కవిమిత్రులారా,
ఈరోజు పూరించవలసిన సమస్య ఇది...
"కుంజరయూధ ముద్ధతినిఁ గోల్పడి చొచ్చెను దోమ కుత్తుకన్"
లేదా...
"కుంజరయూధమ్ము దోమ కుత్తుకఁ జొచ్చెన్"
ఈరోజు పూరించవలసిన సమస్య ఇది...
"కుంజరయూధ ముద్ధతినిఁ గోల్పడి చొచ్చెను దోమ కుత్తుకన్"
లేదా...
"కుంజరయూధమ్ము దోమ కుత్తుకఁ జొచ్చెన్"
రంజుగ పిల్లల కేళి స
రిప్లయితొలగించండిరంజామాలోన మిగుల రాకసి దోమల్
కుంజర చిరు ప్రతిముండిన
కుంజర యూధమ్ము దోమకుత్తుక జొచ్చెన్!!
జిగురు సత్యనారాయణ గారూ,
తొలగించండిరాకాసి దోమ బొమ్మల నోట చిన్న ఏనుగుల ప్రతిమలు దూరాయన్న మీ పూరణ బాగుంది.
'రంజు' శబ్దం మాండలికమే కాని గ్రాంధికం కాదు. 'రాకసి' అనే పదం లేదు. 'రక్కసి దోమలు' అనండి. 'కుంజర చిరుప్రతిమలు' అనడమూ దోషమే. మీ పద్యాన్ని ఇలా చెప్తే అన్వయం కుదురుతుందనుకుంటాను...
రంజిలఁగఁ బిల్ల లాడు స
రంజామాలోనఁ గలవు రక్కసి దోమల్
కుంజరముల చిరుప్రతిమలు;
కుంజర యూధమ్ము దోమకుత్తుకఁ జొచ్చెన్
రిప్లయితొలగించండిడ్రగ్ అడిక్షన్ లోకి జారి పోతున్న యువత
పంజాబు నందున యువత
గంజాయి పొగల జిలేబి గానమ్ములనన్
పింజారీలయ్యిరకట,
కుంజరయూధమ్ము దోమ కుత్తుకఁ జొచ్చెన్ !
జిలేబి
జిలేబీ గారూ,
తొలగించండిమాదకద్రవ్యాల దోమ గొంతులో యువకుంజరాల ప్రవేశం... మంచి భావన. బాగుంది.
రెండవపాదం చివర గణదోషం. 'గానమ్ములలో' అందామా? 'అయ్యిరి' సాధువు కాదు. 'పింజారీ లైరకటా' అనండి.
రంజను డనువా డొక్కరు
రిప్లయితొలగించండిడంజనపురి నావముక్క లానందముగా
నంజుచు జూడగ వచ్చిన
కుంజరయూధమ్ము, దోమ కుత్తుక జొచ్చెన్.
హ.వేం.స.నా.మూర్తి
హరి వేంకట సత్యనారాయణ మూర్తి గారూ,
తొలగించండిఆవముక్కలతో పాటు దోమలు గొంతు దిగడం బాగుంది. కుంజరయూధం వంటి దోమలు అనియా మీ భావం? కాని దోమ ఏకవచనమై అన్వయబాధ ఏర్పడుతుంది కదా! 'నంజుకొన నీఁగ లనియెడి। కుంజరయూధమ్ము...' అందామా?
మీ పూరణ నా చిన్నప్పటి ఆక్షన్ హీరో 'రంజన్'ను గుర్తుకు తెచ్చింది.
తొలగించండిఆర్యా!
తొలగించండినమస్కారం. మీ ఆరోగ్యం కుదుట పడిందని తలుస్తాను. మీ సూచన బాగున్నది. ధన్యవాదాలు, అయితే నేను "కుంజర యూధాన్ని చూడటానికి వచ్చినప్పుడు-దోమ కుత్తుకలో దూరిందనే భావన చేసి పూరించాను.
మూర్తి గారూ,
తొలగించండిమీ భావమే సరియైనది. నేనే సరిగా అవగాహన చేసికొనలేకపోయాను.
ఆరోగ్యం ఇంకా పూర్తిగా కుదుటపడలేదు. నిన్నటికంటే మెరుగు.
