కవిమిత్రులారా,
ఈరోజు పూరించవలసిన సమస్య ఇది...
"సత్య మింక కవనము నిస్సత్త్వ మయ్య"
ఈ సమస్యను పంపిన పోచిరాజు కామేశ్వర రావు గారికి ధన్యవాదాలు.
లేదా...
"కవనం బయ్యెను లుప్తసత్త్వ మది శ్లాఘ్యంబౌట బొంకే సుమా"
ఈరోజు పూరించవలసిన సమస్య ఇది...
"సత్య మింక కవనము నిస్సత్త్వ మయ్య"
ఈ సమస్యను పంపిన పోచిరాజు కామేశ్వర రావు గారికి ధన్యవాదాలు.
లేదా...
"కవనం బయ్యెను లుప్తసత్త్వ మది శ్లాఘ్యంబౌట బొంకే సుమా"
రిప్లయితొలగించండిసత్య మింకక, వనము నిస్సత్త్వ మయ్య !
సత్య మింక కవనము! నిస్సత్త్వ మయ్య
సత్య మింక కవనము నిస్సత్త్వ మయ్య !
సత్యమిది తెలిపిరి కంది శంకరయ్య !
జిలేబీ గారూ,
తొలగించండి__/\__
తొలగించండినిస్సత్వమగు నసత్యము
సత్య మింకక, వనము నిస్సత్త్వ మయ్య !
సత్య మింక కవనము! నిస్సత్వమగు న
సత్య మింక కవనము నిస్సత్త్వ మయ్య !
సత్యమిది తెలిపిరి కంది శంకరయ్య !
మొదటి వాక్యం లో వనము - సమూహము
సత్యమింకక - సత్యము యింకక ( యింకుట - సత్యము స్థిరము కాకబోతే )
జిలేబి
ఇంకక వనము, ఇంక వనము అన్న విభాగం ప్రశంసనీయం. కాని భావం సుబోధకంగా లేదు.
తొలగించండిఈ కామెంట్‌ను రచయిత తీసివేశారు.
రిప్లయితొలగించండిబతుకు తెరువునకు తెలుగు భాష వదిలి
తొలగించండిభావ మెరుగక జనులకు భార మయ్యె,
కవుల కాదరణ కరువై కలత చెందు
సత్య మింక కవనము నిస్సత్త్వ మయ్య
పొలిమేర మల్లేశ్వర రావు గారూ,
తొలగించండిమీ పూరణ బాగున్నది. అభినందనలు.
తెలుగు భాషకు పట్టెను తెగులు మెండు
రిప్లయితొలగించండివేద భాగము లన్నియు వాద మయ్యె
సాప్టు వేరుకు బానిస షిప్టు లందు
సత్య మింక కవనము నిస్సత్త్వ మయ్య
అక్కయ్యా,
తొలగించండిమీ పూరణ బాగున్నది. అభినందనలు.
అవురా! యెంతటి దుస్థితుల్ గలిగె నీయాంధ్రావనిం జూడగా
రిప్లయితొలగించండినవజాతంబగు బిడ్డకైన విధిగా నవ్వుల్, సమస్తార్థముల్
స్తవనీయంబని యెంతు రాంగ్లఫణితిం దానింక నస్మాకమౌ
కవనం బయ్యెను లుప్తసత్త్వ మది శ్లాఘ్యంబౌట బొంకే సుమా!
(హ.వేం.స.నా.మూర్తి)
విషయ సంక్రమణార్థంబు విస్తృతముగ
రిప్లయితొలగించండిపలురకంబుల నవ్యంపు పద్ధతులిల
ననిశ మాకర్షణీయంబు లగుచునుండ
సత్య మింక కవనము నిస్సత్త్వమయ్య
(హ.వేం.స.నా.మూర్తి)
హరి వేంకట సత్యనారాయణ మూర్తి గారూ,
తొలగించండిమీ రెండు పూరణలు బాగున్నవి. అభినందనలు.
ఉపశమన మివ్వ జాలక, నుల్లములను
రిప్లయితొలగించండిదాకి యార్ద్రత నిడలేని దగునె కవిత?
చేతనత్త్వము లేనట్టి వ్రాతలందు
సత్యమింక, కవనము నిస్సత్త్వమయ్య!
శ్రీధర రావు గారూ,
తొలగించండిమీ పూరణ బాగున్నది. అభినందనలు.
'.. జాలక యుల్లములను' అనండి.
