."
ననుచు మూతి ద్రిప్పు వనితామణికి శౌరి
నచ్చజెప్పె.. సిరియు మెచ్చె కడకు..
🖋~డా.వెలుదండ సత్యనారాయణ
మరొక పూరణము
రిప్లయితొలగించండిసందర్భము: తమ్మి మొగ్గర మనగా పద్మ వ్యూహం. పెక్కురు కుమ్మక్కై సుభద్రా నందను నొక్కని నుక్కడగించినారు పద్మ వ్యూహంలో.
సుభద్ర తన తనయుని మృతికి ధర్మరాజే కారకు డని, ఆతడు ఆదేశించకపోతే అభిమన్యుడు యుద్ధ భూమికి బలియై పోయేవాడు కాడని వలవలా విలపిస్తున్నది.
~ ~ ~ ~ ~ ~ ~ ~ ~~ ~ ~ ~ ~ ~ ~ ~
తమ్మి మొగ్గరమున తనయు డీల్గె నటంచు
వల వల వల వల సుభద్ర యేడ్చె..
తలచె "ధర్మజుండె, ద్రౌపదీ భామినీ
ధవుఁడె కారకుండు తనయు మృతికి"
🖋~డా.వెలుదండ సత్యనారాయణ
వెలుదండ వారూ,
తొలగించండిమీ రెండు పూరణలు ప్రశస్తంగా ఉన్నవి. అభినందనలు.
శివుని తపస్సు మాన్పుటకు శ్రీమతి గౌరిని పన్పుచుండగా
రిప్లయితొలగించండినవనవలాడు చైత్రమున నందము నీయగ కామదేవునిన్
తవులుచు నీవు పొమ్మనుచు తంపులు పెట్టిన తండ్రి యైన మా
ధవుని దురూహలే సుతు నధర్మపుఁ జావుకు మూల మయ్యెడిన్ :)