పంజరమున జంట చిలుకలు
రిప్లయితొలగించండిరంజిల్లుచు పలికె నంట లౌల్యము తోడన్
మంజులమిది చోద్యము వినగ
కుంజర యూధమ్ము దోమ కుత్తుకఁ జొచ్చెన్
అక్కయ్యా,
తొలగించండిచిలుక పలుకుల మీ పూరణ బాగున్నది. మొదటి, మూడవ పాదాల్లో గణదోషం. 'పంజరపు జంట చిలుకలు... మంజులము చోద్యము వినఁగ...' అనండి.
అంజని!వింటివెయీయది
రిప్లయితొలగించండికుంజరయూధమ్ముదోమకుత్తుకజొచ్చెన్
వింజామరలనుబట్టుకు
రంజింపగజేయరమ్మురయముగనిపుడున్
సుబ్బారావు గారూ,
తొలగించండిమీ పూరణ బాగున్నది. అభినందనలు.
ఈ కామెంట్‌ను రచయిత తీసివేశారు.
రిప్లయితొలగించండిఅంజనిసూతునిన్గొలిచెనార్తినివిష్ణునిరూపమౌటయౌ
తొలగించండికుంజరయూధముధ్ధతినిగోల్పడిచొచ్చెనుదోమకుత్తుక
న్గంజదళాయతాక్షుడనికానకనేరుగనాక్షణంబున
న్రంజనజేయగానతనిరావముతోడననయ్యెడన్సుమీ
సుబ్బారావు గారూ,
తొలగించండిపద్యం లక్షణంగా ఉంది. కాని సమస్యాపరిష్కారం? భావంలో సమగ్రత లేదు. అన్వయదోషం కూడా ఉంది.
[8/13, 9:04 AM] Chepuri Sreeramarao: పౌరుడెపార్ధునిగ నిలిచి
రిప్లయితొలగించండిభారతదేశమున నీతి భారత పెంచన్
వీరునిగపోరు చేసియు
భారతయుద్దమున నోడి పార్ధుడు సచ్చెన్
[8/14, 10:32 AM] Chepuri Sreeramarao: నేటి సమస్యాపూరణం
రంజుగ పలికెను మూగయు,
కుంజరయూధమ్ము దోమ కుత్తుక జొచ్చెన్,
పంజరముననగమిరికెను
రంజిలగ మూర్ఖమనముధర నసాధ్యమయెన్
చేపూరి శ్రీరామ్ గారూ,
తొలగించండిమీ 'భారత యుద్ధమున..' సమస్యాపూరణలో కొంత అన్వయలోపం ఉంది. భావం సుబోధకంగా లేదు. 'నీతి భారత'...? 'నీతి భారము పెంచన్' అందామా?
నేటి సమస్యకు 'తివిరి యిసుమున..' పద్యాన్ని బోలిన భావంతో పూరణ చెప్పారు. బాగుంది.
పంజరము నందు వ్యాధులు
రిప్లయితొలగించండిసంజాతం బవగ నరుని చైతన్యంబున్
భంజిల్ల జేయ నెనయగ
కుంజర యూధమ్ము దోమ కుత్తుక జొచ్చెన్!
పంజరము=శరీరము
ఎనయు=సరిపోల్చుకొను
శర్మ గారూ,
తొలగించండిదోమ వంటి శరీరంలో ఏనుగుల వంటి వ్యాధుల ప్రవేశం... బాగుంది మీ పూరణ. అభినందనలు.
'అవగ' అనడం సాధువు కాదు. 'సంజాతంబైన' ఆనండి.
ధన్యవాదములు గురువు గారూ
తొలగించండిమంజర కంపుయూటరట మాయలుబన్నె బ్రసారరంగమే
రిప్లయితొలగించండిఅంజలిజేయుబృందములకార్తిమగిల్చెనుమీటనొక్కప్రా
భంజనమన్న దృష్యశ్రవణాద్భజనల్ పరిపాటిజూడగా.కుంజర..
అంజనమయ్యెగంటికిప్ర
రిప్లయితొలగించండిభందనమయ్యెను యెల్ల భాషలన్జనజెడె నా సంస్కృత
కుంజరయూధంబు దోమ కుత్తుక జొచ్చెన్
పిట్టా సత్యనారాయణ గారూ,
తొలగించండిమీ రెండు పూరణలలో ముందుగా ప్రస్తావించవలసింది టైప్ దోషాలు. జాగ్రత్త వహించండి.
మీడియా వారి మాయాజాలాన్ని గురించిన మీ మొదటి పూరణలో భావం బాగుంది. కాని కొంత అన్వయలోపం ఉన్నట్టుంది. 'మంజర కంపుయూటరట'.. అర్థం కాలేదు.