శ్రవణా నందము జేయుచున్ కవులు తాశ్రావ్యంబుగా పద్యముల్
రిప్లయితొలగించండినవనీ తమ్మగు కావ్యముల్ మదిని యానందిం పగావ్రా సిన
న్నవనిన్ జూడగ నాంగ్లభా షయన నానందం బుగాలీ నమౌ
కవనం బయ్యెను లుప్తసత్త్వ మది శ్లాఘ్యంబౌట బొంకేసుమా
అక్కయ్యా,
తొలగించండిమీ పూరణ బాగున్నది.
కొంత అన్వయలోపం ఉంది. తాను ద్రుతం లోపించి తా అవుతుంది. కానీ తాము... తా కాదు.
జవసత్త్వంబు నొసంగు మూలికల వృక్షవ్రాతలుప్తంబులై
రిప్లయితొలగించండినవలావణ్యపు సోయగంబుల నదీనాట్యంబు లుప్తంబులై
శ్రవణానందము జేయుపక్షుల కిలారవప్రశస్తంబు లే
క, వనం బయ్యెను లుప్తసత్త్వ మది శ్లాఘ్యంబౌట బొంకే సుమా
సంపత్ కుమార్ శాస్త్రి గారూ యీరోజు మీరేదో పరధ్యానములో వ్రాసినట్లున్నారు.
తొలగించండి"జవసత్త్వములు" ద్వంద్వ సమాసము బహువచనము కద.
నాట్యంబు: ఏకవచనము; లుప్తంబులు:బహువచనము.
"కిలారవప్ర" లో గణదోషము. "కిలారావప్ర" అనవచ్చు.
"కిలకిల" ధ్వన్యనుకరణ పదము. "కిల" యని లుప్తమయిన యర్థభేదము.
మీ పద్యానికి నా సవరణ:
తొలగించండిజవసత్త్వంబు లొసంగు మూలికల వృక్షవ్రాతలుప్తంబునై
నవ లావణ్యపు సోయగంబుల నదీనాట్యంబు లుప్తంబునై
శ్రవణానందతరంగముల్ కిలకిలారావద్విపక్షాళి లే
క, వనం బయ్యెను లుప్తసత్త్వ మది శ్లాఘ్యంబౌట బొంకే సుమా
లావణ్యము, సోయగముల లో సూక్ష్మార్థ భేదమున్నదని యట్లే యుంచితిని.
సంపత్ కుమార్ శాస్త్రి గారూ,
తొలగించండివనంపై కవనం చెప్పి చేసిన మీ పూరణ బాగున్నది. అభినందనలు.
కామేశ్వర రావు గారి సూచనలను, సవరణలను గమనించండి
అతిశయోక్తి కొక హద్దు యవసరమ్ము
రిప్లయితొలగించండిచెఱువు కలదన్న గుంటైన దొరక వలయు
కడలి పొంగినదన నట తడియులేని
సత్య మింక కవనము నిస్సత్త్వమయ్య!
గుండా వేంకట సుబ్బ సహదేవుడు గారూ,
తొలగించండిమీ పూరణ బాగున్నది. అభినందనలు.
'హద్దు+అవసరము' అన్నపుడు సంధి నిత్యం, యడాగమం రాదు. 'అతిశయోక్తికి నొక్క హ ద్దవసరమ్ము' అనండి.
గురుదేవులకు ధన్యవాదములు. సవరించిన పూరణ:
తొలగించండిఅతిశయోక్తికి నొక్క హద్దవసరమ్ము
చెఱువు కలదన్న గుంటైన దొరక వలయు
కడలి పొంగినదన నట తడియులేని
సత్య మింక కవనము నిస్సత్త్వమయ్య!
ఈ కామెంట్‌ను రచయిత తీసివేశారు.
రిప్లయితొలగించండినిత్య చేత నొసంగును నియమ మెరుగ
తొలగించండిసత్య, మింక కవనము, నిస్సత్త్వ మయ్య
యో! తగినరీతి దానిని చేత గొనక
వట్టి మాటల పెట్టును పట్టి జూడ!
శిష్ట్లా శర్మ గారూ,
తొలగించండిమీ పూరణ బాగున్నది. అభినందనలు.
'చేతన+ఒసగు' అన్నపుడు సంధి లేదు. 'నిత్య చేతన నొసగును నియమ మెరుగ' అనండి.
