కులుకులు మారినంత ఘన కోకిల కంఠము మారిపోవునా కలుపుల దెచ్చి చేర్చినవి కాలము తో పర రాజ్య పాలనల్ అలకువ లున్న నేమి మన యాద్యుల భాషను తార్చి యుంచమే తెలుఁగు తెలుంగు తెల్గని సుధీవరు లెల్లరుఁ బల్కు టొప్పునే
సందర్భం :: శుభలేఖను ఇయ్యడానికి ఒక ఇంటిముందు నిలబడి, ఒక చిన్నబిడ్డ కనిపిస్తే, మీ అమ్మ నాన్న ఉన్నారా? ఉంటే పిలువమ్మా! అని అనగానే, వాళ్లు లేరని, మమ్మీ డాడీ ఉన్నారని, వాళ్లను పిలుస్తానని, ఆ చిన్నబిడ్డ పలుకుతూ ఉంటే, మన తెలుగు వెలిగిపోతూ ఉందని, భారత *దేశభాష లందు తెలుగు లెస్స* అని తెలుగు తెలుగు తెలుగు అని అన్నీ తెలిసిన పెద్దలు ఘోషించడం సమంజసమేనా ? అని ప్రశ్నించే సందర్భం.
ఆంగ్ల భాషాపదములవి యతిశయించె ప్రజల నాల్కల యాంగ్లము ప్రబలజొచ్చె తెలుగు కవులకావ్యములందె వెలుగుచుండె బ్రతుకునీయని భాషది బ్రతుకుటెట్లు? తెలుగు తెలుగని ధీవరుల్ వలుకదగునె?
కవిమిత్రులారా, నమస్కృతులు. ప్రపంచ తెలుగు మహాసభలలో భాగంగా నిర్వహిస్తున్న మెట్రామశర్మ గారి శతావధానంలో పృచ్ఛకుడిగా వచ్చాను. ఐదు రోజుల సమస్యలను షెడ్యూల్ చేశాను. ఈ ఐదు రోజులు మీ పూరణలను సమీక్షించలేను. దయచేసి పరస్పర గుణ దోష విచారణ చేసికొన వలసిందిగా మనవి.
పలుకు పలుకున తేనియ లొలుకు భాష
రిప్లయితొలగించండితెలుఁగు తెలుఁగని ధీవరుల్ వలుకఁ, దగునె
తెలుగు పలుకులు పలుకక కులుకు లొలుకు
ఆంగ్ల పలుకులు పలుకుట హాని కాదె!
దేశ భాషల నన్నిట తెలుగు లెస్స!
రిప్లయితొలగించండితల్లి లేనిదె భువిలోన పిల్ల లెచట?
వట్టి మాటల నిట్టివి కట్టి పెట్టు:
"తెలుఁగు తెలుఁగని ధీవరుల్ వలుకఁ దగునె?"
...ఇంత కన్నా చేత కాదు సార్! సమస్యయే సరిగా అర్ధం కాలేదు 😄
తొలగించండిదేశ భాషల నన్నిట తెలుగు లెస్స!
తల్లి లేనిదె భువిలోన పిల్ల లెచట?
తెలుఁగు తెలుఁగని ధీవరుల్ వలుకఁ దగు! నె
పమువ లదు; వట్టి మాటల పలుక వలదు !
"తెలుగు పలుకు లనంగను వలవదు మరి
రిప్లయితొలగించండివేదముల కొలదియగనె పేర్కొనుండు
తెలుగు తెలు "గని ధీవరుల్ వలుక;దగునె
సభల మనబాస పలుచన సలుపుటెల్ల?
ఈ కామెంట్‌ను రచయిత తీసివేశారు.
రిప్లయితొలగించండితేనె కురిపించు పదముల తీయ దనము
రిప్లయితొలగించండికవులు పండితు లల్లెడి కావ్య వనము.
