22, ఆగస్టు 2016, సోమవారం

సమస్య - 2123 (భర్తను బైటకున్ దరిమె...)

కవిమిత్రులారా,
ఈరోజు పూరించవలసిన సమస్య ఇది...

"భర్తను బైటకున్ దరిమె భారతనారి కళాప్రపూర్ణయై"
(ఒక అవధానంలో గరికిపాటి వారు పూరించిన సమస్య)
లేదా...
"భర్తను బయటకుఁ దరిమె భరతనారి"

85 కామెంట్‌లు:

  1. వర్తన బాగులేని పతి వద్దని తాఁ జన పుట్టినింటికిన్
    వర్తకుడైన భర్త తన భార్యను తోడ్కొన వచ్చినంతనే
    పూర్తిగ మారిపోతివన బొత్తిగ నమ్మనటంచు చెప్పి యా
    భర్తను బైటకున్ దరిమె భారతనారి కళాప్రపూర్ణయై

    రిప్లయితొలగించండి
    రిప్లయిలు
    1. చంద్రమౌళి సూర్యనారాయణ గారూ,
      మీ పూరణ బాగున్నది. అభినందనలు.
      'మారిపోతినన' అని ఉండాలనుకుంటాను.

      తొలగించండి
  2. ధూర్త విదేశసంఘములు ద్రోహము సేయగ, భారతాంబ స
    త్కీర్తినిఁ గాచి నిల్పు ధృడదీక్షను బూనియె, యుద్ధమందు గ్రీ
    ష్మర్తుగతార్కతీక్ష్ణనిజశస్త్రముతోన్ రిపుసైన్యముఖ్య భూ
    భర్తను బైటకున్ దరిమె భారతనారి కళాప్రపూర్ణయై.

    రిప్లయితొలగించండి
  3. నర్తన శాలయం దుగన వంటల వాడగు భీమసే నుడున్
    శక్తియు నుక్తియున్ గలిగి శౌర్యము పొంగిన జూపజాలకన్
    రిక్తపు హస్తమున్ మణిగ రింగులు వారుచు మూగవోయినన్
    భర్తను బైటకున్ దరిమె భారతనారి కళాప్రపూర్ణయై

    రిప్లయితొలగించండి
    రిప్లయిలు
    1. అక్కయ్యా,
      మీ పూరణ బాగున్నది.
      మొదటిపాదంలో యతి తప్పింది. 'నర్తనశాలయందు గనినన్ దగ వంటలవాడు భీముడున్' అందామా?

      తొలగించండి
    2. భావం బాగుందండీ.. 3,4 పాదాల్లో ప్రాసాక్షరం సరి చూడండి..

      తొలగించండి
    3. మురళీకృష్ణ గారూ,
      ధన్యవాదాలు. నేను గమనించలేదు.

      తొలగించండి
    4. అక్కయ్య గారు మీ పద్యానికి నా పూరణ:

      నర్తన శాలయందు గనినం దగ వంటలవాడు భీముడున్
      గుర్తిడు శంకమూలమున క్రుద్ధము పొంగిన జూపజాలక
      న్నార్తిని హస్తముల్ నలుప నాపతిఁ జూచుచు మూగవోయినన్
      భర్తను బైటకున్ దరిమె భారతనారి కళాప్రపూర్ణయై

      తొలగించండి
    5. భావం బాగుందండీ.. 3,4 పాదాల్లో ప్రాసాక్షరం సరి చూడండి..

      తొలగించండి
    6. నమస్కారములు
      దోషాన్ని వివరించిన మురళీకృష్ణ గారికీ, పూరణజేసిన పోచిరాజు కామేశ్వర రావు గారికీ ,గురువు గారికీ అందరికీ ధన్య వాదములు. మర్చిపోయాను .అసలు ప్రాసాక్షరాన్ని గుర్తించలేదు .