రెండవ పూరణలో సంస్కృత పదాల కుంజరయూధం ప్రాంతీయభాష అనే దోమ కుత్తుకలో ప్రవేశించాయన్న మీ భావం బాగుంది. కాని అన్ని పాదాల్లోను గణభంగం జరిగింది. సవరించి మళ్ళీ పంపండి.
కంజదళాక్ష సఖుడు నరి
రిప్లయితొలగించండిభంజను డర్జునుని దక్క పాండవుల నటన్
భంజించె సైంధవు డకట
కుంజరయూధమ్ము దోమ కుత్తుకఁ జొచ్చెన్
అంజన మద్ది జూచిన మహాద్భుత మియ్యది కాన నేర్తుమే
పుంజు కొనంగ బాహు బలమున్ మశకమ్మున కెట్లు శక్యమౌ
గుంజది లేక యుండినఁ బ్రకోపపు మాటలు గాక యెక్కడా
కుంజరయూధ ముద్ధతినిఁ గోల్పడి చొచ్చెను దోమ కుత్తుకన్?
కంజదళాక్షునకత్యను
తొలగించండిగుంజెలువుడు సకల శస్త్ర కోవిద ఘనుడు ధ
నంజయుడోడె పథికులకు
కుంజర యూధంబు దోమ కుత్తుక జొచ్చెన్.
పూజ్యులు శంకరయ్య గారికి వందనములు. "భా" "భః" లకు యతి చెల్లుతుంది కదా. చందములో దోషము చూపు చున్నది. వివరించ గోర్తాను.
తొలగించండికామేశ్వర రావు గారూ,
తొలగించండిమీ మూడు పూరణలు బాగున్నవి. అభినందనలు.
మూడవపూరణ రెండవపాదం చివర గురువు ఉండాలి కదా!
ఛందం సాఫ్టువేరు సమగ్రం కాదనీ, లోపాలున్నవనీ దాని నిర్మాతలే చెప్పారు. దానిపై ఆధారపడవద్దు.
పూజులు శంకరయ్య గారికి వందనములు . ఆపూరణ పూర్వమెప్పుడో చేసినది. చూసుకోలేదు. ధన్యవాదములు. సవరించిన పూరణ తిలకించ గోర్తాను.
తొలగించండికంజదళాక్షున కత్యను
గుం జెలువుం డోడెను గలఁకున బోయలకు
న్నంజని సుతధ్వజుండును
గుంజరయూధమ్ము దోమ కుత్తుకఁ జొచ్చెన్
అవునండి. యతి మైత్రి గురించి అనుమాననివృత్తి కొరకడిగితిని. ధన్యవాదములు.
కామేశ్వర రావు గారూ,
తొలగించండిసవరించిన మీ పూరణ బాగున్నది. అభినందనలు.
కంజదళాక్షుడు తనదగు
రిప్లయితొలగించండిరంజితులైనట్టిసఖుల రసమయస్ఫూర్తిన్
సంజయునింటన్నిలచిన
కుంజరయూధమ్ము దోమ కుత్తుక జొచ్చెన్.
అంజయ నామముం బరగు నంకిత భావపు సేవకోత్తమున్
"రంజన గూర్చిమాకుపలు రమ్యరసాంచిత ఖాద్యరాసులన్
నంజుకొనంగజేయుమ"ని నవ్యవిలాసపు మంత్రులే యనన్
కుంజరయూధముద్ధతిని గోల్పడి చొచ్చెను దోమకుత్తుకన్.
మాన్యులు శంకరయ్య గారికి.. మీ ఆరోగ్యం కదుటబడినట్లు భావించుచున్నాను.మరల మీ సాహితీరంగ ప్రవేశం చూచి.
రిప్లయితొలగించండిపొన్నెకంటి సూర్యనారాయణ గారూ,
తొలగించండిమీ రెండు పూరణలు బాగున్నవి. అభినందనలు.
జ్వరం పూర్తిగా తగ్గలేదు. బ్లాగును చూడకుండా ఉండలేకపోతున్నాను.
మంజుల యోధముల తిరుగు
రిప్లయితొలగించండికుంజర యోధమ్ము , దోమకుత్తుక జొచ్చెన్
రంజిలుచు పగలు రేతిరి
గుంజుకు త్రాగిన రక్తము కూటము లందున్
అన్నపరెడ్డి సత్యనారాయణ రెడ్డి గారూ,
తొలగించండిమీ పూరణ బాగున్నది. అభినందనలు.
