కవిమిత్రులారా,
ఈరోజు పూరించవలసిన సమస్య ఇది...
"స్వాతంత్ర్యమ్మున లాభ మందిరి గదా స్వార్థంపు నేతల్ ఘనుల్"
లేదా...
"స్వాతంత్ర్యము లబ్ధిఁ గూర్చె స్వార్థపరులకున్"
"స్వాతంత్ర్యమ్మున లాభ మందిరి గదా స్వార్థంపు నేతల్ ఘనుల్"
లేదా...
"స్వాతంత్ర్యము లబ్ధిఁ గూర్చె స్వార్థపరులకున్"
భీతిం జెందక దాస్యముక్తియె సదా విధ్యుక్త ధర్మంబుగా
రిప్లయితొలగించండిచేతంబందు దలంచి పోరి రపుడున్ క్షేమంబులం గూర్చి యీ
జాతిం గావగ వర్తమానము గనన్ సర్వత్ర దుష్టాత్ములై
స్వాత్రంత్ర్యమ్మున లాభ మందిరి గదా స్వార్థంబున్న నేతల్ ఘనుల్.
(హ.వేం.స.నా.మూర్తి)
హరి వేంకట సత్యనారాయణ మూర్తి గారూ,
తొలగించండిమీ పూరణ బాగున్నది. అభినందనలు.
నేను సమస్య పాదాన్ని గణదోషంతో ఇచ్చాను. మన్నించండి. తరువాత సవరించాను.
రిప్లయితొలగించండిమీ తంత్రంబులు వలదోయ్
మా తలలను మేము గాచి మా వృద్ధిని మే
మే తల పోసెద మనగన్
స్వాతంత్ర్యము లబ్ధిఁ గూర్చె స్వార్థపరులకున్
జిలేబి
జిలేబీ గారూ,
తొలగించండిఏమాత్రం వంక పెట్టే వీలు లేకుండా తీయని జిలేబీ వంటి పూరణ నిచ్చారు. అభినందనలు.
ఈ కామెంట్‌ను రచయిత తీసివేశారు.
రిప్లయితొలగించండిప్రీతిని స్వారాజ్యమ్మును
తొలగించండిచేతం గొని నారు నాడు శేముషి తోడన్
వీత ఫలమ్మయు దక్కిన
స్వాతంత్ర్యము లబ్ధి గూర్చె స్వార్థపరులకున్!
శిష్ట్లా శర్మ గారూ,
తొలగించండిమీ పూరణ బాగున్నది. అభినందనలు.
నేతలకృషిచేవచ్చెను
రిప్లయితొలగించండిస్వాతంత్ర్యము,లభ్ధిగూర్చెస్వార్ధపరులకున్
చింతింపదగినదేయది
సుంతైననునోపరాదుసుమ్మీవారిన్
సుబ్బారావు గారూ,
తొలగించండిమీ పూరణ బాగున్నది. అభినందనలు.
నేతలు దెచ్చిన స్వేచ్చయె
రిప్లయితొలగించండికోతలు కోయంగ నేడు కూర్చెను పదవుల్
మా తరమంచును దోచగ
స్వాతంత్ర్యము లబ్ధిఁ గూర్చె స్వార్థపరులకున్.
గుండా వేంకట సుబ్బ సహదేవుడు గారూ,
తొలగించండిమీ పూరణ బాగున్నది. అభినందనలు.
నీతి నియమముల జంపగ
రిప్లయితొలగించండిభీతిం జెందని మనుజులు పెద్దల మనుచున్
చేతుల నిండుగ దోచిరి
స్వాతంత్ర్యము లబ్ధి గూర్చె! స్వార్ధపరులకున్!
నిన్నటి పూరణను చిన్న మార్పుతో మరొక పద్యంగా చేశాను, చూడ గోరుతాను, ధన్యవాదములు.
తొలగించండిరంజనమొనరించిన కవి
కుంజరముల పొగడు ఘోణిగా నీ గళమున్
నంజలిడగ నా విదులకు
కుంజర యూధంబు దోమ కుత్తుక జొచ్చెన్!
శ్రీధర రావు గారూ,
తొలగించండిమీ పూరణ బాగున్నది. అభినందనలు.
సవరించిన మీ నిన్నటి పూరణ క్లిష్టతను కోల్పోయి ప్రశంసనీయ మయింది. 'నీ గళమే | యంజలి నిడ...' అనండి.