      తొలగించండి

  4. ఇంటి పట్టుగ జేసెద యింతి గాను
    నేను వంటను, నయ్యరో నీవు సంత
    కేగి కూరగా యలు తెమ్ము కేజి యనుచు
    భర్తను బయటకుఁ దరిమె భరతనారి

    సావేజిత
    జిలేబి

    రిప్లయితొలగించండి
  5. కర్తవు గావె సైన్యమున కార్గిలు యుద్ధము జర్గుచుండ నో
    గర్తను దాగి విక్రమ విహారమునన్ రిపు మానప్రాణసం
    హర్తగ మారకన్ బ్రతుకె హాయియటంచిలు జేర జీరె నా
    భర్తను బైటకున్ దరిమె భారత నారి కళాప్రపూర్ణయై

    రిప్లయితొలగించండి
    రిప్లయిలు
    1. పిట్టా సత్యనారాయణ గారూ,
      మీ పూరణ బాగున్నది.
      రెండవపాదంలో యతి తప్పింది. 'ఒక'ను 'ఓ' అనరాదు కదా!

      తొలగించండి
  6. నాగరికత పెరగినదను నట్టి వేళ
    పోరు భుజబల గరిమయె భూరి హితవు?
    సైనకుడు వడి తడబడి సాకు జెప్ప
    భర్తను బయటకు దరిమె భరతనారి

    రిప్లయితొలగించండి
    రిప్లయిలు
    1. పిట్టా వారూ,
      పూరణ బాగుంది.
      మొదటిపాదంలో గణదోషం. 'నాగరికత పెరిగెనను నట్టివేళ' అందామా? టైపు దోషాలున్నవి.

      తొలగించండి
  7. సాంప్రదాయము పేరిట సగము జచ్చి
    సారకై తాళిబొట్టు విశాల బుద్ధి
    నర్పణము జేసి ప్రశ్నించె నాగరికుల
    భర్తను బయటకుదరిమె భరత నారి

    రిప్లయితొలగించండి
  8. వార్తల కెక్కగావలయు వైభవ ముంగని సంఘమందు స
    త్కీర్తిని పొందగావలయు కేవల మింటవ సించు టేల నీ
    వర్తనమార్చుకొమ్మనుచు భవ్యహితంబుల యత్నహీనుడౌ
    భర్తను బైటకున్ దరిమె భారతనారి కళాప్రపూర్ణయై.
    హ.వేం.స.నా.మూర్తి

    రిప్లయితొలగించండి
    రిప్లయిలు
    1. హరి వేంకట సత్యనారాయణ మూర్తి గారూ,
      మీ పూరణ బాగున్నది. అభినందనలు.

      తొలగించండి
  9. భూరి పనులను జేసితి భుక్తి కొఱకు
    వంట జేయుట తరమౌనె యింట నీకు
    బరువు బాద్యత పట్టని పరమ జోగి
    భర్తను బయటకుఁ దరిమె భరత నారి .

    రిప్లయితొలగించండి
  10. ధూర్తత తోడ వ్యర్థుడయి తూలెడి తా మగనిన్ సహింపకన్
    భర్తను బైటకున్ దరిమె భారత నారి; కళాప్రపూర్ణయై
    వర్తిలి సంఘమందు బహు భావ వికాస ప్రభావ విజ్ఞతన్
    కీర్తిని బొందుచున్ వనిత కేరుపు సల్పె సుధీవిధేయతన్!

    రిప్లయితొలగించండి
  11. మైలవరపు మురళీకృష్ణ వెంకటగిరి

    ఆర్తిగ చంద్రబాబు కడు యత్నముతో నమరావతీ పురిన్
    స్ఫూర్తిగ నాకశోభలను భూమి పయిన్ రచియింప నెంచె తా
    గర్తపురిన్ , సహాయమిడగా చనుదెంచుమటంచు ద్రోయుచున్
    భర్తను బైటకున్ దరిమె భారతనారి కళాప్రపూర్ణయై !!

