కవిమిత్రులారా,
ఈరోజు పూరించవలసిన సమస్య ఇది...
"రతినిఁ బెండ్లాడె వారిజసుతుఁడు నిజము"
(ఆకాశవాణి వారి సమస్య)
లేదా...
"రతిని వివాహమాడెనఁట బ్రహ్మ నిజమ్మిది నమ్ము మిత్రమా"
ఈరోజు పూరించవలసిన సమస్య ఇది...
"రతినిఁ బెండ్లాడె వారిజసుతుఁడు నిజము"
(ఆకాశవాణి వారి సమస్య)
లేదా...
"రతిని వివాహమాడెనఁట బ్రహ్మ నిజమ్మిది నమ్ము మిత్రమా"
మాష్టారు...చంపకమాల పాదం యతి..?
రిప్లయితొలగించండిచంద్రమౌళి సూర్యనారాయణ గారూ,
తొలగించండిధన్యవాదాలు! సవరించాను.
నమ్మశక్యము గానిది బొమ్మనడత
తొలగించండిసృష్టిఁ జేసిన వాడైన దృష్టి మార్చి
మోహవశమున భారతిఁ బుత్రిక నను
రతినిఁ బెండ్లాడె వారిజసుతుఁడు నిజము
సహదేవుడు గారూ,
తొలగించండిమీ పూరణ బాగున్నది. అభినందనలు.
మైలవరపు మురళీకృష్ణ వెంకటగిరి
రిప్లయితొలగించండిపద్మగర్భుడు బ్రహ్మ శబ్దార్థరూప
యైన సితవర్ణ శోభయై యలరుచున్న
భారతిని దివ్య వాసరా వాస గుణ ని..
రతిని బెండ్లాడె వారిజసుతుడు నిజము !!
మైలవరపు మురళీకృష్ణ గారూ,
తొలగించండిశంకరాభరణం బ్లాగు మీకు స్వాగతం పలుకుతున్నది.
అద్భుతమైన పూరణతో బ్లాగులో అడుగు పెట్టారు. సంతోషం! అభినందనలు.
సాహితీమిత్రులకు వందనములు..అందరం కలసి యథాశక్తి సాహితీ సేద్యం చేసి రసవంతమైన మధుర పద్యఫలాలను ఆస్వాదిద్దాం..
తొలగించండిమన్మధుడనబడునొకడుమైధిలిసుత
రిప్లయితొలగించండిరతినిబెండ్లాడెవారిజసుతుడునిజము
వ్యాసవిరచితరచనలకాద్యుడవని
కాదె?దెలుపుడుమీరలుగవివరేణ్య!
సమస్య సుబ్బారావు గారూ,
తొలగించండిమీ పూరణ కొంత గందరగోళంగా ఉంది. రతి మైథిలి సుత ఎలా అయింది?
శoకరయ్యగాారికినమస్కాారములతో......ఈరతీమన్మధులులౌౌకికనాామధేయులు
తొలగించండివారిజ అనే ఆవిడ కొడుకు మన్మథుడనేవాడు మైథిలి అనే ఆవిడ కూతురు రతిని పళ్ళాడాడు. సరే! బాగుంది. కాని మూడవపాదానికి అన్వయం?
తొలగించండిఅతులిత మాధురీస్వనము లందరి వాక్కులలోన నింపగా
రిప్లయితొలగించండిసతతము వాగ్విలాసముల సంతసమొప్పగ నుండు దేవి వౌ
శ్రుతి లయ తాళముల్ గమక శోభలు సృష్టివిపంచి నొప్ప భా
రతిని వివాహ మాడెనట బ్రహ్మ నిజమ్మిది నమ్ము మిత్రమా.
మిస్సన్న గారూ,
తొలగించండిమీ పూరణ బాగున్నది. అభినందనలు.
పద్యం సుందరమ్.. సృష్టివిపంచి ప్రయోగం రమ్యం.. జయోస్తు..
తొలగించండి
రిప్లయితొలగించండిప్రతి నిమేషము పనిజేసి ప్రగతి గనుచు
అతి కొలది కాలమానము నందు అలసి
సొలసి మానస పుత్రిక సొబగు బ్రాహ్మి
రతినిఁ బెండ్లాడె వారిజసుతుఁడు నిజము
జిలేబి
జిలేబీ గారూ,
తొలగించండిమీ పూరణ బాగున్నది. అభినందనలు. ఇక్కడ రతి శబ్దానికి అనురాగముతో, అనురక్తితో అనే అర్థం స్వీకరించాలి.