'యోధము' ఏ అర్థంలో ప్రయోగించారు. యుద్ధమునకు పర్యాయపదంగా నిఘంటువు చెప్తున్నది. యుద్ధము మంజులమంటారా?
యూధము - సమూహము అ నే అర్థంతో వాడాను . యోధము అని పొరపాటున టైపు అయి నది.
తొలగించండినేనూ అది టైపాటేమో అని మొదట అనుమానించాను.
తొలగించండిరంజింప జేసిన కవన
రిప్లయితొలగించండికంజరముల పొగడు ఘోణిగా నీ గళమున్
నంజలిడగ నా విదులకు
కుంజర యూధంబు దోమ కుత్తుక జొచ్చెన్!
(గురువు గారికి నమస్కారములు. “కుంజర యూధంబు దోమ కుత్తుక జొచ్చెన్!”- ఇలాంటి గొప్ప కవన చమత్కార వైభవాలతో రంజింప జేసిన కవి దిగ్గజాలకు, కవిత్వ పరంగా నొక దోమ లాంటి నేను నా గళముతో వారిని కీర్తించగా - కుంజర యూధము వంటి వారంతా దోమ వంటి నా గళమున ప్రవెశించారు కదా అన్నాది నా భావం. ఈ పద్య రూపంలో తెనాలి రామకృష్ణాది కవులకు వారిని ప్రోత్సహించిన కృష్ణ దేవ రాయలు ఆదిగా గల మహానుభావులందరికి అంజలై ఘటించే ప్రయత్నమిది. తప్పులేమైనా వుంటె సవరణలను తెలుప గోరుతాను.మీ ఆరోగ్యము మెరుగు పడినందుకు చాలా సంతోషంగా వుంది.
ధన్యవాదములు).
శ్రీధర రావు గారూ,
తొలగించండిమీ పూరణ బాగున్నది. అభినందనలు.
దోషాలేమీ నా దృష్టికి రాలేదు. 'కంజరము' దగ్గర కొంత సందేహించాను.
మంజరి కంపియూటరట మాయలు బన్నె బ్రసార రంగమే
రిప్లయితొలగించండిఅంజలి జేయ బృందములకార్తి మిగిల్చెనుమీటనొక్క ప్రా
భంజనమన్న దృశ్యశ్రవణాద్భజనల్పరిపాటి జూడగా.....
అంజనమయ్యెగంటికి ప్ర.భంజనమయ్యెను
.అంజనమయ్యె నాంగ్లము ప్ర
రిప్లయితొలగించండిభంజభంజనమయ్యెనుయెల్ల భాషలన్
రంజనజెడి నాసంస్కృత
కుంజరయూధంబు దోమ కుత్తుకజొచ్చెన్
నాలుగరువది కళలన నాదరముగ
రిప్లయితొలగించండిజూడగలవాడు జీవిత శోభగనడు
వితరణముసేయ నడుగని వేల్పు వెన్న
దొంగ పదసేవ జేయ నిధుల్ లభించు
యమనియమ సత్త్వ శోధన
రిప్లయితొలగించండిగమి నాచరణమున నుంచి గాంచుము కరుణన్
శ్రమ విలువ దెలియ కుండిన
యమునెక్కి లులాయము విహారము సేయున్
జన మనముల స్త్రీ వాదపు
రిప్లయితొలగించండిదినమే యిది కాదటన్న దిక్కెవరు సుమీ
మన చెల్లికి దగ దప్పటి
.కనికరమున్ జూప దగదు కాంతల పైన న్.
యుద్ధమన నాగరికతకునో యొజ్జయౌనె
రిప్లయితొలగించండిశాంతి పఠనమాచరణ సుశ్రమలు మేలు
పరుల బలమును శంకించ బనియె లేని
ఉత్తరుండర్జునుని కంటె నుత్తముండు
పిట్టా సత్యనారాయణ గారూ,
తొలగించండిసవరించిన మీ పూరణలు బాగున్నవి.
మొదటి పూరణలో కంప్యూటరును కంపియూటరు అన్నారు. ముందుగా అర్థం కాలేదు.