    రిప్లయితొలగించండి
  12. క్రొవ్విడి వెంకట రాజారావు గారి పూరణలు.....

    (1). వ్యసనములకు బానిసగుచు వరుసదోడ
    అవసధమునంత గుల్ల చేయంగనుండి
    తనను పిల్లలను సతము తరుపుజుండు
    భర్తను బయటకు దరిమె భారత నారి.
    (2). భర్తకు ధైర్యమున్ గలుగు బల్కులు జెప్పుచు ఖడ్గతిక్కనిన్
    యెత్తుగ జేయుచున్ యతని గేహిని యుధ్ధముజేయ నంపినన్
    భర్తయె పందయై రణము పన్నగలేక గృహమ్ము జేరగా
    భర్తను బైటకున్ దరిమె భారతనారి కళాప్రపూర్ణయై.

    రిప్లయితొలగించండి
    రిప్లయిలు
    1. క్రొవ్విడి వేంకట రాజారావు గారూ,
      మీ రెండు పూరణలు బాగున్నవి.
      టైపు దోషాలు ఎక్కువగా ఉన్నవి. తిక్కనన్+ఎత్తుగ, జేయుదున్+అతని.. అన్నపుడు యడాగమం రాదు.

      తొలగించండి
    2. రెండవ పూరణలో రెండవ పాదంలో ప్రాస భంగ మయింది.

      తొలగించండి
    3. reMDava padyamulO porabaaTuna praasa dappinadi. daanini ippuDu correct chEstunnaanu. " kkeertiki nettuchun " ani. yettugajEyuchun annadi dayatO teesiveyyaMdi. sree kaMdi SaMkarayya guruvugaari sUchanalanu paaTistaanu.

      తొలగించండి
    4. పొరబాటును గ్రహించాను. రెండవ పద్యం రెండవ పాదంలో ప్రాస భంగమైనది. దానినిట్లా సరిజేస్తున్నాను. ' కీర్తికి నెత్తుచున్ ' అని. మిస్సన్న గారికి కృతజ్ఞతలు.
      శ్రీ కంది శంకరయ్యగారి సూచనా పాటిస్తాను.

      తొలగించండి
    5. రాజారావు గారూ,
      మీరు నేరుగా బ్లాగులో వ్యాఖ్య పెట్టగలుగుతున్నందుకు సంతోషంగా ఉంది.

      తొలగించండి
    6. కృతజ్ఞతలు. మొత్తంమీద గురువుగారైన మీసూచనలతో సాధించాను.

      తొలగించండి
  13. కర్తగ దీక్షతో నిలిచె కార్యము లన్నిట దక్షురాలిగా
    వర్తనతోడ లోకమున వర్ధిలె నద్భుత మార్గదర్శిగా
    కీర్తికి రూపమై జగపు గేహపు దీపముగాను ధ్వంసినీ*
    భర్తను బైటకున్ దరిమె భారతనారి కళాప్రపూర్ణయై!

    *ధ్వంసిని= శనిదేవుని భార్య

    రిప్లయితొలగించండి
    రిప్లయిలు
    1. పశ్చిమపు హోరుగాలికి వాలపోక
      దేశ సంస్కృతి వల్లరి తీగసాగ
      కాంచ పిన్నపెద్దలు కౌగిలించ జూచు
      భర్తను బయటకుఁ దరిమె భరతనారి

      తొలగించండి
    2. మడిపల్లి రాజకుమార్ గారూ,
      మీ రెండు పూరణలు బాగున్నవి. అభినందనలు.
      రెండవ పూరణలో వల్లి, తీగ.. రెండు ఒకటే కదా!

      తొలగించండి
    3. సవరణ బాగుంది. సమాసంలో 'సంస్కృతీ వల్లరి' అనాలి. అన్నా గణదోషం లేదు.