సత్య మింకక వనము నిస్సత్త్వ మయ్య
రిప్లయితొలగించండికాదు గానెప్పటి కినది కమల !యరయ
కవన మనునది యొకగొప్ప కళయ సుమ్ము
సత్త్వ మే యది యట్లన సరియ కాదు
పోచిరాజు సుబ్బారావు గారూ,
తొలగించండిమీ పూరణ బాగున్నది. అభినందనలు.
'కాదు కాదెప్పటికి నది..' అనండి.
ఈ కామెంట్‌ను రచయిత తీసివేశారు.
రిప్లయితొలగించండిగణ సాధనక్రియా గమనులై నిస్సార పదముల నాశ్రయింపంగ నేల
తొలగించండిధృతి వీడి త్వరపడి యతిసాధనార్థము మతిలేని మాటల పతన మేల
ప్రాసప్రయాసలఁ బసలేని సుద్దుల ఘోరంపు భావమ్ము గూర్ప నేల
కవనంపు నెపమున నవమాన ధోరణి వినయమ్ము విలువలు వీడ నేల
భావ శుద్ధియ కరువైనఁ బద్య మేల
వ్యర్థ పద సంకులమ్మున కర్థ మేమి
చిత్త మలరింప నేర్వని వృత్త మేల
సత్య మింక కవనము నిస్సత్త్వ మయ్య
స్తవనీయాంశ విశేషభావ యుత శబ్దార్థప్రభా రాశినిన్
సువిశాలాస్వనితప్రమోద భరసంశోభం గవిత్వమ్మునే
యవమానింప విచక్షణా రహిత మోహావేశు లెట్లందురో
కవనం బయ్యెను లుప్తసత్త్వ మది శ్లాఘ్యంబౌట బొంకే సుమా
కామేశ్వర రావు గారూ,
తొలగించండికవిత్వం ఎలా ఉండరాదో చక్కగా వివరిస్తూ, కవిత్వ స్వరూపాన్ని ఆవిష్కరిస్తూ మంచి పూరణలు చెప్పారు. అభినందనలు.
పూజ్యులు శంకరయ్య గారికి వందనములు. ధన్యవాదములు.
తొలగించండిఅవనీగర్భములోని వారినిధు లేహర్షంబు నందించలే
రిప్లయితొలగించండికవి క్షీణించుచునుండె నౌర! సకలం బత్యుగ్రసంఖ్యాకులౌ
బువివారింగని, వీరలేమొ నదులన్ పోకార్చుచున్నార లిం
క వనంబయ్యెను లుప్తసత్త్వ మది శ్లాఘ్యంబౌట బొంకే సుమా.
(వనము=నీరు)
(హ.వేం.స.నా.మూర్తి)
హరి వేంకట సత్యనారాయణ మూర్తి గారూ,
తొలగించండిమీ పూరణ ప్రశస్తంగా ఉంది. అభినందనలు.
గావు కేకలు కూతలే కవన మనుచు
రిప్లయితొలగించండిచక్కనైనట్టి సాహిత్య చంపకమ్ము
పద్యమనినంత పలువురు పరుగు లిడగ
సత్య మింక కవనము నిస్సత్త్వ మయ్య
అవధానమ్మను తెల్గు సంపదయు నత్యాకర్షణీయంబులౌ
కవనంబుల్గల గ్రంధ రాజములు వీకంజెంది మూలన్ బడన్
నవ చైతన్య మనంగ రోత గలుగన్నారీతులౌ కూత లే
కవనం బయ్యెను లుప్తసత్త్వ మది శ్లాఘ్యంబౌట బొంకే సుమా
భాగవతుల కృష్ణారావు గారూ,
తొలగించండిమీ రెండు పూరణలు ప్రశస్తంగా ఉన్నాయి. అభినందనలు.
భావగాంభీర్య నవరసాస్వాదనకిల
రిప్లయితొలగించండినర్హమై,సార్థకంబయి హ్లాదమిచ్చు
నట్టిదే సత్కవితయన,నన్యమైన
సత్యమింక,కవనము నిస్సత్త్వమయ్య.
సత్యధర్మార్థ సద్భక్తి సాధనంబు
సవ్యమార్గాన దెలుపక సారహీన
భావ పదజాలముంజేర్చి భవ్యమన-న
సత్యమింక కవనము, నిస్సత్త్వమయ్య.
పొన్నెకంటి సూర్యనారాయణ గారూ,
తొలగించండిమీ రెండు పూరణలు బాగున్నవి. అభినందనలు.