రెండవ పూరణలో 'భంజభంజన' అన్నచోట గణదోషం. 'అయ్యెను+ఎల్ల' అన్నపుడు సంధి నిత్యం. అక్కడ యడాగమం రాదు. 'చెడి+ఆ=చెడి యా' అని యడాగమం వస్తుంది.
*****
'దొంగ పదసేవ...' సమస్యాపూరణం బాగున్నది.
'యము నెక్కి...' సమస్యాపూరణం బాగున్నది.
'కనికరమున్...' సమస్యాపూరణం బాగున్నది.
'ఉత్తరుం డర్జునుని...'సమస్యాపూరణం బాగున్నది.
రంజిలు స్వర్గసీమను పురందరుడంత శతార ఘాతమున్
రిప్లయితొలగించండిభంజనజేసె త్వష్ట సుతు, బ్రాహ్మణ హత్యపు దోష భీతిచే
కంజపు నాళమున్ బరగి కర్మ ఫలంబున నుండెనక్కటా
కుంజరయూధ ముద్ధతినిఁ గోల్పడి చొచ్చెను దోమ కుత్తుకన్
ఫణి కుమార్ గారూ,
తొలగించండిమీ పూరణ బాగున్నది. అభినందనలు.
సంజుడు, చంద్రమౌళి, హరి సంయమి అత్రికి నాతిథేయమై
రిప్లయితొలగించండినంజుడు సేయవచ్చి సతి నగ్నగ వడ్డన సేయమంచనన్
కంజదళాక్షి మార్చె ననుకంపను వారిని పాపలై చనన్
కుంజర యూధ ముధ్ధతిని గోల్పడి చొచ్చెను దొమ కుత్తుకన్
కెంబాయి తిమ్మాజీ రావు గారూ,
తొలగించండిఅనసూయా ప్రస్తావనతో మీ పూరణ బాగున్నది. అభినందనలు.
అంజలి సేసి సూర్యసుతుఁ డాదటఁ బట్టెద నంచుఁ జెప్పఁ గా
రిప్లయితొలగించండిలాంజరుఁ డేగి యేగి యొక యంఘ్రిపకోటరమందు దాఁగె నా
మంజులమూర్తి వెంటఁ జనె మర్కుఁడు నందియు కంఠసర్పమున్
గుంజరయూధ ముద్ధతినిఁ గోల్పడి చొచ్చెను దోమకుత్తుకన్.
(సూర్యసుతుఁడు = శని; కాలాంజరుఁడు = శివుఁడు; మర్కుఁడు = చంద్రుఁడు)
అంఘ్రిపకోటరము = చెట్టుతొఱ్ఱ
తొలగించండిపూజ్యులు శంకరయ్య గారికి వందనములు. సాక్షాత్తు పరమేశ్వరునకే శని బాధలు తప్పలేదని వివరిస్తున్న మీ పూరణ మహాద్భుతముగానున్నది.
తొలగించండిధన్యవాదాలు!
తొలగించండికుంజరయూధ ముద్ధతినిఁ గోల్పడి చొచ్చెను దోమ కుత్తుకన్
రిప్లయితొలగించండిఅంజయ! తప్పదేఱికిని యాపదలందున లొంగి పోవఁకన్
రంజన హీనుడై సుతు సురక్షణకై విధిలేని దుస్థితిన్
అంజలి బట్టి వేడుకొనె నా వసుదేవుడు గాడిదన్ సుమా
లక్ష్మినారాయణ గారూ,
తొలగించండిమీ పూరణ బాగున్నది. అభినందనలు.
రంజిలె'దమరావతి'పురి
రిప్లయితొలగించండిబంజరు విలువగు ననుకొను బడుగుల యాశల్
భంజనమొనర్చ ధనికుల్
కుంజరయూధమ్ము దోమ కుత్తుక జొచ్చెన్.
రంజిలు వేళవచ్చె నమరావతి రాష్ట్రఁపు రాజధానిగన్
తొలగించండిబంజరు భూములెల్ల విలువందెడు నాశల భీదలుండగన్
భంజనమై దురాక్రమణ పర్వము జేయ దిగ్గజమ్ములున్
కుంజరయూధ ముద్ధతినిఁ గోల్పడి చొచ్చెను దోమ కుత్తుకన్
సహదేవుడు గారూ,
తొలగించండిభావైక్యంతో మీ రెండు పూరణలు బాగున్నవి.