తెలుఁగు తెలుఁగని ధీవరుల్ వలుకఁ , దగునె
యితర భాషల మోజున వెతను బడగ
తెలుఁగు తెలుంగు తెల్గని సుధీవరు లెల్లరుఁ బల్కు టొప్పునే
రిప్లయితొలగించండిపలుకులు భారతీ కరవిపంచిన మ్రోగెను సస్వరంబుగన్
పలికిన పల్కు పల్కు పలు భావములందున పంచదారగా
జలజల జాలు వారిన విశారద భాషయె తెల్గు కావునన్||
పలుకుటొప్పున్ + ఏ పలుకులు = పల్కుటొప్పునేపలుకులు
దేశ భాషల లో కడుఁ దియ్యన మన
రిప్లయితొలగించండితెలుఁగు తెలుఁగని ధీవరుల్ వలుకఁ, దగునె
తనివితో పరభాషను తగులుకొనుట
మాత్రుభాష వీడ వలదు ఛాత్రులార
కులుకులు మారినంత ఘన కోకిల కంఠము మారిపోవునా
రిప్లయితొలగించండికలుపుల దెచ్చి చేర్చినవి కాలము తో పర రాజ్య పాలనల్
అలకువ లున్న నేమి మన యాద్యుల భాషను తార్చి యుంచమే
తెలుఁగు తెలుంగు తెల్గని సుధీవరు లెల్లరుఁ బల్కు టొప్పునే
భాష లందు న మేటి యై పరి ఢ విల్లి
రిప్లయితొలగించండిమధుర సుధ వోలె వెలుగొందు మాన్యభాష
తెలుగు తెలుగని ధీ వ రు ల్ పలు క ;;దగు నె
తెలుగు సభల కు వెళ్ళక నలు క బూన
రిప్లయితొలగించండికలిగె మన్నన గద తెల గాణ మందు
తెలుఁగు తెలుఁగని ధీవరుల్ వలుకఁ దగు! నె
వముల కిక తావు లేదు! సభాస్థలిగ ర
బీంద్ర భవనము సయి జిలేబీయమయ్యె !
జిలేబి
మైలవరపు వారి పూరణ
రిప్లయితొలగించండిఘనముగా తెల్గు వెలుగగా *కల్వకుంట్ల*
*చంద్రశేఖరరావు* విశాల మతిని
సభల నడిపించి చూపె !., ప్రసంగమునకె
తెలుఁగు తెలుఁగని ధీవరుల్ వలుకఁ దగునె ?!
మైలవరపు మురళీకృష్ణ వెంకటగిరి
తెలుగు సరస్వతీప్రతిమ ., తేజము దానికి సంస్కృతంబు , పూ..
ర్వులు కవిసార్వభౌములె యపూర్వముగా దగ మేళవించినా
రిల కవితాప్రపంచపు విరించులు.,
సంస్కృతహీనమైనదే
తెలుఁగు తెలుంగు తెల్గని సుధీవరు లెల్లరుఁ బల్కు టొప్పునే !?
మైలవరపు మురళీకృష్ణ వెంకటగిరి
గు రు మూ ర్తి ఆ చా రి
రిప్లయితొలగించండి,,,,,,,,,,,,,,,,,,,,,,,,,, ,,,,,,,,,,,,,,
పదునగు , భావ నిష్ఫలపు , వ్యర్ధ నిరర్థక శబ్ద పుష్టితోన్
బదములు లేక వ్రాయవలె బద్యములన్ గవు లెల్ల రౌ ననన్ |
బద కఠిన ప్రయోగము నొనర్పగ వచ్చును , కాని భావమే
తుదకు స్ఫుటమ్ముగా మనకు దోచనిచో నుపయుక్త ముండునే ?
రిప్లయితొలగించండితెలుఁగు తెలుంగు తెల్గని సుధీవరు లెల్లరుఁ బల్కు టొప్పు! నే
తెలుగు జిలేబు లూర మజ తెల్పెద పబ్బము నేడు మాన్యులా
ర; లుకలుకల్ మరేల నయ! రండి! సభాస్థలి యెల్బియెస్నటన్
కలిసెద మయ్య యెల్లరును గట్టెద మయ్య ప్రణాళికల్ భళా!
స్వాగతం సుస్వాగతం
ఫ్రమ్ యెల్బీయెస్
జిలేబి
సైనింగ్ ఆఫ్ (ఆన్ :))
చీర్స్
జిలేబి
జిలేబిగారూ! మీరు హైదరాబాదులో ఉన్నారా?
తొలగించండిగురువుగారు ఈ నాలుగురోజులు అందుబాటులో ఉండరేమో!
తెలుఁగు తెలుఁగని ధీవరుల్ పలుకఁదగునె!
రిప్లయితొలగించండితెలుఁగు వెలుగని పామరుల్ కలలుఁగనగ
నౌర!పాశ్చాత్యు లీ భాష నాదరింప
వేద గీర్వాణముల్ వినిపించు నంధు!!