మైలవరపు మురళీకృష్ణ వెంకటగిరి
రిప్లయితొలగించండిఅతులిత వేదవాఙ్మయ విహాయస పూర్ణ శశాంక , సాహితీ
సిత శతపత్ర పీఠి , కవిశేఖర మానసరాజహంస , మో..
దిత మృదు వైణికాస్వన , సుధీ రసనాగ్ర నివాస, వాణి, భా...
రతిని వివాహమాడెనట బ్రహ్మ నిజమ్మిది నమ్ము మిత్రమా !!
మురళీకృష్ణ గారూ మీ పూరణ భారతి పదపంకజముల చెంత సుమనోహర పరీమళాలను వెదజల్లే సుమరాజమై యలరారుతోంది.
తొలగించండిమురళీకృష్ణ గారూ,
తొలగించండిమిస్సన్న గారు చెప్పినట్లు మీ పూరణ మనోజ్ఞంగా ఉంది. అభినందనలు.
మైలవరపు మురళీకృష్ణ గారు మనోహరమైన పూరణ చేశారు. మీ వాక్పటిమ శ్లాఘనీయము. . అబినందనలు.
తొలగించండిసాహితీమిత్రులులందరికీ నమశ్శతమందారాలు.. ఈ శంకరాభరణాన్ని ఈ రోజే గమనించాను.. పద్యాలపై ఆసక్తి తో రెండు పూరణలు పంపించాను.. దోష గుణ విచారణ నిరభ్యంతరం.. ఆస్వాదించమని మనవి..
రిప్లయితొలగించండిమీ మురళీకృష్ణ
శ్రీ కంది శంకరయ్య గారికి నమస్సులు.. పోస్ట్ చెయ్యడం క్రొత్త.. అందుచే పుననర్ముద్రింపబడినవి తొలగించుచబడినవి. మన్నించండి..
రిప్లయితొలగించండిమురళీకృష్ణ గారూ,
తొలగించండిక్రొత్తగా పోస్ట్ చేస్తున్నపుడు ఇటువంటి తడబాటు సహజమే! పరవాలేదు.
కరమున కచ్ఛపీరవ సుగానము వాదన జేసి రంజిలన్
రిప్లయితొలగించండివరమయి వాక్కులందలరి భాగ్యము నిచ్చెడి మంజులాంగినిన్
సరసన జేర్చి సంఘటిల సంశయమున్
విడనాడి యొప్ప భా
రతిని వివాహమాడెనట బ్రహ్మ నిజమ్మిది నమ్ము మిత్రమా!
శిష్ట్లా శర్మ గారూ,
తొలగించండిమీ పూరణ బాగున్నది. అభినందనలు.
శర్మ గారూ, ప్రాసాక్షరము 'త' కదా.
తొలగించండిఅవునండి మన్నించాలి..తొందరలో గమనించలేదు
తొలగించండిప్రాస సవరించిన పద్యము:
తొలగించండిహితమయి కచ్ఛపీ రవ రహిన్ వెలయించుచు వాద మొప్పగన్
సిత కమలంబులం దొనరి సేమ
మెరింగి జగత్తునంతటన్
సతతము బ్రోచు వాణిగని
సంశయమున్ విడనాడి యొప్ప భా
రతిని వివాహమాడెనట బ్రహ్మ
నిజమ్మిది నమ్ము మిత్రమా!
తొందరలో శిష్ట్లా వారు, అస్వస్థత వల్ల నేనూ ప్రాసదోషాన్ని గమనించలేదు.
తొలగించండిశర్మ గారూ,
తొలగించండిసవరించిన మీ పూరణ బాగున్నది. అభినందనలు.
ధన్యవాదములు గురువు గారూ మీరు సరయిన పరీక్షలుచేయించుకొని తగిన మందులు వాడండి....ఆలస్యము చేయవద్దు...
తొలగించండిపూజ్యులు శంకరయ్య గారికి వందనములు. ఆంధ్ర భాషా ప్రాభవ కాంక్షమాణాభిమాన చేతస్కులు నౌత్సాహిక కవిచయ ప్రోత్సాహక మానసులునై నిస్వార్థ నిరపేక్ష హృదయులునై పద్మావతీ శ్రీనివాసమును మనోహర ధారావాహికగ ప్రచురించిన మీ మహోన్నత వ్యక్తిత్వమునకు శత సహస్రాధిక కృతజ్ఞతాభివందనములు.