చేతోజాత వికార కర్మ చయ దుశ్శీలోగ్ర పాపాత్ములున్
రిప్లయితొలగించండివాతద్యుమ్న సువాజ తుల్య మహదైశ్వర్యోన్మదావేశులున్
తాతల్ తండ్రుల పేరు చెప్పుకొను విద్యా గంధ శూన్యాంగులున్
స్వాతంత్ర్యమ్మున లాభ మందిరి గదా స్వార్థంపు నేతల్ ఘనుల్
భీతిని వీడి చరింపగఁ
జేత నగునె మరి నిశీధిఁ జేడియల కిటన్
నేతల కబ్బును సుఖములు
స్వాతంత్ర్యము లబ్ధిఁ గూర్చె స్వార్థపరులకున్
పోచిరాజు కామేశ్వరరావు గారూ, మీ రెండు పూరణలు అద్భుతంగా ఉన్నవి. అభినందనలు.
తొలగించండిపూజ్యులు శంకరయ్య గారికి వందనములు. ధన్యవాదములు.
తొలగించండిజాతికిల మేలు గలుగగ
రిప్లయితొలగించండిపూతాత్ములుగాంధినెహ్రు మున్నగుత్యాగుల్
చైతన్యమంచుదెచ్చిన
స్వాతంత్ర్యము లబ్ధిగూర్చె స్వార్థపరులకున్
🇮🇳🇮🇳🇮🇳కవి మిత్రులందఱకు హృదయపూర్వక స్వాతంత్ర్య దినోత్సవ శుభాకాంక్షలు.🇮🇳🇮🇳🇮🇳
????????
తొలగించండిపొన్నెకంటి సూర్య నారాయణ రావు గారూ,
తొలగించండిమీ పూరణ బాగున్నది. అభినందనలు.
భీతిల్లన్ గని పౌరులెల్లరును నిర్భీతిన్ ప్రజావిత్తమున్
రిప్లయితొలగించండిమేతల్ మేయుచు నస్మదీయులకు తామే వేల్పులై వెల్గుచున్
కోతల్ కోయుచు దేశసేవ కొరకై కోట్లాయె నం చాడుచున్
స్వాతంత్ర్యమ్మున లాభ మందిరి గదా స్వార్థంపు నేతల్ ఘనుల్.
మిస్సన్న గారూ,
తొలగించండిమీ పూరణ ప్రశస్తంగా ఉంది. అభినందనలు.
చింతల్ బాపెదమంచు నాయకులు వైచిత్రమ్ముగా బల్కుచున్
రిప్లయితొలగించండిశాంతిన్నిల్పగ, దేశమొందునిక విశ్వంబందు విఖ్యాతినిన్
క్రాంతిన్నంచు స్వకీయ లాభమునకే కార్మోన్ముఖుల్ గాగ యీ
స్వాతంత్ర్యమ్మున లాభ మందిరి గదా స్వార్థంపు నేతల్ ఘనుల్
నేతలు గానయి పెక్కురు
కూతలు పలు కూసి తమదు కోర్కెలు దీరన్
జేతురు ధనసంపాదన;
స్వాతంత్ర్యము లబ్ధిఁ గూర్చె స్వార్థపరులకున్
భాగవతుల కృష్ణారావు గారూ,
తొలగించండిమీ రెండు పూరణలు చక్కగా ఉన్నాయి. అభినందనలు.
చైతన్యమ్మునఁ దల్లి సంకెలను ద్రుంచన్ సాగి రొక్కొక్కరో
రిప్లయితొలగించండికాంతుల్ చిందెడు త్యాగమార్గముల నీ ఖండమ్ములో నెందరో!
వింతై, నేడిట దుండగుల్ ప్రజలనే పెట్రేగి హింసించగా
స్వాతంత్ర్యమ్మున, లాభ మందిరి గదా స్వార్థంపు నేతల్ ఘనుల్
మడిపెల్లి రాజకుమార్ గారూ,
రిప్లయితొలగించండిమీ పూరణ బాగున్నది. అభినందనలు.
గురువు గారికి ధన్యవాదములు.