      తొలగించండి
  14. కూర గాయలు దెమ్మని కుసుమ పంపె
    భర్తను బయటకు ,దరిమె భరత నారి
    ధూర్తు డొక్కడు వలపుతో దరికి రాగ
    స్త్రీలు బ్రాధాన్య మిత్తురు శీలమునకు

    రిప్లయితొలగించండి
    రిప్లయిలు
    1. పోచిరాజు సుబ్బారావు గారూ,
      మీ పూరణ బాగున్నది. అభినందనలు.

      తొలగించండి
  15. (1)అగ్నిభయము నందు మనసు లగ్నమిడుట
    విలువ యైనట్టి సంపద విసరి వైచి,
    తాను ముందుగ బయటకు దారి తీసి,
    భర్తను బయటకుఁ దరిమె భరత నారి!

    (2)ఝాన్సి పేరైన కోటకు జయము గూర్ప
    సకల సైన్యంబు తోడుగా సమరమందు
    స్వేచ్ఛ హరియింపఁ జూచెడు మ్లేచ్ఛ రాజ్య
    భర్తను బయటకుఁ దరిమె భరతనారి!

    (మ్లేచ్ఛరాజ్య భర్త= ఆంగ్ల రాజు)

    రిప్లయితొలగించండి
    రిప్లయిలు
    1. రెండుచింతల రామకృష్ణ మూర్తి గారూ,
      మీ రెండు పూరణలు బాగున్నవి. అభినందనలు.

      తొలగించండి
  16. ఓడి వెనుదిర్గ తిక్కనఁ గూడ దనుచు
    తల్లి విరిగిన పాలిచ్చి తప్పు బట్ట
    స్నానమాడగ నుంచి మంచములనడ్డు
    భర్తను బయటకుఁ దరిమె భరతనారి
    (ఖడ్గతిక్కన వృత్తాంతము)

    రిప్లయితొలగించండి
    రిప్లయిలు
    1. గుండా వేంకట సుబ్బ సహదేవుడు గారూ,
      మీ పూరణ బాగున్నది. అభినందనలు.

      తొలగించండి
  17. భ ర్తను బంపె గూరలకు భారతి తానుగ వంట జేయుచున్
    భర్తను బైటకున్, దరిమె భారత నారి కళా ప్రపూర్ణయై
    ధూర్తుడు కోరియా సతిని దూరగలోగిలి నాక్షణంబునన్
    భర్తను గాక యే యితర పౌరుని జూడరు భారతీ మణుల్

    రిప్లయితొలగించండి
    రిప్లయిలు
    1. సుబ్బారావు గారూ,
      మీ పూరణ బాగున్నది. అభినందనలు.
      మొదటి రెండు పాదాలలో భర్త పదం పునరుక్తమయింది.

      తొలగించండి
  18. దూర్తులు శత్రురాజులు నధోగతిఁ జేయగ నెంచి ఘోర సం
    వర్తముఁ బోలు యుద్ధమును వర్తిల జేసిన భీమ భండనా
    వర్తన మేల నీకనుచుఁ బన్నుగ బొట్టిడి తా జయార్థియై
    భర్తను బైటకున్ దరిమె భారతనారి కళాప్రపూర్ణయై


    గొప్పలకు బోయి నిత్యము నప్పు జేసి
    పప్పు కూడును మరగిన యప్పలమ్మ
    అప్పు లిచ్చిన మిత్రుల ముప్పు నెంచి
    భర్తను బయటకుఁ దరిమె భరతనారి

    రిప్లయితొలగించండి
    రిప్లయిలు
    1. పోచిరాజు కామేశ్వరరావు గారూ,
      మీ రెండు పూరణలు బాగున్నవి. అభినందనలు.