కవనంబన్నది యద్భుతంపుకళ సత్కావ్యామృతంబున్ స్రవిం
రిప్లయితొలగించండిచు,వికాసంబదిపంచుచున్ రసము సుశ్లోకంబు గావింపదే!
యవినాశంబగు కీర్తిసంపదలు భవ్యంబైనతత్త్వంబు,లే
క,వనంబయ్యెను లుప్తసత్త్వమది శ్లాఘ్యంబౌట బొంకే సుమా
పొన్నెకంటి సూర్యనారాయణ గారూ,
తొలగించండివృత్తంలో మీ పూరణ బాగున్నది. అభినందనలు.
సత్య వాక్యాలు సాకెడి నిత్యగురువు
రిప్లయితొలగించండిలాభమాశకు లోభత్వ లక్షణాలు
గలిగి రచియించు కవనంబు నలుగుచుండ
సత్యమింక కవనము నిస్సత్త్వమయ్యె|
2.శ్రవణానందము నింపనట్టిదయి విశ్వాసంబు గోల్పోవగా
భవితవ్యంబుకు బాధ్యతాయుతపుసంప్రాప్తంబుజేకూరునా?
కవితాశక్తియు లేని కల్పనల నాకర్షించ శక్యంబటే?
కవనంబయ్యును లుప్తసత్త్వమది శ్లాఘ్యంబౌట బొంకేసుమా|
ఈశ్వరప్ప గారూ,
తొలగించండిమీ రెండు పూరణలు బాగున్నవి. అభినందనలు.
చక్కనైన కావ్యంబులు చతికిలబడ
రిప్లయితొలగించండిగావు కేకల గీతాలె ఘనత నొంద
పద్య రచనంబు లెల్లయు బడలి పోయె
సత్యమింక కవనము నిస్సత్త్వ మయ్యె.
డా. బల్లూరి ఉమాదేవి గారూ,
తొలగించండిమీ పూరణ బాగున్నది. అభినందనలు.
శ్రీగురుభ్యోనమః
రిప్లయితొలగించండిజవసత్వమ్ము లుడింగిపోయినవి భాషా జ్ఞానమే శూన్యమై
కవితావేశములెట్లు కల్గునట సంకల్పంబు లేకుండగాన్
యెవరేమన్నను మానరే మనసునన్ "E"విజ్ఞానమే నిల్వగా
కవనం బయ్యెను లుప్తసత్త్వ మది శ్లాఘ్యంబౌట బొంకే సుమా
శ్రీపతి శాస్త్రి గారూ,
తొలగించండిమీ పూరణ బాగున్నది. అభినందనలు.
'లేకుండగాన్+ఎవరు' అన్నపుడు యడాగమం రాదు. 'లేకుండగ। న్నెవరేమన్నను...' అందామా?
గురువుగారికి నమస్సులు. ధన్యవాదములు
తొలగించండిఆడలేక మద్దెల నోడు యన్న యటుల
రిప్లయితొలగించండిపద్యమున్ వ్రాయ లేనట్టి వనటు లెల్ల
వ్యర్థ భావనములతోడ వాగుచుంద్ర
సత్య, “మింక కవనము నిస్సత్త్వ మయ్యె”
అన్నపరెడ్డి సత్యనారాయణ రెడ్డి గారూ,
తొలగించండిమీ పూరణ బాగున్నది. అభినందనలు.
గురుదేవులకు నమస్సులు. కవిమిత్రులు చంద్రమౌళి సూర్యనారాయణ గారి నిన్నటి పూరణ పరిశీలించ ప్రార్థన.
రిప్లయితొలగించండిశిరముల్ లక్షలు ఖండనంబయె కురుక్షేత్రమ్ములో పోరునన్
కురురాజిచ్చట దున్నుటన్ వలననీక్షోణిన్ కురుక్షేత్రమం
దురు పుణ్యస్థలమై విరాజితమునెంతోగొప్పదైనట్టి యీ
మరుభూమిన్ లభియించుఁ గాదె విలసన్మాణిక్య రత్నావళుల్
ధన్యవాదములు అన్నపరెడ్డి వారూ...గురువుగారు సమీక్షించారు...
తొలగించండిశ్రవణానందము గల్గు రీతి రఘువంశంబంత కీర్తించుచున్
రిప్లయితొలగించండినవనీతంబగు హృద్య కావ్యమును ధన్యత్వంబు దా పొందుచున్
కవిరాజేంద్రుడు వ్రాయురీతి మరి శక్యంబౌన నేడీభువిన్
కవనం బయ్యెను లుప్తసత్త్వ మది శ్లాఘ్యంబౌట బొంకే సుమా
ఫణికుమార్ గారూ,
తొలగించండిమీ పూరణ బాగున్నది. అభినందనలు.