రిప్లయితొలగించండిసప్తాంబోధిపరీతమైన భూవలయ ప్రజానీకమును, విశేషించి మన కవిపుంగవ కుటుంబములను కరుణా కటాక్ష వీక్షణములతో తరింప జేయవలెనని సర్వాంతర్యామియైన పద్మావతీ శ్రీనివాసుని వేడుకొంటున్నాను.
ఈ ద్విపద కావ్యము లోని గుణములను స్వీకరించి దోషములున్న తెలియ పరచవలెనని కోరుకుంటున్నాను.
భవదీయుడు
పోచిరాజు కామేశ్వర రావు
కామేశ్వర రావు గారూ,
తొలగించండిమీ కావ్య ప్రచురణను ఒక బాధ్యతగానే భావించాను. మీ రచనను పదుగురికి పరిచయం చేసే అదృష్టాన్ని కలిగించారు. మీకు నేనే ధన్యవాదాలు తెలుపుకోవాలి.
పద్మావతీ శ్రీనివాసం ద్విపద రమణీయముగా నున్నది.. శ్రీ పోచిరాజు కామేశ్వరరావు గారు పరిపూర్ణ శ్రీనివాస కృపా సంపన్నులు.. వారు మరిన్ని కృతి సుకృతాలతో శ్రీ పదార్చన చేయగలరని అభిలషిస్తూ.. మురళీకృష్ణ
తొలగించండిధన్యవాదములండి మురళీకృష్ణ గారు.
తొలగించండిమురళీకృష్ణ గారు మీరు ప్రచురించిన తర్వాత బాక్ బటను నొక్కిన తిరిగి ప్రచురణ మగును
తొలగించండికామేశ్వర రావుగారూ మీ పద్మావతీశ్రీనివాసం అద్భుతమైన ద్విపద కావ్యంగా అలరారుతోంది.
తొలగించండిసాధారణంగా నారికేళ పాకంలో సాగే మీ పద్యరచన (నా బోంట్లకు మాత్రమే నారికేళపాకం) ఈ ద్విపద కావ్యంలో అలతి పదాలతో సులభ బోధకంగా కథనానికి ప్రాథాన్యత నిస్తూ చక్కగా సాగింది. అమ్మవారు, అయ్యవారు మీ కావ్యకుసుమార్చనతో పులకించి ఉంటారు.
పూరుషులబ్ధినుండి తమ పుణ్యము వచ్చునటన్న సూక్తినిన్
తొలగించండికోరియొ కోరకో యఘపు కుంపటి నెత్తిన మోసి లేమికిన్
కారకుడాతడేయనుచు గద్దరి చేష్టల జేసి యిద్ధరిన్
కారణమేమిలేక నిజ కాంతుని దూరరె కాంతలెల్లరున్
సితవికసిత పద్మనివాసి చిన్మయ వద
రిప్లయితొలగించండిన సరసీరుహలోచన జ్ఞాన సార
పరిమళ విలాస సముచిత భాసుర నవభా
రతిని పెండ్లాడె వారిజ సుతుడు నిజము.
పొన్నెకంటి సూర్యనారాయణ రావు గారూ,
తొలగించండిమూడవపాదం చివర భా వల్ల గణదోషం. 'భాసుర గుణ। రతిని బెండ్లాడె...' అంటే ఎలా ఉంటుంది?
అవునండి.గమనించలేదు. మీరు చెప్పినట్లు "భాసుర గుణ-రతిని. బాగుంది. ధన్యవాదములండి.
తొలగించండిసతతము లోకవాసులకు జ్ఞానమొసంగగ నెంచి బ్రహ్మ భా
రిప్లయితొలగించండిరతిని సృజించి మోహమనురక్తిని బొందియు మాయజేత సం
హతిని తుషాగ్ని జ్వాలల దహించియు వేరొక దేహమంది భా
రతిని వివాహమాడెనఁట బ్రహ్మ నిజమ్మిది నమ్ము మిత్రమా
ఫణికుమార్ గారూ,
తొలగించండిమీ ప్రయత్నం ప్రశంసనీయం.