వినిపించు నందు అని చదువ ప్రార్ధన
తొలగించండితెలుఁగు తెలుంగు తెల్గని సుధీవరు లెల్లరుఁ బల్కు టొప్పు, నే
రిప్లయితొలగించండితెలుఁగు పదమ్మురాయలకు దేవుని దర్శన మిచ్చి బ్రోచె నా
తెలుఁగుకు కూడె దుర్గతిట తెల్గు ధరిత్రిఁ బరాయి భాషతో,
వెలుగ తెలుంగు సంతతము పెద్దలు తొడ్పడ దొడ్డ మేలగున్
కోట రాజశేఖర్ గారి పూరణ *
రిప్లయితొలగించండిసందర్భం :: శుభలేఖను ఇయ్యడానికి ఒక ఇంటిముందు నిలబడి, ఒక చిన్నబిడ్డ కనిపిస్తే, మీ అమ్మ నాన్న ఉన్నారా? ఉంటే పిలువమ్మా! అని అనగానే, వాళ్లు లేరని, మమ్మీ డాడీ ఉన్నారని, వాళ్లను పిలుస్తానని, ఆ చిన్నబిడ్డ పలుకుతూ ఉంటే, మన తెలుగు వెలిగిపోతూ ఉందని, భారత *దేశభాష లందు తెలుగు లెస్స* అని తెలుగు తెలుగు తెలుగు అని అన్నీ తెలిసిన పెద్దలు ఘోషించడం సమంజసమేనా ? అని ప్రశ్నించే సందర్భం.
నిలిచితి నింటిముందు, గణనీయముగా శుభలేఖ నీయగా,
పిలువుము నాన్న నమ్మ నని ప్రేమగ జెప్పగ, లేరటంచు తా
బలుకుచు, మమ్మి డాడి గలవారని, బిల్చెద నంచు, బిడ్డయే
పలుకగ, తెల్గు వెల్గె నని, భారత భాషల తెల్గు లెస్స యౌ,
*తెలుగు తెలుంగు తెల్గని సుధీవరు లెల్లరుఁ బల్కు టొప్పునే ?*
కోట రాజశేఖర్ నెల్లూరు
తలచిరి తల్లిదండ్రులిటు తప్పక బిడ్డ విదేశమందునన్
రిప్లయితొలగించండినిలిచి ధనమ్ము తెచ్చునని నిత్యము నెంచగనేటికక్కటా
కలలవి కల్లలైచనెను గంటములెత్తుచు ముక్తకంఠులై
తెలుఁగు తెలుంగు తెల్గని సుధీవరు లెల్లరుఁ బల్కు టొప్పు, నే
వెలుగులుజిమ్మిసంస్కృతికివేదికయైనతెలుంగుభాషనే
రిప్లయితొలగించండికలుగునత్రొక్కిపాలకులు గౌరవమిచ్చిరి నాంగ్లభాషకున్
మెలఁకువ వచ్చినేకముగ మేఘములన్ భువిదించురీతిగా
తెలుఁగుతెలుంగుతెల్గనిసుధీవరులెల్లరు బల్కుటొప్పునే?..
పాఠశాలలనాంగ్లంపు భాష వెలిగి
రిప్లయితొలగించండికాసులను కూడబెట్టంగ కడుపుగొట్టె
పాడు సర్కారటంచును బల్కెనొకడు
తెలుఁగు తెలుఁగని ధీవరుల్ పలుకఁదగునె!
ఆంగ్లభాషకు ప్రాధాన్యమధికమిచ్చి
రిప్లయితొలగించండిమాతృ భాష మాధుర్యము మరచిపోయి
ప్రభుత ప్రాచుర్యము కొరకు ప్రాకులాడ
తెలుఁగు తెలుఁగని ధీవరుల్ వలుకఁ దగునె
రిప్లయితొలగించండిఅవసరంబైన వేళల యందె గాక
సర్వవేళల యందును సంతసాన
తెలుఁగు తెలుఁగని ధీవరుల్ వలుకఁ, దగునె
వలదు మాతృభాష యనుట వాసియౌనె.
ఇతర భాషల పైనున్న యిచ్ఛ తోడ
పరుల భాషల నేర్చుచున్ వాసిగాను
తెలుఁగు తెలుఁగని ధీవరుల్ వలుకఁ దగునె
ల్లపుడు మంచిదే యౌగదా యవని యందు.