      తొలగించండి
  19. అమ్మనాన్నల యాస్తుల నమ్ముకొనుచు
    సరకుగొనక కుటుంబము, సంతతమ్ము
    త్రాగి వీధిలో తిరుగుచు తగవులాడు
    భర్తను బయటకుఁదరిమె భరతనారి

    రిప్లయితొలగించండి
    రిప్లయిలు
    1. అన్నపరెడ్డి సత్యనారాయణ రెడ్డి గారూ,
      మీ పూరణ బాగున్నది. అభినందనలు.

      తొలగించండి
  20. వర్తన మార్చుకొమ్మనుచు భర్తకు నిత్యము చెప్పిచెప్పి యా
    ధూర్తుని మార్చలేక మది దుక్కము చిప్పిల నార్తి తోడుతన్
    భర్తను బైటకున్ దరిమె భారతనారి, కళాప్రపూర్ణయై
    కర్తగమారి ప్రీతిగను కాచుచు బిడ్డల చేసె త్యాగముల్

    రిప్లయితొలగించండి
    రిప్లయిలు
    1. అన్నపరెడ్డి వారూ,
      మీ పూరణ బాగున్నది. అభినందనలు.
      దుఃఖమును దుక్కము అని శ్రీహరి నిఘంటువు చెప్పినా అది ప్రసిద్ధము కాదు. అక్కడ దుఃఖము అన్నా సరిపోతుంది కదా!

      తొలగించండి
  21. మద్యమును గ్రోలిన నతడు మత్తు నంది
    మగని కొరకు వేచెడి నొక మగువ నింట
    జొరబడ, నతని నెఱిగి నా పఱ వధూటి
    భర్తను బయటకు తరిమె భరత నారి!

    రిప్లయితొలగించండి
  22. . శ్రీ కేంబాయితిమ్మాజిరావుగారిపూరణ
    అనిని తావెన్నుజూప?”తిక్కనకుభార్య
    మంచమును,పసుపును,మసలునీరు
    మగతనము లేనిమగడని మజ్జనమిడి
    భర్తను బయటకు దరిమె భరతనారి.
    2.కర్తసృజించు వాడనుచు కర్మఫలంబుగజన్మ నిచ్చుచొ
    భర్తభరించు వాడనుచు పాలన పోషణచేయు వాడనిన్
    కర్తయు భర్త”మీర”కికకన్నయనంచును తాళిగట్ట?నా
    భర్తను బైటకున్దరిమె|భారతనారి కళా ప్రపూర్ణయై|







    రిప్లయితొలగించండి
    రిప్లయిలు
    1. కెంబాయి తిమ్మాజీ రావు గారూ,
      మీ రెండు పూరణలు బాగున్నవి.
      మొదటి పూరణ రెండవ పాదంలో గణదోషం. రెండవ పూరణలో కొంత అన్వయలోపం ఉన్నట్టుంది. భావం సుగమంగా లేదు.

      తొలగించండి
  23. కట్న మాశించి విలువలు కాలరాయు
    కర్కశంబును నమ్మిన కఠినుడనుచు
    తెలసి కొన్నట్టి తెలివైన తెలుగుపడచు
    భర్తనుబయటకు దరిమె భరతనారి.
    2.భర్తను సత్యభామ తగు భాద్యతచేతను దానమివ్వగా
    కర్తగ నారదుండొసగు కాంక్షకులోబడి మాయమర్మమున్
    వర్తన జేరగా నహము బంచెడి మోహపు మానసంబునన్
    భర్తను బైటకున్ దరిమె|భారత నారి కళా ప్రపూర్ణయై|
    2.








    రిప్లయితొలగించండి
  24. కర్తవు నీవు కావనిన గౌరవ మెట్లగు గీత చెప్పెనే
    పూర్తిగ వీడు మాలి నని పొమ్ము విడాకు లవేల వేడ బో
    నార్తిని నాకు నింట గల హక్కును వీడ నటంచు ధూర్తుడౌ
    భర్తను బైటకున్ దరిమె భారతనారి కళాప్రపూర్ణయై.