ఒకే వాక్యంలో 'భారతి' పునరుక్తమయింది. 'తృష'ను 'తుష' అన్నట్టున్నారు. అగ్నిజ్వాల లన్నపుడు గ్ని గురువై గణదోషం. 'తృషాగ్నికీలల' అనవచ్చు. వేరొక దేహమంది తా । రతిని (అనురక్తితో) అందామా?
సతతము లోకవాసులకు జ్ఞానమొసంగగ నెంచి బ్రహ్మ భా
తొలగించండిరతిని సృజించి మోహమనురక్తిని బొందియు మాయజేత సం
హతిని తృషాగ్ని కీలల దహించియు వేరొక దేహమంది తా
రతిని వివాహమాడెనఁట బ్రహ్మ నిజమ్మిది నమ్ము మిత్రమా
గురువుగారూ మీ సవరణకి ధన్యవాదములు. నేనుఇదివరలో తుషాగ్ని చదివినట్లు గుర్తు. కుమరిలభట్టు విషయంలో అనుకుంటున్నాను. కానీ ఈ విషయంలో తుషాగ్ని అన్వయం కాదేమో.
సత్య లోక నివాసుడు నిత్య సృష్టి
రిప్లయితొలగించండికార్య భార నిమగ్నుడు కమల నయన
శారదాసతి భారతి సతత భర్తృ
రతినిఁ బెండ్లాడె వారిజసుతుఁడు నిజము
రత జలజాస నాంచిత పరాగ సమన్విత గాత్ర శోభితన్
సిత మిహికాఘృణిజ్వలిత చిద్విభ వానన చారు మూర్తినిన్
నుత సురసంఘ తోషిత తనుద్యుతి భాసిత కీరహస్త భా
రతిని వివాహమాడెనఁట బ్రహ్మ నిజమ్మిది నమ్ము మిత్రమా
పోచిరాజు కామేశ్వర రావు గారూ,
తొలగించండిమీ రెండు పూరణలు మనోహరంగా, ప్రశస్తంగా ఉన్నది. అభినందనలు.
పూజ్యులు శంకరయ్య గారికి వందనములు. ధన్యవాదములు.
తొలగించండినవ ప్రజాపతులకు తోడు నారదాది
రిప్లయితొలగించండిజ్ఞానులకు వేద గర్భుడై జన్మ నొసగి
వాక్పతిగ తా సృజించిన భారతి నను
రతిని బెండ్లాడె వారిజ సుతుడు నిజము!
శ్రీధర రావు గారూ,
తొలగించండిబాగుంది మీ పూరణ. అభినందనలు.
కమల సూనుడు మదనుడు విమల మతిని
రిప్లయితొలగించండిరతిని పెండ్లాడె , వారిజ సుతుడు నిజము
గా వరిం చె కుమార్తెను కరము తృ ప్తి
అవని , నవనిజ పెండ్లాడె నాది విష్ణు
అన్నపరెడ్డి సత్యనారాయణ రెడ్డి గారూ,
తొలగించండిమీ పూరణ బాగున్నది. అభినందనలు.
తనయుని వలె పెంచెను మాయ ధరణిలోన
రిప్లయితొలగించండిచేర దీసిన వనితయె చేయి పట్ట
నెంచగ వివరము నెరుగుచు నెమ్మి తోడ
రతిను బెండ్లాడె వారిజ సుతుడు నిజము.
2.పసివయసు నందె తల్లిని బాయ గానె
మత్స్యమొక్కటి మ్రింగంగ మాయ చెంత
శంబరుని యింట పెరిగుచు చక్కగాను
రతిని బెండ్లాడె వారిజ సుతుడు నిజము.
3.మారు రూపము ధరియించి మాయదేవి
పెంచె బాలుని సుతువోలె ప్రేమ చూప
నబ్బురపడి మరుడు చిరు నగవు తోడ
రతిని బెండ్లాడె వారిజ సుతుడు నిజము.
చం:చతురత తోడ సర్వ జవ సత్వములన్ యిలలోన నా విరిం
చి,తనయపూర్వ సృష్ఠిని సృజించెను దివ్యము నౌ సుకాంతితో
మతియు చలించు నందమున మానిని యున్ సృజియించి తాను భా
రతిని వివాహమాడెనట బ్రహ్మ నిజమ్మిది నమ్ము మిత్రమా!