అన్నిభాషలగంటెనునరయతెలుగు
రిప్లయితొలగించండిశ్రేష్ఠమైనదియెంతయోచేవకలది
తెలుగుతెలుగనిధీవరుల్ వలుకదగునె
బలుకవచ్చునుహాయిగదెలుగునుడువు
పిలువగ మమ్మి డాడి యని పిల్లల గట్టడి జేయ బోక మో
రిప్లయితొలగించండిజులు వడి యాంగ్ల మాధ్యమము చుట్టును ద్రిప్పి తెనుంగు సంస్కృతిన్
జులుకన సేయ జోద్యముగ జూచుచు తీరికవేళ నయ్యయో
తెలుఁగు తెలుంగు తెల్గని సుధీవరు లెల్లరుఁ బల్కు టొప్పునే?
రాయలసభలో కర్ణాట మరియు నితర భాషా కవివరుల వేదన........
రిప్లయితొలగించండిపలుకుల తల్లికిన్ గనఁగ భాషలవన్నియు బిడ్డలౌను యే
వెలితియు చూపనోపదు కవిత్వము యందరి సొమ్ముగాదె మా
కిల కరనాటదేశమున నివ్విధి గాంచగఁ కృష్ణరాణృపా
తెలుఁగు తెలుంగు తెల్గని సుధీవరు లెల్లరుఁ బల్కు టొప్పునే
బాగుంది. సమస్యకు తగిన సందర్భమునెన్నుకున్నారు
తొలగించండిధన్యోస్మి శ్రీ సత్యనారయణ గారూ !
తొలగించండితెలుగు తెలుగని ధీవరుల్ పలుక! దగునె
రిప్లయితొలగించండితల్లి భాష మరువ నెంచి తప్పుకొనుట!
మాధ్యమంబెద్ది యైనను మన చదువుల
భాషగ తెలుగు వెలుగంగ వలయు నెపుడు!
గురువర్యులకు నమస్సులు. నిన్నటి, మొన్నటి నా పూరణలను పరిశీలించ ప్రార్థన.
ధన్యవాదములు.
ముదమును గొల్పెడి పదములె
గద కావలె పద్దెమునకు ఘనతను గూర్చన్
అదను, పదను నోచుకొనని
పదములు లేకుండ వ్రాయవలె బద్యములన్!
అల యమరాలయంబున సురావళి గ్రోలు దివౌకసాన్నమున్ ,
రిప్లయితొలగించండిజలజజు సన్నిధానమున శారద మీటు విపంచికాధ్వనిన్
దలపగజేయుగా తెను గనంగ | యదార్థ మి కందుచేతనే
తెలుగు తెలుంగు తెల్గని సుధీవరు లెల్లరు బల్కు | టొప్పునే
పలువలరాయుడా ! తెనుగు భాషిల కూరక వచ్చిరాని కూ
తల c బరభాషలో వదర ? దండుగ - చాలుర యూరకుండుమా
{ అమరాలయము = స్వర్గము ; దివౌకసాన్నము = అమృతము ;
తలపగజేయు = ఙ్ఞప్తికిదెచ్చు ; పలువ = తులువ ; }
కొలువున మాతృభాష తగు గుర్తొన గూడెడు లక్ష్యమెంచకన్
రిప్లయితొలగించండిపిలుపిడి యీ మహా సభల వేడుక జేయుచు నిర్వహించుచున్
బలమగు చిత్తశుద్ధి విడి భాషకు నావల యూతమీయకన్
తెలుఁగు తెలుంగు తెల్గని సుధీవరు లెల్లరుఁ బల్కు టొప్పునే?
ఈ ప్రపంచ మహా సభ లెల్ల దీర్చి
రిప్లయితొలగించండియైదు రోజులాడంబర మంద జూచి
పిదప చిత్తశుద్ధియె లేక వేడుకనుచు
తెలుఁగు తెలుఁగని ధీవరుల్ వలుకఁ దగునె?
పరుల పాలనయందున బడులలోన
రిప్లయితొలగించండిమొదలుపెట్టిన చదువులు మోసులెత్తి
మ్రానులై నేటియువతను మార్చివేసె
వలస వెళ్ళుట కనువైన వాక్కునేర్చి
మాతృభాషను మరచిన మలితరంబు
గనుచు నెట్లు ఘోషింపను గల్గునార్య?
తెలుగు తెలుగని ధీవరుల్ వలుకదగునె?