రిప్లయితొలగించండిజవరాలా నను వీడవెన్నడని యే సంకోచమున్ లేక నే
కవితల్ వ్రాసితినెందరో పొగడ నే గర్వించితిన్ కాని న
న్నవమానించితివీవు నా వలపు వద్దంచున్ ప్రియా యింక నా
కవనం బయ్యెను లుప్తసత్త్వ మది శ్లాఘ్యంబౌట బొంకే సుమా
( ఈ రోజన్నా ఉత్తీర్ణత సాధించానా మాష్టారూ!)
చంద్రమౌళి సూర్యనారాయణ గారూ,
తొలగించండిమీ ప్రణయకవితా ధోరణిలోనే చక్కని పూరణ చేశారు. అభినందనలు.
మధువు లూరెడు పదముల మధురిమలను
రిప్లయితొలగించండివీనులకు చేర నీయని వింత రొదల
తెలుగు సాహిత్య మీనాడు వెలుగు తగ్గి
సత్యమింక కవనము నిస్సత్త్వ మయ్య!!!
అన్య బాషల పైనున్న నమిత మోజు
మాత్రుభాషను లేదేల మహిని జూడ
తేనె లొలికెడు తెలుగున తీపి గనక
సత్యమింక కవనము నిస్సత్వ మయ్య!!!
శైలజ గారూ,
తొలగించండిమీ రెండు పూరణలు బాగున్నవి. అభినందనలు.
అవనీనాథకుమార! వీర! రఘురామా! తాటకీత్యాది దా
రిప్లయితొలగించండినవ దుశ్చేష్టల దండకావనము న్యూనం బౌటచే నేడు శు
ష్క వనంబయ్యెను లుప్తసత్త్వ మది శ్లాఘ్యం బౌట బొంకే సుమా
భవదీయాస్త్ర మహాగ్ని కీలలను కాల్పంబోక ప్రావేల్పులన్.
మిస్సన్న గారూ,
తొలగించండిమీ పూరణ అద్భుతంగా ఉంది. అభినందనలు.
గురువుగారికి ధన్యవాదాలు.
తొలగించండిఈ కామెంట్‌ను రచయిత తీసివేశారు.
తొలగించండిమిస్సన్న గారు మీ పూరణ చాలా బాగుంది. "తాటకీత్యాది" సంధి పరిశీలనార్హము. “తాటకి” తెలుగు పదము “ఇత్యాది” తత్సమము. అందుచేత సవర్ణదీర్ఘ సంధి వర్తించదు. తాటకికి సంస్కృత పదము “తాటకా” ఆకారాంత స్త్రీలింగము. తాటకేత్యాది సాధువు.
తొలగించండిఈ కామెంట్‌ను రచయిత తీసివేశారు.
తొలగించండిఈ కామెంట్‌ను రచయిత తీసివేశారు.
తొలగించండికవనంబున్ సరి గానమున్నెరుపనా కావ్యాళి వీరోక్తులే
రిప్లయితొలగించండిజవసత్వంబులు నాటి వీరులకునీ జాడ్యంపు కూర్పుల్ గన న్
శవయాత్రాసదృశాలు ధ్యేయరహితోత్సాహంబుపైపైనిదౌ
కవనంబయ్యెను.లుప్తసత్వమదిశ్లాఘ్యంబౌట బొంకే సుమా
నిత్యమనుమాట రక్షతి వృక్ష రక్ష.భృత్యననుకూల కాటక మృత్య్వ్దదేల.భత్యమును జీతములగను భవతకెగయ
సత్యమింకక .వనము నిస్సత్వమయ్యె.
ఈ కామెంట్‌ను రచయిత తీసివేశారు.
రిప్లయితొలగించండికవియేడీ యిల పోతనార్యు వలె తాకావ్యమ్ము నర్పించడో
రిప్లయితొలగించండిభువిలో సౌఖ్యము లొల్లగా ధనముకై భూపాలక శ్రేణికిన్
చెవిలో పూవులు పెట్టుచున్ పొగడగా శ్రీమంతు ధీరత్వమున్
కవనం బయ్యెను లుప్తసత్త్వ మది శ్లాఘ్యంబౌట బొంకే సుమా!