డా. బల్లూరి ఉమాదేవి గారూ,
తొలగించండిమొదటి పూరణలో మీరు లౌకిక వ్యక్తులను ప్రస్తావించినట్టున్నారు. అలాగైతే పూరణ బాగున్నది. మూడవ పాదంలో ఒక లఘువు ఎక్కువయింది. '...నెంచ వివరము...' అనండి.
రెండవ పూరణలో వారిజ అంటే లక్ష్మి అనీ, ఆమె సుతుడు మన్మథుడు (ప్రద్యుమ్నుడు) అనీ తీసుకున్నారన్నమాట! బాగుంది.
మూడవ పూరణ బాగున్నది.
నాల్గవ పూరణ బాగున్నది కాని వృత్తరచనలో కొద్దిగా తడబాటు కనిపిస్తున్నది. 'సత్వములన్+ఇలలోన' అన్నపుడు యడాగమం రాదు. భువిలోన... అందామా?
గురువుగారు క్షమించాలి నిన్నటి పద్యముగూడా పంపుతున్నాను
రిప్లయితొలగించండిస్వాతంత్ర్యోద్యమ యుద్ధమున్ నిరతమున్ సాగించి నాడెల్లరున్
స్వాతంత్ర్యంబు హరించినట్టి పర రాజ్యాంగ్లేయులన్ దర్మిరే
స్వాతంత్ర్యంపు ఫలంబులెల్లరిలనాస్వాదించ లేదెన్నగన్
స్వాతంత్ర్యమ్మున లాభ మందిరి గదా స్వార్థంపు నేతల్ ఘనుల్.
అతి పరమోన్నతంబయిన యత్భుత జ్ఞానమొసంగు వాణి స
న్మతుల నొసంగు వాక్జనని సద్గుణ సుందర కోమలాంగి దే
వతలును మెచ్చి నట్టి జన వందిత యా ధవళాంగి దివ్య భా
రతిని వివాహమాడెనఁట బ్రహ్మ నిజమ్మిది నమ్ము మిత్రమా!
గండూరి లక్ష్మినారాయణ గారూ,
తొలగించండిమీ రెండు పూరణలు బాగున్నవి. అభినందనలు.
మొదటి పూరణలో 'తరుము'ను 'తర్ము' అనడం చింత్యం.
రెండవపూరణలో వాగ్జనని.. టైపాటు వల్ల వాక్జనని అయినట్టుంది.
సతిపతి బంధమట్లుమనసందునజేర్చును విద్య,బుద్దినే
రిప్లయితొలగించండిశ్రుతిలయ రాగముంచివిన సొంపునునింపెడిశక్తి రూపిణే
హితమతి బంచి లోకబలహీనత మాన్పెడిదైవమైన భా
రతిని వివాహ మాడెనట బ్రహ్మ నిజమ్మిది నమ్ముమిత్రమా
భారతి రఘురాముని సుత కోరియుమన
రిప్లయితొలగించండిసిచ్చి చదువు సంధ్యలు గల నచ్చినతడు
మమత మాధవరావు సమ్మతిని దెలిపి
రతినిపెండ్లాడె “వారిజ సుతుడు”నిజము {వారిజ=వారికి జనించిన}
ఈశ్వరప్ప గారూ,
తొలగించండిమీ రెండు పూరణలు బాగున్నవి. 'రూపుణి+ఏ' అన్నపుడు 'రూపిణియే' అవుతుంది. వారిజ శబ్దానికి మీరిచ్చిన అర్థం కుదరదు. వారి తెలుగు పదం. దానికి జ చేర్చరాదు.
పతికి దరినుండబోక తా పరుగు లిడుచు
రిప్లయితొలగించండిసంతతమ్మక్షర జ్ఞాన సంపద నిడ
జనెడి చక్కని పడతి యౌ సతత భర్తృ
రతినిఁ బెండ్లాడె వారిజసుతుఁడు నిజము
కృష్ణారావు గారూ,
తొలగించండిమీ తాజా పూరణ బాగున్నది. అభినందనలు.
ఎక్కువగా జాతులు ఉపజాతులే వ్రాస్తూ వుండడం వల్ల వృత్తాలనేసరికి తడబాటండి.ఇంతకూ పద్యం కుదిరిందా అన్నయ్యగారూ
రిప్లయితొలగించండి
రిప్లయితొలగించండిపితరుడు పద్మనాభుడట పిల్చుచు జెప్పగ పెద్దకార్యమున్
మతినిడి మట్టిబొమ్మలకు మంచిగ పల్కుల నద్దిసృష్టి న
మృతమునుబంచ నాలుకను మీదనె పిల్వగ వచ్చునట్టి భా
రతిని వివాహమాడెనఁట బ్రహ్మ, నిజమ్మిది నమ్ము మిత్రమా!