రిప్లయితొలగించండివింతేనిదివిన ప్రజలీ
రిప్లయితొలగించండిప్రాంతపు స్వేచ్ఛకోరిపోరి ప్రాణములిడ స్వా
హాతంత్రమయ్యె రాజ్యము
స్వాతంత్య్రము లబ్దిగూర్చె స్వార్ధపరులకున్
చేపూరి శ్రీరామ్ గారూ,
తొలగించండిమీ పూరణ బాగున్నది. రెండవ పాదంలో గణదోషం. 'వింతే యిది వినఁ బ్రజలీ। ప్రాంతమునకు స్వేచ్ఛఁ గోరి ప్రాణములిడి...' అనండి.
వ్రాతల్ మార్చియు నాయకోత్తములు సంపాదించ స్వాతంత్ర్యమున్
రిప్లయితొలగించండికోతల్ గోయుచు నీచబంధమున సంకోచంబునే నెంచకన్
స్వాతంత్ర్యమ్మున లాభమందిరి గదా?స్వార్థంపు నేతల్ ఘనుల్
ఆతంత్ర్యంబిలలో ప్రజా హితమనన్ హాస్యంబె నూహించగన్|
2.స్వాతంత్ర్యంబెవరికనగ?
యేతంత్ర్యంబెరుగకున్న?యేర్పడుకష్టాల్
లోతుగజేయించెడిదౌ
స్వాతంత్ర్యము లబ్ది గూర్చె|స్వార్థపరులకున్
ఈశ్వరప్ప గారూ,
తొలగించండిమీ రెండు పూరణలు బాగున్నవి.
మొదటి పూరణలో 'సంకోచంబునే యెంచకన్.. ఆ తంత్రం బిలలో..' అనండి.
రెండవ పూరణలో 'కనగ। నే తంత్రం బెరుగకున్న...' అనండి.
జాతి ప్రగతియే మతమని
రిప్లయితొలగించండికోతల నెన్నో సతతము కోయుచు బ్రతికే
ఘాతకుల రా జ్యమందున
స్వాతంత్ర్యము లబ్ధి గూర్చె స్వార్థపరులకున్
అన్నపరెడ్డి వారూ,
తొలగించండిమీ పూరణ బాగున్నది. అభినందనలు.
'బ్రతికే' అని వ్యావహారికాన్ని ప్రయోగించారు. 'కూసి బ్రతుకు నీ। ఘాతకుల...' అందామా?
రాతలు మారునని తలచె
రిప్లయితొలగించండిస్వాతంత్ర్యము వచ్చి మేలు సామాన్యుల కా
వంతయు చేయక పోగా
స్వాతంత్ర్యము లబ్ధి గూర్చె స్వార్ధపరులకున్.
వంతయు
రాతలు మారునని తలచె
రిప్లయితొలగించండిస్వాతంత్ర్యము వచ్చి మేలు సామాన్యుల కా
వంతయు చేయక పోగా
స్వాతంత్ర్యము లబ్ధి గూర్చె స్వార్ధపరులకున్.
వంతయు
పిన్నక నాగేశ్వర రావు గారూ,
తొలగించండిమీ పూరణ బాగున్నది. అభినందనలు.
యమనియమ సత్త్వ శోధన
రిప్లయితొలగించండిగమినాచరణమున నుంచి గాంచుము కరుణన్
శ్రమ మాన్పియు దయజూపిన
యమునెక్కి లులాయము విహారము సేయున్
పిట్టా సత్యనారాయణ గారూ,
తొలగించండిమీ పూరణ బాగున్నది. అభినందనలు.
నాలుగరు వది కళల న నాదరముగ
రిప్లయితొలగించండిజూడగలవాడు జీవిత శోభ గనడు
వితరణము జేయ నడుగడు వేల్పు వెన్న
దొంగ పదసేవ జేయ నిధుల్ లభించు
పూరుషు లబ్ధి నుండి తమ పుణ్యము వచ్చునటన్న సూక్తినిన్
రిప్లయితొలగించండికోరియొ కోరకో యఘపు కుంపటి నెత్తిన మోసి లేమికిన్
కారకు డాతడే యనుచు గద్దరిచేష్టల జేసి యిద్ధరిన్
కారణమేమిలేక నిజకాంతుని దూరరె కాంతలెల్లరున్
పిట్టా సత్యనారాయణ గారూ,
తొలగించండిమీ రెండు పూరణలు బాగున్నవి. అభినందనలు.
స్వాతంత్ర సమరయోధులు
రిప్లయితొలగించండిచైతన్యము కొరకు జూపె ఐక్యత నెపుడున్
నేతలు బలియై పొందిన
స్వాతంత్ర్యము, లబ్ధిఁ గూర్చె స్వార్థపరులకున్