ఆంగ్ల భాషాపదములవి యతిశయించె
ప్రజల నాల్కల యాంగ్లము ప్రబలజొచ్చె
తెలుగు కవులకావ్యములందె వెలుగుచుండె
బ్రతుకునీయని భాషది బ్రతుకుటెట్లు?
తెలుగు తెలుగని ధీవరుల్ వలుకదగునె?
తెలుగు తెలుగని ధీవరుల్ వలుకదగునె?
రిప్లయితొలగించండి“మాతృభాషయు తోటలో మాటువేసి
కలుపు మొక్కల నాంగ్లమ్ము కలతబెంచ?
తీసివేయక ఫలితమ్ము తీరుమారు”
రక్షణార్థమే పలుకులు కక్ష గాదు
౨ తెలుగు తెలుంగు తెల్గని సుధీవరులెల్లరుబల్కు టొప్పునే?
తెలుగన?లెస్స|రాయాలన ,ధీక్షగనేర్చెను”బ్రౌను నాంగ్లుడై|
నిలిపెను వేదసారమును నిత్యము|నన్నయభారతమ్మునన్
తెలిపెను భక్తిభావనల దీప్తిని పోతన గ్రంధకర్తయై|
.
పలుక తొలి పలుకును నొక లలిత సుకవి
రిప్లయితొలగించండితెలుఁగునఁ గులికి కిలకిల కలవరమున
వలదు వలదింక వడి వడిఁ దలఁగు తలఁగు
తెలుఁగు తెలుఁగని ధీవరుల్ వలుకఁ దగునె
లలితము భార తావని చెలంగును మిక్కిలి పెక్కు భాషలం
దలరును నిత్యమున్ మత వితాన సుసంహిత భాసితమ్ముగం
జెలువపు టన్య భాషఁ గవి శేఖరుఁ డొక్కఁడు వల్కి నంతటం
దెలుఁగు తెలుంగు తెల్గని సు ధీ వరు లెల్లరుఁ బల్కు టొప్పునే
కవిమిత్రులారా,
రిప్లయితొలగించండినమస్కృతులు.
ప్రపంచ తెలుగు మహాసభలలో భాగంగా నిర్వహిస్తున్న మెట్రామశర్మ గారి శతావధానంలో పృచ్ఛకుడిగా వచ్చాను.
ఐదు రోజుల సమస్యలను షెడ్యూల్ చేశాను.
ఈ ఐదు రోజులు మీ పూరణలను సమీక్షించలేను.
దయచేసి పరస్పర గుణ దోష విచారణ చేసికొన వలసిందిగా మనవి.
సార్! చాలా సంతోషం! ఐదు రోజులూ ఆనందంగా గడపండి... నేను ఇక్కడ తోక విప్పేస్తాను!
రిప్లయితొలగించండి🐒🐒🐒
తొలగించండిచాలా సంతోషం సార్ !
మీ లీవు సమయములోన మీ యనుమడ నే
వాలంబిప్పెద నయ్యా
జాలము లోనన్ జిలేబి సాయము గానన్ :)
జిలేబి
బాబోయ్ కొత్త (కపివరులు)కవివరులను చూస్తే భయమేస్తోంది
రిప్లయితొలగించండిపలుకు తేనెల కురిపించు బాసనుచును,
రిప్లయితొలగించండిదేశభాష లన్నిటనుకీర్తిని వహించె
తెలుగు తెలుగని,ధీవరుల్ పలుక,దగునె
యితర దేశభాషల మెచ్చినుతులజేయ
ప్రపంచ తెలుగు మహాసభలు ప్రారంభ శుభాకాంక్షలు
రిప్లయితొలగించండిఅందరికీ
రిప్లయితొలగించండిదేశ భాషలందున కడు తీపి భాష
మధువు నిడు భాష మిక్కిలి మధుర భాష
తెలుగు తెలుగని ధీవరుల్ పలుక,దగునె
తెలుగు విడనాడి పరభాష పలుకులెంచ
అలుగుచు నర్ధసున్నలని హైరన నొందుచు మాతృభాషనున్
రిప్లయితొలగించండిపలుకుట కష్టమయ్యెనని పండిత మండిత సంస్కృతమ్ములన్
ములుగుచు నేను మొత్తుకొన ముచ్చట తీరగ లెస్సవింటినే:👇
"తెలుఁగు తెలుంగు తెల్గని సుధీవరు లెల్లరుఁ బల్కు టొప్పునే"