గోలి హనుమచ్ఛాస్త్రి గారూ,
తొలగించండిమీ పూరణ బాగున్నది. అభినందనలు.
'అమృతము' అన్నపుడు అ గురువు కాదు, కనుక గణదోషం.
భూతంబన పూతంబెటు
తొలగించండిమా తంత్రమె మహిత మనెడు మాన్యులు కలినిన్
వే తంత్రములకు మేలగు
స్వాతం.............
జన సామాన్యుని వోటు సూటి బలమున్ జాజ్జ్వల్య త్రింశత్ ధృతిన్
రిప్లయితొలగించండిమనజాలందగు రాజకీయ నెపమున్ మౌనంబుగా దాల్చి తా
ననవద్యంపు పరాభవాలగడచెన్ ఆసారి తా గెల్వ నో
వనతా రత్నము...................
గతి మతి దప్పి విద్దెలను గాదని కన్నెల బుజ్జగించి వే
రిప్లయితొలగించండిశతుల బ్రయత్నపుం తతుల చక్కని చుక్కలవేటగాడు నో
శృతిమతి యైన కన్యను విశేషముగాను ప్రలోభపెట్టి బు
ర్ర తిని వివాహ మాడెనట బ్రహ్మనిజమ్మది నమ్ము మిత్రమా.
శ్రీగురుభ్యోనమః
రిప్లయితొలగించండికృతినొక హస్తమందు ఘన కీరము వేరొక హస్తమందునన్
శ్రుతులను బల్కు వీణియను శోభలొసంగెడు శుభ్ర భూషలున్
సతతము దాల్చు దేవతను సత్కవివర్యుల వాగ్వివేకభా
రతిని వివాహమాడెనఁట బ్రహ్మ నిజమ్మిది నమ్ము మిత్రమా
శ్రీపతి శాస్త్రి గారూ,
తొలగించండిమీ పూరణ బాగున్నది. అభినందనలు.
పెద్ద రూపమె తండ్రి ద దెద్దియైన
రిప్లయితొలగించండి.కమల. కరమున చిన్నడు గడుసువాడు
చుట్టు భ్రమియించు తుమ్మెద బట్టి గురు ని
రతిని బెండ్లాడె వారిజ సుతుడు నిజము
తగునద్దానిని కానిదానిని బలే తర్కాళినిన్ బోధనన్
రిప్లయితొలగించండితగునమ్మాయని జెప్పి ఉల్లి తనకున్ దప్పెట్లనే ధోరణిన్
వగలన్నేయుపదేశ మైన సరె నీవాంఛాదిగానున్న లో
భ గణంబందున నాస్తిరా గురువు విద్వాంసుల్ వినంజెప్పితిన్
సగ సగపు యువక పద్దెము
రిప్లయితొలగించండిలగుపించును శిశువునడక లట్టులె కావే
పగవారి బోలు. పాఠక.
భగణంబున గురువు నాస్తిపండితులారా.
పిట్టా సత్యనారాయణ గారూ,
తొలగించండిపైన వరుసగా మీ పూరణలన్నీ బాగున్నవి. అభినందనలు.
రిప్లయితొలగించండిరతిని వివాహమాడినది బ్రహ్మయ కాదుర మూఢమిత్రమా!
రతిని వివాహమాడినది రౌడిల మిత్రుడు మన్మథుండురా!
కుతుకముతో సృజించుచును కూడగ గోరుచు చక్కనైన భా
రతిని వివాహమాడెనఁట బ్రహ్మ నిజమ్మిది నమ్ము మిత్రమా!
రిప్లయితొలగించండిఅతియె సుమా కథల్! వినకు రా నరసన్న!సుశోభితమ్ముగా
రతిని వివాహ మాడె మకరాంకుడురా చెలికాడ చూడగా
నతుకులబొంత కైపదములా కవి రాట్టు చమక్కులౌత!భా
రతిని వివాహమాడెనఁట బ్రహ్మ నిజమ్మిది నమ్ము మిత్రమా!
జిలేబి