మూడవపాదం చివర గణదోషం. దిగ్గజమ్ములున్, కుంజరయూధము అనడం పునర్తుక్తి అవుతున్నది. 'పర్వము జేయుచు జేర నాయకుల్.../పర్వము జేసిరి భూబకాసురుల్' అంటే బాగుంటుందేమో?
రంజిలు వేళవచ్చె నమరావతి రాష్ట్రఁపు రాజధానిగన్
తొలగించండిబంజరు భూములెల్ల విలువందెడు నాశల భీదలుండగన్
భంజనమై దురాక్రమణ పర్వము జేసిరి భూబకాసురుల్
కుంజరయూధ ముద్ధతినిఁ గోల్పడి చొచ్చెను దోమ కుత్తుకన్
గురుదేవులకు ధన్యవాదములు. మీ సూచిత సవరణ జేసితిని.
తొలగించండిరంజిలు చిత్రసీమ గన”రాక్షసమాయల మంత్రతంత్రముల్
రిప్లయితొలగించండిపుంజుకొనంగ నొక్కడటపూర్తిగమారియు సింగమవ్వగా|
అంజికచేత వేరొకడె ఆపరకాయ ప్రవేశవిద్యచే
కుంజర యూధముద్ధతినిగోల్పడి చొచ్చెనుదోమకుత్తుకన్
2.పుంజును దినగా పిచ్చుక
భంజించును కుక్కలున్న పట్టుచు బల్లే
ముంజేతికి మీసముగని?
కుంజర యూధమ్ము దోమ కుత్తుక జొచ్చెన్|
ఈశ్వరప్ప గారూ,
తొలగించండిమీ మొదటి పూరణ బాగున్నది. రెండవ పూరణలో అన్వయం లోపించినట్టుంది.
మీ పూరణ బాగుంది గురువుగారూ
రిప్లయితొలగించండిధన్యవాదాలు!
తొలగించండికుంజర ముఖమును బోలిన
రిప్లయితొలగించండిజింజర్ బిస్కట్లు కొన్ని చేతను బెట్టన్
మంజీర నోట కుక్కెను
కుంజర యూధమ్ము దోమ కుత్తుక జొచ్చెన్.
హనుమచ్ఛాస్త్రి గారూ,
తొలగించండిమీ పూరణ బాగున్నది. అభినందనలు.
రంజిల జేసె నాశ్రయుల నాశము జేసెను కానివారలన్
రిప్లయితొలగించండిభంజన మొందజేసె ప్రతిపక్షపు వ్యూహములన్ నియంతయై
మంజుల!యిందిరమ్మ తుది మాసెను రక్షకు గుండు దెబ్బకే
కుంజర......
మిస్సన్న గారూ,
తొలగించండిమీ పూరణ బాగున్నది. అభినందనలు.
ఈ కామెంట్‌ను రచయిత తీసివేశారు.
రిప్లయితొలగించండిమిత్రులందఱకు నమస్సులు! అనారోగ్యముచే నశక్తుఁడనై యిప్పటికి నీ పూరణ మొనర్పఁగలిగితిని.
రిప్లయితొలగించండి[కాశీపట్టణమును నివాస స్థానముగా నొనర్చుకొనుటకై తగు పరిస్థితులఁ గల్పించుటకు రవి నలినజ ప్రమథజన విఘ్నేశాదులఁ బంపఁగా, నట వారలకు నవకాశము లభింపమి, శివుఁడు విష్ణువును సపరివారముగఁ బంపఁగా, హరి బౌద్ధధర్మము ప్రవర్తిల్లఁజేసిన వృత్తాంతము నిట ననుసంధానించుకొనునది]
కంజభవున్ రవిన్ బ్రమథగణ్యుల విఘ్నవినాయకాదులన్
భంజన సేయఁ గాశి కనుపంగను వారలు మిన్నకుంటచే,
రంజనతోడఁ బంపె హరి లక్ష్మి ఖగేంద్రులఁ; బోల్చి చూడఁగాఁ
గుంజరయూధ ముద్ధతినిఁ గోల్పడి చొచ్చెను దోమకుత్తుకన్!
మధుసూదన్ గారూ,
తొలగించండివైవిధ్యమైన భావంతో ప్రశస్తంగా పూరించారు. అభినందనలు.
కాలుని మాయలు యువతుల
రిప్లయితొలగించండిపాలిటి శాపములు గావె పరికింపగ త
న్నేలెడు బతిగొంపోయి
పూలను సిగలోన తురుము పొలతులు గలరే .ప్రశ్నార్థకము.