    రిప్లయితొలగించండి
  25. నాగరికత పెరగినదను నట్టి వేళ
    పోరు భుజబల గరిమయె భూరి హితవు?
    సైనకుడు వడి తడబడి సాకు జెప్ప
    భర్తను బయటకు దరిమె భరతనారి

    రిప్లయితొలగించండి
  26. కర్తవు గావె సైన్యమున కార్గిలు యుద్ధము జర్గుచుండ నో
    గర్తను దాగి విక్రమ విహారమునన్ రిపు మానప్రాణసం
    హర్తగ మారకన్ బ్రతుకె హాయియటంచిలు జేర జీరె నా
    భర్తను బైటకున్ దరిమె భారత నారి కళాప్రపూర్ణయై

    రిప్లయితొలగించండి
    రిప్లయిలు
    1. పిట్టా సత్యనారాయణ గారూ,
      మీ రెండు పూరణలు బాగున్నవి. అభినందనలు.

      తొలగించండి
  27. దుర్జనుల సహవాసము దోహద పడ

    ప్రతి దినము మద్యమున్ గ్రోల పైసలకును

    సతిని, పిల్లలన్ హింసించి చావ గొట్టు

    భర్తను బయటకు దరిమె భరత నారి.

    రిప్లయితొలగించండి
    రిప్లయిలు
    1. పిన్నక నాగేశ్వర రావు గారూ,
      మీ పూరణ బాగున్నది. అభినందనలు.

      తొలగించండి
  28. కీర్తిని నిల్పి మాతృ భువికిన్ తగు సేవల జేయ బోక, స
    ద్వర్తనుడైన వీరునిగ ధర్మము నెంచక, వీగి పారగా ,
    వర్తిల వీర సింగమటు వైరులు భీతిలి యోడి నీల్గగా ,
    భర్తను బైటకున్ దరిమె భారతనారి కళాప్రపూర్ణయై

    రిప్లయితొలగించండి
  29. కమ్మని తేటతెల్గు నుడికారము పద్యములందుజేర్చె వే
    రమ్మివి సూత్రపుంజములె రావిట నిర్వచనాలుగాని ఛం
    దమ్మును సంధి నిర్ణయము దాహరణమ్ముల నేర్వజాలరే
    బమ్మెర పోతనార్యుడొక వ్యాకరణమ్మును వ్రాసె దెల్గునన్

    రిప్లయితొలగించండి
  30. ఇమ్మహి భాషను‌ సూత్రము
    ఖమ్మున నెరపంగవచ్చు గాని ఋజువులే
    కమ్మని పద్యములనుగన
    బమ్మెర పోతన్న వ్రాసెవ్యాకరణమ్మున్

    రిప్లయితొలగించండి
    రిప్లయిలు
    1. పిట్టా సత్యనారాయణ గారూ,
      మీ రెండు పూరణలు బాగున్నవి. అభినందనలు.

      తొలగించండి
  31. ధూర్తుడు క్రూర రాక్షసుడు దుర్గణ శీలుడు పాప భీతి స
    ద్వర్తన లేనివాడు పర దారల కామ సుఖాతురుండు
    ర్వర్తన లేని సచ్చరితు రాలుగృహమ్మరు గన్ పరాలి దు
    ర్భర్తను బైటకున్ దరిమె భారతనారి కళాప్రపూర్ణయై

    రిప్లయితొలగించండి
    రిప్లయిలు
    1. గండూరి లక్ష్మినారాయణ గారూ,
      మీ పూరణ బాగున్నది. అభినందనలు.
      'పాపదూర సద్వర్తన లేనివాడు... 'అనండి.

      తొలగించండి
  32. అతిథులేతెంచి నారని యతివ చింత
    నమ్ము చేయుచు సరుకుల నవసరముగ
    తెమ్మని పురమాయించుచు తెలివితోడ
    భర్తను బయటకు దరిమె భరత నారి.

    2.ఇంటిలోని పనుల నెల్ల నింపుగాను
    చేసెదనని యడ్డుపడచు చెరుపుచుండ
    పిదప సరి జేసు కొననేల మొదటగానె
    భర్తను బయటకు దరిమె భరత నారి.

    3వ్యసనంబుల పాల్బడి వరుస దప్పి
    ఇల్లు గుల్ల చేయదలచ యింతి రోసి
    ఇట్టి వాని పొందు చెరచు నెల్లరనని
    భర్తను బయటకు దరిమె భరత నారి

    రిప్లయితొలగించండి
    రిప్లయిలు
    1. డా. బల్లూరి ఉమాదేవి గారూ,
      మీ మూడు పూరణలు బాగున్నవి. అభినందనలు.
      మూడవ పూరణ మొదటి పాదం ప్రారంభంలో గణదోషం. 'వ్యసనములకు పాల్పడి చెడి వరుస దప్పి' అందామా?

      తొలగించండి
  33. తల్లిదండ్రులు తోడుగా తమ్ముడొకడు
    వచ్చువేళాయె రైలుకే, తెచ్చుకొరకు
    కారు వేసుక బొమ్మని, కదలమనుచు
    భర్తను బయటకుదరిమె భరత నారి.

    రిప్లయితొలగించండి
  34. గోలి హనుమచ్ఛాస్త్రి గారూ,
    వచ్చేది తన వాళ్ళు. తరుమదు మరీ? అదే అత్తింటి తరఫు వాళ్ళైతే 'రైల్లో ఇంతదూరం వచ్చినవాళ్ళు ఆటోలో ఇంటికి రాలేరా? మీరెందుకూ వెళ్ళడం?" అనదూ?
    చాలా బాగుంది మీ పూరణ. అభినందనలు.

    రిప్లయితొలగించండి
  35. వర్తన గల్గినట్టి మన వారిజ నేత్రయు రాణి రుద్రమాం
    బార్తిగ సేవ జేసె తన పాలన నెల్లరు సంతసించగన్
    ధూర్తుడు యంబదేవు డధిదుర్గము పైనను పోర వైర భూ
    భర్తను బైటకున్ దరిమె భారతనారి కళాప్రపూర్ణయై

    రిప్లయితొలగించండి
    రిప్లయిలు
    1. ఫణికుమార్ గారూ,
      మీ పూరణ బాగున్నది. అభినందనలు.
      'రుద్రమాంబ+ఆర్తిగ' అన్నపుడు సంధి లేదు, యడాగమం వస్తుంది. 'ధూర్తుడు+అంబదేవుడు' అన్నపుడు సంధి నిత్యం, యడాగమం రాదు. 'వారిజనేత్రయు రుద్రమాంబ తా। నార్తిగ... ధూర్తుడు నంబదేవు...' అనండి.

      తొలగించండి
  36. గురువుగారూ మీ సవరణకి ధన్యవాదముల.

    వర్తన గల్గినట్టి మన వారిజ నేత్రయు రుద్రమాంబఁదా
    నార్తిగ సేవ జేసె తన నాడిక నెల్లరు సంతసించగన్
    ధూర్తుడు నంబదేవు డధిదుర్గము పైనను పోర వైర భూ
    భర్తను బైటకున్ దరిమె భారతనారి కళాప్రపూర్ణయై

    రిప్లయితొలగించండి
  37. భర్తల మంగళమ్మునకు భార్యలు జేసెడి పూజ నేడురా
    పూర్తిగ నీరజాక్షులది ముద్దుల గుమ్మల పేరటమ్మురా
    వార్తలు పంచబోవు భృగువారపు లక్ష్మికి నోమటంచుచున్
    భర్తను బైటకున్ దరిమె భారతనారి కళాప్రపూర్ణయై :)

    రిప్లయితొలగించండి